Farid Abdullah

İmam Əli (ə): ​"Haqqın azı da çoxlu batili yox edər; necə ki, balaca bir atəş qalaq-qalaq odunu yandırıb kül edir". Təsnif Ğurər, s. 936

...Həqiqətən, Sən mənim nemətlərimin sahibi (vəlisi), arzularımın son həddi, həm bu dünyadan köçəcəyim (bərzəx) mənzilimdə, həm də daimi qalacağım (axirət) məskənimdə ümidimin son nöqtəsisən.   "Kamiluz-Ziyarat" kitabında bu ziyarətdən sonra bu bəndlər (cümlələr) də nəql olunmuşdur:   اَنْتَ اِلـٰهى وَسَیِّدى وَمَوْلاٰىَ، اِغْفِرْ لِأَوْلِیٰآئِنٰا، وَکُفَّ عَنّٰا اَعْدٰآئَنٰا، وَاشْغَلْهُمْ عَنْ اَذٰانٰا، Əntə ilâhî və səyyidî və mövlây, iğfir li-övliyâinâ, və kuffə ənnâ ə'dâənâ, vəşğəlhum ən əzânâ, ...Sən mənim İlahım, ağam və mövlamsan (sahibimdən)! Bizim dostlarımızı (bizi sevənləri) bağışla, düşmanlarımızı bizdən uzaqlaşdır (şərlərini bizdən dəf et) və onları bizə əziyyət verməkdən yayındır (öz işləri ilə məşğul et);   وَاَظْهِرْ کَلِمَةَ الْحَقِّ وَاجْعَلْهَا الْعُلْیٰا، وَاَدْحِضْ کَلِمَةَ الْبٰاطِلِ وَاجْعَلْهَا السُّفْلىٰ، اِنَّکَ عَلىٰ کُلِّ شَىْءٍ قَدیرٌ. Və əzhir kəlimətəl-həqqi vəc'əlhəl-ulyâ, və ədhid kəlimətəl-bâtili vəc'əlhəs-suflâ, innəkə əlâ kulli şəy'in qədîr. ...və haqq sözü (haqqın bayrağını) zahir et, onu ən uca eylə; batil sözü (batilin hökmünü) isə tamamilə puç et, məhv et və onu ən aşağı (alçaq) eylə! Həqiqətən, Sən hər şeyə qadirsən! (Kamiluz-ziyarat, bab 11, s. 39, h.1)

