Bisratfm101.1

ሰኔ 26፤2018 - የኢትዮጵያን የቱሪዝም መዳረሻዎች ያስተዋውቃል የተባለው የፎቶ አውደ ርዕይ ተከፈተ በአዲስ አበባ ቴክኖ ኢትዮጵያ ከአዲስ አበባ ቱሪዝም ኮምሽን እና ከቦርድ ሴል ፎን አዲስ አበባ እንዲሁም ከህፃናት እና ወጣቶች የትያትር ኮምፕሌክስ ጋር በመተባበር ያዘጋጀው የፎቶ አውደ ርዕይ ተከፍቷል። ለ10 ቀናት የሚቆየው አውደርዕዩ የቴክኖ አዲሱን ካሞን 50 ፕሮ ስልክ ለማስተዋወቅ የተዘጋጀ ሲሆን በስልኩ የተነሱ 100 ፎቶዎች ለዕይታ ቀርበዋል። ፎቶዎቹ የኢትዮጵያን የቱሪዝም መዳረሻዎች፣ የተፈጥሮ ውበቶች፣ ባህላዊ እሴቶችና የማኅበረሰቡን የዕለት ተዕለት ኑሮ የሚያሳዩ ምስሎችን ያካትታሉ። በእለቱም ቴክኖ ኢትዮጵያና አዲስ አበባ ቱሪዝም ኮሚሽን በቱሪዝምና ቴክኖሎጂ ዘርፎች በጋራ ለመስራት የሚያስችል ስምምነት ተፈራርመዋል። ስምምነቱ የሀገሪቱን የቱሪዝም መዳረሻዎች በሀገር ውስጥና በውጭ ለማስተዋወቅ እንዲሁም ማኅበረሰቡ ሀገሩን የመጎብኘት ባህሉን እንዲያጠናክር አስተዋፅኦ እንደሚያበረክት ተገልጿል። አውደርዕዩ በአዲስ አበባ ወጣቶች እና ህፃናት ትያትር ቤት የሚከናወን ሲሆን በ10 ቀናት ውስጥ ከ10 ሺህ በላይ ጎብኚዎች ይሳተፋሉ ይጠበቃል ተብሏል። በሳምራዊት ስዩም

ሰኔ 26፤2018 - ስድስት ቀናት በሚፈጀው የአያቶላ አሊ ካሜኒ የቀብር ስነ ስርዓት ላይ 20 ሚሊዮን ሰዎች እንደሚገኙ ይጠበቃል ኢራን የቀድሞው የጠቅላይ መሪ አያቶላህ አሊ ካሜኒ በአሜሪካ እና እስራኤል በተካሄዱት ጥቃቶች ከተገደሉ ከአራት ወራት በላይ በኋላ ለቀድሞ የጠቅላይ መሪዋ በርካታ ቀናትን የሚጠይቅ የህዝብ ሀዘን እና የቀብር ሥነ ሥርዓቶችን ጀምራለች። የቀድሞው አያቶላህ አስከሬን ከዛሬ አርብ ጀምሮ በቴህራን ግራንድ ሞሳላ ውስጥ ሽኝት የተጀመረ ሲሆን በትውልድ ከተማቸው ማሽሃድ የቀብር ስነ ስርዓቱ ይፈፀማል። ባለስልጣናት የቀብር ሥነ ሥርዓቱ ከመላው ኢራን እስከ 20 ሚሊዮን የሚደርሱ ሐዘንተኞችን ሊያስተናግድ እንደሚችል አጃንስ ፍራንስ ፕሬዝ ዘግቧል። ይህ የሆነው ኢራን እና ዩናይትድ ስቴትስ በሰኔ ወር ግጭታቸውን ለማስቆም የመጀመሪያ ስምምነት ከተፈራረሙ በኋላ ደካማ የሆነ የተኩስ አቁም ስምምነት መጀመሩን ተከትሎ ነው። የካሜኒ አስከሬን በየካቲት ወር በአሜሪካ እና በእስራኤል ጥቃት ከተገደሉት የቤተሰብ አባላት አስከሬን ጎን ለጎን ለሦስት ቀናት በግራንድ ሞሳላ ውስጥ ይቀመጣል። ባለስልጣናት በቴህራን የሚገኙ የመንግስት እና የግል ቢሮዎች ከቅዳሜ እስከ ሰኞ እንዲዘጉ ትዕዛዝ ሰጥተዋል፣ የትራፊክ ገደቦች ደግሞ የከተማውን መሃል ለግል ተሽከርካሪዎች እንደሚዘጉ ተወስኗል። በቴህራን ላይ ያለው የአየር ክልል ከዛሬ ጀምሮ በከፊል ተዘግቶ ሰኞ እለት ሙሉ በሙሉ ይዘጋል። በቴህራን ከሚካሄዱት ሥነ-ሥርዓቶች በኋላ፣ የቀድሞው ከፍተኛ መሪ አስከሬን በማሻድ ከመቀበሩ በፊት ወደ ኢራቅ ቅዱስ ከተሞች ናጃፍ እና ካርባላ ይወሰዳል። የፓኪስታኑ ጠቅላይ ሚኒስትር ሼህባዝ ሻሪፍን ጨምሮ ከተለያዩ ሀገራት የተውጣጡ ተወካዮች በሥነ ሥርዓቶቹ ላይ ይገኛሉ ተብሎ ይጠበቃል። የካሜኔይ ቦታን የተረከቡት ልጃቸው ሞጅታባ ሲሆኑ፣ ከፍተኛ መሪ ከሆኑበት ጊዜ አንስቶ በሕዝብ ፊት አልታዩም። በስምዖን ደረጄ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - በኢትዮጵያ 50 ሚሊዮን የሚገመቱ ዜጎች የንፁህ መጠጥ ውሃ እንደማያገኙ ተነገረ በኢትዮጵያ የንጹህ መጠጥ ውሃ ተደራሽነትን በበቂ ሁኔታ ለማሳካት የሚያስችል አዲስ የውሃና ሳኒቴሽን አስተዳደር ሞዴል ለውይይት ቀርቧል።