ИБРАТЛЫ СӨЗЛЕР...
前往频道在 Telegram
От жаққыштан дана шығар, Сөзге қулақ түре-түре. Аязий. Шөлкемлестириўши: Яссаўий Инстаграм каналымыз: Instagram.com/ibratli_sozler_ Ютуб каналымыз: https://www.youtube.com/channel/UCYp0lSkO4ACpBKxCKO-mvcw
显示更多📈 Telegram 频道 ИБРАТЛЫ СӨЗЛЕР... 的分析概览
频道 ИБРАТЛЫ СӨЗЛЕР... (@ibratli_sozler) 哈萨克语 语言赛道中的 是活跃参与者。目前社区聚集了 18 780 名订阅者，在 宗教与灵性 类别中位列第 4 323，并在 哈萨克斯坦 地区排名第 448 位。
📊 受众指标与增长动态
自 невідомо 创建以来，项目保持高速增长，吸引了 18 780 名订阅者。
根据 12 七月, 2026 的最新数据，频道保持稳定运转。过去 30 天订阅人数变化为 -259，过去 24 小时变化为 1，整体触达仍然可观。
- 认证状态： 未认证
- 互动率 (ER)： 平均受众互动率为 28.31%。内容发布后 24 小时内通常能获得 19.91% 的反应，占订阅者总量。
- 帖子覆盖： 每篇帖子平均可获得 5 319 次浏览，首日通常累积 3 741 次浏览。
- 互动与反馈： 受众积极参与，单帖平均反应数为 45。
📝 描述与内容策略
作者将该频道定位为表达主观观点的平台：
“От жаққыштан дана шығар,
Сөзге қулақ түре-түре.
Аязий.
Шөлкемлестириўши: Яссаўий
Инстаграм каналымыз:
Instagram.com/ibratli_sozler_
Ютуб каналымыз:
https://www.youtube.com/channel/UCYp0lSkO4ACpBKxCKO-mvcw”
凭借高频更新（最新数据采集于 13 七月, 2026），频道始终保持新鲜度与高覆盖。分析显示受众积极互动，使其成为 宗教与灵性 类别中的关键影响点。
18 780
订阅者
+124 小时
-307 天
-25930 天
帖子存档
18 785
Услаған баланы дурыс тапса, сол усланған бала "соқыр теке" болады. Ойын солайынша даўам ете береди.
<<Соқыр теке>>~ойыны үйде де, далада да ойнаўға болатуғын ойын түрине киреди. Ойынға ул бала да, қыз бала теңдей қатнаса алады.
<<МАҢЛАЙ ШЕРТПЕК>>~бул ойынды ойнаў арқалы балалар зийрек, шаққан ҳәм дыққатлы болыўға үйренеди.
Ойын қурамына ер балалар да, қыз балалар да теңдей қатнаса алады. Қатнасыўшылар еки топарға (командаға) бөлинип, ҳәр топар өзлериниң ишинен баслаўшыларын сайлап алады. Ҳәр топардың баслаўшысы өз қарамағындағы ойыншылардың қулағына сыбырлап өз атынан басқа ат қояды.
Қайсы топар ойынды биринши баслаўы кереклигин жеребе таслаў арқалы шешип алады. Мәселен алақанына шөп , теңге жасырыў, ямаса топар басшысының аты жазылған қағазды жасырыў арқалы белгилейди.
Ойынды баслайтуғын команда белгиленип алынғаннан кейин сол баслаўшы 2-топарға барып, бир баланың көзин басып, өз тәрепинен қойған аты менен ойыншылардың биреўин шақырады. Шақырылған бала қайсы тустан шыққанлығын билдирмеў ушын әстелик пенен жүрип, басқа тустан келип, көзи басыўлы баланың маңлайынан шертип кетеди. Ол бала орнына барып отырған соң баслаўшы баланың көзин ашып, маңлайына шерткен баланы табыўды буйырады. Егер дурыс тапса ол баланы өз топарына қосып алады, таба алмаса қарсылас топарға барып қосылады.
