Tech Xtream

⛔ خلاصة عملية استعادة الملفات المحذوفة من الأندرويد ⛔ 1- لو الملف المحذوف كان متخزن على الذاكرة الداخلية للموبايل مفيش طريقة تقدر تسترده بيها إلا لو الموبايل كان موجود عليه صلاحية الروت.. استخدام أي برنامج موجود على المتجر أو خارج المتجر بدون وجود روت في الموبايل مش هيجيب نتيجة ❌ 2- لو الملف المحذوف كان متخزن على الذاكرة الداخلية والنسخ الاحتياطي متفعل على الموبايل ممكن تسترده مرة تانية بسهولة من السحابة، ويُفضل لو مفيش عندك ملفات "حساسة" على الموبايل إنك تكون مفعل النسخ الاحتياطي. 3- لو الملف المحذوف كان متخزن على ذاكرة خارجية ممكن تسترده تاني من خلال إزالة الكارت من الموبايل وتوصيله بالكمبيوتر وتشغيل برنامج لاستعادة الملفات من الكارت للكمبيوتر، وبعد كدة نقل الملفات تاني للموبايل. دي الزتونة عشان الموضوع ده اتعمل عليه كمية محتوى غلط بشكل كبير. طريقة استعادة الملفات المحذوفة من الذاكرة شرحتها في الفيديو ده 👇 https://bit.ly/3kgAvHH

من شوية خلصت واحدة من أشهر مسابقات الاختراق الدولية وهي كأس Tianfu. كأس Tianfu عبارة عن مسابقة بين مجموعات هاكرز مختلفة على اختراق أهداف صعبة جدا في وقت قليل.. كل فريق بيكون ليه 3 محاولات كل محاولة 5 دقايق، ولازم تكون الثغرات المستغلة في الاختراق أصلية لم يتم اكتشافها قبل كدة. أهم البرامج والأنظمة اللي تم اختراقها: ▪ iOS 14 ▪ Ubuntu ▪ Chrome ▪ Safari ▪ Firefox ▪ Adobe PDF Reader ▪ Samsung Galaxy S20 ▪ Windows 10 v2004 ▪ Docker (Community Edition) ▪ VMWare EXSi (hypervisor) ▪ TP-Link and ASUS router firmware جوائز المسابقة وصلت إلى 1.2 مليون دولار.. حصد منها الفريق الفايز بالمسابقة لوحده على 745,000$.

كورس كامل 6 ساعات لتعلم لغة بايثون بالعربية 🔥 الكورس مجاني لفترة محدودة 👇 https://bit.ly/3k2czb6

في الوقت اللي أمريكا بتمر بحالة صراع وفوضى مفيش حد عارف هيخلص على إيه الصين أطلقت أول قمر صناعي بتقنية الجيل السادس 6G. القمر الاختباري هيبدأ تجربة استخدام نطاق تردد تيراهرتز THz. النطاق ده هيسمح بوجود عدد أكبر من الأجهزة المتصلة، بالإضافة إلى توفير سرعات إنترنت بحجم 1 تيرابت/ثانية.

ثغرة Wi-Fi Protected Setup أو ما يُعرف بـ WPS 📶 واحدة من معايير الاتصال بالشبكة اللي تم إنشائها من أجل تسهيل عملية الاتصال بالواي فاي بدون حاجة إلى باسورد، ولكن باستخدام كود مكون من 8 أرقام فقط. محاولة تخمين كود مكون من 8 أرقام تعني أن هناك 100 مليون احتمال، وهذا يجعل الأمر صعب جدا، لكن آلية تحقق الراوتر السيئة من صحة الكود عبر التحقق أولا من صحة أول 4 أرقام يقلل عدد الاحتمالات إلى 11 ألف احتمال فقط ! عدد الاحتمالات القليل يجعل هذا الكود سهل جدا للاختراق ببعض الأدوات الآلية 🤖 بالرغم من وجود بعض أجهزة الراوتر التي لديها آلية للكشف عن محاولات الاتصال بالشبكة عبر ثغرة WPS، لكن الأفضل هو إغلاق هذه الميزة بالكامل لحماية شبكة الواي فاي ❌ في هذا المقال مزيد من المعلومات عن بروتوكول WPS وكيفية إغلاقه بسهولة من صفحة إعدادات الراوتر 👇 https://bit.ly/3jZIGbf

