Summary squeezer 🧪

بسم الله الرحمن الرحيم منشور رقم(72) السلام عليكم ورحمة الله تعالى وبركاته 👋✨ تيم summary squeezer الحلوين الليلة ح نتكلم عن 》》》Types of Immunity طيب لمن يقول ليكم في حرامي في البيت او في حاجة ح تهاجمك 😱اول حاجة بتفكر فيهاشنو؟! 🤔اكيد عصاية .. سكين ..مسدس او اي شي جمبك عشان *تدافع بيه عن نفسك* صح؟! طيب هل مرة فكرت اذا العدو دا كان ميكروب 🦠 او جسم غريب 👹👹ودخل جسمك هل جسمك ح يدافع ويشوف ليه عصاية زينا ولا ح يخلي الاجسام الغريبة تسرح وتمرح ⁉️🧐 اكيددد طبعا جسمنا ح يدافع وم بسكت 💪😎(افووو سكات شنو كمان😂) تعالو مع بعض نشوف كيف جسمنا ح يدافع ويحمي نفسو 💢طيب في البداية عندنا مفهومين اساسين لازم نعرفهم 💢1-Immune system ودا طبعا جهاز المناعة يعني هو المسؤول من الdefense mechanism :-استتتاااد مناعة دا شنو؟! ( صبرا يبل الابري ماف) 😂 دا المفهوم التاني عندنا الليلة تعالو مع بعض نشوف المناعة دي شنو 💢2- *Immunity* او المناعة وهي (defense mechanisme) بحكمة ربنا هي وسيلة الدفاع البواسطتها بندافع بيها عن اي جسم غريب بدخل جسمنا سوا (microorganisms or toxins) :- ااا يعني دي وزارة الدفاع حقتنا?!👊 بالضبط كدا 📌📌:- استااااااد انت قبيل قلت immune system يعني دا جهاز جوانا زي جهاز التنفس والGIT ?! وعندو مكان عديل؟! سؤال كويس يبني 👏الimmune system هو جهاز لكن م عندو مكان محدد زي الrespiratory system يعني ما حاجة solid وهو بنلقاه (network of cells,tissues,, organs and chemical substance)اللي هي طبعا work together to mediate the resistance of infections” للعملو رايحين وقروا انجليزيني دا ^لللللل ^بس قلت الشبكة دي بتشتغل مع بعض عشان تقاوم العدوى"😂😂 :- سؤال اخير طيب كيف المناعة دي بتفرق بين خلايا جسمنا الاصلا قاعده والخلايا الغريبة الدخلت ؟!🤔 📌📌ممتاز جدا ودي تُعتبر من اهمم خصااااائص المناعة ~بنوعيها~ مناعتنا و سبحان الله can distinguish self from non self antigens. يعني بتقدر تفرق بين خلايانا والخلايا الغريبة 👹الدخلت :- طيب هل ممكن ما تفرق بينهم وتهاجم خلايانا ⁉️ ايووووه بحصل ودا معناها في disease والامراض الزي دي بنسميها *autoimmune disease* 🤧 :- نوعيها؟! في انواع من المناعة يعني ⁉️ ايوا عندنا نوعين من المناعة الا وهم ⚜️🌻1-*Innat immunity * ⚜️🌻2-*acquired immunity يلا نشرح ال⚜️🌻Innate immunity بنسميها ال( natural immunity ) وبرضو (nonspecific immunity ) اول شي يعني شنو كلمة innate؟؟! يعني بدائية او فطرية( من الفطرة يعني) ودا معناه انو اتولدنا بيها 👩‍🍼يعني من بطون امهاتنا طلعنا بيها وبكدا يبقى الوظيفة الرئيسية للinnate immunity هي *protection*. From microbs والوظيفة التانية وهي ثانوية اكيد طبعا elimination of already entered microbes يعني يا تحمينا قبل ما تدخل المكروبات يا بعد تدخل لينا تتخلص لينا منها (بديهيا كدا😂) 📌📌معلومة مهمة Innate immunity not just for humman also in plants 🍀or animals 🐂🦒 طيب تاني نشوف اعضاءومكونات الinnate immunity 1-Physical (Epithelial ) barriers. 2- Chemical barriers. 3- Cellular (phagocytic) barriers. 4- Cytokines. 5- Plasma proteins. 6- Complement system نمسكهم واحد واحد 1 -physical barriers بالضبط كدا دا زي الباب 🚪او الحائط يعني بمنعو لينا دخول الميكروبات من خلالهم وديل A- skin وملحقاته من الnails &hair 💅وم ادراك B- Mucous membranes of the gastrointestinal tract. C-Ciliated epithelia in the respiratory tract. وطبعا مدام في فيزكال لازم يكون في 🧐!! 2-chemicals barrier وديل ناس body secretion زي (saliva 😰💦&mucuos&HCL) وطبعا الmucous دا بتعلق بيه الميكروبات وبطلع لينا على شكل sputum (بلغم اكرمكم الله)🤢 3-cellular barrier وديل بشملو لينا جزء من WBCs 🧫هم ال *neutrophils ¯ophages * ومعاهم الnatural killer cell وطبعا ديل ما ح نطّرق ليهم كتير هنا (ركزتو مع هنا دي؟! بتلقوهم في منشور خاص بيهم😂وراك وراك😂) كان واقف اقعد وكان قاعد قوم 🙂وركز معاي في النقاط دي 👇☕️ 1 - طبعا عارفين ال (neutrophils +macrophages)بتعمل phagocytosis 😬 2- طيب يعني هم لمن يعرفو في مكروب بمشو ببتلعوه صح؟! 😠 3- كيف بعرفو المكروب دا ؟!!!! 🤨🤨 بعرفوه عن طريق recepters ايوا يا سيدي هم عندهم recepters بتجيهم اشارات اذا دخل جسم غريب 👹 ( زي مثلا نحن ما عندنا double strand RNA ف لو دخل يبقى غريب ولا ما غريب ؟! غريب اكيد فطوالي بتجي اشارة عبر الريسبتر ليهم عشان يبتلعوه😋 وفي غيروrecepters كتييير بتعرف على حاجات تُعتبر غريبة عشان هي ما في تكوينات جسمنا والrecepter دي نحن بنسميها *pattern recognise recepters*

