ادبیات سئونلر

ایکی آفتاها یاغیش یاغییب صباح مملکت ده یالنیز کویر لوت ایله هرمزگاندا دنیز تعطیل دییل. بونا دئییر مدیریت،اویرندیز؟! https://t.me/Adabiyyatsevanlar

بهمن_وطن‌اوغلو اوتانماسام اوشاق کيمی آغلارام، يامانجا دوشوبدو ياديما داغلار. ايسته ييرم بير آه چکم اورکدن، قورخورام آليشا اودوما داغلار. قوينوندا اولاندا چکمه ميشم قم، آيريلاندا گليب گؤزلريمه نم. بختيمه يار اولوب، کؤنلومه همدم، دار گونده يئتيشيب داديما داغلار.   شيرين لايلام اولوب بولاغی، چايی، اونودا بيلمرم بو حاقی-سایی. منيم سئوگيم يوخدور اوندان ساوايی، بهمنم يازيليب آديما داغلار. https://t.me/Adabiyyatsevanlar

گولرسیزدا .بیزدن پخمه سینی هاردان تاپاجاقسیز؟!

"رامیز روشن" اللریم ساچینا چاتا بیلمه دی اومودسوز داراغیم کوسولو گئتدی بیرشیرین اؤپوشله باشلار سئوگی لر آجیان دوداغیم  کوسولو گئتدی توتدون اللریمدن دونیا دایاندی -من سنی سئویرم – دیلده یاراندی بیلمه دیم  نه اولدو!نه دن اوساندی باغیشلا  قوجاغیم کوسولو گئتدی باخیشلار قاباقجا اوتاغا گلدی قیزاردی بُوزاردی یاناغا گلدی سئومک سوزجوک لری قاباغا گلدی قیزاران یاناغیم کوسولو گئتدی بیر سویوق گئجه ده قار اوستونده قار گلمه میش گئدیردین –گئتمه نه اولار؟ لامپالار دالینجا  گؤز ووروردولار بیر یاغ سیز چیراغیم  کوسولو گئتدی باریشماق ایسته دی منده  قوشمالار سن ایله یازیلا ،سنده قوشمالار بیردن دومان دوشدو!چن ده قوشمالار... نئیله ییم واراغیم کوسولو گئتدی https://t.me/Adabiyyatsevanlar

استاد بهزاد بهزادی ادبیات سئونلر گوزگوسونده زمان سه شنبه :1403,12,13 ساعات :9 دانیشانلار: حسن ریاضی مهندس علیرضا صرافی نریمان ناظیم ائلدار موغانلی صدیاروظیفه :ائل اوغلو حسین ریاضی آپاریجی : کریم قربانزاده

زرین رزندی(طناز) کعبه ی آمالیمی ییخدی پنیر شام وسحر قلبیمی سیخدی پنیر آخ کی گوُروم پوتدوغونا قورد دوشه دنگ ائله ییب،عوُمره سیریخ دی پنیر. اوُلمک همن گوُر قویاجاخدیر شورا سن ده سیخارسان،شورا اوسته قورا لعنت اولا هم اوُلویه،هم گوُرا اوقتی تلخ،سانکی چوبوخدی پنیر. قووزادی باش،حددن آشیب قیمتی بال کره دن،چوخ یوخاری سرعتی قایماغا وار شدت ایله ذللتی گلدی بیزه،سانکی کیریخدی پنیر. ایندی کی قووزاندی شرف،عزتین اوچ یوز اونا،قالخدی کیلو قیمتین قوُزدا قصور ائتمه یه جک خدمتین شور طام ایله،شیرینه چیخدی پنیر. یوخ پولوشون،آخ نه گوُزل اتلی سن آغ دونیله،سن نه ملاحتلی سن قارلی سهندیم کیمی هئیبتلی سن وارلی دا صبحانه یه تیخدی پنیر. سن گیره لی زروراغا،آی پنیر یوخسول ائوینده وئریلیر پای پنیر من نه دئییم توصیفینه دای پنیر؟ لال قالا دیل،سوُیله دی خیخدی پنیر.

