Samarqand viloyati Statistika boshqarmasi

📊 Siyosiy-ma’rifiy bilim — samarali davlat fuqarolik xizmatining muhim omili 🔹 Davlat fuqarolik xizmatchilarini mamlakatimiz va jahon miqyosida ro‘y berayotgan muhim siyosiy-ijtimoiy voqea-hodisalar bilan muntazam tanishtirib borish maqsadida har haftaning juma kunlari "Siyosiy-ma’rifat soati" onlayn o‘quv mashg‘ulotlari tashkil etib kelinmoqda. 🔹 Navbatdagi o‘quv mashg‘ulotida Samarqand viloyati statistika boshqarmasi xodimlari faol ishtirok etdilar. Mashg‘ulot davomida O‘zbekiston va xorijda sodir bo‘layotgan muhim voqea-hodisalar yuzasidan tayyorlangan dayjest hamda ma’naviy-ma’rifiy videolavhalar bilan tanishib, dolzarb mavzular bo‘yicha o‘z bilim va dunyoqarashlarini yanada boyitdilar. Manba: Samarqand viloyati Statistika boshqarmasi 🔸Rasmiy sahifalar 🌐Web sayt|Telegram kanal|Telegram guruh|FacebookSamarqand

🇺🇿 Ўзбекистон онлайн рўйхатга олиш қамрови бўйича жаҳонда иккинчи, МДҲда биринчи ўринда Ўзбекистонда аҳоли ва қишлоқ хўжалигини рўйхатга олиш тадбирининг биринчи босқичида аҳолининг 82,3 фоизи онлайн тарзда рўйхатдан ўтди.

Ушбу босқич 17 кун давом этди ва унда 32,1 млн нафар аҳоли қамраб олинди.

🌐 Онлайн рўйхатга олиш қамрови бўйича халқаро кўрсаткичлар: Канада — 84,1 фоиз; Ўзбекистон — 82,3 фоиз; Австралия — 78,9 фоиз; Польша — 60,0 фоиз; Эстония — 43,0 фоиз; Қозоғистон — 42,0 фоиз; Россия — 16,0 фоиз; Тожикистон — 15,0 фоиз.

🏢 Ўзбекистонда 4,8 млн киши кўп қаватли уйларда яшайди 🇺🇿 Аҳоли ва қишлоқ хўжалигини рўйхатга олиш тадбирининг дастлабки натижаларига кўра, Ўзбекистон аҳолисининг 4,8 млн нафари кўп қаватли уйлардаги хонадонларда истиқомат қилади.

📊 Бу жами аҳолининг 12,4 фоизини ташкил этади.

📊 Аҳолининг яшаш жойи турлари бўйича тақсимланиши қуйидагича: шахсий якка тартибдаги ҳовлиларда яшовчилар — 33,3 млн киши (85,3 фоиз); кўп қаватли уйлардаги хонадонларда яшовчилар — 4,8 млн киши (12,4 фоиз); бошқа турдаги турар жойларда яшовчилар — 927,3 минг киши (2,3 фоиз).

📌 Бошқа турдаги турар жойларга дала ҳовли, ётоқхона, меҳмонхона ва бошқа яшаш жойлари киради.

🎉2-iyul – Oʻzbekiston Respublikasi Davlat gerbi qabul qilingan kun     Bugun mamlakatimiz hayotidagi muhim sanalardan biri – 2-iyul, Oʻzbekiston Respublikasi Davlat gerbi qabul qilingan kun.     Davlat gerbi – Vatanimiz mustaqilligi, suvereniteti, milliy qadriyatlari va xalqimizning ezgu orzu-intilishlarini oʻzida mujassam etgan muqaddas davlat ramzidir. Unda xalqimizning tinchliksevarligi, mehnatsevarligi, farovon hayot sari intilishi hamda tabiiy boyliklari va tarixiy merosi o‘z ifodasini topgan.     Ushbu sana munosabati bilan barcha yurtdoshlarimizni samimiy muborakbod etamiz. Yurtimiz tinchligi, xalqimiz farovonligi va Vatanimiz ravnaqi yoʻlidagi ezgu ishlar bardavom bo‘lsin.     2-iyul – Oʻzbekiston Respublikasi Davlat gerbi qabul qilingan kuni muborak boʻlsin! Manba: Samarqand viloyati Statistika boshqarmasi 🔸Rasmiy sahifalar 🌐Web sayt|Telegram kanal|Telegram guruh|FacebookSamarqand

#брифинг Ассалому алайкум, ҳурматли юртдошлар! Бугунги брифингда Миллий статистика қўмитасининг дастлабки маълумотларига асосан, 2026 йилнинг январь–апрель ойларида Ўзбекистоннинг ижтимоий-иқтисодий ҳолатига оид айрим муҳим статистик кўрсаткичлар ҳақида қисқача маълумот бериб ўтамиз.