🔹المهم ما علينا يلا نركز ..قال ليك ال rectum دا بنحرف لليسار شوية لكن بعداك برجع لل median plane عادي 😄 🔹في حاجة إسمها anorectal angle بسبب ال puborectalis portion of the levator ani muscles بعمل ليك زي رافعة كدا فبتحصل الangle🫤 🔹قال ليك ال peritoneum بغطي ليك ال الجزو الأمامي والجمبات بتاعت التلت الأول من ال rectum والجزو الأمامي من التلت البي النص أما التلت الأخير لا لامي في بلح الشام ولا عنب اليمن🤡 🔹ال rectum عندو transverse folds العملها ال mucous membrane & circular muscles ...ال transverse folds في وحدة يمين واتنين يسار فوق وتحت (أمشي شوف صورة يا زول عشان تفهمها😑) 🔺 Blood supply :- -The superior, middle, and inferior rectal arteries - ال superior من ال inferior mesenteric artery (و بغزي ليك ال mucous membranes ) -ال middle من ال internal iliac artery (وبمشي لل muscular coat) -ال inferior من ال internal pudendal artery (from the internal iliac artery) -بعداك كلهم كدا عاملين anastomosis مع بعض - وأخوانهم الفينات (viens) لمن يتحدوا بعملو anorectal portal–systemic anastomosis (كان ما مشيت شفتهم عديل في رسمة ما تقول فهمتها😒) 8) Anal canal (القناة الشرَجيّة):- الصراحة مافيها حاجة كدا بس انها بعد الrectum من الtip بتاعت coccyx و بغزوها ال rectal arteries مع الrectum وخلاص نهايتها الanus وانتهينا 🤷 اخخخخخ أخيراً الحمد لله 😆😌 شكراً لوصولكم لي هنا😂 هاكم وردة🌷 والعفو والعافية عن أي خلل أو نقص أو خطأ

Anatomy of the Large intestine (2) طيب يلا نتم ما بدأناهو ونواصل في باقي الlarge intestine وكان أخر شي أخدنا ال cecum & appendix (كان ما شفتو ما فات شي أرجع شوفو )..المهم أرح نشوف فاضل لينا شنو....حاجة كدا في منتهى اللذاذة 😆🤩(استغفر الله😂) يلا نقول بسم الله 3) ascending colon (القولون الصاعد) :- 🔹بدايةً كدا قالو الشي دا قاعد في ال right lower quadrant ↘️ وهو الجزو التاني من الlarge intestine بعد الcecum الشي دا بمتد ليك من نهاية ال cecum طالع فوق لحدي يصل السطح السفلي للفص الأيمن للكبد في الحتة دي بلف ليك شمال بعمل حاجة أسمها right colic (hepatic) flexure يعني الطية القولونية اليمنى أو الطية الكبدية اليمنى نسبة لأنها جمب (تحت) الكبد . ..على كدا في طية في اليسار (أصبر كدا لحدي نجي descending colon ) ..المهم بعدها ال ascending colon بتصل بال transverse colon😑... 🔹طيب في حاجة ما قلناها عموما ال colon بحيط بال small intestine يلا ال ascending colon قاعد يمين لل small intestine ...طبعا هو وأخوهو👬 descending colon عبارة عن retroperitoneal... أما ال transverse colon & segmoid colon ديل intraperitoneal 🔹في حاجة إسمها right paracolic gutter قاعدة laterally بالنسبة لل ascending colon ..بستساعد على أنو ال material تمر من peritoneum region للآخر🫡 🔺Blood supply :- -The ileocolic and right colic arteries وديل فروع جاية من ال superior mesenteric artery 4) transverse colon (القولون المستعرض) :- 🔹بمتد بالعرض خلال البطن وبشغل لينا ال umbilical region .. المهم الشي دا ببدا لينا في ال right colic flexure الذكرناها جبيل بعداك بدلى لي تحت و بكون معلق من سطحو العلوي superior border بي transverse mesocolon من البنكرياس pancreas (من ال anterior border بالضبط ) وبعداك بجي طالع لحدي يصل ال spleen مكان ما بقت ليك ال left colic (splenic) flexure يعني الطية القولونية اليسرى أو الطية الطحالية اليسرى .. تمام كدا جبيلك اليمنى كانت تحت الكبد أسع اليسرى تحت الطحال ..كمان قالو اليسرى أعلى من اليمنى ...واليسرى معلقة من diaphragm ب phrenicocolic ligament الرباط الحجابي القولوني . 🔹 قال ليك transverse colon بالنسبة small intestine قاعد superior and/or anterior المهم قاليك موضِعو دا شوية مختلف ومرات بصل ليك لحدي الحوض..المهم أنت وجسمك😂🤷 🔺Blood supply :- -The middle colic artery ودا فرع من ال the superior mesenteric artery بغزي ليك التلتين الأوائل بعداك التلت الأخير بغزي ال left colic artery ودا فرع من ال inferior mesenteric artery معاي ولا مع الأسف 😂 على قول أحمد إبراهيم (شراح بايوكمستري ظابط أنصحكم بيه😂 ) 5) descending colon (القولون النازل) :- 🔹يلا الشي دا قاعد في left upper & lower quadrant بمتد تحت من ال left colic flexure لحدي يصل ليك pelvic brim مكان بعداك يجي الsegmoid colon .. 🔹وزي ما قلنا قبل كدا أنو هو retroperitoneal structure الperitoneum بغطيه من الأمام والجوانب وبربطو بال posterior abdominal wall 🔹زي ما هناك في right paracolic gutter..... ال descending colon في laterally ليه left paracolic gutter 🔺Blood Supply:- -The left colic and the sigmoid branches وديل فروع من ال inferior mesenteric artery 6) segmoid colon :- 🔹من نهاية ال descending colon قدام ال pelvic brim ببدا ليك ال segmoid colon وبنتهي ببداية الrectum قدام الthird sacral vertebra .. 🔹S-shaped loop شكلو شكل حرف الإس 🔹طبعا هو intraperitoneal structure ..فهو mobile بتحرك . 🔹عندو segmoid mesocolon بتصل بالposterior pelvic wall 🔺 blood supply :- -Sigmoid branches of the inferior mesenteric artery زهجتا ؟ والله أنا زاتي 😂 لكن يعني لمن نقيف نقيف هنا ما خلاص قربنا...هانت يازول أرح نتم 🏃💪 7) Rectum (المستقيم ):- 🔹زي ما قلنا ببتدي من امام الthird sacral vertebra بعداك بجي down على شكل الcerve بتاع sacrum & coccyx الضهرو وبنتهي ليك مع الtip بتاعت ال coccyx من هنا بطلع بثقب في pelvic diaphragm وببقى anal canal ..حلو الكلام ؟..(أمشي شوف صورة 👀) 🔹نهاية ال teniae coli (متذكرها ولا نسيتها 🤨 ) بشير ال rectosigmoid junction 🔹.طيب قال ليك الجزو السفلي بتاع الrectum متوسع ومنتفخ كدا وسموهو rectal ampulla ..متذكر ال ampulla بتاعت قناة فالوب يلا ساي قلت ليك اتذكرتها ما دخلها شي 😁..(ما تركز معاي😂)...

