Hana: Anime & Cartoons

ပက်ဖင်းငှက်မောင်နှမ စွန့်စားခန်း (၂၀၂၃) ရာသီဥတုပြောင်းလဲမှုတွေကြောင့် အူနာ တို့နေတဲ့ ပက်ဖင်းကျောက်ဆောင်ကို တခြား ပက်ဖင်းငှက်မျိုးစိတ်တွေလာရောက်ခိုလှုံလာကြပါတယ်။ အသစ်ရောက်လာတဲ့ ပက်ဖင်း ငှက်အုပ်ထဲမှာ အစ်ဇဘယ်နဲ့ ရွှေရစ်ငှက် ဖီးနစ်ဆိုတဲ့ ငှက်ကလေးနှစ်ကောင်ပါလာကြပြီး အူနာတို့နဲ့ သူငယ်ချင်းတွေဖြစ်သွားကြပေမဲ့လည်း အစ်ဇဘယ်ကတော့ မုန်တိုင်းကြောင့် ပျက်စီးသွားတဲ့ အိမ်အဟောင်းကိုပဲ လွမ်းနေရှာပါတယ်။ တစ်နေ့မှာတော့ မြေကျင်းထဲက ပက်ဖင်းငှက်ဥလေးတစ်လုံးပျောက်သွားတဲ့အတွက် အူနာတို့ သူငယ်ချင်းတစ်သိုက်ရော ၊ အရွယ်ရောက်ငှက်တွေပါလိုက်ရှာကြပေမဲ့ မုန်တိုင်းကလည်းကပ်လာနေတဲ့အခါမှာ အူနာတို့ရဲ့ ငှက်ဥပျောက်ရှာပုံတော်ခရီးက ဘယ်လိုဆက်ဖြစ်လာမလဲဆိုတာ ဆက်လက်ကြည့်ရှုလိုက်ကြပါဦး။

ရွှေရောင်မျက်နှာဖုံးနှင့် သူရဲကောင်းများ (၂၀၂၄) ဒီဇာတ်ကားလေးကတော့ စွန့်စားခန်းတွေနဲ့ ဟာသကို နှောပြီး ရိုက်ထားတဲ့ Animation ကားကောင်းလေးတစ်ကား ဖြစ်ပါတယ်။ ချာလီ ဆိုတဲ့ အိမ်ခြေရာမဲ့ အမေရိကန် သူခိုးကောင်လေးဟာ တစ်ရက်မှာ တရုတ်မင်းဆက် တစ်ခုရဲ့ ဆန်ချွင်ဒီ တိုင်းပြည်ကို မှော်ဂိတ်ပေါက်ကနေ ရောက်သွားရာကနေ အဲဒီတိုင်းပြည်ရဲ့ သူရဲကောင်းတစ်ယောက် ဖြစ်လာပုံကို ဒီဇာတ်ကားထဲမှာ အရောင်စုံစုံနဲ့ ကြည့်ရှုခွင့်ရမှာ ဖြစ်ပါတယ်။ ဒီဇာတ်ကားက ၈၀ ခုနှစ် နှောင်းပိုင်းတွေတုန်းက တရုတ်ပြည် တောင်ပိုင်းမှာ ရှေးဟောင်း မျက်နှာဖုံးတွေ ရှာတွေ့ထားတဲ့ ဖြစ်ရပ်မှန်ကို အခြေတည်ပြီး စိတ်ကူးယဉ် ရိုက်ကူးထားတဲ့ ဇာတ်ကားတစ်ကားလည်း ဖြစ်ပါတယ်။

