Tech Xtream

واتساب يطرح خيار إخفاء الحالة (أونلاين) في النسخة التجريبية على الأندرويد وiOS تمهيدا لطرحها في النسخة الرسمية لتحسين تجربة المستخدمين وتشجيعهم على ممارسة قلة السلكان.

شركة BMW دلوقتي بتطلب من العملاء دفع اشتراك شهري مقابل تفعيل ميزة تدفئة المقاعد الأمامية 💺 الشركة بدأت طرح اشتراكات مدفوعة في بعض خدمات عربياتها من 2020.. فيما يعرف بأسلوب الـMicrotransactions اللي بدأت شركات كتير تتبعه في السنوات الأخيرة.. وهو عبارة عن دفع مبالغ صغيرة للحصول على تحديثات أو خدمات أعلى. اللذيذ في الموضوع إنك مش هتحتاج تركب أو تعدل في أي حاجة، لأن كل المعدات المطلوبة لتسخين المقاعد متوفرة بالفعل في العربية، لكن معمولها بلوك من السوفتوير، ولم بتدفع بيتم تفعيلها. الاشتراك تكلفته 18$ شهريا أو 180$ سنويا أو 415$ اشتراك مدى الحياة. فلو عندك عربية BMW وعايز تدفيها لازم تدفع 🙂

برامج إدارة كلمات المرور من أهم البرامج اللي لازم تكون بتستخدمها، سواء على الكمبيوتر أو الموبايل. البرامج دي مهمتها حفظ كلمات المرور بتاعتك على أي مواقع وتطبيقات بتسجل فيها، بحيث تكون غير مضطر إنك تحفظها في ملف نصي على جهازك يقدر أي حد يسرقه، ومش هتكون مضطر تحفظ كلمات المرور بنفسك. النوع ده من البرامج بيكون ليه مميزات تانية كتير.. زي إنه بيحفظ كمان بيانات البطاقات الائتمانية بتاعتك، بتعمل مزامنة لأي تغيرات في كلمات المرور بتاعتك أو لو أضفت كلمات جديدة بحيث تظهر على جميع الأجهزة الموجود عليها حسابك، وبعض البرامج بتدعم أوبشن التنبيهات عشان تعرفك لو حسابك بياناته اتسربت في أي وقت عشان تحدث بياناتك فورا. طبعا بيكون فيه مفتاح رئيسي تقدر تستخدمه للوصول حسابك على البرنامج أو التطبيق، ودي الحاجة الوحيدة اللي محتاج تكون عارفها، وبيكون فيها وسائل للمصادقة الثنائية عشان لو حابب تأمن حسابك أكتر. برامج إدارة كلمات المرور بتدعم جميع أنظمة التشغيل على الكمبيوتر والموبايل، وكمان ليه إضافات لجميع المتصفحات, تقدروا تراجعوا ترشيحاتنا لأفضل برامج مجانية وموثوقة لحفظ وإدارة كلمات المرور من الرابط ده 👇 https://bit.ly/3B9Eli7

الولايات المتحدة فتحت تحقيق جديد ضد شركة هواوي بسبب شكوك حول استخدام الشركة لمعداتها الموجودة في أبراج الاتصالات القريبة من القواعد العسكرية وصوامع الصواريخ في أمريكا لجمع معلومات من الهواتف المحمولة المتصلة بالأبراج (منها هواتف أفراد الجيش) وإرسالها إلى الصين 🙂

نتفلكس في الربع المالي الثاني لعام 2022: ▪️ اضطرت إلى تسريح 450 موظف ▪️ ستفرض اشتراك إضافي 3$ في حالة مشاركة الحساب ▪️ أضافت خطة رخيصة تحتوي على إعلانات لتعويض الخسائر ▪️ خسرت 970 ألف مشترك (أكبر خسارة في تاريخها)

امبارح شركة جوجل وشركة أوراكل اضطروا يوقفوا معظم الخوادم الخاصّة بيهم في بريطانيا بعد فشل وتعطل أنظمة التبريد في مراكز البيانات الخاصة بيهم. موجة الحر اللي ضربت بريطانيا وصلت إلى 40 درجة مئوية واتسببت في حدوث فشل في أنظمة التبريد اللي كانت غير مؤهلة للتعامل مع المستوى ده من الحرارة. توقف أنظمة التبريد أجبر الشركتين على إيقاف عمل الهاردوير لمنع تفاقم الأزمة، وده اتسبب في انقطاع ضخم في الخدمات السحابية الخاصة بالشركتين.

