IV Notes 💉

عشان توفر على نفسك وقت ومجهود وتوفر على العيان وقت ومخاطر مهم جداً تعرف العيان بتاعك ده غالباً ايه ال complications اللي ممكن تحصله نتيجة الحالة المرضية اللي هو فيها , خلينا ناخد مثال وانت تفهم قصدي 🫰 عيان لسة عامل Aortic valve replacement ايه اللي احط عيني عليه أخاف ليحصله ؟ 🤔 1️⃣ Aortic regurgitation : due to unfit size of valve or improper position 2️⃣ Ischemic stroke : due to embolization of calcified valve 3️⃣ Myocardial infarction : due to obstruction of coronary ostia 👌 ده منظر ال Valve في الصورة يا إما حجمه مش مظبوط وهيعمل ارتجاع ⛔️ يا إما هيحصل عليه ترسيبات وتفك وتعمل stroke 🧠 يا إما هيسد فتحة ال coronary اللي هي قريبة من ال valve جدا وتعمل MI 🫀 🤝 أي شك ولو صغير في الأمور دي في عيان مغير صمام لازم تتاخد على محمل الخطورة والجد لأنه معرض ليهم أكتر من غيره فبدل ما تقعد تفكر في كتاب الباطنة كله لو جالك اشتكالك من أحد ال complications دي لأ وفر وقتك ووقته و focus على مشكلتك 🧐 #By_Dr_Mo #IV_Notes

والشئ بالشئ يذكر ، فبما إننا ذكرنا ال saline فخلينا نذكر الجلوكوز المرة دي .. Side effects of Dextrose solution ! 🔥 محلول الجلوكوز منه تركيزات أقلهم 5% و أعلاهم المتاح منه 25% استخدامك الأساسي للمحلول ده بيكون في ال Hypoglycemia لو ال random كان تحت ال 70 أو لو كان فوق ال 70 بس symptomatic, ساعتها حاول تستخدم أعلى تركيز ممكن بس تاخد بالك ان كل ما تعلى في التركيز كل ما كان irritant على ال veins أكتر فال 25 بيتركب في ال CVL أما ال peripheral يستحسن تستخدم تركيزات أقل . طيب ممكن استخدمه في ايه تاني غير ال Hypoglycemia ؟ 🙄 ممكن استخدمه as a source of calories لعيان NPO مؤقتاً لحين الدخول ب Nutrition plan كاملة ليه . وساعتها بستخدم أقل تركيزاته اللي هو 5% لأن أنا مش متسربع على حاجة ده محلول بيمشي ببطئ على مدار ساعات للتغذية المستمرة وليس لإنقاذ موقف . طيب هديله قد ايه ؟ محلول الجلوكوز على حسب تركيزه اللي مكتوب عليه بيكون فيه جرامات الجلوكوز ... يعني 5% كل 100 مل فيهم 5 جرام جلوكوز 25% كل 100 مل فيهم 25 جرام جلوكوز كل جرام جلوكوز فيه 3.4 كيلو كالوري والبني أدم الطبيعي محتاج حوالي 500 كيلوكالوري يوميا بحيث ده يديله الطاقة اللازمة و يمنع تكسير البروتين داخل جسمه لاستخدامه كمصدر للطاقة يبقى كدة إزازة ال 5% فيها 25 x 3.4 = 85 kcal يعني انت محتاج ٣ لتر يوميا Dextrose 5% عشان توصل للكالوريز المطلوبة ممكن استخدم محلول الجلوكوز في ايه تاني غير ال Hypoglycemia and Nutritional supplement ؟ 🤔 ممكن استخدمه في حل معظم الأدوية لإعطاءها في الوريد وساعتها طبعا بتستخدم ال 5% ممنوع استخدم اللي أعلى كدة . ايه تاني ممكن استخدمه فيه ؟ 😏 Hyperkalemia من ال antihyperkalemic measures هو ال insulin + glucose بمعنى عيان سكره زي الفل اديله جلوكوز وانسولين بحيث ده هيعمل intracellular shift للبوتاسيوم فيقلله في ال serum وفي نفس الوقت حافظت على سكر العيان لاني اديته الجلوكوز مع الانسلوين فده ضيع تأثير ده طب لو العيان hyperglycemic دلوقتي حالا اصلا فممكن تستغنى عن الجلوكوز وتستخدم انسولين بس ، اهه تبقى ضربت عصفورين بحجر عالجت ال hyperglycemia and hyperkalemia طيب ممكن استخدم الجلوكوز في ايه تاني ؟ 🥴 Hypernatremia مش ال hypernatremia دي يعني ملح زيادة في الماية وانت عاوز تخفف الملح اللي في الماية ، يعني ممكن تزودله ماية فقط والجلوكوز ده ما هو إلا ماء بسكر ، أول ما يخش الجسم الخلايا تاخد السكر وتسبلك الماية يبقى انت عملت Dilution لل hypernatremia. يبقى استخدمنا الجلوكوز في >> 🖐 1- Hypoglycemia 2- Nutritional supplement 3- Drug infusion 4- Hyperkalemia 5- Hypernatremia أنا سرحت عن العنوان الأصلي 😅 ايه هي ال side effects بتاعة محلول الجلوكوز ؟ 1- Hyperglycemia منطقي 2- Lactic acidosis ودي ممكن تحصل في ال shocked patients وده بردو منطقي لأن انت بتديله جلوكوز من غير ما يكون فيه tissue perfusion يحرق الجلوكوز ده ، فالجلوكوز ده معظمه هي metabolized to lactate . وبالمناسبة لتر الجلوكوز 5% اللي انت اديته لعيانك في وريده 100 مل منهم فقط بيفضلوا داخل أوردته ، يعني لو انت بتفكر انك تعمل resuscitation بالجلوكوز تبجى سااااجط 😁 هنيًا 🌸 #By_Dr_Mo #Iv_Notes