စကူဘီဒူး - မမ်မီရှာတော်ပုံ (၂၀၀၅) အီဂျစ်က ပြန်လည်ထူထောင်ရေးစခန်းမှာ မထင်မှတ်ထားဘဲ ဘုရင်မ ကလီယိုပတ်ထရာ ရဲ့ ရှေးဟောင်းလိုဏ်ဂူကို တစ်နေ့မှာ ရှာဖွေတွေ့ရှိခဲ့ကြပါတယ်။ ထူးဆန်းထွေလာဖြေရှင်းကြတဲ့ စကူဘီ တို့ဟာလည်း အခင်းဖြစ်ရာနေရာကို တစ်လက်စတည်း ရောက်ရှိသွားကြပါတော့တယ်။ ကျိန်စာတွေ အထပ်ထပ် ခတ်ပြီး ထောင်ချောက်တွေနဲ့ စနစ်တကျ စီမံထားတဲ့ မသေမျိုး မံမီ စစ်သည်တွေရှိနေတဲ့ ဂူထဲမှာ ဘယ်လို ဖြစ်ရပ်ဆန်းတွေ ဖြစ်နေတာလဲ၊ အဲဒီ ဖြစ်ရပ်ဆန်းတွေကို စကူဘီ တို့အုပ်စု ဘယ်လို ဖြေရှင်းသွားကြမလဲ ဆိုတာကို သမိုင်းကြောင်းတွေ၊ ဒဏ္ဍာရီတွေနဲ့ စပ်လျဉ်းပြီး စိတ်ဝင်စားဖွယ် ကြည့်ရှုရမဲ့ movie တစ်ခုပဲ ဖြစ်ပါတယ်။

ဝေဟင်ထက်က ချစ်မေတ္တာ (၂၀၂၀) (၃) ပွင့်ဆိုင်အချစ်ဇာတ်လမ်း ဆိုတာမျိုး တော်တော်များများ ကြားဖူးကြမှာပါ။ မီအို, အာရာတာ နဲ့ မာဒိုကာ တို့ သူငယ်ချင်း (၃) ဦးမှာ အာရာတာ ကို ၂ ယောက်လုံးက ကြိတ်ကြွေနေကြပါတယ်။ မင်းသမီး မီအို ကတော့ အရာရာကို လွယ်လွယ်နဲ့ အရှုံးပေးတတ်တယ်။ မီအို နဲ့ အာရာတာ ကတော့ ငယ်သူငယ်ချင်းတွေမို့ ပိုရင်းနှီးကြတယ်။ ဒါကို မခံနိုင်တဲ့ မာဒိုကာ က တစ်နေ့မှာ မီအို ကို သူ အာရာတာ ကို စိတ်ဝင်စားနေကြောင်း ဖွင့်ဟလာတဲ့အခါ မီအို က အားပေး အားမြှောက်လုပ်လိုက်ပါသေးတယ်။ တစ်နေ့ မီအို နဲ့ အာရာတာ တို့ လျှောက်လည်ရင်း စကားများကြတယ်၊ စကားလွန်မိတယ်။ ဒါကို ပြန်တောင်းပန်ဖို့ မီအို ခမျာ အပြေးသွားတဲ့ လမ်းမှာတင် accident တစ်ခုကို ကြုံလိုက်ရပြီး ဝိဉာဉ် လွင့်သွားပါတော့တယ်။ သူ့ခံစားချက် အစစ်အမှန်တွေကို မပြောလိုက်ရတာမို့ မီအို ကတော့ ဘဝမကူးဘဲ ကြားကမ္ဘာမှာတင် လူ့လောကကို ပြန်သွားနိုင်ဖို့ အစွမ်းကုန် ကြိုးစားရပါတော့တယ်။ အဆုံးမှာ သူ လူ့လောကကို ပြန်သွားနိုင်ပါ့မလား၊ အာရာတာ ဘက်ကရော ဘယ်လို သဘောထားလဲ၊ ဘယ်လို အခက်အခဲတွေ ကြုံရမလဲ ဆိုတာကို ငြိမ့်ငြိမ့်လေး ကြည့်ရှုရမယ့် Anime ကားကောင်းလေး တစ်ခု ဖြစ်ပါကြောင်း ညွှန်းဆိုလိုက်ပါရစေ။

