Tech Xtream

مديونية تطبيق تيليجرام وصلت إلى 700 مليون دولار 😯 من 2013 وحتى الآن فريق تطبيق تيليجرام لم يعتمد على الاستفادة من التطبيق بأي شكل مادي وفي المقابل كان بيعتمد على التمويل الذاتي والتبرعات والاقتراض. مؤسسي تيليجرام كانوا بيحاولوا من فترة يشوفوا طريقة تساعدهم على تحمل التكاليف وفكروا في إطلاق عملة رقمية اسمها Gram وحصلوا بالفعل على تمويل 1.7 مليار دولار، لكن الولايات المتحدة عبر هيئة الأوراق المالية والبورصة منعت صرف عملة التطبيق، وواضح إن الموضوع كان داخل في أمور سياسية واقتصادية بعيدا عن التطبيق نفسه.. وطبعا طالما أمريكا قالت مفيش بيع يبقى مفيش دولة تقدر تقول لا. حاليا طرق الربح اللي التطبيق هيحاول يتوجه ليها لسداد مديونياته هتكون حاجتين.. أولا إعلانات مش هتكون على الشات الفردي بين شخصين ولا على الجروبات، ولكن هتبقى موجودة على القنوات. الطريقة التانية هتكون مميزات جديدة مدفوعة باشتراكات.. وجميع مميزات وخصائص التطبيق الحالية هتفضل مجانية.

لو عندك وسيط SSD أو بتفكر تشتري واحد لازم تكون عارف أهمية رقم TBW كلمة TBW هي اختصار لـ Terabyte Written أو متوسط عدد التيرابايتس اللي يقدر وسيط SSD يكتبها خلال عمره الافتراضي. الرقم ده بتحدده الشركة حسب الاختبارات اللي بتعملها، وبنسبة كبيرة فالرقم ده بيكون الحد الأدنى، يعني ممكن الإس إس دي يحقق رقم أكبر أو حتى ضعف الرقم اللي بتكتب الشركة. من خلال الرقم ده نقدر نعرف متوسط العمر الافتراضي للإس إس دي حسب استخدامنا. مثلا إس إس دي زي Samsung 970 EVO Plus اللي حجمه 500 جيجابايت.. رقم TBW بتاعه هو 300 تيرابايت. لو حولنا الرقم ده للجيجابايت بالضرب في 1000 الي هو عدد الجيجابايتس في كل تيرابايت هيكون الناتج 300 * 1000 = 300,000 جيجابايت. لو فرضنا إن كل يوم بنكتب على الإس إس دي بيانات بحجم 100 جيجابايت.. يبقى متوسط العمر الافتراضي للإس إس دي هيكون 300,000 ÷ 100 = 3,000 يوم. يعني العمر الافتراضي بالسنين بمعدل كتابة 100 جيجابايت يوميا هيكون 3,000 ÷ 365 = 8.2 سنة. ده مقال جديد فيه كل المعلومات عن الإس إس دي SSD وأهميته والفرق بينه وبين الهارد HDD وإيه الفرق بين أنواع الإس إس دي وأفضلهم 👇 https://bit.ly/3lnAfsQ

الأسبوع ده شركة SpaceX أرسلت دفعة جديدة من أقمار الإنترنت الفضائي عشان يوصل العدد الإجمالي حاليا إلى 1200 قمر.. لكن ده مش الحدث الأهم.. الحدث الأهم كان صاروخ Falcon 9 اللي تم إرسال الأقمار عليه، لأنه عمل رقم قياسي جديد بعد ما تم استخدامه للمرة التاسعة ! المعروف إن الصواريخ الفضائية كان بيتم استخدامها لمرة واحدة فقط وباقي أجزائها بتتحول لخردة.. لكن نظام شركة SpaceX في تطوير وصيانة الصواريخ أثبت إمكانية إعادة استخدامها أكتر من مرة وده بيقلل كتير من تكاليف إرسال الأقمار بشكل خاص والسفر إلى الفضاء بشكل عام 👏