...Sənə tərəf gəlmək (Sənin rızanı qazanmaq) istəyənlərin nişanələri (yol göstəriciləri) bəlli və aşkardır; Səni tanıyanların (ariflərin) qəlbləri isə Sənin (əzəmət və cəlalından ötəri) qorxu və heybət içindədir;   وَاَصْوٰاتَ الدّٰاعینَ اِلَیْکَ صٰاعِدَةٌ، وَاَبْوٰابَ الْإِجٰابَةِ لَهُمْ مُفَتَّحَةٌ، Və əsvâtəd-dâ'înə iləykə sâ'idəh, və əbvâbəl-icâbəti ləhum mufəttəhəh, ...Sənə dua edənlərin (Səni çağıranların) səsləri Sənin dərgahına ucalmaqdadır və duaların qəbul olunma qapıları onların üzünə taybatay açıqdır;   وَدَعْوَةَ مَنْ نٰاجٰاکَ مُسْتَجٰابَةٌ، وَتَوْبَةَ مَنْ اَنٰابَ اِلَیْکَ مَقْبُولَةٌ، Və də'vətə mən nâcâkə mustəcâbəh, və təvbətə mən ənâbə iləykə məqbûləh, ...Səninlə pıçıldaşan (Sənə gizlicə münacat edən) kəsin duası qəbul olunmuşdur və Sənə tərəf qayıdanın (tövbə edib Sənə yönələnin) tövbəsi qəbul edilmişdir;   وَعَبْرَةَ مَنْ بَکىٰ مِنْ خَوْفِکَ مَرْحُومَةٌ، وَالْإِغٰاثَةَ لِمَنِ اسْتَغٰاثَ بِکَ مَوْجُودَةٌ، Və əbrətə mən bəkâ min xovfikə mərhûməh, vəl-iğâsətə limənistəğâsə bikə məvcûdəh, ...Sənin qorxundan ağlayan kəsin göz yaşlarına rəhm olunmuşdur (mərhəmət edilmişdir) və Səndən kömək diləyən (Səni imdada çağıran) kəs üçün kömək və yardım daim hazırdır;   وَالْإِعٰانَةَ لِمَنِ اسْتَعٰانَ بِکَ مَبْذُولَةٌ، وَعِدٰاتِکَ لِعِبٰادِکَ مُنْجَزَةٌ، Vəl-i'ânətə limənistə'ânə bikə məbzûləh, və idâtikə li-ibâdikə muncəzəh, ...Səndən yardım istəyən kəs üçün yardımın və dəstəyin bol-bol (əsirgənmədən) bəxş edilmişdir və bəndələrinə verdiyin vədlər tamamilə yerinə yetirilmişdir (qətidir);   وَزلَلَ مَنِ اسْتَقٰالَکَ مُقٰالَةٌ، وَاَعْمٰالَ الْعٰامِلینَ لَدَیْکَ مَحْفُوظَةٌ، Və zələlə mənistəqâləkə muqâləh, və ə'mâləl-âmilînə lədəykə məhfûzəh, ...Səndən bağışlanma diləyən (əfvini istəyən) kəsin xətaları və büdrəmələri Sənin tərəfindən keçilmişdir (silinmişdir) və Sənin üçün saleh əməl edənlərin əməlləri Sənin hüzurunda tam qorunub saxlanmışdır;   وَاَرْزٰاقَکَ اِلَى الْخَلاٰئِقِ مِنْ لَدُنْکَ نٰازِلَةٌ، وَعَوٰآئِدَ الْمَزیدِ اِلَیْهِمْ وٰاصِلَةٌ، Və ərzâqəkə iləl-xəlâiqi min lədunkə nâziləh, və əvâidəl-məzîdi iləyhim vâsiləh, ...bütün məxluqat (yaradılanlar) üçün təyin etdiyin ruzilər Sənin dərgahından (bəndələrə tərəf) durmadan nazil olmaqdadır və (Sənə şükür edənlərə bəxş etdiyin) artan nemətlərin, xeyir-bərəkətin onlara hər an çatmaqdadır;   وَذُنـُوبَ الْمُسْتَغْفِرینَ مَغْفُورَةٌ، وَحَوٰآئِجَ خَلْقِکَ عِنْدَکَ مَقْضِیَّةٌ، Və zunûbəl-mustəğfirînə məğfûrəh, və həvâicə xəlqikə indəkə məqdiyyəh, ...bağışlanma diləyənlərin (istiğfar edənlərin) günahları əfv olunmuşdur (bağışlanmışdır) və məxluqatının (bəndələrinin) ehtiyacları Sənin dərgahında tamamilə ödənilmişdir (yerinə yetirilmişdir);   وَجَوٰآئِزَ السّٰآئِلینَ عِنْدَکَ مُوَفَّرَةٌ، وَعَوٰآئِدَ الْمَزیدِ مُتَوٰاتِرَةٌ، Və cəvâizəs-sâilînə indəkə muvəffərəh, və əvâidəl-məzîdi mutəvâtirəh, ...Səndən istəyənlərin mükafatları Sənin dərgahında bol-bol bəxş edilmişdir və (şükür edənlərə verdiyin) artan nemətlərin bərəkəti bir-birinin ardınca (fasiləsiz olaraq) gəlməkdədir;   وَمَوٰآئِدَ الْمُسْتَطْعِمینَ مُعَدَّةٌ، وَمَنٰاهِلَ الظِّمٰآءِ مُتْرَعَةٌ، Və məvâidəl-mustat'imînə mu'əddəh, və mənâhiləz-zimâi mutrə'ah, ...Səndən ruzi və təam istəyənlərin süfrələri (hər an) hazırdır və susayanların su başları (bulaqları, hidayət və rəhmət çeşmələri) ağzınacan doludur;   اَللّـٰهُمَّ فَاسْتَجِبْ دُعٰآئى، وَاقْبَلْ ثَنٰآئى، وَاجْمَعْ بَیْنى وَبَیْنَ اَوْلِیٰآئى، Allâhummə fəstəcib du'âî, vəqbəl sənâî, vəcmə' bəynî və bəyne övliyâî, Ey Allahım! Elə isə mənim duamı qəbul et, Sənə etdiyim mədh və sənami bəyənib qəbul buyur, məni və mənim rəhbərlərimi (övliyalarımı, əzizlərimi) bir araya gətir (bizi qiyamətdə bir yerdə məhşur et);   بِحَقِّ مُحَمَّدٍ وَعَلِىٍّ وَفاطِمَةَ، وَالْحَسَنِ وَالْحُسَیْنِ، Bi-həqqi Muhəmmədin və Əliyyin və Fâtımətə, vəl-Həsəni vəl-Huseyn, ...Muhəmmədin, Əlinin, Fatimənin, Həsənin və Hüseynin haqqı hörmətinə (bu duamı qəbul eylə);   اِنَّکَ وَلِىُّ نَعْمٰآئى، وَمُنْتَهىٰ مُنٰاىَ، وَغٰایَةُ رَجٰائى فى مُنْقَلَبى وَمَثْوٰاىَ İnnəkə vəliyyu nə'mâî, və muntəhâ munâyə, və ğâyətu rəcâî fî munqələbî və məsvây.