شركة أمازون قررت تقاضي المسئولين عن أكتر من 10,000 جروب على فيسبوك متخصصين في عمل مراجعات مزيفة للمنتجات على أمازون 😯 النوع ده من الجروبات بيسمح للأشخاص بشراء منتج معين على أمازون وتقييمه تقييم إيجابي، وبعد كدة صاحب المنتج بيرد الفلوس للشخص اللي اشترى. الطريقة دي بيعتمد عليها البائعين لرفع قيمة منتجاتهم لأنها بتكون واخدة تقييمات إيجابية كتير، كمان كل ما المنتج يكون تقييمه أعلى كل ما بيكون عنده فرصة يظهر في النتائج الأولى من البحث على أمازون. يبدو إن أمازون مش هتكتفي بالإبلاغ عن المجموعات دي لفيسبوك لإغلاقها، ولكن المرة دي قررت ترفع على مسئولي 10,000 جروب.

روسيا تفرض غرامة على شركة جوجل بقيمة 370 مليون دولار بسبب عدم امتثال الشركة لطلبات إزالة محتوى متعلق بـ"عملياتها في أوكرانيا" اعتبرته الحكومة الروسية غير قانوني ونشر لآخبار زائفة. اجلد

متصفح TOR دلوقتي بيقدر يتجاوز الحجب بشكل تلقائي. في التحديث الجديد 11.5 للمتصفح تم إضافة ميزة بتسهل عملية الاتصال بالإنترنت عبر شبكة تور في حالة الحجب، من خلال توفير جسر لتعمية اتصال المستخدم بشبكة تور.. بدون حاجة لقيام المستخدم بإضافة جسر بشكل يدوي. تحديث مهم آخر تم إضافته للمتصفح وهو وضع HTTPS-Only لتمرير البيانات بين سيرفر الموقع والمستخدم بشكل مشفر وآمن، للحماية من هجوم الوسيط Man-in-the-Mddle.

متصفح TOR دلوقتي بيقدر يتجاوز الحجب بشكل تلقائي. في التحديث الجديد 11.5 للمتصفح تم إضافة ميزة بتسهل عملية الاتصال بالإنترنت عبر شبكة تور في حالة الحجب، من خلال توفير جسر لتعمية اتصال المستخدم بشبكة تور.. بدون حاجة لقيام المستخدم بإضافة جسر بشكل يدوي. تحديث مهم آخر تم إضافته للمتصفح وهو وضع HTTPS-Only لتمرير البيانات بين سيرفر الموقع والمستخدم بشكل مشفر وآمن، للحماية من هجوم الوسيط Man-in-the-Mddle.

منظم الاتصالات الأمريكية يطلب 5 مليار دولار لتمويل عملية إزالة معدات الشبكات الصينية من شبكات الشركات الأمريكية. في 2019 تم تكليف لجنة الاتصالات الفيدرالية بإلزام شركات الاتصالات الأمريكية اللي بتتلقى معونات حكومية بإزالة أي معدات قد تمثل خطر على الأمن القومي، وتم تحديد شركتين بعينهم هواوي & ZTE. سبقت أمريكا بعض الدول الأوروبية وكندا اللي حظرت استخدام أي معدات شبكات من نفس الشركتين، وقررت إزالة أي معدات مستخدمة في شبكات الجيل الخامس بحلول عام 2025.

المدير المسئول عن تطبيق واتساب في شركة ميتا نشر تحذير للمستخدمين من التطبيقات المعدلة لواتساب وإنها تبدو غير ضارة، لكنها بتكون محتوية على مالويرز وبرمجيات خبيثة. ويل ذكر مطور بالإسم وهو HeyMods اللي طور نسخ WhatsApp Plus - Fouad WhatsApp - GB WhatsApp - FMWhatsApp وقال إن إنهم اكتشفوا وجود مالوير في معظم التطبيقات دي، وبلغوا جوجل بيها عشان تمنع تثبيتها على أجهزة الأندرويد من خلال خدمة Google Play Protect. _________________ كلام يحترم وكل حاجة لكن ويل يبدو إنه نسي يحذر من نسخة الواتساب الرسمية لأنها هي كمان غير آمنة..

وبغض النظر عن إن التطبيقات دي ضارة بالمستخدم، فأي شخص بيستخدم تطبيقات زي مريض ومحتاج يتعالج. مش من حق حد يتجسس على موبايل زوجته ولا من حق زوجة تتجسس على موبايل زوجها، ولا تتجسس على ابنك بحجة حمايته. نصيحة أخيرة بلاش تسمحوا لأي شخص بالوصول لأجهزتكم واستخدامها قدر المستطاع، لأن دي الطريقة اللي بيتم الاعتماد عليها لتثبيت التطبيقات دي، ووقت ما النوع ده من التطبيقات بينزل على الموبايل بيخفي نفسه، وهيكون صعب جدا تكتشف إن في حد بيتجسس عليك.

