رسايل - Rsaa2l

ليست كل الأسماء سواء .. بعضها مرَّ عابرًا، وبعضها لامس الذكر.. فخلَّده القرآن قدواتٌ لم يكونوا أنبياء ولا رسلًا، بل بشرًا عاديين.. لكن مواقفهم جعلتهم نجومًا في كتاب الله

🌟 نجوم القرآن 🌟

"الجزء الأول" مع د. رامي النحراوي 🎙 📌 التسجيل مجانًا .. على هذا الرابط https://forms.gle/Xmzq2zVJGa2Mc25n6 🎯 15 حلقات صوتية ومرئية ⏳ بداية الدورة: السبت القادم 26 سبتمبر 📝 اختبار أسبوعي 📋اختبار نهائي وشهادات اجتياز 📚 سحب عشوائي على كتب هدية لعدد من المشتركين

مش عايز أضايقك ي صاحبي.. بس بصراحة: أنت هتموت….. وهيعيطوا عليك/وعليكِ شوية وبعدها هينسوك والحي أبقى من الميت🤷‍♂️ زي بالظبط ما أنت زعلت أوي على صاحبك أو قريبك اللي مات من كام سنة وفي الآخر نسيته وعايش حياتك عادي هييجي يوم وكل حبايبك وكل حاجة شاغلاك في الدنيا (فلوس، فسح، عربيات....) كل ده هيودعك وشوية وهينسوك 😭…. فخليك ناصح بقى 👌 اعمل للمكان اللي هتعيش فيه إلى ما لا نهــايــة.. عيش حياتك وإنت فاهم ربنا خلقنا ليه؟ والمفروض نعمل ايه في الدنيا هنا؟ عيش حياتك وإنت بتجهز مكانك اللي في دار الخلود🤌 عيشها بالطاعة جاهد نفسك في ترك الذنوب والشهوات💪 وفكّر نفسك دايما إن فيه موت وإن مالوش وقت محدد لأن ده المستقبل اللي يستاهل بجد إنك تعمل له وتشغل نفسك بيه.. وادعي دايما ربنا يتوفاك على طاعته وهو راض عنك🤲 #رسايل

《من صلَّى البَردينِ دخلَ الجنَّةَ》 **** 👈س/يعني ايه البردين ؟؟ ج/ البردين يعني صلاة الفجر وصلاة العصر **** 👈ايه السبب في تخصيص الصلاتين دول بالذات ؟؟ ج/ لأن المحافظة عليهم أصعب من باقي الصلوات • فالفجر مثلاً ..المسلم بيسيب نومه ويصحى عشان معاد الصلاة بس ..وده يدل على إن الإنسان ده معظم لأمر الله اللي أمره بالصلاة دي في الوقت ده بالذات .. • والعصر ...وقت العمل والانشغال بالدنيا والمكسب فاللي بيسيب شغله ودروسه وكل حاجة تشغله ويصلي العصر ..هو إنسان معظم لشعائر الله **** 👈س/ يعني ينفع أصلي الفجر والعصر بس وادخل الجنة من غير ما احافظ على باقي الصلوات ؟؟ ج/ لا ماينفعش ..ربنا قالنا 《حَافِظُوا عَلَى الصَّلَوَاتِ وَالصَّلَاةِ الْوُسْطَىٰ》 يعني تحافظ على كل الصلوات وبالذات الصلاة الوسطى (اللي هي صلاة العصر وقيل هي الفجر) .. مش تحافظ على صلاة العصر بس .. ومعنى الحديث ...إن اللي بيحافظ على صلاة الفجر والعصر اللي بيجوا في أكتر وقت بيكون فيه انشغال للمسلم ...هو أكيد محافظ على باقي الصلوات في وقتها ويعظم الصلاة فوق أي حاجة تشغله طول اليوم وإنهم من أهم صلوات اليوم اللي ماينفعش تأخرها #رسايل #rsaa2lchallenge