በውይይቱ የፌዴራልና የክልል ውሃና ኢነርጂ ተቋማት ኃላፊዎች፣ ባለሙያዎች፣ የውሃ አገልግሎት ተቋማት፣ የልማት አጋሮችና ሌሎች የሚመለከታቸው አካላት ተሳትፈዋል። መንግሥት በቀጣዮቹ አራት ዓመታት 100 በመቶ የኢትዮጵያን ህዝብ በንጹህ መጠጥ ውሃ ተደራሽ ለማድረግ አቅዶ እየሰራ መሆኑን የመጠጥ ውሃና ሳኒቴሽን ዘርፍ ሚኒስትር ዴኤታ አምባሳደር ዶ/ር አስፋው ዲንጋሞ መግለፃቸውን ብስራት ሬድዮ ሰምቷል። መንግሥት ከልማት አጋሮችና መንግሥታዊ ካልሆኑ ድርጅቶች ጋር በመተባበር በገጠርና በከተማ ከ230 ሺህ በላይ የውሃ ተቋማትን በመገንባት ከ82 ሚሊዮን በላይ ዜጎችን የንጹህ መጠጥ ውሃ ተጠቃሚ ማድረግ እንደቻለ ገልጸዋል። ይሁን እንጂ ከ40 እስከ 50 ሚሊዮን የሚገመቱ ዜጎች በንጹህ መጠጥ ውሃ ተደራሽ አለመሆናቸውን ጠቅሰው ይህንን ክፍተት ለመሙላት የተቀናጀ ስትራቴጂና የተጠናከረ የትግበራ ሥራ እየተካሄደ መሆኑን ተናግረዋል።በውሀና ኢነርጂ ሚኒስቴር የህዝብ ግንኙነት ስራ አስፈፃሚ አቶ ጌትነት ስሜ ለብስራት ሬድዮ እንደተናገሩት በውሃ ፕሮጀክቶች ዕቅድ፣ ግንባታና አስተዳደር ሂደት ፣ ፈጣን የህዝብ ቁጥር እድገት፣ የኃይልና የነዳጅ ዋጋ ጭማሪ እንዲሁም ሌሎች ተያያዥ ችግሮች እያጋጠሙ ይገኛሉ። በተጨማሪም የውሃ ተቋማት ላይ የሚያጋጥሙ ችግሮችን ለመቅረፍ አማራጭ የኃይል ምንጮችን በተለይም በገጠሩ ክፍል ላይ የፀሐይ ኃይልን መጠቀም እንደሚያስፈልግ አስገንዝበዋል።ለዚህም የተዘጋጀው የአስተዳደር ሞዴል የውሃ ተቋማትን በወቅቱ የመጠገን አቅምን ለማሳደግ፣ የውሃ ጥራትን በተከታታይ ለመከታተል ያስችላል ነው ያሉት። የአገልግሎት ተጠያቂነትን በማጠናከር የማህበረሰብና የግሉን ዘርፍ ተሳትፎን ለማሳደግ እንደሚረዳ የገለፁት አቶ ጌትነት የውሃ አገልግሎት ተቋማትን በፋይናንስና በተቋማዊ አቅም ጭምር ለማጠናከር የሚያግዝ መሆኑን አብራርተዋል። በቅድስት ደጀኔ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - በኤሊ_ጁንየር_ክሩፒ ምክንያት ከሁለቱ ብራዚላዊ አንዱ ሊሸጥ ይችላል የሰሜን ለንደኖቹ ክለብ አርሰናል እና ቶተንሀም የቦርንማዉዙ የ20 አመቱ ፈረንሳያዊ አጥቂ ለመግዛ እየተጫረቱ ይገኛሉ ቦርንማዉዝ ለልጁ 80€ ሚሊዮን ጠይቋል #አርሰናል ገንዘብ ይፈልጋል ገንዘቡን ደግሞ የማይጠቀምበትን ጋብሬል #ጄሰስን ሸጦ ማሟላት ይፈልጋል በዛ ላይ የብሩኖ ጉማሬዥም የጠየቀዉ 60 ሚልየን ስላለ ወደ ፋይናንስ ቀዉስ ዉስጥ መግባት አይፈልግም ስለዚህ ጄሰስን የሚገዛ እያለ ነዉ። #ቶተንሀም ግዥዎይ እያደረገ ነዉ ዘንድሮ SCR እና FFP ፈቅደዉለታል ምክንያቱም የስታዲየም ገቢዉ ስለጨመረ 2ቴ የክለቡን ሪከርድ ሊሰብር ነዉ የፈርናንዴዝ 85 ሚልየን እና አሁንደግሞ የቶናሊ 100ሚልየን ለክሩፒ ግዢ ተዘጋጅተዋል ከገዙት #ከሪቻርልሰን ጋር ይለያያሉ። ፍራኦል ረቡማ #BisratNews #BisratFm #BisratRadio #sports የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat10

ሰኔ 26፤2018 - እስራኤል የኢራን ተደራዳሪዎችን ለመግደል አቅዳለች ሲሉ የአሜሪካ መገናኛ ብዙሃን ዘገቡ ኒውዮርክ ታይምስ እና ዘ ዋሽንግተን ፖስት የአሜሪካ ባለስልጣናት እስራኤል በዚህ አመት መጀመሪያ ላይ በዋሽንግተን እና ቴህራን መካከል የተፈጠረውን ግጭት ለማስቆም በታለመ ውይይት ወቅት የኢራን ተደራዳሪዎችን ለመግደል አቅዳ እንደነበር ዘግበዋል። ስማቸው እንዳይገለጽ የፈለጉ ባለስልጣናት ለሁለቱም የዜና ማሰራጫዎች እንደተናገሩት እስራኤል የውጭ ጉዳይ ሚኒስትር አባስ አራግቺን እና የኢራን ፓርላማ አፈ-ጉባኤ የሆኑትን የአገሪቱን ዋና ተደራዳሪ መሐመድ ባገር ጋሊባፍን ለመግደል አቅዳለች ብለዋል። ለኒውዮርክ ታይምስ የተናገሩ ባለስልጣናት አሜሪካ በመካከለኛው