اَلسَّلاٰمُ عَلَیْکَ یٰا اَمینَ اللهِ فى اَرْضِهِ، وَحُجَّتَهُ عَلىٰ عِبٰادِهِ، اَلسَّلاٰمُ عَلَیْکَ یٰا اَمیرَالْمُؤْمِنینَ، Əssəlâmu əleykə yâ Əmînallâhi fî ardih, və huccətəhu əlâ ibâdih. Əssəlâmu əleykə yâ Əmîrəl-mu`minîn, Salam olsun sənə, ey Allahın Yer üzündəki etibarlı bəndəsi (əmini) və bəndələri üzərindəki hüccəti (böyük rəhbəri və sübutu)! Salam olsun sənə, ey möminlərin rəhbəri (Əmirəl-möminin)!   اَشْهَدُ اَنَّکَ جٰاهَدْتَ فِى اللهِ حَقَّ جِهٰادِهِ، وَعَمِلْتَ بِکِتٰابِهِ، وَاتَّبَعْتَ سُنَنَ نَبِیِّهِ صَلَّى اللهُ عَلَیْهِ وَآلِهِ، Əşhədu ənnəkə câhədtə fillâhi həqqə cihâdih, və əmiltə bi-kitâbih, vəttəbə'tə sunənə nəbiyyihî sallallâhu əleyhi və âlih, Şahidlik edirəm ki, sən Allah yolunda layiqincə (haqqıyla) cihad etdin, Onun kitabına (Qurana) əməl etdin və Peyğəmbərinin (Allahın ona və ailəsinə salavatı olsun!) sünnəsinə (yoluna) tabe oldun;   حَتّىٰ دَعٰاکَ اللهُ اِلىٰ جِوٰارِهِ، فَقَبَضَکَ اِلَیْهِ بِاخْتِیٰارِهِ، Həttâ də’âkallâhu ilâ civârih, fə-qəbədəkə ileyhi bixtiyârih, ...nəhayət, Allah səni Öz dərgahına (böyük hüzuruna və qonşuluğuna) dəvət etdi və Öz iradəsi (ixtiyarı) ilə sənin ruhunu Özünə tərəf çəkib aldı (səni Öz yanına apardı);   وَاَلْزَمَ اَعْدٰائَکَ الْحُجَّةَ مَعَ مٰالَکَ مِنَ الْحُجَجِ الْبٰالِغَةِ عَلىٰ جَمیعِ خَلْقِهِ، Və əlzəmə ə'dâəkəl-huccətə mə'ə mâ ləkə minəl-hucəcil-bâliğəti əlâ cəmîy'i xəlqih, ...və Sənin bütün məxluqata (yaradılanlara) qarşı olan aşkar və kamil hüccətlərinlə (böyük və sarsılmaz dəlillərinlə) yanaşı, düşmənlərin üçün də (bütün bəhanələri kəsən əzəmətli bir) hüccəti mütləq və qəti etdi;   اَللّـٰهُمَّ فَاجْعَلْ نَفْسى مُطْمَئِنَّةً بِقَدَرِکَ، رٰاضِیَةً بِقَضٰآئِکَ، Allâhummə fəc'əl nəfsî mutmə'innətən bi-qədərik, râdiyətən bi-qədâ'ik, Ey Allahım! Mənim nəfsimi Sənin təqdirinə arxayın (hüzurlu və sakit), Sənin hökmünə (və qəzavü-qədərinə) isə razı olanlardan et;   مُولِعَةً بِذِکْرِکَ وَدُعٰآئِکَ، مُحِبَّةً لِصَفْوَةِ اَوْلِیٰآئِکَ، مَحْبُوبَةً فى اَرْضِکَ وَسَمٰآئِکَ، Mûli’ətən bi-zikrikə və duâ’ik, muhibbətən li-safvəti