ادبیات سئونلر

سوسن نواده رضی : هئچ ده هاسانت اولمادی سؤزلری مین احتیاطا مین بیر ملاحظه یه بوکدوم. گاه بوراخدیم دلی کؤنلومو چاغلاییب آخسین ایرماق- ایرماق شلاله - شلاله گاه پئشمان اولوب بوتون اؤزلملری زینه - زینه، سیزیق- سیزیق ایچیمه تؤکدوم. بعضا نزاکت توتدو بعضا قورخو الیمدن بعضا اورتام یاپیشدی بعضا بورکو دیلیمدن اؤیوندوم ده بئزدیم ده من منلیگیمدن یازماقدان دا یورولدوم آرتیق، پوزماقدان دا بیخدیم... https://t.me/Adabiyyatsevanlar

سوسن نواده رضی : بو اوزدن ده من اؤزومو شاعیر بیلمیرم. من هله شعریمی یازا بیلمه میشم! https://t.me/Adabiyyatsevanlar

سوسن نواده رضی : البته کی اولوب. یعننی کسینلیکله گله نکلریمیز و ادب ارکان و تربیه نوعوموز بیزی یا منی یاری لال ائله ییب. رحمتلیک شیدا همیشه دئیردی قادینسی یاز دئیردیم یازانمیرام. قوجالیم یازارام. ایندی قوجالمیشام گینه یازانمیرام آخی! https://t.me/Adabiyyatsevanlar

سوسن نواده رضی : بیلدیگینیز کیمی بیزیم ادبیاتیمزدا سئوگی منظومه لرینین شعرلرینی هم قادین دیلیندن هم ارکک دیلیندن همیشه بیر ارکک شاعیر یازیب. یعنی لیلانی دا مجنونو دا بیر ارکک شاعیر یازیب. وامق ده عذرا دا ارکک قلمیندن آخیب. من بئله دوشونورم کی اونلارین قادین کاراکتئر یئرینه یازدیقلاری سؤزلر هئچ وده بیر قادینین حیسی دئییلدیر. بیر قادین مثلا لیلا، مجنونون جوابییندا کسینلیکله باشقا جوره یازار. https://t.me/Adabiyyatsevanlar

سوسن نواده رضی : دئمه لی یم من، بیر چوخلاری دئدیگی کیمی، فضولییه نظیره یازمامیشام، بیر ارکک شاعیرین حیسلرینه قادینسی جواب وئرمک ایسته میشم اؤز دیلینده. https://t.me/Adabiyyatsevanlar

سوسن نواده رضی : من هاچان کلاسیک شعر دئمه یه باشلادیم هئچ اؤزوم ده بیلمیرم. بیر هاندا گؤردوم اوتورموشام فضولییه جوااب یازیرام! https://t.me/Adabiyyatsevanlar

سوسن نواده رضی : بیر ده سربستلیک بیزیم شعرده یاواش یاواش لومپنیزمه چکیلیردی منجه. بیر ارا حتی منیم اوچون اورک بولاندیریجی گلدی. البته نه هر سربست https://t.me/Adabiyyatsevanlar

سوسن نواده رضی : سونرالار شمس مولانا و فضولی اوخوردوم. چوخ اوخوردوم گومان! اونلارداکی آهنگه جذب اولدوم. بییلمیرم اونلاردا منیم اوچون درین چکیجیلیک واریدی. https://t.me/Adabiyyatsevanlar

سوسن نواده رضی : ایلک شعر یازماغا باشلادیغییمدا اولدوقجا یئئنییجی بیری ایدیم. دیلده رادیکال شکیلده یئنیجی ایدیم. دیلیمیزین دایاندیغینی حیس ائدیردیم. ادبیاتیمیز و شعریمیز بایات و کهنه گلیردی منه. البته فرانسه شعر و ادبیاتیندان دا ایستر ایستمز ائتکیله نیردیم و مقایسه ائتدیکده ادبیات دوروموموزدان اوتانج دویوردوم دوغروسو. سکون آغیر ایدی. دورغونلوق ضرر وئریجی. https://t.me/Adabiyyatsevanlar

سوسن نواده رضی : حتی یار یولداشیم دئدیلر قانمیریق نه دئیییرسن شعرلرینده, من اؤز شعرلریمین بیر چوخونو فارسجا دا یازمیشام دوستلاریم باشا دوشسون دئیه! https://t.me/Adabiyyatsevanlar

سوسن نواده رضی : حتی یار یولداشیم دئدیلر قانمیریق نه دئیییرسن شعرلرینده, من اؤز شعرلریمین بیر چوخونو فارسجا دا یازمیشام دوستلاریم باشا دوشسون دئیه! https://t.me/Adabiyyatsevanlar

سوسن نواده رضی : بو کتابدا بیر چوخ فارس شاعیرلردن ده تورکجه یه ترجمه لریم وار. https://t.me/Adabiyyatsevanlar

سوسن نواده رضی: 1369دا سانیرام ایلک شعریم مهد آزادیده چاپ اولدو. سونرا یول درگیسینده عصر آزادی ده و بیر چوخ محلی درگیلرده چاپ اولدو. من اونلارا شعر دئمه میشم و دئمیرم ده. اورک سؤزلری ایدی منجه. هر حالدا ائلمیز و ادیبلریمیزین منه لوطفو چوخدور همیشه. بیر اوزون سوره یازییا سون وئرمیشدیم. یئنیدن باشلایاندان سونرا بیر چوخ قلمداش دوشتلاریم منی تشویق ائله دیلر یازدیقلاریمی بیر آرایا توپلایام. بو ارادا سعید موغنلی جنابی دا چوخ امک وئردی بورادان تشکر ائلیرم کندیسینه. یازیب یاراتدیقلاریم شلاله لر شله سی آدیندا کتاب اولدو. https://t.me/Adabiyyatsevanlar