⚖️Ethio Law🥇ኢትዮ ሕግ(lawyerhenoktaye)

✍️ ስልጣን በሌለው አካል የተሰጠ ውሳኔ በይግባኝ ባይሻርም እንኳ በመደበኛ ፍርድ ቤት እንደ ቀድሞ የተሰጠ ውሳኔ(res judicata) ተቆጥሮ አዲስ የቀረበን ክስ ሊያግድ አይችልም በማለት የፌዴራል ጠቅላይ ፍርድ ቤት በሰመቁ 256261 የሰጠዉ አስገዳጅ የየሕግ ትርጉም። ✍️✍️የሰበር ችሎቱ ትንታኔና ውሳኔ 1. የማህበራዊ ፍርድ ቤቶች የስልጣን ወሰን ✅ማህበራዊ ፍርድ ቤቶች አነስተኛ ማህበራዊ ችግሮችን ለመፍታት የተቋቋሙ በመሆናቸው፣ የገጠር መሬት ክርክርን የመዳኘት ስረ-ነገር ስልጣን የላቸውም። ✅ማህበራዊ ፍርድ ቤት የኢፌድሪ ህገ-መንግስትን (በተለይም አንቀጽ 40ን) በመጣስ ያለስልጣኑ የሰጠው ውሳኔ ተፈጻሚ ሊሆን አይገባም። 2. የስረ-ነገር ስልጣን እና የሰበር ውሳኔ (መ/ቁ 105677) አተረጓጎም ✅ተጠሪው "አንድ የዳኝነት አካል ስልጣን ባይኖረውም የሰጠው ውሳኔ በይግባኝ እስካልተሻረ የጸና ነው" የሚለውን የሰበር መዝገብ ቁጥር 105677 ትርጓሜ እንደ መከራከሪያ አቅርበው ነበር። ✅ሆኖም የሰበር ችሎቱ ይህ ትርጓሜ የሚያገለግለው ለመደበኛ ፍርድ ቤቶች (ወረዳ፣ ከፍተኛ እና ጠቅላይ ፍርድ ቤት) ብቻ መሆኑን ገልጿል። ✅መደበኛ ስነስርዓት የማይከተል እና አነስተኛ ጉዳዮችን ለማየት የተቋቋመ አካል (ማህበራዊ ፍርድ ቤት) ህገ-መንግስትን ጥሶ የሰጠው ውሳኔ "በይግባኝ አልተሻረም" በሚል ሊጸና አይገባም በማለት ችሎቱ ተንትኗል። 4. የፍርድ ቤት ግዴታ ✅የስልጣን ክርክር በባለጉዳዮች ባይነሳም እንኳ፣ ፍርድ ቤቱ በራሱ ተነሳሽነት ስልጣን ያለው መሆኑን የማረጋገጥ ግዴታ አለበት። 👉🏿በመሆኑም ወረዳ ፍርድ ቤት "መሬቱ ለአመልካች ይገባል" በማለት የሰጠው ውሳኔ ጸንቷል።