طيب مكان ما بتصل بيه الilieum في فتحة أسمها ileal orifice فوق ليها وتحت ليها في Superior & inferior ileocolic lips طيب بعداك في folds ماشة منها latterly أسمها frenula of the ileal orifice رأسك لفا مش أنا زاتي والله😣 .. يلا ارجع شوف صورة عشان تفهم الكلام دا ..دا كلام بصري ساي😐.. طبعا ديل لمن الcecum يتملي ويبقى distended بقفلو فبمنعو رجوعو للilieum لكن قالو الحركة دي ما كدا فالشغال الشغلة دي بالجد الsphinter القاعد بعمل tonic contraction (كلام فسيو مش.. الجابنا ليه شنو اسع.🙄. برجع أقول ليك العلم دا واحد بس قسمو ونظموهو) ⁦🔺Blood supply of cecum :- Anterior and posterior cecal arteries اللي هم بجو من ال superior mesenteric artery واعكس الحكاية بالنسبة للvein supply 2) Appendix ⁦ 🔹عبارة عن قناة عضلية دودية ضيقة بتحتوي على قدر كبير من النسيج اللمفاوي ..الbase زي ماقلنا متصلة posteriomedial wall بتاع الcecum أما القمة الtip بتاعتها حرة ما متصلة بشي🫥. هي مغطية تماما بالperitoneum و عندها mesoappendix طبعا بمرو فيه vessels و الnerves البغزوها 🔺Blood Supply:- The appendicular artery اللي هو فرع من ال posterior cecal artery 🔹في حاجة إسمها (McBurney’s point) بحددو بيها مكان appendix من برا ..بتقول أنو لو عملنا خط مستقيم ال base of appendix قاعدة في النقطة بتاعة ال one third the way لو حسبناها من ال right anterior Superior iliac spine لي ال umbilicus (أمشي شوف صورة يا زول قايل روحك حتفهمها كدا ساي 🤨) طيب يازول أنا كدا حددت الbase طيب الtip وباقيها وين من الموضوع دا🤔 ...قال ليك يا زول الشغلة دي عندها عدة مواضع بتختلف ممكن تكون فيها هم ديل :- -retrocecal or retrocolic position يعني ورا ال cecum أو ورا ال ascending colon -pelvic or descending position نازلة تحت لاتجاه حوض -subcecal position تحت ال cecum -preileal position or postileal position قدام أو ورا ال ileum * قالو الغالبية والاكتر بتكون تحت للحوض ياما ورا ال cecum ...طيب كترتها عليكم (وعلي كمان😆) أشوفكم في الجزو التاني🙋 #summary_squeezer_team #GIT

بسم الله الرحمن الرحيم منشور رقم(71) السلام عليكم ورحمة الله وبركاته 😁✋ يارب تكونو بخير🤲 تعالو نشوف موضوع الليلة واللي هو بعنوان... 》》》Anatomy of the large intestine تصدق🤔 قالوا الlarge intestine دي طولها قريب لي متر ونص يعني طول زول عديل (هي ما قصدي زول والله😂🤭) ...طيب وتصدق كمان قالوا ما بتفضى نهائي🤓 ارح نقول بسم الله ونشوف الlarge intestine دي فهمها شنو 🤨 الصراحة براك حتشوف هي سهلة وبسيطة كيف يلا بسم الله ..سمي يازول 🙃 Large intestine , large bowl , colon كلها اسماء لي شي واحد ⁦✔️⁩Function of large intestine دي الحتة البتم فيها امتصاص ال السوائل وال electrolytes وتخزن ليك المواد المامهضومة لحدي ما يجي الوقت وتمرق من الجسم 🏃 ...حلو الكلام ؟ يعني في النهاية كدا بتحول ليك liquid chyme لي semiliquid stool or feces وبتخزنو ليك لحدي ما يطلع من الجسم ....حلو جميل وبعداك 👈.. ✔️Anatomy of large intestine 🔹أنا كدا عرفتا الوظيفة بإختصار لكن ما عرفت الlarge intestine دي شنو وبتشمل شنو+ دا أناتومي مالي ومال الوظيفة حقول ليك عشان تكون فاهم الجاي دا بعمل شنو + خليك عارف العلم مترابط وحاجة واحدة بس الجماعة زمان قالو يقسمو عشان يبقى منظم ومفهموم والناس تعرف تتخصص (ماتركز معاي🤣) يلا يا حبيبنا ركز معاي... الشغلة دي قالو الجزو من الجهاز الهضمي الببدأ ليك من نهاية الileum لحدي الanus وطولو قريب لي متر ونص في الزول الadult وشكلها شكل U مقلوبة...طيب يعني معناتها بتشمل شنو ..احسب معاي🥸 ... cecum..appendix..ascending colon..transverse colon.. descending colon..segmoid colon rectum & anal canal لا إله إلا الله محمد رسول الله.. دا كلو😳😥 ؟ ..قلت ليك يازول ما تستبق الحوادث الشغلة دي حاجة منتهى البساطة والسهولة😌 تتذكر زمان لمن كنا في المدرسة ساعة يقولو لينا الأعور و مستعرض وما عارف شنو اسماء غريبة كدا بس ياهم ديل 😂 يلا نرجع لي موضوعنا من الcecum لحدي الupper part of the segmoid colon ديل abdominal part يعني في تجويف البطن أما من lower part of the segmoid colon , rectum & anal canal ديل pelvic part 🔹طيب لو بقينا ناس دقيقين شوية هم صاح بقولو للlarge intestine الcolon لكن حنلقى أنو ال colon بتكون من اربعة أجزاء منها اللي هم نهاية اسمهم colon 🤭 ناس ال ascending colon1⃣ ال transverse colon2⃣ ال descending colon3⃣ و الsegmoid colon4⃣ (والله أعلم 🤷😂) 🔹طيب قالو الLarge intestine دي عندها حاجات بتميزها ارح نشوفها 👀🏃.. -أول حاجة القطر (diameter) بتاها كبير حاجة كدا واسعة اللهم بارك - الOmental appendices دي بالمعنى الحرفي زوائد أومنتلية (omental لو ما فهمتها😉😂) دهنية صغيرة صغيرة -لقو أنو longitudinal muscle بتاعهتا متجمعة في تلاتة حزم أسمها teniae coli مازي في small intestine هناك بتعمل ليك طبقة مستمرة على الجدار 👣 -الحاجة الفوق دي خلت ليك الlarge intestine يكون عندها haustra يعني الجدار حاجة كدا زي اكياس ما حاجة smooth طوالي زي الsmall intestine *يلا النقطة دي والقبلها المرتبطة بيها عايزة منك تشوف رسمة أو صورة للlarge intestine بتوضحهم + خيال واسع خيالك كان ما واسع الله يديك( كشف للصور التحت👇)🤷 * التلاتة هم منو - [mesocolic tenia] mesocolic tenia دي بتتصل بيها ال transverse & segmoid mesocolon -[Omental tenia] دي بتصل بيها الOmental appendices القلناهو جبيل 😉 -[Free tonia] دي لا متصل بيها دا ولا دا لا لامة في بلح الشام ولا عنب اليمن🤷 🔹عموما ال teniae coli كلها كدا بتبدا من ال base حقت ال appendix وبترجع تندمج مرة تانية عند ال rectosegmoid junction 🤝 ✔️The parts of the large intestine :- طيب أرح نخش بالتفصيل للأجزاء لكن تفصيل جميل وسلس وبسيط عشان ما تجري ساي 🏃 استنى و تم المنشور للنهاية .. 1) cecum ⁦ 🔹طبعا دا أول جزو من الlarge intestine و... الcecum دا زي كيس كدا مقفول من جمبة و مفتوح من الجمبة التانية مكان ما بجي بعدو ascending colon.. قاعد في ال right lower quadrant بتاع البطن ...طبعا ما خخش في تفاصيل طولو لأنو كل مرجع بي كلامو لكن احنا لمن نقرا نحاول نخت range أو around كدا ...الcecum ببدا من تحت ileocecal opening و قاعد في الright iliac fossa ... هو عبارة عن intraperitoneal structure ما عندو mesentry معناتها حيبقى mobile بتحرك نسبياً ...صاح ما عندو mesentry لكن في cecal folds بتربطو بالlateral abdominal wall... طبعا زي ما عارفين (أو ما عارفين عادي😂) appendix متصلة بالcecum في posteriomedial wall بتاعتو تحت مكان اتصال الileium بيه (ألحق دا موضع سؤال يازول😆 ) ...