النهاردة حصل تحويل بتكوين بقيمة مليار دولار من محفظة كان بيستخدمها موقع SilkRoad الشهير 😯 موقع طريق الحرير كان أكبر موقع تجاري على الدارك ويب.. حاجة كدة زي أمازون بيتباع عليه كل حاجة من أول المخدرات والفيز المسروقة.. لغاية استئجار Assassins. الغريب في عملية التحويل إن الموقع مقفول من سنة 2013 بعد القبض على "مؤسسه" روس أولبريخت حسب زعم الإف بي آي وهو حاليا مسجون بعد الحكم عليه مرتين بالسجن مدى الحياة. وحاليا مفيش أي معلومة عن مين اللي عمل التحويل.. هل جهات أمنية أو هاكرز قدروا يخترقوا المحفظة وينقلوا الفلوس منها؟ هل في أشخاص تانية كانت بتشارك في إدارة الموقع وكان عندهم وصول للمحفظة؟ وليه استنوا 7 سنين كاملة عشان ينقلوا الفلوس؟

شرح وتحميل أفضل برنامج استعادة الملفات المحذوفة من الكمبيوتر Recuva 🔥 https://youtu.be/RJ4SbsGDYh8

فرصة مهمة 🔥 القنصلية البريطانية عاملة عرض ممتاز جدا تقدر من خلاله تحدد مستواك في اللغة الإنجليزية في المهارات الأربعة (القراءة - الكتابة - التحدث - الاستماع ) وتحصل على تقييم من مدرس معتمد من القنصلية.. بالإضافة إلى إعدادك بشكل ممتاز لدخول امتحان IELTS. شهادة IELTS هي شهادة معتمدة دوليا في اللغة الإنجليزية، وهي حاجة ضرورية لو بتفكر تدرس في الخارج، تقدم على هجرة، أو تحسن الـCV بتاعك. الفرصة دي متاحة مجانا بدون أي رسوم في مصر - السعودية - الإمارات. كل اللي بتحتاج تعمله هو التقديم من خلال الرابط، بعد التسجيل هتستنى إيميل أو اتصال من القنصلية بيحدد معاك أول ميعاد والخطوات التالية. يا ريت نعمل شير للإفادة ❤️ https://bit.ly/3jWef5Q

الولايات المتحدة.. أقوى دولة في العالم.. عاصمة الصناعات.. تمتلك أكبر شركات تقنية في العالم فشلت إنها تلاقي وسيلة تصويت في الانتخابات الرئاسية غير التصويت عبر البريد 📭 بالرغم من التقدم التكنولوجي الخرافي الموجود حاليا.. فشلت أمريكا في ابتكار أي وسيلة تقنية آمنة تسمح لمواطنيها بالإدلاء بأصواتهم بدون حاجة للذهاب إلى لجان الانتخاب.. وده بعد تحذير الأجهزة الأمنية للإدارة الأمريكية بأن أي وسيلة تقنية هيتم استخدامها هتكون عرضة للتلاعب من قبل دول خارجية زي روسيا والصين وإيران. التصويت عبر البريد ممكن يؤدي لنتائج كارثية لأن التصويت الطبيعي هيتم الإعلان عن نتائجه الأولية في نفس اليوم، واللي بنسبة 90% هتظهر تفوق ترامب على جو بايدن.. في حين إن الإعلان عن نتائج فرز أصوات البريد اللي متوقع يكون متفوق فيها بايدن هيكون متأخر شوية.. ده هيعطي فرصة لترامب لإعلان فوزه بالانتخابات حتى قبل الإعلان عن النتيجة الرسمية.. وفي حالة كانت النتيجة الرسمية خسارته للانتخابات هيتهم الديموقراطيين بتزوير الانتخابات وهتحصل حالة من الفوضى اللي نتائجها قد تكون كارثية 💣

كورس كامل 34 ساعة لتعلم تطوير الويب Front End من الصفر للاحتراف 🔥 الكورس مجاني لفترة محدودة 👇 https://bit.ly/382X1l5

أخبار كتير انتشرت اليومين اللي فاتوا بتقول إن شركة آبل شغالة من فترة على تطوير محرك بحث خاص بيها تستخدمه على منتجاتها بدل من محرك جوجل. بالرغم من إن آبل "حسب التسريبات" بتحصل على 8-12 مليار دولار سنويا مقابل إنها تخلي محرك جوجل هو المحرك الافتراضي على متصفح سفاري، لكن واضح إن الشركة عايزة تبعد عن جوجل خصوصا بعد قضية الاحتكار الضخمة اللي مرفوعة عليه. آبل عندها زاحف Crawler اسمه Applebot.. وده اللي بيزحف للويب عشان يجاوب على استفسارات المستخدمين على منتجات آبل زي المساعد الصوتي Siri.. لكن اليومين اللي فاتوا نشاطه على الويب ارتفع وواضح إن بيتم تجربته على محرك البحث حاليا.