2026 йил 1 май ҳолатига республикамизда 61 мингдан ортиқ саноат корхонаси фаолият юритмоқда. Улар томонидан 2026 йилнинг январь–апрель ойларида 394,7 трлн сўмлик саноат маҳсулотлари ишлаб чиқарилди. Бу ўтган йилнинг мос даврига нисбатан 7,8 фоизга кўп.

Ўзбекистонда 4 ойда 84,4 трлн сўмлик қурилиш ишлари бажарилган. Бу кўрсаткич ўтган йилнинг мос даври билан солиштирилганда 14,1 фоизга ошган. Энг кўп қурилиш ишлари Бухоро, Қашқадарё, Самарқанд, Тошкент, Фарғона вилоятлари ва Тошкент шаҳрида бажарилган.

2026 йилнинг январь–апрель ойларида Ўзбекистонда кўрсатилган

бозор хизматлари

ҳажми 406,4 трлн сўмни ташкил этди. Бу кўрсаткич ўтган йилнинг мос даврига нисбатан 16,6 фоизга ошган.

Ўзбекистон дунёнинг 170 дан ортиқ давлатлари билан савдо алоқаларини амалга оширмоқда. Ҳисобот даврида мамлакатимизнинг ташқи савдо айланмаси 26,3 млрд АҚШ долларига етди. Бу ўтган йилнинг мос даврига нисбатан 5,8 фоизга кўпдир. Шундан экспорт ҳажми 10 млрд доллар, импорт ҳажми эса 16,4 млрд АҚШ доллари қийматига эга бўлди. Ташқи савдода энг юқори улуш Хитой, Россия, Қозоғистон, Туркия ва Афғонистон ҳиссасига тўғри келди.

Нархлар ўзгаришига тўхталадиган бўлсак, 2026 йил апрель ойида истеъмол бозорида товар ва хизматлар нархи ўртача 0,6 фоизга ошди. Хусусан, озиқ-овқат маҳсулотлари 1 фоизга, ноозиқ-овқат товарлари 0,3 фоизга ва хизматлар нархи 0,4 фоизга қимматлашди. Бу ҳисоб-китоблар мамлакат бўйича 10 мингдан ортиқ савдо ва хизмат кўрсатиш нуқталарида кузатилган қарийб 1,3 млн нарх маълумотлари асосида шакллантирилди.

Демографик кўрсаткичларга кўра, 2026 йил 1 апрель ҳолатига Ўзбекистоннинг доимий аҳолиси сони 38 миллион 382 минг 685 нафарни ташкил этди. Шундан 19,1 миллиони аёллар, 19,3 миллиони эса эркаклардир. Шаҳарда яшовчилар – 19,5 млн кишини ва қишлоқ ҳудудида яшовчи аҳоли сони 18,8 млн кишини ташкил этган.

2026 йил 1 май ҳолатига республикамизда 580,9 мингта корхона ва ташкилотлар фаолият кўрсатмоқда. Бу ўтган йилнинг мос даврига нисбатан 40,2 мингтага кўпдир.

Шунингдек, чет эл инвестициялари иштирокида 19 минг 490 та корхона фаолият юритмоқда. Улардан 4 минг 427 таси қўшма, 15 минг 63 таси эса хорижий корхоналар ҳисобланади. Эътиборингиз учун раҳмат!

⚠️ Hurmatli fuqarolar! Firibgarlik qurboni bo‘lib qolmaslik uchun kibergigiyena qoidalariga qat'iy amal qiling! ✅ Kiberxavfsizlik markazining UZCERT xizmati tomonidan olib borilgan monitoring ishlari hamda fuqarolardan kelib tushayotgan murojaatlar tahliliga ko‘ra, so‘nggi vaqtlarda Telegram messenjeri orqali amalga oshirilayotgan yangi firibgarlik usullari ko‘paygani kuzatilmoqda. Firibgarlar qanday harakat qilmoqda?