#summary_squeezer_team #GIT

نبدأ بالأولى.. - يعني اللي علي الاعضاء الحشوية(visceral peritoneum)بكون بتغذى بال automatic زيو وزي العضو اللي عليه. - واللي ملتصق بالجدار البطني الأمامي anterior abdominal wall ، حيتغذى بال somatic nerves. طيب ناخد مثال نستخدم فيهو الورقة التانية: في حالة التهاب الزائدة الدودية Appendicitis أول شي بحصل شنو؟؟ حيحصل التهاب inflammation ونتيجة ليهو بتبدا تتضخم وتكبر يعني حصل شنووو!!! أيووا distention يعني هنا البتأثر شنووو! حيتأثر ال visceral peritoneum ظا معناهو شنووو؟؟ بالضبط بحصل لينا defused pain يعني ألم في منطقة كبيرة.ترااااا شاطر ومصحصح معايا👌☑️ يلا طيب لو الالتهاب دا زاد شديد ووصل الطبقة الخارجية وعمل ليها تهييُج irritation ، حيحصل شنو؟ بااااااس👏👏 بكون في ألم موضعي localized pain. اتحديتني وجاوبت على كل الأسئلة اللهم بارك😂😂 خلاص تعال أختبر دكترتك شوية أنا ما بقبل الهزيمة🤣 مكان الألم بتاع ال Appendicitis وين بالضبط؟🌝😉 = Right iliac fossa اااخخخ برضو جاوبت صاح😭 خلاص مبروك عليك👏☑️ نتلاقى المرة الجاية في تحدي تاني لمن استجمع معلومات أكتر 🤭 وبسسس نلاقيكم على خير في المنشورات الجاية في رعاية الله✋✨

بسم الله الرحمن الرحيم منشور رقم(70) السلام عليكم ورحمة الله وبركاته😁✋ موضوعنا الليلة كله عبارة عن خيال لو ما عندك خيال امشي اححضر هاري بوتر وتعال 😂 》》》 THE PERITONEUM ●ده غشاء او كيس بغلف لينا الأعضاء الموجودة في التجويف البطني، زي ال PLURA في الرئة و ال PERICARDIUM في القلب معاي يا حلوين يا سمحين ❤️ ●الغشاء ده زيه زي اخوانه بتكونو من طبقتين تمام واحدة بره كده( ضاربها الهواء😂) اسمها Parietal, ووحدة جوة (حنونة و لطيفة 😘) كده زي الأم بتغطي معظم اعضائك البطنية اسمها Visceral . ●طيب هسي دايرك تتخيل معاي قدامك في بالونة او (همبوكة 😂) ما تضحك 😂، لو طلبت منك تعمل قبضة بيدك 👊 و تضغط على البالونة من النص لحد ما تتغطى يدك بالكامل حيحصل شنو؟ فكر فيها كده تتوقع حيحصل شنو، صح يدك حتكون جوة البالون وحتلقى انه البالون عمل زي انحناء من الاطراف وده حيكون زي جدار خارجي بالزبط كده عسولين والله 😘😂. ●دايرك تاني تتخيل معاي (اتخيل ساي عندك شنو😂) انه الهمبوكة دي زاتها تدخل فيها يدينك الاتنين و يد صاحبك الكبيرة (يده بيتزا جامبو 😂) حتلقى انه البلونة بقت كبييييييييرة و اتوسعت عشان تغطي الايادي دي كلها، ده بالزبط اللي بحصل لاعضائك البطنية بتعمل penetrating او invading للغشاء ده عشان تغطيها حلو الكلام. يلا نكمل 👏🔥 طيب يلا تعال معاي نرجع لوراء شوية، تتذكر في الامبريولوجي (علم الأجنة) وين كانت بتتكون الأعضاء أول شي؟🤔 أيوااا صاح بس بالضبط كدا، بتتكون لينا في الجزء الخلفي من البطن في ال posterior abdominal wall، وشوية شوية بتبدا تجي لقدام لحدي ما أي عضو منها ياخد مكانه زي ما هو فينا كدا، اعتبر النقطة دي ورقة حظ رقم واحد وختها على اليمين😉 نجي للنقطة التانية ورقة الحظ رقم 2 ،تتذكر الجهاز العصبي وكيف كان بتقسم؟؟ 🤔 دقيقة دقيقة خليك معاي ، ما تقول دا الدخلو هنا شنو والخرمجة دي شنو 😂جسمنا دا عبارة عن صحن كوكتيل تاكل من هنا حتة ومن هنا حتة(تلم مفهوم كل الجابترات سوا) عشان تلقى ازبط طعم (الصورة التشريحية الكاملة بوضوح)👌 أها يلا كان عندنا الأعصاب الطرفية دي بتتقسم ل2 منها أعصاب جسدية(Somatic Nerves) زي اللي على الجلد دي مثلا، ودي من أهم الحاجات البتتأثر بيها التهييُج irrigation،زي البتعملو الالتهابات، فبحصل لينا ألم موضعي في الحتة المتأثرة دي local pain😫 و الثانية كانت Automatic اللي هو مختص لينا الأعضاء الحشوية، بختلف عن داك في شنو؟؟🌝 دا بتأثر لينا بتمدد العضو (distention ) والألم بتاعو ما بكون في حتة واحدة ، بكون كل مرة في حتة يعني بتحس باالألم في حتات كتيرة defused pain.😰 اعتبر دي ورقة الحظ التانية وختها عالشمال حنحتاج ليها بعد شوية ما تنسى هاا ، عندنا بيها تحدي صُغنن😉💛 يلا نرجع الموضوع الأساسي بعد اللفة دي كلها😂 يلا اتخيل، مجرد خيال 🌝 ال peritoneum قلنا عامل زي البالون مش؟ والأعضاء دي بتتكون لينا بي ورا، فبتجي نخش لينا في البالونة دي زي قبضة يدك القبييييل ديك، بعداك كل عضو وشطارتو في اختراق البالونة دي.🤜 -في منهم بحصل ليهو invasion بالكامممممل زي( Small intestine)مثلا ودا بكون متحرك ، مش لمن تضبحو خروف مش أول ما يفتحو الستارة( greater omentum خليها على جنب الكلمة دي😘)حقت البطن كدا المصارين دي بتجي واقعة؟؟ بس أي عشان هي كلها داخلة في البالونة دي وما مثبتة بالكامل في الجوي الخلفي من البطن. ●ديل هم كتااار،منهم: Stomach, Liver and gallbladder, Spleen,Duodenum, 1st part....etc - وتاني في منهم أعضاء بتخترقو جزئيا بس وبكون ما زال ملتصق بالجزء الخلفي من البطن (Posterior abdominal wall) وال peritoneum بحوطهم من جهة واحد ومن الأطراف بس.⤵️ وديل ذاتهم بتقسمو ل 2: 1️⃣ واحدات خلقة كدا هم fixed عديل ديل بسموهم primary retroperitoneal زي الكلى مثلا kidney وال abdominal aorta. 2️⃣وواحدات فقدوا اتصالهم جزئيا من ال P.A.W أثناء تطور الجنية وديل بسموهم secondary retroperitoneal organs زي ال ascending and descending colon. عشان نفهم الحتة دي أكتر، مافي زول اتشالق ومشى فرق ليهو مودل بتاع تشريح؟🌝 أكيد فكفكتوهو وما ركبتو تاني، لكن خليهو كدا نفهم فيهو... يلا بس الاعضاء البتتفكفك دي هم غالبا intraperitoneal organs زي الكبد يعني. والبتفكو جزئيا ونصهم التاني بكون مركب ديل ال secondary retroperitoneal organs . والما بتفكوا خاااااص ديل هم ال primary retroperitoneal زي ال abdominal aorta. يلا رجع كل حاجة محلها وخليك مرتب زي ناس التشريح ديل 😂💛 وصلنا لآخر محطة في الطريق دا، واللي هي ال nerve supply of peritoneum ، الموضوع في غاية البساااطة، البريتونيوم يتبع اللي عليه في التغذية العصبية، خلصنا 😂❣️ مش بسيط وساهل؟ يلا تعال وريني شطارتك قصدنا شنو بالكلام دا!!!🌝 يس يس بيييرفكت، حنرجع لأوراق الحظ القبيييييل ديك😉