کاش می شد روزی نوای زیبای موسیقی به جای انواع سلاح های جنگی گوش نواز وپیام رسان صلح و امید باشد. @Adabvadanesh

گرامیداشت روز جهانی زبان مادری در مجتمع تجاری اطلس تبریز ...

جهنم درسی

گون گله‌جک، تبریزین کوچه‌لرینده ماهنیلار گؤیره‌جک. حیات، گنجلرین اوزونه گوله‌جک. نغمه‌لر چیچکلنه-چیچکلنه، سنین‌ده یازیلارین بیته‌جک. کتابلارا دوشه‌جک. سن‌ده ماهنیلارا، آرزولارا قوشولاجاقسان. تبریزین کوچه‌لرینده اوزو گولر، گؤزو گولر بیر اوغلان اولاجاقسان. صاباحلارا بویلانا- بویلانا “خومار اولدوم” ماهنیسینی اوخویا جاقسان. و… مهر آیی ۱۳۸۹ ٭ ناظم حکمت:”بنرجی اؤزونو نه اوچون اؤلدوردو” https://t.me/Adabiyyatsevanlar

قولونون قارا یازیسی حسن ایلدیریم دوستوم دوقتور غلامرضا بوداغی‌نین فاجعه‌لی اؤلومو موناسیبتی‌ایله یاشاماق عذابیندان جانینی قورتاریب، سسسیز و رنگسیز بیر بوشلوغا بوشالتدین اؤزونو. آرتیق تیکانلی باخیشلار گؤزلرینی دالامایاجاق. قاخینجلی یاخشیلیقلار روحونو قارسمایاجاق. دانلاقلاردان اوزولمویه‌جک،قیناقلاردان بئزمییه‌جکسن. آرزولاردان، رؤیالاردان اوزاق نملی قارانلیق تورپاغا قاریشا- قاریشا   دوغمالارین، دوستلارین، تانیشلارین خاطره‌لریندن باش قالدیریب، دوننلرین، بو گونلرین آغاران، قارالان اوفوقلرینه باخاجاقسان: تبریزین دوننینده یار-یولداشی‌لا گزن بیر اوغلان گؤره‌جکسن: باشی هاوالی، کؤنلو سئودالی، آرزولاری باهار نیدالی، گؤزلرینده قارنقوش‌لار اوچوشان، گولوشلرینده گؤیرچینلر چیرپینان، قولاقلاریندا دورنالارین سسی، اللرینده اوره‌یینی داشییان بیر اوغلان. ناظم حکمتین “گونشی ایچنلرین تورکوسونو”: آخین وار گونشه آخین گونشی فتح ائده‌جه‌ییک گونشین فتحی یاخین اوخویا-اوخویا، یوللارین  دولایلارینی دولانا-دولانا گئدیر اوزو صاباحا، گئدیر یولو باهارا … چاتیر آیاقلاری بوز باغلامیش، گؤزلرینی قیروو آلمیش باشیندا قارا یئللر اسن بیر باهارا. باهاری باغرینا باسیر؛ بوزلار اریمیر؛ چیچکلر آچیلمیر؛ قوشلار اوخومور؛ گون توتولور؛ آی قیزاریر؛ یئللر اسیر؛ قارا یئللر بئیینلری، اوره‌کلری سیلیب کئچیر؛ آرزولاری، اومیدلری پوزوب کئچیر؛ بوغاناغا دوشور گؤزلر؛ قاسیرغادا سوسور سؤزلر… خیالیندا یاراتدیغی آل گونشلی بیردیارا، آرزولاردا چیچکلنن یاشیل باغا اوز دؤنده‌ریر.چایی کئچیر. چاتیر اومیدینده بسله‌دیگی او دیارا. یاشیل باغا آخان سولار آخماز اولوب، قوخوموشدو. آغاجلاری دولو وورموش، گونلرینه کول النمیش، ایشیغینی ساری شیطان اودموشدو. اؤز ایچینده چوروموشدو، قوردلامیشدی او بویدا باغ. بولبوللری سوسموش ایدی. چیچکلری کوسموش ایدی.    