عنوان صادم 💥💥 Side effects of normal saline 😀 المحلول اللي كنا بنديه للعيان زي الماية طلع ليه مشاكل 😁 مش عايز أقولك إن الماية هي كمان ليها مشاكل 😅 اقرأ عن ال water intoxication بعد ما نخلص البوست ده طيب 😄 مشاكل محلول الملح شد خط وحط 3 نقط وقول ورايا : 1- interstitial edema 2- Rapid large volume of the solution induces hyperchloremic metabolic acidosis 3- Chlorid mediated renal VC may promote AKI #By_Dr_Mo #IV_Notes

بخصوص إختياراتك لأدوية علاج الضغط في العيادة , بإختصار شديد وغير مخل هتتصرف كالتالي : ⬇️ 1️⃣ أولا حدد سن المريض وتحديداً إذا كان فوق 55 ولا تحتها 2️⃣ حدد ال Comorbidities اللي عند المريض وخصوصاً ال DM 3️⃣ وخلي معاك serum electrolytes للمريض هتحتاجها في وقت ما ⏬⏬⏬ وزي ما أنت شايف قدامك في الدياجرام : 💹 1- لو العيان Diabetic في المطلق بغض النظر عن سنه هتبدأله ACEI أي حاجة فيه pril زي ramipril or enalapril في السوق Tritace or Ezapril أو ابن عمه ARBs أي حاجة اخرها sartan زي Omlesartan or Valsartan في السوق Erastapex or Tareg ( وده في حالة إن ال ACEI العيان مش مستحمله للعرض الجانبي الأشهر Dry cough إنما في الأساس ال ACEI مقدم عن ال ARBs ) 🫀 2- لو العيان مش Diabetic بص على سنه لو تحت ال 55 هتمشي معاه بنفس النظام اللي حكينا عليه في النقطة رقم 1 وهو ACEI or ARBs 🫀 3- لو العيان مش Diabetic وسنه فوق ال 55 هتبدأ معاه CCB ال peripheral اللي بيشتغلوا على ال Blood vessels زي ال amlodopine في السوق Norvasc ( وليس ال Central اللي بيشتغلوا على ال HR زي ال Verapamil في السوق Isoptin ) 🫀 4- لو كان النظام المستخدم غير كافي في تظبيط الضغط مع أي عيان من اللي فوق هنعمل تباديل وتوافيق , يعني لو بياخد ACEI or ARB هنضيفله CCB ولو كان بياخد CCB هنضيفله ACEI or ARB وممكن نستخدم خطة بديلة إننا بغض النظر هو بياخد ايه كـ 1st line نضيفله Thiazide diuretic على علاجه يعني لو بياخد ACEI نخليه ACEI + Thiazide لو بياخد ARB نخليه ARB + Thiazide لو بياخد CCB نخليه CCB + Thiazide ( ال Thiazide زي Indapamide في السوق Natrilix 🫀 5- لو كان النظام حتى الأن غير كافي في السيطرة على الضغط هنمشيه على ال 3 أنواع اللي اتكلمنا عليهم حتى الأن CCB + ACEorARB + Thiazide 🫀 6- لو كان النظام حتى الأن غير كافي السيطرة على الضغط هنحتاج نعرف ال serum K كام وتحديداً 4.5 فوقها ولا تحتها , لو تحت 4.5 ممكن أضيفله potassium sparing diuretic زي ال spironolacton في السوق Aldacton , لو كان البوتاسيوم فوق 4.5 مش هقدر أضيف spironolacton لأنه هيعلي البوتاسيوم أكتر ساعتها ممكن أضيف Beta blocker or Alpha blocker زي Bisoprolol or Doxazocin في السوق Concor or Cardura 🫀🫀🫀 وفي كل مرة هتنقل فيها من خطوة للتانية هتتأكد إن الضغط مش متظبط من جدول فيه أكتر من قياس مش مجرد قياسة واحدة وتتأكد إن المريض ملتزم على علاجه ميكونش هو مكبر دماغه بس منتظر ضغطه يتظبط عشان هو نيته كويسة وجدع وصاحب صاحبه 😁 لو عايز تفاصيل أكتر المصدر تحت الصورة ☑️☑️ #By_Dr_Mo #iv_notes

