ИБРАТЛЫ СӨЗЛЕР...

#рәўият 📜Ырысқы 🐜 Сулайман алайҳис салам бир үлкен қумырсқаны көрип оннан: - ʺКүнине қанша азық жейсең..?ʺ - деп сорады. Қумырсқа: - ʺБир гүнжи муғдар жейменʺ, деп жуўап берди... Сулайман алайҳис салам оның қасына бир дана дана гүнжини қойып, үстинен бир кесени аўдарып кетти: - "Ҳәр күни ырысқыңды мен өзим әкелип тураман..!ʺ деди... Сулайман алайҳиссалам ертеңине келип кесени ашып қараса ол қумырска гүнжиниң ярымын жеп, қалған ярымын услап отырған екен..! Сулайман алайҳиссалам қумырсқаға: - ʺСен маған күнине бир гүнжи жеймен, деп едиң ғо! Ярымы аўысып қалыпты..!?ʺ - деди. Қумырска Сулайман алайҳиссаламға қарап: - ʺЫрысқым Аллаҳ тааланың қолында екен, Аллаҳ таала маған күнлик ырысқымды бериўди умытпайды..! Буған иснимим кәмил ..! Бирақ күним сизге қалғаннан кейин, есиңизден шығып қалса не қыламан, деген ой менен ярымын алып қойдым... Өйткени бендеге исеним жоқ! Ырысқы тек Аллаҳтан болады, деп айтқан екен..! Каналымызға ағза болыўды умытпаң! 👉https://t.me/ibratli_sozler https://t.me/ibratli_sozler

#Ибрат "Бир мусылманның қәтесин билсең, оған буны жалғыз қалған ўақтында айт. Ҳәргиз оны ғыйбат етпе. Оған нәсият етпекши болсаң, айыбын билгениң ушын оған жек көриў көзи менен қарама. Мақсетиң оны гүнадан қутқарыў болсын, бунда сен мисли өзиңнен кемшилик жүз бергендей қапа бол, бундай жағдайда сен үш саўапқа - нәсият етиў, бирадарың кемшилигинен қапа болыў ҳәм оның динде беккем болыўына жәрдемлесиў саўабына ийе боласаң". Имам Ғаззалий (раҳматуллаҳи алайҳ). https://t.me/ibratli_sozler

АССАЛАУМА ƏЛЕЙКУМ ҚƏДИРДАНЛАРЫМ ! ☘🌹☘ Бүгинги таң мүбəрек болсын ! Аппақ таң арқалы атып атырған бүгинги теберик күниңиз сизлерге узақ өмир , зор ден -саулық , тынышлық , аманлық , бахыт хəм əумет алып келсин ! ☘🌹☘ Адам адамға ғəниймет , өмир хəммеге аманат .Усы аманат өмирди мазмунлы, əуметли , қызықлы , узақ -узақ жыллар жасау хəммемизге несип етсин ! Күн дауамында бəршеңиз Алла Тааланың қоллауында болың ! ☘☘☘☘☘☘☘☘☘☘☘☘☘☘☘ https://t.me/ibratli_sozler