Firibgarlar Telegram orqali fuqarolarga qo‘ng‘iroq qilib, o‘zlarini turli davlat tashkilotlari xodimi sifatida tanishtirmoqda. Ular turli bahonalarni keltirib, fuqarolardan SMS yoki Telegram orqali yuborilgan tasdiqlash kodini, shuningdek, shaxsiy va maxfiy ma'lumotlarini aytishni talab qilmoqda. Dastlabki o‘rganishlarga ko‘ra, firibgarlar Telegram akkauntlarida ism o‘rniga davlat tashkilotlariga tegishli telefon raqamlariga o‘xshash, xususan (71) kodi bilan boshlanuvchi raqamlarni ko‘rsatmoqda. Natijada ayrim fuqarolar ekranda ushbu raqamlarni ko‘rib, qo‘ng‘iroq qilgan shaxsga ishonib qolmoqda va maxfiy ma'lumotlarini oshkor qilib yubormoqda.

Esda tuting!

❗️ Hech bir davlat tashkiloti: ✅ telefon orqali sizdan SMS yoki Telegram tasdiqlash kodini so‘ramaydi; ✅ parol, bank karta ma'lumotlari, PIN-kod yoki boshqa maxfiy ma'lumotlaringizni talab qilmaydi; ✅ ijtimoiy tarmoqlar yoki messenjerlar orqali shaxsiy ma'lumotlaringizni yuborishni so‘ramaydi.

☎️ Agar sizga shunday qo‘ng‘iroq yoki xabar kelgan bo‘lsa:

✅ suhbatni darhol yakunlang; ✅ hech qanday tasdiqlash kodini yoki shaxsiy ma'lumotni bermang; ✅ qo‘ng‘iroq qilgan akkauntni bloklang; ✅ zarurat tug‘ilganda tashkilotning faqat rasmiy aloqa kanallari orqali ma'lumotni aniqlashtiring.

UZCERT xizmati tavsiya qiladi!

Har bir fuqaro quyidagi kibergigiyena qoidalariga qat'iy amal qilishi lozim: ✔️ SMS va Telegram orqali kelgan tasdiqlash kodlarini hech kimga bermang. ✔️ Telefon orqali o‘zini davlat organi xodimi deb tanishtirgan shaxslarga ishonishga shoshilmang. ✔️ Telefon raqami yoki akkaunt nomi davlat tashkiloti raqamiga o‘xshash bo‘lsa ham, bu uning haqiqiy ekanligini anglatmaydi. ✔️ Har qanday shubhali holatda ma'lumotni faqat tashkilotning rasmiy aloqa vositalari orqali tekshiring.

⚠️ Unutmang! Tasdiqlash kodi (SMS yoki Telegram kodi) — bu sizning elektron kalitingizdir. Uni begona shaxslarga aytish akkauntingiz, shaxsiy ma'lumotlaringiz yoki moliyaviy mablag‘laringizni firibgarlar qo‘liga topshirish bilan barobar. ✅ Ogoh bo‘ling, kibergigiyena qoidalariga amal qiling va yaqinlaringizni ham bunday firibgarlik usullaridan xabardor qiling! 🚀 UZCERT xizmatining rasmiy telegram sahifasiga a’zo bo‘ling!

👵🏻 Ўзбекистонда 85 ёшдан катта аҳоли сони қарийб 169 минг нафарни ташкил этди 🏢 Аҳоли ва қишлоқ хўжалигини рўйхатга олишнинг дастлабки натижаларига кўра, Ўзбекистон аҳолиси сони 39 047 321 нафарни ташкил этди. 📊 Аҳолининг ёш гуруҳлари бўйича тақсимланиши қуйидагича: 0–4 ёш — 4 607 149 нафар; 5–9 ёш — 3 859 606 нафар; 10–14 ёш — 3 406 515 нафар; 15–19 ёш — 3 155 802 нафар; 20–24 ёш — 2 662 250 нафар; 25–29 ёш — 2 649 263 нафар; 30–34 ёш — 3 167 974 нафар; 35–39 ёш — 3 090 226 нафар; 40–44 ёш — 2 687 261 нафар; 45–49 ёш — 2 242 676 нафар; 50–54 ёш — 1 913 838 нафар; 55–59 ёш — 1 647 864 нафар; 60–64 ёш — 1 471 110 нафар; 65–69 ёш — 1 174 839 нафар; 70–74 ёш — 669 046 нафар; 75–79 ёш — 342 554 нафар; 80–84 ёш — 130 375 нафар; 85 ёш ва катталар — 168 973 нафар.

❓ Аҳоли сони нима учун жорий ҳисоб-китоблардан кўпроқ чиқди? Аҳоли ва қишлоқ хўжалигини рўйхатга олиш тадбирининг дастлабки натижаларига кўра, Ўзбекистон аҳолиси сони 39 047 321 нафарни ташкил этди. Жорий статистик ҳисоб-китоблар бўйича ушбу кўрсаткич 38 236 704 нафар эди (2026 йил 1 январь ҳолатига). Фарқ 810 617 нафарни ташкил этди.

Бу ҳолат аҳоли сони сунъий равишда ошганини англатмайди. Аксинча, рўйхатга олиш — мамлакатда муайян сана ҳолатига ҳақиқий яшаб турган аҳолини тўлиқроқ қамраб олишга қаратилган йирик статистик жараён ҳисобланади.

✈️ Фарқ юзага келишининг асосий сабаблари қуйидагилар билан боғлиқ: — жорий ҳисоб-китоблар одатда туғилиш, ўлим ва миграция бўйича маъмурий маълумотлар асосида юритилади; — аҳолининг ички ҳаракати, яшаш жойини ўзгартириши, вақтинча бошқа ҳудудда бўлиши ёки рўйхат маълумотларининг ўз вақтида янгиланмаслиги ҳисоб-китобларда фарқ келтириб чиқариши мумкин; — рўйхатга олиш жараёнида уй хўжаликлари, турар жойлар ва манзилли объектлар бўйича маълумотлар тўғридан-тўғри аҳолидан йиғилди; — онлайн рўйхатга олиш, OneID тизими, планшетлар ва геолокация маълумотларидан фойдаланиш қамровни кенгайтиришга хизмат қилди; — Ўзбекистон ҳудудида 1 йилдан ортиқ истиқомат қилаётган хорижий фуқаролар ҳам рўйхатга олинди.

🌍 Халқаро тажрибада ҳам аҳолини рўйхатга олиш натижалари жорий аҳоли ҳисоб-китобларидан фарқ қилиши табиий ҳолат ҳисобланади. Масалан, жорий аҳоли сони билан рўйхатга олиш натижалари ўртасидаги фарқ Канадада +3,15 фоиз, Қозоғистонда +1,6 фоиз, Россияда +1,12 фоиз бўлган. Айрим давлатларда эса рўйхатга олиш натижалари жорий ҳисоб-китоблардан пастроқ чиққан: Беларусда -0,7 фоиз, Австралияда -0,2 фоиз.

🇺🇿 Ўзбекистонда мазкур фарқ +2,1 фоизни ташкил этди. Бу кўрсаткич халқаро амалиётда кузатиладиган ҳолатларга мос бўлиб, рўйхатга олиш жараёни аҳоли ҳақидаги маълумотларни янада аниқлаштирганини кўрсатади.

Кўплаб давлатларда рўйхатга олиш якунлари кейинги йиллар учун аҳоли сони, таркиби ва ҳудудий жойлашуви бўйича асосий таянч маълумот сифатида қабул қилинади.

📘 Рўйхатга олишнинг дастлабки натижалари жамланган нашр эълон қилинди 🇺🇿 Миллий статистика қўмитаси томонидан мустақил Ўзбекистон тарихида илк бор ўтказилган аҳоли ва қишлоқ хўжалигини рўйхатга олиш тадбирининг дастлабки натижаларини ўзида жамлаган махсус нашр тайёрланди.

Ундан аҳоли сони ва таркиби, ёш гуруҳлари, ҳудудий кўрсаткичлар, миллий ва тил таркиби, қишлоқ хўжалигига оид кўрсаткичлар ва бошқа асосий маълумотлар ўрин олган.

👁‍🗨 PDF шаклда 📖 Онлайн ўқиш

Yangi O‘zbekistonning ilk ro‘yxatga olish tajribasi xalqaro e'tirofda 🗓 30.06.2026 ⏰ 18:00 📍 Toshkent shahri 🌐 Telegram | 🌐 Instagram| 🌐 YouTube|⚙️ Joyida murojat bot

37 yil ichida mamlakatimiz demografik ko'rsatkichi qanchalik o'zgardi? muxbir: Gulbahor Abdulhayeva 18:00 30.06.2026 #Toshkent shahri 😎 Telegram 😎 Instagram ▶️ Youtube

#Axborot24 | 30.06.2026 Oʻzbekistan aholisi 39 milliondan oshdi mtrk.uz | Instagram | Youtube | Facebook | Telegram

🇺🇿 Yangi O‘zbekistonda yoshlarni qo‘llab-quvvatlash, ularning orzu va intilishlarini ro‘yobga chiqarish – davlat siyosatining eng ustuvor yo‘nalishlaridan biri.