كيف ولماذا تصبح مطور ألعاب فيديو 🤔 ▪️حسب تقرير لمجلة Forbes فمجال صناعة ألعاب الفيديو حقق أرباح قدرها 138 مليار دولار في 2019 و 180 مليار دولار في 2020 ومتوقع توصل إلى 300 مليار في 2025! ▪️حسب تقرير لموقع Statista فعدد لاعبي الفيديو حول العالم وصل إلى 2,5 مليار لاعب ! ▪️حسب تقرير لموقع ZipRecruiter فمتوسط المرتب السنوي لمطور الألعاب هو 105,000 دولار. ▪️حسب تقرير لموقع ITCareerFinder فوظيفة مصمم الألعاب هي واحدة من أهم 10 وظائف تقنية في المستقبل. (المصادر في أول تعليق). دي سلسلة مقالات عن مجال تطوير الألعاب وازاي أي شخص يقدر يبدأ بتعلمه من الصفر وبدون أي خبرة مسبقة. السلسة مناسبة لأي شخص بيفكر يتعلم مجال جديد أو يعمل لعبة في أي مجال وعلى أي جهاز.. كمبيوتر، موبايل، بلايستيشن، إكس بوكس، متصفح وغيرها. السلسة مقسمة إلى 6 أجزاء كالتالي: 1️⃣ صناعة ألعاب الفيديو تحت المجهر المقال ده هو الأساس اللي لازم أي حد يبدأ بيه لو مفيش عنده خلفية قوية عن مجال الألعاب. اتكلمت في المقال عن بداية عصر الألعاب من السبعينات وحتى انفجار الصناعة في السنوات الأخيرة. المقال مسلي وفيه معلومات مفيدة وتمهيد للدرس التالي. رابط المقال 👈 https://bit.ly/30jeHmN 2️⃣ مدخل إلى برمجة وتصميم ألعاب الفيديو ده أحد أهم دروس السلسلة لأني بدأت أمهد المعلومات الضرورية اللي لازم تكون عارفها زي الفرق بين التصميم والبرمجة في ألعاب الفيديو، وجاوبت على سؤال هل ممكن تصنع لعبة بدون ما تتعلم برمجة؟ وبعد كدة شرحت ازاي تبدأ تجهز أفكار اللعبة وإيه العناصر اللي انت محتاجها وابتكار قصة اللعبة واتكلمت باختصار عن محركات الألعاب كتمهيد للدرس التالي. رابط المقال 👈 https://bit.ly/2mrkirc 3️⃣ ما هي محركات الألعاب؟ في الدرس ده اتكلمت عن محركات الألعاب Game Engines ودي باختصار البرامج اللي بيتصنع بيها الألعاب واللي ممكن تعتمد عليها في صناعة لعبة بدون برمجة. شرحت بعد كدة عناصر المحركات بالتفصيل زي الواجهة والمؤثرات والحركة وغيرها، وبعد كدة شرحت بالتفصيل ازاي تختار محرك الألعاب المناسب. رابط المقال 👈 https://bit.ly/2lR7ppQ 4️⃣ أقوى محركات ألعاب الفيديو في المقال ده اتكلمت عن أقوى 5 محركات موجودة تقدر تعتمد عليها في تصميم الألعاب، طبعا محركات الألعاب مجانية وتقدر تستخدمها زي ما تحب، وشرحت مميزات وعيوب كل محرك بشكل منظم جدا زي ما هتشوف في المقال إن شاء الله. رابط المقال 👈 https://bit.ly/35CbOOF 5️⃣ أفضل لغات برمجة ألعاب الفيديو في المقال ده اتكلمت عن لغات البرمجة المستخدمة في مجال صناعة الألعاب، طبعا دي خطوة مهمة للناس اللي عايزة تحترف المجال. ذكرت في المقال 5 لغات برمجة ومميزاتهم ومحركات الألعاب اللي بتستخدمهم. رابط المقال 👈 https://bit.ly/2TaS2at 6️⃣ أقوى دورات تصميم الألعاب مقال ختام السلسة اتكلمت فيه عن أفضل دورات عربية مجانية متوفرة لتعلم محركات الألعاب، وهتلاقوا في المقال الكورسات المتوفرة لكل محرك من المحركات اللي اتكلمت عنها في السلسلة. رابط المقال 👈 https://bit.ly/2TicM0h ⭕️ ختاما ⭕️ ▪️مجال تطوير الألعاب هو واحد من أهم 🔟 مجالات توظيف في المستقبل وموقع ZipRecruiter لوحده يحتوي على عروض توظيف في مجال تطوير الألعاب عددها 68 ألف وظيفة، والمجال ده من المجالات اللي فيه نقص في العرض لأن مطوري الألعاب عددهم قليل في العالم مقارنة بمجالات تانية. (فكر بقى يمكن الفكرة تجيلك )! ▪️السلسلة دي أنا تعبت فيها فعلا عشان تخرج بالشكل ده وأتمنى تكون مفيدة لكل شخص قرر يبدأ في المجال 🙏

