ادبیات سئونلر

"خسرو سرتیپی" ادبیات سئونلر گوزگوسونده زمان : سه شنبه 1403,7,24 ساعات :21 چکیلیش: مرجان منافزاده آپاریجی: کریم قربانزاده https://t.me/Adabiyyatsevanlar

1306 اصفهان

خبر انیمیشن «گیلگمش» ساخته حسین مرادی‌زاده جایزه بهترین انیمیشنِ جشنواره بین‌المللی فیلم کوتاه «دایورسیتی» آمریکا شد. این انیمیشن ۱۰ دقیقه‌ای با تکنیک نقاشی رنگ و روغن سال ۱۴۰۰ از سوی امور  سینمایی کانون پرورش فکری کودکان و نوجوانان تولید شده است. در خلاصه داستان گیلگمش آمده است: گیلگمش، پهلوان نامدار اوروک، شهری از سرزمین سومر در میان‌رودان است، عمری در جست‌وجوی جاودانگی می‌کوشد و بارها شکست می‌خورد اما سرانجام به گیاهی دست می‌یابد که او را جاودانه خواهد کرد ولی «مار»ی آن گیاه را می‌رباید و حاصل عمر او از دست می‌رود... بر اساس این خبر، حسین مرادی‌زاده کارگردان «گیلگمش» در روزهای پایانی تابستان سال جاری به عنوان یکی از اعضای هیات داوران چهارمین جشنواره بین‌المللی فیلم کوتاه «ت» در شهر کارلسرروهه کشور آلمان حضور داشت. پیشتر نیز انیمیشن «گیلگمش» در سیزدهمین جشنواره بین‌المللی انیمیشن تهران، سی‌ونهمین جشنواره بین‌المللی فیلم کوتاه تهران، چهارمین جشنواره فیلم «نگاهی به زمان» کشور اروگوئه، جشنواره فیلم‌های انیمیشن معاصر« لونی ین» و... حضور داشته است. جشنواره بین‌المللی فیلم کوتاه دایورسیتی مهر ۱۴۰۳ (سپتامبر ۲۰۲۴) در آمریکا برگزار شد. https://t.me/Adabiyyatsevanlar