من أكتر الأخطاء المضرة جدا اللي معظم الناس بتعملها هو الاعتقاد إن بمجرد مسح الملفات من موبايلها إن الملفات بالفعل تم حذفها من ذاكرة الجهاز وده خاطئ تماما.. وللأسف ناس كتير بتعتمد على الطريقة دي في حذف ملفاتها لما تكون عايزة تبيع الجهاز بتاعها مثلا أو حتى بتعمله فورمات.. ولكن برضه صورهم وفيديوهاتهم بتكون قابلة للاستعادة 🤦‍♂️ أي ملف إلكتروني بيتكون من مجموعة من الأرقام 0-1 ودي اللغة اللي يقدر الكمبيوتر يفهمها.. لما بيتم حذف ملف ما بالطريقة العادية بيفقد الكمبيوتر القدرة على الوصول لحاجة تشبه الجدول كان بيعتمد عليها في الوصول للسيكتورز أو الأماكن على الهارد ديسك أو ذاكرة الموبايل اللي متخزن عليها الملف، لكن في نفس الوقت الملف نفسه (اللي هو الآصفار والآحاد) بيفضل موجود زي ما هو في مكانه، وباستخدام أي برنامج Recovery بسيط ممكن نستعيد الوصول للملف مرة تانية 📂 لما نحذف ملف بيظهر لنا إن فيه مساحة فاضية تم إضافتها للجهاز.. لكن احنا عارفين إن الملف لسه موجود متحذفش 🤔 وده ببساطة لأن نظام التشغيل بيقولنا إن المساحة دي أصبح متاح إننا نكتب عليها ونخزن عليها ملفات، وعشان كدة نظام التشغيل بيعتبر المساحة اللي بتشغلها بيانات ملف محذوف هي مساحة فاضية. الحل المتاح عشان نحذف الملف بشكل نهائي هو الكتابة على مساحة الملف المحذوف، يعني نمسح ملف ونخزن ملف جديد على نفس المساحة وبكدة بيانات الملف الأصلى بتتحذف للأبد.. والعملية دي معروفة باسم التمزيق أو Shredding. الحذف بطريقة التمزيق سهل جدا ومش بيحتاج أي خبرة.. ممكن نستخدم تطبيق بسيط على الموبايل نقدر من خلاله نحذف أي ملف بشكل نهائي بالاعتماد على الطريقة دي ❎ ده فيديو بسيط فيه معلومات مفيدة جدا عن عملية الحذف وازاي بتتم وإيه اللي بيحصل للملف بعد الحذف، مع شرح لتطبيق مجاني بسيط جدا نقدر نعتمد عليه في حذف الملفات بشكل نهائي من الموبايل 👇 https://bit.ly/2GedUO6

كورس كامل 20 ساعة لتعلم الاختراق الأخلاقي 🔥 الكورس مجاني لفترة محدودة 👇 https://bit.ly/3mIGozj