ምስራቅ ያሉ ሀገራት ኢራንን ስለ አደጋው እንዲያስጠነቅቁ ጠይቀዋል። እስራኤል የክልል ግጭቶችን ለማስቆም ውይይቶችን ለማደናቀፍ በሚደረገው ጥረት ተደራዳሪዎች ላይ በማነጣጠር ረገድ ጥሩ ታሪክ አላት። በጥቅምት ወር የእስራኤል ጦር በዶሃ ውስጥ ጥቃት ፈጽሟል፣ የቡድኑ ባለስልጣናት ከእስራኤል ጋር የተኩስ አቁም ሀሳብ እያጠኑ እያለ ጥቃቱ መፈፀሙ ይታወሳል። በስምዖን ደረጄ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - የኢትዮ-ኬንያ የጠረፍ ንግድ መመሪያ ጸድቆ በይፋ ሥራ ላይ እንዲውል ተወሰነ በኢትዮጵያና በኬንያ የጋራ ድንበር አካባቢ የሚኖሩ ማኅበረሰቦችን በሕጋዊ የንግድ ሥርዓት ተጠቃሚ ለማድረግና የአካባቢውን ሰላምና ዕድገት ለማጠናከር የተዘጋጀው “የኢትዮጵያ እና የኬንያ የጠረፍ ንግድ መመሪያ” በንግድና ቀጣናዊ ትስስር ሚኒስቴር ጽድቆ ስራ ላይ እንዲውል መወሰኑን ሚኒስቴር መስሪያ ቤቱ አስታውቋል። ይህ መመሪያ የወጣው ሁለቱ ሀገራት ታህሳስ 10 ቀን 2018 ዓ.ም በአዲስ አበባ ከተማ የተፈራረሙትን “የተቀላጠፈ የጠረፍ ንግድ ማዕቀፍ” በተግባር ለማስፈጸም ሲሆን በፍትሕ ሚኒስቴር መመሪያ ቁጥር 1144/2018 ሆኖ ተመዝግቧል። የዚህ መመሪያ ዋነኛ ግብ በድንበር አካባቢ የሚኖሩ ዜጎች ከመሃል ሀገር በቀላሉ ሊያገኟቸው የማይችሏቸውን መሠረታዊ የፍጆታ ምርቶች በሕጋዊና ቀላል በሆነ መንገድ የጠረፍ ንግድ አሠራር እንዲያገኙ ማስቻል ነው ። ከዚህ ባለፈ መመሪያው በድንበር አካባቢ የሚስተዋለውን ሕገ-ወጥ የንግድ እንቅስቃሴና ኮንትሮባንድ ለመቀነስ፣አነስተኛ የመነገድ አቅም ላላቸው የድንበር አካባቢ ነዋሪዎችና ዜጎች አዳዲስ የሥራ ዕድሎችን ለማመቻቸት ያስችላል ተብሏል።በመመሪያው በኢትዮጵያና በኬንያ ጎረቤት ሕዝቦች መካከል ያለውን ማኅበራዊና ኢኮኖሚያዊ ትስስር በማጠናከር በአካባቢው አስተማማኝ ሰላምና ጸጥታ እንዲሰፍን ለማድረግ ያስችላል። እንዲሁም በቅንጅታዊ አሠራር የጠረፍ ንግድ መረጃ አያያዝንና የቁጥጥር ሥርዓትን ለማጠናከር ያግዛል፡፡ በጠረፍ ንግድ ሥርአት ውስጥ ሊገበያዩ የሚችሉት 50 የምርት አይነቶች ሲሆኑ ግብይቱ ሊፈጸም የሚችለው ከኢትዮጵያ እና ከኬንያ የድንበር በር ጀምሮ በኢትዮጵያ በኩል 50 ኪሎ ሜትር፤ በኬንያ በኩል ደግሞ 100 ኪሎ ሜትር ርቀት ውስጥ ባሉ የጠረፍ አካባቢዎች ነው፡፡ በትግስት ላቀው #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - በጃፓን የአንዲት ከተማ ከንቲባ ለወሊድ ፍቃድ መውጣቷ ከፍተኛ ህዝባዊ ክፍፍል አስከተለ በምዕራብ ጃፓን የምትገኝ የአንዲት ትንሽ ከተማ ከንቲባ የወሊድ ፈቃድ እንደምትወስድ መግለጿን ተከትሎ ውዝግብ ተፈጠረ።የ35 ዓመቷ ከንቲባ የወሊድ ፍቃድ መጠየቅን ተከትሎ የተመረጡ ባለስልጣናት ለመውለድ እረፍት መውሰድ አለባቸው ወይ የሚለውን በተመለከተ በአገር አቀፍ ደረጃ ክርክር አስነስቷል። ሾኮ ካዋታ፣ በምዕራብ ጃፓን ከኪዮቶ በስተደቡብ የምትገኘው የያዋታ ከተማ ከንቲባ ነች፣ ይህችው ከተማ በመቅደሶቿና በቼሪ ዛፎቿ ትታወቃለች። ካዋታ የወሊድ ፈቃድ በይፋ አትወስድም፣ ምክንያቱም የተመረጡ ባለስልጣናት ልጅ ከወለዱ በኋላ እረፍት እንዲወስዱ የሚያስችል ምንም አይነት ድንጋጌ የለም። ይልቁንስ፣ ከምክትሎቿ አንዱን ለጊዜው ኃላፊነቷን እንዲረከብ መድባለች። ካዋታ በስራ ቦታ ላይ ያሉ ሁሉም ሰዎች ደጋፊ እንደሆኑ ቢናገሩም፣ ይህ በጃፓን ውስጥ ባሉ አጠቃላይ ህዝቦች ዘንድ የተለመደ ጉዳይ አይደለም። አንዳንዶች እሷ ፖለቲካ ውስጥ ለመግባት ለሚፈልጉ ሌሎች ወጣት ሴቶች ጥሩ ምሳሌ እየሆንች እንደሆነ ይናገራሉ። ሌሎች ደግሞ ኃላፊነቷን ችላ በማለቷ ኃላፊነት የጎደላት