شعیر و موسیقی :نادر پاشا سس:مختار مسلمی https://t.me/Adabiyyatsevanlar

اوخییا، اوخییا سئوینیر. حامامچی آلتدان – آلتدان باخیر، گولومسینیر، دئییر: – خئیر اولسون، بوغلارون یامان اوینوییر؟! اوغلان ماهنیسی‌نین دالین گلمیر؛ گؤز تیکیر یئره، گولور: – خئیردی اینشاللاه. ایشکافی قیفیللاییر، ریزینین سالیر قولینا. فیته‌سین دولوییر بئلینه. نئچه پیلله انیر آشاغا. سونرا ایکی پیلله چیخیر اوسته، قاپینی آچیر. ایچری‌دن بوخارلانمیش هاوا بوغلانا – بوغلانا باسیر چؤله. اوغلان قاپینی اؤرتور. ایستی سودا جانین یومشالدیر. دللکی سسله‌ییر. دللک تورباسین کؤپوکلندیریر. قویلییر اوغلانین باشینا، یاییر جانینا. دولچانی سوینان دولدوروب تپه‌دن اندیریر اوزی آشاغییا. کیسه‌نی گئییر الینه. دومه‌شیره‌نی چکیر اوستونه. اوغلانین کوره‌گینده آپاریر گتیریر. چیرک پیلتله‌نیر. اوغلان بوینون دولاندیریر دللکه ساری: – کئشکه او بیری حاماملار تکین بورانیندا خزینه‌سی اولئیدی. دللکین قارنی ساللانیب، ایکی قات اولوب کیسه‌نی کوره‌گی‌نین اورتاسیندا دولاندیریر. نیقیلدییا- نیقیلدییا دئییر: – چوخ‌دا مهم بیر زاد دئییر. آنجاق دوز دئییرسن، زینال حامامی، محمدیه، ملا هادی؛ بونلارین هامیسیندا وار، بیردان سونرا. کیشی‌‌لرین داها سسی گلمیردی. بوخارلانمیش هاوادا ایتمیشیدیلر. اوغلان دورولانیر. چؤل اوزده ایاغینا سویوق سویی توتور. دایانیر پیلله‌ده؛ بوینون اوزادیر، سسله‌ییر: – هووووی! بوغچاچی قاچیر، قتفه‌نی آتیر اوغلانین باشینا. بیرده فیته وئریر. اوغلان یاش فیته‌نی آچیر قوروسون؛ دولوییر بئلینه. اوزی گؤزی پؤرتوب. دومه‌شیره ایشین گؤرمیشیدی. حامامچی ائشیکدن بوغچاچینی سسله‌ییر، اودا قاپینی دیر قویوب، ایاق چکیر چؤله. انجیر جوللاب‌لاری میز اوستونده اوغلانین گؤزونه ساتاشیر. استکانین بیرین گؤتورور؛ ایکی بارماغین سالیر استکانا، انجیر‌لری تئز- تئز قویور آغزینا، سویون دا چکیر باشینا. هاچاری سالیر ایشکافا. ساکین سوروتمه‌سین چکیر قویور دیبده. اَل آپاریر ساکین ایچینه. بیر بوز ایلان قارا خطلنمیش فیشیلدییا – فیشیلدییا بوینین اوزادیر، دیلین یاپیشدیریر اوغلانین بیلنگینه. قیرواق سوروشور، ایشکاف‌لارین آراسیندا یوخ اولور. اوغلان ساغ الین آتیر سول بیلنگینه، چیغیریر. بوغچاچی پیلله‌‌لری تله‌سیهلی انیر، قاچیر اوغلانا ساری. قاپازی سالیر باشینا، چیغیرا – چیغرا اویان- بویانا گئدیر: – ایلان، ایلان، ایلان گیریب حاماما… کیشی‌لر فیته بئل‌‌لرینده بوغلانا – بوغلانا تؤکولوبلر چؤله. جومالانیبلار اوغلانین باشینا. بوغچاچی‌نین گؤز‌لری چیخیب کللییه. دیلی توتار توتماز دئییر: – ایلان چوخ قالیب ساکین ایچینده، قودوز اولوب؛ قورخمالی‌دی. اوغلان اوزی قویلی یئره دوشوب چوبالاییر. سور- سوفتی اولوب کؤمور تکین. توزلی پالتارلاری ایشکافین بیجاغیندا قالیب. آق کؤینگی‌نین قول‌لاری ساکین ایچیندن آسلانیب یئره ده‌ییر. قایناق: ایشیق سایتی https://t.me/Adabiyyatsevanlar

