ادبیات سئونلر

نیر حسین دلدار بناب «یوللار منی ایزله‌ییر!» کلمه_ کلمه دیلیم سوسوب داریخیر یاپراق_ یاپراق باغدا پاییزلانیرام قورشون_ قورشون دؤشوم دئشیک‌_ دئشیک‌دیر اؤلوم_ اؤلوم، اؤلوب يالقيزلانيرام أددیم_ آددیم قاندال آیاغیمدادیر سورگون_ سورگون یوللار منی ایزله‌ییر دوستاق_ دوستاق سؤزلر آغزیمدا قالیب بیتیک_ بیتیک حسرت منی گؤزله‌ییر بایات_ بایات قالیب بایاتی‌لاریم آغیت_ آغیت آنام اورک داغلاییر بولود_ بولود شیمشک چاخیر گؤزلريم دوزلو_ دوزلو دنیز یارا آغلاییر باخچا_ باخچا چیچک سولور ایچیمده اورمان_ اورمان بالتا تؤکور قانیمی قارغا_ قارغا گلین گئدیر گونلریم گئجه_ گئجه ظولمات سیخیر جانیمی کئف‌سیز_ کئف‌سیز قالیب دیلیم دیله‌ییم شاختا_ شاختا سویوق قارا قیش گلیر وطن_ وطن غوربت یاغیر باشیما قاتار_ قاتار گؤیه قارانقوش گلیر... ۱۴۰۲/۰۷/۰۲ https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم زمان: سه شنبه 1402/7/4 ساعات: 10 طراح:«تانیش» چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

هاشیم ترلان دیلیمی قایتارین منه غربت ائلده غریبسه‌دیم ائلیمی قایتارین منه دره‌لریم کؤز باغلاییب سئلیمی قایتارین منه آختاریرام حزین-حزین ایتیردییم گولون ایزین دونیادا هرنه وار سیزین گولومو قایتارین منه دیل دئییرم... منی آنمیر سسله‌ییرم، او دایانمیر نوه‌لریم منی قانمیر دیلیمی قایتارین منه دیلیم گئتسه قالار نه‌ییم نئجه بو درده بئل اییم نسیمی‌دن اؤیرندییم تعلیمی قایتارین منه باخ اورمودان گؤی خزره اوخشار سنی هر منظره او آذردن بو آذره ایلیمی قایتارین منه      تهران_1378 قایناق: ایشیق سایتی https://t.me/Adabiyyatsevanlar

خبر دوستان عزیز مدرسه ابتدایی «تبریز» که با یاری شما ، به همت ادبیات سئونلر در روستای زلزله زده قیرخ یاشار شهرستان خوی احداث گردیده امروز همزمان با شروع مدارس با استقرار دانش آموزان به عنوان اولین مدرسه ساخته شده پس از زلزله شهرستان خوی شروع بکار کرد از همه عزیزانیکه مارا در ساخت این مدرسه یاری نمودند سپاسگزاریم ادبیات سئونلر https://t.me/Adabiyyatsevanlar

خبر سیزین، دوسلارین همتی ایله ادبیات سئونلر خوی شهرینین، قیرخ یاشار کندینده دوزه تدیی مکتب بو گون رسمی اولاراق باشقا مدرسه لریله بیرگه شاگیردلرین اوزونه آچیلدی، آرتیرمالیق تبریز آدینا تیکیلن بو مدرسه زلزله دن سونرا خوی شهرینه ده بیرینجی مدرسه دیرکی بوگون ایشه باشلادی، بوتون امگی کئچن دوسلارین الینی سیخریق، ادبیات سئونلر

