现已上线！2025 年 Telegram 研究 — 年度关键洞察 
مصلح/ د.عمرو الزواوي
前往频道在 Telegram
قناة هدفها انها تساعد طلبة الجامعة والخريجين يعيشوا حياة أسعد في رضا رب العالمين
显示更多2 739
订阅者
+124 小时
-97 天
-3130 天
数据加载中...
相似频道
标签云
进出提及
---
---
---
---
---
---
吸引订阅者
六月 '26
六月 '26
+3
在0个频道中
五月 '26
+77
在3个频道中
Get PRO
四月 '26
+79
在3个频道中
Get PRO
三月 '26
+30
在1个频道中
Get PRO
二月 '26
+12
在1个频道中
Get PRO
一月 '26
+12
在1个频道中
Get PRO
十二月 '25
+17
在1个频道中
Get PRO
十一月 '25
+41
在0个频道中
Get PRO
十月 '25
+52
在0个频道中
Get PRO
九月 '25
+9
在0个频道中
Get PRO
八月 '25
+15
在0个频道中
Get PRO
七月 '25
+232
在2个频道中
Get PRO
六月 '25
+27
在0个频道中
Get PRO
五月 '25
+106
在3个频道中
Get PRO
四月 '25
+82
在1个频道中
Get PRO
三月 '25
+22
在0个频道中
Get PRO
二月 '25
+26
在1个频道中
Get PRO
一月 '25
+464
在0个频道中
Get PRO
十二月 '24
+90
在6个频道中
Get PRO
十一月 '24
+152
在2个频道中
Get PRO
十月 '24
+221
在1个频道中
Get PRO
九月 '24
+48
在1个频道中
Get PRO
八月 '24
+21
在0个频道中
Get PRO
七月 '24
+115
在3个频道中
Get PRO
六月 '24
+50
在1个频道中
Get PRO
五月 '24
+273
在1个频道中
Get PRO
四月 '24
+1 558
在4个频道中
| 日期 | 订阅者增长 | 提及 | 频道 | |
| 17 六月 | 0 | |||
| 16 六月 | +1 | |||
| 15 六月 | 0 | |||
| 14 六月 | 0 | |||
| 13 六月 | 0 | |||
| 12 六月 | 0 | |||
| 11 六月 | 0 | |||
| 10 六月 | 0 | |||
| 09 六月 | +1 | |||
| 08 六月 | 0 | |||
| 07 六月 | 0 | |||
| 06 六月 | 0 | |||
| 05 六月 | 0 | |||
| 04 六月 | +1 | |||
| 03 六月 | 0 | |||
| 02 六月 | 0 | |||
| 01 六月 | 0 |
频道帖子
"العيال بيدعولك..."
عم رمضان (اسم مستعار) بواب كبير في السن، تعبان وبيمشي بالعافية. قبل العيد ساعدناه، وكل ما يقابلني يقول الجملة دي.
ومع نزول المرتبات، لو حابب تشارك في جبر خاطره وحالات تانية لأرامل وكبار سن:
السهم بـ 50 جنيه
انستاباي / كاش: 01090328779
شارك الحالة، ويمكن دعوة من قلب محتاج تكون سبب بركة في رزقك 🤍
| 2 | فخليني أسألك بصدق... آخر مرة قعدت ساعة كاملة تتعلم فيها مهارة جديدة كانت إمتى؟
آخر مرة قرأت كتاب للنهاية كانت إمتى؟ آخر مرة خططت لهدف حقيقي في حياتك كانت إمتى؟
آخر مرة حسيت إن يومك بيقربك من الجنة ومن رسالتك كانت إمتى؟ يمكن المشكلة مش إنك كسلان... ومش إنك فاشل... ومش إنك محتاج تطبيق جديد لتنظيم الوقت.
يمكن المشكلة ببساطة... إنك نسيت أنت رايح فين! والإنسان لما ينسى وجهته... أي طريق بيبقى مناسب!
وأي تريند بيشده.. وأي تفاهة بتسرقه...وأي إشعار بيقوده. لكن أول ما الهدف يرجع... كلام كتير هيسقط لوحده... مش هتحتاج تحارب كل مشتت؛ لأن وجود رسالة كبيرة في حياتك هيخلي الحاجات الصغيرة تاخد حجمها الطبيعي.