اورادا‌ دا، آرزولاری چین اولمادی. ساچلارینا دن الندی، گؤزلرینه دومان چؤکدو، بیر گؤزه‌له کؤنول وئردی، قوشالاشدی، یوخوسونا تبریز دوشدو، دوداغینا تبریز قوندو:  « قارا گیله» ماهنی‌سی ایله”. قیزیل گول اسدی صبریمی کسدی سیل گؤزون یاشین قارا گیله آغلاما بسدی… زامان گلدی پارچالاندی یاشیل آدا، تبریز دئیه  قانادلاندی، قوشا دورنا اوچوب،گلدی اویلاغینا: اوچ تئللی،دؤرد تئللی،بئش تئللی دورنا سن هارالیسان،هارالی دورنا اووچو الیندن یارالی،یارالی دورنا… آنا دیار، باشقالاشمیش، اؤزه‌للشمیش. درد و غمدن اؤز پاپینی آلمیش هامی. آغیرلاشمیش بوتون دردلر. سئوینجلری بؤلوشموشلر. سئوینج – شادلیق یونگولشمیش، جیلیزلاشمیش آزالمیشدی. گؤزلر قیپیق، اوره‌کلرسه بوم- بوش ایدی. آج -یالاواج  اؤز هایینا، اؤز وایینا قالمیش ایدی… آغالارا قوناق اولدو. ساغا چؤندو، سویولدو. سولا دؤندو،سویولدو. آواند اولدو، اویولدو…او یازیغا اولان اولدو. سوزلری دوداقلاریندان، اؤزو اؤزوندن قاچدی و بیزلرده کؤلگه‌سیندن اوزاقلاشدیق. آمان«قارا» لکه‌سیندن! دول-دولاشیق فیکیرلر، تیکانلی دویغولار ساردی جانینی. اوره‌یینی، اوره‌یینه جالایان، بئینینی، بئینینه قوشان اولمادی. قالدی بوش توختاخلیق، ساختا دوستلوق، قورو آشنالیقلار الینده. بئزدی اؤزگه‌سیندن، اؤزوندن. دوغما قاپیلار اوزونه باغلاندی بیر- بیر. سؤزلر قیسالدی، اوره‌کلر دارالدی، گؤروشلر گوده‌لدی، پرنلشدی،کسیلدی. ساچلارینین آغی آرتدی، ساققال بوغا قاریشدی، گؤزلرینه دومان چوکدو، سؤزلرینده تیکان بیتدی. اوره‌یینه یارا دوشدو، گیزلی- گیزلی هئی دئشیلدی. اؤز ایچینده پارچالاندی. نئچه-نئچه من دوغولدو اؤز ایچینده. من‌لر اونا قنیم اولدو، من‌لر اونو ازیشدیردی، سیخیشدیردی، اوزاقلاشدی اؤز-اؤزوندن، اوچوروملار اویولدولار…     آخارباخار بوزقیرلادی، بوزقیرلاردا بوغاناقلار اویناشدیلار. فصیل‌لره کول الندی، قارا باسار چولقالادی گونلرینی، اوفوقلری قان قوسدولار. اومید سؤندو. اینام ایتدی، بوشالدی سئوگیدن. قارا سئودا سوردو اونو  بوشلوقلارا.: ان یاخین لاریم،ان یاخین دوستلاریم داشلادیلارمنی، داشلادی و ماوی گؤزلو قادین یولداشلاریمی ساتیب باشیمی منه باغیشلادی… ایچیم قارالدی ایچیم قارالدی قولاقلاریمدا قازما سسلری ایچیمده ایسلاق بیر تورپاق قازیلما باشلادی گیردیم قورشاغاجان دومانلی،ایستی قارانلیق لارا. ٭ قارا سئودالی «قولو» گؤزلری اوزاق-اوزاق اولدوزلارا تیکیلی. آرزولاری یاریمچیق، آغزی سون هارای توتوملو آچیق. اؤلومون سویوق قوجاغیندا دونموش، اویوموش. نه انسان سسی ائشیدیر، نه حیاتین سئوینجینی، کدرینی دویور. اؤزو، اؤزونه باخیر. یوللارین آیریچیندان. اوره یی، بئینی قابار، ساچلاری بؤز یئللرده آغاران، آرزوسو اوره‌یینده قالان قارایازیلی قولو.