Буннан соң ойынды 2-топар баслаўшысы баслайды. Ойыншыларды утып, өз топарын көбейткен тәреп утқан болып есапланады. Ойын усылайынша даўам етеди, утқан, утылған топарлар қайтадан бөлинип, ойынды қайтадан баслап даўам еттириўге де болады.
ДОСТЫҢ КИМ?~ойынның бул түри ҳәзил-дәлкекке бейимленген болып, жас өспирим ул-қызлардың қатнасыўы менен өтеди. Ойынды үйде де, дүзде де өткериўге болады.
Ортадан бир баслаўшы таңланып, қатнасыўшылар дөгерек жасап отырады. Баслаўшы ҳәр қатнасыўшының қулағына ҳәр түрли ат қойып сыбырлап шығады. Қойылатуғын атларға ҳайўанлардың атлары таңланады: ешек, гүрре, торай, маймыл, қарақулақ, сағал, түлки ҳәм т.б.
Баслаўшы ойыншылардың ҳәр бирине қызықлы атларды қойып болғаннан кейин, өзи ортада отырып ойынды баслайды, ойынға қатнасыўшыларға биримлеп сораў таслай баслайды:
~Ал ойын қатнасыўшылары өзиңизге қойылған атты умытып қалмадыңыз ба, онда ойынды баслаймыз.
Баслаўшы:
~Абат, кеше сен китапханаға биреў менен кирип баратыр едиң, ол ким еди, алыстан таный алмадым?
Абат:
~Ол маймыл еди ғой.
Баслаўшы:
~Гүлжан, партада ким менен отыратуғын едиң, сени тазадан келген оқыўшы менен отырады,--десип атыр ғой.
Гүлжан:
~Гүрре менен отыраман.
Баслаўшы:
~Мурат, сен кеше биреўди арқалап бақшаға баратыр едиң, үкең бе еди?
Мурат:
~Яғаў, ол шошқа еди ғой.
Гейпара қатнасыўшылар ойынның шәртин түсинбей, ямаса баслаўшының сораўы өз ҳәрекетине сәйкес келип, дурысын айтып қойыўы да мүмкин, бул да қатнасыўшыларда күлки пайда етеди. Мәселен:
Баслаўшы кеше суўға барғанда биреў менен сөйлесип тур едиң, ол ким?--десе:
Қатнасыўшы:
~Ҳе, ол класстағы Айсулыў ғой,--дегендей.
Баслаўшы менен қатнасыўшы арасындағы сораў-жуўапларға қатнасыўшылар күлисип, ойын усылай ҳәзил-дәлкек пенен даўам етеди.
ЖҮЗИК САЛМАҚ~бул ойынды той-мереклерде жигит-қызлар ойнайды. Соның менен бирге бул ойын балалар арасында да кең таралған. Ул балалар қыз балалар араласып ойнаўына болады.
Жүзик салмақ ойыны бир жерде отырып ойнайтуғын, мазмун-мәниси күлкили, ҳәзил-дәлкеги басым ойынларды, әдеп-икрамлылық мәнисиндеги, тапқырлық, зийрекликти, шаққанлықты талап етеди
ОЙЫН ҚАҒЫЙДАСЫ:
«Жүзик салмақ» ойынына қатнасатуғын балалар екиге бөлинип қатарласып отырады. Ойын баслаўшы ортаға шығады. Ойын баслаўшының қолында жүзиги болады.
Ол сол жүзикти қатара қолларын тутып отырған балалардың қолларына бирме-бир жуўыртып, отырғанлардың биреўиниң алақанына салыўы керек.