~ بوست بلدي بزيادة ~ إمبارح إتكلمنا عن ال Leukemoid reaction و فـ وسط الكلام قولنا مثل بلدي بردو كدة عن ال Leukemia نفسها إنها زي الفريك مبتحبش شريك .. وبالتالي بنلاحظ وجود Anemia & thrombocytopenia , عايزين دلوقتي بقى نفسر بالبلدي ليه ده بيحصل ‼️ - دلوقتي اللي أعرفه إن اللوكيميا يعني زيادة جنونية في WBCs , صح ؟ -صح ✅ طيب واللي أعرفه بردو إن WBCs دي هي جنود المناعة بتوع الجسم , صح ؟ صح ✅ طيب واللي أعرفه بردو إن اللي عنده لوكيميا بتبقى مناعته ضايعة , صح ؟ صح ✅ طب إزااااااااااااي ‼️ دلوقتي الـ WBCs اللي اتجننت دي بتنقسم بشكل جنوني متواصل مش راضية تقف وبتنتج خلايا جديدة , ده يهيألك في البداية إن هما كدة كتير فالمفروض مناعتي تكون عالية ولكن اللي بيحصل على العكس تماما لأن أي خلية في جسم الإنسان وهي بتنقسم متقدرش تعمل اي حاجة تانية غير الانقسام لأن في مرحلة ال Mitosis كل المعاملات الحيوية بتتوقف من أجل إنقسام ناجح للخلايا وبالتالي مينفعش تطلب من الخلايا اللي عمالة تنقسم ليل نهار إنها تدافع عنك هي مش فضيالك بصراحة 🤷 - طيب أنا أعرف بردو إن بيجيله Anemia , صح ؟ - صح✅ - طيب والأنيميا دي بتحصل لما RBCs بتقل , صح ؟ - صح✅ - طيب وهي مال الـ RBCs دلوقتي بالموضوع .. ما الـ WBCs هي اللي فيها المشكلة ‼️ - طيب خلينا نضربلك مثال توضيحي تاني عندنا مصنع بيصنع تيشيرتات وعنده مخزن المخزن ده سعته يشيل 100 كرتونة فيها تشيرتات والمخزن ده مليان حاليا ب 80 كرتونة تيشيرتات بيضاء و 10 حمراء و 10 صفراء ينفع حضرتك تطلب منه إنه يخزنلك كل يوم في المخزن 80 كرتونة تيشيرتات حمرا زي البيضا ؟ ما هو إذا أردت أن تطاع فاؤمر بما يستطاع , نخاع العظام اللي هو مكان تصنيع خلايا الدم في جواه تصنيع وانقسام جنوني لخلايا الدم البيضاء مالية نخاع العظام وزاحمة الدنيا جوة وبناء على ذلك معدش في مكان لخلايا الدم الحمراء وبناء على ذلك هيحصل نقص فيها وبناء على ذلك هيحصل أنيميا وكذلك نفس الكلام هيحصل مع ال platelets 👌 وبس كدة ... #By_Dr_Mo #IV_Notes