قوناق "خدیجه خانی "حئکایه شوورک بیر اوغلان‌دیر، قولاق‌لاری بؤرکدن ویریب چؤله. باشین سؤیکه‌ییب اتوبوسین آتوشگه‌سینه، گؤز تیکیب ساری تورپاقلی داغ‌لارا، داش‌لارا. بورنی ایی چالیر؛ باش دولاندیریر، گؤزی ساتاشیر بویلی بیر آروادا؛ باشماغین چیخاردیب، ایاق‌لاری باغا تکین یاییلیب یئره. جاوان قیز لئچگی‌نین اوجی‌نان بورنون توتوب، اونا بوز- بوز باخیر. دالداکی کیشی بیر آروادنان پیچیلداشیب، قاققیلداییب گولورلر. قاباقدا ایلشن آرواد اوشاقدان بورما گؤتورور؛ اوشاغین چیغیرتیسی قالخیر. اوغلان باشین ترپه‌دیر، بؤرکون گؤتوروب ال چکیر اوستونه، توز قالخیر. گؤز‌لری آخینیر. بو یورغونلوغون ایچینده آداخلیسینا فیکیرلشیر. کاغیذی دالبادال جبهه‌یه گؤندریب اونون اوره‌یین اسدیرمیشدی. داها اوغلان دؤزنمه‌میشدی بو آیریلیغا. اَینی باشینا باخیب دئییر: – آنجاق بئله گئده بیلمه‌رم آداخلی‌بازلیغا. ایاغیمی ماشیندان یئره قویجاغین گره‌ک سعادت حامامین بیرجه گؤره‌م. توزلی ساکین بوش صندلین اوستونه قویوب، هردم هووشه‌نیر؛ گؤز آلتی باخیر، آپارمییا‌لار؟! اونی آپارانین الی یامان بوشا کئچر. یولداشی یادینا دوشور. باشین چؤند‌ریر آتوشگه‌یه ساری. شوفیر آینادان گؤرور. پیتیق بوغی بورما بیر شوفیردیر. یوغون سسی‌له دئییر: – آی اوغلان جبهه‌دن نه خبر؟! اوغلان غملی دئییر: – جبهه‌ده نه اولار به‌یم. گولله، خمپاره، یارالی، ایلان… – ایلان؟! … سن ده گوردون؟! سسی بیر آز بوغولور: – هه، نییه گؤرمه‌دیم. یولداشیمی ایلان اؤلدوردی. داشین آلتیندان فیشیلدییا – فیشیلدییا چیخیب ائله سنگرین دالیندا ویردی. آمان وئرمه‌دی. سوزولدی کیسه‌‌لرین آراسیندا یوخ اولدی. الین چکیر بوغونا: – ایلانی هلم هلم اؤلدورمک اولماز! اولدوزدان سونرا هئچ زاددان قورخوسی یوخدور. ائشیتمه‌ییبسن دئیرلر، ایلان اولدوز گؤرمسه اؤلمز. شوفیرین دالیندا ایلشن کیشی گؤز‌لرین برلدیر، دئییر: – ایلانین قنیمی قارتال‌دی، قارتال. اوغلانین قولاق‌لاری شهله‌نیر: – عجب! بونلاری ائشیتمه‌میشدیم. بیر آهیل کیشی باشین دولاندیریر، ایکی صندلین توشوندان گؤز تیکیر اوغلانا: – منیم اوغلومی گؤرمه‌دون؟ آدی حیدردی. – یوخ حاجی تانیمیرام. کیشی‌نین یانیق باخیشی اوغلانی غملی ائله‌ییر. بیر آه چکیر. شوفیر یاواش- یاواش وئریر قیراغا. قهوه‌خانا قاباغیندا ساخلاییر. رنگی روفی گئتمیش میز صندلی دؤشه‌نیب چؤل اوزونده. اوجادان دئییر: – ایشی اولان دوشه بیلر. بیر ربع‌دان سونرا حرکتده‌ییک. یوبانان قالاجاق یئرده. ‌ ‌ ‌ ‌ ‌ ‌ اوغلان ساکین گؤتوروب قویور صندلین آلتینا؛ دوشور یئره. شوفیر بیر استکان چایا قوناق ائله‌ییر. گؤزون تیکیر اوغلانا. معنالی باخیر. چفیه‌نن بویون بوغازی‌نین ترین آلیر. قاش‌لاری دوگونلنیر: – آخی سن هارا، جبهه هارا ؟! منیم سن بویدا بیر اوغلوم وار؛ اوتوروب کؤلگه‌ده درسینه باخیر، کئفین چکیر. اوغلان چایین یاری ائله‌ییبدی. بیر آز شوفیرین اوزونه دوموخور. چایین قالانین تؤکور یئره. چالپالانیر، هوپور تورپاغا. استکانی قایتاریر میزین اوستونه: – الَلرون آغریماسین، یامان یاپیشدی. ‌ ‌ ‌ فورس ائله‌ییب میرتدانا – میرتدانا ایاق چکیر ماشینا ساری. شوفیرین باخیشی دالیجاق قالیر. اَلین اؤلچور: – آی اوغلان سنه چای یاخچی ده‌ییر؛ سن گره‌ک بیر لیوان شوورن شربتی ایچه‌سن، داها بئینون سرینلییه. اوغلان بوینون دیکلدیر،گؤز‌لری جوتله‌نیر چؤله. آلچاق دامخالاری گؤروب اوره‌یی ایشیقلانیر. شام‌اسبی‌نی سووشورلار. اویان بویانا باش دولاندیریر. نئچه واختدان سونرا آداخلیسین گورمگه اوره‌گی چیرپینیر. شوفیر گوز آلتی آینادان باخیر: – سرکار هاردا دوشه‌جک‌سن؟ اوغلان سایماز دئییر: – مشگین دروازا‌سیندا. بورکون باشینا قویوب، ساکین گؤتوروب، گوله – گوله مسافرلره باخیر: – هاموز یورولمیاسوز! شوفیرنن ده گؤروشوب دئییر: – سن ده یورولمییاسان عمی. اوغلووا دئیرسن گونه چیخماسین، یوخسا قارالار. مسافر‌لرین گولوش سسی ماشیندان قالخیر. آهیل کیشی اووجونداکی قارا کیشمیشدن نئچه‌سین آتیر آغزینا. قاشلاری گئدیر یوخاری: – آی ساغول اوغلوم! سؤزی آت یئره، سوز یئیه‌سی اؤزی گؤتورسون. اوغلان ساکین آسلیر چیگنیندن. قیرواق گئدیر سعادت حامامینا ساری. قاپینی آچیب ایاق چکیر ایچری. حامامچی صندلین دالیندان دوروب اوغلاننان گؤروشور: – یورولمییاسان قیزیل باش اوغلان، خوش گلیبسن. اوغلان گولور: – قیزیل باش؛ نییه قیزیل باش؟! – هه؛ سیزین کیمین اوره‌کلی جوان‌لارا اوننان سونرا بیر سؤز یاراشماز. هاچاری الینده اوزادیر اوغلانا ساری: – اوچومجی ایشکافا پالتارووی قویا بیلرسن. ‌ ‌ ‌ ‌

