Najmiddin Turon

* * * Бир қиз келди хаёлдан чиқиб, Тўрт томоним мисли кўк эди. Осмонларга кетдим йиқилиб, Турмоғимга имкон йўқ эди. Бир ҳис келди дилга тўкилиб, Кема янглиғ чайқалди таним, Гўё шу дам кетдим тирилиб, Рўё экан яшаётганим. Бир сўз келди келмагандайин, У қиз кутди, мен ичга ютдим. Фақат ишқни ўйладим, ё Раб, Ул сулувни буткул унутдим. Бир куз келди баридан кейин, Кетмоғи душвордир, кетмоғи қийин. Шу қиз дея яшаб умрбод, Шу куз ила ўтмоғим тайин. https://t.me/Najmiddin_Ermatov

*** Қон ва Сиёҳ Қон: —пақ этди, отилди ўқ. ҳақ, деган ул ўғлоннинг тешилган кўкрагидан бўй чўздим гул мисоли. Сиёҳ: —пақ этди, отилди ўқ. зирхланган қўналғада қондан қўрққан қўлни ва кўрдим қоғоз висолин. Қон: —авлодим, эгилмагин, бошингни тик тут, дея жондан кечган ўғлоннинг исён тўла кўксидан Ватан дея тўкилдим. Сиёҳ: —келажакка солдим из: “Бош эгмади исёнчи, Хоин эди, отилди”. Йиллар ўтиб авлодинг Бошин эгиб ўқийди. Қон: —Ватан дея тўкилдим. Сиёҳ: —хоин дея ўқилгай. @Najmiddin_Ermatov

Oyina.uz bir muddat avval “adabiyotga kim nima bilan kirib kelgan” mavzusida 15 nafar qalamkashni sharj qilgandi Hazilomuz tarzda chizilgan sharjlarni Abdulla Qodiriy nomidagi ijod maktabi direktori Hilola Nazirova xarid qildi. Mazkur suratlar maktab binosi devorlariga ko‘rk baxsh etishi shubhasiz. Bu jarayon yosh avlodga bugungi kun adabiyoti vakillarini yanada yaqinroq bilib olishlariga yordam beradi. Telegram | Instagram |Facebook

Муҳаммад РАҲМОН * * * Ойдин кечаларда хўрсиниқ, ёниш… Мискин Отабекми сархуш бўзадан. Қайдадир Шерали қилади хониш: — Булбул, қандай омон қолдинг бўсадан?.. Ой турар боғларнинг кунгурасида, Гўё зар тўкилар тилла кўзадан. Гуллар орастадир, сарвлар расида… Булбул, қандай омон қолдинг бўсадан! Бир зум топишгандай Ер билан само, Олам фориғ бўлган ғурбат, ғуссадан. Дарахтга ўралиб эмранар сабо… Булбул, қандай омон қолдинг бўсадан! Ёдимда зулфларинг мушки анбари, Юзинг лов-лов ёнар ҳаё-иззадан. Топди лабларингни излаб лабларим… Булбул, қандай омон қолдинг бўсадан! Не сир-синоат бу телбараб, суюб, Ўзимни пойингга тутдай тўкканман. Лаълинг оташ бўлса кетганман куйиб, Агарки бол бўлса, болга чўкканман. Ўша-ўша масрур, ўша-ўша лол, Илоҳий лаҳзадан, нурли қиссадан. Умрлик ҳайратман, умрлик савол: Булбул, қандай омон қолдинг бўсадан! @sherSehri

Yomg‘ir yog‘sa, umid gulday unar bo‘lsa, Kemtik ko‘ngil xalqobdayin to‘lar bo‘lsa. Yo‘l chetida yomg‘irpo‘shsiz turgandir deb, Ketgan yoring qaytishiga ko‘nar bo‘lsa. Ko‘lob yo‘llar yag‘rinida yo‘l ko‘rsatib, Yolg‘izlikning azobini mo‘l ko‘rsatib. Pinhon tutgan sog‘inchini etib oshkor, Boshlab kelsa ro‘molchasin ho‘l ko‘rsatib. Nigohidan yomg‘ir yuvgan so‘z taralsa, Ifor sochib barmog‘ingda soch taralsa. Peshonangga bitgan taqdir bo‘lib mulzam, Ul yor bilan bir ketgulik yo‘l yaralsa. Xovuchida gulgun gulob quyib bersa, Tag‘in yomg‘ir tinmay battar quyib bersa. Tosh ko‘chada chopsalaring qo‘l ushlashib, Oh, bu dunyo o‘z holingga qo‘yib bersa. Olib borsang, qo‘rg‘oningda issiq tancha, Ostonada oyoq ilsa rafiq kecha. Derazadan borligini etib isbot, Yomg‘ir tinmay yog‘aversa jon chiqquncha. Bir tong kelsa avvaliga o‘xshamayin, Yengillashib borsang quyosh chiqqan sayin. Yomg‘ir tingan dunyosiga etak siltab, Uchib ketsang ul yor ila bir bug‘dayin. Yomg‘ir yog‘sa... https://t.me/Najmiddin_Ermatov

