رسايل - Rsaa2l
الذهاب إلى القناة على Telegram
رسايل قصيرة لتغيير كبير نرسلها لبريد قلبك 📫❤️ للتواصل معنا : @Rsaa22lbot 💌 منصات رسايل 💌 تابعونا علي 🤗 🎗️ http://www.facebook.com/Rsaa2l/ 🎗️ http://wa.me/+201274001126 🎗️https://youtube.com/c/Rsaa2l 🎗 https://instagram.com/rsaa2l
إظهار المزيد📈 نظرة تحليلية على قناة تيليجرام رسايل - Rsaa2l
تُعد قناة رسايل - Rsaa2l (@rsaa2l) في القطاع اللغوي العربية لاعباً نشطاً. يضم المجتمع حالياً 23 497 مشتركاً، محتلاً المرتبة 3 241 في فئة الدين والقيم الروحية والمرتبة 4 922 في منطقة العراق.
📊 مؤشرات الجمهور والحراك
منذ تأسيسه في невідомо، حقق المشروع نمواً سريعاً وجمع 23 497 مشتركاً.
بحسب آخر البيانات بتاريخ 15 أكتوبر, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار -307، وفي آخر 24 ساعة بمقدار 0، مع بقاء الوصول العام مرتفعاً.
- حالة التحقق: غير موثّقة
- معدل التفاعل (ER): يبلغ متوسط تفاعل الجمهور 4.03%. وخلال أول 24 ساعة من النشر يحصد المحتوى عادةً 2.14% من ردود الفعل نسبةً إلى إجمالي المشتركين.
- وصول المنشورات: يحصل كل منشور على متوسط 946 مشاهدة. وخلال اليوم الأول يجمع عادةً 502 مشاهدة.
- التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 19.
- الاهتمامات الموضوعية: يركز المحتوى على مواضيع رئيسية مثل لَيّ, صَلَاة, حَاجَة, نَبِيّ, رِسَالَة.
📝 الوصف وسياسة المحتوى
يصف المؤلف القناة بأنها مساحة للتعبير عن الآراء الذاتية:
“رسايل قصيرة لتغيير كبير
نرسلها لبريد قلبك 📫❤️
للتواصل معنا :
@Rsaa22lbot
💌 منصات رسايل 💌
تابعونا علي 🤗
🎗️ http://www.facebook.com/Rsaa2l/
🎗️ http://wa.me/+201274001126
🎗️https://youtube.com/c/Rsaa2l
🎗 https://instagram.com/rs...”
بفضل وتيرة التحديث المرتفعة (أحدث البيانات بتاريخ 16 أكتوبر, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة الدين والقيم الروحية.
23 497
المشتركون
لا توجد بيانات24 ساعات
-727 أيام
-30730 أيام
أرشيف المشاركات
23 497
*صباحكم رسايل خير وسعادة* 🕊🩵
عاوزك تفتكر معايا حبيبك ﷺ وهو واقف يوم أُحُد
وجهه مجروح 💔
رباعيته أو أسنانه اللي قدام يعني مكسورة😭
الدم بيسيل من وجهه
محاولات مستميتة لقتله
وسؤال بيتكرر 3 مرات:
*"أفي القوم محمد؟"*
*"أفي القوم محمد؟"*
كل ده وحبيبك ﷺ ثابت
بيتحمل الأذى ده عشان الدين يوصلك عشان تعرف ربنا
وتسجد لله وحده
وتعرف طريق الجنة🤍
حبيبك تحمل كل الأذى ده عشانك
يا ترى أخبارك إيه مع ميراث حبيبك⁉️
أخبارك ايه مع سنته وهديه⁉️
أخبارك ايه مع القرآن⁉️ 😢⁉️
مع الصلاة👀
حتى لو بتغلط وتقع أوعى تكمل
كل ما تقع ارجع
وكل ما تبعد قرّب
🚫ما تفرطش في دين وصل لليك بدم وتضحيات حبيبك وصحابته
خليك قد الأمانة دي
عشان لما تقابل حبيبك على الحوض تقوله حافظت وماضيعتش فيباهي بك الأمم
وماتنساش تقول في كل وقت
اللهم صلِّ وسلم وبارك على نبينا محمد
وشير في الخير
https://whatsapp.com/channel/0029Va5s0OcCBtxKHbGaeP0B
#نصيحة_الفجر
23 497
#ورد_القرآن
#أذكار_الصباح
لاتنسوا الدعاء لـ إخواننا المسلمين
ولا تنسوا قراءة سورة الكهف وكثرة الصلاة على النبي
23 497
مش قادر تسامح⁉️
مستني اللحظة اللي تقدر تنتقم فيها😡
طب شوف كده وعد ربنا ده الأول👇
"وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ"
ع فكرة قبل ماتقول ماأنت مش حاسس باللي أنا فيه
بقولك
حاسس وعارف والله🤌
وطبيعي تقول: “مش مسامح”
بس ربنا بيقولك:
"وَلْيَعْفُوا وَلْيَصْفَحُوا
أَلَا تُحِبُّونَ أَنْ يَغْفِرَ اللَّهُ لَكُمْ؟"
إنت مش نفسك ربنا يعفو عنك⁉️
خلاص .....