رحیم کاویان حورمتلی شاعیر دوستوم  شهرک میرزا جنابلارینا یا میرزا صفا گلر وطنه سن گلنده یامیرزا گولر باهار بیزه سن گولنده یامیرزا اؤزون صفالی سؤزون عطری عالمی بورویوب بو عطر اولمازیمیش یاسمنده یا میرزا سؤزون جواهیره بنزه ر اؤزون عقیق یمن بئله عقیق تاپیلماز یمنده یامیرزا دئمه آغاردی باشیم دن دوشوبدو قاشلاریما باشین اوجالیغی بنزه ر سهنده یا میرزا اسیر ائدیب سنی فکر وخیال رزق وعیال گؤرنمیرم او دوداقلاردا خنده یا میرزا ائشیکده جانی سیخیر توز دومان اورک سیخیلیر عیال دا ائوده چکیر ذهنه رنده یا میرزا دوباره فیرلادیسان الده طنز شللاقین یئنه کیمی سالاجاقسان کمنده یا میرزا بیری سنه دولاشا گر قارا گونون قابلار باشی ازیلمه لیدیر قوردازنده یا میرزا گرک ایپی قیریلا یا قویا قاچا کنددن بیری سنه دئیه گر هنده منده یا میرزا مثال رستم دستان گیرنده میدانه نفس کش آختاریسان انجمنده یا میرزا گهی بوغا دولاشیرسان وگاه ساققالا سن باشین آغیرلیق ائدیرمی بدنده یا میرزا قانین قاراتما گیلن فیکرینی خراب ائله مه آییلاجاق بو یاتانلار اؤلنده یا میرزا زمانه شوخلوغا سالدی قوجالتدی بیزلری ده نه سنده قالدی جاوانلیق نه منده یا میرزا منیمده قالدی گؤزوم گول چیچکلی باغلاردا غزل چیچکلرینی سن درنده یا میرزا اوخو تازا غزلین خوش سس ایله کاویان ا مثال بولبول شیدا چمنده یا میرزا https://t.me/Adabiyyatsevanlar