اللي ناوي يشتري تجميعات أو هاردوير يتقل سيكا.. ▪️ أسعار معالجات إنتل نزلت شوية الفترة اللي فاتت عشان نزول معالجات الجيل الجديد. ▪️ أزمة نقصان كروت الشاشة متوقع تنتهي خلال شهر أو اتنين بالكتير مع عودة المصانع للعمل مرة تانية. ▪️ إنتل أعلنت عن الجيل الـ11 من معالجاتها وهيكون متوفر للشراء آخر الشهر.. وأسعاره أقل من معالجات AMD المنافسة حاليا وده المفروض ينزل أسعار AMD.

شركة إنفيديا كانت نزلت تحديث لطيف كدة لكروت RTX 3060 بتقلل نسبة "الهاش" أو قدرة الكارت على التعدين بنسبة حوالي 50%.. في خطوة لحل الأزمة الحالية لكروت الشاشة ونفادها من السوق بسبب إقدام المعدنين على شرائها في الوقت اللي المستخدم العادي أو الجيمرز مش لاقيين كروت. المفروض إن الحماية دي كانت قوية جدا وصعب تخطيها لأنها كانت بتعتمد على عملية Handshaking بين الفيرموير اللي هي الطبقة بين الكارت وتعريفاته والبيوس. المهم الشركة في آخر تحديث لتعريف الكارت نزلت بالغلط كود داخلي كان بيستخدم لإزالة "قيود التعدين" على الكارت.. وبعد ما الموضوع اتكشف سحبت التحديث تاني.. بس بعد إيه التحديث كان انتشر على النت 🤦‍♂️ ممكن تكون الشركة قصدت تعمل كدة.. بس العبط ده بيحصل كتير

لو فتحتوا نافذة للتصفح الخفي Incognito Mode في متصفح كروم هتلاقوا مكتوب كدة: ‏لن يحفظ Chrome المعلومات التالية: ▪️ سجل التصفّح لديك ▪️ ملفات تعريف الارتباط وبيانات الموقع ▪️ المعلومات التي تم إدخالها في النماذج ده المفروض بيوضح للمستخدم إن المتصفح مش هيقدر يجمع عنه أي بيانات.. ودي حاجة المفروض بديهية يعني لأنه ده "تصفح خفي". المهم جوجل في شهر يونيو اللي فات اترفع عليها قضية بتهمة جمع بيانات المستخدمين من متصفح كروم حتى في ظل وضع "التصفح الخفي" بالاعتماد على بعض الحيل زي Google Analytics اللي بتستخدمها المواقع لتحليل نشاط موقعها، وكمان إعلانات جوجل في محرك البحث Google Ads كل ده من غير ما تعرف المستخدم. امبارح حكم قاضي فيدرالي برفض طلب جوجل اللي قدمته لرفض الدعوى القضائية.. والقضية هتاخد مسارها الطبيعي.. والمدعيين بيطالبوا الشركة بدفع تعويض لا يقل عن 5 مليار دولار. على فكرة شركة فيسبوك دفعت نفس المبلغ ده 5 مليار دولار في سنة 2019 على خلفية انتهاكات لخصوصية المستخدمين أشهرها فضيحة Cambridge Analytica.