《من صلَّى البَردينِ دخلَ الجنَّةَ》 **** 👈س/يعني ايه البردين ؟؟ ج/ البردين يعني صلاة الفجر وصلاة العصر **** 👈ايه السبب في تخصيص الصلاتين دول بالذات ؟؟ ج/ لأن المحافظة عليهم أصعب من باقي الصلوات • فالفجر مثلاً ..المسلم بيسيب نومه ويصحى عشان معاد الصلاة بس ..وده يدل على إن الإنسان ده معظم لأمر الله اللي أمره بالصلاة دي في الوقت ده بالذات .. • والعصر ...وقت العمل والانشغال بالدنيا والمكسب فاللي بيسيب شغله ودروسه وكل حاجة تشغله ويصلي العصر ..هو إنسان معظم لشعائر الله **** 👈س/ يعني ينفع أصلي الفجر والعصر بس وادخل الجنة من غير ما احافظ على باقي الصلوات ؟؟ ج/ لا ماينفعش ..ربنا قالنا 《حَافِظُوا عَلَى الصَّلَوَاتِ وَالصَّلَاةِ الْوُسْطَىٰ》 يعني تحافظ على كل الصلوات وبالذات الصلاة الوسطى (اللي هي صلاة العصر وقيل هي الفجر) .. مش تحافظ على صلاة العصر بس .. ومعنى الحديث ...إن اللي بيحافظ على صلاة الفجر والعصر اللي بيجوا في أكتر وقت بيكون فيه انشغال للمسلم ...هو أكيد محافظ على باقي الصلوات في وقتها ويعظم الصلاة فوق أي حاجة تشغله طول اليوم وإنهم من أهم صلوات اليوم اللي ماينفعش تأخرها #رسايل #rsaa2lchallenge

معرفش منين جت فكرة إن الهزار بيحول الحرام لحلال .. والعيب لحاجة عادية ..!! الكلمة اللي لو قلتها بجد حرام .. ولو قلتها بهزار برضه حرام ..! الكلام العيب أما نقوله بجد فهو عيب وقلة أدب .. ولو قولناه بهزار برضه هو عيب وقلة أدب ..! - بستغرب أوي أما ألاقي مجموعة شباب بيهزروا وبيشتموا بعض بالأب والأم .. وممكن الشتيمة كمان تكون كناية عن الزنا والفحش.. والغريب إن اللي بيتشتم بياخدها عادي ويضحك .. أصله هزار يعني !!! - ده غير بقى البنات اللي المفروض إنها كائن رقيق لطيف .. ولسانها بينقط سكر .. أصبحت اليومين دول بتشتم وبتسب وتلعن بنفس ألفاظ الشباب البذيئة..!! تحس إن ودانك مش مصدقة إن الكلمة دي طلعت من بنت والله .. قال رسول الله صلى الله عليه وسلم : "إنَّ الْعَبْد لَيَتَكَلَّمُ بِالكَلِمةِ مَا يَتَبيَّنُ فيهَا يَزِلُّ بهَا إِلَى النَّارِ أبْعَدَ مِمَّا بيْنَ المشْرِقِ والمغْرِبِ" . وقال صلى الله عليه وسلم : "ألا هل عسَى رجلٌ منكم أن يتكلَّمَ بالكلمةِ يُضحِكُ بها القومَ فيسقُطَ بها أبعدَ من السَّماءِ ، ألا هل عسَى رجلٌ منكم يتكلَّمُ بالكلمةِ يُضحِكُ بها أصحابَه ، فيسخَطُ اللهُ بها عليه لا يرضَى عنه حتَّى يُدخِلَه النَّارَ " #رسايل

ليست كل الأسماء سواء .. بعضها مرَّ عابرًا، وبعضها لامس الذكر.. فخلَّده القرآن قدواتٌ لم يكونوا أنبياء ولا رسلًا، بل بشرًا عاديين.. لكن مواقفهم جعلتهم نجومًا في كتاب الله

🌟 نجوم القرآن 🌟

"الجزء الأول" مع د. رامي النحراوي 🎙 📌 التسجيل مجانًا .. على هذا الرابط https://forms.gle/Xmzq2zVJGa2Mc25n6 🎯 15 حلقات صوتية ومرئية ⏳ بداية الدورة: السبت القادم 26 سبتمبر 📝 اختبار أسبوعي 📋اختبار نهائي وشهادات اجتياز 📚 سحب عشوائي على كتب هدية لعدد من المشتركين