လိပ်ကလေး ဆမ်မီရဲ့ စွန့်စားခန်း (၂၀၁၀) လူတွေရဲ့ ကျူးကျော်မှုတွေ၊ တစ်ကိုယ်ကောင်းဆန်မှုတွေကြောင့် တိရစ္ဆာန်လေးတွေရဲ့ ပိုင်နက်မြေက တစ်နေ့ထက်တစ်နေ့ကျဉ်းမြောင်းလာပါတယ်။ အဲဒီလိုပဲ စက်ရုံတွေတည်ဆောက်တာ၊ အမှိုက်တွေ စွန့်ပစ်တာကြောင့် Global warming ဖြစ်လာပြီး ကုန်းနေ၊ ရေနေတိရစ္ဆာန်လေးတွေရဲ့ဘဝကို ထိခိုက်နေပြန်ပါတယ်။ အဲဒီလိုနဲ့ နောက်ပိုင်းမှာ လူသားတွေက ကိုယ့်လုပ်ရပ်ကိုယ် သိရှိလာပြီး ပြုပြင်ထိန်းသိမ်းမှုတွေလုပ်တာလည်း ရှိလာပါတယ်။ “လူသားတွေက ထူးဆန်းတယ်။ တချိုက ရှင်းလင်းသုတ်သင်နေချိန်မှာ တချိုကတော့ အမှိုက်ဖွနေတုန်းပဲ”တဲ့။ ဘယ်လိုပဲဆိုပါစေ လူသားနဲ့တိရစ္ဆာန် အတူယှဉ်တွဲနေထိုင်ရတဲ့လောကကြီးမှာ အချင်းချင်း ကိုင်းကျွန်းမှီ ကျွန်းကိုင်းမှီပါပဲ။ ဒီကားလေးမှာတော့ ပင်လယ်လိပ်ကလေးတစ်ကောင် ဥကနေ အကောင်ပေါက်တဲ့အချိန်ကစလို့ လောကဓံတရားတွေကို ရင်ဆိုင်ရတာတွေ၊ သူငယ်ချင်း ချစ်မေတ္တာအပြင် ဘဝရဲ့အဓိပ္ပာယ်ကို ဘယ်လိုရှာဖွေတွေ့ရှိမလဲဆိုတာ ကြည့်ရှုရမှာ ဖြစ်ပါတယ်။

Wist-oria: Wa-nd and Sw-ord Genres: Action, Adventure, Fantasy 🎭 Mc ဖြစ်တဲ့ Will Serfort ဆိုတဲ့ ကောင်လေးဟာ သူ့ရဲ့ငယ်သူငယ်ချင်းကို မှော်ဆရာ မျှော်စင်အထက်မှာထိုင်နိုင်တဲ့ မှော်စွမ်းအားရှင်ဖြစ်ရမယ်ဆိုပြီး ကတိလေးပေးခဲ့ပါတယ်။ သို့ပေသည့် သူဟာ အရိုးရှင်းဆုံးဖြစ်တဲ့ မန္တာန်တွေကိုတောင် အသုံးချနိုင်စွမ်းမရှိပါဘူးတဲ့ဗျာ၊ တွေးကြည့်ရင် မန္တာန်တွေကိုတောင် မသုံးနိုင်မှတော့ သူရဲ့ကတိဟာလည်း တွေးလျက်နဲ့တင်ဝေးခဲ့ရပါပြီ။ ဒါပေမဲ့လည်း ဇွဲတစ်ခုကိုနှလုံးမူပြီး မန္တာန်မထုတ်လွတ်နိုင်တဲ့အခါ MCဟာ ဓားရေးကို ပိုအားစိုက်လေ့ကျင့်ပါတော့တယ်။ သားရဲတွေကိုတိုက်ခိုက်ရင်း မှော်အကယ်ဒမီက အသုံးပြုရမှတ်​​တွေစုဆောင်းရင်း သူ့ကိုအနိုင်ကျင့်ခဲ့တဲ့ ပရော်ဖက်ဆာကို ဆန့်ကျင်တိုက်ခိုက်ရင်း သူ့ရဲ့ ဓားရေးကို အစွမ်းထက်သထက် ထက်လာအောင် ပြုလုပ်သွားတာကို ကြည့်ရှုကြရမှာပါ. t.me/+ZvJXOk56wOIwN2I9