شهری گولوش آلاجاق شعیر توپلوسو ایشیق اوزو گوردو. بو کیتاب ادبیات سئونلر قوروپونون تانینمیش اویه سی سئویملی شاعیر ،اینجه خیالی شاعیر کریم احمدیان (شاهید)دین اوچونجو شعیر کیتابی دیر ، بو کیتابین محتواسی  دادلی دوزلو غزل لر،دوردلوک لرو سربست شعیر لردن عبارت دیر. شَهری_گولوش_آلاجاق (شعر مجموعه¬سی)  یازان :کریم احمدیان «شاهید»  اؤن سؤز: یوسف-حسنی اعظمی گرافیست: آتابای تیکان‌تپه‌لی نشر:  پارلاق قلم ۱۴۰۳ قطع: رقعی ۹۴ صفحه قیمت: ۱۱۰ مین تومن گلین بو کیتابین بیر شعیرینه قوناق اولاق. اینانیرام قۇرتولاجاق شهری گۆلوش آلاجاق گؤزل نغمه‌لر چالاجاق گۆن چیخاجاق چیْراق_چیْراق... شاعیربو دیرلی اثری آناسینین اولو روحونا اتحاف ائدیب. ادبیات سئونلر اوخوجوسو بول اولسون دئیه ایستکلی قلم داشیمیزی تبریک ائدره ک شاهید جنابلارینا یئنی قلم  نائلیتی  آرزو ائدیر. https://t.me/Adabiyyatsevanlar

"خسرو سرتیپی" ادبیات سئونلر گوزگوسونده زمان : سه شنبه 1403,7,24 ساعات :21 چکیلیش: مرجان منافزاده آپاریجی: کریم قربانزاده https://t.me/Adabiyyatsevanlar

نعمت مسگری منم من گؤی‌ده گونش، یئرده اوجاق منم من قارانلیق‌دا یانار چیراق منم من توفانلاردا ایشیق مایاق منم من تانری منم، انسان منم، شیطان من قورتولارام، سینار بیر گون بو قفس آزاد- آزاد چکرم من بیر نفس بو سؤزومو سانما گیلن سن هوس بو دنیایا سلطان منم، خاقان من گونش کیمی یئنه سحر دوغارام قارانلیغی ایشیق ایله بوغارام یونمالاری سیندیرارام، اوغارام بونا اینان، دئمه‌میشم یالان من باشا چاتار توکنمه‌ین بوش یاریش ساواش بیتر، داها چاتار تام باریش انسان دئمز بوش یاریشا گل قاریش باش قالدیررام، بئلدن ساللام پالان من باغیشلارام، ائیله‌مه‌رم قانا قان هئچ قییمارام انسانلاردان چیخسین جان اودلار سؤنر، توکنر بو یان ها یان انسانلارا بوتون وئررم آمان من حقّ اولسام دا ایندی هله اسیرم دیرک‌ده‌کی بایراق کیمی اسیرم عرش اوسته یوخ، فرش اوسته بیر حصیرم بو قوقونو ائیله‌یرم تالان من 1403,7,20 https://t.me/Adabiyyatsevanlar

یومور https://t.me/Adabiyyatsevanlar

فرزین مئی گتیر سوز ساقیا بوش الده کی پیمانه دی زلف و دلبر طره سین افشان ائدنده شانه دی بیز حروفیلر کیمی قیمت بها ویرساق سوزه تربیت تاپبیش نسیمی پس نه دن بیر دانه دی؟ شوق و رخصتله چتین بولبول دیل آچسین نغمه یه بول قفس جورون اونا گلشن ائدنده دانه دی ‌صوحبته دونیا سوزوندن کیم آچیب دیل سویله دی اویما دونیایه دئیللر صحبتی افسانه دی عیسئی مریم دیل آچدی صحبته گهواره ده یوز بئله معجز ده گتسه نسبتی عمرانه دی یوز پناه و آرخا چیخسا بی کسین آخیر یئری تک اولان اولسا اومیدی گوشه ی ویرانه دی ساقئی بزمه دئین کی بیرده جامی دولدورا تاپسا زاهدلر خبر بول باغلانان میخانه دی آچ لبین دلبر دئیب بیر سوز منی شوره گئتیر حسرتیم وارسا اورگده بوسه ی جانانه دی هر آخان سو یول تاپار آخیر ده نیزلر قوینونا باغلادان آخیرده یول هر بیر چایی عمانه دی ایش دئیر سوزدن آشار قیمت ایر ویرساق سوزه سوز دئین مرد اولسا بول کی سن سوزی مردانه دی بزمیده شمع و شراب اولموش مهیا جمع اولون خوشلوقا فرصت اولان الده بو دم بو آنه دی واعظ آرتیق چوخ قویوب حسرت بیزی خوش گونلره الده وار بیر حربه سی باغلی بئلی بهتانه دی اتفاق اولسا یقین فرزین تاپار خوشلوق بیزی دردیمیز چوخ اولسادا وار هم اومود درمانه دی. https://t.me/Adabiyyatsevanlar

