ИБРАТЛЫ СӨЗЛЕР...

ГӨЗЗАЛ СЕЗИМЛЕР Кексе жастағы адам 25 жасар улы менен поезд вагонына кирди ҳәм өз орынларын ийеледи. Жас жигит айна алдында отырды. Поезд қозғалғанда ол ҳаўа ағымын сезиў ушын айнадан қолын шығарды ҳәм бирден қуўанып бақырды: - Аға, қараң, ағашлар артқа кетип баратыр, Кексе адам күлимсиреди. Қасларында ерли-зайып отыр еди. Олар ержеткен жигиттиң өзин баладай тутыўынан ыңғайсызланды. Кутилмегенде жигит және қуўаныш пенен бақырды: - Аға, көрип турсыз ба, көл ҳәм ҳайўанлар... ал бултлар поезд пенен бирге жүрип баратыр. Ерли-зайып ыңғайсызланып, жигиттиң әжептәўир әдетин бақлады. Ал, әкеси болса буған ҳеш қандай таңланбады. Жаўын жаўа баслады ҳәм жаўын тамшылары жигиттиң қолына түсти. Ол және қуўанышқа толды ҳәм көзин жумды. - Аға, жаўын жаўып атыр, суўы маған тийип атыр! Қараң, көрип турсыз ба? Ақырында, ҳайран қалған ерли-зайып кексе адамнан сорады: - Неге улыңызды бир емлеўханаға апармайсыз? Ғарры жуўап берди: - Биз ҳәзир ғана сол жақтан киятырмыз. Бүгин улым өмиринде биринши мәрте көриў бахтына миясар болды. "Ҳикметлер гәўҳары" китабынан. Дерек: http://paziylet.uz Бизди бақлап барың..... https://t.me/ibratli_sozler

📱📱📱📱📱📱📱📱📱 Телефонның адам өмирине зыяны....     Ҳәзирги ўақытта уялы телефонсыз жүрген адамды көрмеймиз. Ол адам өмириниң бир бөлегине айналғандай. Өмирге енди келген нәрестелерге дейин, таң атқаннан, күн батқанша телефонға қараў менен ўақыт өткизеди. Узақ ўақыт телефонға телмирип отырыў адам өмирине зыян емеспе?     Бул сораўға *билмедим* деп жуўап бере алмаймыз. Себеби, өсип киятырған келешек әўладымызға қандай тәсир етип атырғанын биз көрип отырмыз. Көбинесе ата-аналардың жиберетуғын баслы қәтелиги, баласының тыныш отырыўы ушын қолына телефон услатып қоятуғыны деп ойлайман. Бул ислердиң кейини:  балада еситиў, көриў, сөйлеў  қәбилетлериниң төменлениўине алып келеди. Ден-саўлық инсан өмириндеги ең баслы байлық екенин биз гейде умытып қоямыз. Биз азборот  технологияларының  раўажланған заманында өмир сүрип атырмыз. Бурынғы қәлипке қайтыў......... енди қыйын.     Ҳәзир балалар арасында сөйлеў қәбилийети жүдә  кешигип келмекте. Аутизм усаған кеселликлер пайда болды.  Ҳақыйқаттанда, бүгинги күни логопед, дефектолог, невропотолог қәнийгелерине қатнаўдан, ана-аналардың табанлары тозды десем, асыра айтқан болмайман. Алымлардың айтыўынша, бул кеселликлердиң себеби, жас балалардың телефон менен оғыры, ерте досласыўы деп айтылмақта. Қулласын айтқанда, балаларымыздағы еситиў, көриў, сөйлеў қәбилийетлерин азайтыўдың ең нәтийжели жолы: телевизор, телефон ўақытын шеклеў, ата-ана-бала қарым-қатнасын жақсылаў жүдә әҳмийетли....      Смартфонның пайдасы жүдә көп, бирақ зыяны оннанда көп. Сонлықтан ата-аналар балаларын тек ғана технология менен таныстырып, досластырып қоймастан, оларға әжайып өмирдиң ләззетин сезиниўди, сөйлесиўге, ойланыўға мүмкиншилик туўдырыўы керек деп ойлайман...... Гулдасте Курбанбаева. Каналымыздан узақласпаң..... 🍃🍃🍃🍃🍃🍃🍃🍃🍃 https://t.me/ibratli_sozler