#summary_squeezer_team

🔸Amniotic fluid embolism : 🙄🙄🙄🙄دي كيف دي؟! الamniotic fluid ممكن يدخل الcirculation حقت الأم في حالات الcomplication البتصاحب الولادة أو أو حتى الاجهاض🤰 فالfactors الموجودة فيهو بتسبب تخثر ممتد داخل الاوعية الدموية لحدي ما ممكن تصل ال lung وتعمل pulmonary vasoconstriction. ديل كدة أهم أنواع وفي برضو septic embolism و air embolism. قربنااا بعد كدة 😭😭😭 🔷 Infraction : Tissues death due to reduction or loss of blood supply. لازم نفرق بين المصطلح ده وبين الischaemia اللي هي مجرد نقص في امداد الدم ولكن الinfraction الtissue خلاص "ماتdeath" لانو الدم كان ناقص أو ما انتهى تماماً. ف ال ischaemia تؤدي لل infraction وليس العكس 🚶‍♂. الorgans العندها أكتر من طريقة للblood supply هي دايماً محظوظة💪 زي ال lung 🫁 مثلاً هي dual blood supply فممكن تجازف بالطريق البديل لحدي ما الاساس يتصلح.. و كذلك ال collaterals وال anastomosis حيساعد في مثل هذا الحالات ولكن أكيد حتكون مشاركة نسبية. اكتر ال tissues الما حتقدر تنتظر لمدة طويلة اذا امداد الدم وقف منها هي الhighly active tissues ف ال metabolism حقها كتير وبتعتمد على الO2 الفي الدم زي الheart 🫀(شغال 24 ساعة🙂). أما ال tissues العندها طرق metabolism anaerobically زي ال muscles فدي withstand more to ischaemia🦾. حاجة مهمة ممكن تساعد الtissue أنو ينجو من ال infraction(death⚰) واللي هي السرعة حقت توقف الsupply اذا كان gradual فده حيساعده على تكوين ال collaterals بسرعة اما اذا كان rapid block فهنا للأسف الطرق البديلة صعب تتكون. واااضح كدة 🙃 يلاا آخر معلومة في الجزء ده 👏👏 ⚜ال infraction ده بيحصل في organ tissues كتييرة أشهرها myocardial infraction🫀 (MI) cerebral infraction🧠. أخر موضوع 🥱🥱... Attention please 🗣🗣🗣 🔷Shock :- ⚜Definition : State of systemic tissue hypoperfusion يعني نقص عااام في كل الtissues للblood supply 🩸. ⚜Causes : إما لنقص في الcop أو نقص في كمية الدم في الcirculation أو بسبب الاثنين معاً(يعني كلو نقص🙂) لما يحصل نقص للblood في كل الsystems حيبدأ يحصل انخفاض في ضغط الدم (معاك معاك🧍‍♂) ، تغذية الtissue بال blood تبدأ تضعف، وممكن في الاخر تدخل الtissue في hypoxia 🙉. بعض الorgans حتحس بنقص الدم😃 فحتبدأ تشغل ال autoregulation mechanisms و اللي بتنقذها بصورها مؤقتة زي الkidney و الheart و الbrain. ⚜ أنواع ال shock ▪️Hypovolemic shock ⬇️: بسبب نزيف حاد في الدم أو جفاف حاد (vomiting, diarrhea, severe burn) و تنقسم لمراحل على حسب مقدرة ال body systems للregulation والتحكم في الBP المرحلة الأولى(non progressive stage) وهنا كل ال mechanisms الفي الجسم البتقدر تساعد في الmantain of BP حتشتغل🧑‍💻 زي release of adrenaline و ال angiotensin system و ال sympathetic system والهدف من المحافظة عليه هو ال tissue perfusion. المرحلة التانية (progressive stage) وهنا حتفشل كل الmechanisms🤦‍♂ في انها تتحكم بقدر الامكان على الBP بالتالي loss of tissue perfusion. المرحلة الاخيرة واللي حتؤدي للوفاة🪦 هي الirrversable stage. قبل ما نواصل مركزين معاي 🤔👀 تمااام يلا نشوف النوع البعده 🏃‍♂ ▪️Cardiogenic shock🫀 : ممكن تتسب في arrhythmia بسبب ال paroreflex أو MI أو ventricular rupture. ▪️Septic shock 🧫: وهنا البكتريا لما تدخل حيحصل extensive release للinflammatory cytokines واللي بتسبب vasodilatation و انخفاض في الدم والانقباض حق القلب حيقل😞 وتبدأ تتأثر الtissue ب الhypoperfusion و من ثم الوفاة 🪦. ▪️Anaphylactic shock 🚑 : ودي تعتبر emergency و بتحصل للناس العندهم حساسية من حاجة معينة اشهرها البنسلين البتجه للmast cells وبعمل release للhistamine وهو اللي حيكون العامل الخطير لانه بسبب vasodilatation و انخفاض في الدم بالاضافة لانقباض في عضلات الbronchi والpatient يموت ب respiratory failure 🙁. That's all Till we meet again 👋👋❤️‍🔥 #Pathology #Enjoy _medicine #summary_squeezer_team