فاسأل نفسك الليلة: لو اتسحبت مني كل وسائل الترفيه أسبوع كامل... هيفضل في حياتي حاجة أعيش عشانها؟ هيفضل في هدف يصحيني من النوم؟ هيفضل مشروع أقاتل عشانه؟ ولا هكتشف إني كنت بملأ فراغًا كبيرًا جدًا بحاجات صغيرة جدًا؟
قول لنا في التعليقات: ما هو الهدف أو المشروع اللي نفسك تبدأ تتحرك ناحيته بجد خلال الـ 6 شهور الجاية؟ وكم ساعة تقريبًا بتضيع منك يوميًا في حاجات لو اختفت من حياتك مش هتفرق بعد سنة من دلوقتي؟
#مصلح
د. عمرو طه الزواوي | 130 |
| 3 | المشكلة مش إن عندك وقت فراغ... المشكلة إن الفراغ بقى عنده أنت!
خليني أسألك سؤال يمكن يكون مزعج شوية... هو ليه ممكن واحد يقعد 4 أو 5 ساعات يقلب في الريلز والشورتس، ويخرج منها حاسس إنه ما عملش حاجة غلط؟
وليه بعد ما يقفل الموبايل يحس بفراغ غريب... كأنه كان بيجري ورا حاجة وممسكش حاجة؟
وليه ساعات بنبقى مرهقين رغم إننا تقريبًا ما عملناش أي إنجاز حقيقي؟
يمكن لأن المشكلة أعمق بكتير من مجرد "إدارة وقت"، يمكن المشكلة إن في حاجة أهم ضاعت من حياتنا... الهدف.
الإنسان بطبيعته ما يقدرش يعيش من غير معنى.. ممكن يستغنى عن حاجات كتير... لكن ما يقدرش يستغنى عن الشعور إن لحياته قيمة ورسالة واتجاه...
عشان كده لما الإنسان يعرف هو رايح فين، بيتحمل التعب. والطالب لما يبقى عنده حلم واضح، بيستحمل السهر.
والداعية لما يبقى شايف أثر رسالته، بيستحمل الأذى. والرياضي لما يبقى عنده هدف، بيتحمل التمرين.
لكن لما الهدف يختفي... يبدأ الفراغ، مش فراغ في الجدول. فراغ في القلب...فراغ في المعنى...
فراغ يخليك تصحى الصبح ومش عارف أنت بتجري ليه أصلًا!!
وهنا تبدأ المشكلة الحقيقية... لأن النفس البشرية بتكره الفراغ. لازم تملأه بحاجة.
فلو ما ملأتوش بهدف... هيتملي بأي حاجة تانية... شوية ريلز...شوية تريندات...شوية أخبار مشاهير...شوية جدالات على السوشيال ميديا... شوية فيديوهات ملهاش أي قيمة... وشوية ضحك، وشوية ضحك، وشوية ضحك كمان... لحد ما الضحك نفسه ما يبقاش بيضحك!
عارف ليه؟ لأنك ما كنتش محتاج ترفيه... كنت محتاج معنى.
في علم النفس فيه مفهوم مشهور اسمه "الفراغ الوجودي".
وهو ببساطة حالة بيحس فيها الإنسان إنه موجود... لكن مش عارف ليه، بيتحرك... لكن مش عارف رايح فين.
بيعيش... لكن من غير رسالة واضحة، وفي اللحظة دي يبدأ العقل يدور على أي مصدر سريع للمتعة، وهنا يدخل تأثير الدوبامين السريع..كل ريل..كل إشعار... كل لايك.. كل فيديو قصير..بيدي المخ جرعة صغيرة من المتعة المؤقتة، فيطلب المزيد..ثم المزيد. ثم المزيد. لحد ما تكتشف إنك بقيت تستهلك ساعات طويلة جدًا من عمرك في حاجات لو سألت نفسك بعدها: "أنا استفدت إيه؟" مش هتعرف تجاوب.
والمصيبة الأكبر... إن الموضوع مش بيقف عند ضياع الوقت،
لكن بيوصل لمرحلة أخطر، الهشاشة العلمية والفكرية..
يعني إيه هشاشة علمية؟ يعني تعرف حاجات كتير جدًا... لكن بعمق قليل جدًا.
تعرف عنوان الكتاب... لكن ما قريتوش. تعرف اسم النظرية... لكن ما فهمتهاش..تعرف مقطع دقيقة... لكن ما عندكش صبر تقرأ عشر صفحات.. تعرف ملخصات كتير... لكن ما عندكش معرفة حقيقية.