🧬 የ DNA ውጤት 0% ቢሆንም "አባት ነህ፤ ቀለብ ትከፍላለህ!" የሚለው የኢትዮጵያ ሕግ:: አንድ ባልና ሚስት በትዳር ውስጥ እያሉ ልጅ ይወለዳል። ባልየው ልጁን የራሱ አድርጎ፣ ስሙን ሰጥቶ፣ እያሳደገ 7 ዓመታት ያልፋሉ። በኋላ ግን በትዳራቸው ውስጥ አለመግባባት ሲፈጠር፣ ባልየው በልጁ ላይ ጥርጣሬ ገብቶት በሚስቱ ድብቅ የዘረመል (DNA) ምርመራ ያደርጋል። ውጤቱም ያልጠበቀው ሆነ! "0% Match" - ማለትም ልጁ የእሱ አይደለም! 👉ባልየው ይሄንን ተጨባጭ የሳይንስ ማስረጃ ይዞ ወደ ፍርድ ቤት ይሮጣል። "ክቡር ፍርድ ቤት፣ በሳይንስ ልጁ የእኔ ስላልሆነ አባትነቴ ይሰረዝልኝ፤ ቀለብም እንዳልከፍል አድርጉኝ"በማለት ክስ ያቀርባል። ሚስትም ልጁ ከሌላ ሰው መሆኑን አታስተባብልም። ነገር ግን የኢትዮጵያ ፍርድ ቤቶች (በፌዴራል ጠቅላይ ፍርድ ቤት ሰበር ሰሚ ችሎትን ጨምሮ) የባልን ጥያቄ ውድቅ ያደርጉታል! "DNA-ው ያንተ ባይሆንም፣ በሕግ ግን አሁንም አባት ነህ፤ ቀለብም ትከፍላለህ"የሚል አስገራሚ ውሳኔ ይሰጣሉ። ፍርድ ቤቱ ይህንን የሚወስነው ዝም ብሎ ሳይሆን፣ የተሻሻለውን የኢትዮጵያ ቤተሰብ ሕግ መሠረት በማድረግ ነው፦ 1. የጊዜ ገደብ (Limitation Period)፦ በቤተሰብ ሕጋችን አንቀጽ 168 መሠረት፣ አንድ አባት "የልጅነት ክህደት ጥያቄ" (Disavowal of Paternity) ማንሳት የሚችለው፣ ልጁ መወለዱን ወይም እውነታውን ባወቀ በ180 ቀናት (በ6 ወር) ውስጥ ብቻ ነው። ከዚህ ጊዜ ካለፈ መብቱ በይርጋ ይታገዳል። 7 ዓመት ጠብቆ መምጣት በሕግ አይቻልም። 2. የልጁ የላቀ ጥቅም (Best Interest of the Child)፦ ልጁ ለዓመታት የአንተን ስም ይዞ፣ አንተን "አባዬ" እያለ፣ ሥነ-ልቦናው ከአንተ ጋር ተቆራኝቶ አድጓል (በሕግ ቋንቋ "የልጅነት ሁኔታን ይዞ ተገኝቷል / Possession of Status")። ሕጉ በዚህ ጊዜ ቅድሚያ የሚሰጠው የባልን ስሜት ለመጠበቅ ሳይሆን የልጁን ሕይወት ላለማመሰቃቀል ነው። ሕጉ ባልን "ስትፈልግ አባት፣ ስትፈልግ ባዳ መሆን አትችልም" ይለዋል። ስለዚህ በሳይንስ አባት ባትሆንም፣ በሕግ ዘላለማዊ አባት ሆነሃል! ይህ የቤተሰብ ሕጋችን ድንጋጌ ፍትሐዊ ነው ትላላችሁ? የሳይንስ እርግጠኝነት (DNA Test) የሕግን የይርጋ ጊዜ ገደብ መሻር የለበትም? ባልየው ያላወጣውን ልጅ ቀለብ እየከፈለ እንዲያሳድግ ማስገደድ፣ የሚስትን ስህተት ማበረታታት እና የባልን መብት መጣስ አይሆንም? ወይስ ሁሌም ቢሆን የልጁ ጥቅም ይበልጣል? Ethiopian Law

#በክርክር_ወቅት_በፍ/ሥ/ሥ/ሕግ አንቀጽ 41 መሠረት ጣልቃ እንዲገባ የተፈቀደለት ተከራካሪ በመጀመሪያ ሊያቀርብ የሚፈልገውን መቃወሚያ እንዳያቀርብ የሚከለክለው ህግ የሌለ በመሆኑ የመጀመሪያ ደረጃ መቃወሚያ ማቅረብ የሚችል ስለመሆኑ በማለት #የፌደራል_ጠቅላይ ፍርድ ቤት የሰበር ሰሚ ችሎት በመዝገብ ቁጥር 108647 በሆነው በቅጽ 20 ላይ የተሰጠ የህግ ትርጉም። የፍ/ብ/ሥ/ሥ/ሕግ አንቀጽ 41:234/1/

Job Vacancy. Principal Attorney Position, with benefits packages. At Nib International Bank Share Company.

ቅዳሜ ጥቅምት 7 በቫምዳስ ሲኒማ(ለም ሆቴል አካባቢ) ከጠዋቱ 2:30-6:30 አይቀርም። "ፍትህ ለሀገሬ "