övliyâ’ik, məhbûbətən fî ardikə və səmâ’ik, ...Səni zikr etməyə və Sənə dua etməyə can atan (vurğun olan), Sənin seçilmiş dostlarını (övliyalarını) sevən, Sənin Yerdəki və Göydəki məxluqatın tərəfindən sevilən (bir nəfs et);   صٰابِرَةً عَلىٰ نُزُولِ بَلاٰئِکَ، شٰاکِرَةً لِفَوٰاضِلِ نَعْمٰآئِکَ، ذٰاکِرَةً لِسَوٰابِـغِ آلآٰئِکَ، Sâbirətən əlâ nuzûli bəlâ’ik, şâkirətən li-fəvâdili nə‘mâ’ik, zâkirətən li-səvâbiği âlâ’ik, ...Sənin bəlan (və imtahanın) nazil olduqda səbr edən, Sənin bol və üstün nemətlərinə şükr edən, Sənin hər tərəfi bürüyən, kamil ehsanlarını (bəxşişlərini) daim yad edən (bir nəfs et);   مُشْتٰاقَةً اِلىٰ فَرْحَةِ لِقٰآئِکَ، مُتَزَوِّدَةً التَّقْوىٰ لِیَوْمِ جَزٰآئِکَ، مُسْتَنَّةً بِسُنَنِ اَوْلِیٰآئِکَ، Muştâqətən ilâ fərhəti liqâik, mutəzəvvidətət-təqvâ liyəvmi cəzâik, mustənnətən bi-sunəni övliyâik, ...Səninlə qarşılaşmağın (vüsalının) sevincinə həsrət bəsləyən (müştaq olan), Sənin cəza (və qiyamət) günün üçün təqva azuqəsi toplayan, Sənin dostlarının (övliyalarının) sünnəsinə (yoluna və əxlaqına) tabe olan (bir nəfs et);   مُفٰارِقَةً لِأَخْلاٰقِ اَعْدٰائِکَ، مَشْغُولَةً عَنِ الدُّنْیٰا بِحَمْدِکَ وَثَنٰآئِکَ Mufâriqatən li-əxlâqi ə'dâik, məşğûlətən ənid-dunyâ bi-həmdikə və sənâik. ...Sənin düşmənlərinin əxlaqından (və pis xislətlərindən) uzaq olan, dünyadan qəlbi üzülüb Sənə həmd-səna etməklə məşğul olan (bir nəfs et).   Sonra mübarək yanağını qəbrin üzərinə qoyub belə buyurdu:   اَللّـٰهُمَّ اِنَّ قُلُوبَ الْمُخْبِتینَ اِلَیْکَ وٰالِهَةٌ، وَسُبُلَ الرّٰاغِبینَ اِلَیْکَ شٰارِعَةٌ، Allâhummə innə qulûbəl-muxbitînə iləykə vâlihəh, və subulər-râğibînə iləykə şâri'əh, Ey Allahım! Şübhəsiz ki, Sənə qarşı təvazökar olanların (Səndən qorxan və Sənə itaət edənlərin) qəlbləri Sənin eşqinlə heyran olub (Sənə bağlanmışdır). Sənə rəğbət bəsləyənlərin (Səni istəyənlərin) yolları isə (Sənə tərəf) açıq və aydındır;   وَاَعْلاٰمَ الْقٰاصِدینَ اِلَیْکَ وٰاضِحَةٌ، وَاَفْئِدَةَ الْعٰارِفینَ مِنْکَ فٰازِعَةٌ، Və ə'lâməl-qâsidînə iləykə vâdihəh, və əf'idətəl-ârifînə minkə fâzi'əh,