بقى عندنا جيل ممكن يشوف 300 فيديو في يوم واحد... لكن يلاقي صعوبة شديدة في قراءة 20 صفحة من كتاب. ممكن يقعد ساعتين على تيك توك... لكن عشر دقائق تركيز متواصل تبقى معركة، ليه؟
لأن المخ اتعود على الإشباع الفوري.. اتعود إنه ياخد المعلومة في 15 ثانية، والفائدة في 30 ثانية.. والحل في دقيقة!
بينما العلم الحقيقي... والبناء الحقيقي... والنجاح الحقيقي... كلهم محتاجين صبر...محتاجين وقت... محتاجين تركيز!
عشان كده بعض الشباب النهارده عنده معلومات أكتر من أجيال قبله... لكن عنده قدرة أقل على التعمق.
وده خطر جدًا؛ لأن الأمة ما بتتبنيش بالسطحية.. ولا المشاريع الكبيرة بتقوم على عقل متعود على السريع، ولا الدعوة بتقودها عقول مستهلكة للترفيه طول الوقت.
خليني أوضح حاجة مهمة جدًا... الترفيه مش حرام، والضحك مش مشكلة، والرياضة والأفلام الانيميشن المباحة. والرحلات والفسح مش مشكلة.
المشكلة لما الترفيه يتحول من وسيلة راحة... إلى هدف حياة، لما يبقى أكبر مشروع عند الإنسان هو إنه يقتل الوقت. في حين إن المؤمن أصلًا ما اتخلقش عشان يقتل الوقت... اتخلق عشان يعمر الوقت.
ربنا سبحانه وتعالى يقول: ﴿وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ﴾.
والعبادة هنا مش مجرد صلاة وصيام فقط..بل حياة كاملة لها اتجاه، لها رسالة، لها معنى.. ولها غاية.
وربنا سبحانه وتعالى يقول: ﴿أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ).
يعني الإنسان مش مخلوق عبثًا، ولا بلا هدف...ولا بلا رسالة. ولذلك كلما اقترب الإنسان من رسالته... زاد شعوره بالسكينة! وكلما ابتعد عنها... زاد شعوره بالتيه!
النبي ﷺ قال: "نعمتان مغبون فيهما كثير من الناس: الصحة والفراغ."
شوف كلمة "مغبون"، يعني خسران.. يعني عنده كنز ومش مستفيد منه.
وقال ﷺ: "احرص على ما ينفعك، واستعن بالله ولا تعجز." كأن النبي ﷺ بيلخص لك الحياة كلها في جملة واحدة. اسأل نفسك دايمًا: هل اللي بعمله دلوقتي بينفعني؟ ولا مجرد بيشغلني؟ وفي الحديث: "اغتنم خمسًا قبل خمس..." ومنها: "فراغك قبل شغلك."
لأن الفراغ نعمة... لكن ممكن يتحول لنقمة لو ما عرفناش نستخدمه. | 117 |
| 4 |  没有文字... | 129 |
| 5 | لما بقى الجون "صاعقة"!
انا عارف الكلام دا ناس كتير هتتخانق معايا بسببه، بس كلمة الحق لما تفوق احسن حتى لو بتزعل.
"حدثت الصاعقة!"
الجملة دي قالها محمد عدنان وهو متحمس جدًا بعد هدف لمنتخب قطر في كأس العالم.
ولما سمعتها... ما وقفتش عند الهدف. وقفت عند كلمة "الصاعقة".
سألت نفسي:
هو إيه آخر حاجة عملت صاعقة فعلًا في حياتنا؟
آخر خبر هزّك؟
آخر حدث خلاك تنام مبسوط؟
آخر قضية شغلت قلبك بجد؟
خليني أسألك سؤال يمكن يكون مؤلم شوية...
لو فريقك المفضل خسر ماتش مهم النهارده، هتزعل قد إيه؟
طيب...
ولو شاب كان ملتزم وبطل يصلي؟
ولو بنت ضاعت وسط موجة من الأفكار والشهوات؟
ولو طفل مسلم بيتربى بعيد عن دينه؟
ولو قضية من قضايا المسلمين اتنسيت واتدفنت؟
هتزعل بنفس الدرجة؟
ولا لأ؟
أنا مش بهاجم الكورة.
ولا بقول إن الرياضة مشكلة.
