𝙌𝙪𝙧𝙖𝙣 ☾

السلام عليكم ورحمة الله وبركاته صباح الخير يا شباب قال الله تعالى: ﴿وَآتَاكُم مِّن كُلِّ مَا سَأَلْتُمُوهُ وَإِن تَعُدُّوا نِعْمَتَ اللَّهِ لَا تُحْصُوهَا...﴾ ممكن يكون عندك ابتلاء في حياتك، أو حاجة بتتمنى تتغير، أو دعوة لسه مستني إجابتها.. لكن ده كله مش معناه إنك تنسى نِعم الله عز وجل عليك! بص حواليك.. هتلاقي نِعم كتير مش شايفها من كتر ما اتعودت عليها.. صحتك، وأهلك، وبيتك، وأصحابك، وقدرتك إنك تقوم تبدأ يوم جديد، ونعم تانية لا حصر لها! فمتخليش ابتلاء واحد يخليك تنسى نِعم كتير، ومتخليش اللي نفسك فيه يحجب عنك اللي بالفعل بين إيديك.. اشكر ربنا على نعمه، واصبر على ابتلائه، وافتكر إن المؤمن بين النعمة والابتلاء، وفي الحالتين له مع الله عبودية.. اللهم أعنّا على ذكرك وشكرك وحُسن عبادتك، ولا تجعل ما ابتليتنا به يُنسينا فضلك ونعمك علينا.