Tech Xtream

في عام 2013 قام الفلسطيني "خليل شريتح" باختراق الملف الشخصي الخاص بمارك زوكربيرج مؤسس فيسبوك عبر النشر عليه من أجل إثبات ثغرة قام باكتشافها ولكن تم رفضها من قبل فريق برنامج فيسبوك للثغرات. هذه الحادثة تسببت في جدل كبير في الأوساط التقنية بين من يعتقد أن خليل قام بالتصرف الصحيح بعد تجاهل إدراة فيسبوك لبلاغ الثغرة.. وبين من يعتقد أنه خالف شروط برامج اكتشاف الثغرات لأنه قام باستغلال الثغرة المكتشفة. أدت هذه الحادثة أيضا إلى زيادة اهتمام الشركة ببرنامج الإبلاغ عن الثغرات وزيادة حجم المكافآت المدفوعة.

كورس Automate the Boring Stuff with Python لدراسة لغة بايثون متاح حاليا بشكل مجاني 🔥 الكورس سجل فيه أكثر من 800 ألف شخص 👇 https://bit.ly/30pNiQX

آخر قررات اتخذها "الجهاز القومي لتنظيم الاتصالات" في مصر لحماية حقوق المستخدمين: 1️⃣ كود موحد للاستعلام عن أي خدمات مشترك فيها بدون علمك من خلال كود *155# 2️⃣ إلزام شركات الاتصالات بإرسال رسالة للعميل بعد كل عملية شحن لتوضيح أي خصومات تمت على الرصيد. 3️⃣ إرسال رسالة لعملاء الإنترنت الأرضي بمعدل استهلاك الباقة بحد أدنى 3 مرات، مثلا استهلاك 50% | 75% | 90%. 4️⃣ إلزام الشركات بتنفيذ طلب العميل بنقل خطه لشركة أخرى بنفس الرقم خلال 24 ساعة فقط. 5️⃣ إتاحة وسائل مختلفة لإرسال شكوى للجهاز ضد أي شركة اتصالات بدلا من الرقم الثابت 155، فتقدر تقدم شكوى للجهاز عبر البريد الإلكتروني التالي: Complaints@trs.gov.eg أو من خلال الأرقام التالية على واتساب 😡 01111115150 01015515155 01202155155 01551515505

إذا قمنا بفرد جميع جزيئات الحمض النووي "DNA" الموجودة في جسم الإنسان سيصل متوسط طولها إلى 6.2 مليار كيلومتر؛ وهي تعادل أكثر من 41 مرة المسافة بين الأرض والشمس 😯

في شهر ديسمبر اللي فات نشرت بوست عن اختراق شركة "SolarWinds" واللي مكّن الهاكرز الروس من اختراق مؤسسات حساسة في الولايات المتحدة منها وزارة الدفاع، وكالة الأمن القومي NSA، الإدارة الوطنية للأمن النووي وغيرها. المرة دي الضربة جت من الصين لما فريق يُطلق عليهم "Hafnium" استغلوا مجموعة ثغرات في أحد منتجات شركة ميكروسوفت اسمه "Exchange Server" وده عبارة عن ملقم "خادم" بيستخدم لإعداد بيئة تواصل عبر البريد الإلكتروني داخل مكان معين زي شبكة محلية أو مؤسسة وهكذا.. المهم إن البرنامج ده يعتبر واحد من ركائز البنية التحتية في معظم إن لم يكن جميع المؤسسات الحكومية وغير الحكومية في أمريكا. الهاكرز قدروا نجحوا في استغلال الثغرات دي لاختراق أكتر من 30 ألف مؤسسة وجهة في أمريكا والوصول إلى عشرات الآلاف من السيرفرات الموجود عليها إيميلات المؤسسات دي. مش بس كدة.. الثغرات دي سمحت للهاكرز إنهم ينزلوا برمجيات خبيثة Malwares لعمل ثغرات خاصة بيهم في السيرفرات دي، بحيث حتى لو ثغرات مايكروسوفت تم علاجها؛ تفضل الثغرات الخاصة بيهم باب خلفي مفتوح يقدروا يدخلوا ليه في أي وقت.

المدير التنفيذي ومؤسس تويتر "جاك دورسي" عارض أول تويتة تم نشرها على تويتر للبيع في مزاد علني. سعر التويتة دي حتى الآن وصل 2.5 مليون دولا 😯

مجموعة من أفضل البوتس على تيليجرام وشرح لطريقة استخدامهم 🤖 ولا عزاء للناس اللي مفيش عندها بوتس في التطبيق بتاعهم 😎 https://bit.ly/38g6Xad

في آخر 3 أسابيع خسرت كبرى الشركات في مجال التكنولوجيا أكتر من 1.6 تريليون دولار من قيمتها السوقية

امبارح الولايات المتحدة اتهمت "جون مكافي" مؤسس شركة McAfee الشهيرة بسبع تهم منها الاحتيال وغسيل الأموال. التهم الرئيسية متعلقة بإنه كان بياخد فلوس من مطوري بعض العملات الرقمية قبل عملية الطرح الأولي "ICO" وفي المقابل كان بيستغل شهرته الكبيرة في تشجيع متابعيه على تويتر للاستثمار في العملة بدون إفصاح عن تلقي مبالغ مالية للترويج للعملة. في المجمل قدر يحصل على 23 مليون دولار مقابل عمليات الترويج المزيفة اللي كان بيعملها. السبع تهم اللي تم توجيها ليه كل واحدة منهم عقوبتها السجن من 5-20 سنة 😯