المشكلة إن في حاجات كتير جدًا المفروض تبقى أكبر في قلوبنا... لكن للأسف بقت أصغر.
بقى في ناس تقدر تحفظ تشكيل فريقها الأساسي والاحتياطي، لكن مش فاكرة آخر مرة ختمت فيها قرآن.
في ناس تعرف أخبار الانتقالات لحظة بلحظة، لكن ما تعرفش إيه اللي بيحصل لإخواتها المسلمين في بلاد كتير.
في ناس تتابع تحليل الماتش ساعتين، لكن درس دين عشرين دقيقة يبقى تقيل عليها.
وده مش اتهام ع فكرة..
دي مراجعة ووقفة.. مهمة.
لأننا كلنا محتاجين نسأل نفسنا:
إيه اللي واخد أكبر مساحة من قلبي؟
إيه اللي بيفرحني فعلًا؟
إيه اللي بيحزنني فعلًا؟
انا عايش عشان إيه؟
لأن الحقيقة...
اللي بيفرحك ويحزنك هو اللي بيكشف أولوياتك الحقيقية.
زمان كان فيه ناس تفرح لما واحد يدخل الإسلام.
ناس تفرح لما تحفظ سورة.
ناس تفرح لما يتفتح باب خير.
ناس تفرح لما علم ينتشر.
ناس تفرح لما يتربى جيل صالح.
أما دلوقتي...
بقى ممكن واحد يعيش أسبوع كامل على فرحة جون.
وأسبوع كامل تاني على حسرة جون ضاع!
وفي النص...
الصلاة عادية...
والقرآن عادي...
والدعوة عادية...
والعلم الشرعي عادي...
وهمّ الأمة عادي..
وهي دي المشكلة.
مش إننا بنحب الكورة.
لكن إن الكورة أحيانًا بتاخد من قلوبنا ووقتنا وحسناتنا.. أكتر مما تستحق..
بص يا حبيب..
بعد عشر سنين محدش هيفتكر أغلب الماتشات اللي اتفرجنا عليها..
لكن هتفضل حاجات تانية هي اللي فارقة فعلًا.
كم شاب ساعدته؟
كم إنسان دلّيته على ربنا؟
كم ذنب سيبته؟
كم سورة حفظتها؟
كم مرة وقفت مع قضية حق؟
كم مرة حاولت تصلح نفسك؟
دي الحاجات اللي هتفضل..
ودي الحاجات اللي تستاهل فعلًا كلمة:
"حدثت الصاعقة."
الصاعقة الحقيقية مش جون في مرمى..
الصاعقة الحقيقية لما قلب غافل يصحى..
لما عاصي يتوب..
لما شاب يرجع لربنا...
لما بنت تتمسك بحجابها ودينها...
لما واحد يكتشف رسالته ويعيش عشانها..
ومعلش سؤال بجد قبل ما تمشي:
لو حد بص على اهتماماتك آخر شهر... هيعرف إن أكبر قضية في حياتك هي إيه؟
ولو حسيت إن الكلام لمس حاجة جواك، ابعته لحد بتحبه... يمكن تكون دي الصاعقة اللي محتاجها هو كمان.
#مصلح
د. عمرو طه الزواوي | 124 |
| 6 | اقوى رد على من يخالف ليتشهر.. عدم الرد!
د. عمرو طه الزواوي
#مصلح | 188 |
| 7 |  没有文字... | 238 |
| 8 | كل يوم بتفرش ع الأرض.. عشان تاكل بالحلال.
ست فاضلة تجاوزت الستين من عمرها، ومصدر رزقها إنها تبيع قرص ملبن قدام واحدة من المستشفيات.
لا بتشتكي، ولا بتسأل الناس، ولا بتمد إيدها لحد...
بتسعى على رزقها بالحلال وهي في السن ده، رغم التعب ومشقة الحياة.
فكرتنا المرة دي بسيطة بس كبيرة:
عاوزين نفرحها.
عاوزين نروح لها بمبلغ حلو يدخل السرور على قلبها، ويحسسها إن لسه فيه ناس بتقدّر تعب السنين.
السهم بـ ٣٠ جنيه.
انستاباي / كاش:
01090328779
وفي حالات تانية لأرامل وكبار سن، وحالات تجوز لها الزكاة، وصدقات جارية محتاجة دعم أهل الخير.
لو مش هتقدر تساهم، اعمل تعليق بذكر لله وشارك المنشور، يمكن يوصل لحد يكون سبب في جبر خاطرها.