ساری گلین بودا بیر ورژن دیر گوزل، اوریه یاتان.

جعفر تانیش 1_من سئویرم انسان کیمی ، سئومه لیم انسان کیمی من سئویرم قورقوشونلار هئچ فیکره توخونماسین ،توخونماسین غم ماهنی سی هئچ بیر ائل ده اوخونماسین، اوخونماسین الوان الوان گول لر ایچره هئچ بیر گول ده یوخ اولماسین، یوخ اولماسین من سئویرم انسان کیمی ، سئومه لییم انسان کیمی 2_ من سئویرم هئچ بیر انسان بومبالارین سس لری یله یوخوسونوان اویانماسین، اویانماسین هئچ بیر انسان اوز قانیله بویانماسین ، بویانماسین قوش یئرینه بومبا یوکی گوی لر آرا دولانماسین، دولانماسین من سئویرم انسان کیمی ، سئومه لیم انسان کیمی 3_ من سئویرم آنالارین کورپه لری ساغلام اولسون قوجاغیندا ، قوجاغینیندا بالام دئیب غنچه کیمی گولوش آچسین دوداغیندا، دوداغیندا دوز محبت ائستی لنسین اوتاغیندا ، اوجاغیندا من سئویرم انسان کیمی ، سئومه لیم انسان کیمی 4_ من سئویرم بیرجه ال ده چورک اوچون زیبیل لیغا اوزانماسین، اوزانماسین کیمسه داها انسانلارین قانلارینی حلال ائدیب قازانماسین بیر قلم ده انسانلارین اولومونه حوکم وئریب یازانماسین ، یازانماسین من سئویرم انسان کیمی سئومه لیم انسان کیمی 5_ من سئویرم ساز ، سوز اولسون ماهنی اولسون هر بیر ائل ده ساواش سوزو یاساق اولسون واژه واژه هر بیر دیلده هئچ بیر بئل ده بوکولمه سین نه حسرت ده نه نیسکیل ده من سئویرم انسان کیمی ، سئومه لیم انسان کیمی 6_ من سئویرم هر بیر سحر خوش خبرلر دونیامیزدا قاناد آچسین ائیسته میرم هئچ بیر آنا کورپه سینی قوجاغلاییب هئچ بیلمه سین هارا قاچین، هارا قاچسین من سئویرم بوتون ال لر قورقوشون سوز سیلاحلارا چیچک ساچسین ،چیچک ساچسین من سئویرم انسان کیمی ، سئومه لیم انسان کیمی 7_ من سئومیرم هئچ بیر سایی یوخسولوقا جیغیر اولسون قولاق لاردا ائشیدیلن چیغیر اولسون باغیر اولسون اون فایزی پول کوره سین  دوخسان فایز فاغیر اولسون من سئویرم انسان کیمی ، سئومه لیم انسان کیمی 8_ من سئومیرم یاشایش لار سادیسم لر ال لری یله پلان لانسین انسان سئور انسانلارین امک لری دلی لرین ال لری یله اود وورولسون آلوولانسین بیر عموری سورمک اوچون یئرده ، گوی ده دای تالانسین من سئویرم انسان کیمی، سئومه لیم انسان کیمی 9_ من سئویرم صلح اولسون آنالارین سوت دادیندا هئچ بیر کورپه سوت امه سین آناسیندان اود دادیندا هر بیر کیمسه حیات سورسون تک قورخوسوز ، وطن نینده موت ، دادیندا من سئویرم انسان کیمی سئومه لیم سن کیمی https://t.me/Adabiyyatsevanlar