أفضل 10 مواقع أونلاين تقدر تستخدمهم لتحديد قوة لغتك الإنجليزية اللي مش موجودة 👇 https://bit.ly/2O5IKMU

النهاردة كنت بدعبس شوية ورا شركة Bee Games Ltd المطورة لتطبيق Bee اللي هيخليك مليونير الساعة ستة إلا تلت واكتشفت إن الشركة عبارة عن شخص واحد من مواليد سنة 2000. الشركة مسجلة من شهرين فقط في بريطانيا في مجال "معالجة البيانات" البيانات ها.. والشخص الوحيد اللي شغال فيها اسمه Jacob Oluwanisola Adedokun شغال باحث في مجال الذكاء الاصطناعي. طبعا الكلام ده أنا قولته قبل كدة.. كل التطبيقات زي Pi Netwoek و Bee Network وغيرها ما هي إلا Data Harvesting Apps تطبيقات هدفها الوحيد إنها تستغفل الناس وتسرق بياناتهم باستغلال أحلام الثراء السريع. المهم متنساش تسجل بالكود بتاعي عشان تدخل سحب على الهانتي كانتي.

في ثغرة Zero-Day تم اكتشافها في متصفح جوجل كروم وبيتم استغلالها حاليا.. الثغرة تم معالجتها في تحديث عاجل.. فيا ريت تحدث المتصفح بتاعك لآخر إصدار.

شركة Brave النهاردة استحوذت على محرك بحث Tailcat واحد من محركات البحث اللي بتركز على حماية خصوصية المستخدمين بالدرجة الأولى. الشركة بعد ما المتصفح بتاعها اكتسب شهرة كبيرة قررت إنها تبدأ تدخل مجال البحث بمحرك منافس لجوجل بدون حاجة لجمع معلومات شخصية عن المستخدم. المحرك هياخد وقت على ما يتم الانتهاء من تطويره ودمجه مع المتصفح.

من ساعات قليلة نجحت شركة SpaceX في الهبوط بصاروخ Starship SN10 لأول مرة في محاولة الشركة إنتاج صاروخ فضائي قابل لإعادة الاستخدام 🚀 بالرغم من نجاح مناورة الهبوط ونزول الصاروخ لقاعدة الإطلاق لكن بعدها بدقايق بسيطة انفجر الصاروخ مرة تانية 🤦‍♂️

صورة لرحلات طيران "نسر" تم تركيب متعقب فيه لمدة 20 سنة

الديموقراطيين في أمريكا مقدمين مشروع قانون لفرض ضرائب سنوية 2% على أي شخص صافي ثروته أكتر من 50 مليون دولار.. و3% على الأشخاص اللي صافي ثرواتهم أكتر من 100 مليار دولار. المشروع ده يقدر الديموقراطيين يمرروه لأن معاهم الأغلبية في الكونجرس.. ولو تم الموافقة عليه هيوفر 3 ترليون دولار خلال 10 سنين. ودي ناس بتفكر بشكل منطقي بعيدا عن تفكير بتوع الكارتة اللي بنشوفه.

من كام يوم كان في جلسة استماع مع المدير التنفيذي لشركة SolarWinds.. الشركة اللي تعرضت للاختراق من شهور واختراقها أدى لاختراق مجموعة ضخمة من عملائها زي شركة فيزا ومايكروسوفت وياهو ده غير الهيئات الحكومية زي وزارة الدفاع ووكالة الأمن القومي NSA ومكتب التحقيقات الفيدرالي FBI وليلة جامدة.. المهم إن المدير التنفيذي أكد إن في وقتٍ ما كان سيرفر الشركة الخاص بإرسال التحديثات للعملاء باسورده solarwinds123 ! من خلال اختراق سيرفر التحديث قدر الهاكرز إنهم يبعتوا برمجيات خبيثة لأكتر من 1800 جهة حساسة بتستخدم منتجات SolarWinds على أساس إنه تحديث طبيعي من الشركة !

شركة فيسبوك وافقت على دفع 650 مليون دولار لتسوية دعوى قضائية ضدها بشأن انتهاك خصوصية المستخدمين. القضية اترفعت على الشركة من مدعيين في ولاية "إلينوي" الأمريكية عشان الموقع كان بيجمع ويخزن البيانات البيومترية "خاصية التعرف على الوجه" بدون إذن من المستخدمين. فيسبوك كان عرض السنة اللي فاتت يدفع 550 مليون دولار؛ لكن القاضي شاف إن المبلغ غير كافي واستمر الموضوع لغاية ما التسوية وصلت 650 مليون دولار يتم تقسيمهم على مستخدمي الموقع المتضررين في الولاية. ده توضيح بسيط لقيمة بياناتك اللي انت شايف إن مفيش ليها قيمة.. موقع بيدفع 650 مليون دولار (أكتر من 10 مليار جنيه) عشان كان بيعمل سكان للوجوه في الصور اللي المستخدم بيرفعها !