جبر الخواطر عبادة عظيمة... ويمكن دعوة صادقة من قلبها تسبق لك الخير كله. | 250 |
| 9 | العفة والتربية على العفة من صعوبات الزمان دا، الدعاء والاستعانة والحوار والتأثير الإيماني المستمر للأبناء.
#مصلح
د. عمرو طه الزواوي | 271 |
| 10 |  فاكرين حالة عم شعبان - اسم مستعار-؟
اتصل بيا بيقسم بالله ما في أكل في بيته ولا جنيه.
عاملين سهم ب ٣٠ جنيه.
فوافون كاش / انستاباي:
01090328779.
لعلها المنجية.
وفي صدقات جارية وحالات تستحق زكاة المال.
"ما نقص مال من صدقة".
اذكر الله وانت معدي. | 85 |
| 11 | من تدَّبَر أحوال العالم وجدَ كلَّ صلاحٍ في الأرض فسببُهُ توحيد الله وعبادتُهُ وطاعة رسوله، وكل شرٍّ في العالم وفتنة وبلاء وقحط وتسليط عدُوٍّ وغير ذلك، فسببهُ مخالفةُ رسوله والدَّعوة إلى غير الله ورسوله..
ومن تدبَّرَ حقَّ التَّدَبُّرِ، وتأمَّلَ أحوالَ العالم منذ قامَ إلى الآنَ، وإلى أن يَرِثَ اللهُ الأرضَ ومن عليها = وجَدَ هذا الأمرَ كذلك في خاصَّة نفسه، وفي حقِّ غيره عمومًا وخصوصًا، ولا قوَّة إلا بالله..
ابن القيم | بدائع الفوائد
#مصلح | 331 |
| 12 | https://www.facebook.com/share/r/18tNsG1LoE/
ما حدش هيشيل شيلتك! | 341 |
| 13 |  مصيبة كبيرة، والله سمى الموت مصيبة.
"فأصابتكم مصيبة الموت".
توفاه الله هو وزوجته وأبناءه.
سبعة في مصاب واحد.
لا تنسوا الدعاء له بالرحمة فبلغني أنه من أهل القرآن.. نحسبه كذلك.
رحمه الله. | 472 |
| 14 | تمت الحالة الحمد لله. | 305 |
| 15 | تفتكر ٤٤٠٠ جنيه ممكن يفرقوا مع حد قد إيه؟
أم ملك (اسم مستعار) شغالة عاملة في مستشفى حكومي، وست بسيطة بتجري طول اليوم عشان تصرف على نفسها وعلى ولديها.
لكن عليها دين قدره ٤٤٠٠ جنيه وبإذن الله نلمه خلال ٢٤ ساعة.
يمكن الرقم بالنسبة لناس كتير مش كبير، لكن بالنسبة لأم ملك هو همّ شايل قلبها ومش مخليها عارفة تنام.
واحدة بتشتغل وبتتعب وبتسعى بالحلال، وفي الآخر واقفة قدام دين مستحق ومش عارفة تتصرف فيه.
لو كل واحد ساهم بحاجة بسيطة، ممكن الأزمة دي تعدي في ساعات بإذن الله.
ما تستقلش أي مبلغ، يمكن خمسين جنيه أو مية جنيه تكون سبب بعد فضل الله في تفريج كربة مسلمة محتاجة.
السهم: ٥٠ جنيه.
انستاباي / كاش:
01090328779
وفي حالات تانية لأرامل وكبار سن، وحالات تجوز لها الزكاة، وكمان صدقات جارية محتاجة دعم أهل الخير.
اذكر الله وأنت معدي، ولو مش هتقدر تساهم شارك المنشور، يمكن يوصل لحد يكون سبب في قضاء حاجتها.
"والله في عون العبد ما كان العبد في عون أخيه."
#مصلح | 33 |
| 16 |  أب أو أم?
وفاكر إن التربية هي أكل وشرب ودروس، تعالى أقولك على الكارثة اللي ممكن بنعملها في نفسية ولادنا!
التربية مش سباق مين يجيب مجموع أعلى، التربية هي بناء نفس سوية تعرف تعيش صح "دنيا ودين". فيه قواعد نفسية لو وقعت منك، انتا بتكون إنسان مهزوز، مهما كان شاطر في المدرسة.