انزلی‌یه پاییز گلیب   شعیر  : بالاش آذراوغلو انزلی‌یه پاییز گلیب، هاوا سویوق، هاوا آغیر. گئجه‌لره یاغیش یاغیر، گۆندوزلره یاغیش یاغیر. داغا یاغیر، دۆزه یاغیر، سؽسقا یاغیش ائله بیل کی، والله، قلبیمیزه یاغیر. سؽخیلمیشیق بیر کومانین بوجاغینا، بیر تالیشین اوجاغینا. ایسته‌ییرم بولود کئچه، گۆله گۆنش. چیچکلرین گؤز یاشینی سیله گۆنش. دئییرم: - کریم سۆر ماشینی، کؤرپو اۆسته آپار بیزی. قوی دنیزی سئیر ائله‌سین عمیم قؽزی. گؤی سولاردا یؽرغالانان او آغ گمی گۆموش پول‌لو بالیق کیمی صاباح اۆزوب گئدر بوردان، اورتالیغا دۆشر هیجران. او آییرار سیزی مندن، منی سیزدن. الیم چاتماز، اۆنوم یئتمز، گۆنلر کئچر آی ایل اولار، سیزی گؤرمک بیر ده منه مۆشکول اولار... انزلی‌یه پاییز گلر، یاغیش یاغار، آنجاق اونو بیز گؤرمریک. الله بیلیر، عمی قؽزی بلکه بیر ده گؤروشمه‌دیک... انزلی شهری، سئنتیابر ۱۹۹۳-جۆ ایل https://t.me/Adabiyyatsevanlar

صنعت عصرینین حئکایه سی یازار:« آنتوان چخوف» چئویرن:«آزاد یاشار» کوچورن:«سحرخیاوی» حاضیرلایان:«ادبیات سئونلر» بوحئکایه نی چهارشنبه گونو ادبیات سئونلر کانالیندا اوخویون

تانری‌نین لطفو و اولو نوایی‌نین روحو مددی  ایله نهایتده اوچ ایل چالیشمادان سونرا، نوایی‌نین خزائن‌المعانی آدلی دؤرد جلدلیک دیوانی‌نین تصحیحینی سونا چاتدیردیم و بیر جلد نوایی حاققیندا حؤرمتلی استادیم دکتر ارگین افشار @dr.ergin.avsar یاردیمی ایله تالیف ائتدیگیم کتابلا بیرلیکده بئش جلد اولاراق  اؤن ساتیشا چیخاریلیر. کتابلارین یاییملانماق مجوزلرینی آلماق زحمتینی تجدد یایین ائولری چکمیشلر. جلدین پس‌زمینه خوشنوسی زحمتینی استاد ایمان رنجبر و جلد طراحلیغینی آرمان اوبالاسی @armanobalassi جناب‌لاری بویون اولدولار. ۱. امیر کبیر نظام‌الدین امیر علی شیر نوایی: حیاتی، اثرلری، یارادیجیلیغی و اثرلری‌نین تصحیح شیوه سی (فارسجا خلاصه سی ایله بیرلیکده) ۴۴۵ ص ۲. غرائب الصغر (تورکجه دیوان) (تصحیح و تحشیه) ۶۷۳ ص ۳. نوادر الشباب (تورکجه دیوان) (تصحیح و تحشیه) ۵۶۹ ص ۴. بدایع الوسط (تورکجه دیوان) (تصحیح و تحشیه) ۵۸۱ ص ۵. فوائد الکبر (تورکجه دیوان) (تصحیح و تحشیه) ۶۱۱ ص اؤن ساتیش بئش گون داوام ائده‌جک. آردینجا ساتیلان سایی‌دا چاپ اولوب آلیجی لارا تقدیم ائدیله‌جک و اؤن ساتیشدان کتاب‌لاری تقدیم ائتمک زمانینا دک ایگیریمی گون زمان آپارجاقدیر. تبریزده اولان عزیزلره تجدد یایین ائوینده کتاب‌لار تقدیم اولاجاق. شهرستاندا اولان عزیزلره پست ایله گؤنده‌ریله‌جک. کتب‌لارین قیمتی ایکی میلیون ایکی یوز مین‌ تومن‌دیر آنجاق اؤن ساتیشدا تخفیف ایله بیر میلیون دوققوز یوز مین تومن قیمت وورموشوق. علاقه‌دار اوخوجولار اؤن ساتیشا قاتیلماق اوچون بیر میلیون دوققوز یوز مین تومن ۱۹۰۰۰۰۰۰ ریال 6063-7310-4830-3029 نمره‌لی قرض الحسنه مهر ایران بانکی کارتینا غلامرضا رزمی آدینا ووردوقدان سونرا، پیتیگینی اینستاگرامین  دایرکتینه و یا t.me/ghr1978 تلگرام آی‌دی‌سینه گؤندره‌ بیلرلر. کتاب‌لار بئش جلد بیرلیکده ساتیلیر و تاسفله تک‌تک ساتماق امکانیمیزدا یوخدور. آرتیق بیلگی اوچون https://t.me/alishirnavai https://t.me/Adabiyyatsevanlar