مش كل TLC في السما تبقى Leukemia ❌ هو ايه اللي حصل ؟! 🤔 اللي حصل إنك استلمت عيان في المستشفى بتراجع تحاليله النهاردة لقيت ال TLC ستين ألف !!! 😨 اترعبت و كلمت بتاع الأورام عشان العيان بتاعك بقى عنده لوكيميا خلاص ⏪ قالك طيب ما تديني هيستوري ⏪ وبعد ما وصفتله وضع العيان ⏪ لقيته هو أكثر هدوءاً و طلب منك شوية حاجات تعملها عشان نتأكد ⏪ قومت انت قولتله ليه هو انت مش متأكد ده ستييييين ألف !! ⏪ فقالك هو أنا متأكد أه بس متأكد انه مش لوكيميا بس هنعمل التحاليل احطياتي 🤨 - هو العيان بتاعك ماله ❓ - عيان جاي بـ sepsis (( أياً كان الـ Source )) بس ال TLC عالي جداً أنا عمري ما شوفت عيان كدة ممكن يبقى 20 الف 30 الف انما 60 !! 🧐 - أنا معاك انك ممكن تخاف إنها تبقى لوكيميا ولكن في سيناريو العيان بتاعك فهي في أغلب الظن حاجة اسمها leukemoid reaction , ده ريأكشن مش شرط يحصل في كل العيانين بس أحيانا يحصل إن بيتم تجنيد عدد مهول من ال WBCs أثناء ال Infection فتشوف أرقام أعلى من 50 ألف فساعتها لو عدت خمسين ألف تقول عليه Leukemoid reaction لأنه الرقم فعلا بقى مش طبييعي انه يبقى من ال leucocytosis الطبيعية لل Infection ✋ - طيب وأنا هتأكد ازاي ؟!❗️ - أولا من خلال السيناريو عيان كانت ال CBC بتاعته منطقية من يومين والنهاردة ضربت مرة واحدة وزي ما انت عارف الأورام بتاخد وقت لأن ال WBCs بتعلى فيها بفعل process الورم نفسه إنما ال Infection سريعة جدا لأن ال WBCs بتعلى فيها بفعل الجهاز المناعي للجسم اللي هو أصلا mature ومدرب ومجهز إنه يفور الجسم كله في ظرف ساعات ويعلن الطوارئ عشان يواجه ال infection دي .. كمان عندك source of infection وباقي ال inflammatory markers ممكن تبقى عالية من ال CRP and pro-cal مثلاً 🤚 - طيب أنا هنا بحاول أثبت إنها infection ازاي بقى هحاول أنفي إنها أورام 🙄 - طيب بص يا سيدي .. أولا زي ما ال sepsis ليه أرقام منطقية تحت ال 50 ألف ولو زاد عن ال 50 ألف ساعتها هسميه leukemoid rection فكذلك ال leukemoid reaction ليه أرقام منطقية ولو زاد عنها فلازم تدور بإجتهاد شديد على لوكيميا .. الرقم ده هو 100 ألف صعب جدا ال leukemoid reaction يعدي ال 100 ألف كذلك لو العيان مفيهوش signs of infection لازم تشك بتبص على السونار بتاع العيان ال splenomegaly هتشكك أكتر في ورم بتبص كذلك على باقي ال CBC وزي ما انت عارف اللوكيميا زي الفريك متحبش شريك , فلو فيه لوكيميا ممكن تلاقي مصاحبها Anemia & thrombocytopenia وده عادة ميحصلش في ال Infection إلا في ظروف خاصة , كذلك ال infection تلاقي فيها band cells كتيرة عكس اللوكيميا هتلاقي فيها blast cells كتيرة لما تعمل صورة peripheral smear 🩸 - طيب مفيش حاجة حلوة كدة تجيب من الأخر عشان مبقاش محتار 😵‍💫 - أقولك , اعمله تحليل Leukocyte Alkaline Phosphatase لو لقيته عالي ده infection لو لقيته واطي فده tumor في الأغلب وساعتها هنخش بقى في قصة ال bone marrow aspiration وحاجات كبيرة كدة .. وخد بالك في النهاية كلها كام يوم والمضادات الحيوية هتجيب نتيجة ان شاء الله وتلاقي ال TLC نزلت طبيعية تاني وهتطمن ان شاء الله 🙌 Leukemia Vs Leukemoid reaction #By_Dr_Mo #IV_Notes