سامح 👈 ربنا يسامحك
🚫 اوعى تكون فاكر إن العفو ضعف
ولا إن إنت بتسامح عشان اللي قدامك يستاهل
أبدا والله
العفو هو قمة القوة اللي ممكن حد يوصلها والله🤝
إنك تقول
هسامح عشانك بس يارب
هعفو يارب وأسألك أن تعفو عني🥹
لأن
#قانون_المعاملة بيقولنا
#اعفُ_يُعفَ_عنك
23 497
صباحكم رسايل خير وسعادة🕊🩵
إنت اه مش عارف هتموت امتى بالظبط
بس الأكيد إنك هتموت بين صلاتين🤷♂️
⚠️ صلاة فاتت
و إما صليتها كويس
أو مش كويس اوي😓
أو ماصليتهاش خالص😭
⚠️وصلاة جاية
يا إما كنت منتظرها عشان تصليها👌
أو ماكانتش على بالك أصلا😥
فياترى هتختار لنفسك ايه👀
لو محافظ على صلاتك دايما
يبقى بإذن الله هتموت بين صلاتين
صلاة أقمتها كويس زي ماربنا أمرك✅
وصلاة منتظرها😍
ويابخت اللي يموت على الحالة دي
فحافظ على صلاتك مهما كانت ظروفك
وادعي دايما:
*"رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ"*
شير في الخير 🤝
#نصيحة_الفجر
#الصلاة_أمان
23 497
مشهد جديد ووجع قلب جديد في أرض العزة 💔
بس المرة دي مفيش تريند ولا تفاعل
المرة دي إبا`دة جديد بس ع الصامت 😭
محدش بيتكلم عنهم
⚠️عاوزين نتابع أخبار إخواتنا وندعيلهم في كل وقت
دول إخواتنا اللي وجعهم وجعنا ودمهم دمنا
عاوزين نفكر بعض بالمقاطعة من تاني ✋
عاوزين ندعي لأقصانا ربنا يحرره ويطهره ونغرس حبه في ولادنا🤲
يارب عليك بالظالمين فإنهم لا يعجزونك
#رسايل
23 497
طب اي مش هتبدأ تصلي؟؟!!
مش هترجع تنتظم في الصلاة؟؟!!
صدقني إنت محتاج تصلي ..