“ፍትሕ ለሃገሬ” ላለፉት አምስት ዓመታት ገደማ አቅሜ በፈቀደና በገባኝ ልክ ከብዙ ውጣ ውረድና ጫናዎችጋ እየሰራሁ እዚህ ደርሷል። በቀጣዩ ሳምንት ቅዳሜ ጥቅምት 7/2019 ዓ.ም. ጠዋት 2:30 ተኩል ላይ ደግሞ ለም ሆቴል አካባቢ በሚገኘው ቫምዳስ ሲኒማ ፕሮግራሙን ለማስቀጠልና ለማሻሻል በሚጠቅሙ ጉዳዮች ላይ ከእናንተ ጋር ለመወያየት ፕሮግራም ይዘናል። ፍትሕ ለሃገሬን በሀሳብ፣ እንግዳ ሆኖ በመቅረብ፣ ይጠቅማታል ድካሟን ያቀልላታል ብላችሁ ባሰባችሁት ያገዛችሁኝ እና ፕሮግራሙ ጥቅም አለው ብላችሁ የምታምኑ የሕግ ባለሙያ ባልደረቦቼ ሁሉ በእለቱ ተገኝታችሁ የማሻሽለውን፣ “ቢሆን ጥሩ ነው”፣ “ይሄ ቢቀር ይሄ ቢጨመር” የምትሉትን እንድታካፍሉኝ በአክብሮት ጋብዣችኋለሁ። #ፍትሕለሃገሬ @highlight በጠበቃ ወ/ሮ ሊያ ተረፈ

መልካም ዜና ለአንባቢዎቻችን እና ለሕግ ባለሙያዎች በሙሉ! 📖✨ አዲሱ የወንጀል ሕግ ሥነ-ሥርዓትና ማስረጃ ሕግ መድብል ለሕትመት በቃ! የፍትሕ ሥርዓታችንን ለማጠናከር እና አገልግሎቱን ይበልጥ ለማቀላጠፍ ከፍተኛ ሚና የሚጫወተው አዲሱ የወንጀል ሕግ ሥነ-ሥርዓትና ማስረጃ ሕግ መድብል በብርሃንና ሰላም ማተሚያ ድርጅት ታትሞ ለገበያ መቅረቡን በታላቅ ደስታ እንገልጻለን። መድብሉን ማግኘት የምትፈልጉ ማንኛውም ፍላጎት ያላችሁ አካላት ከብርሃንና ሰላም ማተሚያ ድርጅት የሽያጭ ሱቆች በአካል በመገኘት ገዝታችሁ መጠቀም የምትችሉ መሆኑን እናስታውቃለን። በተጨማሪም የፍትህ ሚኒስቴር የሕግና ፍትሕ አገልግሎት ዘርፍ ከፍተኛ አመራር እንደገለጹት፤ ህብረተሰቡና የሕግ ባለሙያዎች ከመድብሉ የሶፍት ኮፒ (Soft Copy) አጠቃቀም ጋር ተያይዞ በፍትሕ ሚኒስቴር ይፋዊ ገጽ ላይ የተጋራውን ትክክለኛና ይፋዊ ቅጂ ብቻ እንዲጠቀሙ አሳስበዋል። የአገራችንን ፍትሕ ሥርዓት ተደራሽነት ይበልጥ ለማስፋት የተጀመረው ጥረት አካል የሆነው የመድብሉ የእንግሊዝኛ ቅጂም በቅርብ ቀን ታትሞ ለንባብ እንደሚበቃ በዚሁ አጋጣሚ ልንገልጽላችሁ እንወዳለን። 📎 የአማርኛ ቅጂውን ሶፍት ኮፒ (PDF File) ከዚህ ማስታወቂያ ጋር አያይዘን ያቀረብንላችሁ ስለሆነ ከታች በማውረድ (Download በማድረግ) እንድትጠቀሙ በአክብሮት እንጋብዛለን! https://drive.google.com/file/d/195NTCZrkV1AjUklHGCgEuO7CQmd92ku2/view?usp=sharing

ለፖሊስ የተሰጠ የእምነትቃል =====/////===== በወ/መ/ሥ/ሥ/ሕ/ቁ 27/2/መሠረት አንድ ተከሳሽ ለፖሊስ የሚሰጠው የእምነት ቃል ለምርመራ ዓላማ ሲባል በምርመራ ጊዜ የተገኘ ማስረጃ በመሆኑ የቀረበውን ክስ ለማስረዳት የሚችል ተቀባይነት ያለው ማስረጃ መሆን አለመሆኑ በፍ/ቤት ሊመረመር እና ሊመዘን የሚገባው እንጂ ከወዲሁ ተቀባይነት አለው ተብሎ ድምዳሜ የሚወሰድበት ስላለመሆኑ፤ በሰ/መ/ቁ 152038 (ሕዳር 28ቀን 2011ዓ.ም)ቅጽ 23