စွမ်းအားကို မထိန်းနိုင်တဲ့ သူတော်စင်မလေး (၂၀၂၆) Genres - Fantasy, Romance မြို့စားရဲ့သမီးတော် Carolina ဟာ ထူးချွန်ထက်မြက်လှတဲ့ မောင်နှမတွေကြားထဲမှာ သူ့ကိုယ်သူ ဘာမှ သုံးစားမရတဲ့ လူလို အမြဲတွေးနေသူပါ။ သူ့အဖေက နာမည်ကြီး ဝန်ကြီးချုပ်ဖြစ်ပြီး သူ့အစ်မကလည်း နိုင်ငံရဲ့ နောက်ထပ် သူတော်စင်ဖြစ်လာမယ့် ထူးချွန်တဲ့သူတစ်ယောက်ပါ။ အဲဒီလို လူတွေကြားထဲမှာ Carolina ကတော့ ဘာမှမထူးခြားဘဲ သူတို့ရဲ့ အရိပ်အောက်မှာပဲ ငြိမ်ငြိမ်လေး နေသွားမယ်ဆိုပြီး လက်လျှော့ထားခဲ့ပါတယ်။ ဒါပေမဲ့ မထင်မှတ်ထားတဲ့ ဘုရင့်အမိန့်တော်တစ်ခုကြောင့် သူ့ကံကြမ္မာက ရုတ်တရက် ပြောင်းလဲသွားခဲ့ပါတယ်။ အဲဒါကတော့ အိမ်နီးနားချင်း Malcosias အင်ပါယာက “သွေးဆာနေတဲ့ မင်းသား” လို့ နာမည်ကြီးသူနဲ့ နိုင်ငံရေးအရ လက်ထပ်ရမယ့် ကိစ္စပါ။ ဒီလိုနဲ့ Carolina က သူ့ရဲ့တန်ဖိုးကို သက်သေပြဖို့ စိတ်ပိုင်းဖြတ်ပြီး နိုင်ငံရေး လှည့်ကွက်တွေနဲ့ အန္တရာယ်တွေ ပြည့်နှက်နေတဲ့ ကမ္ဘာသစ်ထဲကို သတ္တိရှိရှိ ခြေလှမ်းလှမ်းဖို့ လုပ်တဲ့အခါ… t.me/+k0FfP9yWqMQ0MjZl

Level 999 ရွာသား (2026) Genres - Fantasy ယခင်က “ဂျပန်” လို့ လူသိများခဲ့တဲ့ ကျွန်းနိုင်ငံလေး Hexaldoria… ဒီမြေမှာ မွန်းစတားတွေဆိုတာ အစကတည်းက ရှိနေခဲ့တာတော့ မဟုတ်ပါဘူး။ ဒါပေမဲ့ တစ်နေ့မှာ မွန်းစတားတွေ စတင်ပေါ်ပေါက်လာပြီးနောက် ယခုဆိုရင် တစ်ကမ္ဘာလုံးရဲ့ မြေပြင် ရှစ်ဆယ်ရာခိုင်နှုန်းဟာ လူသားတွေ နေထိုင်ဖို့အတွက် အလွန်တရာ အန္တရာယ်များတဲ့ ငရဲဘုံတစ်ခု ဖြစ်သွားခဲ့ပါပြီ။ ဒီလို မွန်းစတားတွေ ကျူးကျော်လာချိန်မှာပဲ ကမ္ဘာကြီးဟာ လူသားတွေကို မွေးရာပါ Class တွေ သတ်မှတ်ပေးပြီး ကာကွယ်ခိုင်းခဲ့ပါတယ်။ အဓိက တိုက်ခိုက်ရေး Class (၇) မျိုးကတော့ တိုက်ခိုက်ရေးသမား၊ မုဆိုး၊ ဓမ္မဆရာ၊ စစ်သည်တော်၊ မှော်ဆရာ၊ ကုန်သည် နဲ့ သူခိုးတို့ဖြစ်ပြီး အဲဒါအပြင် ထူးခြားတဲ့ Class (၃) မျိုးဖြစ်တဲ့ ဘုရင်၊ ပညာရှိ နဲ့ သူရဲကောင်းတို့လည်း ရှိနေပါတယ်။ ဒီအတန်းအစားအားလုံးထဲမှာမှ အညံ့ဆုံး၊ အားအနည်းဆုံးလို့ အားလုံးက သတ်မှတ်ထားကြတဲ့ အမျိုးအစားကတော့ “ရွာသား” ပါပဲ။ ဒါပေမဲ့ အဲဒီအညံ့ဆုံးလို့ အထင်ခံရတဲ့ ရွာသားလေး Kouji Kagami ဟာ လူသားတွေထဲမှာ ဘယ်သူမှ မရောက်ဖူးသေးတဲ့ အမြင့်ဆုံးအဆင့် “LEVEL 999” ကို ရရှိသွားခဲ့တဲ့အခါမှာတော့… t.me/+LJ7HikqiUK83ODc1

