Ethiopian Sugar Industry Group

የኦሞ ኩራዝ ስኳር ፋብሪካዎችና የደቡብ ኢትዮጵያ ክልል የስራና ክህሎት ቢሮ ተፈራረሙ _________________________________ የኦሞ ኩራዝ ስኳር ፋብሪካዎችና የደቡብ ኢትዮጵያ ክልል የሥራና ክህሎት ቢሮ የሰው ኃይል በበቂ ሁኔታ ማቅረብን በተመለከተ በጋራ ለመስራት የሚያስችላቸውን ስምምነት ተፈራረሙ። በስምምነቱ ወቅት የቢሮ ምክትል ኃላፊና የአሰሪና ሰራተኛ ጉዳዮች ዘርፍ ኃላፊ አቶ አብዮት ሽጋ ለመንግስትም ሆነ ለግል ድርጅቶች የሰው ኃይል በበቂ ሁኔታ በማቅረብ የዜጎችን ምርታማነት ለማረጋገጥ ትኩረት ተሰጥቶ ይሰራል ብለዋል ። ሰኔ 29 ቀን 2018ዓ.ም በአርባ ምንጭ ከተማ በተከናወነው በዚህ ስምምነት መሠረት የደቡብ ኢትዮጵያ ክልል የሥራና ክህሎት ቢሮ ለኦሞ ኩራዝ ቁጥር 2 እና ቁጥር 3/1 ስኳር ፋብሪካዎች ለ2019 የምርት ወቅቶች የሚያስፈልጓቸውን 8 ሺህ 420 ሠራተኞችን ያቀርባል፡፡ የኦሞ ኩራዝ ቁጥር 3/1 ስኳር ፋብሪካ በ2018 የምርት ዘመን ሁለተኛ ዙር ኦፕሬሽን የሚያስፈልገውን 3 ሺህ 200 ሠራተኞች ከክልሉ የተለያዩ ዞኖች ለማቅረብ እንደሚሰራ በስምምነቱ ላይ ተገልጿል፡፡ በመድረኩ የዞኖችና ሪጂኦ ፖሊስ ከተሞች የስራና ክህሎት መምሪያ ዋናና ምክትል ኃላፊዎች፣ የባለድርሻ አካላት እና አሰሪ እና ሰራተኛ አገናኝ ኤጀንሲዎች ተሳታፊ ሆነዋል።