Əminullah ziyarəti İmam Səccadın (ə) Həzrət Əlinin (ə) məzarını ziyarət edərkən oxuduğu ziyarətnamədir və bu cümləyə görə (“Əssəlamu əleykə ya əminallah...”) bu adla adlandırılmışdır. Əminullah ziyarəti sənəd, mətn və məna baxımından mötəbər hesab olunmuş və şiə mənbələrinin mötəbər kitablarında nəql edilmişdir. Əminullah ziyarəti Həzrət Əlinin (ə) Qədir-Xum bayramı gününə aid xüsusi ziyarətlərindən biridir və eyni zamanda imamların (ə) hər birinin qəbri şərifinin yanında oxuna biləcək ən kamil ziyarətlərdən hesab olunur. 👇🏻👇🏻👇🏻

İlahi! Əgər Sən məni ucaltsan, məni kim alçalda bilər?! Əgər Sən məni alçaltsan, məni kim ucalda bilər?! Əgər Sən mənə izzət, hörmət versən, məni kim xar edə bilər?! Əgər Sən məni xar etsən, mənə kim hörmət qoya bilər?! Əgər Sən mənə əzab versən, mənə kim rəhm edə bilər?! Əgər Sən məni həlak etsən, Sənin bu bəndən barəsində kim Sənə etiraz edə bilər, yaxud Səndən onun hesabını soraşa bilər?! Mən tam əminliklə bilirəm ki, Sənin hökmündə heç bir haqsızlıq (zülm) yoxdur və cəza verməkdə də əsla tələsmirsən. Çünki yalnız əldən qaçıracağından qorxan kəs tələsər. Zülm etməyə isə yalnız zəif olan ehtiyac duyar. İlahi, Sən bu naqisliklərdən qat-qat ucasan, çox-çox uca və paksan! ---- İmam Səccad, Səhifeyi-Səccadiyə, 48-ci dua Qurbanınız qəbul olsun, əzizlər!