တခြားကမ္ဘာရောက် နာဇီဂျပုမ Season 1 (မြန်မာစာတန်းထိုး) Genres - Isekai, Magic ခေတ်သစ်ဂျပန်နိုင်ငံက ကိုယ့်ကိုယ်ကိုပဲ ဗဟိုပြုတဲ့ သွေးအေးရက်စက်တဲ့ ကုမ္ပဏီအရာရှိတစ်ယောက်ဟာ ဘုရား (သိုမဟုတ်) Being X ကို စိန်ခေါ်မိလို့ ၁၉၀၀ ပြည့်နှစ်ဝန်းကျင် ဥရောပစစ်ပွဲကာလနဲ့ ဆင်တူတဲ့ အခြားကမ္ဘာတစ်ခုမှာ Tanya Degurechaff ဆိုတဲ့ ကောင်မလေးအဖြစ် ပြန်လည်မွေးဖွားလာခဲ့ပါတယ်။ သူဟာ အဲဒီကမ္ဘာမှာ အသက်ရှင်ဖိုအတွက် စစ်တပ်ထဲဝင်ပြီး သူ့ရဲ့ စွမ်းအားနဲ့ ဗျူဟာတွေကို အသုံးချကာ ရာထူးတက်ဖို ကြိုးစားပုံကို ရိုက်ကူးထားတာပါ။ t.me/+o4swRp9MTL03NDg1

ဒိုင်နိုဆော ဒိုင်ယာရီ (၂၀၂၄) အသစ်စက်စက် ဆောက်လုပ်ထားတဲ့ အပန်းဖြေပန်းခြံတစ်ခုမှ ဒိုင်နိုဆောအစစ်တွေကိုပါ ပြသထားပါတယ်။ ဒီပရောဂျက်ကို အိုဒိုရိုကီ ကဦးဆောင်ကာ တိုကျိုမြို့လယ်မှာ ဖွင့်လှစ်ထားတာပါ။ ဒီပန်းခြံကို လာရောက်လည်ပတ်ဖို့ စစဖွင့်ခြင်းမှာတင် ၂ နှစ်စာ ဘိုကင်တွေ ပြည့်သွားလောက်အောင် လူအများရဲ့ အာရုံစိုက်ခြင်းခံထားရပါတယ်။ ရှင်းချမ်း ကတော့ သူ့ရဲ့ငါးနှစ်သားအရွယ် နွေရာသီကို ကမ်းခြေမသွားရဘဲ အိမ်မှာပဲ သောင်တင်ဖြတ်သန်းနေရပါတယ်။ ဒီလိုနဲ့ တစ်နေ့မှာ သူနဲ့သူ့သူငယ်ချင်းတွေ ဒိုင်နိုဆောပန်းခြံကို လည်ပတ်ခွင့်ရပြီး ဂိုက်ဖြစ်သူ အန်ဂျဲလာ-ချမ်း နဲ့ဆုံခဲ့ကြတယ်။ အိမ်ပြန်ရောက်ပြီးနောက်နေ့မှာ ရှင်းချမ်း နဲ့ သူ့ခွေးလေး ရှီရို ဟာ ဒိုင်နိုဆောကလေးလေးတစ်ကောင်နဲ့ အမှတ်မထင်တွေ့ပြီး အိမ်ကို ခေါ်မွေးစားလိုက်ပါတယ်။ ဒီ ဒိုင်နိုဆောလေးကို ပြန်ခေါ်ဖို့ အိုဒိုရိုကီ ဘက်ကအသည်းအသန် ကြိုးစားပါတော့တယ်။ ဒိုင်နို‌ဆောပန်းခြံရဲ့ လျှို့ဝှက်ချက်က ဘာလဲ၊ ဒီ ဒိုင်နိုဆောကလေးလေးကို ရော အသည်းအသန် ပြန်လိုချင်နေတာ ဘာကြောင့်လဲ၊ ရှင်းချမ်း တို့က ရော ဒီကလေးလေးကို ကာကွယ်နိုင်မလားဆိုတာ စောင့်ကြည့်ရမှာပါ။