روحك محتاجة تاخد غذاها في الدنيا عشان تقدر تكمل وتواصل
ومش هتلاقي الغذاء ده غير في صلاتك اللي بتوصلك باللي خلقك وخلق روحك دي
روح اعمل صيانة لروحك 5 مرات يوميا
واشكي كل همك ووجعك للي خلقك
ساعتها بس هتبدأ تدوق طعم السعادة
لو مكنتش بتصلي ابدا من دلوقتي وافتح صفحة جديدة
ارجع لربنا إن الله يغفر الذنوب جميعا🤍
ولو بتقطع في الصلاة ...ارجع انتظم في صلاتك
خلونا ننور حياتنا بالصلاة
في الحديث النبيﷺ بيقولنا: "والصَّلاةُ نُورٌ"
#رسايل #اسجد_واقترب
23 497
حظر #الحجاب في مدارس #أذربيجان‼️
ازاي ⁉️
و ليه⁉️
بلد ٩٧٪ من سكانها مسلمين
والكلام ده من زماااااان جدا
ناس اتولدوا أصلا مسلمين حابين دينهم وحجابهم
فين الحرية في إنك تمنعهم من شعائر دينهم الطبيعية😡
و الحجاب هيأثر على وجود البنت في المدرسة أو تعليمها ازاي
هي الحقيقة بس
"يُرِيدُونَ أَنْ يُطْفِئُوا نُورَ اللَّهِ بِأَفْوَاهِهِمْ"
"وَيَأْبَى اللَّهُ إِلَّا أَنْ يُتِمَّ نُورَهُ وَلَوْ كَرِهَ الْكَافِرُونَ"
هي دي خطة المجرمين دايما
مفيش حرية في إنك تبقى بتنفذ أوامر دينك❌
الحرية في مخالفتها
🚫اوعوا تنخدعوا بكلامهم
وادعوا لإخواتكم بالثبات وإن ربنا يرد كيد أعداءهم🤲
#رسايل
23 497
*صباحكم رسايل خير وسعادة* 🕊🩵
في وجع جواك محدش شايفه💔
تعب في جسمك
أو تعب في قلبك ونفسيتك
يمكن حاجة مش عارف تشرحها🥺
او يمكن تعب بتقول في نفسك خلاص ده مالوش علاج 😭
تعال أقولك على اسم ربنا
*"الشافي"* 🤍
اللي قادر يشفيك من أي مرض مهما كان🥹
*"وَإِذَا مَرِضْتُ فَهُوَ يَشْفِينِ"*
اللي يعلم وجعك فين بالظبط وكل شكة بأجور كتير🤍
👈 الدكتور سبب...
👈 والدوا سبب...
لكن الشفا من عند ربنا الشافي
فخد بالأسباب✅
واطلب العلاج ✅
وفي نفس الوقت قلبك متعلق بمين ⁉️
👈 *بالشافي سبحانه*
👈 كل ماتحس بوجع ارقي نفسك
☘️ حط إيديك على مكان تعبك بيقين
وقول:
☘️ *"بسم الله "* 3 مرات
☘️ *"أعوذ بعزة الله وقدرته من شر ما أجد وأحاذر"* 7 مرات
☘️ اقرأ *"سورة الفاتحة"* 7 مرات فهي الشافية بإذن الله
☘️ ادعي *"اللهم رب الناس، أذهب البأس، واشفِ أنت الشافي، لا شفاء إلا شفاؤك شفاءً لا يغادر سقما"* 🤲🏻
🚫اوعى تيأس
ربنا قادر على وجع أنت فاكر إن ملوش علاج
اللهم نسألك باسمك الشافي أن تشف كل مريض مسلم🤲
شير في الخير
#نصيحة_الفجر
23 497
🌿 ﴿وَاسْتَبَقَا الْبَابَ﴾..
الاتنين بيجروا ناحية نفس الباب، لكن شتّان بين اللي بيهرب من المعصية، واللي بيسعى ليها! 👀
يوسف عليه السلام كان بيجري عشان ينجو بدينه، ويهرب من الحرام خوفًا من ربنا وطلبًا لرضاه.. وامرأة العزيز كانت بتجري وراه، سعيًا وراء شهوتها ورغبتها في المعصية.
نفس الباب، ونفس اللحظة، لكن فرق كبير بين الغايتين!
وده يعلّمنا إن مش كل الناس اللي بتاخد نفس الطريق بتكون رايحة لنفس المكان؛ لأن النيات بتختلف، والمقاصد بتتفاوت، وربنا سبحانه وتعالى يعلم ما تخفيه القلوب.
فمش العبرة بس إنت عملت إيه، لكن كمان: عملته ليه؟ وكنت بتسعى لإيه؟
قال النبي ﷺ: «إنما الأعمال بالنيات، وإنما لكل امرئ ما نوى».
🤍 اللهم أصلح نياتنا، وطهّر قلوبنا، واجعل سعينا فيما يرضيك، وارزقنا الصدق معك في السر والعلن. 🤲🏻
#رسايل
23 497
🟠 يعني إيه تؤمن إن ربنا هو الرَّب؟!
