BOLE COMPLEX

Mul'atniifi kaayyoon kee Gaafa ta'u gabaabaa Utuma ati achi hin ga'iin Jinniin mataa si yaaba. Gaafa qalbiin si danqu Abjuudhaan cooma waadda Takka mar'achuu hawwita Takka barooduu yaadda. Gaafa gabaa ormaa deemtu Baattee qalqalloofi 'kittaa' Diyaamandiidha seetee Buqqee tortoraa bitta! ~ Bara toles - bara ones Kana beeki yaa tiruu Lammii keef of kennuurra Kabajni caalu hin jiru! @Waloo_Leta #share godhaa malee Artiin keessan yaa guddatu

Barri gaariis, hamaas qabdi Maal abbaasheef kutu abdii... Tokkoon bade - tokkoon tola Kan bor fayyutu har'a hokkola Rakkinni immoo tulluu miti Ni godaanti - ni darbiti Kaayyoon takkaan galma hin ga'u Bubbulanii nama ta'u! @Waloo_Leta Share gochuu aadaa yaa godhannu

Qotiyyoonni kun namichaan akkas jechaa jiruu laata? ~ Hin qoosiin yaa namichoo Hin qoosiin mee yaa qottuu Akka qajeellu feenaan Ofii qajeelii kottu Nama akka maqaa ta'i Sitti himnaa nu dhaga'i... Xaafii, garbuufi mishingaan Dilbii goone mana kee Bajjiifi humburoo qonnee Siif nyaachifne dhala kee Maaf fooriccee lallabdee Maqaa hin jirreen nu waamta? Duuba keenya naannoftee Maaf qacceedhaan nu dhaanta? ~ Arfaasaa 'gindii' soofta Bona 'digarii' soofta Harqoota nurra keessee Asiifi achi nu hoofta... Tooftaan kee hin jijjiiramu Barri darbus bararraa Nuuf game - nutti ulfaate Hin dandeenyu kanarra! Wanti barbaade haa dhufu Duunee badna maleessaa Qacceedhaan waxalamaa Hin qonnu akka kaleessaa! @Waloo_Leta Jarana Oromummaa keessaan cinaa dhaabbadhaa #share gochuun

Yoo miilaa malee Cinaachi hin fiigu Yoo hiddaa malee Xannachi hin dhiigu Alagaa beekna Kan gaafa kolfaa Ayi lammii ofii Kan gaafa golfaa! . . Itti hin darbatiin Qottee hallayyaa Qajeelaa ta'us; kabeelaa ta'us Lammii kee wayya! #share gochuun wal biraan naaf ga'aa @Waloo_Leta

"Harargummaan lafa - Oromummaan nafa" jedhan warri Harargee! Animmoo kana dura walaloo koo keessatti akkas jedheen ture: ~ Wal horree baay'anneetuu Gargar facaane malee Kaan aanaa taanee - Kaanis godina taane malee Hiddaanis ta'e jilbaan Gargar miti gonkumaa Eessayyuu yoo jiraate Oromoon koo tokkuma! ~ "Isaan kun warra Gujii Isaan sun warra Iluu" Jettee ishee nu ciccirtu Jinniin mataatti haa galu "Isaan kun warra Booranaa Isaan sun warra Jimmaa" Jettee isheen nu qoqqooddu Haa taatu nyaata rirmaa! "Isaan sun warra Arsii Isaan kuni Baaleedha" Jettee isheen nu qoqqooddu Hiika hin qabdu gaaleedha "Isaan kun warra Shawaa Isaan sun kan Wallaggaa" Jettee ishee nu facaastuuf Waaqnuu hin sifeessiin dhangaa "Isaan kun warra Walloo Isaan kun warra Harargee" Jettee kan nu facaastu haadhoo re'ee haa fakkaattu Eegeefi gaafni itti margee! ~ Warra gamanaa miti Warra gamasiis miti Hortee hidda abbaa tokkoo Oromoodha nu marti! Eenyummaa dhugaan bula Ijaarsa sobaa diiga Oromoo kan tokko godhu Siyaasa miti - dhiiga! @Waloo_Leta Share waliif godhaa

Gorsa Kooti Dabaan haguugamtullee Aduun dhugaa ni baati Rakkoofi gidiraan har'aa Bor bultee seenaa taati... Barris, namnis ni darbaa Hin shakkiin yaa qaxalee Kan iddootti hafu hin jiru Waaqa tokkicha malee! @Waloo_Leta Share gochuun wal biraan naaf ga'aa

Ani Obboleessi Kee Ani obboleessi kee Lataa ilmi Qana'ii Gadi qabeen sitti hima Gadi qabii dhaga'i... "Hin ta'u" jedhii didi Afaan qabi gomattuu Tokkummaa kee kaleessaa Hin sharafiin homattuu! Kaleessa: Waan akka dhagaa jabaatu Sukkuumtee daakuu hin goonee? Harka kee qullaa baatee Taankiifi rasaasa hin moonee? Tulluu sobaan dhaabbate Buqqiftee hin gangalchinee Warra iddoottin si galcha jedhe Ati iddootti hin galchinee? Har'a: Walirra faffagaachuuf Maaf uuruu dheerafatta? Dhiiga kee gedderta moo Hidda kee kuttee gatta? Utuma ooltee hin buliin Galmee seenaa awwaaltee? Tokkummaan kee diigamnaan Akka cabdu wallaaltee? Lakkii adda hin faca'iin Akka ilmoolee bofaa Waaqaa gaditti kan si kabachiisu Tokko ta'uu kee qofa! @Waloo_Leta Share Waliif Godhaa.