عاوزين نقف شوية وقفات مع أهم قواعد التربية النفسية
👇👇👇 | 340 |
| 17 | 1/ متخافش من مشاعرهم، متكتمهاش!
ابنك لما يجيلك زعلان أو غضبان، متقولوش "مفيش حاجة تستاهل" أو "عيب متعيطش". انتا كده بتعلمه يكتم مشاعره ويكدب على نفسه. لازم يسمع منك: "أنا فاهم إنك زعلان، وده حقك". هل انتا بتدي ولادك الحق إنهم يحسوا، ولا بتعلمهم النفاق العاطفي؟
2/ حبك ليهم مش مشروط بأي حاجة!
لو كل علاقتك بيه مبنية على "جبت كام؟ صليت؟ سمعت كلام ماما؟"، انتا كده بتصنع إنسان آلي، بيعمل الصح عشان ياخد رضاك، مش عشان هو مقتنع بيه. لازم يحس إنك بتحبه عشان هو هو، مش عشان اللي بيعمله. الحب غير المشروط هو الأمان النفسي الوحيد اللي بيخليه يواجه الدنيا.
3/ الحدود أمان، مش سجن!
متخافش تقول "لأ". التربية مش دلع مفتوح. الحدود دي أمان نفسي بيعرفه إيه الصح وإيه الغلط، وإزاي يتعامل مع رفض الحياة. لما بتسيب الحبل على الغارب، انتا بتخلق إنسان مش عارف يتعامل مع "لأ" من أي حد تاني. هل انتا بتربي قائد عارف حدوده، ولا شخص تايه مبيعرفش ياخد قرار؟
4/ انتا المراية، مش الواعظ!
متطلبش منه حاجة انتا مبتعملهاش. لو انتا بتزعق طول الوقت، متستناش منه يتكلم بهدوء. ولادك مش بيسمعوا اللي بتقوله، ولادك بيقلدوا اللي بتعمله. صورتك الذهنية عند الطفل هي أهم درس في حياته. هل انتا بتتصرف كقدوة، ولا كواعظ بيأمر ومبيعملش؟
التربية في عصر الحداثة صعبة جدا جدا!
ومشاكل الاستشارات اللي بتجيلي بتوضح كدا!
#مصلح
د. عمرو طه الزواوي | 286 |
| 18 |  أصعب ما يفعله الإنسان أحيانًا ..
ليس التوبة ..
بل تصديق أنه ما زال يستطيع التوبة🤚
بعد فترات طويلة من الفتور،
بعد ذنوب تتكرر،
بعد وعود كثيرة لم تكتمل،
يبدأ صوت داخلي خافت يقول لك:
“أنت لن تتغيّر.”
وهنا تحديدًا تبدأ المشكلة.
لأن الشيطان لا يهمه فقط أن تُذنب ..
بل يهمه أكثر أن تفقد الأمل في الرجوع..
لكن الله لم يغلق الباب يومًا 🤍
“ابدأ مرة أخرى”
حتى لو انتهت مواسم الخير ..
لأن الله يناديك للعودة في كل يوم وليلة ..
ليس مطلوبًا أن تصلح كل شيء الليلة،
ولا أن تتحول فجأة إلى إنسان مثالي،
يكفي فقط أن تخطو خطوة صادقة.
أن تصلّي بعد انقطاع،
أن تفتح المصحف من جديد،
أن تعتذر عن ذنب،
أن تُطفئ بابًا قديمًا للمعصية،
وربما ..؛
تكون تلك المحاولة الصغيرة
هي بداية النجاة كلها.
#مصلح | 268 |
| 19 | انا عارف إننا في عيد، لكن إنكار المنكر ما يتأخرش.
مبدأيا، لو حضرتك شايف إن مافيش مشكلة من السخرية من ألفاظ وهيئات وجمل الدين الإسلامي فالمنشور دا مش ليك!
فيلم برشامة، شبه طالع تريند دلوقتي.. لكن هل الفيلم دا عادي يتعرض؟
- كتير من الطرح الفني هوا انعكاس لطبيعة ابناء الوسط الفني وثقافتهم وأفكارهم، وجزء منه هو محاولة للتطبيع مع الإنحلال الأخلاقي والفكري والأسري والديني!
وراجع كدا غالب أفلام ومسلسلات محمد رمضان وأحمد العوضي، اللي البلطجة فيها دا الحق، مع تهميش واضح لمؤسسات الدولة القانونية والأمنية.