ممكن تكون مؤمن إن ربنا هو اللي خلقك، وإنه هو اللي بيرزقك.. لكن هل فكرت قبل كده إن كلمة «الرَّب» ليها معانٍ أوسع من كده؟!
لما تقول إن الله هو ربك، فأنت بتؤمن إنه سبحانه المالك، والسيد، والخالق، والرازق، والمدبّر لشؤون خلقه.
يعني إيه الكلام ده في حياتك؟ خلينا نشوف..
🔹 لما تعرف إنه المالك.. هتفهم إن المال اللي في إيدك مش ملك مطلق تتصرف فيه زي ما تحب، لكنه نعمة وأمانة هتُسأل عنها.
🔹 ولما تعرف إنه الرزاق.. هتسعى وتشتغل وتاخد بالأسباب، لكن مش هتبيع دينك عشان رزق؛ ولا هتعتقد إن غيره بيرزقك ، وإنما الرزق من عند الله.
🔹 ولما تعرف إنه المدبر.. هتتعلم تتوكل عليه، وتلجأ إليه وقت الشدة، وتوقن إن أمور الكون كلها تحت تدبيره وحكمته.
🔹 ولما تعرف إنه السيد الآمر الناهي.. هتفهم إن علاقتك بربنا مش مجرد إنك تعترف إنه خلقك، لكن كمان إنك تخضع لأمره، وتلتزم بشرعه، وتعبده وحده.
الإيمان بربوبية الله مش مجرد معلومة بنحفظها في درس عقيدة؛ ده معنى المفروض يغيّر نظرتك للرزق، وللنعم اللي في إيدك، وللأحداث اللي بتمر بيك، ولعلاقتك بربنا سبحانه وتعالى.
السؤال بقى: لو أنت مؤمن إن ربنا هو مالك كل شيء ومدبّر كل شيء.. هل ده ظاهر في طريقة عيشك وقراراتك؟!
#أ_ب_عقيدة #رسايل
23 497
صاحبك مش بس اللي بيضحّكك ويهوّن عليك الدنيا! 🫂
صاحبك الحقيقي كمان هو اللي يفكّرك بربنا لما تنسى، وينصحك لما تغلط، ويفرح بطاعتك وقربك من ربنا .. اختار اللي يعينك على طريق الجنة 🤍
23 497
*صباحكم رسايل خير وسعادة* 🕊🩵
بص فيه مهارة لو مااتعلمتهاش مش هتعرف توصل لأي حاجة 😓
لو نفسك تبقى من أهل الجنة✅
أو نفسك تبقى ناجح ومميز في شغلك أو في دراستك👌
أو نفسك تبقى من أهل قيام الليل😍
نفسك في أي حاجة
مفتاح ده كله إنك تتعلم 👇
👈 *الصبر على الاستمرار* 🗝
مينفعش تقول حاولت احافظ ع الصلاة مرة واتنين ومش قادر اكمل ❌
أو حاولت أبعد عن ذنب معين ماعرفتش
فمش مكمل❌
حاولت أذاكر وماعرفتش أو مش عندي شغف
فمش لاعب🤭
مينفعش❌
مفتاح نجاحك في الصبر على الاستمرار✋
وإنك تجبر نفسك تقوم بالعافية كده لما تقولك لا 👌
ماهو طبيعي نفسك تقولك لا خليني ارتاح
بس الناجح اللي بيعرف يجاهد نفسه
ويجبرها تقوم تعمل الصح🤝
لحد ماتبقى الحاجة اللي بيجاهد فيها بتمشي في دمه كده من كتر صبره على الاستمرار
قال ﷺ: *"ومن يتصبَّرْ يصبرْه اللهُ، وما أُعطيَ أحدٌ عطاءً خيرًا وأوسعُ من الصبرِ"*
فنصبر ونجاهد نفسنا كده لحد مانوصل لهدفنا 👌
شير في الخير
#نصيحة_الفجر
23 497
🌿 الملايكة هتدعيلك لو.. 🌿
1️⃣ قال رسول الله ﷺ:
"ما من رجلٍ يعودُ مريضًا ممسيًا إلا خرج معه سبعون ألفِ ملكٍ يستغفرون له حتى يصبحَ وكان له خريفُ في الجنةِ ومن أتاه مُصْبِحًا خرج معه سبعون ألفِ ملكٍ يستغفرون له حتى يمسيَ وكان له خريفُ في الجنةِ"
عمل بسيط جداً 🤏
لكن أجره عظيم جداً 💫
لما تزور حد #مريض حتى لو مش قريبك 🫂
تخرج من عنده ومعاك ٧٠ ألف ملك
يفضلوا يدعولك بالمغفرة لحد تاني يوم 🤲
وكمان تاخد حديقة فالجنة 🌴
كمان المريض لما يلاقي انه لوحده ممكن يدخل في الحزن والاكتئاب والتعب يزيد عليه
لكن لما يلاقي أحبابه حواليه بيزوروه ده بيخفف عنه كتير وبيعطيه #أمل ❤️
يلا فكر مين مريض تقدر تزوره
ومتنساش يا بخت من زار وخفف 🤝
#الملائكة_هتدعيلك #رسايل #كاريكاتير_رسايل
23 497
س/ أنا إنسان وحش جدا ذنوبي كتيييير وكل مااتوب أرجع تاني مافيش فايدة فيا
**
ج/ طب وبعدين ؟؟!!!