ЭРТАК Фалон мамлакатнинг фалон шаҳрида, Фалончи кимсалар этганда базм, Қизлари қалтираб қаттол қаҳридан, Эрлари эшилиб этаркан таъзим. Фуқаро бирдайин отсиз фалончи, Номдор шиорларга тамшаниб шодон— Ортиб борар эмиш фалон ишончи, Қотиб борар эмиш кўксида иймон... Фалон замонларга фалон режалар тузганда, шукуҳдан тўлғаниб омма, Атоқли ўйларнинг отин нечалар Қордайин курармиш тинимсиз онгдан. Фалон йиллар ўтиб, армон ўтида, Топ дебон, авлодлар урганида дўқ— Фалон бир эртакнинг фалон бетида Шоирлар тирилган варақ эмиш йўқ... Н.Э. Август, 2023

*   *   * Тун. Ёмғир. Қоришиқ ифор. Учқур хаёл, қадамлар аста. Борлиққа сочилиб келади кетгинг, Ёмғир бўлсам керак, аслида. Сен йўқсан. Ҳеч ким йўқ. Нималардир бор. Ненидир туярсан ёмғир остида. Мен ахир осмонда яшаганманку, Не қилиб юрибман замин устида. Шайтон. Таъқиқ. Ва ўша мева— Афсус бор қувғинди одам наслида. Негадир уларга алоқам йўқдек, Ёмғир бўлсам керак, аслида. Нажмиддин ЭРМАТОВ

Ўзбекистон Республикаси мустақиллигининг ўттиз икки йиллиги муносабати билан «Ўзбекистон Республикаси халқ шоири» фахрий унвони билан сийланган Абдулла Шер акамизни, «Ўзбекистон Республикасида хизмат кўрсатган маданият ходими» фахрий унвони билан қутланган Йўлдош Эшбек дўстимни, «Меҳнат шуҳрати» ордени билан тақдирланган Орзиқул Эргаш жўрамни ва барча мукофотланган ижодкорларни чин юракдан табриклайман. Умрлари узоқ, ижодлари янада баракали бўлсин!

Bahorda Daryolar enganda yerga, Terskay tomonlarga chekinganda qor, Qishgi xovuringni sochganda yelga, Sen ham gullarmisan, ey ko‘hna CHINOR?... @Najmiddin_Ermatov

Ўтган хафтадан бир гуруҳ ижодкорлар “Очиқ микрафон” номли яхши лойиҳа бошлашди. Айниқса, маёғини йўқотган замон аҳли учун бундай қадамлар жуда зарур ва турфа, кенг қамровда бўлмоғи лозим. Иброҳим Ҳаққул айтганидек: “Ўз ҳурлигини фақат еб-ичиш” “мол-мулк васвасасига бахшида этиб”, бойликнинг ортидан ҳаллослайдиган ким? Бойликнинг қуллари. Худди шунга ўхшаб бировлар амал ва мартабага таслим, яна бировлар – шон-шухратга, яна кимлардир оилавий худбинлик ёки манманлик қули: қорин қуллари қанчадан-қанча...” “Озодлик—ёлғон сўзламаслик ҳуқуқи”. Ана шу ҳуқуқ измига имкон қадар ўзини топшираётганлардан айримлари—“Очиқ микрафон”нинг илк иштирокчиларининг ўзанларига—ички ва ичкин оламига бир мўралаб кўрингизлар! Бек Али—t.me/bek_ali_ijodi Наргиа Одинаева—https://t.me/Nargiza_Odinayeva_ijodi Тилланисо—https://t.me/TillanisoEN Нозима Хабибуллаева—https://t.me/Nozima_Habibullayeva Моҳира—https://t.me/Altruistning_qizi Нодирабегим—https://t.me/mittihaqiqatlar Бу шанба ҳам янги жамоа ўз сўзини айтишга чоғланган! https://t.me/Najmiddin_Ermatov

