Ethiopian Catholic Charismatic

“እግዚአብሔርን በመተማመን የሚጠባበቁ ግን ኃይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፥ አይታክቱም፤ ይሄዳሉ፥ አይደክሙም።”   — ኢሳይያስ 40፥31 ሁልግዜም በአንድ ክርስቲያን ሕይወት ሊኖር የሚገባ ሕይወት ቢኖር የመታደስ ሕይወት ነው። የማይታደስ የክርስትና ሕይወት ፍሬ ከሌለው ቀስ እያለ እየደረቀ ከሚሄድ ዛፍ ጋር ይመሳሰላል። የማይታደሰሰ ሕይወት  ፀሎት ይተዋል ቃል ይተዋል ሕብረት ይተዋል መጨረሻ በዓለም ነገር መጠመድ ይሆናል። ስለዚህ ንቁ ባላጋራችሁ ዲያቢሎስ የሚውጠውን ፈልጎ እንደሚያገሳ አንበሳ በዙሪያችሁ ያደባል ተብሎ እንደተጻፈ ልንነቃ ይገባል። እራሳችንን የቱ ጋር እንዳለን መርምረን በማያልቀው በእግዚአብሔር ምህረት ውስጥ ራሳችንን እናስገባ። እግዚአብሔር ፍቅር ነው ፍቅሩን እያሰብን ወደ እርሱ ማረኝ ብለን እንጠጋው። “እናንተ ደካሞች ሸክማችሁ የከበደ ሁሉ፥ ወደ እኔ ኑ፥ እኔም አሳርፋችኋለሁ።”   — ማቴዎስ 11፥28

እውነተኛ አምላክ ብቻ የሆንህ አንተን የላክኸውንም ኢየሱስ ክርስቶስን ያውቁ ዘንድ ይህች የዘላለም ሕይወት ናት።❞ —ዮሐንስ 17: 3 ❝ነገር ግን ኢየሱስ እርሱ ክርስቶስ የእግዚአብሔር ልጅ እንደ ሆነ ታምኑ ዘንድ፥ አምናችሁም በስሙ ሕይወት ይሆንላችሁ ዘንድ ይህ ተጽፎአል።❞ —ዮሐንስ 20: 31

ክርስቶስ ንጉስ ፪ “የሰው ልጅ ሊያገለግል ነፍሱንም ለብዙዎች ቤዛ ሊሰጥ እንጂ እንዲያገለግሉት አልመጣም።” ማቴ 20፥28 በካቶሊካዊት ቤተ ክርስቲያን የክርስቶስ ንጉስ በአል ቤተ ክርስቲያን ለህዝቦቿ የምታስተምረው ሳይሆን እራሷም ክርስቶስ ንጉስ መሆኑን የምትማርበት ቀን ነው። እየሱስ ንጉስ ቢሆንም መንግስቱ ከዚህ አለም አይደለም። እርሱ ትሁት ንጉስ ነው፣ ሁሉ የእርሱ ሁኖ ልደቱ በበረት ነበር። እርሱ እንደ ምድራዊ ንጉስ በጉልበት ገዢ ሳይሆን አገልጋይ ንጉስ ነው። በስልጣን ሳይሆን በፍቅር እንድንገዛለት ያደርጋል።  በፍርሀት ሳይሆን በእውነት እና በመንፈስ እንድናገለግለው ይወዳል። የክርስቶስ ንጉስነት ከምድር ነገስታት ፍፁም ተቃራኒ ነው። ሀጥያተኛ ከተባሉት ከቀረጥ ሰብሳቢዎች፣ ከአመንዝሮች ጋር ይውላል። ነገስታት፣ ሀብታሞችንና ታላላቅ የተባሉትን ሲቀበሉ ክርስቶስ ግን የተናቁትንና ታናናሾችን ይቀበላል። ነገስታት፣ የሰዎች ስጦታን ይፈልጋሉ ይቀበላሉም። ክርስቶስ ግን ላመኑት ህይወትን ይሰጣል። ለታመሙ ፈውስን፣ ለታሰሩ መፈታትን፣ ላዘኑ መፅናናትን፣ ለጨለመባቸው ብርሀንን ይሰጣል። ክርስቶስ ንጉስ ቢሆንም እንደ ምድራዊያን የወርቅ አክሊል አልደፋም ይልቅ ስለኛ ሀጥያት የእሾህ አክሊል ደፍቷል። እየሱስ ክርስቶስ ንጉስ ነው፣ ንጉስ ስለሆነ የእሾህ አክሊል አለው። ንጉስ ስለሆነ ባንዲራው መስቀል ነው።  የሚያምኑት እንደ ባንዲራ መስቀሉን ይሸከማሉ። “መስቀሉን ተሸክሞ በኋላዬ የማይመጣ፥ ደቀ መዝሙሬ ሊሆን አይችልም።” ሉቃ 14፥27። ክርስቶስ ንጉስ ስለሆነ ህዝብ አለው፣ ለህዝቡም በጀት አለው፣ ለሁሉ የሚያስፈልገውን ይሰጣል፣ ለዚህ ነው እራሱ ክርስቶስ ንጉስ ባስተማረን ፀሎት "የእለት እንጀራችንን.." እያልን የምንፀልየው። https://t.me/wogse

✝የዮሐንስ ወንጌል ጥናት ✝                      ✅ክፍል 17 ❝መልካም እረኛ እኔ ነኝ። መልካም እረኛ ነፍሱን ስለ በጎቹ ያኖራል።❞                                          —ዮሐንስ 10: 11