Tech Xtream

مطورين لعبة Cyberpunk 2077 وصلهم تهديدات بالقتل بعد تأجيل إصدار اللعبة للمرة الرابعة ! أخبار كتير انتشرت على تويتر عن الظروف اللي شغال فيها القائمين على اللعبة وإنهم بيشتغلوا فوق 100 ساعة في الأسبوع بسبب حجم الضغط عليهم، وبعضهم ظهرت عليه آثار أمراض نفسية وجسدية. في مجال التكنولوجيا بشكل عام المطورين والمبرمجين بيكونوا ضحية لأقسام الإدارة والتسويق اللي بيحددوا مواعيد إصدار أو تسليم المنتج، وبيكون مطلوب من اللي شغال التسليم في الميعاد بغض النظر عن إذا كان ده ممكن ولا لا. لعبة Cyberpunk 2077 تم الإعلان عنها في 2012 ولمدة 8 سنين لسه اللعبة لم يتم إصدارها حتى الآن.

عد نجاحها الساحق في سوق المعالجات أمام شركة إنتل.. شركة AMD أعلنت عن 3 بطاقات رسومية جديدة بتنافس بيهم البطاقات الأقوى لشركة نيفيديا 🔥🔥 ▪ كارت (Radeon RX 6800 ($579 / ينافس كارت RTX 2080 Ti أو RTX 3070. طاقة 250 وات - ذاكرة 16GB - نوع GDDR6 - تردد يصل إلى 2105Mhz - كاش 128MB - دعم 4K. ➖➖➖➖➖➖➖➖➖➖➖➖➖➖➖➖➖➖➖➖ ▪ كارت (Radeon RX 6800 XT ($649 / ينافس كارت نيفيديا RTX 3080. طاقة 300 وات - ذاكرة 16GB - نوع GDDR6 - تردد يصل إلى 2250Mhz - كاش 128MB - دعم 4K. ➖➖➖➖➖➖➖➖➖➖➖➖➖➖➖➖➖➖➖➖ ▪ كارت (Radeon RX 6900 XT ($999 / ينافس كارت نيفيديا RTX 3090 طاقة 300 وات - ذاكرة 16GB - نوع GDDR6 - تردد يصل إلى 2250Mhz- كاش 129MB - كاش 128MB - دعم 4K.

الموقع الرسمي لحملة دونالد ترامب الانتخابية تعرض للاختراق وتم حذف محتوى الموقع بالكامل. الهاكرز اخترقوا الموقع على طريقة الجهات الأمنية زي FBI لما بتقفل موقع على الإنترنت، وقالوا إن سبب الاختراق هو نشر الأخبار الكاذبة. الجدير بالذكر إن ترامب كان في مؤتمر من بتوعه الأسبوع اللي فات وقال “Nobody gets hacked” 😂

كورس كامل 10 ساعات لتعلم المونتاج وتحرير الفيديو على برنامج Adobe Premiere الكورس مجاني لفترة محدودة https://bit.ly/3mqSgpq

لو على موبايلك تطبيق من التطبيقات دي احذفه فورا ❎ باحثين من شركة Avast اكتشفوا إن التطبيقات دي مصابة ببرمجية Adware خبيثة بتخلي التطبيق يخفي نفسه بعد ما ينزل على الموبايل وبعد كدة بيبدأ يعرض كمية كبيرة من الإعلانات المزعجة للمستخدم. ▪ Shoot Them ▪ Crush Car ▪ Rolling Scroll ▪ Helicopter Attack - NEW ▪ Assassin Legend - 2020 NEW ▪ Helicopter Shoot ▪ Rugby Pass ▪ Flying Skateboard ▪ Iron it ▪ Shooting Run ▪ Plant Monster ▪ Find Hidden ▪ Find 5 Differences - 2020 NEW ▪ Rotate Shape ▪ Jump Jump ▪ Find the Differences - Puzzle Game ▪ Sway Man ▪ Money Destroyer ▪ Desert Against ▪ Cream Trip - NEW ▪ Props Rescue

