MOR North West STO

በንግድ ትርፍ (በሰንጠረዥ ሐ) ዙሪያ ለግብር ከፋዮች ስልጠና ተሰጠ። ነሐሴ 29 ቀን 2018 ዓ.ም | አዲስ አበባ የሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት ዓመታዊ ንግድ ትርፋቸውን በኢትዮጵያ አቆጣጠር ለሚያሳውቁ የቅርንጫፉ ግብር ከፋዮች የንግድ ሥራ ግብር የሂሳብ መዝገብ አያያዝና አመዘጋገብ እንዲሁም ተቀናሽ የሚደረጉና የማይደረጉ ወጪዎችን አስመልክቶ በዛሬው እለት ሥልጠና ሰጠ። ሥልጠናው ግብር ከፋዮች ገቢያቸውን በትክክል በማወቅ፣ ሂሳባቸውን በአግባቡ በመመዝገብ እና ህጋዊ የወጪ አያያዝ ስርዓትን በመከተል ግዴታቸውን በወቅቱና በትክክለኛ መንገድ እንዲወጡ ለማስቻል ታስቦ የተዘጋጀ መሆኑን የገለፁትና ስልጠናውን የሰጡት የታክስ ከፋዮች ትምህርት ባለሙያ አቶ አለማየሁ ሙሉ ሲሆኑ ግብር ከፋዮች ገቢያቸውን በትክክል በማሳወቅና ግዴታቸውን በወቅቱ በመወጣት ለሀገር ልማት የሚጠበቅባቸውን አስተዋፅኦ እንዲያደርጉ ጥሪ አቅርበዋል፣ እንዲህ ያሉ የግንዛቤ ማስጨበጫ ሥልጠናዎችም ወደፊት ተጠናክረው እንደሚቀጥሉም ገልፀዋል ። ይህን ሊንክ በመጫንና የማህበራዊ ሚዲያ ገፆቻችንን በመቀላቀል መረጃዎችን በፈጥነት ያግኙ:-https://linktr.ee/mornwsto