Tech Xtream

شركة Intel وشركة AMD حصلوا على رخصة من الولايات المتحدة لبيع المعالجات لهواوي.. لكن دي معالجات لأجهزة اللاب توب.. لسه حتى الآن مفيش أي رخصة تم السماح بيها لشركات تصنيع معالجات الهواتف أو مكوناتها. الصين حاليا بتجهز قايمة ضخمة من الشركات الأمريكية اللي هيتم حظرها بنفس الأسلوب في الصين ردا على أمريكا.. لكن في خلاف في الحكومة على وقت النشر.. ناس عايزة تنشرها دلوقتي وناس بتنصح بالانتظار لما بعد نتائج الانتخابات الأمريكية ومعرفة إذا كان ترامب هيمسك ولاية تانية ولا لا.

ناس كتير متعرفش إن نظام الأندرويد فيه منه نسخة اسمها Android Go ودي نسخة جوجل بتعملها للأجهزة الضعيفة عشان تقدر تستخدم النظام بخفة وسلاسة. نظام أندرويد جو صدر لأول مرة في عام 2017 وحاليا بيستخدم أكتر من 100 مليون جهاز. جوجل أعلنت إنها هتنزل نسخة جو من أندرويد 11 والنسخة دي هتشغل التطبيقات أسرع بنسبة 20% من النسخة اللي فاتت.. كمان هيكون فيها خصائص حماية كتير زي One-Time Permissions اللي بتسمح للتطبيق بالحصول على صلاحية لمرة واحدة فقط، وميزة Auto-Resets للتطبيقات اللي بتسحب الصلاحيات من التطبيقات اللي بقالها فترة لم يتم استخدامها. كمان هيكون في ميزة جديدة وهي ميزة المجلد الآمن Safe Folder اللي هيسمحلك تخزن جواه ملفات متشفرة وبتحتاج باسورد للدخول إليها.

مدونين كوريين عملوا مقارنة أداء بين معالج سامسونج Exynos 1000 ومعالج كوالكوم Snapdragon 875، وتمت التجربة على موبايل سامسونج جلاكسي S21.. واحد بمعالج إكسينوس 1000 والتاني بمعالج سناب دراجون 875.. ودي كانت النتيجة 👇 معالج Exynos 1000 ◾اختبار Single-Core: إجمالي 1302 نقطة ◾اختبار Multi -Core: إجمالي 4250 نقطة معالج Snapdragon 875 ◾اختبار Single-Core: إجمالي 1159 نقطة ◾اختبار Multi -Core: إجمالي 4090 نقطة أداء معالج إكسينوس تفوق على أداء السناب دراجون 😯 برضه كان معاهم في نفس التجربة موبايل Xiaomi Mi 11 بمعالج بنفس معالج كوالكوم سناب دراجون 875 وبرضه نقاطه كانت أقل من نقاط معالج إكسينوس: ◾اختبار Single-Core: إجمالي 1102 نقطة ◾اختبار Multi -Core: إجمالي 4113 نقطة النتائج دي مش حاسمة لأن الموبايل نفسه لسه منزلش.. لكن بشكل عالم معالجات إكسينوس وميدياتك بدأت تقلل الفجوة الكبيرة مع معالجات سناب دراجون خصوصا إن معالج إكسينوس 1000 هيكون بمعمارية 5 نانو.

كورس مهارات من Google 👨‍💼 واحد من أفضل الدورات التدريبية اللي ممكن تدرسها على الإطلاق. الكورس في مجال التسويق الرقمي.. بيبدأ معاك من الصفر وطريقة بناء بيزنس أونلاين.. بعد كدة بتدرس مجموعة مهمة جدا من الموضوعات أبرزها: ▪مفهوم التجارة الإلكترونية ▪كيف تعمل محركات البحث ▪كيفية تهيئة المواقع لمحركات البحث ▪كيفية استخدام إعلانات جوجل Google Ads ▪كيفية استخدام الإنترنت لتعزيز مبيعات نشاط تجاري محلي ▪كيفية بناء متجر إلكتروني والاستفادة من التسويق بالمحتوى وبالفيديو ▪كيفية عمل حملات إعلانية على الموبايل وباستخدام البريد الإلكتروني ▪طرق استخدام مواقع التواصل الاجتماعي في جذب عملاء وجمهور للبيزنس الكورس بالعربي مكون من 26 وحدة ومدته بالكامل 40 ساعة، بيكون في اختبار بسيط بعد كل وحدة عبارة عن أسئلة اختيار من المتعدد، وفي نهاية الكورس بيكون في اختبار نهائي بعد اجتيازه بتحصل على شهادة باسمك من جوجل معترف بيها دوليا 🌍 ده مقال عن الكورس والمحتوى الخاص بيها وطريقة دراسته والحصول على الشهادة 👇 https://bit.ly/3hWJQDL

ترامب امبارح كان بيتكلم عن الصفقة النهائية للاستحواذ الأمريكي على قطاع تيك توك.. وقال إن شركة ByteDance اللي بتملك التطبيق هتدفع 5 مليار دولار كجزء من الصفقة لدعم التعليم في أمريكا. المهم الشركة أعلنت النهاردة إنهم ميعرفوش أي حاجة عن موضوع الخمسة مليار ده 😂

شايفين الجهاز الصغير اللي في الصورة ده 👇 ناس كتير هتفكر إن ده هارد ديسك لكن في الحقيقة ده جهاز كمبيوتر 😯 الجهاز ده عبارة عن جسر بين المستخدم وبين كمبيوتر سحابي يقدر من خلاله أي شخص يوصل للكمبيوتر بتاعه بمجرد توصيل الجهاز ده على أي شاشة 🖥 الجهاز من تطوير شركة علي بابا ووزنه 60 جرام، تقدر إنك تشتري أو تأجر جهاز سحابي (جهاز حقيقي موجود في مكان ما بتوصله عبر الإنترنت) بالإمكانيات اللي انت عايزها وتستخدمه في أي حاجة انت محتاجها. مفيش معلومات عن سعر الجهاز، لكنه هيكون متوفر كتجربة للشركات أولا قبل ما ينزل للمستخدمين.