في أكلاشيهات كدة بتحفرها في دماغك عشان متغلطش في الشغل 🧠 زي بخصوص المسكنات : لما تشوف عيان peptic ulcer فمينفعش تسكنله ألم ب NSAIDs ❌ لما تشوف عيان AKI فمينفعش تسكنله ألم ب NSAIDs ❌ أنا جاي أزودلك عليهم أكلاشيه وأقولك : لما تشوف عيان bleeding فمينفعش تسكنله ألم ب NSAIDs ❌ طيب ليه ‼️ أول اتنين ومعروفين الـ NSAIDs بتزود risk الـ peptic ulcer وكمان بتقلل ال renal perfusion أما بخصوص النزيف فإزاي ال NSAIDs هتزود النزيف 🩸 ركز معايا 🤓 الصفائح الدموية ليها دور مهم زي ما انت عارف في توقيف النزيف لما تلاقي blood vessel injury بتروح عليهم وتتجمع وتعمل platelet aggregation بميكانيزم ميهمنيش تعرف منه دلوقتي حاجة غير إن فيه إنزيم مهم جداً في إتمام هذا الميكانيزم الإنزيم ده هو thromboxane A2 🧬 تمام كدة 🖐 مين بقى اللي بينشط الإنزيم ده ويشغله ويخليه فعال لعمل platelet aggregation ❗️ اللي بينشطه هو إنزيم تاني اسمه cyclooxygenase1 COX1 ✅ وبالتالي ايه رأيك لو عطلنا شغل ال COX1 هل هيحصل platelet aggregation ؟ لأ ❌ ولما الصفائح متشتغلش هل النزيف هيقف ‼️ لأ بردو ❌ طيب مين بقى اللي ممكن يعطل الـ COX عن شغله ؟ أكيد ال COX inhibitor 😁ومين من الأدوية اللي انت تعرفها هو COX inhibitor ؟ أكيد تعرفه كويس 😃 ال NSAIDs 💊 وطبعاً ال risk ده هيزيد كل ما كان فيه مشكلة أصلا في ال platelets زي مثلاً يكون عددها قليل thrombocytopenia 🤏 أو تكون مش شغالة كويس زي لما تكون بتاخد anti platelet drug 💊 أو يكون فيه Uremia 😵‍💫 أو thrombasthenia لأي سبب 🤷 أقولك على إستنتاج تاني ✌️ مش كنا في أول كلامنا إتفقنا ان ال NSAIDs غلط على عيان ال renal طيب اي رأيك في عيان بينزف ونزيف شديد مش ده هيحصله Hypovolemia و دي هتقلب بـ pre renal AKI 😀يبقى هنا بقى عندنا سببين مناخدش عليهم NSAIDs مش سبب واحد 😇 أقولك على إستنتاج تالت من كلامنا 👌 إحنا قولنا ال thromboxane A2 هو ده اللي بيشغل ال platelets عن طريق ال COX 1 وال NSAIDs هي اللي بتعطل ال COX 1 , صح ؟ صح ✅ طيب مش في حاجة اسمها selective COX 2 inhibitors ممكن تسكن الألم من غير ما تأثر على ال COX 1 ؟ مظبوط ✅وبالتالي ال selective دول زي ال celecoxib هيكون تأثيرهم بعيد عن الصفائح الدموية مش زي المسكنات ال non selective واللي احنا عادة بنستخدمهم IV زي ketorolac 🤝 طيب في النهاية لو فيه Bleeding ايه الـ safe analgesic اللي ممكن أوصفه 🤔 هو فيه غيره حلال العقد محبوب الجماهير 😄 Paracetamol بس طبعا مشكلته إنه ليس بأقوى مسكن فممكن نحتاج نعلى ال level ساعتها ممكن نلجأ إلى ال Opioids ✋ تنوية هام ~ إحنا متكلمناش عن مشاكل أو ممنوعات الادوية الأخرى اللي قولنا ممكن نديها لعيان زي ده زي مثلا Paracetamol - Celecoxib - Morphine ~ كل علاج وليه حواراته زي ما انت عارف 🫡 #By_Dr_Mo #IV_Notes