بتخاااف !!!! بتخاف من مديرك في الشغل فبتعمل حاجة حرام ؟! بتخاف من زعل زوجتك فبتسيبها تلبس اللي يريحها حتى لو مايرضيش ربنا ؟! بتخاف من زعل ولادك فبتسيبهم يعملوا الغلط ؟؟!! بتخافي تسيبي الشاب اللي مرتبطة بيه لأنك خايفة يزعل ؟! لو كنت واحد من دول ..اسمع ربنا بيقولك ايه : 《أَتَخْشَوْنَهُمْ ۚ فَاللَّهُ أَحَقُّ أَن تَخْشَوْهُ إِن كُنتُم مُّؤْمِنِينَ》 لو بتخاف من الناس أو من زعلهم ، اعرف إن ربنا أحق أن تخشاه .. يعني المفروض انت كمؤمن تخاف ربنا أكتر من خوفك من مديرك ومن أي حد .. تخاف من غضب ربنا .. أكتر من خوفك إن زوجتك أو عيالك يزعلوا الله أحق أن تخشاه .. ماتغضبش ربنا عشان أي حد تاني يرضى .. ماتغضبش ربنا وتحضر حفلات أو أفراح فيها أغاني عشان ترضي أي حد حتى لو كان أهلك .. لإن لا طاعة لمخلوق في معصية الخالق .. والله أحق أن تخشاه .. خليها دايمًا قدامك واوعى تشتري رضا أي حد من البشر بغضب رب البشر في الحديث : ((من التمس رِضا اللهِ بسخَطِ الناسِ ؛ رضِيَ اللهُ عنه ، وأرْضى عنه الناسَ ، ومن التَمس رضا الناسِ بسخَطِ اللهِ ، سخِط اللهُ عليه ، وأسخَط عليه الناسَ)) #وقفة_مع_آية #جعلناه_نورًا #رسايل

دخوووووول مفاجئ 😎 صليت الفجر النهارده❓ ايوة انت ..السؤال لييييك صليت الفجر النهارده ؟؟! ولا ...عندك شغل وصليت الساعة ٧ قبل ماتروح الشغل ؟؟ ولا مش في دماغك صلاة الفجر أصلا ؟؟!! صلاة الفجر وقتها لحد الشروق بس ....لو صليتها بعد كده وانت قاصد ..انت كده ضيعتها _تعرف إن صلاة الفجر ..هي بجد كنز ليك مش واجب تقيل بتقوم تعمله بالعافية ... _تعرف إن الناس اللي بتصحى للفجر كل يوم .... هم دول الصفوة..هم دول صفوة المجتمع بجد اه والله .... الناس دي ... تلاقيهم من ضمن مليارات البشر صاحيين في نص نومهم بس عشان يصلوا الفجر و يمكن كمان يصحوا قبل الفجر بشوية يصلوا كم ركعة قيام ، وغيرهم بقى فى نفس الوقت ده ناااااايم😴 _تعرف إن الناس دي مشهوره أوى ، مشهورة أكتر من أى حد مشهور تعرفه بس شهرتهم دي فى السمااااااء ... تخيل !! مشهورين بين الملايكة ، كل أهل السماء عارفينهم ، والملايكة بتدعيلهم ويستغفروا ليهم كمان..مش عاوز تكون مشهور انت كمان ؟؟!! _مش بس كده ....أهل الفجر هم الجماعة اللي هيبقى معاهم النور التام يوم القيامة ...طريقهم هينور في الآخرة زي ماكان طريق صلاتهم منور في الدنيا لو كنت لسه مش محافظ على صلاة الفجر وبتظبط منبهك للشغل وسايب الصلاة ....خد بالك إنت في خطر⚠️ ...الحق نفسك #رسايل #rsaa2lchallenge