🔶هالای چکن قایالار «ثریا_خلیق_خیاوی» گورولداییر حوزون قولومداکی ساعاتی یئره آتاراق قاچیرام قارغالیق‌دان پیلله- پیلله ائنیرم ایچیمه! قاپینی ایکی اَللی بوتون  گوجومله باغلاییرام؛ گؤزومون ایچینه باخیر قاپی آنلاییر منی! ایچیم؛ قورونموش، اَل چاتمایان بؤلگه اطرافی هؤرولوب هالای¹ چکن قایالارلا... بورادا هئچ چئشیت² باغلانتی ممکون دئییل یالنیز شعر اولاشیمی³ وار بورادا اسکی‌دَن بیر دیزه⁴ چکنده دونیا ایشیق‌لاناردی بوراسی تانری تار چالان یئر بیر شعر آلیشدیریرام اوزاقلاشیرام ساختا سالخیم سؤیودلردن یاخین‌لاشیرام اَن گووَندیییم سنه سن، شعرلرین دایانمایان اوره‌یی... اویاغام و یوخودا یوخودایام و اویاق تار چال آییلیم دوستوم! تانیییم تانینمایان‌لاری قارا قویولاری داشیل ویجدانلاری تار، تانری، سن سن، تانری، تار قاپینی آچمام گرک؛ گوون نفس نفس نفس... یاییلمالی سن وارسان ثریّانین گوون تانریسی بیر پیلله، ایکی پیلله، اوچ... گؤزلریمی یومورام قول‌لاریمی آچیرام گونشه ساریلیرام تااااار چاااال... 1- هالای: دایره. دؤوره. هالای وورماق (قورماق)، دؤوره وورماق‌. هالایلاماق. همی ده دایره وورارکن بیر نوع رقص‌‌دیر. 2- چئشیت؛ نوع، طور، قسم 3- اولاشیم: ارتباط، رابطه 4- دیزه: مصراع، بیر بئیتین یاریسی https://t.me/Adabiyyatsevanlar

«حسین صفا» "آه به خط بریل" تمام پرنده ها بعد از شلیک به خانه هایشان رفتند الا من من که نجات یافته بودم از روزهای سخت تا روزهای سخت دیگر را بیازمایم نقشه این بود که با تاجِ خار تزیینم کنند سرفه سینه ان را بخراشد از پهلو اصابت کنم به اسکله در اشک حل شوم و تاریکی بنوشدم روزی ساده بود ساده تر از گرفتن یک سیگار از یک دوست و من آنقدر ساده مردم آنقدر زیبا که خدا هم اگر بودی دلت نمی آمد بیدارم کنی https://t.me/Adabiyyatsevanlar

*📃 یئنه بیزه پاییز گلیر!…* *🖊️ ع. ن. «چاپار»* یئنه بیزه پاییز گلیر.. نغمه‌سینی دینله‌ییرم – بیر سیزغینین. ائله گلیر منه گویا هر بیر نسنه سیزیلداییر؛ – سانکی نه‌یه یاس توتاجاق بیر کیمسه تک!… گؤزه چارپیر کوچه‌لرده کوچه‌لرین سوکوت – سوکوت استقبالی. بودور بیزیم کوچه‌لرین – ساری طالع، بوز اقبالی!… یئنه بیزه پاییر گلیر.. سحر سالیب چؤهره‌سینه، دومان – دومان اؤرپه‌یینی. اوره‌ییمله ائشیدیرم – هر بیر گولون اوره‌یینی. دینله‌ییرم آغاجلارین ساریلیقدا ایتیب – باتان یاشیل – یاشیل دیله‌یینی!… بولاقلارین زینه – زینه آخار سویو بیزیم بوگون اوجا – اوجا، متانتله سوسوب باخان داش داغلارین ایلیق – ایلیق گؤزیاشی تک اوره‌یینی یای چؤللره، یای مئشه‌یه!.. قوی دونماسین اوره‌یینده یاشیل – یاشیل آرزیلاری آغاجلارین! چؤل گوللری – نفس آلسین بو داغلارین نفسیندن! هاوا دویسون یارپاقلارین یاز قوخولو نغمه‌سیندن!… یئنه بیزه پاییز گلیر.. اؤزلویونو اؤز الی‌له شاختالارا بئیعه وئره‌ن ساری اوره‌ک، ساری ساچلی بیر قیز گلیر... پاییز گلیر.. پاییز گلیر!… https://t.me/Adabiyyatsevanlar

