Tech Xtream

موقع Am I Breached من تصميم شركة Cyble بيسمحلك تبحث عن إيميلك وتعرف لو تم اختراقه. الموقع بيضم أكتر من 28 ألف قاعدة بيانات تم تسريبها بأكتر من 32 مليار سجل، بمجرد البحث بالإيميل فقط هتعرف لو موجود في التسريبات. لو الموقع وجد إيميلك هيظهر لك رسالة باللون الأحمر ولازم تغير باسورد الإيمبل بتاعك فورا. رابط الموقع في التعليقات 👇

موقع Am I Breached من تصميم شركة Cyble بيسمحلك تبحث عن إيميلك وتعرف لو تم اختراقه. الموقع بيضم أكتر من 28 ألف قاعدة بيانات تم تسريبها بأكتر من 32 مليار سجل، بمجرد البحث بالإيميل فقط هتعرف لو موجود في التسريبات. لو الموقع وجد إيميلك هيظهر لك رسالة باللون الأحمر ولازم تغير باسورد الإيمبل بتاعك فورا. رابط الموقع في أول تعليق 👇

الحكومة الأمريكية تحذر مواطنيها من إمكانية حدوث هجمات سيبرانية على شبكات الأقمار الاصطناعية المزودة لخدمة الإنترنت، بعد هجوم على شبكات شركة Viasat في أوروبا في بداية الغزو الروسي تسبب في انقطاع هائل للاتصالات في جميع أنحاء أوروبا.

هل تحتاج هواتف الأندرويد إلى استخدام أنتي فيروس 🤔 سؤال يتكرر كثيرًا.. فدعونا نتعرف على الإجابة من هذا المقال لنرى مدى حاجة نظام أندرويد إلى مكافح فيروسات 👇 https://bit.ly/3grsGNV

لما انتقد حاجة عبيطة في الآيفون عادي والاقي واحد بيقولي ما انت لو معاك كنت هتشتريه..

تأجيل النظر في دعوى إلغاء ترخيص شركة فودافون 👨‍⚖️ تقرر تأجيل نظر الدعوى المطالبة بإلغاء وتجميد ترخيص شركة «فودافون مصر» لإخلالها بمستوى الخدمة مع تشكيل لجنة لإدارة الشركة لضمان مستوى الخدمة وفرض الحراسة القضائية عليها، وذلك لجلسة 13 إبريل المقبل للإطلاع وتقديم المستندات. طالبت الدعوى بحفظ حقوق المستخدمين في التعويضات عن سوء الخدمة خصوصا مع تسببها في خسائر مادية لمستخدمي الشركة بسبب ضياع المكالمات وانهيار جودة الشبكة. نصت المادة رقم 27 من قانون تنظيم الاتصالات على أن «للجهاز القومي لتنظيم الاتصالات الحق في إلغاء الموافقة على ترخيص الشبكة وخدمات المحمول في حالة الإخلال بمستوى أداء الخدمة» بما يوجب إلغاء رخصة فودافون مصر.

لما واحدة فيمنست تعرف إن فيه عملة البت كوين لكن مفيش الواد كوين..

أداة ذكاء اصطناعي قدرت تكتشف 40 ألف سلاح كيميائي مميت خلال 6 ساعات فقط 😮 في بحث صادم تم نشره في مجلة Nature Machine Intelligence.. مجموعة باحثين كانوا بيستخدموا نظام ذكاء اصطناعي لمساعدتهم على اكتشاف حلول لعلاج نسبة السمّية في بعض المواد. الباحثين قرروا يعملوا العكس عشان يشوفوا مدى خطورة الذكاء الاصطناعي في تطوير الأسلحة الكيميائية.. وبدل ما نظام الذكاء الاصطناعي يبحث عن طرق التخلص من السمّية عدلوا عليه عشان يبحث عنها. النظام قدر إنه يكتشف 40 ألف مادة جديدة شديدة السمّية، وصل درجة بعضها إلى درجة سمّية مركب VX، أقوى عامل أعصاب تم تطويره على الإطلاق.. واللي طورته بعض الدول كسلاح كيميائي. كل ده قدر الذكاء الاصطناعي يكتشفه في 6 ساعات فقط!