عدالت دومان تزه قافييه ياخشي جا  اؤزوٍمه  پئشه   تاپميشام ها   آختار    تاپاسان     تزه    قافييه موٍرگوٍده    دوْلانيب  آراني ، داغي گزيره‌م      قوماشا  ،   بئزه     قافييه ايلهام  كؤهله‌نيني  چاپا  بيلمه‌سم عشـق ايله  قايالار  چاپا  بيلمه‌سم اوٍچـوٍندن  بيـريني  تاپا  بيلمه‌سم چـئوريليـر سينـه‌مده كؤزه قافييه كيم  تله  كؤنلوٍموٍن  قوشونا   قوردو كيمي   خياليمي    ساچينا     هؤردوٍ كيمي   گؤزلريني گؤزوٍمده گؤردوٍ باخ  اوْندا    گزديردي  گؤزه  قافييه يوْخوشدا  يوْرولوب  دوٍز آختارانلار عدالت    ساياغي     ايز     آختارانلار آي گئجه  ياتماييب سؤز آختارانلار! سـؤزوٍن  اؤزوٍنـده‌دير   سؤزه   قافييه

منیم دیلیم شعر:بهمن زمانی سس:حئیران خانیم

" زبان مادری ؛ صدای هویت ، پل عدالت" ✍:علی رضایی زبان، نخستین دریچه‌ای است که انسان از طریق آن با جهان پیرامون خود ارتباط برقرار می‌کند.نخستین واژگانی که بر لبان کودک جاری می‌شود،حامل فرهنگ،تاریخ، و هویت اوست. روز جهانی زبان مادری که هر ساله در دوم اسفند ماه گرامی داشته می‌شود؛ فرصتی است برای تأمل بر اهمیت زبان‌های مادری، پاسداری از آنها و گسترش عدالت زبانی در جوامع گوناگون.این روز نه‌تنها یادآور حق بنیادین هر فرد برای آموزش و استفاده از زبان خود است، بلکه پاسخی به چالش‌های زبانی در جهان مدرن نیز محسوب می‌شود. آزادی زبانی؛ حقی غیرقابل تحدید یکی از مهم‌ترین اصول اخلاقی و حقوقی در جوامع انسانی، حق آزادی است.آزادی بیان و آموزش به زبان مادری نیز بخشی از این حق مسلم است؛ حقی که تنها در صورتی قابل محدود شدن است که آزادی دیگران را نقض کند. اما آیا استفاده از زبان مادری، تهدیدی برای دیگران محسوب می‌شود؟ پاسخ به این پرسش منفی است.هر زبانی دنیایی منحصر‌به‌فرد از اندیشه و احساس را در خود جای داده است. هیچ زبانی بر زبان دیگر برتری ندارد و هیچ زبانی تهدیدی برای دیگری نیست. ممنوعیت یا محدودسازی زبان مادری نه‌تنها آزادی فردی را نقض می‌کند، بلکه سبب فرسایش فرهنگی و اجتماعی می‌شود. ملتی که زبان مادری‌اش مورد بی‌اعتنایی یا تحدید قرار گیرد، خود را جداافتاده و محروم احساس می‌کند و این احساس محرومیت، به‌مرور زمان شکاف‌های اجتماعی را عمیق‌تر می‌سازد. عدالت زبانی؛ زبانی که با آن متولد می‌شویم، انتخاب ما نیست عدالت، مفهومی بنیادین در جوامع انسانی است و یکی از اصول آن این است که هیچ‌کس نباید به‌خاطر ویژگی‌هایی که در اختیار او نیست، از امتیاز یا محرومیت برخوردار شود. همان‌طور که جنسیت، نژاد یا رنگ پوست افراد نباید مبنای تبعیض باشد، زبان مادری نیز نباید وسیله‌ای برای برتری‌طلبی یا محدودیت قرار گیرد.