الفترة اللي فاتت في أكتر من شركة تواصلوا معايا عشان أعملهم إعلان لتطبيقهم على موقعي. التطبيقات مختصة بحاجة اسمه "الرقابة الأبوية" وده اسم متلمع وبرنس في نفسه كدة.. لكن اسمه الحقيقي "تطبيق تجسس".. النوع ده من التطبيقات بيسمح إن شخص ما يستخدم التطبيقات ده للتجسس على شخص تاني ويشوف تقريبا كل حاجة بتحصل على الموبايل بتاعه بداية من مكالماته والمواقع اللي بيتصفحها والشات بتاعه على تطبيقات التواصل.. لغاية موقعه الجغرافي وراح فين وجه منين.. حتى كل حرف بيكتبه على الكيبورد. طبعا التطبيقات دي كلها تقريبا مش هتلاقيها موجودة على المتجر لأنها مخالفة لسياساته، ده غير إنها مضرة بالمستخدم، والجهة المطورة للتطبيق أيا كان مين اللي وراها هي كمان يعتبر بتتجسس على نفس الشخص وبتوصل لكل معلوماته. طبعا أنا الإيميلات دي مش برد عليها أساسا وعمري ما هعمل دعاية لتطبيقات حقيرة زي دي بالرغم من إنهم بيدفعوا كويس وهتلاقوا مواقع عربية كتير نشرت عنهم.

يبدو إن شركة مايكروسوفت تخلت عن فكرة إصدار نظام نهائي وتحسينه من خلال التحديثات، وهترجع الشركة لفكرة نظام جديد كل 3 سنوات. من المفترض إن نظام ويندوز 10 اللي صدر في 2015 كان آخر إصدار من نظام ويندوز، وكانت الشركة هتشتغل عليه بالتحديثات بدون إصدارات جديدة. شركة مايكروسوفت تراجعت عن القرار ده لما أصدرت ويندوز 11 في 2021، والأخبار غير الرسمية حاليا إن الشركة هتجمع التحديثات المهمة وتنزلها مرة واحدة في إصدار جديد.. يعني بنسبة كبيرة إن شاء الله ممكن نشوف ويندوز 12 في عام 2024.

منصة فيسبوك بتجرب دلوقتي ميزة للسماح للمستخدمين بامتلاك أكتر من بروفايل على الموقع. بالرغم من إن الموضوع ده متاح حاليا ويقدر أي شخص يعمل أي عدد من الحسابات على الموقع، لكنه غير مسموح ومخالف لسياسات المنصة، ولو حساب واحد منهم اتقفل في الغالب جميع الحسابات التانية بتتقفل. الميزة اللي الموقع بيحاول ينفذها شبيه بميزة في تويتر بتسمح بامتلاك حتى 5 بروفايلات مختلفة وإمكانية التبديل بينهم بسهولة. المفروض إن الميزة دي هتسمح يكون ليك مثلا بروفايل شخصي للعائلة والأصدقاء، واحد تاني للشغل، واحد للهلس والمسخرة وهكذا.. يبدو إن المنصة وصلت لدرجة من اليأس اللي تخليها تجرب حاجة زي كدة، وده طبعا بسبب ضعف أرقام الموقع، وانخفاض عدد مستخدميه بشكل مستمر.. وظهر ده بشكل واضح في تسجيل الشركة لانخفاض في عدد المستخدمين لأول مرة في الربع الأخير من عام 2021.

امبارح تم الإعلان عن مستوى التضخم في الولايات المتحدة، ووصل لـ 9.1%، وده أسوء من الرقم اللي كان متوقع، وأعلى نسبة تضخم من 40 سنة. (النسبة دي كمان أقل من نسبة التضخم الحقيقية). الرقم ده مهم جدا في تحديد سياسة الاحتياطي الفيدرالي في تحريك سعر الفائدة على الدولار.. وحاليا متوقع رفع الفائدة ما بين 0.75% أو 1% دفعة واحدة خلال الاجتماع اللي هيتم 26/27 يوليو الحالي. (نسبة الفائدة الحالية 1.75%). بالمناسبة.. الشارت اللي في الصورة ده بيوضح معدل طباعة الولايات المتحدة للدولار.. وزي ما احنا شايفين حوالي 80% من الدولارات اللي تم طباعتها كانت في آخر سنتين فقط !

شركة جوجل نشرت النسخة البيتا الرابعة والأخيرة من الإصدار رقم 13 من نظام أندرويد، قبل أسابيع من إطلاق الإصدار بشكل رسمي. النسخ البيتا بتوفر للمستخدمين يجربوا أحدث المميزات والإضافات في نظام التشغيل، كمان المطورين بيكون عندهم فرصة لمراجعة أي تعديلات مطلوبة عشان تطبيقاتهم تشتغل بدون مشاكل على الإصدار الحديث. طبعا الناس اللي شغالين بأندرويد كيت كات في الطراوة.. مش محتاجين يشغلوا بالهم بأي حاجة 👍

المدير التنفيذي لمنصة AppSumo نوح كاجان نشر فيديو كان بيتكلم فيه عن بعض الأمور الغريبة في بدايات شركة فيسبوك، بما إنه كان الموظف رقم 30 في الشركة. من ضمن الحاجات الغريبة اللي قالها إن مارك زوكربيرج كان مش عاجبه بعض الحاجات في تصميم الموقع، فدخل على المطورين بسيف ياباني وهددهم إنه هيقطعهم !