ሴት እንደሆነች እና ስልጣን ከመያዟ በፊት ልጅ መውለድ እንደነበረባት ይናገራሉ። በጃፓን ከሚገኙት ከንቲባዎች መካከል 4 በመቶ የሚሆኑት ብቻ ሴቶች ሲሆኑ፣ አገሪቱ በዓለም ኢኮኖሚክ ፎረም የሥርዓተ-ፆታ እኩልነት ደረጃ አሰጣጥ መሠረት ከ146 ሀገራት በ118ኛ ደረጃ ላይ ትገኛለች። በስምዖን ደረጄ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - 🎖የዓለም ዋንጫ እዉነታዎች በብስራት 🇺🇾🇦🇷 90 ደቂቃ፣ሁለት ኳሶች፣ አንድ የአለም ዋንጫ! ወቅቱ እንደ ዩሮፒያኖቹ አቆጣጠር 1930 ነበር። የመጀመሪያው የአለም ዋንጫ በኡራጓይ አስተናጋጅነት በ13 ሀገሮች መካከል ሲደረግ ቆይቶ በመጨረሻም አዘጋጇ ኡራጓይን ከአርጀንቲና ለፍፃሜው አገናኘ። ነገር ግን ከጨዋታው በፊት የተፈጠረ አንድ ችግር ቢጤ ተነሳ። ይህም የአርጀንቲና ተጫዋቾች ኡራጓይ ለፍፃሜው ባቀረበችው ኳስ ፈፅሞ አንጫወትም በማለት አደሙ። በጊዜው እንደ ዘንድሮ የአለም ዋንጫ ኳሶችን የሚያቀርበው ገለልተኛ የስፖርት ትጥቅ አምራች ሳይሆን አዘጋጇ አገር ነበረች። ይህም በአርጀንቲናዊያኑ ዘንድ ጥርጣሬን ፈጥሮ ነበር። ሁለቱም ቡድኖች በራሳቸው ኳስ መጫወት ፈለጉ። ኡራጓይ ከ 11 የተጠላለፉ የቲ-ቅርጽ ፓኔሎች የተሰራ ኳስን ለጨዋታው አዘጋጀች አርጀንቲናም በበኩሏ (ቲየንቶ) የተሰኘ ባለ 12 አራት ማዕዘን ቅርጽ ፓኔሎች ያሉት ኳስን ለመሀል ዳኛው አቀረበች። ይህ የፍፃሜውን ጨዋታ ለመታደም የገቡትን ተመልካቾች ግርምት ውስጥ ጨመረ። በመጨረሻም ፊፋ የሁለቱንም ሀገራት ጥያቄ ከግምት ውስጥ በማስገባት መፍትሄ መፈለግ ጀመሩ፤ የመጀመሪያውን 45 ደቂቃ በአርጀንቲና ኳስ፣ ሁለተኛው 45 ደቂቃ ደግሞ በኡራጓይ ኳስ ለመጫወት ወሰኑ። ነገሮች እንደ አርጀንቲና ፍላጎት መሄድ ቻሉ፤ አርጀንቲናም 2-1 በሆነ ውጤት በመምራት የመጀመሪያውን አጋማሽ አጠናቀቀች። በስቴዲየሙ የተገኘው ተመልካችም በእርግጥም የአርጀንቲና ጥያቄ አሳማኝ እንደነበር ተረዱ። ነገር ግን ሁለተኛው አጋማሽ ኳሱ ሲቀየር ታሪኩም እንደዛው ተቀየረ። ኡራጓይ በአሳማኝ ሁኔታ ጨዋታውን ተቆጣጠረች፣ ሶስት ጎሎችን አክላ 4-2 በሆነ ውጤት አሸንፋ በዓለም ዋንጫ ታሪክ የመጀመሪያዋ የዋንጫ ባለቤት መሆን ቻለች። ✍️ በአቤኔዘር አዳነ #BisratNews #BisratFm #BisratRadio #sports የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat10

ሰበር / ጁልያን ኔግልስማን ከጀርመን አሰልጣኝ ሀላፊነቱ ለቋል 🙌 በቀጣይ ጀርመን ጀርገን ክሎፕን ሊቀጥሩ እንደሚችሉ እየተነገረ ነው ፍራኦል ረቡማ

ሰኔ 26፤2018 - በኢትዮጵያ ያለእድሜ ጋብቻ ቀንሷል ቢባልም 18 ዓመት ሳይሞላቸው ጋብቻ የሚፈፅሙ ሴቶች አሁንም ቁጥሩ ከፍተኛ ነው እንደ ሀገር በሴቶች ላይ እየደረሱ ያሉ ፃታዊ ጥቃቶችን ጨምሮ የሴትልጅ ግርዛትንና ያለእድሜ ጋብቻን ከቀደሙት ጊዜያቶች አንፃር በአሁኑ ወቅት በመጠኑ መቀነስ ተችሏል ሲል የሴቶችና ማህበራዊ ጉዳይ ሚኒስቴር አስታውቋል።በጉዳዮ ዙሪያ ለማህበረሰቡ ግንዛቤ ከመፍጠር፣ህጎችንና ፖሊሲዎችን ከማውጣት አኳያ በተሰሩ ስራዎች ይህ ውጤት ሊመዘገብ ችሏል ። በሚኒስቴሩ የሴቶች መብት ከፍተኛ ባለሙያ የሆኑት አቶ ጌትነት አበብል ለብስራት ሬዲዮ እንደገለፁት የሴት ልጅ ግርዛትን በ2016 ዓመት ከነበረበት 65 በመቶ አሁን ላይ በ 57 ነጥብ 8 በመቶ መቀነስ ተችሏል።እንዲሁም በአማካኝ ሴት ልጆች ትዳር የሚይዙበት ዕድሜ ቀድሞ ከነበረበት 17 ነጥብ 6 በአሁኑ ወቅት ወደ 18 ነጥብ 2 ከፍ ብሏል። ይህ ውጤት በመጠኑም ቢሆን የመቀነስ አዝማሚያ ማሳየቱን የተናገሩት አቶ ጌትነት ድርጊቱን ሙሉ ለሙሉ ማስቀረት ባለመቻሉ ከ18 አመት በታች በሆነ የእድሜ ክልል ውስጥ ጋብቻን የሚፈፅሙ ሴቶች መኖራቸውን ጠቁመዋል።