Бурынлары адамлар  патша , бай адамларға қул болған  болса, бизиң заманымызда ҳәмме *телефонның* қулына айландық. Бәлким бул да, бир апатшылық шығар. Сораў: Сиз не деп ойлайсыз? Пикирлериңизди қалдырың заманласлар !!! 🙏🙏🙏 ✨✨✨✨✨✨✨✨✨ Бизден узақласпаң ........ https://t.me/ibratli_sozler

✍✍✍✍✍✍✍✍✍ ЎАҚЫТ УРЫЛАРЫ МЕНЕН ТАНЫСЫҢ Бисмиллаҳир Роҳманир Роҳийм 🌿 1. Мобил телефон, телеканаллар, интернет ҳәм кеўил ашар бағдарламалар. 🌿  2. Кешиктириў ҳәм сылтаў излеў — ең белгили ҳәм ең зыянлы әдетлерден бири. 🌿  3. Мәжбүрий бир иске кирисиў 🌿 4. Руўхый көтериңкиликтиң жоқлығы (қәлеў, мотивация жетиспеўшилиги). 🌿 5. Қорқыныш. 🌿  6. Ислердиң әҳмийетин айыра алмаў. 🌿 7. Дыққаттың тарқаўы. 🌿  8. "Яқ" дей алмаў — көп ўазыйпаларды қабыл етип, ўақытты басқара алмай қалыў. 🌿 9. Күтилмеген шалғытыўшылар — телефон қоңыраўы, айрықша жағдайлар, тосаттан келген дос ҳәм басқалар. 🌿 10. Бир исти қайта-қайта баслаў — бир нәрсе ислеп атырғаныңызда шалғып басқа иске өтип кетиў ҳәм және алдынғы иске қайтыў. 🌿 11. Режениң жоқлығы ямаса ислерди надурыс режелестириў. 🌿 12. Тәртипсизлик. 🌿 13. Нәтийжесиз жыйналыслар. 🌿 14. Күтиў (биреў менен ушырасыў белгилегениңизде ямаса бир исти орынлаўын келискениңизде ўақтында питкермей кешиктириўи). 🌿 15. Ҳәдден тыс көп қағазлар ҳәм тәртипсиз ҳүжжетлер — бул жумыс столын ҳәм дыққатты ийелеп, ўазыйпаларды қыйынластырады. 🌟Доктор Мустафа Фиқийдиң "Ўақытты басқарыў" китабынан Бизди каналымыздан  бақлап барың! https://t.me/ibratli_sozler

КОРРУПЦИЯ Сары шөптей шырматылып аяққа, Алдыңнан зоңқ етер барсаң қаяққа, Кең ен жайған ҳәтте сағалаяқта, Сондай жаман иллетсең коррупция. Нызамларға қайшы өмир сүресең, Нобай пайда бар жерде сен жүресең, Он бармақты тығып дейсең гүресем, Аўзыңды арандай ашып коррупция. Ҳарам дүнья малдың мазасын татып, Белшериңнен аўыр гүнаға батып, Ҳәрекет етесең тасада жатып, Жым - жыма ис питирип коррупция. Саған иси түскенлерди майырып, Қойсаңдағы қанатларын қайырып, Мудам талтаңлайсаң топты айырып, Тутқыш бермес ҳийлекер коррупция. Адамларды «қоян» қылып қоясаң, Аямастан пахта менен соясаң, Нәпси қулы айтшы қашан тоясаң, Жемхор аттайсаң жермен коррупция. Тараў қоймай бәрин қамтып алғансаң, Жер тепсинип зобалаңды салғансаң, Желимдей болып жабысып қалғансаң, Қатаң тәртип жоқ жерде коррупция. «Қарды жағалмасаң таўып қалаўын», Тағыңнан да ҳәпзаматта қулаўың, Бардур ақыр тартатуғын жылаўың, Жулып түп тамырыңды коррупция. Ақшолпан Аманияз Бизден жырақласпаң әзизлер.... https://t.me/ibratli_sozler

