Tech Xtream

ما هو معنى النانومتر NM في المعالجات 🤔 طبعا مفيش حد فينا مسمعش قبل كدة حاجة زي معالج 14 نانومتر و10 نانومتر وغيرهم، لكن إيه معنى المصطلح ده وإيه الفرق بين معالج 10 أو 14 نانومتر؟ أولا النانو هي وحدة قياس = 1 من مليار جزء. وبالتالي 1 نانومتر = 1 من مليار جزء من المتر ودي حاجة لا ترى بالعين المجردة 🕵‍♀ عندنا المعالج بيكون فيه مجموعة من المكونات أبرزها واحد من أعظم ابتكارات القرن وهو الترانزستور. وفقا لقانون "جوردون مور" أحد مؤسسي شركة إنتل فعدد الترانزستورز والريزستورز (المقاوم الكهربائي) بيتضاعف كل 24 شهر.. ده معناه إن المساحة اللي بنحتاجها مثلا عشان نركب مليون ترانزستور، بعد سنتين بفضل البحث والتطوير بنقدر نصغر حجم الترانزستورز بحيث نقدر نستخدم نفس المساحة السابقة في تركيب 2 مليون ترانزستور، وبالتالي بقى عندنا معالج أقوى بدون حاجة إلى زيادة حجمه. تصغير حجم الترانزستورز بيفرق بشكل كبير في أداء المعالج، لأنه بيمنحه سرعة أكبر في التبديل، وبالتالي استهلاك طاقة أقل، وبالتالي توفير أداء أعلى 🚀 نرجع لموضوعنا.. المعالجات الحالية بيكون فيها كمية ترانزستورز ضخمة.. مثلا معالج زي i7 6700K عدد الترانزستورز فيه 1.750 مليار ترانزستور، معالج آبل A14 فيه 11.8 مليار ترانزستور وهكذا.. وعشان حجم الترانزستور بيقل إلى النصف تقريبا كل سنتين زي ما قولنا، المسافة بين كل ترانزستور والتاني أو مكونات المعالج التانية عموما هي كمان بتقل، والمسافة دي هي اللي بيتم قياسها بوحدة "النانومتر" وكل ما الرقم يكون أقل، ده معناه عدد ترانزستورز أكبر، وأداء أعلى. الرقم ده هيفضل يقل لحد ما نوصل للحد الأدنى 1 نانومتر، ويبقى كدة البشرية وصلت لأصغر حجم ممكن لصناعة الترانزستور، وبكدة برضه هنكون وصلنا لحاجة شبه نهائية من تطوير المعالجات العادية، والأمل هيكون في تكنولوجيا الحوسبة الكمومية.

شركة TSMC التايوانية اقتربت من تحقيق طفرة كبيرة في تصنيع المعالجات بعد اقترابها من تصنيع معالج بتقنية 2 نانومتر 😯 التوقعات إن إنتاج المعالجات دي هتبدأ في 2023 إن شاء الله وده هينقل أداء الموبايلات نقلة تانية خالص. الجدير بالذكر إن لسه لحد الآن شركة إنتل مش عارف تصنع معالج 7 نانو ! البوست الجاي إن شاء الله هندردش شوية عن مفهوم النانومتر في صناعة المعالجات وأهميته.

المقال اللي مصر كلها بتدور عليه 🕵‍♀ امبارح قضيت معظم اليوم في تحديث واحد من أكتر المقالات اللي تعبت فيها في حياتي وهو مقال عن مسار شامل لتعلم مجال الاختراق الأخلاقي Ethical Hacking من الصفر إلى الاحتراف بدون أي خبرة مسبقة 😯 المقال بيتكون من 10 مستويات في كل مستوى بتدرس جزء معين في المسار، وآخر خطوة بتأهلك للحصول على شهادة معتمدة دوليا في المجال لو عايز 🧑‍🎓 كل خطوة من خطوات المسار موجود ليها شرح مختصر عن أهميتها + أفضل دورات عربية وأجنبية مجانية متاحة للدراسة 👨‍💻 المسار بالتفصيل ده مش هتلاقيه في أي مكان تاني غير على موقع نتاوي 😎 رابط المقال https://bit.ly/2lFn7V7

كورس 23 ساعة لتعلم استخدام الذكاء الاصطناعي باستخدام بايثون بدون أي خبرة مسبقة. الكورس مجاني لفترة محدودة https://bit.ly/30aNwLI

حريق ضخم في واحد من أكبر مراكز البحث والتطوير التابعة لشركة هواوي 🧯 حتى الآن سبب الحريق غير معروف.