ያለ እድሜ ጋብቻ የሚያስከትላቸው ጉዳቶች በርካታ መሆናቸው የሚገለፅ ሲሆን የህፃናትን መሰረታዊ የሰብአዊ መብት፣ የትምህርት እና የጤና መብቶች አደጋ ላይ የሚጥል እንደሆነ ይነገራል። በሴቶች ላይ የሚደርሱ ፃታዊ ጥቃቶችን ለመከላከልና ሁለንተናዊ ተጠቃሚነታቸውን ለማረጋገጥ ብሄራዊ የሴቶች ፖሊሲ ነባራዊ ሁኔታን ታሳቢ አድርጎ የተዘጋጀ ባለመሆኑ ዘመኑን በሚዋጅ መልኩ እንዲሻሻል መደረጉን አቶ ጌትነት አስረድተዋል።‎አሁን የተሻሻለው ብሔራዊ የሴቶች ማብቃት እና የሥርዓተ-ፆታ እኩልነት ፖሊሲ እነዚህን ችግሮች በመፍታት ለሴቶች በቂ ጥበቃና ምላሽ ለመስጠት እንደሚረዳ ጨምረው ለጣቢያችን ተናግረዋል፡፡ በቅድስት ደጀኔ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - ለጣሊያን ሀገር የሥራ ዕድል የምዝገባ ጥሪ የሥራና ክህሎት ሚኒስቴር አደረገ 👉 ለምዝገባው ምንም አይነት ክፍያ የለውም፤ ምዝገባም እንዲያከናውን ውክልና የተሰጠው አካል የለም ሚኒስቴር መስሪያ ቤቱ በገባው የሁለትዮሽ ስምምነት መሰረት በህጋዊ የውጪ ሀገር ሥራ ስምሪት ፕሮግራም በጣሊያን ሀገር በሆቴልና መስተንግዶ ዘርፍ ላይ የሰው ኃይል ይፈለጋል ሲል በማህበራዊ ትስስር ገፁ አስታውቋል። የዜጎችን መብት፣ ደህንነት እና ጥቅም በማስጠበቅ ህጋዊ በሆነ መንገድ ወደ ጣሊያን ሄደው መስራት የሚፈልጉ አመልካቾች እንዲያመለክቱ ማሳወቁን ብስራት ሬዲዮ ሰምቷል።ቢሮው የሚፈለጉ የስራ መደቦችን ይፍ ያደረገ ሲሆን በጸሐፊነት 19 ቦታዎች፣ በሆቴል የፅዳት ሰራተኛ 20 ቦታዎች፣ ረዳት ሼፍ 13 ቦታዎች፣ የእቃ አጣቢ 11 ቦታዎች፣ የወለል ረዳት 3 ቦታዎች፣ የቢሮ አስተናጋጅ 4 ፣ቦታዎች የጥገና ቴክኒሺያን 1 ቦታ እና የስፓ ቴራፒስት ወይም የማሳጅ ባለሙያ 1 ቦታ በሆኑ የስራ መደቦች ምዝገባ ጀምሯል። በጣልያን ሄደው በወጣበት የስራ መደቦች መስራት የሚፈልጉ አመልካቾች ማማላት ያለባቸው መስፈርቶች ይፍ የሆነ ሲሆን ከስራው ጋር ተያያዥ የስራ ልምድ ያላቸው ባለሙያዎች ፤ ለአብዛኛዎቹ የስራ መደቦች የእንግሊዝኛ ወይም የጣሊያንኛ ቋንቋ እውቀት ያስፈልጋል ተብሏል። ለአንዳንድ የሙያ መደቦች ተዛማጅ የሙያ ማረጋገጫ ወይም የሆቴል እና መስተንግዶ ትምህርት ተመራጭ ሲሆኑ ከብዙ ሀገሮች ተወዳድረው ለመመረጥ መስፈርቶቹን ማማላት ተገቢ እንደሆነም ተነግራል። በወጡት የስራ መደቦች የሥራ ቆይታ አብዛኛዎቹ የስራ መደቦች ለ2026/2027 የክረምት የቱሪዝም ወቅት የሚቀጠሩ ሲሆን፣ አንዳንድ የስራ መደቦች ዓመቱን ሙሉ ወይም በበጋና በክረምት ወቅት የሚሰሩ መሆናቸውም ተነግራል። መስፈርቱን የሚማሉ ለመመዝገብ የLabor ID መኖር ግዴታ በመሆኑ የሌለው እንዲያወጡ እና ያላቸው https://forms.lmis.gov.et/italy-hotel/ በዚህ በተሰጠው የማመልከቻ ማስፈንጠሪያ በመጠቀም እንዲያመለክቱ ጥሪ ቀርባል። Labor ID ለሌላቸው አመልካቾች በ lmis.gov.et ተመዝግበው በአቅራቢያዎ ባለ የአንድ ማዕከል ወይም ወረዳ በመሄድ የባዮሜትሪክስ መረጃ በመስጠት የሰራተኛነት መለያ ቁጥር ወይም Labor ID ማውጣት እንደሚችሉ የተነገረ ሲሆን Labor ID በዚሁ ማስፈጠሪያ ማለትም https://forms.lmis.gov.et/italy-hotel/ ገብተው መረጃዎትን በትክክል ሞልተው ያመልክቱ ሲል የሥራና ክህሎት ሚኒስቴር አስታውቋል። ምዝገባም ሆነ ስምሪቲ በሚኒስቴር መስሪያ ቤቱ የኢትዮጵያ የሥራ ገበያ ብቻ የሚከናወን ሲሆን ሚኒስቴሩ ለየትኛውም አካል ውክልናም ሆነ ፈቃድ አለመስጠቱን ገልፆ ምንም አይነት ክፍያም የለውም ሲልም ገልፃል። በትግስት ላቀው #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - ዘምዘም ባንክ የካፒታል ገበያ ፈቃድ ማግኘቱን አስታወቀ በኢትዮጵያ የመጀመሪያው ሙሉ በሙሉ ከወለድ ነፃ የባንክ አገልግሎት ሰጪ የሆነው ዘምዘም ባንክ አ.