Tech Xtream

يوتيوب فانسد وصل للنهاية ❌ مطوري تطبيق يوتيوب فانسد نشروا بوست إن روابط التحميل وسيرفر الديسكورد هيتم حذفهم الأيام القادمة وإن هيتم وقف تطوير التطبيق بشكل نهائي، لكن النسخة الحالية من التطبيق هتشتغل لفترة لم يتم تحديدها. حسب المطورين فالسبب كان قانوني.. في الغالب جوجل رزعتهم أمر Cease and Desist من بتوعها.. فطبيعي إنهم ينفذوا الأمر لتجنب الدخول في معركة قضائية مع جوجل.

مزود خدمة VPN الشهير TorGuard قرر يحظر ترافيك التورنت بعد ما اترفع عليه قضية من 24 ستوديو أفلام 😂

مزود خدمة VPN الشهير TorGuard قرر يحظر ترافيك التورنت بعد ما اترفع عليه قضية من 24 ستوديو أفلام 😂

العالم لسه خارج من أزمة أنهكت الاقتصاد العالمي واتسببت في ارتفاع معدل التضخم لمستويات محصلتش من عقود.. بدأنا نفوق منها شوية ولسه بنقول يا هادي دخلنا في حرب هتتسبب في أزمة طاقة وغذاء ممكن تؤدي لمجاعات خصوصا في الدول الخايبة اللي عايشة على استيراد غذائها. كمان كام يوم اجتماع الاحتياطي الفيدرالي وبنسبة 99% هيتم تحريك سعر الفائدة على الدولار.. ده تأثيره سلبي جدا على الدول ذات الاقتصادات الهشة اللي الدولار فيها بيسمى العملة الصعبة، وفي الغالب ده هيضغط على عملات الدول دي لغاية ما تنخفض قيمتها أكتر لاستيعاب الزيادة.. وده طبعا معناه ارتفاع أسعار السلع والمنتجات. في ظل الجو العام المشرق ده أعتقد من السفه والجهل إن شخص يروح يورط نفسه في شراء حاجة ترفيهية بالتقسيط لمجرد الفشخرة، بدون مبالاة للوضع الاقتصادي لنفسه ولا للدولة اللي عايش فيها. صور كتير شوفتها اليومين اللي فاتوا ظاهر فيها أعداد كبيرة استجابت لعروض وهمية، وقرروا يشتروا منتجات مفيش ليها ضرورة ومفيش قدرة مالية عندهم على شراءها كاش.. وحملوا نفسهم عبء أقساط فيها شبهة ربا ومديونيات الله وحده أعلم إن كانوا هيقدروا يسدوها بعد كدة.

المدير التنفيذي لمحرك البحث DuckDuckGo نشر على تويتر إنهم عملوا تحديثات لتخفيض ترتيب المواقع الروسية اللي بتنشر معلومات مضللة. طبعا هتسأل إيه هو المقياس اللي بيحدد إن المعلومات مضللة أو لا هتلاقي إن الإجابة إنها أي معلومات مش بتنشرها الصحافة الغربية. المفروض إن ده كان محرك بحث محايد بيحافظ على الخصوصية.. دلوقتي بكل بجاحة بعلنوا إنهم بيتلاعبوا في نتائج محرك البحث عشان روسيا وحشة..

هيحصل إيه لو بحثت عن كلمة Bruce Wayne في جوجل 🤔

ترشيحاتنا لأي حد عايز يشوف أفلام عن النصب..

تويتر يحذف الحسابات الإعلامية الروسية ويمنع المستخدمين الروس من تسجيل حسابات جديدة. روسيا تقرر حجب موقع تويتر. للتغلب على الحجب الروسي تويتر يفتح نسخة منه على الدارك ويب عشان يسمح للروس -اللي أصلا هو كان حظرهم- دخول الموقع. حد فاهم حاجة؟

فيسبوك ستسمح بالمحتوى الذي يحرض على العنف ضد روسيا 😯 في خبر حصري لرويترز ذكرت الجريدة إن شركة ميتا قررت التخفيف من سياستها تجاه المحتوى المحرض على العنف في حالة كان السياق يخص ما يحدث في أوكرانيا.. وهتسمح الشركة بوجود محتوى محرض للعنف ضد الجنود الروس، أو يحرض على قتل رئيس روسيا فلاديمير بوتين أو رئيس بيلاروسيا ألكساندر لوكاشينكو. السياسة تم تغييرها لمجموعة من الدول زي بولندا، أرمينيا، لاتفيا، ليتوانيا، المجر، جورجيا، رومانيا.. اللي هي دول قريبة من منطقة الحرب.. وكإن الشركة بتسمح لشعوب الدول دي بالتحريض على العنف لجرها للمشاركة في الحرب !! أخلاقيات الغرب = آلهة العجوة

الوحيد اللي عارف كل أسرارك

تطبيق Google Photos أضاف ميزة جديدة لعمل بلور لخلفية أي صورة والتركيز على عنصر معين حتى بعد التصوير. التطبيق كان بيوفر الميزة دي للصور اللي فهي أشخاص فقط.. لكن مع الميزة الجديدة تقدر تعمل بلور لخلفية صور فيها عناصر مختلفة زي حيوانات زهور وغيرها حتى بعد التقاط الصور.