*صباحكم رسايل خير وسعادة* 🕊🩵 تخيّل إن بمجرد ما الشمس تطلع… كل الكون حواليك بيسبّح ربنا وإنت لأ😳 النبي ﷺ قال: *"ما تستقِلُّ الشمسُ فيبقى شيءٌ مِن خلقِ اللهِ إلَّا سبَّحَ اللهَ بحمدِهِ، إلَّا ما كانَ مِنَ الشياطينِ وأغبياءِ بني آدمَ."* °°°حسنه الألباني في صحيح الجامع°°° يعني إيه 🤔 يعني من أول ما الشمس تبدأ ترتفع… كل شيء من خلق الله يبدأ تسبيح ربنا🤍 الشجر 🌳… والطيور 🐦… وكل المخلوقات اللي حواليك… الكون كله حرفيا بيسبّح… إلا اتنين ✌ 👈 الشياطين 👈 أغبياء بني آدم اللي هم شرار الخلق *ها....قررت تبدأ يومك بإيه*⁉️ محتاجين كلنا نبدأ يومنا بصلاة الفجر✅ وكام دقيقة بس ذكر وشكر على نعمة يوم جديد🤍 كام ثانية تقول فيها *"سبحان الله وبحمده وسبحان الله العظيم"* خفيفتان على اللسان😍 ثقيلتان في الميزان حبيبتان إلى الرحمن🤍 📛اوعى ترضى إن الدنيا كلها تسبقك للتسبيح وتفضل إنت غافل✋ شير في الخير🤝 #نصيحة_الفجر

كأنك تراه .. تفتكر لو انت شايف ربنا بجد هيكون إيه حالك؟! لو قدرت توصل للمنزلة دي وهي (أن تعبد الله كأنك تراه) يبقى انت كده وصلت لمنزلة (الإحسان).. قال رسول الله ﷺ "الإحسان أن تعبد الله كأنك تراه، فإن لم تكن تراه فإنه يراك" كلمني عن صلاة واحد شايف ربنا بعينه.. كلميني عن حجاب واحده شايفه ربنا بعينها. كلموني عن خلوات ناس شايفين ربنا أمامهم.. هتقدر تعصي ربنا وانت شايفه؟! هتشرب سجاير وتتفرج ع إباحيات وتمارس العادة وانت شايف ربنا؟ هتكلمي شاب وتقابليه وتعملي علاقه معه وانتِ شايفه ربنا؟! هتاكل الربا والمال الحرام وانت شايف ربنا؟! - بس أنا مش شايفه فعلاً ومش قادر أستشعر إني شايفه! يبقى تخليك فاكر كويس إنه هو يراك.. يراك طول الوقت في كل مكان وعلى كل حال.. فإنه يراك❤️ #رسايل

عارف اي هو #قانون_المعاملة ⁉️ ماتقلقش مش فيزياء ده 🤌😂 ده قانون النبي قالنا عليه في أحاديث كتيييير خلاصة القانون ده إنك زي ماهتتعامل مع الناس = هتكون معاملة ربنا ليك 👌 ازاي ⁉️ يعني لو فرجت كرب مسلم في الدنيا = ربنا يفرج عنك كربة من كربات يوم القيامة ولو سترت مسلم = ربنا يسترك يوم القيامة طب اللي يفضح مسلم ويتتبع عورته = ربنا يفضحه ولو جوة بيته وغيرهم وعود كتيررر كده طب والحل ⁉️ عامل الناس كما تحب أن يعاملك الله 👌 استرهم سامحهم ساعدهم فرحهم وساعتها تأكد أن الله أكرم منك هو الكريم الشكور سبحانه اللي هيكافئك على كل ده 👌 #رسايل #كاريكاتير_رسايل

خليني أفكرك بالحاجة اللي تخلي الدنيا تجيلك "وهي راغمة"👌 يعني غصب عنها مش بمزاجها أصلا الحاجة دي هي إنك تصحى كل يوم بتفكر ازاي أرضيك يارب 🥹 وأنا رايح شغلي /مدرستي / أي حاجة... ازاي أخلي نيتي رضا ربنا🤍 إنك تفكر نفسك كل يوم بالغاية اللي ليها خُلقنا ويبقى دايما همك رضا ربنا عنك🫶 👈 تعرف إن الصلاة في وقتها ترضي ربنا فماتضيعش فرض عشان درس أو مدرسة أو أي حاجة👌 👈تعرفي الحجاب اللي يرضي ربنا وماتضيعهوش عشان أي حد... ساعتها بس أبشروا بوعد الصادق المصدوق ﷺ : "من كانتِ الآخرةُ هَمَّهُ جعلَ اللَّهُ غناهُ في قلبِهِ وجمعَ لَه شملَهُ وأتتهُ الدُّنيا وَهيَ راغمةٌ، ومن كانتِ الدُّنيا همَّهُ جعلَ اللَّهُ فقرَهُ بينَ عينيهِ وفرَّقَ عليهِ شملَهُ ، ولم يأتِهِ منَ الدُّنيا إلَّا ما قُدِّرَ لَهُ " ربنا يجعلنا وإياكم ممن همه الآخرة🤍 شير وإنت معدي متمشيش فاضي كده🚶‍♂️😂 #رسايل