ማ ፣ ከኢትዮጵያ ካፒታል ገበያ ባለሥልጣን የዕውቅና መግለጫ ፈቃድ ማግኘቱን በይፋ ገልጿል። በዚሁ መሠረት ባንኩ ነባርና አዳዲስ አክሲዮኖቹን በይፋዊው የካፒታል ገበያ ላይ በመመዝገብ መገበያየት የሚያስችለውን ዕድል አግኝቷል። ይህ እርምጃ የባንኩን ጠቅላላ ካፒታል ወደ 15 ቢሊዮን ብር ለማድረስ የተያዘውን ግብ ለማሳካት ትልቅ እገዛ እንደሚያደርግ ተገልጿል። ባንኩ በተጠናቀቀው የበጀት ዓመት ያስመዘገበውን የፋይናንስ ስኬትም ይፋ አድርጓል። በዚህም ጠቅላላ የደንበኞች የተቀማጭ ገንዘብ መጠን በ81 በመቶ ዕድገት በማሳየት 21 ቢሊዮን ብር የደረሰ ሲሆን፣ የተጣራ ትርፉ ደግሞ የ35 በመቶ ጭማሪ አሳይቶ 1.8 ቢሊዮን ብር መድረስ መቻሉን ብስራት ሬዲዮ ሰምቷል። ከዚህ በተጨማሪም የተከፈለ ካፒታሉ በ123 በመቶኛ እድገት 5.64 ቢሊዮን ብር የደረሰ ሲሆን፣ የቅርንጫፎቹ ቁጥርም ወደ 130 አድጓል። የዘምዘም ባንክ አመራሮች ይህ ውጤት የተቋሙን ጠንካራ የለውጥና የዕድገት ጉዞ የሚያሳይ መሆኑንና ለሀገሪቱ ኢኮኖሚ የሚያበረክተውን አስተዋጽኦ ይበልጥ እንደሚያጠናክረው አስታውቀዋል። በሰብል አበበ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - 🦊 👑 የ2ቱ_ቀበሮዎች_ንጉስ_ሪያድ_ማህሬዝ ሪያድ ማህሬዝ አልጄሪያ ከስዊዘርላንዱ የአለም ዋንጫዉ ጨዋታ በሗላ ከብሔራዊ ቡድን ተጨዋችነት እንዳበቃ በቤይን ስፖርት ፍራንስ በኩል አሳወቀ ፈረንሳይ አድጎ ለቀበሮዎቹ 119 ጨዋታዎቹን ከድርጎ 40 ጎሎችን ያስቆ ረዉ ማህሬዝ 2019 ከአልጄሪያ ጋር የአፍሪካ ዋንጫ አሳክቷል በስተመጨረሻም የሌስተሩን አይረሴ የፕሪምየርሊግ ዋንጫ ያሳካዉ ከሁለቱም ቀበሮዎች ጋር አይረሴ አመታትን ካሳለፈ በሗላ የብሔራዊ ቡድን ግዳጁ እዚህ ጋር እንደሚያበቀ ማህሬዝ አሳዉቋል። 🇩🇿 👑🤴 ፍራኦል ረቡማ #BisratNews #BisratFm #BisratRadio #sports የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat10

ሰኔ 26፤2018 - በድሬዳዋ ከተማ ሀብት ለመውረስ በማሰብ የገዛ አባቱን ህይወት በጭካኔ ያጠፋው ግለሰብ በሞት እንዲቀጣ ተወሰነ የወላጅ አባቱን ሀብት ለመውረስ በማሰብ ፍጹም ጭካኔና ክህደት በተሞላበት ሁኔታ አሰቃቂ ግድያ በፈጸመው ግለሰብ ላይ የሞት ፍርድ በተባባሪው ላይ ደግሞ የ20 ዓመት ፅኑ እስራት ተፈረደ። ሚያዝያ 23 ቀን 2016 ዓ.ም እኩለ ሌሊት ላይ በድሬዳዋ ከተማ ማሪያም ኮንዶሚኒየም አካባቢ አንደኛ ተከሳሽ ቤካ ኑረዲን አሊዬ ከአዲስ አበባ በምስጢር መጥቶ ከግብረ አበሩ ሁለተኛ ተከሳሽ ሊበን ወንደሰን ጋር በመሆን የወላጅ አባቱን ህይወት በአሰቃቂ ሁኔታ ያጠፋሉ። ወንጀለኞቹ ድርጊቱን ከፈጸሙ በኋላ ዱካቸውን ለማጥፋትና በከተማዋ እንዳልነበሩ ለማስመሰል ወዲያውኑ ወደ አዲስ አበባ በያዙት የግል ተሽከርካሪ በመኮብለል ከተጠያቂነት ለመዳን ረቂቅ እቅድ አውጥተው ነበር።ነገር ግን ከህግ ማምለጥ አልተቻለም። የድሬዳዋ ፖሊስ ጠቅላይ መምሪያ ባሳየው ድንቅ እና የረቀቀ ጥበብ ወንጀለኞቹ ጥለውት የሄዱትን አነስተኛ ፍንጮች በመከተል የሸረቡትን ሴራ በዝርዝር በመበጣጠስ በአጭር ጊዜ ውስጥ በቁጥጥር ስር ሊያውላቸው ችሏል። ፖሊስ ያደራጀውን ድንቅ የምርመራ መዝገብ የተረከበው የፌዴራል ፍትህ ሚኒስቴር የድሬዳዋ ቅርንጫፍ ጽህፈት ቤት፣ የቀረቡትን የሰውና የሰነድ ማስረጃዎች በከፍተኛ ጥንካሬና ጥልቀት በመተንተን ክሱን በፍርድ ቤት በኩል በቁርጠኝነት ሲከታተል ቆይቷል። የፌደራሉ ከፍተኛ ፍርድ ቤት ድሬዳዋ ምድብ 4ኛ ወንጀል ችሎት ሰኔ 25 ቀን 2018 ዓ.