في ميزة في نظام الأندرويد اسمها Picture in Picture.. ودي الميزة اللي بتخليك وانت بتتفرج على فيديو في اليوتيوب تقدر تخرج من الموقع تعمل أي حاجة على الموبايل وفي نفس الوقت شاشة الفيديو تصغر والفيديو يفضل شغال عادي على الموبايل. المهم الجماعة بتوع الآيفون كانوا مستنين الميزة دي بفارغ الصبر في الآيفون، وفعلا شركة آبل أضافت الميزة في الإصدار الجديد.. لكن لما الإصدار نزل يوتيوب منعت الميزة دي إنها تشتغل على الآيفون 😂

جميع الشركات الصينية وعلى رأسهم SMIC أعلنوا التزامهم بقرار الولايات المتحدة وعدم بيع أي شرائح أو تقنيات لشركة هواوي. شركة سوني هي كمان التزمت بالقرار وده معناه مفيش مستشعرات سوني الخاصة بالكاميرات تاني. موبايل هواوي الرائد Mate 40 متوقع إنه مش هينزل في السوق العالمي.

لعبة Football Manager 2020 ولعبة Watch Dogs 2 متاحين دلوقتي مجانا على متجر Epic لغاية يوم 24 سبتمبر. لو عندك حساب على متجر Epic تقدر تدخل تضيف اللعبة لحسابك مجانا وهتكون متاحة على حسابك للأبد. https://bit.ly/33Ks7tN https://bit.ly/3mCtYJN

شركة مايكروسوفت نزلت تحديث للأنتي فيروس الخاص بيها "ويندوز ديفيندر" لإلغاء خاصية فيه كانت بتسمح للهاكرز إنهم ينزلوا فيروسات للجهاز من خلال ويندوز ديفيندر.

شركة آبل في النسخة 14 من نظام الآيفون وفرت ميزة جديدة للمستخدمين إنهم يقدروا يغيروا التطبيق الافتراضي لبعض الخدمات زي المتصفح والإيميل.. يعني مثلا بدل ما المتصفح الافتراضي على الآيفون متصفح سفاري يقدروا يغيروه لمتصفح كروم مثلا.. آه والله دي ميزة جديدة في الآيفون 😃 المهم اكتشفوا بعد التحديث إن لو الموبايل اتعمله إعادة تشغيل كل حاجة بترجع زي ما كانت وتطبيقات آبل بترجع هي التطبيقات الافتراضية على الموبايل 😂

يعتبر مجال الشبكات واحد من أهم مجالات العمل الموجودة حاليا والتي يمكن من خلال دراستها العمل في مجالات أخرى مثل مجال اختبار الاختراق Penetration Testing ومجال التحليل الجنائي الرقمي Digital Forensics وغيرها من المجالات. في هذا المقال نعرض لكم أفضل 10 شهادات في مجال الشبكات يمكنكم الحصول عليها ومنهج كل شهادة والوظائف التي تؤهل لها 👇 https://bit.ly/3hAoL1C

كورس عربي ممتاز لتعلم وتصميم المقاطع الدعائية والمؤثرات البصرية باستخدام برنامج After Effects https://www.udemy.com/course/aftereffects-arabic/

أداة Your Phone على ويندوز 10 حصلت على ميزة جديدة لتشغيل تطبيقات الموبايل على الكمبيوتر. تقدر تستخدم تطبيق الموبايل على الكمبيوتر وتتعامل معاه بالماوس والكيبورد والتاتش باد بسهولة. دي قائمة الأجهزة اللي بتدعم الميزة حتى الآن 👇 ▪ Samsung Galaxy Note 9 ▪ Samsung Galaxy S9 ▪ Samsung Galaxy S9+ ▪ Samsung Galaxy Note10 ▪ Samsung Galaxy Note10+ ▪ Samsung Galaxy Note10 Lite ▪ Samsung Galaxy Fold ▪ Samsung Galaxy S10 ▪ Samsung Galaxy S10+ ▪ Samsung Galaxy S10 Lite ▪ Samsung Galaxy S10e ▪ Samsung Galaxy Note20 5G ▪ Samsung Galaxy Note20 Ultra 5G ▪ Samsung Galaxy A8s ▪ Samsung Galaxy A30s ▪ Samsung Galaxy A31 ▪ Samsung Galaxy A40 ▪ Samsung Galaxy A41 ▪ Samsung Galaxy A50 ▪ Samsung Galaxy A50s ▪ Samsung Galaxy A51 ▪ Samsung Galaxy A51 5G ▪ Samsung Galaxy A60 ▪ Samsung Galaxy A70 ▪ Samsung Galaxy A70s ▪ Samsung Galaxy A71 ▪ Samsung Galaxy A71 5G ▪ Samsung Galaxy A80 ▪ Samsung Galaxy A90s ▪ Samsung Galaxy A90 5G ▪ Samsung Galaxy S20 ▪ Samsung Galaxy S20+ ▪ Samsung Galaxy S20 Ultra ▪ Samsung Galaxy Fold ▪ Samsung Galaxy XCover Pro ▪ Samsung Galaxy Z Flip ▪ Samsung Galaxy Z Flip 5G ▪ Samsung Galaxy Z Fold2 5G