ادبیات سئونلر

90 مین نفر بو ساعاتجا تراکتورون اویونون گورمه یه ورزشگاها گئدییب لر

اوشاق ادبیاتی ائلین مهرنگ ۷ یاشیندا پارس آباد شهریندن https://t.me/Adabiyyatsevanlar

اوشاق ادبیاتی کوثر موسوی 9یاشیندا اردبیل شهریندن تولکو حجه گئدیر. https://t.me/Adabiyyatsevanlar

اوشاق ادبیاتی فيليسيا_رشاد کودکان پیش از سخن گفتن، آواز سر می‌دهند. پیش از نوشتن، نقاشی می‌کشند و به محض این‌که قدرت ایستادن می‌یابند، می‌رقصند. هنر مبنای بیان آدمی است. https://t.me/Adabiyyatsevanlar

اوشاق ادبیاتی مرتضی مجدفر ائو چوره یی ایسته‌دیم گئده‌م من چؤره‌ک آلام سسله‌دی آنام: «گل بورا بالام! باغلی‌دیر هر یئر کورونا واردیر ساغلاملیق یولو چوخ بتر داردیر. خسته‌لیک گلیب یولوخور هامی آیاقدان سالیر آدام، آدامی. گل بو گون ائوده بیشیره‌ک کوکه بو خسته‌لیکدن قوروناق بلکه. سن گتیر بیر آز یاغ ایله اونو بیر بالا قابدا ال‌له‌ییم اونو. سو ایله دوزون وار اندازاسی بیر آز دا ایستر خمیر مایاسی. ایندی یئنه بیز ال‌له‌یک گره‌گ خمیر ال‌لنسه یئتیشر چؤره‌ک. گرکدیر بیر آز دینجلسین خمیر اوندا چؤره‌ک‌لر هئچ اولماز دمیر. بیر ساعات سونرا خمیر شیشه‌جک چؤره‌ک تاوادا یاخشی بیشه‌جک» خمیردن کونده دوزلتدی آنام سالدی تاوایا دئدی باخ بالام! چؤره‌یین آلتی لاپ گؤزه‌ل بیشدی دؤندردی اونو اوستو ده شیشدی. سئوگی قوخوسو قالخدی چؤره‌کدن کورونا غمی گئتدی اوره‌کدن. چؤره‌کدن بیر آز قوپارتدیم، یئدیم گؤزه‌‌ل آناما – «چوخ ساغ اول» دئدیم. https://t.me/Adabiyyatsevanlar

اوشاق ادبیاتی پیانو جواهیر تانریوئردی. كؤچورن: احد فرهمندی گؤزل بیر موسیقی تدبیره گلنلری واله ائتمیشدی. هر کس پیانودا سسله‌نن ماهنی‌نین تأثیرینده ایدی. پیانو دا چوخ خوشبخت ایدی. لاکین پیانونون اوزرینده دوزولموش آغ-قارا دیللر بیر-بیری ایله مباحصه ائدیردیلر. اونلارین هر بیری موسیقی‌نین بئله گؤزل ایفاسیندا یالنیز اؤزونون اساس رولو اولدوغونو دئییردی. هر بیر دیل اؤزو ایله غرّه‌له‌نیردی. پیانو اونلارا چوخ ایضاح ائتمک ایسته‌دی کی، اونلار بیرلیکده یارادیبلار بو گؤزل‌لیگی. لاکین هئچ بیری بو فیکری قبول ائتمه‌دی. بو مباحصه چوخ اوزاندی. بئله‌لیکله، اونلار قرارا گلدیلر کی، هر بیری بو پیانونون تاختاسیندان آیریلیب اؤزو آیریجا ماهنی ایفا ائتسین. پیانونون ترکیبیندن آیریلان دیللر هر بیری فرقلی صحنه‌لره اوز توتدو. بو گؤزل ماهنینی تک ایفا ائتمه‌یه جهد ائتدیلر. لاکین نه قدر چالیشدیلارسا، آلینمادی. هر بیر دیل یالنیز بیر سسی ایفا ائتدییندن ماهنینی بوتؤو شکیلده سسلندیره بیلمه‌دیلر. هئچ کس ده اونلاری دینله‌مه‌یه جهد ائتمه‌دی. سالوندا اَیلشمیش دینله‌ییجیلر ده دوروب اورانی ترک ائتدیلر. بونو گؤرن دیللر چوخ مأیوس اولدولار. هر بیری سهوینی باشا دوشدو. آنلادی کی، اونلار یالنیز بیرلیکده گؤزل موسیقی ایفا ائده بیلرلر. بئله‌لیکله، اؤز یئرلرینه قاییدیب بیر-بیریلریندن عذر ایسته‌دیلر. یئنی‌دن بیرلیکده صحنه‌یه چیخیب موسیقی‌لر ایفا ائتدیلر. هر کس اونلاری تبریک ائد‌نده اونلار دا بیر-بیریلرینی تبریک ائتدیلر. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

