Hebib Müntezir

Gecə Xocalının (köhnə Əsgəran) Fərrux kəndi istiqamətində atəşkəs ciddi şəkildə pozulub və nəticədə Azərbaycan Ordusunun 4 hərbçisinin yaralandığı deyilir. Həmçinin erməni silahlı birləşmələrinə aid 5 hərbçi də yaralanıb. Hazırda isə vəziyyət stabildir. Azərbaycan hərbçiləri Rusiya SM-nın müşayiəti ilə Qarakolluq yüksəkliyinə gedən yolu qardan təmizləyərək traktorla öz mövqelərini bərkidir və daha da əlverişli edir. Bu arada Şoyqu Zakir Həsənovla telefonla gecə baş verən atışmanı müzakirə ediblər.

Erməni mənbələri keçmiş Əsgəranın, indiki Xocalı rayonunun Fərrux kəndinin bütünlüklə Azərbaycan Silahlı Qüvvələrinin nəzarətinə keçdiyini iddia edirlər. Bildirilir ki, hazırda Rusiya sülhməramlıları danışıqlar yolu ilə irəliləyişi dayandırmağa və onları ilkin mövqelərinə qaytarmağa çalışırlar. Xocalı rayonunun Pirlər kəndinin əhalisinin də təxliyə edildiyi deyilir.

Almaniya dövləti artan enerji qiymətlərindən dolayı vətəndaşları dəstəkləmək üçün birdəfəyə yardım paketini açıqlayıb: - Çalışan şəxslərin hər birinə 300 avro enerji dəstəyi - Sosial yardım alan ailələrə adambaşı 100 avro - Uşaqlara isə hər birinə 100 avro - 3 ay boyunca ictimai nəqliyyatdan istifadə 9 avroya (normalda 80-90 avrodur) endirilir - Əlavə olaraq benzinin 1 litrəsinə 30 sent, mazuta isə 14 sent endirim ediləcək

Ermənistandan Xankəndiyə gedən qaz xətti Azərbaycan ərazisindən keçir. 2 həftə əvvəl qaz xətti partlayıb. Daha sonra təmir olunsa da yenidən ərazidə qaz və işıq sistemində problem var. Ermənistan Azərbaycanı etnik təmizləmədə ittiham edir. Azərbaycan isə rəsmi olaraq bölgədəki silahlı qüvvələrin qalıqlarının çıxarılmasını tələb edir. Paşinyan bu gün çıxış edərək Azərbaycanın müharibəni yenidən qızışdırdığını, Ermənistanın isə sülh istədiyini bildirib.

Azərbaycanlı tələbə, 20 yaşlı Hüseyn Abdullayev Mariupolda Kadirovçuların dəstəsində hələ də girovluqdadır. Moskvada adlı-sanlı azərbaycanlılardan kim var, Kadırovla arası yaxşı olan? O cavan uşaq yazıqdır, ailəsi də pərişan durumdadır. Onun müharibə ilə, savaşla heç bir əlaqəsi yoxdur. Danışıb, sağ-salamat ailəsinə çatdırılmasına vasitəçi olsunlar. Maksimum paylaşaq, kimsə görər bəlkə, mənlə əlaqə saxlasın.

Ukraynanın Mariupol şəhərində girov düşən tələbə Hüseyn Amin oğlu Abdullayevdən xəbər var. Hüseyn Rusiya ordusuna məxsus Çeçen hərbi dəstələrinin əlindədir. Özünün bildirdiyinə görə çox pis vəziyyətdə döyülüb və işgəncələrə məruz qalıb, əlinə avtomat verilərək üzr vidoesu çəkilib. Yəqin yaxın saatlarda yayılacaq.