🔷Thrombosis ⚜Definition : Formation of solid or semi-solid mass from the constituents of the blood within the vascular system during life. 🙄🙄🙄🙄🙄؟! التعريف ده لازم يتحفظ نصاًااا كدة لانو اي إزالة لاي جملة بتخرب المعنى... أصلاً المعنى شنو 🙂؟ المقصود بthrombosis تكوين كتل صلبة أو شبه صلبة من مكونات الدم سواء في الاوردة أو الشرايين أو الشعيرات الدموية أثناء الحياة....زي ما قلنا أي جملة مهمة جداً في التعريف، طيب ليه؟ 🧐 نبدأ بأول جزء، لو كانت الكتلة المتكونة ما محتوياتها ما blood طوالي حتتحول لينا لما يعرف ب....> embolism (حنتكلم عنها بعد نخلص 🙃 من الموضوع ده) أتكونت الكتلة دي من الدم لكن خارج الvascular system هنااا طوالي لا تسمى thrombus وإنما clott إذا أتكون الدم بعد الموت هنا برضو حتكون clott. عرفتوا ليه اي جملة مهمة من التعريف وبتغير المعنى 🙂🤝 يلااا move on طيب الحاجة دي لي ممكن تحصل (etiologies)؟ 🧐 في عالم اسمو virchow's👨‍💼 حاول يدرس ال mechanisms الممكن تحصل بيها الthrombous وتغير لينا في ال dynamic حق الblood flow ، وفي الاخير طلع بمثلث 🔼 وسماهو باسمه🙂 virchow's triad وقال فيهو السبب البيتكون بيهو التكتل الدموي ده واحد من تلاتة🥸 ▪️تغير في endothelium. ▪️تغير في ال blood flow. ▪️زيادة في القابلية لتخثر الدم يعني تكوين الthrombus. 🔻ال endothelialum of the blood vessel ممكن تحصل ليهو إصابة (injury) تعرض الكولاجين المسؤول عن المحافظة على ال vessel للتدمر ويحصل فقدان لل anticoagulant effect والحاجة دي ممكن تحصل لناس ال diabetic patients المهملين لانو مع الزمن السكر حيتجمع في ال vessel لحدي ما يدمرها تماما كذلك ال atherosclerosis والتهاب الاوعية حيتسببوا في إصابة لل endothelium ويخلوهو عرضه لل thrombosis. 🔻قلنا تخثر الدم ممكن يحصل بسبب تغير في ال blood flow ، بديهياً كدة التغير ده حيكون عبارة عن ركووود للتدفق (stasis) يعني الدم يتحرك ببطء فبتالي يحصل تنشيط للcoagualtion factors ،السبب التاني ممكن يكون في اضطراب يخلي الendothelium يفقد وظيفته و الblood cells تلتصق معاه. 🔻الزيادة في ال coagulability يا إما لنشاط زايد لعوامل التخثر أو نشاط العوامل المضادة للتخثر ناقص. ناخد rest تلاته دقايق ونواصل 💆‍♂👍 ⚜أنواع ال thrombi :- . Pale... > بتتكون محل ما الدم بيتحرك وبتكون صلبة وشاحبة(arteries) بسرعة وتكوينها بكونplatelet و fibrin اكتر عشان كدة صلبة. . Red... > بتتكون محل ما الدم بيتحرك (veins) ببطء وبتكون مرنة ولونها أحمر غااامق وتكوينها بكون RBCs اكتر. . Mixed...> واضح من الاسم أنها مكس بين النوعين الفاتو دي ممكن يحصل ليها propagation. ⚜أماكن تكون الthrombus كل أنواع الأوعية الدموية Atreries... > الاخطر😵 Veins... > الأكثر شيوعاً👭👬 Capillaries... > in case of vasculitis, acute inflammation. ⚜طيب الthrombus دي حتتخارج كيف 😭😭(fate) : يا إما يحصل ليها propagation و تدخلنا في مشاكل أكبر، أو تتفك من الvessle وتتحرك برضو حتسبب مشاكل وغالباً تصل الlung ، أو تختفى (بأنو حجمها يتضاءل أو تتحل ب بروتين اسمو plasmin) وآخر حاجة يحصل recanalization لل vessel. 📌أشهر أنواع الthrombus البتحصل DVT(deep vein thrombus) برضو لسسسسه 😭😭😭😭 🔷 Embolism ⚜Definition : transfer of abnormal material through blood and impact in a vessle distant to the site of injury. يعني بيحصل انتقال غير طبيعي لمواد زي (fat, amniotic fluid, air, blood) خلال الدم و تتحبس في vessle بعيد عن المنطقة الحصلت فيها الاصابة يعني مثلا اذا حصل bone truma يطلع الfat ويتحرك في الblood لحدي ما يقفل vessel معين في الجسم. ⚜ أنواع الEmbolus : 🔸Thromboembolism : 🤔الجزء الاول من الكلمة دي ما غريب... ايواا جاي من thrombus وهي كانت عبارة عن كتلة من مكونات الدم، وال embolism تجمع مادة وبعدين بتتحرك في الدم فالمادة المتحركة هنا هي ال thrombus وده سبب التسمية، يعني جلطة متحركة😃 حتتقفل في vessel في مكان ما👩‍🦯، سواء كانت systemic embolism ودي بتكون غالبا في الجانب الايسر من الheart أو pulmonary embolism ودي مجرد مما ذكرت فالسبب الابرز حيكون DVT اذا كانت كبيرة الحجم و سريعة ف حتؤدي ل sudden death واذا كانت صغيرة وبطيئة حتتسبب في PHT(pulmonary hypertension). 🔸Fat embolism : اذا حصلت إصابة لاي عضو بحتوي على fat in the tissues زي الliver, long bone, pancreas أو ما الا truma ممكن بعض الأمراض تسببها زي الacute pancreatitis فحيحصل release للfat globules in the blood وتتحرك لحدي ما تقفل vessel معين🗿 .