ም የሚከተለውን ጥብቅ ውሳኔ አስተላልፏል፡ 1ኛ ተከሳሽ ቤካ ኑረዲን የወላጅ አባቱን ህይወት በመቅጠፉ በሞት ቅጣት እንዲቀጣ ፣ ሁለተኛ ተከሳሽ ሊበን ወንደሰን በቅንጅት በመሳተፉ በ 20 አመት ፅኑ እስራት እንዲቀጣ ተወስኖባቸዋል። #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - ውድ የ-#መሴ_ሪዞርት አድማጮች አዲሱን የ facebook ገጻችን like, share እና Comment በማድረግ ሃሳብ አስተያየታችሁን አካፍሉን። የመወያያ ነጥቦች፦ 1. ከወንድም እህቶ የማይዘነጉት አስገራሚ ባህሪ ምንድን ነው? 2.ድንግልና ለባል ወይስ ለፍቅረኛ? የማፈቅረውን ሰው አላገኘሁም በሚል  ትዳር ሳይመሰርቱ ስንት አመት ለቆዩ ይችላሉ ? 3. ምን ያህል የስጋ አድናቂ ኖት? ከስጋ ምግቦች ነፃ ቀን በመከበር ላይ ይገኛል በመላው #ዓለም በዩቲዩብ ገፃችን ይጠብቁን። 👇👇👇 https://www.youtube.com/@Bisrat_Fm_101.1 #BisratNews #BisratFm #BisratRadio #Messe_resort #መሴ_ሪዞርት የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101fm TikTok: https://www.tiktok.com/@bisrat.fm

ሰኔ 26፤2018 - በኢትዮጵያ በዓመት 17 ሺህ ህጻናት በተቅማጥ በሽታ ህይወታቸው ያልፋል 👉 በየአንድ ሰዓት ልዩነት ሁለት ህጻናት ይሞታሉ ኢትዮጵያ ካላት የህዝብ ብዛት ውስጥ 15 በመቶ የሚሆኑት ዕድሜያቸው ከአምስት ዓመት በታች ናቸው።በሀገር አቀፍ ደረጃ ቀዳማዊት የልጅነት ዘመን ከሆስፒታሎች እስከ ጤና ኤክስቴንሽን እና ማህበረሰቡን ግንዛቤ እስከ ማስጨበጥ ድረስ በትኩረት  እየተሰራ ይገኛል። ለህጻናት ሞት የመጀመሪያውን ደረጃ የሚይዘው በወሊድ ወቅት የመታፈን ችግር፣ ኢንፌክሽን ፣ ተቅማጥ እና የኒሞኒያ በሽታ መሆኑን በጤና ሚኒስትር የጨቅላ ህጻናት  ባለሙያ የሆኑት ወ/ሮ አገሬ መኮንን ለብስራት ሬዲዮ ተናግረዋል።አክለውም ለህልፈት ከሚዳረጉ ህጻናት መካከል 80 በመቶ የሚሆኑት የ1 ዓመት ልደታቸውን ሳያከብሩ እንደሚሞቱ ጠቁመዋል። ከእነዚህም ውስጥ 56 በመቶዎቹ  ከ24 እስከ 48 ሰዓት ውስጥ ህይወታቸው  የሚያልፍ ሲሆን ቁጥራቸው ቀላል የማይባሉ ህጻናት መከላከል በሚቻል በሽታ  ህይወታቸው እንደሚያልፍ ባለሙያዋ  ነግረውናል።በኢትዮጵያ በዓመት  እድሜያቸው ከ5 ዓመት በታች የሆኑ 17 ሺህ 411 ህጻናት በተቅማጥ  ህመም  ህይወታቸው ያልፋል።ይህም ማለት በሰዓት 2 ህጻናት  ማለት ነው። በሌላ በኩል 17 በመቶ የሚሆኑት ህፃናት በኒሞኒያ በሽታ ምክኒያት ህይወታቸው  የሚያልፍ ሲሆን በዓመት 36ሺህ 699 ህጻናት ህይወታቸው ያልፋል።በመሆኑም  የእናቶች እና ህጻናትን ሞት ለመቀነስ መድሃኒቶች እና የህክምና  መገልገያ መሳሪያዎች ለጤና ተቋማት እንዲሰራጩ እየተደረገ  ይገኛል ሲሉ  ወ/ሮ አገሬ ጨምረው ለብስራት ሬዲዮ ገልጸዋል ። በኤደን ሽመልስ #BisratNews #BisratFm #BisratRadio #Ethiopia የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101