Ukraynanın Mariupol şəhərində tələbə olan, 2002-ci il təvəllüd, Azərbaycan vətəndaşı Hüseyn Amin oğlu Abdullayev Rusiya ordusunun əsgərləri tərəfindən girov götürülüb. Azərbaycan səfirliyi yoxdur, çıxıb aradan, heç olmasa Azərbaycan hökuməti təcili şəkildə hərəkətə keçməli və öz vətəndaşına sahib çıxaraq onu girovluqdan xilas etməlidir. Maksimum paylaşaq, mümkünsə.

Əvvəl Astaranın, daha sonra Biləsuvarın ümumilikdə 14 il sabiq icra başçısı olmuş, İlham Əliyev tərəfindən "Vətənə xidmətə görə" ordeni almış Mahir Quliyevə 11 il həbs cəzası verildi. O səlahiyyətlərindən sui-istifadə, mənimsəmə və rüşvət alma maddələri ilə ittiham olunurdu.

"Azərbaycanlılar Rusiya sərhəddində meşələrdə gecələyirlər. Azərbaycanlılar Rumıniya-Ukrayna sərhədində yiyəsiz qalıblar. Həmvətənlərimiz Polşa-Ukrayna sərhədində ac-susuz qalıblar". Neçə gündür oxşar başlıqlı videolar, xəbərlər görürük, oxuyuruq. İlham Əliyevin bu ölkələrə təyin etdiyi səfirlər, səfirliklər nə işlə məşğuldur? Niyə hökumət öz vətəndaşlarına həftələrdir, günlərdir sahib çıxmır, onlara kömək etmir? Nə vaxta qədər azərbaycanlıların səfil, yiyəsiz gündə görüntülərini mütəmadi hadisələrdə şahid olacağıq? Niyə oxşar videoları qonşu ölkələrin vətəndaşlarından görmürük? Bu səfirliklərə, dövlətin aidiyyatı qurumlarına dövlət büdcəsindən milyonlarla vəsaitlər ayrılır. Nə zaman bu pullar vətəndaşların ehtiyacına xərclənəcək? Paylaşaq, ictimailəşdirək, aidiyyatı orqanlar təcili hərəkətə keçsin.

Azərbaycanın yeganə ən böyük su mənbəyi olan Kür çayı çox ciddi şəkildə quruyur. Ekspertlər bunun iqlim dəyişikliyi ilə əlaqəsinin olduğunu bildirsələr də, əsasən insan amilinin, yəni yanlış idarəetmədən də qaynaqlandığını dilə gətirirlər. Məsələn, uğursuz və yöndəmsiz aquaparkların tikilməsi, su qaynaqlarının toplanmasında vacib rol oynayan meşələrin məhv edilməsi, sudan istifadədə səmərəsizlik, çay hövzələrinin düzgün idarə edilməməsi, çayın təbii axınına edilən təsirlər, öncədən həyacan siqnallarının çalınmasına rəğmən hökumətin qabaqlayıcı tədbirlər görməməsi və s. Hazırda Kür sahilində olan rayon və kəndlər demək olar ki, şirin su üzünə həsrət qalıblar. Kənd təsərrüfatı fəaliyyəti, suvarma-becərmə işləri minimuma enib. Alimlər artıq Neftçala, Salyan rayonlarının 250 minlik əhalisinin köçmək məcburiyyətində qala biləcəyindən bəhs edirlər. Hökumət təcili bu işə əl atmasa bir azdan Kür çayı tarixə qovuşacaq və sıradan bir kanala çevriləcək, quraqlıq yaranacaq. Bu ciddi şəkildə ekoloji, iqtisadi və sosial faciəyə çevriləcək.

Avropa Şurası Nazirlər Komitəsi Rusiyanı təşkilatdan xaric etdi. Avropa Şurası önündəki bayraqlar meydanı. Rusiya bayrağı bu dəqiqələrdə endirildi.