Алақанына жүзик салынған адам қасындағы қоңсысына сездирмеўи керек. Жүзик салып шығыў бөлими тамамланған соң, ойын баслаўшы ортада турып:
18 785
МИЛЛИЙ БАЛАЛАР ОЙЫНЛАРЫ
Қарақалпақ халқының мәдений мийрасларының ишинде балалар ойынлары ~терең мазмунлылығы, тәрбиялық тәсириниң күшлилиги менен өзгешеленип турады. Балалардың ойлап табыўшылығы шексиз, ойнап отырған қәлеген 2-3 бала аяқ астынан жаңа ойын түрин шығарып, ойнаўы мүмкин. Бул ойын соңынан көпшиликке кеңннен тарап, балалар ойынларының бир бөлегине айланады. Мине, усындай себептен Қарақалпақ мәдений мийрасларында балалар ойынларының оғада көп түрлерин санап шығыўға болады.
Мысалы: <<Түлкишек>>, <<Ҳәкке қайда?>>, <<Ҳә, түйелер, түйелер>>, <<Әўлемен-дүўелемен>> ойынлары~баланың сөйлеў тилин раўажландырыў менен бирге ҳәрекетшеңлигин, зейинлилигин, шаққанлығвн қәлиплестиреди. <<Соқыр теке бақ-бақ>>, <<Маңлай шертпек>>, <<Жасырынбақ>> ойынлары баланың сезгирлигин, шаққанлығын раўажландырады.
Балалар ойынларының көпшилик түрлери балалардың уйымласып, аўыз бирлик пенен ойнайтуғын ойынлар болып табылады. <<Ақ терек пе, көк терек>>, <<Сен тур, сен шық>>, <<Қашарман>>, <<Жүзик салмақ>> ойынлары еки топарға бөлинип ойнаў арқалы өтеди. Бундай топарларға бөлинип ойнайтуғын ойынларда ул балалар ҳәм қыз балалар араласып ойнай береди. Тек ул балалар ойнайтуғын ойынларға: <<Шүллик>>,'<<Қазық>>, <Аңғалақ>>, <<Ҳаўа таяқ>> ойынлары киреди. Сондай-ақ, қызлардың да тек өзлери ойнайтуғын ойынлары бар: <<Теппек>>, <<Арпа-гүрпе>>, <<Бекташ (бес тас), <<Секирмек>>, <<Ийт қуйрық>> ҳәм т.б.
Балалар ойынларының ишлеринде ерте дәўирлерде әмелде болған, ҳәзирги ўақытта пүткиллей умытылып кеткен ойынлар да ушырасады, бирақ, айырым элементлери ҳәзирги заманагөй ойынларда тәкирарланғанын көриўге болады. <<Шүллик>>, <<Аңғалақ>>, <<Ҳаўа таяқ>>, <<Қазық>> ойынларын атап көрсетиў мүмкин.
Балалар турмысында өз әҳмийетин жойытпай, еле ойналып киятырған ойынларға <<Жасырынбақ>>, <Ләңги>>, <<Теппек>>, <<Бестас>>, <<Қашарман>>, <<Маңлай шертпек>> ҳәм т.б ойынларды атап көрсетиўге болады.
ҲАЎА ТАЯҚ~бул ойын балалардың шаққанлығын, епшиллигин ҳәм дыққатлылығын қәлиплестириў менен бирге, мергенликке үйрениўинде үлкен әҳмийетке ийе.
Ҳаўа таяқ ойыны ҳәзирги ўақытта да балалар арасында сийрек те болса ойналып турады. Бул ойынды негизинен естиярлаў, 10-15 жастағы балалар арасында өткерилип, бала саны шекленбейди, 2 бала болса да ойнаў бериўине болады.
Ҳаўа таяқ ойыны қағыйдалары бойынша ашық далада өткериледи.