"КЕШЕГИ КҮННЕН САБАҚ АЛЫҢ. БҮГИН УШЫН ЖАСАҢ. ЕРТЕҢГИ КҮНГЕ ҮМИТ"   Кешеги күн дегенде, мен балалық дәўирди,  оқыўшы болған ўақыяларды, жаслық гезди түсинемен.    Балалық - бул патшалық дәўир. Қәнекей  бала болып жүре берсең. Сениң айтқаныңның бәри орынланады. Ҳеш нәрсе ойламайсаң.  Кийимин пүтин, тамағың тоқ болып, ишип - жеп ойнап жүре бересең.   Оқыўшылық дәўирди сондай жақсы дәўир, муғаллимнен  бақырыс еситпеў ушын  сабақларыңды таярлап, күнделик дәптерге " 5" баҳаларын қойдырғанша асығып жүретуғын едик. Ақыры муғаллимниң айтқаны хат пенен қәлемғой. Ата - анаңа жәрдем берип, бос ўақтында балларға арналған  китапларды оқып  жүретуғын едик.       Студентлик дәўир бул - умтылмас  жаслық алтын дәўир. Мектептеги оқыўға қарағанда оқыў қурамалырақ. Ҳәзирги дәўирдеги студентлерди билмедим. Биз оқыған дәўирде сабақ  уақтында "Газетный материал" болатуғын еди. Ҳәрбиримиз "Moscow news" газетасына  жазылатуғын едик, сол сабақта  газетадан бир абзаст оқып, сол ўақытта  түсингенимизди айтып берер едик. Ал, пахта мапазы болса басқаша. Пахта тере алмайтуғын болған соң, тергиш қызларға жарысып, көп териўге ҳәрекет ететуғын едим. Мине өткен күнди есимизге салып, сол ўақыттағы қайтып  айланып келмейтуғын ең жақсы әжайып күнлерди есимизге  түсирип отырамыз.    Енди Ҳәзирги жасап атырған күнимизге келсек жаман емес. Турмыс қурдық. Бала- шағалы болдық. Ақлық сүйдик. Жумыс иследик. Газета журналларға жазылып, оқыўға да ўақыт таўып, оқып бардым. Жасымызға байланыслы напақаға шығып, Алланың берген ақлықларын бағып, той - мерекелерге барып,  арасында класслас, группалас досларымыз бенен қатнасып турамыз. "Дослық көпир", "Ибратлы сөзлер" "Устаз жолы" газетасы. " "Кеўил Гүлшаны, " Гүлнур" " Даналық сөзлер" .каналларына ағза болып, берилген темаларға пикир жазып, арасында йош келсе, жазған дөретпелерди жиберемен. Сениң ушын жақсы пикирлерин жазған ықласбент оқырманларға миннетдаршылығыңды  билдирип турғанға не жетсин. Жакында "; Сезим сыры " деген каналда ашылды. "Чат Даналық сөзлер"  каналындағы тест сораўларына қатнасаман. Сыйлыклы орын алыуға миясар болдым    Усы күнге жеткергениңе Аллаға  шексиз  шүкирмиз. Каналлар арқалы дос, сиңли, ини арттырып, ҳәттеки кызымыздай кызлар менен танымасақта телеграмм арқалы сәўбетлесип, бир - биримизди қоллап - қуўатлап отырмыз.    Алла таалам себепши болып, усы күнлерге жеткерип, таза ҳаўадан нәпес алып, жасап атырғанымызға сансыз шүкирлер болсын.   Ертеңги күнге баўырымыз пүтин болып, аман - саў жетиўимизге үмит етемиз.     Қудайқәлесе ақлықларды узатып, үйлендирип, ақлықлардан шаўлық көриў несип етсин деп үмит етип, жасаймыз. Аллаҳым сол күнлерге жеткергейсең. Ҳәмме Заманласларымды үмит еткен нийетлерине жете бериўине тилеклеспен.  ✍ ГҮЛБӘҲӘР ҚАРАБАЕВА.           https://t.me/ibratli_sozler

#рәўият    ЕР ҚӘДИРИН БИЛГЕН ҲАЯЛ     Кәмбағал бир адам аўылындағы адамлардың малларын жайлаўда бағып беретуғын еди. Ҳеш кимге аўырлығын салмастан шаңарағын усы кәсип арқалы бағатуғын еди. Күйеўиниң кеўлине қарайтуғын, оны түсинетуғын ақыллы, жақсы ҳаялы бар еди. Соның ушын да, аўылда ҳәмме оны ең бахытлы инсан деп есаплайтуғын екен.    Аўылда қайсы бир еркек ҳаялы менен урысып қалса: "Бар, падашының ҳаялынан өрнек ал!" деп айтатуғын болды.         Күнлердиң биринде аўыл ақсақалы ҳаялынан қапа болды. Аўыл ақсақалы ҳаялы менен урысып: — Ҳәй гәпке түсинбейтуғын надан ҳаял! Бар, аўылымыздағы падашының ҳаялынан өрнек ал. Әне саған күйеўиниң қәдирин билетуғын ҳаял! Өрнек ал соннан!" деди. Сонда ҳаялы: – Падашының ҳаялынан нени де үйренемен. Күйеўи малбағар болса! Өзи бир қолында өнери жоқ, артықша бир пазыйлети жоқ адам-ғо, деп барыўдан бас тартты. Ақсақал ашыў менен өз жумысына жөнеп кетти. Ал, ҳаялы ақсақалдың айтқан гәплеринен тынышсызлана баслады.   Сонда: "Ҳәмме мақтап атырған падашының ҳаялын бир көрейин" деп орнынан турып, ҳаялдың үйине қарай жол тартты.      Сол ўақытта падашының ҳаялы қуяшта отырып жумысларын ислеп, қуяшта ысып кеткен суўдан суў ишип отыр еди. Ақсақалдың ҳаялы: – Усы суўдан маған да азмаз бериң, – деди. – Бул суў қуяшта турып ысып қалған, сизге муздай суў алып келемен, бир аз күтип турың, деди. Ақсақалдың ҳаялы: – Мейли, бирақ неге сиз өзиңиз ысып кеткен суўдан ишип атыр едиңиз? – деп сорады. – Апа, усы сәтте күйеўим ыссыда жайлаўда жүрипти. Қуяшта ысып кеткен мешинен суў ишип атырған шығар. Күйеўим ол жерде ысыған суў ишседағын, мен бул жерде муздай суў ишип отырсам, оған ҳаял болғаным қайда қалады! – деп жуўап берди. «Ҳикметлер ғәзинеси» китабынан. https://t.me/ibratli_sozler