مش دايماً البلازما بتتنقل عشان محتاجين بلازما ❌ ساعات ممكن نتغصب على حاجات مش عايزينها زي مثلاً : - عيان Hypoalbuminemia ⬇️ يعني عيان عنده نقص في نوع محدد من ال plasma protein المنطق والعقل بيقول ايه ! بيقول إن اللي ناقص عند العيان أعوضهوله فقط من غير ما نوسع الدايرة ونديله حاجات أخرى 🤝بس للأسف الواقع فرض عليا عدم وجود albumin أياً كان السبب , فساعتها هعصر على نفسي لمونة وأنقله بلازما نظراً إنها بتحتوي على كافة ال plasma ptns ✅ - عيان ال vit K dependent clotting factors متعطلة عنده بسبب تناوله لدواء ال warfarin ماريفان يعني 🩸 لو حصل Marivan toxicity والمريض بينزف بشدة وحبيت تعوض هذا المريض عن ال clotting factors المتعطلة عنده , ايه رأيك تديله كل ال clotting factors ولا المتعطلين فقط ؟ 🤔 طبعااا المتعطلين فقط وأديهاله بشكل مركز كمان عشان يستفاد أكبر استفادة وده هيحصل في ال PCC ✅ بس تعالى تصور معايا بردو إني مش متوفر عندي PCC كما هو عند معظم الناس دلوقتي , هتعصر على نفسك لمونة وتنقله plasma برغم إن تركيز ال factors في ال PCC أكتر من ال plasma بحوالي 25 مرة , إلا أنني مغصوب أخاك 🥹 #IV_Notes #By_Dr_Mo

ولنفترض إنك إديت للعيان بتاعك atropine ثم إشتكى من unilateral eye pain فده خازوق إسمه Glucoma 🥹 الأتروبين هو anticholinergic drug، يعني بيمنع ال action of acetylcholine on muscarinic receptors، وده بيأثر بشكل أساسي على عضلات العين ... نتيجة لهذا بيحصل mydriasis ⏫ لما الأتروبين يسبب mydriasis، ده بيقلل ال outflow of aqueous humor وبالتالي بيزيد الضغط داخل العين ⏫ لو المريض ده بقى عنده تاريخ للـ Glaucoma تحديداً Angle closure ال mydriasis اللي حصل نتيجة للأتروبين بيزود فرصة حدوث الانسداد ده، وبالتالي بيزيد الضغط داخل العين ⏫ #IV_Notes #By_Dr_Mo #Glaucoma