Ойында балалар қолланылатуғын қурал~80-90 см узынлығындағы таяқ. Ойынды баслаўшы бала таяқты ҳаўалатып ылақтырады, екинши бала да өз таяғын ылақтырып таяқты қағып түсириў керек. Таяқты тийгизе алмаған бала утылған деп есапланады, Утқан бала қайтадан ойынды баслап таяқты ылақтырады. Таяқты қағып түсире алған бала ойынды баслаўшы болып таяқ ылақтырыў ҳуқықына ийе болады. Ойынға қатнасыўшы бала көп болса, утылған бала ойыннан шығады, гезек екинши балаға бериледи. Қатнасыўшы саны аз болса утылған балаға 3 ке дейин, оннан да көп гезек бериледи,.Ойын солай даўам ете береди.
ҲАЎА ТОП~<<ҳаўа таяқ>> ойынын түрлендирип, таяқ орнына топ пайдаланыўға да болады. Баслаўшы топты ҳаўалатып ылақтырады, екинши бала таяғы менен топты қағып түсиреди. Ойынның бул түри таяқты қағып түсириўден қыйынырақ, баладан дыққатлы, шаққан болыўды талап етеди. Топ пенен ойналатуғын бул түри~<<ҳаўа топ>> деп аталады.
СОҚЫР ТЕКЕ БАҚ--БАҚ~ойыны баланың бақлаў, зийреклик, дыққатлылық көнликпелерин қәлиплестиреди.
5-6 бала қурамында ойыншылар топары бирлесип, ортасынан бир баланы <<соқыр теке>> етип таңлап, көзин орамал менен байлайды. Ойын өткерилетуғын жердиң кеңислиги белгиленип, балаларға сол шегаpaдан шықпаў ескертиледи. Қалған балалар дөгереклеп айланып турады. Ойын басланыўдан балалар соқыр текени қолы менен түртип қашып, белгиленген шеңбер ишинде услатпаўға ҳәрекет етип қашып жүреди. Көзи байланған бала балалардың биреўин услап алып, көзи байлаўлы ҳалда:--"Сен Азатсаң, Муратсаң",---деп таныўы керек. Сол ўақытта "соқыр теке"ниң көзиндеги байлаў шешилип, услаған баланы таныған--танымағаны анықланады. Егер дурыс таппаса қайтадан көзи байланып "соқыр теке" болады.
18 785
#Қайғыра берме
Дүньяның қайғысын қайғыра берме!
Ахыр ол бар еди бизден де бурын,
Ол еки жүзли емес, қатыгез,бир сөз,
Бир жерге қояды патшасын, қулын.
Ҳәттеки Искендер шахының барын,
Көрген гуўалар да сақлаған иште.
Бендеси қараны ақ деген менен
Ҳақыйқат китабын жазар периште.
Әлемди илимде қалдырған қайыл,
Данышпанларға да тасты атқан бар.
Арқасында оқтың ийесин билмей,
Саўал-жуўап күнин күтип жатқан бар.
Дүняның кайғысын қайғыра берме,
Адамсыз болмаған өмир базары,
Келгенге кетпеклик болса да тайын,
Толғанын көрдиң бе оның мазары?
Дүньяның қайғысын қайғыра берме...
Мақсетке жеткерсин өмир гузары.
Зульфия Жийемуратова.
https://t.me/ibratli_sozler
18 785
- Соншама дəртти қəлб қалай көтереди ?
- Көзлериңе қара ! Қаншама киши , бирақ ол пүткил əлемди көрип тур ...
Ж. Румий.
https://t.me/ibratli_sozler
18 785
Не ушын аналардың аяқлары аўыратуғынын билесиз бе?
Аллаҳ таала ананың жатырындағы суйықлықты ҳәдден тысқары шор етип жаратқан. Соның нәтийжесинде, жатыр ишиндеги ҳәмиле салмақсыз ҳалатта болады. Ол ҳәмийше суйықлықтың жоқарғы бөлегинде турады. Балаға азықлық киндиги арқалы анаға жалғанған нәрсе арқалы аңсат келип турады.
