Башҡорт донъяһы

Башҡортостанда Милли бейеү көнө булдырыласаҡ. Был хаҡта Бөтә донъя башҡорттары ҡоролтайының VI съезында Башҡортостан Башлығы Радий Хәбиров белдерҙе. Яңы байрамды Фәйзи Ғәскәровтың тыуған көнө - 21 октябргә тура килтереп билдәләү тәҡдим ителде.

Хуш киләһең, Ҡоролтай! "Торатау" Конгресс-холл бинаһында бөгөн Бөтә донъя башҡорттары ҡоролтайының VI съезы үтә. Байрам кәйефе хөкөм һөрә бында, ихлас күрешеүҙәр һәм шат йөҙҙәр!

💥Күгәрсен районы үҙешмәкәрҙәренең яңы фильмы Миләүшә Ҡаһарманованың "Вахта" повесы буйынса төшөрөлә. 💥Фәимә Аҡъюлованың Күгәрсен телевидениеһы менән берлектә эшләгән был унынсы фильмы. 💥"Вахта" киноһында утыҙға яҡын кеше ҡатнаша. Һәүәҫкәр артистар райондың төрлө ауылдарынан һайлап алынған.

"Актерҙар районыбыҙҙың төрлө ауылдарынан: Ҡалдар, Мәҡсүт, Хоҙайбирҙе, Тәүәкән, Юлдыбай, Бикбулат, Санъяп, Яңауыл,.Мораҡ... Миләүшә Ҡаһарманованың Вахта исемле повесы буйынса."ВАХТА" кинофильмының тизерын (дубль2) тәҡдим итәбеҙ. Оҙаҡтамай экрандарға сығыр тип ышанабыҙ", -

тип хәбәр итә дәртле күгәрсендәр.

📌Башҡортостандың мәҙәни тормошонда быйыл бик күп ваҡиғалар булды. ✅ Шуларҙың иң мөһиме - Башҡортостан Ҡурайсылар дәүләт ансамбле һәм Ҡурай көнө булдырылыуы. ✅ Хәҙер йыл һайын 10 октябрҙә башҡорт халҡының милли уйын ҡоралы - Ҡурай көнө билдәләнәсәк. ✅ Ә инде Ҡурайсылар дәүләт ансамбленә килгәндә, улар республика һәм милләттәштәребеҙ күпләп йәшәгән күрше төбәктәр халҡын сығыштары менән рухландырып концерттар ҡуя башланы ла инде.😎

📌"Әр-Рәхим" мәсетен төҙөү дауам ителәсәк. Был турала Башҡортостан Башлығы Радий Хәбиров тағы бер тапҡыр ышаныслы белдерҙе. БР Дәүләт Йыйылышы - Ҡоролтай депутаттары алдында сығыш яһағанда ул:

"Хөрмәтле коллегалар, беҙ йәмиғ мәсетен төҙөү эштәрен дауам иттек, был тиҙ үтәлә торған эш түгел. Унда күләмдәр (атҡарылаһы эштәрҙең) бик етди. Әммә беҙ быны хәрәкәткә килтерҙек һәм эште аҙағына тиклем алып барып еткерәсәкбеҙ", -

тине Радий Хәбиров. ✅ Әйткәндәй, күптән түгел тура бәйләнеш барышында ла "Әр-Рәхим" мәсете хаҡында һүҙ ҡуҙғатылды, унда объектҡа анализ эшләтелеүе, экспертиза һөҙөмтәләре декабрҙә әҙер буласағы, мәсеттең нигеҙе һәм стеналары яҡшы торошта булыуы тураһында әйткәйне республика етәксеһе. Ҡыйығын алмаштырырға, манараларын быйыл төҙөкләндереп бөтөргә, фасадын проектларға кәрәк, киләһе йылда тышҡы яҡтан эштәр тамамланырға тейеш. Иң мөһиме - финанслау бар, тип билдәләнде.

📌Башҡортостан Башлығы Радий Хәбиров БР Дәүләт Йыйылышы - Ҡоролтай депутаттарына мөрәжәғәтнамә менән сығыш яһағанда Салауат Юлаев һәйкәлен төҙөкләндереү эше башланасағы тураһында әйтте.

"Беҙгә бында йомшаҡлыҡ һәм яуапһыҙлыҡ күрһәтергә ярамай. Беҙ һәйкәлдең бөтәүлегенә хәүеф менән янаған етди проблемаларҙы күрәбеҙ. Улар экспертиза тарафынан иҫбатланған. Шуның өсөн кисектермәҫтән эшкә тотонорға кәрәк. Бының менән төрлөсә файҙаланып ҡалырға тырышыуҙар - аҡылһыҙлыҡ, быға юл ҡуйылырға тейеш түгел, тип иҫәпләйем. Киләсәк быуындарға республика символын һаҡлап алып ҡалыу - беҙҙең изге бурыс",

- тине республика етәксеһе. ✅Әйткәндәй, Салауат Юлаев һәйкәлен һаҡлау (реставрациялау) проекты Баш дәүләт экспертизаһының ыңғай һығымтаһын алды.