بؤیوک سئوینجله بۆتون دیلداشلاریمیز و آنا دیلیمیزی سئونلرین نظرینه چاتدیریلیر کی، اۇستادلاریمیز محمّدعلی و یۇسیف فرزانه‌‌نین (قؤوسی) یادیگاری و تۆرکجه، فارسجا کیتابلارین ناشیری اوْلان «اندیشه نو» یایین‌ائوی جناب دولت‌یاری‌نین مدیریتی ایله اؤز چالیشمالارینی داوام ائتدیره‌جک. تۆرکجه کیتابلارین بوُ قدیم مرکزینه دایاق اوْلماق، اوْنو تبلیغ ائتمک و گئدیب اوْرادان کیتاب آلماقلا بوُ یایین‌ائوینین آیاقدا قالماسینا کؤمک ائدک. t.me/andishehye_no با کمال مسرت به اطلاع عموم همزبانان و شیفتگان زبان مادری می‌رساند که انتشارات «اندیشه نو» ناشر کتابهای ترکی و فارسی که یادگار اساتید محمدعلی و یوسف فرزانه (قوسی) می‌باشد، با مدیریت آقای هرمز دولتیاری به فعالیت خود ادامه خواهد داد. با  حمایت، تبلیغ، مراجعه و خرید کتاب از این کانون قدیمی کتابهای ترکی ادامه فعالیت این انتشارات را تداوم بخشیم. نشانی: تهران، خیابان انقلاب روبروي دانشگاه تهران، مجتمع فروزنده، طبقه زير همكف، واحد ١٠١. تلفنها: ٠٩١٤٦٤٣٦٧٤٣ و ٠٢١٦٦٩٥٣٩٥٩ t.me/andishehye_no https://t.me/Adabiyyatsevanlar

کریم قربانزاده قالاق قالاق حسرتی چلنگ چلنگ آرزینی قاریش قاریش توپراغا قویلادیم https://t.me/Adabiyyatsevanlar

«احمد گوک سای» شکنجه را به چه رنگ نقاشی کردی؟ زبان مادری ممنوع شده، به چه رنگ دردش را فریاد می کشد؟ یا دیاربکر ... فریاد آن چه رنگی است؟ بوی زندان سوخته به چه رنگ است؟ دختران جوان تجاوز شده، به چه رنگ در حجره‌هاشان ضجه می‌کشند؟ بوی نان به یغما رفته‌ی کارگر به چه رنگ است؟ پدر کشته شده، آن کودک، سال‌ها به چه رنگ اشک خواهد ریخت؟ اشک چشم مادری که پسرش مفقود شده به چه رنگ است؟ آن سرباز که دستور تیراندازی گرفته به چه رنگ، رفیق‌اش را به گلوله می‌بندد؟ از خلق به چه رنگ می‌هراسی؟ انسانیت به چه رنگ فریاد می‌زند؟ آیا رنگ‌ها دستور می گیرند؟ به راستی به چه رنگ است آن تابلویی که با قلم‌موی به خون آغشته رنگ شده است؟ https://t.me/Adabiyyatsevanlar