Ҳәмиледар ҳаял тойып аўқатланбаса ямаса көп ўақыт аш қалса, ҳәмилеге келетуғын азықлық ананың тислери ҳәм сүйеклериниң ериўи есабынан қапланады. Соның ушын көпшилик ҳаяллардың жасы өткен сайын тислериниң түсиўи, дизе ҳәм аяқларының аўырыўы бақланады.
Соның ушын ҳәмиледар ҳаяллардың өз ўақтында ҳәм тойып аўқатланыўы өзлериниң келешекте саламат болыўында жүдә әҳмийетли. Егер перзент анасының дизеси ямаса аяғы не ушын аўырып атырғанын билгенинде еди, тек өзин ойлаўдың орнына, анасын разы қылыўды ойлаған болар еди.
Расулуллаҳ саллаллаҳу алайҳи ўасаллам бийкарға: «Жәннет – аналардың аяғы астында», деп айтпаған.
Пазыйлет уз.каналынан алынды
https://t.me/ibratli_sozler
18 785
Əкем өзи мехир көрмегени ушын бизге де мехир бериуди билмеди... Негизинде бизлерди қатты жақсы көреди. Бирақ , қушақлап еркелетпейтуғын еди. Бауырына баспас еди.
Билесизбе сол күни не болғанын?
Мейит жууындырылып кепинге оралғанында , əкем " оны маған бер, мен аламан" деди. Үкемди қушағына алды да жыламсырап сондай деди :
- Рапат , мен сени мазарға емес , базарға апарып шалбар əпережақ едим. Балам , тур кетейик ....
Мен қатты жыладым.
- Əкем бул сөзлерди қəнекей үкем тири уағында айтқанында...Биз əкемиздиң усындай мехирли сөзлерин еситкимиз келер еди. Бирақ хешқашан еситпеген сөзлерди , үкеме ,енди ол еситпейтуғын бир уақытта бақырып , дат салып айтып атыр еди....
* * *
Бүгин балалар бизден таба алмаған нəрсесин телефоннан , интернеттен излейди.
Шығасыға ийеси себепши дегендей балаларымыздың мийримсиз , тасбауыр болыуына өзимиз себепши болмайық ....
https://t.me/ibratli_sozler
18 785
Билсең де қайтпасын бул күн қайтысқа,
Мойныңды бурамай ўақыт байғусқа
Кеттиңлер ме енди өрип тум-тусқа,
Турмыс қазанында қайнаўыңызға.
Басын тек сәждеге қойған жигитим,
Көтер руўҳыңнан қайғы "түбитин",
Қоллайды ертеңге болған үмитиң,
Кеўлиңнен түскинлик айдаўыңызға.
Естен шықпай үрп-әдети, салтымыз,
Қызды сыйлап қысыр болдық жалпы биз,
Бар екен сизлердей ҳаял халқымыз,
Биз еркек тилеклес жайнаўыңызға.
Қос арыс, бахытлы жан бар ма буннан,
Бахытты,әўметти ашқандай тыңнан,
Кеўилим,жүрегим исенер шыннан,
Садықлық, ўапаны сайлаўыңызға.
Азамат Бекназаров
5.04.2026.
https://t.me/ibratli_sozler
18 785
Өзин өзгертиуди қəлемейтуғын адамларды өзгертиуге уақтыңыз хəм күшиңизди кетирмең !
Жыланға мың жыл пал ишкизсең де, ол бəрибир зəхəр шығарады.
Өмирде де сондай.
Базыбир инсанларға қанша жақсылық қылсаң да, қанша жақсы сөйлесең де олар сен тəрепке зəхəрин шашыуды дауам етеди.
Жылан хəтте өзин қутқармақшы болған адамды да шағады.
Көп адамлар бар - жүреги зəхəрге толы. Олар дүньяны да сол зəхəр арқалы көреди . Олар хəммени өзлеринше - гүманлы, душпандай көреди.
Бундай адамлардан сақланың ! Олардың басы дийуалға тийип өзи тəубеге келмегенше өзгермейди....
https://t.me/ibratli_sozler
18 785
Ассалаўма әлейкүм қəдирданларым!