Mən inanıram ki, bir müddət sonra bir sıra insanlar psixoloji, emosional sağlamlıqlarını qorumaq üçün sosial şəbəkələrdən istifadədən ya imtina edəcəklər, ya minimuma endirəcəklər. Necə ki, hal-hazırda var belə adamlar. Çünki sosial şəbəkələr dost-tanışını tapmaq, xəbər tutmaq mövqeyindən çıxıb. İnsan duran kimi ilk əlinə telefon götürür ki görüm nə var. Başlayır, informasiya hücumu: kimsə sənin inancını təhqir edir, biri səni söyüb, cinayət xəbərləri, sənin əhəmiyyət vermədiyin xəbərlər. Videolar, şəkillər... Budur. Artıq beynin yükləndi. Axşam yatanda da elə. Adamın yuxu sistemi pozulur, əlavə fikirlər yüklənir. Stresə düşür. Gün ərzində baxdığın və dərhal unutduğun 45678 reels beynində həzm ola bilmir və s. Hələ mən bunun sürətlə vaxt öldürmə gücünə malik olduğunu demirəm. Burada yalnız iradəli və sosial pərhiz saxlamağı bacaranlar düzgün idarə edə bilər. Yoxsa ki insan nəinki yeməyi telefonsuz yeyə bilmir, nəinki tualetə belə telefonsuz girə bilmir, hətta bir neçə saatlıq telefonsuz qaldıqda elə bilir ki, dünya dağıldı. Bəli, bu gün bu xidmətlər çox önəmlidir. zəruridir. Lakin psixoloji, emosional sağlamlıq üçün həddi aşmamaq, ifrata varmamaq ondan daha vacibdir. Buna görə də yalnız sənə lazım olanlarla məşğul olmaq, lazım olmayanları içəri buraxmamaq, qapını bağlamaq, hətta abunəlikdən çıxmaq zəruridir.

Bayaq bir qardaş məni evinə qonaq dəvət etmişdi və övladlarımı da gətirməyimi rica etdi. Heç bilmədim nə üçün övladlarıma dedim ki, əməllərinizə diqqət edin, dindar bir ailəyə qonaq gedirsiz. Yəni ruhaninin evidir. Qızım soruşur ki, ata, dindar nədir? Qardaşı ona izah verir ki, xeyirxah ailə. Oğlum deyir ki, ata, filan əminin də evinə getmişik, özümüzü necə aparmışıq?! Məqsəd burda dindar, qeyri-dindar da deyil. Məqsəd getdiyin evdə o ailənin qayda-qanunlarına riayət etməyə çalışmaqdır. Yoxsa ki, ailə və evlər bəzən eyni olur. Amma atmosfer fərqli ola bilir. Necə ki, sən öz evində yazılmamış qanunlara riayət olunmasını istəyərsən, həmçinin başqasının evində də elə olmalısan. Ümumiyyətlə, son dövrlər ki, inanclı adamlar məsxərəyə qoyulur, alçaldılır, istəyirəm ki, övladlarım yaxşı inanclı ailələr görsün. Sabah böyüyəndə kimsə məsxərə etdikdə, qoy səmimi desinlər ki, biz filan əmi və ya xalanın evində olmuşuq. Axı elə deyil. Bəli, zay insanlar olur. Sadəcə övladlarımıza yaxşı insanları tanıtmalıyıq. Qoy tanısınlar. Necə ki mən uşaq ikən mənə pis adamları tanıdıblar. Yaxşılar barədə az danışılıb. Yaxşı insanı tanımaq zaman alır. Lakin Allah mənə yaxşı insanları tanıtdı. Həmd olsun, Allaha! Pis insanlarla qarşılaşmaq məni ümidsizliyə salmır. Çünki yaxşı insan ümiddir. Necə deyərlər, hələ uşaq dünyaya gəlirsə, deməli, Allah bəşərə nikbin yanaşır. PS: Yaxşı və pis insan kökdə yoxdur. İnsanı yaxşı və pis edən sadəcə onun niyyəti və əməlidir. Buna görə də pis də yaxşı, yaxşı da pis ola bilər.

