İş elanları və şəxsi inkişaf kanalı (HR-AZ.com)

Mərkəzi Bankda 2 AKTİV VAKANSİYA ◾ Bazar davranışlarının tənzimlənməsi və nəzarətin metodologiyası şöbəsinin Böyük mütəxəssisi ◾ Bazar davranışlarına nəzarət şöbəsinin Böyük mütəxəssisi Bu və digər vakansiyalar mobil telefonunuzda: 🌐 t.me/hrazcom

Google ən uğurlu komandaların necə formalaşdığını araşdırdı. Nəticə isə düşündüyümüzdən fərqli idi. 🔍 2012-ci ildə Google komandaların effektivliyini müəyyən edən amilləri araşdırmağa başladı. “Aristotel” adlanan layihə çərçivəsində şirkət komandaların necə işlədiyini, əməkdaşların bir-biri ilə necə ünsiyyət qurduğunu və uğurlu əməkdaşlığın nədən asılı olduğunu öyrənməyə çalışırdı. Araşdırmanın əsas nəticəsi bu idi: komandanın uğuru yalnız onun üzvlərinin nə qədər ağıllı, təcrübəli və bacarıqlı olmasından asılı deyil. İnsanların birlikdə necə işləməsi də həlledici rol oynayır. Google-un müəyyən etdiyi beş əsas amildən ən önəmlisi isə psixoloji təhlükəsizlik idi. Psixoloji təhlükəsizlik nədir? Bu, əməkdaşın səhv etməkdən, sual verməkdən, bilmədiyini etiraf etməkdən və ya fərqli fikir söyləməkdən çəkinmədiyi iş mühitidir. Belə komandada insan öz fikrinə görə alçaldılacağından, səhvinə görə dərhal günahlandırılacağından və ya sual verdiyi üçün qeyri-peşəkar görünəcəyindən qorxmur. Google-un araşdırmasında digər dörd amil də müəyyən edilmişdi: 🔹 Etibarlılıq — komanda üzvlərinin üzərlərinə götürdükləri işi vaxtında və keyfiyyətlə yerinə yetirməsi. 🔹 Struktur və aydınlıq — məqsədlərin, rolların və gözləntilərin aydın olması. 🔹 İşin mənası — görülən işin insan üçün şəxsi əhəmiyyət daşıması. 🔹 Təsir hissi — görülən işin real nəticə yaratdığını hiss etmək. 👉 Güclü komanda yaratmaq yalnız istedadlı insanları bir araya gətirmək deyil. Onların fikirlərini sərbəst ifadə edə, səhvlərindən öyrənə və bir-birinə güvənə bildiyi mühit formalaşdırmaqdır. Çünki insanlar yalnız səhv etməkdən qorxmadıqları mühitdə problemləri vaxtında dilə gətirə və yeni həll yollarını sınaya bilirlər. Bəs sizin komandanızda əməkdaşlar səhvlərini açıq etiraf edə, rəhbərlə razılaşmadıqlarını bildirə və bilmədikləri barədə rahatlıqla sual verə bilirlərmi? 👇 #hrblogaz #PsixolojiTəhlükəsizlik #HR #İnsanResursları #Komanda #Liderlik #Google #İdarəetmə #HRtips #hrazcom

Ən yaxşı satış əməkdaşınızı rəhbər vəzifəyə yüksəltdiniz, amma nəticədə komandanın performansı aşağı düşdü. Niyə? Çünki öz işində uğurlu olmaq, başqalarına rəhbərlik etmək üçün kifayət etmir. 🧠 1969-cu ildə Lorens Piter bu paradoksu “Piter prinsipi” ilə izah etdi: insanlar mövcud vəzifələrində uğurlu olduqları üçün yüksəldilir və nəticədə bacarıqlarının tələblərə cavab vermədiyi vəzifə səviyyəsinə çatırlar. Bəs araşdırmalar nə deyir? 👇 2018-ci ildə üç iqtisadçı 130-dan çox şirkətdə çalışan 38 843 satış əməkdaşının göstəricilərini təhlil edib. Nəticələr maraqlı bir məqamı üzə çıxarıb: ən yaxşı satış nəticələri göstərən əməkdaşların menecer vəzifəsinə yüksəldilmə ehtimalı daha yüksək olub. Lakin onlar rəhbər vəzifəyə gəldikdən sonra komandalarının nəticələri digər menecerlərlə müqayisədə daha zəif olub. Bunun səbəbi nədir? Satış əməkdaşının uğuru özünün nə qədər yaxşı nəticə göstərməsindən asılıdır. Menecerin uğuru isə komandasının nəticələrindən. Güclü satıcı problemi özü həll etməyə, müştərini özü razı salmağa və satışı özü bağlamağa çalışa bilər. Ancaq rəhbər vəzifədə əsas məsələ hər şeyi özünün bacarması deyil, komanda üzvlərinin daha yaxşı nəticələr göstərməsinə şərait yaratmaqdır. HR və rəhbərlər üçün əsas nəticə: İşçini rəhbər vəzifəyə yüksəldərkən yalnız onun fərdi nəticələrinə baxmaq kifayət deyil. Başqalarını inkişaf etdirmək, işi düzgün bölüşdürmək, komandanı motivasiya etmək və ümumi nəticəyə nail olmaq bacarığı da qiymətləndirilməlidir. Çünki yaxşı mütəxəssis olmaqla yaxşı rəhbər olmaq eyni şey deyil. Sizcə, təşkilatlarda bu fərq nə dərəcədə nəzərə alınır? Heç öz işində uğurlu olduğu halda rəhbər vəzifədə eyni nəticəni göstərə bilməyən əməkdaşlarla rastlaşmısınızmı? Fikirlərinizi şərhlərdə bölüşün. 👇 📌 @hrblog.az • @hr.orkhan.safarli #hrblogaz #PiterPrinsipi #HR #İnsanResursları #İdarəetmə #Liderlik #Karyera #Komanda #HRtips #hrazcom