Жақсылық ет, жәҳән ибрат алсын,
Жақсылар басына жақсылық салсын,
Мал-дүнья бәршеден, сеннен де қалар,
Жақсысы дүнья емес, жақсылық қалсын!
Абдураҳман Жәмий.
Бүгинги дем алыс екшемби күниңиз пайызлы өтсин. Ҳәрбир ийгиликли ислериңизде Алла яр болсын!
Сәўир айының 5 -сәнеси, хəптениң Екшемби күни.
https://t.me/ibratli_sozler
18 785
Кимдидур жоғалттық , кимдидур таптық
Кимнендур узақлап, ким тəреп шаптық
Өмир- өзи тауып хəм жоғалтыу екен
Баслысы- өзиңди хеш жоғалтпаслық !
Адамгершилигимиз бенен қоса жақынларымызды жоғалтпай бəрха бир-биримизге керек болып жасайық !
Түнниң тынышлығын , жанның аманлығын берсин !
ҚАЙЫРЛЫ ТҮН ҚƏДИРЛИЛЕРИМ !
Ю.М.
https://t.me/ibratli_sozler
18 785
Байыўлының ырысқалы ..................
✅
Мақалдың даўамын табыңлар❓
18 785
Қалыңға қусың түспесин,
...................
✅ Мақалдың даўамын табыңлар❓
18 785
Қасқырдың хүжиминен қутқарғаны ушын қой ийтке миннетдаршылық билдирип атыр.
Базыбир адамлар сол ийт қурақым əтирапындағыларға жəрдем көрсетпейди, ал базы адамлар болса қой қурақым өз миннетдаршылығын билдирмейди .....
https://t.me/ibrаtli_sozler
18 785
Белгили түрк шайыры Нəжиб Пазыл кемеде китап оқып баратыр екен. Кемедегилерден бири жақынласып :
- Устаз, дүньяға пайғамбар жибериудиң не кереги бар еди ? АЛЛАМ ақыл берип қойыпты, жолымызды өзимиз-ақ тауып алар едик ,-депти.
Нəжиб Пазыл китаптан бас көтермей жууап берипти :
- Кемениң не кереги бар . Теңизден өзиң жүзип өте бер !...
https://t.me/ibratli_sozler
18 785
Анамның тек бир көзи бар еди. Екинши көзи ойық болып оны хəр көргенде жеркенип кетер едим. Мен сол ойық көзи себепли қатар-қурбым алдында мазаққа қалар едим, анығырағы арым келетуғын еди.
Əкем жас уақтымда авариядан қайтыс болды. Шаңарақты бағыу анамның мойнында еди. Ол бир мектептиң асханасында ислейтуғын еди.
Мектепте баслауыш класста оқып жүргенимде меннен хабар алыу ушын класыма келгенде жерге кирип кетким келер еди. Сол -сол классласларым мени " бир көзли қатынның баласы" деп үстимнен күлетуғын болды. Сол уақлары усы майып хаялдан тууылғаным ушын өз тəғдириме нəлет айтар едим.
Бир күни анамның бетине тик қарап :
" Қашанға шекем сиз себепли жораларыма күлки болып жүремен? Сиздей анам барлығынан арланаман ! Сизиң бар екениңиз мен ушын мазақ !!!" - дедим ашыу менен.
Анам индемеди. Жалғыз көзи менен маған термилип қалды.. Мен сол пайыттағы айтқан гəплеримди ойлап та көретуғын аухалда емес едим. Ғəзептен өзимди қоярға жер таппас едим. Оның кеули, ишинен не өтип атырғанлары мени улыума қызықтырмас еди. Ол менен бир үйде жасағым да келмес еди. Мектепти питкерип Сингапурға оқыуға кеттим.