روسيا بتجهز تعديل لمادة في القانون المدني هيلغي أي عقوبات على قرصنة أي محتوى رقمي مملوك لشركات دولة من الدول اللي وقعت عقوبات على روسيا أو وقفت بيع منتجاتها في روسيا. عقوبات القرصنة في روسيا كانت بتصل عقوبتها للسجن 6 سنوات بحد أقصى وغرامة 500 ألف روبل. القانون الحالي بيسمح لأي شخص إنه يستخدم منتج شركة ما بدون موافقة من الشركة بشرط إنه يدفعلها تعويض مناسب.. التعديل المقترح هيلغي الشرط ده وكمان هيلغي عقوبات قرصنة منتجات الدول دي.

روسيا بتجهز تعديل لمادة في القانون المدني هيلغي أي عقوبات على قرصنة أي محتوى رقمي مملوك لشركات دولة من الدول اللي وقعت عقوبات على روسيا أو وقفت بيع منتجاتها في روسيا. عقوبات القرصنة في روسيا كانت بتصل عقوبتها للسجن 6 سنوات بحد أقصى وغرامة 500 ألف روبل. القانون الحالي بيسمح لأي شخص إنه يستخدم منتج شركة ما بدون موافقة من الشركة بشرط إنه يدفعلها تعويض مناسب.. التعديل المقترح هيلغي الشرط ده وكمان هيلغي عقوبات قرصنة منتجات الدول دي.

أصبحت مجموعة الرموز الغير قابلة للاستبدال Azuki المجموعة الأغلى والأكثر تحقيقا للمبيعات بعوائد تخطت 300 مليون دولار 😯 مجموعة Azuki عبارة عن 10 آلاف أفاتار أنمي مرسوم رقميا.. ويتم تداول الصورة الواحدة حاليا بسعر 9.5 عملة إيثريوم كحد أدنى (24,500$).

آه يا لئيييم 😂

معالج آبل الجديد M1 Ultra يتفوق على أقوى معالجات AMD وإنتل. شركة آبل امبارح أعلنت عن مجموعة منتجات جديدة كانت أهمهم في رأيي الجهاز الجديد Mac Studio. الجهاز في أعلى نسخة منه جاي بـ20 نواة للمعالج، و64 نواة لمعالجة الجرافيكس، 128 جيجا رام. منصة Benchleaks نشرت اختبار الأداء بتاعها اللي في تفوق معالج M1 Ultra في أداء الـSingle-Threaded على معالج آي إم دي Ryzen Threadripper 3990X صاحب الـ64 نواة و128 خيط، ومعالج إنتل Core i9-12900K صاحب الـ16 كور و24 خيط.. وتفوق أيضا في أداء الـMulti-Threaded على نفس معالج إنتل، ولكنه كان أقل من Threadripper 3990X بفارق حوالي 4.5%. CPUs: Single-Threaded Multi-Threaded Apple M1 Ultra: 1793 24055 Threadripper 3990X: 1213 25133 Intel Core i9-12900K: 1997 17204 AMD Ryzen 9 5950X: 1686 16565 بالمناسبة سعر أعلى نسخة من الجهاز هتكلف 8,000$.. بالإضافة إلى 1,600$ سعر شاشة Studio Display.. وده يعتبر مبلغ تافه مقارنة بجهاز Mac Pro 2019 اللي كان بيكلف أعلى إصدار منه ما يقرب من 54 ألف دولار.. وكان من ضمن التكاليف ألف دولار سعر حامل الشاشة.

شركة جوجل تستحوذ على شركة Mandiant مقابل 5.4 مليار دولار نقدا. شركة Mandiant هي شركة متخصصة في الأمن السيبراني والاستجابة للحوادث الأمنية على مستوى الشركات. دي الشركة رقم 5 تستحوذ عليها جوجل في المجال ده بعد استحواذها على شركات: Chronicle VirusTotal BeyondCorp Enterprise Cybersecurity Action Team

روسيا قد تفصل نفسها من الإنترنت العالمي يوم 11 مارس 😮 وسائل إعلام مقربة من الحكومة الروسية بدأت تنشر عن نية الحكومة فصل نفسها بالكامل من الإنترنت، مع عمل الخدمة داخل الدولة فقط. الكلام ده مش وليد الصدفة.. روسيا بدأت تخطط للموضوع ده من سنين وكنت كتبت عنه في 2018. بدأ الموضوع بشكل رسمي في عام 2019 بتمرير قانون الإنترنت السيادي Sovereign Internet Law اللي بيعزز من قبضة الحكومة على الإنترنت ومراقبته والسماح بفصل نفسها من الخدمة العالمية. في سنة 2021 روسيا عملت أول تجربتين لفصل الخدمة في شهر يونيو ويوليو.. وتمت التجارب بنجاح. الخبر ده وإن كان حتى الآن غير رسمي.. لكن الحكومة الروسية دلوقتي عندها مبرر قوي لاستخدام القانون ده وفصل الإنترنت العالمي عن حوالي 145 مليون مواطن بعد كمية الغباء والكراهية اللي اتعاملت بيها الشركات الأجنبية معاهم بسبب الأحداث الأخيرة.

مارك كان عامل مقابلة الشهر اللي فات في برنامج على اليوتيوب.. المحاور في بداية الفيديو جابله كود كابتشا على ورقة وطلب منه يحله عشان يتأكد إنه مش روبوت 😂😂