✨⚡️✨⚡️✨⚡️✨⚡️✨ "Елиңниң есинде бир жыл қалғың келсе - ас бер...... Он жыл қалғың келсе - ағаш отырғыз..... Ал, мәңги қалғың келсе - бала тәрбияла"............ "Халық даналығы". ✨⚡️✨⚡️✨⚡️✨⚡️✨ https://t.me/ibratli_sozler

🪴🪴🪴🪴🪴🪴🪴🪴🪴 Қуда-қудағай, ене-келин, өмирде ҳақыйқаттанда  болатуғын ўақыялар ҳаққында әжайып видео роликти  сизлер менен бөлисиўди мақул көрдим. 🌟 Пикир сизлерден әзизлер !!! 🍃🍃🍃🍃🍃🍃🍃🍃🍃 https://t.me/ibratli_sozler

Китап оқымасаң жаман болады... --Апа,көркем әдебият оқымасақ,не болады жаман болама? Китап оқымаған саналы болмас, Руухы бай, кеўил ханалы болмас. (автордан) Китап оқымаған дунья қуўады, Жылан-байлық ақыл ойды буўады, Алма ағашынан түспес алысқа, Соңынан еки көзин жаслар жуўады. Китап оқығанның бағы ашылар, Адамның ҳәр қашан  өлшеў тасы бар, Көп оқысаң  периштелер қорғалап, Жолларыңа жарық сәўле шашылар. Бахыттың булағы сылдырлап ағар, Бағы шамен байлап, ғумшасын тағар, Айға қолың жетпей жүрсе әрманлап, Жулдызлар жымыңлап жолыңды бағар. Ығбал, даўлет,күтер қушағын ашып, Бахыт кундей кулер шапағын шашып. Ким китап оқыўдан алыслап кетсе, Уйинен берекет кетеди қашып. Шаменге айланар бахыттың бағы, Суринбейди тулпарыңның туяғы, Бәрҳә көзиң ашық, руўхың бай болар, Мен деген жигиттиң сынбайды сағы. Китаплар билимниң қайнар булағы, Суўсынлансаң  қолда бахыт шырағы, Жылқылары таўға шығып жигиттиң, Жарқын келешеги парлап турады. Китап оқымасаң жаман болады.. Гулистан Даўлетова https://t.me/ibratli_sozler

🌸👍М О Т И В А Ц И Я👍🌸 ☀️ Әзизлер келиң , дүньяда тек жақсы ислер ислеп, жақсы нәрселер жаратып жасайық. Себеби, жақсылық етиў  ҳәммениңде қолынан келе бермейди. Жақсылық етиўден шаршамайық. Сиз ислеген жақсылық, сизге әлбетте есеси менен қайтады. 👍👍👍 🌸🌸🌸🌸🌸🌸🌸🌸🌸 Бизден узақласпаң 👇👇👇 https://t.me/ibratli_sozler

Ассалаўма әлейкум!!! ☘ Жаңа, әжайып таңды көрер екенбиз, Аллахымызға көбирек шүкираналар етейик.... ☘ Бахытлы инсанлар арасынан бизде және бир таңды қарсы алдық.... ☘ Саў-саламат оятқан Рәббимизге шүкирлер болсын.... ☘ Бүгинги күн кешеги күниңизденде қайырлы, пайызлы, берекетли болсын әзизлер!!! ☘ Биз бенен бирге таңды күтип алып, дәстурхан әтирапына  шай ишиўге отырып атырған заманласларымызға жағымлы иштей тилеймиз..... "Ибратлы сөзлер" каналынан узақласпаң әзизлер......... https://t.me/ibratli_sozler

Тағы бир күнимиз өз жуумағына жетип, өмир дəптеримиздиң жəне бир бети толды, ертеңги күнимиз бүгинимизден де жақсы болыуына тилеклеспен!! Қайырлы түн әзизлерим! Ерте таңда көрискенше саў саламат болғайсызлар!🙏💐 https://t.me/ibratli_sozler

Қағаз гүллер хош ийис таратпағанындай, еки жүзли адамларда ҳешқашан өзгермейди. https://t.me/ibratli_sozler

Әдеп - сөйлегенде тилин, жалғыз қалғанда жүрегин, сыртқа шыққанда көзин тыйып жүриў дегени. ✍ Юнус Эмро https://t.me/ibratli_sozler