ALIF MINDSET

ማስታወቂያ የኢትዮጵያ የተቀማጭ ገንዘብ መድን ፈንድ ETHIOPIAN DEPOSIT INSURANCE FUND የኢትዮጵያ የተቀማጭ ገንዘብ መድን ፈንድ በሚኒስትሮች ም/ቤት ደንብ ቁጥር 482/2013 የተቋቋመ ሲሆን፣ ዓላማውም በባንክ እና በማይክሮፋይናንስ ተቋማት ውስጥ ገንዘብ ላስቀመጡ ግለሰቦችና ድርጅቶች ዋስትና ለመስጠት ነው፡፡ በዚህም መሠረት አይበለውና አንድ ባንክ ወይም ማይክሮፋይናንስ ተቋም ኪሳራ አጋጥሞት ቢወድቅ፣ በዚህ በወደቀው ፋይናንስ ተቋም ውስጥ ተቀማጭ ገንዘብ ላላቸው ግለሰቦችና ድርጅቶች ፈንዱ በፍጥነት ገንዘባቸውን በመመለስ ለፋይናንስ ዘርፍ መረጋጋት አስተዋጽኦ ያበረክታል፡፡ ፈንዱ ይህን ተልኮውን ለማሳካት በቂ ሀብትና አቅም ሊኖረው የሚገባ በመሆኑ፣ በየጊዜው ከአባል ፋይናንስ ተቋማት አረቦን በመሰብሰብ ኢንቨስት በማድረግ ሀብቱን ወይም የገንዘብ አቅሙን በማሳደግ ላይ ይገኛል፡፡ በዚሁ መሠረት ሥራውን ከጀመረ በአጭር ጊዜ ውስጥ ብር 8.15 ቢሊዮን አረቦን ከአባል ፋይናንስ ተቋማት የሰበሰበ ሲሆን የኢንቨስትመንት ክምችቱም ብር 8.47 ቢሊዮን ደርሷል፡፡ ይህም ሀብት በሚወድቀው ፋይናንስ ተቋም ውስጥ ተቀማጭ ገንዘብ ላላቸው አካላት ለሚደረገው ክፍያ የሚውል ሲሆን፣ ፈንዱ ለአንድ ገንዘብ አስቀማጭ እስከ መቶ ሺህ ብር ተመላሽ ያደርጋል፡፡ ለተጨማሪ መረጃ በስልክ ቁጥር +251115571597 እና +251115578534 መደወል ይቻላል፡፡