كيف تصنع سلاح دمار شامل إلكتروني؟ حينما اكتشفت شركات الحماية هذا الفيروس للمرة الأولى لم يكن لديهم أي معرفة عن ماهية هذا الفيروس؟ وقف مهندسوهم أمامه كأنهم طلاب في الجامعة يحاولون للمرة الأولى تحليل فيروس إلكتروني، ظل الفيروس خاملا مهما كانت محاولات تحفيزه لاكتشاف الغرض منه، وكأن هذا الفيروس قد صُنع لأجهزة معينة لا ينشط إلا إذا أصابها. نعم لقد كانت هذه الأجهزة هي أجهزة الطرد المركزي في المنشآت النووية في إيران ! يعتبر فيروس Stuxnet الذي تم استخدامه لضرب البرنامج النووي الإيراني وتعطيه واحد من أعقد عمليات الاختراق التي تمت على الإطلاق، وربما كانت هذه هي المرة الأولى التي تم استُخدم فيها فيروس كمبيوتر لتحقيق دمار فعلي يساوي دمار الصواريخ والقنابل. كان المسئولون عن البرنامج النووي في إيران لا يصدقون ما يجري، حوادث وانفجارات كثيرة في منشآتهم في نفس الوقت الذي تعطي فيه أجهزتهم "المعزولة عن أي شبكة" قراءات صحيحة وأن كل شيء يجري على ما يُرام.. يُطرد المهندسون واحدًا تلو الآخر لأنهم قد يكونوا سبب هذه الحوادث.. لكن هذه لم تكن الحقيقة. قراءة ممتعة ❤️ https://bit.ly/3vnIjOG

كيف تصنع سلاح دمار شامل إلكتروني؟ حينما اكتشفت شركات الحماية هذا الفيروس للمرة الأولى لم يكن لديهم أي معرفة عن ماهية هذا الفيروس؟ وقف مهندسوهم أمامه كأنهم طلاب في الجامعة يحاولون للمرة الأولى تحليل فيروس إلكتروني، ظل الفيروس خاملا مهما كانت محاولات تحفيزه لاكتشاف الغرض منه، وكأن هذا الفيروس قد صُنع لأجهزة معينة لا ينشط إلا إذا أصابها. نعم لقد كانت هذه الأجهزة هي أجهزة الطرد المركزي في المنشآت النووية في إيران ! يعتبر فيروس Stuxnet الذي تم استخدامه لضرب البرنامج النووي الإيراني وتعطيه واحد من أعقد عمليات الاختراق التي تمت على الإطلاق، وربما كانت هذه هي المرة الأولى التي تم استُخدم فيها فيروس كمبيوتر لتحقيق دمار فعلي يساوي دمار الصواريخ والقنابل. كان المسئولون عن البرنامج النووي في إيران لا يصدقون ما يجري، حوادث وانفجارات كثيرة في منشآتهم في نفس الوقت الذي تعطي فيه أجهزتهم "المعزولة عن أي شبكة" قراءات صحيحة وأن كل شيء يجري على ما يُرام.. يُطرد المهندسون واحدًا تلو الآخر لأنهم قد يكونوا سبب هذه الحوادث.. لكن هذه لم تكن الحقيقة. قراءة ممتعة ❤️ https://bit.ly/3vnIjOG