Бир мүддет өтип сол жерде үйлендим. Таныс-билислерден қарызланып өзиме жай сатып алдым. Кейин балалы болдым.Мен бахытлы едим. Анам барлығы есимнен де шыққан еди. Бир күни анам Сингапурға мени излеп келди. Нешше жылдан бери мени көрмеген еди. Есик алдында ойнап отырған балаларым бир көзли кемпирди көрип қорқып кетти, соң ермеклей баслады. Мен оларға " кемпир апаңыз " дей алмадым . Ол босағадан атлауы менен " неге келип балаларымды қорқытасыз ?" деп жекириндим. Анам айыплы адамдай басын ийип " мен адасып басқа үйге кирип кетиппен " деди де үйден шығып кетти.
Арадан жыллар өтти. Бир күни ески классласларымнан хат алдым.. Хаялыма " хызмет сапарына кетип баратырман " дедим де , сол жаққа уштым. Ушырасыудан қайтып ески ижара үйим есиме түсип , балалығым өткен көшеге қарай бурылдым. Ижара үйимиз есигин үй бийкеси ашты. Ол маған анамның қайтыс болғанын айтты. Əуеле сəл жеңил тартқандай болдым, кейин кеулимди қапалық ийелей баслады. Үй бийкеси үйден бир конверт əкелип анам маған берип қойыуын өтиниш еткен екен.
Дəрриу хатты оқыуға тийистим:
"Жигербентим , көзимниң қарашығы ! Аманбысаң ? Ертели-кеш сени ойлайман, тилегиңди тилеймен. Сингапурға барып балаларыңды қорқытқаным ушын мен ақмақ анаңды кешир. Классларың менен ушырасыуға келиуиңди еситип қатты қууандым. Бирақ ғаррылық қурысын , сен келер уақытта ауырып төсектен туралмай қалдым.Балажаным мениң , қатарларың алдында мени деп бир өмир күлкиге қалдырғаным ушын кешир , мен айыплыман. Бирақ , бир сырды айтсам мендей майып анаңды кеширерсең бəлким?!
Сен кишкене уақтыңда əкең менен бирге аварияға ушырап едиң. Əкең қайтыс болды. Сен болсаң бир көзиңнен айрылған едиң. Мен бир түйир баламның бир көзли болып өсиуин қəлемедим. Əкеңнен қалған үйди сатып , ижара үйге көшип өттим. Үйдиң пулына сениң көзиңниң операциясы ушын ғəрежет қылдым. Шыпакерлер бир көзимди ойып сениң қарашығың орнына жайластырды. Аллаға шүкир болсын , мениң көзим сеники менен тең екен. Хеш ким сениң көзиң басқа денеден көширилгенин сезбеди. Мен усы уақытқа шекем " балам сен мениң көзим менен дүньяны көрип жүрипсең " дей алмадым. Сениң жеңисиңди көрип жүриудиң өзи маған үлкен бахыт еди. Дүньяда бир хақыйқат бар : сен мениң баламсаң . Маған усы жетеди. Сени жанынан да артық жақсы көриуши АНАҢ !!!"
Юсупова М. аудармасы
https://t.me/ibratli_sozler
18 785
КИТАП ХАҚҚЫНДА БЕС ПИКИР :
1. Дөретпе ийеси жақсы жаза билген китапларды оқып барар екенсиз , жақсы сөйлесиуди де əдет етип алар екенсиз.
2. Адамның руухый санасы - китаплардың оқып шығылған бетлериниң саны менен емес, үйренилген билим менен өлшенеди.
3. Китап оқыуды əдет еткен инсанлар телевизор алдынан кетпейтуғын адамларды биймəлел басқара алады.
4. Китап -кинодан абзал ! Себеби кисиниң ақылый дəрежеси фильмдеги күшли толғанысқа ийе кадрларды китап бетлериндеги жазыуларды сақлағанындай етип сақлай алмайды.
5. Қанша көп китап оқысаңыз , биреулерге сонша кем еликлейсиз . Өзиңизди жарата аласыз .!
https://t.me/ibratli_sozler