Башҡортостан Башлығы Радий Хәбиров Дәүләт Йыйылышы – Ҡоролтай депутаттарына – республиканың Ҡоролтайына мөрәжәғәт итте. Сығышында ул республика өсөн мөһим өлкәләргә туҡталып китте. Шуларҙың береһе - республикала фәнде үҫтереү һәм йәш ғалимдарҙы күтәрмәләү.

Киләһе йылдан «Йылдың йәш ғалимы» исемен булдырабыҙ. Ул 150-шәр мең һумлыҡ 7 исемле премия буласаҡ. Был – йәш тикшеренеүселәрҙең республика фәненә индергән өлөшөн таныу алымы. Уҙған йыл йомғаҡтары буйынса йәш ғалимдарға ярҙам саралары буйынса төбәктәр рейтингында беҙ Рәсәйҙә иң яҡшыһы булдыҡ. Фәнгә ярҙам итеү буйынса саралар дауам итәсәк",

– тип билдәләне Радий Хәбиров. Шулай уҡ Өфөлә федераль бюджет иҫәбенә математика лицей-интернатын төҙөү башлана. Радий Хәбиров ил Президентына ошондай үтенес менән мөрәжәғәт иткән һәм Владимир Путин был идеяны хуплаған.  Был бөтә республиканың һәләтле балалары өсөн заманса үҙәк, сығарылыш уҡыусылары менән илебеҙ ғорурланырлыҡ үҙенсәлекле мәктәп буласаҡ.

Башҡорт аты тураһындағы йәнһүрәттең 2-се серияһы донъя күргән. Был юлы Салауат аттар тураһында тағы ла бик ҡыҙыҡлы мәғлүмәт тапҡан. Ҡарағыҙ!

https://vk.com/wall-226019445_2044 Үҙеңде һынап ҡара һәм от! 😎

❤️

ХАТАЛАР ТУРАҺЫНДА ХӘБӘР ИТЕП БУЛА 📌Республика менән идара итеү үҙәге эшләгән чат-бот ярҙамында хәҙер алтаҡталағы хаталарҙы төҙәтеп була. ✅ Бынан тыш, уның аша туҡталыштарҙа, реклама плакаттарында, юл билдәләрендә осраған хаталар тураһында ла хәбәр итергә мөмкин. ✅ Бының өсөн аныҡ адресты күрһәтергә һәм фото беркетергә кәрәк. ✅ Комментарийҙы «Инцидент менеджемент» мәғлүмәт системаһы автоматик рәүештә теркәп бара, белгестәр ялыуҙы теге йәки был структураға тапшыра. «Хатаһыҙ ҡала. Башҡортостан» һанлы ярҙамсыһы @bashnamebot русса ла, башҡортса ла «аңлай». Ул Telegram мессенджерында эшләй.

ХАЛЫҠ-АРА ТАУҘАР КӨНӨ БӨГӨН ⛰️Башҡортостаныбыҙҙың һәр миҙгелдә лә хозур, мөһәбәт һәм йөрәккә шул тиклем дә яҡын тауҙарына фотоһүрәттәргә ҡарап тағы бер ҡат һоҡланығыҙ! ⛰️ Моғайын, һәр кемебеҙ күңелендә тауҙарға ҡарата һөйөү йөрөтәлер. ⛰️Тыуған төйәгебеҙҙәге берәй бәләкәй генә булһа ла түбәсек тә, күктәргә олғашҡаны ла берҙәй яҡын бит ул. 🏔️ Һеҙ артылған иң беренсе тау, йәки бала саҡта уйнап үҫкән тау, өлкәнәйгәс артылған һәм онотолмаҫлыҡ хәтирәләр ҡалдырғаны ниндәй?