«دارێخان قادێن» ✍:«تانسو_خیاوی» داریخان قادین شکلی‌دیر پاییز... ساری دوْنلو، اینجه بئللی، قیزیل تئللی، اصل قادیندی، سئون، سئودیرن، آغلادان... آدیندان بللی... آغلایان قادین شکلی‌دیر پاییز، اۆزۆ دیوارا چکیلیب، اللری قوْینوندا... معمادیر چُهره‌سی، سرّدیر دوُروشو، معجزه‌دیر سئوداسی... آما یئنه ده تام بیر قادین‌دیر. سوْلان قادین شکلی‌دیر پاییز، نفس- نفس اؤلر، آددیم- آددیم ایتَـر... یاواش- یاواش اَریییب یوْخ اوْلار خیـالی، باخدیقجا دوْیمازسان رنگلریندن، "اۆزۆنۆ بَــری چئویر" دییه یالوارارسان بعضاً، یالوارارسان ائشیتمـز... لال‌دیر اوْ قادین، لال‌دیر پاییزین گلـیشی... https://t.me/Adabiyyatsevanlar

تازا کاتدا «نادر پاشا» پاشایی تزه کندده، تاروئردی کیشی نین، اؤزونه گؤره ائل-طایفاسی، قوهوم قونشوسو، ایسته یه نی  وارایدی. او، عاباسقولوخانین اوغلو، کندین کاتدالیغینی اله کئچیرندن سونرا آرا-سیرا، اونون دالیسیجا دئیینیب اوره گین بوشالدیردی: - گؤر نه گونه قالدیق؛ بو قولدور گئده، نمنه گوجونه بیزیم کندین کاتداسی اولدو. دئییرم اؤزوموزه دوز-عملی بی کاتدا سئچه بیلسک بو فلاکتدن قورتوللوق. زمی لریمیزین؛ باغلاریمیزین یئیه سی اؤزوموز اولاریق. ائوسیزلره، ائو تیکریک؛ یوخسوللارین اللریننن توتاریق.بوغدا تایلاریمیز اؤز ائویمیزین بیر بوجاغینا ییغیشار. سیچانلار ائو ائشیگیمیزی دلیک دئشیک ائله مزلر. اون کندیلریمیز، تاخیل کندیلریمیز تالانا گئتمز. - تاروئردی کیشی دوز بویورور. بو کاتدانین دورونده چوخ کورلوق چکیریک. ائله کی بویوروللار کاتدانی دییشه بیلسک ایشلریمیز راحاتلاشاجاق؛ قارداشلیق، بیرلیک، عدالت ده دیرچه له جک. تاخیللاریمیز اؤزوموزون اولاجاق؛ بو قاپاغان ایتلری ده آزدیراریق. قوی گئدیب آجیننان اولسونلر. بوننان بئله یا ایت ساخلاماریق، یادا قوزو کیمی سســسیز، دوشونن ایت گتیریب ساخلاریق. بوایتلر گؤنده بیرین قاپیب، یارالیییلار. - ساداتقولو من تاروئردینین بویوردوقلارینا قارشی چیخمیرام، آما بیر شئی قاباغیمی کسیر! - نمه​ نه قاباغیو کسیر میرزه بایرام. - دئییسیز تازا کاتدا گلسه، عدالت، اینصاف، قارداشلیق، بیرلیک دیرچه له جک. بولار نئجه اولاجاق. میه تازا کاتدانین دورانیندا ایش باشینا کئچنلر ائله  ایندیکی آداملار اولمویاجاقلار؟ ایت ده، ایتدی دا. بیر زاماننان سورا اولاردا اولاجاقلار بو ایتلرین تایی، بلکه ده بولاردان دا قاپاغان! تاروئردی میرزه بایرامین سؤزلرینی خوشلاماییب، یئرینده اویناخلاییب دئدی: - میرزه سن بو جاوانلارینان ایشدن دوشموش اؤز قارینلارینین قایدینا قالانلاری بیر یئره قویوسان. میه بئش گون قاباق بئکار قوربانعلی بشیرین قیزی فاطمانی سویا دوشوب بوغولاندا اؤلومدن قوتارمامیشدی. یازیق قوربانعلی​ نین بویرون داش ازیب یورقان-دوشه گه سالماغین سن بیلمیسن؟ هله کئچن ایل چوبان ممی تک باشینا اون دورد قوردون قاباغیندا سون نفسینه کیمی دایانیب کندین قویونلارین قورویوب اؤز جانینی الدن وئردیگینی نه تئز اونوتدون! چوبان ممی​ نین  نیسگیللی اؤلومو هئچ عاباسقولو اوغلونون وئجینه ده دَییلدی. ایش جاوانلارینان، آللاه آداملارینین الینه دوشسه بوتون یوخولاریمیز چین اولار. هئش کسین آیریسینین مالیندا-ناموسوندا گؤزو اولماز. بو ایت اوغلو ایت کاتدا نمه​ نه​ سین چکسه؛ بیز ده آغ گونه چیخاریق...                                                                                                                                     سونوندا کندلیلرین چوخوسو تاروئردی کیشینین سؤزلرینه اویوب، کندین آرالیغیندا توپلانیب؛ های-کوی قوپاریب قدیمکی کاتدانی کندلریندن قووالاییب، تاروئردینی کاتدا قویدولار. تازا بیر تابلو یازدیریب کندین گیره جه گینده گؤیه قووزادیلار: "به روستای جانفدای نوآباد خوش آمدید". بئکار قوربانعلی یه کوهنه سرباز پالتاری گئیدیریب کندین انتظامات اوتاغینین باشچیسی ائله​ دیرلر. ساداتقولو کیشینی میرزه بایرامین یئرینه تعاونی روستایینین باشچیلی قویوب، تعاونی روستایی نین قاباقکی تابلوسونو آشاغا چکیب دیواردا "فروشگاه عدالت گستر روستای نوآباد" یازدیلار. قاباقکی"فروشگاه تعاونی روستایی نوآباد میهن​ پرست" تابلوسونو دا دیوارا سؤیکه​ ییب، اوستونه قارا بویا سپدیلر. هفته لر آیلار اؤتدوکجه ارزاق ماللاری آزالدی. هر دردن بؤیوک درد ده سیگارتین آز تاپیلماسی ایدی. هر آی تزه کنده اون بوکس آزادی سیگاری یئتیشیردی؛ اونون دا دؤرد بوکسو ال آلتی کدخدایا وئریلیب، اوچ بوکسونو ساداتقولو اؤزو گؤتوروب؛ اوچ بوکسو دا کندلیلرین آراسیندا بؤلونوردو.  گاهدان ائله اولوردو کی بئش کندلییه تکجه بیر دانا سیگار یئتیشیردی؛ ائله اونودا تعاوونو قاباغیندا آلیشدیریب، سیرایلا قوللاب ووروب، توستوسون آهلاری ایله بیرگه، گؤیه ساری پوفله​ ییردیلر. سیگار پایلانان گونلرده، بئکار قوربانعلی صفه دورانلارین دوزنلیگینی ، سیگارلاری عدالت اوزره پایلانماغینی گؤز آلتینا آلیب، قویموردو بیرینین حاققی تاپتالانسین...                                                                                                                                                                                                            ۱۳۶۰.تبریز/ نادیر پاشا کاتدا Katda: کدخدا دوزنلیک Düzənlik : نظم و ترتیب https://t.me/Adabiyyatsevanlar