ما هو الدي إن إس DNS 🤔 دلوقتي لو في شخص محتاج يزور شخص ما أكيد لازم يكون عارف عنوان بيته مظبوط؟ كذلك شخص حابب يدخل موقع مثلا وليكن جوجل لازم يكون عارف عنوان جوجل تمام؟ طبعا معظم الناس فاكرة إن عنوان جوجل هو google,com وده صحيح جزئيا، لكن مش ده عنوان الموقع، عنوانه بيكون عبارة عن آي بي مكون من أرقام زي كدة 142,251,37,46 لو كتبت الأرقام في المتصفح دي مع استبدال العلامة العشرية بنقطة . وضغطت دخول هتلاقي نفسك اتحولت لموقع جوجل. طيب مفهمتش برضه إيه لازمة الـDNS 🤷‍♂️ تخيلوا إن مفيش عناوين حروف للمواقع، يعني عشان تدخل جوجل مثلا لازم تكون حافظ الآي بي بتاعه وفيسبوك شرحه وهكذا.. ممكن تحفظوا كام موقع؟ عشان كدة تم إنشاء خدمة DNS ودي اختصار لمصطلح Domain Name System وهو باختصار عبارة عن مترجم أو وسيط بيستلم رابط الموقع الحرفي من المستخدم العادي وبيحوله لآي بي عشان الشبكة تعرف بالظبط الموقع اللي المستخدم محتاج يوصله وبالتالي يتم الرد عليه بصفحة الموقع المطلوب. تقدر تعرف الآي بي الخاص بأي موقع من خلال فتح نافذة Run وكتابة cmd للدخول إلى موجه الأوامر، وبعد كدة تكتب أمر ping ومسافة ثم اسم الموقع والامتداد.

بعد ما تحدى بوتين في مبارة قتالية على أوكرانيا.. رئيس جمهورية الشيشان رمضان قديروف عرض على ماسك التدرب في مراكز تدريب في الشيشان عشان يتحول من "إيلونا" الناعمة إلى "إيلون" الشرس.. إيلون ماسك رفض العرض لأنه هيمنحه قوة مفرطة ضد بوتين.. وبعدها غير اسمه على تويتر لـ إيلونا 🙃

ألمانيا تحذر أوروبا من استخدام برنامج الحماية الروسي كاسبرسكاي لإمكانية استخدام روسيا للبرنامج في عمليات تجسس أو اختراق 😏

قد تفاجئ في يوم من الأيام بأنك لا تستطيع الدخول إلى حسابك وتظهر لك رسالة بأنه تم تعطيل حسابك على فيسبوك ولن تتمكن من الوصول إليه مجددا 😥 هناك 10 أسباب قد تؤدي إلى تعطيل حسابك على فيسبوك. تعرف على كيفية تنفيذهم على حسابك لإغلاقه والتخلص من هذا الموقع المزعج 👇 https://bit.ly/2MXxEp6

الوجوه التعبيرية لأحدث إصدار من نظام الآيفون iOS 15.4 🙂

طالب هندي في كلية الطب اتمسك بيغش في امتحان التخرج من سماعة بلوتوث ميكرو زرعها جوة الأذن بعد ما فشل في التخرج من الكلية لمدة 11 سنة..

حسب الدايلي ميل البريطانية.. وفرت شركة آبل 6.5 مليار دولار من خلال عدم توفير شاحن وسماعات مع الآيفون. يا ترى مين دفعهم 🤔

إيلون ماسك عايز يلاعب بوتين ماتش مصارعة على أوكرانيا.. لما تشرب حتة بمليار لوحدك

الجماعة بتوع LAPSUS اللي اخترقوا نيفيديا وسامسونج وسربوا بيانتهم كانوا عاملين استفتاء على التسريب الجديد بين 3 شركات منهم فودافون.. فودافون كسبت الاستفتاء وهيتسربلها 200 جيجا بيانات مسروقة. حب الناس يا أخي

بمناسبة إغلاق يوتيوب فانسد.. في برنامج تحميل للكمبيوتر اسمه Free Download Manager.. هو أفضل برنامج تحميل مجاني، ويعتبر منافس مباشر لبرنامج IDM. البرنامج ده بيحمل من أي موقع، بيحمل تورنت، بيدعم إيقاف واستئناف التحميل، وكان بيدعم التحميل من اليوتيوب بكل الجودات المتوفرة، وتحميل قايمة يوتيوب، وحتى تحميل قناة بالكامل.. من كام شهر وقفت خاصية التحميل من اليوتيوب في البرنامج، دورت على منتدى الموقع بتاعهم لقيت واحد نشر بوست عن المشكلة وحد من المديرين رد عليه إن وصلهم إشعار قانوني من جوجل عشان كدة وقفوا التحميل من يوتيوب.. وبعدها بيومين البوست اتمسح من المنتدى. هي جوجل نفسها عارفة إن عمرها ما هتقدر تمنع التحميل من يوتيوب.. بس هي مصممة تخرب أي حاجة احنا بنستخدمها..