تنوع زبانی، سرمایه‌ای فرهنگی برای بشریت است. اگر زبانی به حاشیه رانده شود، نه‌فقط یک ابزار ارتباطی، بلکه شیوه‌ای از تفکر، روایتی از تاریخ و مجموعه‌ای از ارزش‌های اجتماعی نیز از بین خواهد رفت. بسیاری از زبان‌های بومی جهان، به‌دلیل بی‌توجهی یا سیاست‌های زبانی نادرست، در آستانه فراموشی قرار دارند. این فرایند، چیزی جز فقر فرهنگی و کاهش غنای تمدن بشری را به دنبال ندارد. تنوع زبانی، کلید پویایی فرهنگی و اجتماعی همان‌طور که در طبیعت، تنوع زیستی عامل بقا و تداوم حیات است، در جوامع انسانی نیز تنوع زبانی و فرهنگی به پویایی، خلاقیت و توسعه اجتماعی کمک می‌کند. جوامعی که در آنها زبان‌های مختلف فرصت شکوفایی دارند، نه‌تنها از نظر فرهنگی غنی‌ترند، بلکه همزیستی مسالمت‌آمیزتری نیز تجربه می‌کنند. تاریخ نشان داده است که نابودی زبان‌های محلی، اغلب منجر به انزوا، مهاجرت اجباری و حتی از بین رفتن گروه‌های قومی شده است. در مقابل، کشورهایی که به چندزبانی احترام گذاشته‌اند، توانسته‌اند همبستگی اجتماعی و توسعه اقتصادی پایدارتری داشته باشند. آموزش به زبان مادری، ضرورتی برای بقا یکی از موثرترین راه‌های حمایت از زبان‌های مادری، آموزش رسمی به این زبان‌ها است. تحقیقات نشان می‌دهد که دانش‌آموزانی که در سال‌های نخستین تحصیل خود به زبان مادری‌شان آموزش می‌بینند، در یادگیری زبان‌های دیگر و سایر دروس نیز موفق‌تر هستند. برعکس، محرومیت از آموزش به زبان مادری، باعث افت تحصیلی، کاهش اعتمادبه‌نفس و در نهایت، شکاف‌های اجتماعی می‌شود. روز جهانی زبان مادری، تنها یک مناسبت تقویمی نیست، بلکه فرصتی است برای بازاندیشی در سیاست‌های زبانی، تقویت چندگانگی فرهنگی، و ایجاد جامعه‌ای که در آن همه زبان‌ها، بی‌هیچ تبعیضی، جایگاهی درخور داشته باشند. پاسداری از زبان مادری، پاسداری از هویت انسانی زبان مادری، بیش از آنکه فقط وسیله‌ای برای برقراری ارتباط باشد، بخشی از هویت و موجودیت هر انسان است. پاسداری از آن، نه صرفاً یک تعهد فردی، بلکه یک مسئولیت اجتماعی و جهانی است. جوامعی که زبان‌های مادری را محترم می‌شمارند، گامی بلند در جهت تقویت همبستگی، کاهش نابرابری و افزایش شکوفایی فرهنگی برداشته‌اند. پس، بیایید روز جهانی زبان مادری را نه فقط به‌عنوان یک روز در تقویم، بلکه به‌عنوان یک رسالت همیشگی برای پاسداشت زبان‌ها و فرهنگ‌ها، گرامی بداریم. با کانال ما در تلگرام همراه شوید. ادبیات سئونلر https://t.me/Adabiyyatsevanlar