ال analgesics & ACEI في دور الكماشة 😁 ياما بنسمع عن مدى خطورة ال NSAIDs على ال kidneys .... كذلك عن مدى خطورة ال ACEI في عيان ال acute kidney .. أيوة ليه بقى هما بيعملوا مشاكل للكلى ! عشان هما حرفيا بيعملوا كماشة على الكلى ، حصل إزاي ؟ ركز معايا 🧐 زي ما في الصورة كدة ال glomerulus بيكون داخل ليه afferent arteriole وطالع منه efferent arteriole , في الطبيعي ال afferent بيكون أوسع من ال efferent بسبع مرات , يعني ال afferent واسع وال efferent ضيق وده ميكانيزم بيحمي الكلية في الوضع ال normal ⚔ الفكرة إني عاوز أخلى الضغط جوة ال glomerulus عالي جدا عشان خاطر أقدر بالضغط ده أطلع ال filtrate ويكون فيه renal perfusion محترم ... هحقق ده إزاي ؟ 🤔 تخيل إن فيه (( غرفة )) بتمثل ال glomerulus والغرفة دي ليها (( مدخل )) بيمثل ال afferent وليها (( مخرج )) بيمثل ال efferent .... لو أنا عاوز أعلي الضغط جوة الغرفة دي هزود عدد الناس اللي موجودة جوة , طيب لو عاوز أزود عددهم أوسع المدخل ولا أضيقه ؟ أوسعه طبعا عشان يدخل عدد كبير , طيب أوسع المخرج ولا أضيقه ؟ أضيقه طبعا عشان أخرج عدد قليل وبكدة أحافظ على ضغط عالي من الناس جوة 🔥 كذلك هنا في ال glomerulus ال afferent واسع فيدخل دم أكتر وال efferent ضيق فيخرج دم أقل فأحافظ على الضغط عالي جوة ⚡ أحد أسباب حدوث ال AKI بقى إني أعكس الميكانيزم ده يعني : مين بيوسع ال afferent ؟ ال prostaglandins , ومين بيقلل ال PGs ؟ ال NSAIDs عشان كدة المسكنات هتضيق ال afferent (( عكس الطبيعي )) ❌ مين بيضيق ال efferent ؟ ال angiotensin , ومين بيقلل ال angiotensin ؟ ال ACEI , عشان كدة ال ACEI زي الكابوتين يعني هتوسع ال efferent (( عكس الطبيعي )) ❌ يبقى كدة الضغط جوة ال glomerulus قل وال renal perfusion هيقل وبالتالي ممكن يؤدي ل AKI أو يزودها لو هي موجودة بالفعل 💥 #IV_Notes #By_Dr_Mo #NSAIDs #aki

المسألة كلها The matter of the highest blood flow 🩸 لو عندم ماسورة أم ( Aorta ) ورميت فيها بلية ( Embolism ) والماسورة الأم دي خارج منها فرعين للتبسيط ( arterial branches to different organs ) واحد قطره 80% من قطر الماسورة الأم والثاني 20% من قطر الماسورة الأم , تفتكر فرصة البلية للوقوع في أحد الفرعين هتكون أكتر في مين !! 🤷‍♂️ نفس الفكرة هنا ال Blood flow اللي خارج من ال aorta معظمه متوجه لل brain & kidneys وبالتالي فرصة إصابتهم بهذة ال embolism الناتجة عن ال AF هتكون أعلى من باقي الأعضاء اللي مازال حظهم المهبب قائم في الإصابة بالجلطة سواء كان ال mesentric vessels أو ال lower limbs أو غيرهم 🫀 #By_Dr_Mo #IV_Notes #atrialfibrillation

سؤال وإجابته كمان شوية ... ⏳ What's the most common two organs to be infarcted by embolism due to atrial fibrillation ⁉️ وأنا هنا قولتلك 2 عشان عارف إني لو قولتلك 1 فأنت حافظه زي إسمك، لأ إحنا عايزين التاني عشان مش دايماً بتكون في اللي انت عارفه بس 😃

إحنا عملنا ٣ دورات بخصوص ال Diabetes mellitus لو فاتك منهم حاجة خش إسمعهم ضروري هيفرقوا معاك كتير في فهمك وشغلك مع السكر بإذن الله عملتلك لكل دورة فيديوهات هتلاقيها مجانية على قناة اليوتيوب و ملفات PDF high quality هتلاقيها على قناة التليجرام محاضرات ال Hypoglycemia https://youtube.com/playlist?list=PLDNL0MZajaLFf300zcIJyo8K7O7aPGYrm&si=0OlkZBodJDKSgxpJ ملفات ال PDF محاضرة و cases https://t.me/IV_NOTES/372 https://t.me/IV_NOTES/370 محاضرات ال Insulin https://youtube.com/playlist?list=PLDNL0MZajaLG_cJHH2w0O_uw8B2qR-phV&si=oUwjpK0ByK8oT7Pv ملفات ال PDF محاضرة basic محاضرة clinical و cases https://t.me/IV_NOTES/346 https://t.me/IV_NOTES/401 https://t.me/IV_NOTES/430 محاضرة السكر والصيام في رمضان آمن ولا لأ خلي دي اخر واحدة لما الموسم بتاعها يقرب شوية https://youtube.com/playlist?list=PLDNL0MZajaLFMVr8JTzqutTiRuSSGoo8K&si=gejbaSCaHgRZROeC ملف ال PDF لمحاضرة رمضان https://t.me/IV_NOTES/517 #By_Dr_Mo #IV_Notes