Yeniyetmə ikən 90-larda yığdığımız bəzi şeylər vardı. Kinder oyuncaqları, müxtəlif saqqız kağızları (Turbo, Minti və s), yapışqanlar, oyuncaqlar və s. İmkan düşdükcə hobbi kimi yenidən onları toplamağa çalışıram. Çünki topladıqlarım əldən çıxıb, kiməsə verilib, ya bir vaxt imkan olmayıb toplamağa və s. Ola bilər ki, uşaq vaxtı adam edə bilmədiklərini böyüdükdə reallaşdırmağa çalışır. Həm də indi əksər məhsullar keyfiyyətsizdir, yaradıcılıq, kreativlik düşük səviyyədədir. Bu heç. Keçən dəfə kolleksiyaya əlavə etmək üçün bir nəfərlə əlaqə saxladım. Qardaş Gəncədə idi. Ödəniş etdim və bəzi nadir tapılan, saqqız və kinder oyuncağını almaq istədim. Bir də gördüm, nə qədər yazdı ki, xahiş edirəm, kartınızı atın, ödənişi geri qaytarım, sizi səsinizdən tanıdım. Üstünə özündən də əlavə oyuncaq qoydu göndərdi. Həqiqətən də, çox sevindim. Heç bilmirəm bu statusu niyə yazdım. Ola bilər ki, vaxt keçsə də, reallıq dəyişsə də, öz uşaqlığıma hədiyyə etmək mənə motivasiya verir. Məqsəd nəticə deyil, prosesin özüdür. Pazlları yerinə oturur. Hərədə bir şeydir. Məndə də bu cür :)

Fitr bayramınız mübarək olsun, əzizlərim. Ramazan ayı həyatımıza nizam, düzən, hədəf vernişdi. Ümid edirəm ki, təsiri qalmış olar. Fitr günü Allah bizə lütf edib, mükafatlandırsın. Müsəlmanlara izzət, birlik, səadət, nəsr, afiyət versin. Xoş mətləbləriniz qəbul olsun. ❤️

"(Allah) etdikləri barəsində sorğu-suala çəkilməz, onlar isə etdiklərindən sorğu-suala çəkilərlər". Ənbiya, 23. Nə maraqlı ayədir.

Hər şeyin xəzinələri Allahın yanındadır. Biz ondan ancaq müəyyən ölçüdə endiririk. /Hicr, 21/

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ Zalımların etdikləri əməllərdən Allahın xəbərsiz olduğunu sanma. /İbrahim, 42/

Onlardan sonra gələnlər deyərlər: "Ey Rəbbimiz, bizi və bizdən əvvəl iman gətirmiş (yaxud imanda bizdən öndə olmuş) qardaşlarımızı bağışla! İman gətirənlərə qarşı qəlblərimizdə heç bir kin-küdurətə yer vermə! Ey Rəbbimiz, həqiqətən, Sən şəfqətlisən, mərhəmətlisən!” (Həşr, 10) Nəql olunub ki, Əşəs ibn Qeys Həzrət Əlini ölümlə təhdid etdikdə İmam Buyurdu: "Sən məni ölümləmi təhdid edirsən? Allaha and olsun, ölümün üzərinə düşüm, ya ölüm mənim üzərimə düşsün - mənim üçün heç bir fərqi yoxdur" (Əbülfərəc nəql edib. Habelə Nəhcüs-səadət, c.2, s. 707) Həmçinin, nəql olunub ki, İmam Zeynülabidin İbn Ziyadın qarşısında olarkən, dedi: Ey Ziyadın oğlu, sən məni öldürməklə təhdid edirsən? Məgər bilmirsən ki, öldürülmək bizim üçün bir adətdir? Allah tərəfindən kəramətimiz şəhadətdir". (Biharul-ənvar, c.45, s.118) Hamımız Allahınıq və Ona doğru qayıtmaqdayıq. (Bəqərə, 156)

وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا "Onlar deyərlər: "Ey Rəbbimiz! Həyat yoldaşlarımızı və övladlarımızı gözlərimizin aydınlıq səbəbi et və bizi müttəqilərə imam et!" /Furqan, 74/

İmam Əli buyurub: "Şeytan öz azdırıcı yollarını sizin üçün asan göstərir. O, (möhkəm bağları olan) dininizi düyün-düyün açmaq (dağıtmaq), birlik və əlaqə əvəzinə təfriqə yaratmaq və bu təfriqə vasitəsilə fitnə qoparmaq istəyir. Məsələ belə ikən: onun vəsvəsə və hiylələrindən üz döndərin və nəsihəti onu sizə hədiyyə edən kəsdən qəbul edin, sonra da onu öz canınızın dərinliyində möhkəm qoruyun". /Nəhcül-Bəlağə, xütbə 121/