ခေတ်သစ်တစ်ခု စတင်ခြင်း (၂၀၂၄) ပြေးလွှားဖို့ အတွက် ကံကြမ္မာနဲ့ မွေးဖွားလာကြတဲ့ မြင်းကောင်မလေးတွေက ဘာပဲလုပ်လုပ် မပြေးဘဲနဲ့ မနေနိုင်ကြပါဘူး။ ဂျန်ဂယ်ပေါ့ကတ် လို့ခေါ်တဲ့ကောင်မလေးက တစ်ရက်မှာ သူငယ်ချင်းတွေနဲ့အတူ အပြေးပြိုင်ပွဲကို လာကြည့်ရင်း ဖူဂျိ ခိဆဲခိ ဆိုတဲ့ အပြေးသမားနိုင်သွားတာကို မြင်သွားတဲ့အခါ သူလည်း အဲဒီလိုမျိုး ပြေးချင်တယ်၊ အမြန်ဆုံး မြင်းကောင်မလေးဖြစ်ချင်တယ်လို့ဆုံးဖြတ်ချက်ချခဲ့ပါတော့တယ်။ ဒီလိုနဲ့ ဂျန်ဂယ် က ဖူဂျိ ရဲ့ နည်းပြဖြစ်တဲ့ နာဘဲ လက်အောက်မှာ လေ့ကျင့်ဖို့ ဖြစ်လာပါတယ်။ ဖူဂျိ ကလည်း အကြောင်းတစ်ခုကြောင့် အပြေးသမားအဖြစ် ကနှုတ်ထွက်ခဲ့ရပြီး ဂျန်ဂယ် ကို အတူတူစောင့်ရှောက်ပေးဖြစ်ခဲ့ပါတယ်။ ဂျန်ဂယ် တစ်ယောက် ဘယ်လိုမျိုး ပြိုင်ဘက်တွေနဲ့ တွေ့ဆုံရမလဲ၊ ဖူဂျိ ကရော ဘာအကြောင်းတွေကြောင့် အနားယူခဲ့တာလဲ၊ ပြန်ပြီးရော ပြေးဖို့ ဖြစ်နိုင်ပါ့မလား ဆိုတာကို စိတ်ဝင်စားဖွယ် ကြည့်ရှုရမှာပါ။

စိတ်ကူးယဉ်ကမ္ဘာလေး (၂၀၂၄) ဆယ်နှစ်ပြည့်အထိမ်းအမှတ်အနေနဲ့ ကောင်မလေးငါးယောက်နဲ့ ဖွဲ့ထားတဲ့ အိုင်ရစ်စ် ဆိုတဲ့ Idol အဖွဲ့က Concert ကြီးတစ်ခုမှာ ဖျော်ဖြေဖို့ တက်ကြွနေကြတဲ့ကောင်မလေးတွေပါ။ သူတို့ စင်ပေါ်မတက်ခင် နားနေခန်းမှာ စောင့်နေတဲ့အချိန် ဝန်ထမ်းတစ်ယောက်က အဝတ်အစားထုပ်တစ်ထုပ်ချခဲ့တော့ အိုင်ရစ်စ် အဖွဲ့ခေါင်းဆောင်က အဲဒီ T-shirt ကို ဝတ်ကြည့်တဲ့အချိန် ရှဉ့်ပုံ Sticker လေးပါနေတာ သတိထားမိခဲ့တယ်။ အဲဒီနောက်မှာတော့ Shirt အပေါ် Coffee မှောက်သွားပြီး ရှဉ့်ကလေးက အသက်ဝင်လာတယ်။ အစောပိုင်းမှာ အမြင်မှားတယ်ထင်ကြပေမဲ့ခဏနေတော့ အားလုံး အမှုန်လေးလို ပျောက်ကွယ်သွားပြီး ရှဉ့်ကလေးနေတဲ့ ကမ္ဘာထဲရောက်သွားကြရော။ ရှဉ့်ကလေးကမ္ဘာက Imaginary World တစ်ခုလို ဖြစ်နေပြီး အဲဒီကမ္ဘာမှာ ကိုယ်ဖြစ်ချင်တာဖြစ်နိုင်တဲ့ အစွမ်းရှိပါတယ်။ အစပိုင်းမှာ အိုင်ရစ်စ် တို့လဲ ပျော်နေကြပြီး နောက်မှ သိလိုက်ရတဲ့ အမှန်တရားက အဲဒီကမ္ဘာမှာ သီချင်းတွေ ပျောက်ကွယ်နေတာပါတဲ့။ သီချင်းတွေကို ပြန်ခေါ်ဆောင်နိုင်ဖို့ အိုင်ရစ်စ် တို့အဖွဲ့နဲ့ ရှဉ့်ကလေးနဲ့အတူ ကြိုးပမ်းကြရမှာပါ။ ပေါ့ပေါ့ပါးပါးနဲ့ Light ဖြစ်တဲ့ Plot မျိုးစိတ်ဝင်စားရင် ညီလေးညီမလေးတွေနဲ့အတူ ကြည့်သင့်တဲ့ ကားကောင်းလေးတစ်ကား မလို့ ညွှန်းလိုက်ပါတယ်ရှင်။

တောတွင်းသားလေး မောဂလိ ၂ (၂၀၀၃) အပိုင်း ၁ မှာတော့ တောတွင်းသားလေး မောဂလိ ဟာ ဝက်ဝံကြီး ဘလူး၊ကျားသစ်နက် ဘက်ဂျီရာ တို့နဲ့အတူ လူသားတွေနေတဲ့ ရွာနားရောက်သွားပြီး မြစ်ထဲမှာ ရေခပ်နေတဲ့ ရှန်တီ ဆိုတဲ့ ကောင်မလေးနောက်ကို လိုက်သွားရင်းအဆုံးသတ်သွားခဲ့ပါတယ်။ အခုအပိုင်း ၂ မှာတော့ မွေးကင်းစကတည်းက တောတွင်းမှာပဲ ကျင်လည်လာခဲ့တဲ့ မောဂလိ တယောက် လူတွေကြားထဲမှာ စည်းကမ်း၊ အလုပ်တွေနဲ့ နေရတဲ့ ဘဝကို ငြီးငွေ့လို့လာနေပါတယ်။ ဒီလို ညတညမှာ မောဂလိ ကို လက်စားချေချင်နေတဲ့ ရန်သူတော်ဟောင်း ကျားကြီး ရှီယာခန်း နဲ့ မောဂလိ ကို သူ့ရဲ့ သားအရင်းလိုချစ်ရှာတဲ့ ဝက်ဝံကြီး ဘလူး တို့က မောဂလိ တို့နေတဲ့ ရွာထဲကို ရောက်လာခဲ့ကြပါတယ်။ ရွာထဲကို ကျားဝင်လာလို့ ရှုပ်ရှုပ်ယှက်ယှက်တွေ ဖြစ်နေချိန် မောဂလိ လည်း ဘလူး နဲ့အတူ တောထဲ ပြန်ပါသွားခဲ့ပြီး မောဂလိ တယောက် တောအုပ်ထဲ နေရတဲ့ လွတ်လပ်တဲ့ ဘဝကို ရွေးချယ်မလား၊ သူနဲ့ မျိုးနွယ်တူလူသားတွေရှိတဲ့ လူသားရွာကိုပဲ ရွေးချယ်မလားဆိုတာကို ရှီယာခန်း လက်က လွတ်အောင် ကြိုးစားတဲ့ စွန့်စားခန်းတွေနဲ့အတူ ကြည့်ရှုလိုက်ကြပါဦး။

တောတွင်းသားလေး မောဂလိ (၁၉၆၇) ကျွန်တော်တို့ ငယ်ငယ်တုန်းက ကြည့်ခဲ့ဖူးတဲ့ ကာတွန်းကားလေး ပြန်တင်ချင်ပါတယ်။ တောတွင်းသားလေးတစ်ယောက်အကြောင်းပါ၊ ကာတွန်းမတင်ရတာကြာလို့ အပျင်းပြေ ပြန်ကြည့်ရအောင်။ မြန်မာပြည်မှာလည်း ကာတွန်းစာအုပ် ထွက်တဲ့အထိ အောင်မြင်ခဲ့တာကြောင့် ပရိသတ် တော်တော်များများနဲ့လည်း ရင်းနှီးပြီးသား ဖြစ်မှာပါ။