Сентябрь тиғ урди август ортидан, Япроқларга сачраб кетди қон. Ҳолсизланган қуёшни судраб, Кетиб борар эди саратон. Куйиб куйлар эди ҳотима куйин, Атиргул шохидан кетолмаган қуш. Наводек ҳавога кетолмам сингиб, Уёғи хаёл ва у томони туш. Қайта келаверар армонлар ёдга, Ўтмишга интилиб тасаввур ҳалак. Тийрамоҳ тиғига урар ўзини, Саратон қонига беланган юрак. ©Нажмиддин Эрматов

*** 2017 yil 6 oktabr kuni Rossiyaning Vladimir viloyatida roʻy bergan halokat oqibatida halok bo'lgan yurtdoshlarim xotirasiga bagʻshlanadi. To‘shalmaydi yig‘ilgan toʻshak tebranishdan toʻxtagan beshik yoʻl qaraydi siniq deraza hazingina "gʻiyq"illar eshik qahratonga tadoriksiz uy yolgʻiz yongʻoq, tap-taqir hovli tuman kabi choʻkib qolgan vaqt- oyoqlari tushovli saxardan to oqshomga qadar tinglagancha shamol soʻzini bunda yolgʻiz kampir yashaydi yoʻlga tikib nursiz koʻzini ©Najmiddin Ermatov noyabr, 2017 @Najmiddin_Ermatov

🎤 O‘z ovozingni kashf et! Mustaqil ijodkor yoshlar birlashmasi va Book.uz dan yangi loyihani kutib oling: 💥 Ochiq mikrofon! ✅ Bu — har shanba oqshomi she’r, hikoyalarni mualliflaridan tinglash imkoniyati; ✅ Bu — vaqtni mazmunli o‘tkazish, his qilmoq va zavq onlari! ✅ Bu — jonli muloqot va yoshlar davrasi. 📍Uchrashuv manzili: Shu yerda ⏰ 19.08.2023 19:00 https://t.me/ochiq_mikrofon

Кўнглимда йиғлаган малаклар кимлар?.. Чўлпон Суйгулим, Ёзнинг поёнига етдик ниҳоят, Ёшларим лойланди фасл сўнггида— Саратон тафтидан этмай шикоят Чечаклар қуврабди кўзим ўнггида. Кўзим ўй, гулим. Суйгулим, Август боғларини тарк этди қушлар, Бўш қолган инларда рутубат ҳоким. Қақраган сойларда фош бўлди тушлар, Шамолга сочдилар сирларинг ҳокин. Куйма, қўй, гулим. Суйгулим, Бошимдан мезонлар ўтди паришон, Чувалган ўйларим хазонга талош. Энди мен қаерни этайин ошён, Сен қайдан топарсан ҳамон алиф бош... Мискин ўй гулим. Суйгулим, Соғинчнинг йўллари кузга бош бурди, Кўникиб бордим-а йўқдай имкони. Қисмат  боғлар аро қатлгоҳ қурди, Сим-сим товланмоқда дарахтлар қони... Кўкка йўй,  гулим. Суйгулим... Н.Э. август, 2023 https://t.me/Najmiddin_Ermatov

Чопиб кетди тоғларга томон, Ҳар тукида ёвқур бир чирой. Чўққиларнинг шамолгайида, Увиллашга гувоҳ бўлди ой. Итларнинг бўғзига тиқилди ҳадик, Чўпон кетди уйига кириб. Бир тўп тўнғиз ширин жонини Ололмади хавфдан айириб. Сўнгра чопди дашт узра озод, Қонга ботиб лунжлари, тиши. Тонг отарда қайтди ортига Қафасдаги бўрининг туши. ©Нажмиддин Эрматов

ЭШИТМАДИМ ДЕМАНГЛАР! "Муштум"нинг 8-сони нашрдан чиқди Рассом Ҳасанбой СУЛТОНОВ 🔹 Facebook 🔹 Twitter 🔹 Instagram ⭕️ Каналга обуна бўлинг👇👇👇 https://t.me/mushtumjurnali

Xohish va istak tug‘ilganda o‘qib ko‘rarsizlar!

Рассом Ҳусан СОДИҚОВ