فيديو بسيط بيشرح طريقة معرفة الأجهزة المتصلة بالراوتر وأي شخص بيسرق منك واي فاي وطريقة حظر الأجهزة دي من الشبكة 👇 https://bit.ly/34v14EJ

لو معاك موبايل هواوي مش موجود عليه خدمات جوجل في طريقة جديدة نزلها موقع XDA-Developers تقدر من خلالها تنزل كل تطبيقات جوجل على موبايلك. الطريقة بتعتمد على تطبيق APK بتحمله للموبايل بتاعك بعد كدة بتشغله وتديله كل الصلاحيات اللي محتاجها وفي خلال أقل من 10 دقايق هتقدر تنزل المتجر واليوتيوب وباقي التطبيقات. يُفضل قبل ما تستخدم التطبيق تعمل ضبط مصنع للموبايل عشان متواجهش أي مشاكل في عملية التثبيت. الطريقة دي للناس اللي معاها بالفعل موبايل هواوي.. لكن لا أنصح نهائيا بشراء أي موبايل هواوي جديد. لينك تحميل التطبيق https://forum.xda-developers.com/android/apps-games/googlefier-install-gms-huawei-honor-t4180485 لينك الفيديو https://www.youtube.com/watch?v=t4sSdzwVhKk&ab_channel=XDA

الأسبوع اللي فات شركة جوجل اترفع عليها قضية هي الأكبر في مجال مكافحة الاحتكار على الإطلاق في الولايات المتحدة. القضية مرفوعة من وزارة العدل وبيشارك فيها 11 ولاية أمريكية بتهدف بشكل رئيسي لتفكيك شركة جوجل وإجبارها على بيع متصفحها "جوجل كروم" وجزء من منصتها الإعلانية المسيطرة على أكبر حصة من سوق الإعلانات. القضية بترتكز على سياسات جوجل الاحتكارية اللي اتبعتها لسنوات عشان تقتل أي محاولة لمنافستها سواء بالاستحواذ القسري على أي شركة ناشئة في المجال أو دفع أموال لشركات زي آبل وموزيلا عشان تخلي محرك جوجل هو المحرك الافتراضي للمتصفح. جوجل كانت بتدفع لآبل 12 مليار دولار سنويا عشان تخلي محركها هو المحرك الافتراضي على متصفح سفاري، وبتدفع لموزيلا 450 مليون دولار عشان يفضل محركها المحرك الافتراضي على متصفح فايرفوكس. متصفح كروم حاليا يسيطر على حصة 70% مقابل 30% لجميع المتصفحات التانية، ومحرك جوجل بيمتلك 95% من جميع عمليات البحث اللي بتحصل على الإنترنت.

أفضل 5 مواقع لتعديل وتحرير الصور أون لاين بدون برامج 🔥 https://www.netaawy.com/2020/10/best-online-photo-editors.html

كورس 11 ساعة لتعلم اختراق تطبيقات الويب ومجال صيد الثغرات 🔥 الكورس مجاني لفترة محدودة 👇 https://bit.ly/31yTjf5

موقع ProtonMail اللي كان بيستخدمه مستر روبوت في إرسال واستقبال الإيميلات بشكل آمن تماما 🛡 تعتبر خدمة ProtonMail واحدة من أفضل الخدمات لعمل بريد إلكتروني آمن ومجاني في خطوات بسيطة بدون رقم موبايل. أهم ميزة في الخدمة إنها بتوفر لك إيميل مشفر تماما ولا يمكن من خلاله تعقبك أو معرفة أي معلومات عنك. فيديو بسيط بيشرح طريقة عمل إيميل على الخدمة في 3 دقايق 👇 https://bit.ly/31Asebd

عودة تطبيق تيليجرام للعمل بشكل طبيعي.

خلال أسبوع واحد فقط 5 من أشهر ألعاب الفيديو تم كسر حمايتهم "تكريكهم" منهم لعبة Mafia اللي لسه نازلة من 20 يوم. الخمس ألعاب كلهم بيستخدموا حماية دينفو DENUVO 🤦‍♂️ ▪ Death Stranding ▪ Marvel's Avengers ▪ Mortal Kombat 11 ▪ Crysis Remastered ▪ Mafia Definitive Edition