بسم الله الرحمن الرحيم منشور رقم() السلام عليكم ورحمة الله وبركاته👋☺️ اليوم حنتكلم عن موضوع في غاية البساطة والأهمية ألا و هو 👇 》》》Haemodynamic disorder أو dysfunction طيب دقيقة دقيقة قلنا في غاية البساطة!!! 😭😭 دي شنو Haemodynamic دي🧐 ؟ 🩸 Haemodynamic معناها كيف دمك بيتدفق في ال veins و ال arteries وكل العوامل البتأثر على هذا ال flow. كدة خلصنا من أول كلمة كان حتعكر علينا الموضوع 😁👍 يبقى ال Haemodynamic disorders هي شنو؟؟؟ ايوااا... هي الاضطرابات الحتأثر على ال flow of blood in veins and arteries من هنا حنتذكر طوالي أنو للأسف في أمراض كتييرة بتحصل بسبب الاضطرابات دي ☹️ يكاد لا يخلو سمستر إلا و بتمر علينا كلمة Edema (Oedema كلو واحد 🙂)(الإيديما قاعدة معكم ديمة 😜) عشان كدة هي واحدة من أهم الhaemdynamic disorders البترافق كتيير من الامراض... ثانية ثانية كيف يعني الedema ما مرض لحاله؟!😱Nooo, its just a sign that indicates there is a problem in one or more of your body systems بسم الله نبدأ 🚶✍ 🔷 Edema :- ▪️Definition : Abnormal accumlation of fluid in the interstitial space يعني " within tissue" ودي أهم كلمة، السؤال المعتاد ليه 🐣؟ لانه في fluid collections in different body cavities(pleural, pericardial and peritoneum) ▪️عشان نفهم الedema كويس محتاجين نرجع لشوية مفاهيم 🤏 واحدة من العوامل الكانت بتأثر على الbody fluid وبتعمل control لل fluid exchange between plasma and interstitium هي ال starling's forces (HPc+OPc+HPisf+OPisf) وال movement of water across the walls of capillaries was depend on this starling's forces+osmosis فمن الجوطة دي كلهاااا عايزين نوصل شنو 😭😭😭 باختصار اي مشاكل حتحصل في force دي حتكون سبب في أنها تعمل edema فزي ما عارفين أنو المفترض يحصل plasma filtration ب HPc at the arteriolar end of the capillaries و يحصل absorption at the veniolar end ب OPc بنسبة تقارب ال%90 ... ال %10 وين 🙂؟ دي بحصل ليها absorption by lymphatics مع شوية الprotiens الهربو من الplasma🏃 فنرجع ونقول اي disturbance اي disturbance 📊في كل ما سبق حيؤدي ل edema لو مركزين كويس🤓 حنفهم أنو الedema عشان تظهر لازم الdisease يلعب على واحد من أربعة HPc , OPc, lymphatics and capillaries 1. ⬆️ HPc :- Some diseases happen due to accumulation of blood in veins زي الheart failure, DVT و الvenous obstruction... فده طوالي برفع ال HPc. 2.⬇️ OPc :- نتيجة ال lower level of plasma proteins و ال lowering ده ممكن يكون بسبب خلل أو قلة في ال (intake, absorption, synthesis and loss) 3. Lymphatics obstruction رغم أنو الlymphatics كان بتعمل absorption لكمية بسيطة الا انها مهمة وعدم امتصاصها حيسبب مشاكل due to(filarisis or surgical removal of lymph nodes) 4. ⬆️Capillaries permeability :- Due to increasing of OPisf زي ال (inflammation, burns and allergy) بعد كدة اتقسمت الedema according to pathophysiological mechanism, loaction and clinical manifestation والخلاصة 🐥 ⬇️ OPc.... > generlized edema Lymphatics obstruction.....> localized edema ⬆️ Capillaries permeability... > localized (exception, allergy may also be generlized) ⬆️ HPc.... > generlized or localized Any edema due to renal, heart, liver problems, غالباً غااالبا حتكون gerelized edema. وبكدة نقول 👋👋😮‍💨 لل edema (ودا كدا نكون راجعنا معاكم درس جوا درس😉) 🔷Haemorrhage :- ⚜Definition : extravastion of blood due to vessel rupture. يعني الدم بكون برا الأوعية بسبب إنفجارها🤯 ⚜Causes of haemorrhage :- Rupture of one of blood vessels due to trumaضربة, atherosclerosis, neoplastic erosion of the vessles wall...etc . ⚜Types of bleeding :- 🔺According to the source of bleeding :- 1. Arterial bleeding...> أحمر فاتح ، وبكون التدفق مع الpatient pulse 2. Venous bleeding.... > أحمر غامق 3. Capillary bleeding ... > أحمر فاتح 🔺According to the amount of bleeding :- 1. Petechiae... > بتكون في شكل نقط دم صغيرة caused by bleeding into skin or mucous membrane or serosal surface. غالبا due to platelet disorders . ال haemorrhage ممكن يكون خارجي أو داخلي (hematoma). . Hematoma can be relatively insignificant (bruise) or largely signficant (DAA). لسسه ما خلصنا 👀😁 ننتقل للجزئية التانية 🥱

#summary_squeezer_team

الكالسيوم دا لو لاحظتوا لتركيزه جوة الخلية بتلقوه بسيييييط شديد.. ودة لسبب طبعا.. الكالسيوم دا سيد العصابة كلها..😈👻 الكالسيوم عنده مشكلتين.. وحدة نوعا ما بسيطة والتانية مدمرة عديل: ☆ نبدا بالبسيطة: ايون الكالسيوم دا شحنتة موجبة.. فبمش يجري يتلصق في الحاجات شحنتها سالبة.. زي ال Lipid.. وبعمل ليه مركبات كدة ما مفهومة.. عاملة زي الشعر كدة.. اسمها small densities.. ودي بتبدا تملى السيتوبلازم.. وبتعمل مشاكل.. ☆ المشكلة التانية: و الأخطر من ال densities بمراااحل انو هو enzymes activator.. بعمل تحفيز للانزايمز من طرف.. فدا لمن يدخل جوة.. بمشي يعمل لي تحفيز للانزايمز بتاعت ال necrosis الموت يعني🤡.. ناس ال (exo & endo nucleasases) بما يعرف بعملية ال karyolysis.. وانحنا عارفين lysis يعني تحليل، تقطيع🔪🔪.. فشغلهم انو يمشوا يكسروا ال DNA (يلهوووي، دي جات كبييرة).. الكالسيوم دا بعيث في الأرض فسادا بالجد👹.. نرجع للأكسجين.. 🔷أما شغلانية الأكسجين التانية.. aerobic glycolysis: دا كلام biochemistry.. انو هضم الطعام وتكسير السكر عشان نحوله لطاقة.. بمشي بطريقين.. يا بالاكسجين.. او من غيره.. فلمن يكون من غيره.. اخر منتج بنتحصل عليه هو ال lactate.. وال lactate دا حيتراكم.. وزي ما عارفين هو عبارة عن acid أو حمض.. فحغير الوسط بتاع السيتوبلازم.. لوسط حمضي.. ودا حيخلي كتير من الانزايمات البتشتغل في وسط قاعدي تقيف عن الشغل..🦥🦥 طبعا لحد حسي او لحد المراحل دي.. الخلية بتكون عايشة.. ولو الاكسجين رجع.. المياه بترجع لمجاريها.. لكن لو ال ischemia دي ما اتحلت بدري بدري.. للأسف حتدخل في ال irreversible period الحنتكلم عنها المرة الجاية.. وتاني للأسف ما حيكون في يدنا شي والخلية حتتوفى..😞 وكدة نكون انتهينا.. الموضوع طلع أبسط من بسيط صح؟؟😉 نتلاقى المرة الجاية.. كونوا بخيرر.. #Pathology #enjoy_medicine #summary_squeezer_team