https://t.me/Rasmiy_axborot_official

❗️Oʻzbekistonda bir kishini roʻyxatga olish davlatga 1 444 soʻmga tushdi Dastlabki hisob-kitoblarga koʻra, bir nafar aholini roʻyxatga olish uchun sarflangan xarajat 0,12 AQSH dollarini tashkil etgan. 📱KANAL 👉 @SAMARQANDuz

❗️⭕️⭕️ Доимий яшаш жойида вақтинча бўлмаган аҳоли сони маълум қилинди Аҳоли ва қишлоқ хўжалигини рўйхатга олиш тадбирининг дастлабки натижаларига кўра, рўйхатга олиш санасида доимий яшаш жойида вақтинча бўлмаган аҳоли сони қарийб 2,1 млн нафарни ташкил этди.

Шундан 1 366 730 нафари ёки 65,4 фоизи эркаклар, 724 223 нафари ёки 34,6 фоизи аёллар ҳиссасига тўғри келган.

🔻 Бу ҳақда айни вақтда бўлиб ўтаётган аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинди.

📊 Вақтинча бўлмаганлик сабаблари: иш — 1 642 802 нафар; таълим — 329 221 нафар; оилавий сабаблар — 33 346 нафар; туризм, дам олиш — 15 974 нафар; даволаниш — 15 930 нафар; тижорат — 15 067 нафар; хизмат сафари — 3 219 нафар; бошқа сабаблар — 35 394 нафар.

❗️⭕️⭕️ Аҳоли сони 129 йилда қарийб 10 баробарга кўпайди Аҳоли ва қишлоқ хўжалигини рўйхатга олиш тадбирининг дастлабки натижаларига кўра, Ўзбекистон аҳолиси сони 39 047 321 нафарни ташкил этди. 📊 Аҳоли сони динамикаси: 1897 йил — 3 910,6 минг нафар; 1926 йил — 5 272,8 минг нафар; 1939 йил — 6 271,3 минг нафар; 1959 йил — 8 105,6 минг нафар; 1970 йил — 11 799,4 минг нафар; 1979 йил — 15 390,8 минг нафар; 1989 йил — 19 905,2 минг нафар; 2026 йил — 39 047,3 минг нафар.

🔻 Бу ҳақда айни вақтда бўлиб ўтаётган аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинди.

Маълумотларга кўра, мамлакат аҳолиси сони 1989 йилдаги рўйхатга олиш натижаларига нисбатан қарийб 2 баробарга, 1897 йилга нисбатан эса қарийб 10 баробарга кўпайган.

❗️⭕️⭕️ Аҳолининг 91,3 фоизи ўзбек тилини она тили сифатида кўрсатган Аҳоли ва қишлоқ хўжалигини рўйхатга олиш тадбирининг дастлабки натижаларига кўра, аҳолининг 35,7 млн нафари ёки 91,3 фоизи ўзбек тилини она тили сифатида кўрсатган. Бу кўрсаткич этник ўзбеклар улушидан 1,9 фоиз пунктга юқори.

🟥 Бу ҳақда айни вақтда бўлиб ўтаётган матбуот анжуманида маълум қилинди.

Дастлабки маълумотларга кўра, аҳолининг миллатлар бўйича таркибида ўзбеклар улуши 89,4 фоизни ташкил этган.

🛑🛑🛑 Бир нафар аҳолини рўйхатга олиш харажати маълум қилинди Дастлабки ҳисоб-китобларга кўра, бир нафар аҳолини рўйхатга олиш учун сарфланган харажат 0,12 АҚШ долларини ташкил этган.

🟥 Бу ҳақда айни вақтда бўлиб ўтаётган аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинди.

Мазкур кўрсаткич рўйхатга олиш жараёнини ташкил этишда рақамли технологиялардан самарали фойдаланилгани ҳамда ташкилий харажатлар мақбуллаштирилганини кўрсатади.

❗️⭕️⭕️ Рўйхатга олишда аҳолининг 97,3 фоизи қамраб олинди 🟥 Аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинишича, умумий аҳолининг 97,3 фоизи рўйхатга олинган. Аҳолининг 2,7 фоизи эса турли сабабларга кўра рўйхатга олиш жараёнларида иштирок этмаган.

Таъкидланишича, мазкур кўрсаткич халқаро меъёрлар бўйича нормал ҳолат ҳисобланади. Айрим давлатлар тажрибасида рўйхатга олиш жараёнида қамраб олинмаган аҳоли улуши 10 фоиз ва ундан юқори бўлган ҳолатлар ҳам кузатилган.