26 İyun – Azərbaycan Respublikasının Silahlı Qüvvələri Günü Vətənin təhlükəsizliyi, dövlət müstəqilliyinin qorunması və xalqın əmin-amanlığı naminə xidmət göstərən bütün hərbi qulluqçulara dərin ehtiramımızı bildiririk. Peşəkarlıq, məsuliyyət, intizam və fədakarlıq kimi dəyərlər həm güclü ordunun, həm də güclü cəmiyyətin əsas sütunlarıdır. HR-AZ.com olaraq, Silahlı Qüvvələrimizdə xidmət edən bütün hərbi qulluqçuları, veteranları və bu şərəfli peşəyə ömrünü həsr etmiş hər kəsi 26 İyun – Silahlı Qüvvələr Günü münasibətilə təbrik edir, onlara möhkəm can sağlığı, şərəfli xidmət və yeni uğurlar arzulayırıq. Bayramınız mübarək! #hrazcom #insanadəyər

Mərhəmət, paylaşmaq və birlik kimi dəyərləri özündə birləşdirən Qurban Bayramı münasibətilə hər kəsi səmimi qəlbdən təbrik edirik. Bu bayramın ailələrinizə sevinc, evlərinizə ruzi-bərəkət, həyatınıza isə sağlamlıq və huzur gətirməsini arzulayırıq. Bayramınız mübarək! #hrazcom #insanadəyər

İnsan resursları sadəcə bir funksiyanı deyil, insanı, potensialı və inkişafı idarə edən strateji bir missiyanı təmsil edir. Bu gün təşkilatların uğurunun arxasında dayanan əsas güclərdən biri məhz insan kapitalıdır. İşə qəbuldan inkişaf proqramlarına, təşkilati mədəniyyətdən liderliyin formalaşdırılmasına qədər HR peşəkarları davamlı olaraq insanlara dəyər qatan sistemlər qururlar. HR-AZ.com olaraq, insan resursları sahəsində fəaliyyət göstərən bütün peşəkarları İnsan Resursları Günü münasibətilə təbrik edir, onların təşkilatlara və cəmiyyətə verdiyi töhfələri yüksək qiymətləndiririk. İnsan amilinə dəyər verən hər kəsin günü mübarək! #hrday #hrazcom #insanadəyər

9 May — yalnız bir qələbənin deyil, həm də insan iradəsinin, həmrəyliyin və fədakarlığın simvoludur. Bu tarix bizə xatırladır ki, ən çətin dövrlərdə belə insanı ayaqda saxlayan əsas güc birlik, məsuliyyət və inamdır. Faşizm üzərində qələbəyə töhfə verən hər kəsi ehtiramla anırıq. #9May #VictoryDay #hrazcom #insanadəyər

İki dəyərin birləşdiyi gündəyik — yenilənmənin və mənəvi zənginliyin. Bu gözəl gündə hər birinizə harmoniya, bərəkət və yeni başlanğıclar arzulayırıq. Qoy qəlbinizdəki işıq yolunuza nur saçsın, atdığınız hər addım sizə uğur gətirsin. Bayramınız mübarək! #hrazcom #insanadəyər #novruz #ramazan

HR-AZ.com olaraq bütün qadın həmkarlarımızı ürəkdən təbrik edirik. Qadınların iş mühitinə gətirdiyi məsuliyyət, həssaslıq, liderlik və davamlı inkişaf ruhu təşkilatların güclənməsində mühüm rol oynayır. Müxtəlif sahələrdə çalışan qadınların əməyi, bilik və peşəkarlığı cəmiyyətin və təşkilatların inkişafına böyük töhfə verir. Bu gün yalnız bir təbrik günü deyil, həm də qadınların iş həyatında yaratdığı dəyəri və töhfələri bir daha xatırlamaq üçün bir fürsətdir. Bütün qadınlara sağlamlıq, uğur və yeni nailiyyətlər arzulayırıq. 8 Martınız mübarək! #8Mart #hrazcom #insanadəyər #BeynəlxalqQadınlarGünü #İnsanResursları #GenderBərabərliyi