بسم الله الرحمن الرحيم منشور رقم(68) السلام عليكم ورحمة الله وبركاته أخباركم يا شباب 😁✋ اللي حنتكلم عن: ⚪Reversible cellular changes عنوان معقد صح؟😖 في الحقيقة هو أبسط ما يكون.. تعالوا أوريكم.. هو بيعني حرفيا: 🔅الضرر القابل للترميم في الخلية.. لازال كلام كبير😐.. لكن الليلة أنحنا حنبسطه👌🏻بس خليكم متابعين ومركزين معانا.. 💢قبل ما نبدأ.. زي ما عرفنا زمان الأسباب الحتلحق لي الضرر بالخلية حقتي.. عاوزين نعرف: -أنواع الضرر دا. -وكل نوع بحصل فيه شنو🤔؟ -وهل ممكن يختفي أو يتصلح أو يترمم.. ولا خليّتنا حتفارق الحياااة إلى الأبد؟🙀 بسم الله نبدأ👏 - الضرر او ال damage البحصل دا.. يإما يكون reversible أو irreversible.. يعني قابل للترميم والإنقاذ.. أو غير قابل للإنقاذ.. أنحنا الليلة حنتكلم عن القابل للإنقاذ.. فشنو خليّتنا الليلة ما حتموت.. فالكان مجهز دموعه يحفظها للمنشور الجاي😂 💢ملاحظة سعنتوتة🤏🏻 الليلة حيكون السبب الرئيسي لكل ال damage الحنذكره في المنشور دا هو ال ischemia & hypoxia.. لي؟ لأنه دا أكتر سبب مهم.. ودا أكتر سبب الضرر حقه بحصل بطريقة متسلسلة. 🔅طيب ال hypoxia أو ال ischemia هي نقص الأكسجين.. وعشان نعرف نقص الأكسجين دا بعمل ال damage كيف.. محتاجين نعرف الأكسجين دا أساسا شغله شنو في خليّتنا؟🤔 ⚪ عنده شغلتين رئيسيتين: - oxidative phosphorelation - aerobic glycolysis 🔷نشوف الشغلانية الأولى.. oxidative phosphorelation.. أو.. انتاج الطاقة بواسطة أكسدة الفسفور: طالما في كلمة *أكسدة* يبقى في حبيبنا الأكسجين.. لكن للأسف حاليا هو ما موجود😞.. فيحصل شنو؟ عملية انتاج الطاقة ما حتم.. وبالتالي الكهربا حتقطع في الخلية.. كل البوابات الكهربائية حتفصل وتبقى مفتوحة بلا رقيب..😨 الغاشي والماشي يقدر يخش..😱 ودي أكبر مشكلة خايفين منها.. لأنه القلعة الما فيها حراس.. كل الجواها حيكونوا معرضين للخطر..💀 طيب البمثل لينا البوابات دي في خليّتنا هم منو؟ بتمثلها لينا ال channels.. القنوات.. ونخص بالذكر قنوات الصوديوم وقنوات البوتاسيوم والكالسيوم وال pumps.. وطبعا ديل ربنا ما خلقهم عبثا.. كل قناة منهم بتهتم انو الايون حقها يفضل في مكانه المناسب.. جوة أو برة الخلية.. ويدخلوا بكمية معيينة ودقيقة.. ولو واحد من الايونات ديل دخل او اتشوبر في حتة ما حتته موضوع الخلية دا كله حيبوظ..😵‍💫 وحاليا دا القعد يحصل.. انتو متخيلين؟🙆‍♂️ الكان جوا حيطلع برة والكان برة حيخش جوة ويييك.😫. يلا نمسك كل قناة او بوابة فيهم براها: 🔸قنوات الصوديوم والبوتاسيوم: عاملين لي سوا ال Na+ k+ pumb.. اللهي بتجبر ٣ صوديوم انهم يمشو عكس الاتجاه الهم عاوزين يمشو فيه يعني برة الخلية.. و بنفس الطريقة يجبر ٢ بوتاسيوم يدخلوا جوة.. ولمن نقول جبر.. يعني بقوة.. بجهد.. بطاقة.. وانحنا طاقتنا بقت ماف.. فهم حيمشو على هواهم. بدل الصوديوم يطلع برة الخلية.. لأ هو عاوز يدخل جوة.. والعكس للبوتاسيوم.. طبعا علميا according to concertation gradient.. والصوديوم اريته لو بجري براه.. بِكُر معاه الموية.. زي الأبواب اتفتحت والسيل جا داخل جوة🌊.. الخلية دي حتتنفخ شديد.. بما يعرف بال cell swelling.. والعضيات أو ال organelles حقتها زاتها حتبدى تتنفخ.. ناخد منهم مثال: ☆ال RER.. ال Rough endoplasmic reticulium: طيب حتقولوا لي.. ويعني كان انتفخت؟؟ حقول ليكم انحنا عارفين انو ال feature او السمة الرئيسية ليها انو متلصق فيها ribosomes ودا سبب تسميتها rough ودا اصلا البفرقها من ال smooth ER.. فلمن تتنفخ.. الرايبسومات دي بتفكك.. وبالتالي الRER دي فقدت وظيفتها تماما.. اللي هي تكوين البروتين (يحرااام😷)..ولمن يحصل detachment لل ribosomes من ال RER.. في بروتينات كتيرة ما حنقدر نصنعها.. ودي مشكلة كبيرة حتودينا لمرض اكلينيكي وهوووو..💥💥 *The Fatty liver* قلنا ما حنقدر نصنع بروتينات.. ومن البروتينات دي ال apoproteins.. ودي بروتينات بتصنعها ال hepatocytes.. أو خلايا الكبد.. عشان تنقل ال lipids بعد يحصل ليها metabolism.. لبرة.. فلمن ما نقدر نصنع ال apoproteins دي.. ما حنقدر ننقل ال lipid وبالتالي حيحصل تراكم للدهون في الكبد.. ودا حيعمل لي ال fatty liver.. 😞😞 غير ال RER.. ☆ال cell membrane زاته على المدى البعيد من الانتفاخ دا حيفقد ال villi حقته.. الشعيرات او الزوائد البرة الفيه.. شفتو زي اللعبة الزمااانك كنا بنلعب بيها.. كورة ابو القنفذ المطاطية ديك.. كورة كدة وفيها زي شعر ببرة.. كنا بلعب بيها زي اليويو وبتتمط.. المهم.. مش لمن نعصرها كدة.. بقوم الشعر حقها دا بختفي؟ وأول ما بنفكه برجع تاني؟ خليكم من الكورة.. شفتو الجونتيات بتاعت الدكاترة؟ مش لمن ننفخها بنلقى محل الأصابع بدا يختفي؟ بسسس دا نفسه بحصل للخلية.. وعلى المدى البعيد حتطرشق..! 🫠 🔸 ca++ channels: