Hebib Müntezir

Azərbaycan Ordusunun topoqrafiya ixtisaslı zabiti polkovnik-leytenant, Kürdəmir sakini, 1978-ci il təvəllüd Ağayev Vüqar Şümşad oğlunun Laçın rayonu istiqamətində döyüş tapşırıqları üzrə vəzifələrini yerinə yetirərkən məlum olmayan səbəbdən (qeyri-rəsmi diaqnoz: ürəktutma) həyatını itirərək şəhid olduğu deyilir. Məlumat rəsmi olaraq da təsdiqlənib.

AZTV İlham Əliyevlə Nikol Paşinyanın Münxendə debatını tərcüməli şəkildə göstərirdi. Paşinyan elə ki, başladı "bizdə azad seçkilər keçirilib, bizdə demokratiya var, problemin həll yolu demokratiya və şəffaflıqdır" söhbətlərinə gəldi, AZTV yayımı və tərcüməni dayandırdı. 🤦🏻‍♂️

Əliyev Münxendə Paşinyanla görüşüb, əsasən sülh müqaviləsindən danışıblar. Əliyev bildirib ki, Ermənistanın son mövqeyində tərəqqi olsa da, kifayət deyil və Qarabağ haqda hansısa müddəanın olması qəbuledilməzdir. Deyib həm Laçın, həm Zəngəzur dəhlizində Azərbaycanın nəzarət buraxılış məntəqələri olmalıdır. Ermənistandan bu haqda rəsmi cavab gözlənilir.

Siyasi-ictimai fəal Bəxtiyar Hacıyev aclığının 40-cı günündə, ölüm aclığının isə 2-ci günündədir. Bəxtiyar son olaraq vəkilinə bunları deyib: “Su içməyəcəm. Belə də davam edəcəm. Buradan ölü də olsa, çıxacam. Bütün məsuliyyət dövlət başçısı İlham Əliyevin üzərindədir”. Bəxtiyar şərlənib, hüquqları pozulub, onu dərhal azad etmək lazımdır.

Bu gün Qazax icrabaşı Rəcəb Babaşov Orta Salahlı kəndində yaşayan Axısqa türkləri ilə görüşüb və Türkiyədə baş vermiş faciə ilə bağlı onlara başsağlığı verib. Rəcəb Babaşov elə bilib ki, Axısqa türkləri Türkiyədən gəliblər. Bu barədə icra hakimiyyətinin saytına məqalə də yerləşdirilib. Sosial mediadakı tənqidlərə görə, məqalə sonradan rəsmi saytdan yığışdırılıb.

Yəqin ki, bilirsiz də, dünəndən etibarən kiçik ölçülü polietilen torbalar (klyoklar) 3 qəpiyə, böyük ölçülülər isə 5 qəpiyə satılır. Rəsmi statistikaları əsas götürərək, bir ay ərzində təxminən 100 milyon polietilen torbadan istifadə edilsə, bu 1 milyon manatdan çox vəsait deməkdir. "YeniAvaz"ın araşdırmasına görə Azərbaycanda polietilen istehsalı ilə yalnız “SOCAR Polymer” şirkəti məşğul olur. Şirkət Sumqayıt Kimya Sənaye Parkının ərazisində yerləşən Yüksək Sıxlıqlı Polietilen zavodunda istehsalla məşğuldur. Şirkətin əsas səhmdarları arasında SOCAR ilə yanaşı birinci ailəyə məxsus “Paşa Holdinq” də yer alır. Allah gözünüzü doyursun, 3-5 qəpiklik torbaların satışından da milyonları bunlar qazanırlar.

Malatyada dağıntılar altında qalaraq həlak olan 4 gəncin tələbə yoldaşı İbrahim İbrahimov yazır ki, tətil idi. 3 həftə əvvəl, 2 dostumla Bakıya qayıtmışdıq. Quru sərhədlərin bağlı olması və "AZAL"ın dodaq uçurdan qiymətləri, o 4 uşağın tətildə öz doğma ölkələrinə gəlməyinə əngəl olub.

Hələ də paylaşıldığı üçün yazım ki, Türkiyədə zəlzələ bölgəsində erməni xilasedicilərinin oğurluqla məşğul olması xəbəri yalandır. Xəbəri ilk "Milli AZ" adlı xəbər portalı hazırlayıb, yayıb və hələ də silməyib. Saytın baş redaktoru, bir çoxunuzun tanııdğı Elçin Alıoğludur. Əsl hökumətin istədiyi reyestr mediası bax belə olur, əzizlərim. #icazəlimediaistəmirik

Dünən tanınmış rejissor, dublyaj aktyoru Kamal Yaşar xüsusi istedadı ilə, sosial şəbəkə vasitəsiylə İlham Əliyevə müraciət ünvanlamışdı. O, uzun müddətdir həm səs sənətçisi, həm rejissor kimi çalışmaqlarına baxmayaraq onlara diqqət ayrılmaması, ciddi maddi sıxıntlar yaşadıqlarını bildirmişdi. Bu gün müəllifi və aparıcısı olduğu veriliş dayandırıldı. Bu məhz bu gün, milli televiziyanın yarandığı tarixdə baş verdi.

Təəssüf ki, Malatyada Azərbaycandan olan 4 tələbənin də cansız bədəni dağıntılar altından çıxarıldığı deyilir. Rəsmi məlumata görə, zəlzələ nəticəsində ölənlərin ümumi sayı 35.418 nəfərə çatıb. Yaralıların sayı isə 105.505 nəfər olub.

Məktəblərdə müəllimlərin, xəstəxanalarda həkimlərin, bir çox rəsmi qurumlarındakı dövlət qulluqçularının maaşlarından "Türkiyədəki zəlzələdən zərər çəkənlərə yardım" adı ilə, güya könüllü olaraq müxtəlif faizlərdə pulların tutulduğu, yığdıqları deyilir. Hətta bəzi ticarət obyektləri və kiçik sahibkarları da buna görə incidirlər. Bu barədə heç bir rəsmi qərar olmamasına rəğmən, vətəndaşlardan bu formada pul yığılması qanunsuzdur. Nazirlər, iri çaplı məmurların belə ürəkləri yanırsa villalarını, saysız-hesabsız mülklərini satışa çıxarıb, yardım etsinlər. Bu şəkildə insanların hislərindən istifadə edib, cibinə girmək ayıbdır. Heç hələ bilinmir ki, bu icbari şəkildə yığılan vəsaitlər gedib ünvanına çatacaq ya yox, müəmmalıdır.

Zəlzələdə ən çox itki verən Hatay vilayəti olsa da, Hatayın Erzin adlı kəndində bircə nəfər ölü, yaralı olmayıb. Hətta bircə bina belə dağılmayıb. Səbəb isə bələdiyyə sədrinin iddiasına görə, 50 minlik əhalisi olan kənddə heç bir qaçaq yaxud qanunsuz tikintiyə və inşaata izin verilməməsidir. Hazırda Erzində həyat olduğu kimi davam edir, heç bir mağaza, dükan da qapadılmayıb. Təxmin edin bələdiyyə sədri hansı partiyanın üzvüdür? Əlbəttə ki, CHP.

Antakyada zəlzələ nəticəsində yerlə-yeksan olan 250 mənzildən ibarət və 1000 nəfərə yaxın insanın yaşadığı "Renessans Rezidans"ın sahibi, baş memarı və inşaat mühəndisi Monteneqroya qaçmağa çalışarkən hava limanında polis tərəfindən saxlanılıblar. 10 il əvvəl "Cənnətdən bir hissə" reklamları ilə açılışı edilən yaşayış kompleksinin dağıntıları altından yüzlərlə meyit çıxarılıb və axtarışlar hələ də davam edir.

MAXE hərbçi, Gədəbəyin Qalakənd kənd sakini Hüseynov Savalan Bəxtiyar oğlunun qar uçqununa düşərək həlak olduğu deyilir. Onun nəşi uçqundan çıxarılaraq, ailəsinə təhvil verilib. Müdafiə Nazirliyi hərbçinin xidmət yerini özbaşına tərk edərək qar uçqununa düşdüyünü bildirib.

Ərdoğan açıqlama yayaraq etiraf edib ki, axtarış-xilasetmə işlərini istədikləri sürətdə edə bilməyiblər. Bu arada zəlzələdə ölənlərin sayı 18991 nəfərə çatıb, 75523 nəfər isə yaralanıb.

Bu günə qədər 4 nəfər Azərbaycan Respublikası vətəndaşının vəfatı barədə məlumat mövcuddur: - 1980-ci il təvəllüdlü Bünyatova Nailə Aydın qızı, - 1973-cü il təvəllüdlü Məmmədova (Ökten) Rəna Xudaverdi qızı, - 1975-ci il təvəllüdlü Məmmədova Sevinc Eldar qızı, - 1976-cı il təvəllüdlü Karlı Leyla Vahid qızı.

XİN bildirib ki, indiyə qədər 4 nəfər azərbaycanlı Türkiyədə zəlzələdə həlak olub. Bundan başqa digər 4 azərbaycanlı tələbədən hələ də xəbər yoxdur. Dağıntılar altında qaldıqları ehtimal edilir. Ümumilikdə isə baş vermiş zəlzələdən sonra axtarışda olan 25 nəfər azərbaycanlı var.

Son məlumata görə ölənlərin sayı 14 014 nəfər, yaralıların sayı isə 63 794 nəfərə çatıb. Dağılan bina sayı 6444. Azərbaycandan gedən xilasedicilər sadəcə Kahramanmaraşda 8-i uşaq olmaqla ümumilikdə 37 nəfəri dağıntılar altından xilas ediblər. Axtarışlar davam edir.

Bakı sakinləri tərəfindən zəlzələ qurbanları üçün yığılan yardımlar sayəsində 36-cı TIR da yüklənərək Türkiyəyə yola salınıb. Əsasən daha çox quru yeməklər və pampersə ehtiyac var. Bunun üçün Avropa otelinin yanındakı İdman Kompleksinə, yaxud Əl Oyunları Sarayına gedə bilərsiz.

Türkiyədə “Twitter”in məhdudlaşdırıldığı bildirilir