የማስረጃ ምዘና መርኅን ስለመጣስ:- ፍርድ ቤቶች የቀረቡላቸውን ማስረጃዎች በሙሉ (የሰው ምስክርም ሆነ የሰነድ) መርምረውና መዝነው ፍሬ ነገርን የማጣራት ኃላፊነት አለባቸው:: (ሰ/መ/ቁ. 208495) በተለይም፣ የቀረበን የሠነድ ማስረጃ ከግምት ውስጥ ሳያስገቡ ወይም ሳይመረምሩ በሰው ምስክሮች ቃል ላይ ብቻ ተመሥርቶ የሚሰጥ ውሳኔ የማስረጃ ምዘና መርኅን የሚጥስና መሠረታዊ የህግ ስህተት ያለበት ነው:: (ሰ/መ/ቁ. 208495 -30/5/2013 ዓ.ም ውሳኔ ተሰጥቷል።

በአዋጅ ቁጥር 322/1995 መሰረት የፌደራል ከፍተኛ ፍርድ ቤት በተደራጀባቸው ክልሎች ያሉ የክልል ከፍተኛ ፍርድ ቤቶች በኢፌዲሪ ሕገ መንግስት አንቀጽ 78(2) እና 80(4) ድንጋጌ  በተሰጣቸዉ የፌደራል መጀመሪያ ደረጃ ፍርድ ቤት የዉክልና ስልጣናቸዉ በቀጥታ ያዩዋቸዉን የፈዴራል ጉዳዮች በይግባኝ የማየት ስልጣን ያላቸዉ የክልል ጠቅላይ ፍርድ ቤቶች ሳይሆኑ በክልሉ እንዲደራጁ  የተደረጉት የፌደራል ከፍተኛ ፍርድ ቤቶች ናቸው ተብሎ ተወስኗል፡፡👇 https://t.me/ethiolawtips

በፍትሐብሔር ሕግ ቁጥር 1196(1) መሠረት በሕጋዊ መንገድ የተሰጠ የይዞታ ማረጋገጫ ምስክር ወረቀት ያለው ሰው የንብረቱ ባለቤት ለመሆኑ የሕግ ግምት የሚወሰድ በመሆኑ፣ ይህ ግምት ሊፈርስ የሚችለው ካርታው ከሕግ ውጪ መሰጠቱ ወይም ሰነዱን የመስጠት ሥልጣን በሌለው አካል የተሰጠ መሆኑ ሲረጋገጥ ብቻ ሲሆን፣ ከዚህ ውጪ በሰው ምስክርነት ወይም ገንዘብ አውጥቻለሁ በሚል ክርክር ብቻ ሊፈርስ አይችልም። ​በሕገ መንግሥቱ አንቀጽ 40 (1 እና 2) መሠረትም የንብረት ባለቤትነት መብት የሚጠበቀው በሕጋዊ መንገድ በተያዘ ይዞታ ላይ ሲሆን ብቻ ነው። በመሆኑም በጋብቻ ውስጥ ባልና ሚስት በወላጅ ስም በተመዘገበ ይዞታ ላይ ገንዘብና ጉልበት በማፍሰስ ቤት ቢገነቡ እንኳ፣ ይዞታውም ሆነ በይዞታው ላይ የተገነባው ቤት የባልና ሚስት የጋራ ንብረት ሊሆን አይችልም። ​በቤቱ ግንባታ ላይ በትዳር ዘመን በባልና ሚስት የተደረገ የገንዘብ ወጪ ወይም አስተዋጽኦ ካለ፣ ግምቱን ከመጠየቅ ውጪ በሌላ ሰው ስም ባለው ይዞታ ላይ ያረፈውን ቤት የጋራ ንብረታችን ነው ብለው የክፍፍል ጥያቄ ማቅረብ አይችሉም። ​ስለሆነም፣ በጋብቻ ውስጥ በወላጆች ስም ባለው መሬት ላይ የሚገነባ ቤት የባልና ሚስት የጋራ ሀብት ሳይሆን የባለይዞታው ንብረት እንደሆነ የሚቆጠር ሲሆን፣ በፍቺ ጊዜ የትዳር አጋሮች መብት የሚጠበቀው ያወጡትን ገንዘብ በድርሻቸው ተመላሽ እንዲደረግላቸው በመጠየቅ እንጂ የንብረቱን/የቤቱን ክፍፍል በመጠየቅ አይደለም። ​የኢ.ፌ.ዲ.ሪ. የፌዴሬሽን ምክር ቤት፣ አቶ ብርሃኑ ከበደ እና ም/ኢ/ር ጥሩነሽ ዱባለ፣ መዝገብ ቁጥር 132 (ሰኔ 29 ቀን 2018 ዓ.ም)