طبعا خلال اليومين اللي فاتوا أكيد شوفتوا بوستات كتير عن كورسات جوجل الجديدة اللي أعلنت عنها من شهور وأصبحت متاحة دلوقتي.. حابب أضيف كام معلومة عالماشي.. ▪️ بلاش تختاروا مسار الأندرويد لأنه مش كامل وكمان بيعتمد على لغة كوتلن، ومش عارف بصراحة ليه مش دارت & فلاتر؟ ▪️ أفضل تخصصات متاحة -من وجهة نظري- هي Data Analytics | UX Design حاولوا تختاروا واحد منهم. ▪️ الشهادة اللي بتوفرها الكورسات دي هيكون ليها وزن في الـCV بتاعكوا لكن الأهم هو فهم المنهج المدروس والبناء عليه. ▪️ المطلوب للدراسة حوالي 10 ساعات في الأسبوع على مدار 6 شهور.. يعني أكيد وقت حضراتكم يسمح بالدراسة. ▪️ مناهج الكورسات دي بتعادل (إلى حدٍ ما) مناهج كليات بيتم تدريسها على مدار سنين. ▪️ المنهج متاح على منصة كورسيرا.. تقدروا تقدموا على دعم مادي لدراسة المناهج بشكل مجاني. ▪️ أخيرا لو مفيش وراكوا امتحانات حاليا ادخلوا للرابط وابدأوا دراسة حالا وبطلوا مرقعة. https://grow.google/certificates/

مراجعة لأفضل تطبيق VPN مجاني للموبايل 🔥 https://youtu.be/FDEljjnopJc

البتكوين النهاردة وصل لسعر قياسي جديد بعد ما تخطى 60 ألف دولار 😯 إجمالي المعاملات اللي تمت باستخدام العملة النهاردة فقط تجاوزت 13 مليار دولار 😯😯

صورة Everyday's: The First 5000 Days اللي كنت اتكلمت عنها من يومين من تصميم "مايك فينكلمان" المعروف باسم Beeple اتباعت امبارح باستخدام تقنية NFT مقابل 69 مليون دولار 😯

إيه رأيك تحمل 70 ألف لعبة على جهازك بمساحة 500 ميجا 😯 واحدة من أفضل المشاريع مفتوحة المصدر حاليا هو مشروع Flashpoint اللي يعتبر أكبر أرشيف لألعاب الفلاش على الإطلاق بعدد ألعاب تجاوز 70,000 لعبة بيتم تحديثهم بألعاب جديدة بشكل مستمر، وتقدر تستمتع بيهم من خلال برنامج بسيط بتنزله على الجهاز. أهم مميزات البرنامج: ▪️ مجاني تماما ▪️ مناسب للأجهزة الضعيفة ▪️ موجود فيه كافة أنواع الألعاب ▪️ تقدر تستخدمه بدون اتصال بالنت ▪️ بيدعم ويندوز بداية من ويندوز 7 وماك ولينكس ▪️ مش هتحتاج أي برامج تانية عشان تشغل الألعاب ▪️ ألعاب مسلية وممتعة ومناسبة للأطفال حتى سن 40 سنة البرنامج بيوفر نسختين الأولى نسخة Ultimate ودي نسخة كاملة حجمها 478 جيجا ملناش دعوة بيها.. النسخة التانية هي نسخة Infinity ودي حجمها 500 ميجا بتنزلها وتشغل البرنامج.. بعد كدة أول ما تشغل لعبة بيتم تحميل ملفاتها للجهاز من أول مرة وتقدر بعد كدة تلعبها بدون نت. ده فيديو بسيط لطريقة تحميل البرنامج وتشغيله بشكل صحيح 👇 https://youtu.be/tmP4JScxPA4

حريق ضخم في مركز بيانات تابع لشركة الاستضافة الفرنسية OVH تسبب في توقف أكثر من 4 مليون موقع 😯 المركز كان بيضم أيضا سيرفرات التخزين السحابية اللي بيكون عليها نسخة احتياطية من البيانات.. وده معناه إن في مواقع فقدت بياناتها للأبد !

مقال هام👇 ما هي تقنية Non-Fungible Token؟ https://www.facebook.com/Netaawy/posts/1665989663592044

ازاي تحذف المعلومات اللي جوجل يعرفها عنك وتمنعه يجمع بياناتك🤔 افتحوا الصور 👇