مبسوط كده بالشيطان وهو فرحان فيك وأنت مستسلم ويائس؟؟!!!
هل لما تجلد نفسك وتفقد الأمل في التوبة وتقول على نفسك وحش وسيىء انت كده هتتغير؟؟!!
النبي قالنا: "لا يَقُولَنَّ أحَدُكُمْ خَبُثَتْ نَفْسِي"
يعني بلاش تفضل تجلد في نفسك أنا منافق أنا مافيش فايدة فيا وتوصف نفسك بالصفات السيئة لأنك كده بتمكن الشيطان منك أكتر
على فكرة الشيطان مش مشكلته إنك تقع في الذنب خاااالص .. هو عارف إنك لو تبت ربنا هيتوب عليك!!!!
لكن هدفه الأكبر إنه يوصلك للحالة دي إنك تيأس من نفسك وتشوف نفسك وحش فتبطل تعمل كل حاجة
وده غير الندم على الذنب اللي بيحركك للتوبة
فقوووم يلا بلاش ضعف ويأس وارجع لربك تائب صادق وهو سبحانه هيفرح بيك ويقبلك
وكل ماتعمل ذنب زاحمه بالحسنات "إِنَّ الْحَسَنَاتِ يُذْهِبْنَ السَّيِّئَاتِ"
#رسايل
#س_و_ج
23 497
*صباحكم رسايل خير وسعادة* 🕊🩵
عارف إيه أكتر حاجة ممكن تطمن قلبك مهما الدنيا خوفتك 🥹🤍
إنك تعرف إن رزقك وحياتك ومستقبلك كله عند ربنا
الملك الرحيم اللي أرحم بيك من أمك🤍
فلما تقع في ابتلاء وتحس الدنيا خلاص بقت صعبة تفتكر:
*"وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يُرِدْكَ بِخَيْرٍ فَلَا رَادَّ لِفَضْلِهِ ۚ"*
ربنا بيقولك ...
لو وقعت في مشكلة أو اتقفلت في وشك كل الأبواب...
= فَلَا كَاشِفَ للضر إلا الله وحده👌
مفيش حد يقدر يكشف الضر إلا ربنا
ومفيش كرب يعجزه
ولا شدة أكبر من رحمته وقدرته
طب ولو أراد ليك خير 🥹👇
*"وَإِن يُرِدْكَ بِخَيْرٍ فَلَا رَادَّ لِفَضْلِهِ"*
اقرأها تاني ومد صوتك كده
فلا رااااااد👌
ست حركات كاملة🥹
مدّها واملا بيها قلبك طمأنينة...
محدش في الدنيا كلها يقدر يمنع خير ربنا أراده ليك
لو كتبلك رزق
أو عوض بعد صبر...
محدش يقدر يرد فضله عنك🫶
فطمن نفسك
وبطل تعيش قلقان 🤌
إنت بتتعامل مع رب رحيم يكشف الضر
فالجأ ليه في كل أحوالك
وثق في قدرته وتدبيره
#نصيحة_الفجر