عشان كدا الإجرام اللي منتشر دلوقتي وحالات الق-تل هي
نتاج سنين من تراكم الوعي لمشاهد المسلسلات دي.
دا غير طبعا الخيانات الزو جية والعلاقات المحر مة.
- الإفيه هو محاولة قلش على جملة ما، او كلمة ما.. وهي طريقة لإضحاك الجمهور، لكن هل مقبول إن يكون القلش على جمل وهيئات وأفكار من الدين؟
هل دا يرضيك كمسلم، هل دا يرضي الدولة اللي دستورها ينص على احترام الدين!
انت عارف الآية دي لما نزلت نزلت ليه؟
وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ ۚ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ (65)
عن زيد بن أسلم: أن رجلا من المنافقين قال لعوف بن مالك في غزوة تبوك: ما لقُرَّائنا هؤلاء أرغبُنا بطونًا وأكذبُنا ألسنةً، وأجبُننا عند اللقاء ! فقال له عوف: كذبت, ولكنك منافق! لأخبرن رسول الله صلى الله عليه وسلم ! فذهب عوف إلى رسول الله ليخبره, فوجد القرآن قد سبقه.
تعالى شوف بقى الإفيهات دي وتعليقاتها ودي منقولة من صفحة @Yahia El Gebally.
1-"-خلينا نعمل الصح عشان ربنا يسترها معانا.
-منا بعمل الغلط وربنا بيسترها معايا وهو ده التحدي"
ايوة بيقول ده التحدي فردوا انتوا تحدي مين او ايه!
2-"الغش اخرته النار هتتحرقوا
-منا غشيت قبل كدة وما اتحرقتش"
سخرية من عقاب ربنا ومن النار!
3-"مش عارف ايه الاصرار اننا ندخل النار.. هيدوك بونص؟!"
هما مين اللي هيدوه؟ وسخرية من النهي عن المنكر والامر بالمعروف.
4-"قسماً بالله لو الجنة كدة لأخد جهنم بالحضن"
تشبيه الجنة بقدم معفنة ريحتها قبيحة وتفضيل جهنم عليها من اجل الضحك.
5-"على فكرة الغش حلال لو في الضرورة.
=انا دارس فقه ابن حنبل ومقالش كدة.
-للأمانة مش ابن حنبل اللي قال
=اومال ابن مين اللي قال؟
-ابن عمي.
سخرية من الفقه الاسلامي ومن الفقهاء وعلماء المسلمين اللي اغلبهم مشهور بابن كذا وعالم جليل زي ابن حنبل فقيه من الفقهاء الاربعة.
6-"بس ده ما يرضيش ربنا.
=لا لا محنا هنتوب في الاخر، انا ياما غلطت وتوبت واتقبلت تاني يوم.
-انت بتعرف؟ طب انا توبت امبارح اسأل لي."
تخيل بيقول بثقة اتقبلت تاني يوم والتاني بيقوله أسألي يسأل مين بالظبط وازاي؟ منتهى قلة الادب مع ربنا.
7-"انتي تعرفي ربنا منين دنتي لو موجودة ايام الكفار كان نزلك سورة زي سورة ابو لهب."
" ده كل غزوات التاريخ الاسلامي كانت هتبقى صدك".
انتهى كلام ا. يحيى.
- ليه دايما الميديا بتربط الصورة الذهنية للمتدين إنه متخلف ومعاق ذهنيا!
يابني المتدينين أغلبهم ما شاء الله مثقفين وكتير منهم خريجين كليات هندسة وطب واسنان وتربية وتجارة الخ.
وكتير منهم خريجين أزهر على فكرة..
يابني إحنا بندرس المقدمات المنطقية، والمغالطات المنطقية، وأخطاء التفكير، في الوقت اللي كتير من المشخصاتية "الممثلين" بيفكوا الخط بالعافية!
- فين مؤسسات الدولة الدينية من الرقابة؟
فين الأزهر من توجيه المجتمع؟
الشباب حالهم صعب جدا والله.. والمخدرات والإباحية زي السلام عليكم!
الخلل النفسي والأمراض النفسية زي الهوا!
محتاجين نلحق الشباب.. شبابنا والله.
مش اقل من اننا ننكر المنكر دا.
شير البوست جايز صوتنا يوصل.
"إن أريد إلا الإصلاح ما استطعت".
#مصلح
د. عمرو طه الزواوي | 407 |
| 20 |  没有文字... | 345 |