مش دايماً الـ Beta blockers هتعالج القلب والضغط 🫀 الـ lesion اللي قدامك ده لو شوفته في طفل صغير فده عبارة عن ورم وعلاجه Beta blocker 💊 ده عبارة عن Infantile hemangioma 🩸 الورم ده غالبًا بيظهر في أول أسبوعين بعد الولادة 👶 في البداية، الورم بيكون لونه أحمر زاهي وبعدين بيبدأ يغمق شوية مع مرور الوقت، نموه بيتوقف خلال أول سنة في معظم الحالات وبيختفي تماما بعد خمس سنوات 🖐 ممكن يكون صغير أو كبير بس مش دي المشكلة، المشكلة هتكون مكانه فين لو طلع في مكان سخيف زي جفن العين فساعتها لو كبر هيقفل العين دي، أو يكون كبير ويفتح يعمل bleeding or ulceration فيسبب cosmotic scar 🤕 طيب الحل فيه ايه ؟ Local beta blockers فيه قطرات timolol للعين ممكن تستخدمها فيه لحد ما يحصل regression ممكن نستخدم oral beta blockers في الحالات ال more severe زي ال Inderal وممكن ال surgical excision يكون حل لبعض ال complicated cases الأخرى

ونظراً لأن فقرة إستماعي منكم أهم بالنسبالي من فقرة كلامي ليكم فاللي حابب يقترح أي فكرة فأنا هكون سعيد جدا بإهتمامكم على الفورم دي https://forms.gle/RoqjJB4or2xR96uz6

شوية فضفضة 😌 في خطوة كبيرة مقدمين عليها الفترة الجاية وقربت جداً إن شاء الله , أسأل الله أن تلاقي القبول وتكون ذا نفع بإذن الله 🤲🏻 في ضوء الخطوة الجاية دي بفكر أعمل Facebook group بإسم IV Notes بغرض زيادة التفاعل والتقارب بين المتابعين من القطاع الطبي الموضوع بدأت أفكر فيه بجدية بعد أخر ورشة عملناها بتاعة نقل الدم لأن قبلها ومع النشاط المستمر على البيدج كانت بدأت تنتشر فعلاً وبتوصل لناس كتير بس للأسف الفيسبوك أبو قلب خساية معجبوش صورة كنت حاطتها فيها كيس دم حقيقي فعمل restriction على وصول المنشورات على البيدج كانت الريتش حوالي 100 ألف للمنشور الواحد قبل الحوار ده بقى يوصل ألفين وتلاتة بعدها 😃 نظراً لإهتمامكم الجميل الحقيقة الفترة الأخيرة بالمحتوى المقدم خصوصاً الورش اللي كنا بنعملها فحبيت أخد رأيكم في الخطوة دي هل فعلا بتحسوا في الجروب تفاعل أكبر وإهتمام أكتر ولا مش فارقه ( إحنا كدة كدة هنشتغل بالتوازي بين البيدج والجروب بس طبعا الجروب هيكون عليه شغل أكتر ) كذلك جزئية تانية , من خلال سيكولوجية المشاهد هل رؤيتك لـ real person بيقدم المحتوى ده بيفرق معاك في مدى إهتمامك أو ثقتك في المحتوى المقدم , لأني من ساعة ما بدأت شغل وأنا بقدم المحتوى من وراء قناع الـ IV Notes و بحب أجنب الأكونت الشخصي بتاعي التفاعل مع الجمهور .. بس السؤال هنا هل بيفرق معاك فعلا لو شوفت الدكتور اللي بيكلمك من أكونته الشخصي كـ (محمد حسني) أو من خلال أكونت المنصة كـ (IV Notes)