📌📌📌Был аҙнаның ғына түгел, артта ҡалған һәм алдағы биш йыллыҡтың мөһим ваҡиғаһы 13 декабргә билдәләнгән. Башҡортостан, Өфө VI Бөтә донъя башҡорттары ҡоролтайы делегаттарын ҡаршы ала. Үткәндәргә байҡау яһағанда, 2010 йылғы Ҡоролтай башҡорттар өсөн һынылыш осоро булып иҫтә ҡалды. Әйткәндәй, IV Бөтә донъя башҡорттары ҡоролтайы Азамат Ғалин әҙерлегендә үтте. Һөҙөмтәлә, ҙур ҡор тамамланыуға теүәл бер ай тигәндә республика етәксеһе алышынды. Йәнә бер-нисә айҙан башҡарма комитет ағзалары ышанысһыҙлыҡ белдереү сәбәпле Азамат Ғалин да был вазифанан китте. Унан һуң Башҡарма комитет рәйесе итеп һайланған Ильгиз Солтанморатов, Әмир Ишемғоловтың эшмәкәрлеге һүҙ һөйләүҙән артыҡ китмәне. Данир Ғәйнуллин үҙен идеологтан да бигерәк, хужасыл, тынғыһыҙ етәксе итеп күрһәтте. Яңғылышмаһаҡ, тап шул осорҙа Ҡоролтай йортло булып ҡалды. Ә былай, Р. Хәмитов республика етәксеһе булараҡ, донъя буйлап сәселгән башҡорттарҙы ҡорға йыйыуҙы кәрәк тип тапманы ла шикелле тиһәк, һүҙебеҙ хаҡ булһын өсөн билдәләйек, 2015 тә ҡоролтай үткән икән. Уныһы иҫтә лә ҡалмаған. Ә бына республика етәксеһенең башҡорт йәмәғәтселегенә булған мөнәсәбәтенән бер нисә әйбер иҫтә ҡалған. Республикабыҙҙа төп йәмәғәт ойошмаһының һуңғы осор тарихына һәм киләсәгенә ҡағылышлы "Халыҡ арбаһы" телеграм-каналы авторҙары фекерен АРТАБАН ҮТЕП УҠЫҒЫҘ.

📌"HAZINA" этно-проекты етәксеһе Земфира Рәшитова Башкортостан Башлығының ҡатыны Каринэ Хәбирова менән һоҡланыуын белдергән.

"Ғүмеремдә яратҡан эшем булыуы менән бәхетлемен. Милли уйын ҡоралы ҡурайҙа уйнау һәм уның сихри моңон донъяға ишеттереү. Беҙҙең башҡорт мәҙәниәтен һаҡлау һәм билдәлерәк итеү. Миңә педагог булараҡ ышыныс белдереүе һәм ҡурайҙа, ошо ябай булмаған уйын ҡоралында уйнарға өйрәтеү мөмкинлеге биргәне өсөн Каринэ Владимировнаға рәхмәтемде белдерәм. Дәрестәр үткәргән саҡта мин үҙем дә күп нәмәгә өйрәндем һәм өйрәнәм - был тормош иптәшеңә тулыһынса ышаныу һәм күтәрмәләү. Бөтә кешеләргә лә яҡшылыҡ эшләү, күңел йылыһын өләшеү. Беҙҙең мәҙәниәткә һәм башҡорт халҡының символы - ҡурайға ҡарата ихтирамығыҙ өсөн баш эйәм һәм сикһеҙ һоҡланыуымды белдерәм",

- тип яҙған Земфира Рәшитова. Хәтерегеҙгә төшөрәбеҙ, Каринэ Владимировна башҡорт халыҡ милли уйын ҡоралы ҡурайҙа уйнарға өйрәнеп, ғаилә байрамында көй башҡарғайны.

Ҡоролтайға яугир мөрәжәғәте Махсус хәрби операция яугиры, Салауат Юлаев ордены кавалеры Марат Зөлҡәрнәев VI Бөтә донъя башҡорттары ҡоролтайы уңайынан халҡыбыҙға мөрәжәғәт итеп, съездың һөҙөмтәле үтеүен теләне, МХО-ға ярҙам өсөн ватандаштарыбыҙға рәхмәт белдерҙе.

Кисәге «Башҡорт аты» китабының исем туйы үтте. Сара Шишмә районындағы "Турахан" Күсмә цивилизацияларҙың Евразия музейы визит-үҙәгендә ойошторолдо. Яңы китаптың авторы Дондағы Ростов ҡалаһында йәшәүсе милләттәшебеҙ Мәхмүт Сәлимов. Сарала шулай уҡ эштәре китапҡа ингән рәссамдарҙың ижади күргәҙмәһе лә ойошторолдо. Тулыраҡ: БСТ каналының сюжетында.

📌Иртәгә "Шаян-лига ижади кластеры" проекты сиктәрендә БР Башлығы гранты ярҙамында Нефтекама ҡалаһында Шаян-лиганың төньяҡ-көнбайыш фестивале үтәсәк. ✅Фестивалдә 7 команда сығыш яһаясаҡ: Нефтекаманан - 3, Тәтешле районынан - 2, Өфө һәм Ағиҙел ҡалаларынан 1-әр. ✅Быға тиклем Урал аръяғы, Коняк һәм Төньяҡ-көнсығыш лигалар уйындары үткәрелгәйне. ✅Фестивалдә республиканың төрлө район-ҡалаһы мәктәп һәм колледждарынан бөтәһе 30-ҙан ашыу команда ҡатнашты. ✅Сара Башҡорт теле көнөнә арнала.