ما هو متصفح البصلة TOR Browser 🤔 بالرغم من إنه أقوى متصفح من حيث الأمان والحماية إلا إنه اكتسب سمعة سيئة خصوصا في الوطن العربي بشكل خاطئ تماما.. عشان كدة هنتكلم شوية عن حكاية متصفح تور. ▪ ما هو متصفح تور؟ بداية TOR كانت عبارة عن مشروع للبحرية الأمريكية بهدف توفير شبكة آمنة ومشفرة للتواصل، ولكن بعد كدة في عام 2002 تم طرح الكود المصدري للمشروع علنا وأصبحت تقنية تور مفتوحة المصدر يقدر أي حد يستخدمها. حاليا شبكة تور بيتم إدارتها من قبل مؤسسة غير هادفة للربح، بالإضافة إلى آلاف المتطوعين من حول العالم اللي بيستضيفوا الأجهزة اللي بتكوّن الشبكة، بالإضافة لمطوري متصفح تور وغيرهم. ازاي تور بيشتغل 🤔 في البداية كلمة TOR هي اختصار لمصطلح The Onion Routing أو التوجيه البصلي، وهنعرف فيما بعد ليه تم استخدام نبات البصل تحديدا كنوع من أنواع التشبيه. في البداية لما تبدأ تتصل بالإنترنت بيتم تكوين ما يُعرف بـدائرة تور Tor Circuit، ودي عبارة عن مجموعة أجهزة كمبيوتر أو خوادم موجودة في دول مختلفة حول العالم، اتصالك بيمر عبر الأجهزة دي قبل ما يوصل للموقع اللي عايز تدخله أو العكس، ده عشان اتصالك يكون شبه مستحيل تتبعه. الأجهزة دي بيتم اختيارها عشوائيا وعددها بيكون على الأقل 3. - من خلال تور بتبدأ عملية تشفير للبيانات الخاصة بيك زي عنوانك IP والوجهة أو الموقع اللي انت عايز تدخله وهكذا، البيانات دي بيتم تشفيرها كأجزاء أو طبقات، وفي كل مرحلة ما من مراحل الاتصال بيتم فك تشفير طبقة معينة عشان الاتصال يوصل للوجهة بتاعته. 1⃣ عُقدة الدخول Entry Node أول حاجة عندنا عقدة أو مُرحل الدخول، وفي النقطة دي بيتم فك طبقة تشفير من البيانات وهي معلومات المتصل نفسه، وبالتالي المُرحل ده بيكون عارف انت مين يعني عارف الآي بي بتاعك وعارف عنوان المُرحل التالي بس. دي المعلومات اللي بيكون عارفها، لكن مش بيكون عارف حاجة تانية زي الموقع اللي عايز تدخله مثلا. 2⃣ العُقدة الوسطى Middle Node لما الاتصال بيوصل للنقطة دي بيتم فك طبقة تشفير جديدة وبيكون فيها معلومات المُرحل السابق والمُرحل التالي بس. مش بيكون فيها أي معلومات عنك. 3⃣ عقدة الخروج Exit Node أخيرا لما الاتصال يوصل لمُرحل الخروج بيتم فك تشفير آخر طبقة من الطبقات المشفرة واللي بيكون فيها الموقع اللي المستخدم عايز يدخله بدون وجود أي معلومات عن المستخدم نفسه. * يبقى احنا عندنا مُرحل عارف انت مين بس ميعرفش انت عايز تروح فين، ومُرحل ميعرفش أي معلومات عنك، وآخر مُرحل بيكون عارف إن فيه شخص عايز يدخل للموقع الفلاني.. لكن ميعرفش مين الشخص ده. عظمة صح ! * ومن هنا كان الشبه مع نبات البصل بحيث إنك بتشيل طبقة عشان توصل للطبقة التالية وهكذا. هيتم اختراقك لما تستخدم متصفح تور 🤔 طبعا دي تحنيكة بشوفها في كل حتة عشان متصفح تور يعتبر بوابة الدخول للديب ويب، لكن الكلام ده غلط تماما. متصفح تور زي زيه أي متصفح تاني تقدر تستخدمه في الدخول للنت، لكنه بيوفر لك حماية وتشفير لاتصالك أقوى حتى من الـVPN، بل وبيوفر أدوات حماية أقوى من أي متصفح تاني نظرا لأنه بيستخدم للدخول لمواقع غير عادية، لكن في النهاية سلوكك ووعيك التقني هو اللي بيجعلك تكون أو لا تكون عرضة للاختراق على تور أو على غير تور. ▪ تور ليه بعض السلبيات زي إن الاتصال ممكن يكون بطيء أحيانا بسبب عمليات التشفير وفك التشفير وتمرير الاتصال بين أجهزة في أماكن مختلفة في العالم، كمان المواقع مش بتحبه لأنه بيخفي معلومات المتصل ودي بيضرها شوية، وبرضه عشان اتصالات تور بيستخدمها الهاكرز في أوقات كتير في عمليات الهاكينج عشان يحموا نفسهم من التتبع. ▪ دي كانت نبذة مختصرة عن TOR.. إن شاء الله في الرابط ده معلومات أكتر عن الخدمة، طريقة استخدامها على الكمبيوتر والأندرويد والآيفون، حل مشاكل كتير زي مشكلة التحميل والاتصال وغيرها 👇 https://www.netaawy.com/2017/07/What-is-tor.html

شركة شاومي قدرت تتخطى شركة آبل لتصبح تالت أكتر شركة حققت مبيعات بعد هواوي وسامسونج. سامسونج برضه أزاحت هواوي من الصدارة بعد ما حققت مبيعات تتخطى 80 مليون موبايل في الربع التالت من 2020 من إجمالي 353 موبايل تم بيعهم في نفس الربع.