تَبعثُر ..💙

لما بتعمل عمرة لأول مرة، ما بتكون مدرك انو المسافة في السعي بين الصفا والمروة كبيرة جدآ. ف بتسأل نفسك هي ليه السيدة هاجر رضي الله عنها راحت ورجعت بينهم سبع مرات. يعني المفروض انها طلعت مرة علي الصفا فما لقت موية وطلعت مرة علي المروة ما لقت موية ليه اصرت ماشة وجاية سبع مرات؟! وبعدين تتذكر هول الموقف الي كانت فيو. السيدة هاجر كانت في عرض الصحراء براها مع طفل رضيع الي هو سيدنا اسماعيل بيبكي من العطش وهي ما معاها لا موية ولا اكل. هي ما كانت بتسعي السعي دة عشان تلاقي موية قدر ما كانت بتسعي من الخوف علي ابنها.. وخوفها علي ابنها ده هو ال خلاها تسعي سبع مرات رغم انها عارفة ان ماف موية. وكأن سعيها ده متمثل في دعاء ورجاء من الله انه يساعدها. السيدة هاجر ما كانت عارفة انو الموية حتظهر في السعى السابع، ولو ما كانت الموية ظهرت كانت ح تفضل تسعى للمرة التامنة والتاسعة والعاشرة وهي في نفس حالة الرجاء والدعاء. القرآن بيتعامل بشكل ايجابي جدا جدا مع سعي الانسان في الدنيا. ربنا سبحانه وتعالي بيقول "وَأَن لَّيْسَ لِلإِنسَانِ إِلاَّ مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاء الأَوْفَى" انت ممكن تحاول مرة وتفشل وتقول خلاص انا فاشل. لكن ده مش سعي. افتكر انك مش بتسعى عشان توصل، لا انت بتسعى ليرى الله سعيك. وعلي قدر سعيك جزاك الله جزاءك الاوفي. الجزاء الاوفى ده مش معناه الحاجة الي انت عايزها، لا ده معناه الحاجة الي ربنا شايفها انسب ليك. السيدة هاجر سعت سبع مرات بين جبلين في الاخر الموية خرجت من تحت رجل سيدنا اسماعيل. خلي المنهج ده واضح في حياتك واعرف انو حياتك كلها هي مسعي لله. فأي سعي انت بتسعاه في الدنيا انت بتسعاه ليرى الله قدر سعيك فتبقي مطمئن وراضي بجزاء الله. ربنا سبحانه وتعالى بيقول"وَمَنْ أَرَادَ ٱلْآخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُوْلَٰٓئِكَ كَانَ سَعْيُهُم مَّشْكُورًا" وبرضو قال سبحانه وتعالى "فَمَن يَعْمَلْ مِنَ ٱلصَّٰلِحَٰتِ وَهُوَ مُؤْمِنٌ فَلَا كُفْرَانَ لِسَعْيِهِۦ وَإِنَّا لَهُۥ كَٰتِبُونَ" فأسعى في الدنيا سعى الاخرة، وأسعى بكل ما اوتيت من قوة لأن الله سيري قدر سعيك هذا وسيجازيك عليه وما تقلق ..سعيك في صلاح الدنيا دائما مشكور ومكتوب واذا جازي الله احسن الجزاء لاكتر من الي كنت بتتمناه. لكن بس افضل اسعى واتركها لله."