Keçən il 8 nəfər gömrükçünü rüşvət almaqda ittiham edərək həbs etmişdilər. Bu gün onlarda yeddisi azadlığa buraxıldı, hətta birinə bəraət də verildi. Halbuki prokuror 8 il iş istəmişdi. Məlum olub ki, azadlığa çıxanlar arasında bir sıra yüksək vəzifəli şəxslərin qohumları da var. Məsələn: 1. Gömrük komitəsinin "Azterminal" idarəsinin rəisinin kürəkəni Gömrük prosedurları və ödənişləri şöbəsinin baş inspektoru Emin Xəlilov 2. Nəsimi Rayon Məhkəməsinin sədri İlham Cəfərovun kürəkəni Orxan Zöhrabov 3. Bakı icrabaşının müşaviri polis general-mayoru Sahib Mirzəyevin qardaşı oğlu Elmar Mirzəyev 4. 20 il Naxçıvanın baş naziri olmuş Əlövsət Baxşıyevin qardaşı oğlu Bakı Baş Gömrük İdarəsinin maliyyə inspektoru Azər Baxşıyev

Ermənistan XİN rəhbəri Ararat Mirzoyan: "Ermənistan Türkiyə ilə diplomatik əlaqələr qurmağa və sərhədləri açmağa hazırdır".

⚡️ Rusiya Avropa Şurasından çıxdığını bəyan etdi.

⚡️ Rusiya Xarici İşlər Nazirliyi bildirib ki, Rusiya Federasiyyası ABŞ prezidenti Bayden və XİN rəhbəri Blinkenə qarşı sanksiyalar tətbiq edib. 🤦‍♂️

Türkmənistanda rəsmi məlumata görə 97 faiz seçicinin iştirak etdiyi seçkilərdə 16 il prezident olan Qurbanqulu Berdiməhəmmədovun oğlu 40 yaşlı Sərdar Berdiməhəmmədov 72.97% səslə qalib gəldiyi açıqlanaraq, 7 il müddətinə prezident təyin olunub. 72% səsi elan etməklə açıq sözlü olduqlarını nümayiş etdiriblər.

Ermənistan XİN bildirib ki, Azərbaycanın son göndərdiyi 5 təklifə cavab olaraq beynəlxalq sənədlərə istinadla, sülh müqaviləsinin bağlanması ilə bağlı danışıqların təşkili üçün ATƏT-in Minsk Qrupunun həmsədrlərinə müraciət ediləcək.

Azərbaycan XİN Ermənistana münasibətləri normallaşdırmaq üçün təqdim edilən 5 təklifi açıqlayıb: - Suverenlik, ərazi bütövlüyü, beynəlxalq sərhədlərin qarşılıqlı tanınması; - Dövlətlərin bir-birlərinə qarşı ərazi iddialarının olmamasının qarşılıqlı hüquqi təsdiqi; - Dövlətlərarası münasibətlərdə bir-birlərinin təhlükəsizliyinə hədə törətməkdən çəkinmək; - Dövlət sərhədlərinin müəyyən olunması, diplomatik münasibətlərin qurulması; - Nəqliyyat və kommunikasiya xətlərinin açılışı və digər sahələrdə əməkdaşlığın qurulması.

Azərbaycanın Mərkəzi Bankından bildirilib ki, Rusiyaya tətbiq edilən sanksiyaların müəyyən qədər Azərbaycana da mənfi təsiri olacaq.

Qarabağda nə baş verir? 5 gündür ki, mərkəzi qaz xəttində yaranmış problemə görə Xankəndində və digər ərazilərdə istilik sistemi sıradan çıxıb. Bununla bərabər elektrik də çox yükləndiyi üçün artıq 2 gündür ki, ciddi kəsintilər yaşanır. Təmirlə bağlı tərəflər razılığa gələ bilmirlər. Xocalı və Xocavənd istiqamətindəki bəzi kəndlərdə mütəmadi atışmalara görə sakinlərin bəzilərinin köçdüyü deyilir. Hər hansı hərbi əməliyyatların getməsi və yaxud şəhər, kəndlərin alınma xəbəri doğru deyil. Rus sülhməramlılar ərazilərə nəzarət edirlər. Rəsmilər isə artıq dialoq və sülh sazişindən bəhs edirlər.