#ورد_القرآن #أذكار_الصباح لاتنسوا الدعاء لـ إخواننا المسلمين

خَيرُكُم (١٤) قال الرسول ﷺ "خيرُ الناسِ في الفِتَنِ رَجلٌ أخَذَ بِعنانِ فَرَسِهِ خَلْفَ أعداءِ اللهِ ، يُخِيفُهمْ و يُخِيفُونهُ ، أو رَجلٌ مُعتَزِلٌ في بادِيَةٍ يُؤَدِّي حَقَّ اللهِ الذي عليْهِ" - خير الناس: يعني أفضلهم وأحسنهم - في الفتن: زمن الفتن والابتلاءات وانتشار الجهل والقتل وفي الأوقات دي خصوصاً بيظهرالفارق بين معادن الناس وأخلاقهم ودينهم وعلمهم.. - رجل أخذ بعنان فرسه خلف أعداء الله يخيفهم ويخيفونه: هو الإنسان المنشغل بنصرة الدين ويحمل هم الأمة وبيجاهد أعداء الدين بما أوتي من قوة.. سواء كان جهاده بالقتال.. أو بالمال.. أو بنشر العلم والدعوة إلى الله وبيان الحق ومحاربة الفتن والشبهات.. وهذا أكثر ما يخيف أعداء الله.. - أو رَجلٌ مُعتَزِلٌ في بادِيَةٍ يُؤَدِّي حَقَّ اللهِ الذي عليْهِ: وده النوع الثاني.. اللي ربما مكنش عنده ما ينصر به الدين لا من قوة ولا من مال ولا من علم ودعوة ينشرها.. فقرر أن يعتزل المشهد الفوضوي ويقفل عليه باب بيته ويمسك لسانه ولا يتكلم فيما لا يحسن ولا يسب ولا يُخوِّن ولا ينشر الفتن والإشاعات.. وينشغل بالعبادة ويؤدي حق ربنا عليه.. ففي زمن الفتن مينفعش حد يتصدر إلا اللي يقدر ينصر الدين بعلم ودعوة أو بجهاد ومال.. أما بقية الناس فمش مطلوب منك أكثر من إنك تصلح نفسك وتنشغل بالعبادة والدعاء.. لو مش هتقدر تنصر الدين.. متكونش سبب في هزيمته.. #رسايل

لو عندك محل بيبع فيب أو سجاير أو أي حاجة زيهم وقريب من مدرسة أو سنتر دروس … خاف ع نفسك✋ خاف على نفسك من وقفة هتقفها قدام ربنا يسألك عن كل شاب كنت سبب في تضييع مستقبله وصحته وحسناته ويمكن غيرت مسار حياته كلها😰 عشان بيعت ليه فيب أو سجاير أو أي حاجة زيهم الشباب اللي بيعدوا قدامك مش مجرد زباين❌❌ ولا ينفع تتعامل معاهم بمبدأ فرصة أشتغل أنا مالي هو اللي عاوز❌❌ الشباب دول وأهاليهم هياخدوا حقهم منك يوم القيامة👌 مش مطلوب والله نخلي طريقهم للدرس باب للمصايب أصل فيه شباب كتيررر ممكن يجربوا لأول مرة بسبب سهولة الوصول للفيب والسجاير عند الدروس يقولك كلنا شباب و خمسة فرفشة🤷‍♂️ 📛 خاف على نفسك من بيع الحاجات دي ٱصلا لأنها حرام ولو كمان جمهورك من الشباب دول فمصيبتك كبيرررة اوي الحق نفسك #فيب #لا_للمخدرات #وعي #رسايل