ሰኔ 26፤2018 - ውድ የብስራት ሬዲዮ አድማጮች የ facebook ገጻችን like, share እና Comment በማድረግ ሃሳብ አስተያየታችሁን አካፍሉን። በ-#አለም_ዋንጫ የ-#አውስትራሊያ እና #ግብጽ-ን ጨዋታ #ላምባዲና_ስፖርት ይዘውላችሁ ይቀርባሉ። ማነኛውንም ሃሳብ አስተያየት አድርሱን። መልሰን ወደ እናንተ አናደርሳለን። ምሽት ከ3:00-6:00 ሰዓት ይጠብቁን! በመላው #ዓለም በዩቲዩብ ገፃችን ይጠብቁን። 👇👇👇 https://www.youtube.com/@Bisrat_Fm_101.1 የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat101fm TikTok: https://www.tiktok.com/@bisrat.fm

#ሩቅ_አሳቢዉ_ከነዓን ሰኔ 26፤2018 - እንደዚህ አይነት መመሰጋገን በጣም ያኮራል የኢትዮጵያ ሊግ በኦማን ሊግ 21 ጎል አስቆጥሮ ኮኮብ ለሆነዉ ከነአን ማርክነህ የዋንጫ ሽልማት ሰጥተዉታል ሽልማቱን የቀድሞ የቅዱስ ጊዮርጊስ ታሪካዊ አሰልጣኝ በሚቹ በኩል ሸልመዉታል ። ኢትዩጲያዊት ሚስት ያገባዉ ባለ ትልቅ ፕሮፋይል አሰልጣኝ ሚቹ ኢትዮጲያን እጅግ ስለሚወዳት የረፍት ጊዜዉን ሊጎቻችንን እየተመለከተ ይገኛል። ከነአንን ግን ቅርብ አላደረም ህልሙ ትልቅ ነዉ የስፖርት ሳይንስ አጥንቷል ገንዘብ ሳይሆን ፕሮፌሽናልነትን መርጦ 18/09/2024 ወደ ሊብያ ሊግ አቀና ከመቻል አልመዲና አቀና እዛዉ ሊቢያ ከ5 ወር በሗላ 11/02/2024/25 ሸባብ አልጋሀር ገባ ቀጥሎ17/09/2025 ኦማን ሊግ አል ሸባብ ክለብ በመሄድ የኦማን የምን ግዜም ኮኮብ ጎል አግቢ ሆኖ ስሙን አስመዝግቧል አሁን ደግሞ ኳታር ሊግ ህልሙን ሊኖር ይቃረባል ፍራኦል ረቡማ #BisratNews #BisratFm #BisratRadio #sports የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat10

ሰኔ 26፤2018 - ፒርስ ቻርልስን ወደ ማንችስተር ሲቲ ማንቸስተር ሲቲ ሰሜን አየርላንዳዊዉን የ 20 ዓመት ወጣት ግብ ጠባቂው ፒርስ ቻርልስን ከሼፊልድ ወንስደይ ለማስፈረም መቃረቡ ተገልጿል። የ20 ዓመቱ  ግብ ጠባቂ ወደ  ልጅነት ክለቡ ማንችስተር ሲቲ   ኢቲሃድ ለመመለስ ተዘጋጅቷል ስምምነቱም ሊጠናቀቅ ተቃርቧል። ሲቲ ዝውውሩ ሲጠናቀቅ እድገቱን ለመቀጠል ቻርለስን በውሰት እንደሚለቅ ይጠበቃል ሲል  ተዓማኒው ጋዜጠኛ ቤን ጃኮብስ ዘግቧል። ✍️  በአቤል አሻግሬ #BisratNews #BisratFm #BisratRadio #sports የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat10

ሰኔ 26፤2018 - ኪዩሱኬ ሆንዳ የጃፓን ብሄራዊ ቡድን አሰልጣኝ መሆን እንደሚፈልግ ተናገረ የቀድሞ የጃፓን ብሄራዊ ቡድን ተጨዋች ኪዩሱኬ ሆንዳ የጃፓን ቀጣዩ የብሔራዊ ቡድን አሰልጣኝ ለመሆን ዝግጁ መሆኑን በይፋ አስታውቋል። የቀድሞው  ተጫዋች ፌዴሬሽኑ ጊዜያዊ መፍትሄ ብቻ እየፈለገ ከሆነ አንድ ዓመት ውል ለመሾም ፈቃደኛ እንደሚሆን ተናግሯል። ኪዩሱኬ ለአሰልጣኝ ሀጂሜ ሞሪያሱ የአንድ ዓመት ውል ማራዘሚያ እያቀረቡ እንደሆነ ዜናውን አይቻለሁ ነገር ግን ለቀጣዩ አሰልጣኝ ሌላ እጩ ማግኘት ስላልቻሉ ለምን ለአንድ ዓመት አይሞክሩኝም የእስያ ዋንጫን ካላሸነፍን ምንም አይነት ጥያቄ ሳትጠይቁኝ ከስራ ልታባርሩኝ ትችላላችሁ። ያንን ፈተና ለመወጣት ዝግጁ ነኝ ሲል ተናግሯል። ✍️ በአቤል አሻግሬ #BisratNews #BisratFm #BisratRadio #sports የብስራትን የተለያዩ ማህበራዊ ገጾች በመቀላቀል፤ ወቅታዊ መረጃዎችን እና ፕሮግራሞችን ይከታተሉ… Facebook: https://web.facebook.com/profile.php?id=61577130725400 Website: https://www.bisrattv.com/ Telegram: https://t.me/Bisrat101fm YouTube: https://bit.ly/3zAAOrB Twitter: https://twitter.com/Bisrat10