امبارح حاكم ولاية كاليفورنيا أكبر ولاية أمريكية "جافن نيوسوم" أعلن إنه هيتم منع بيع السيارات اللي بتعتمد على البنزين والسيارات الهجينة بحلول عام 2035. قبلها إيلون ماسك أعلن إن شركة تيسلا هتطور سيارة بتعمل بالكهرباء بسعر 25 ألف دولار فقط. "طبعا هما عندهم 25 ألف دولار زي 25 ألف جنيه عندنا كدة. شركة آبل في 2020 تخطت قيمتها السوقية قيمة شركة أرامكو السعودية. في خلال السنوات القليلة القادمة هنلاقي الدول اللي بتعتمد على البترول كمصدر رئيسي للدخل بتواجه مشاكل ضخمة مع اتجاه العالم للسيارات الكهربائية والطاقة النظيفة بشكل أسرع بسبب زيادة التأثير الكارثي للتغير المناخي. شوفنا جزء من المشاكل دي مع أزمة كورونا لدرجة إن في شهر أبريل سعر برميل نفط برنت وصل 20 دولار.. وسعر برميل نفط غرب تكساس كان بالسالب.. يعني التاجر بيدفع للمشتري عشان ياخد براميل النفط المتخزنة عنده ! #العالم_يتغير

ألمانيا قررت إنهاء عمل شبكات الجيل الثالث بشكل نهائي في 2022، والاعتماد على شبكات الجيل الرابع والخامس.

ماذا يحدث على الإنترنت كل دقيقة..

يعتبر إطار فلاتر أفضل إطار عمل متوفر حاليا يمكن من خلاله تطوير تطبيقات أندرويد / آيفون / تطبيقات للويب بنفس الكود 😯 يتميز الإطار بدعم شركة جوجل المطورة له، بالإضافة إلى استخدامه في تطوير تطبيقات شهيرة مثل مساعد جوجل الشخصي، تطبيق Stadia، تطبيق Remini وغيرهم. يمكن البدء في تعلم الإطار ومن خلال احترافه ستتمكن من برمجة تطبيقات للموبايل بأفضل طريقة ممكنة 📱 في هذا المقال سنتعرف على إطار فلاتر، مميزاته، استخداماته، بالإضافة إلى أفضل الدورات المجانية لاحترافه 👇 https://bit.ly/366hX9N

إصدار نظام الآيفون الجديد ظهر فيه 76 مشكلة حتى الآن ولسه العداد بيعد.. من أبرز المشاكل دي استنزاف البطارية بشكل أسرع من الإصدار السابق.. الشحن بيفضل نصف الوقت السابق تقريبا، بالإضافة لسخونة الموبايل بشكل مستمر. في مشاكل في استعادة النسخة الاحتياطية، سماعات AirPods مش بتشتغل، ده غير مشاكل في الكاميرا وإرسال الصور في بعض التطبيقات زي واتساب. طبيعي أي إصدار جديد من أي نظام يكون فيه بعض المشاكل وبيتم إصلاحها بإصدار تحديث فوري للنظام الجديد.. بس كدة كتير

امبارح اتعملت واحدة من أكبر العمليات الأمنية ضد أسواق السلع الغير قانونية على الدارك ويب ☠️ العملية اللي اتسمت "DisrupTor" تمت بالتنسيق بين الولايات المتحدة، ألمانيا، بريطانيا، النمسا، هولندا، السويد. قوات الأمن نجحت في القبض على 179 بائع ومصادرة 500 كيلو من المخدرات من هيروين، ميثامفيتامين، هيدروكودون، بالإضافة إلى مصادرة 6.5 مليون دولار من الكاش والعملات الرقمية. العملية كانت استكمال لعملية مستمرة من 2019 لما نجحت ألمانيا في السيطرة على واحد من أكبر الأسواق على الدارك ويب وهو موقع Wall Street Market اللي كان مسجل عليه أكتر من مليون عضو و 5000 بائع، وأكتر من 60 ألف سلعة معروضة للبيع.

طريقة معرفة باسورد الواي فاي المتصل به بدون روت للأندرويد 👇https://youtu.be/VPQFwn7Jjv4

شركة مايكروسوفت بتمثل المنهج الحرفي لمؤسسها بيل جيتس في عشق الكسل 😴 الشركة بدل ما تعمل بيزنس من الصفر بتشوف أهم شركة في المجال اللي عايزة تشتغل فيه وتروح تشتريها.. آخرهم شركة ZeniMax Media اللي بتملك شركة Bethesda المطورة لألعاب زي Doom / Fallout / Elder Scrolls وغيرها وده طبعا بعد صراع مع شركة سوني. أبرز صفقات الاستحواذ اللي عملتها مايكروسوفت 👇 ▪ الاستحواذ على LinkedIn: المقابل 27 مليار دولار ▪ الاستحواذ على Skype: المقابل 8.5 مليار دولار ▪ الاستحواذ على GitHub: المقابل 7.5 مليار دولار ▪ الاستحواذ على Nokia: المقابل 7.2 مليار دولار ▪ الاستحواذ على aQuantive: المقابل 6.3 مليار دولار ▪ الاستحواذ على Mojang: المقابل 2.5 مليار دولار ▪ الاستحواذ على Visio: المقابل 1.5 مليار دولار ▪ الاستحواذ على Navision: المقابل 1.45 مليار دولار

كورس ذكاء اصطناعي كامل 85 ساعة.. مجانا لفترة محدودة 🔥https://bit.ly/2ZZzWLa