လူရိုင်းရွာလေးက ဘတ်မန်း (၂၀၂၅) အားလုံးစောင့်မျှော်နေကြတဲ့ ဒီဇာတ်ကားကို ကြည့်ကြည့်လိုက်ပါဦး ဘတ်မန်း ကို မက္ကဆီကို ရဲ့ အက်ဇတ်ခ် ခေတ်ထဲ ထည့်ပြီး ဖန်တီးထားတာ၊ တကယ့် ဆန်းသစ်တဲ့ အန်နီမေးရှင်းပဲ ။ Yohualli Coatl ဆိုတဲ့ အက်ဇတ်ခ် လူငယ်လေးတစ်ယောက်၊ စပိန်ကွန်ကွစ္စတေးဒါးတွေ ရောက်လာပြီး သူ့အဖေကို သတ်၊ အိမ်ကို မီးရှို့ပစ်လိုက်တာကြောင့် အသက်ရှင်ဖို့ ထွက်ပြေးရင်း Tenochtitlan မြို့ထဲက ဘုရားကျောင်းတစ်ခုမှာ ပုန်းနေရတယ် ။ အဲဒီမှာ လျှို့ဝှက်စစ်သည်လို လေ့ကျင့်ပြီး ဘတ်မန်း လို မျက်နှာဖုံးတပ်၊ လက်နက်တွေနဲ့ ပြန်ပေါ်လာတယ် ။ သူ့ရည်ရွယ်ချက်က စပိန်တွေကို လက်စားချေဖို့ပဲ၊ ဒါပေမယ့် သူ့ရဲ့ အကြံအစည်တွေကို ဘယ်သူမှ မသိအောင် ဖုံးထားတာ ဉာဏ်ကောင်းလွန်းတယ် ။ ဇာတ်ကောင်တွေကလည်း တကယ့်မိုက်တာမို့ ဆက်လက်ကြည့်လိုက်ပါဦး ❤️ ချန်နယ်ဝင်ထားမှ ကြည့်လို့ရပါမယ်နော် ချန်နယ်လင့် ➡️ t.me/+eZKOlThxxCVhNjg1 ဇာတ်ကားလင့် ➡️ t.me/c/2567751525/463

ခြင်္သေ့တစ်ပိုင်း နတ်ဆိုးကြီး (၂၀၂၅) အိန္ဒိယရဲ့ ဝင်ငွေအမြင့်ဆုံးလို့ဆိုတဲ့ ဒဏ္ဍာရီလာ Animated ရုပ်ရှင်ကားကြီးကတော့ ထွက်ရှိလာခဲ့ပါပြီ ။ အရှင်ဗစ်ရှ်နူး ရဲ့ စတုတ္ထမြောက်အဝတာရ နာရသိင်္ဟ လို့ခေါ်တဲ့ ခြင်္သေ့တပိုင်း လူသားရဲ့ နတ်ဆိုးတို့ ဘုရင် ဟိရဏ်ယကသိပု ကို အောင်နိုင်တော်မူခန်းလို့ ဆိုရမဲ့ ဟိန္ဒူဘာသာရေး ဇာတ်ပေါ့ ။ ညလည်းမဟုတ်၊ နေ့လည်းမဟုတ်၊ အိမ်တွင်းလည်းမဟုတ်၊ အိမ်ပြင်လည်းမဟုတ်၊ မြေပေါ်မှာလည်းမဟုတ်၊ ကောင်းကင်မှာလည်းမဟုတ်၊ လက်နက်ဆိုတဲ့ အရာတွေနဲ့လည်းမဟုတ်ဘဲ သုတ်သင်ရှင်းလင်းခဲ့တဲ့ အရှင်ဗစ်ရှ်နူး ရဲ့ အောင်နိုင်တော်မူခန်းကို အိန္ဒိယပရိသတ်တချို့တော့ တွေ့ဖူး ကြားဖူးကြမှာပါ ။ သူတော်စင်ကြီး တားမြစ်တဲ့ကြားက မရမက ကလေးယူဖို့ ကြိုးစားခဲ့ပြီး မွေးဖွားလာချိန်မှာတော့ နတ်ဆိုးညီနောင် နှစ်ပါး ဖြစ်နေခဲ့တယ် ။ လောကသုံးပါးကို အုပ်စိုးပြီး သက်ရှိတိုင်းဆီက အရာရာတိုင်းကို လုယူ ဖျက်ဆီးဖို့ ကြိုးစားကြတဲ့ ဒီညီနောင် နှစ်ပါးကို အရှင်ဗစ်ရှ်နူး ရဲ့ စတုတ္ထမြောက်အဝတာရဖြစ်တဲ့ ခြင်္သေ့တပိုင်း လူသားက ဘယ်လို သုတ်သင်ရှင်းလင်းမလဲ ဆိုတာကို ခံစားကြည့်ရှုကြပါဦး ။