گئنلده «آنجاق هر زامان دئییل البته کی» دیلین کلاسیک وئریلریندن اثرلرینده اثر اولمایان یازارین یئنی هؤروتونده بولوش گؤزله‌مک چتین اولاسی ایش‌دیر. باشلیجا اینجیدیجی مسأله، آچیق-آیدین موشکولو اولمایان جومله‌لرین(یعنی بسیط و وولقار جومله‌لرین) بئله قورخونج شکیلده قورخا-قورخا یازیلیشلاری و گیزلی باسقی آلتیندا اولدوقلاری‌دیر. رومان و حئکایه‌دن داد-تام آلان سیرادان بیر اوخوجو کیمی هؤروتون وورغوسو منیم اوچون حیاتی اؤنم داشیییر. حئکایه‌نین، داستانین بیریمی جومله‌دیر؛ هؤروت‌ده جومله یوخدورسا، آرتیق یازار ایلک آخشامدان هاوادان آسیلی قالیر. یازارین یازارلیغی جومله‌لرین قورولوشوندان آسیلی‌دیر. یازار «هؤروت» فیلمینده جومله‌لرینین یونتمنی‌دیر. سؤز باگاژی بوش، جومله‌لر ده سؤزه باخمیرسا، ایچرلییی نئجه آنلاتسین. هم هؤروتونه گوونمه‌ینی اوخوجو دینله‌یر می!؟ ۴ هؤروتون(متنین) گؤزل یانلاریندان اولان ائدیتورلارین الی‌ آلتیندان چیخماسی‌دیر. باشقا جور دئسک، ائدیتورلارا گرک دویولماسی یئنی‌جه دیرچلمه‌یه باشلامیش دوز یازی(نثر) ادبیاتیمیزا اوغورلو آددیم‌دیر. ائدیتورلارین هؤروتون واز کئچیلمز بیر پارچاسی اولوشو بئله یانلیشلیقلارین آرادان قالخماسی نامینه سئویندیریجی اولای‌دیر. هونر و صنعت عالمینین اوزمان چالیشانلاری آرتدیقجا بیر یاندان یاپیتین(اثرین) دؤللـه‌نیب بارلانماسی ساغلاما آلینیر، بیر یاندان دا چئوره یاپیت‌دان(اثردن) پایینی آلیب اثرلشمه‌یه یئلته‌نیر، و بئله‌جه بو تیپ ائیلملرین سایی چوخالدیقجا چئوره‌یه ده ایشیغینی یانسیدیر. هر ایکی ائدیتورون تورکجه دیل گراماتیکاسینی، قورولوشونو و سایره‌سینی درسلیک کیمی گروپلاردا کئچدییی‌نین تانیغی اولموشوق. بیلیریک کی دیلین گرکدیردییی بیر سیرا لازیملی قایدارلاری، نورملاری آدلاری کیمی ازبر بیلیرلر. آنجاق بو تیپ اؤز‌گوون‌سیز هوروت‌لرین سوروملولوغونا قاتلاشارکن بئیین‌لرده بیر چوخ سورو ایشاره‌سی بوراخاسی اولمورلار می. متنین یازاری‌نین باشقا یابانچی دیلده اوغورو می، ایچدن ایچه بولوندوقلاری تانیشلیق اورتامی می، یوخسا ائدیتورلارین سن دئین تورکجه‌ده جانا یاتان گوجلوه هؤروت اوخومامالاری می ایشی یوکلنمه‌یه اونلاردا ایستم اویاندیریب! متنین پریمیتیو(ابتیدایی) حالی داغینیق‌سا، ائدیتور و یا ائدیتورلارین اونا جان وئریب قورتارمالاری اولاناق‌سیزدیر. بو، پلاکئتی دوشوک اولان یاتالاق سایرویا بنزر؛ نه یاپسان نه ائتسن، قان آلیش-وئریشی(نقلی) بئله ائتسن یئنه دوروم دییشمز؛ گؤوده ایچدن قوصورلو و چاتیشمازدیرسا، عئینی‌یله اؤزولونده عاریضه اولان تیکینتی کیمی، او زامان ایش ایشدن کئچمیش‌دیر. آنجاق حاقدان کئچمک اولماز؛ ایشین یاپی شکلینی بیندیم. ائدیتورون وارلیغی بئله، باشلی-باشینا اؤنملی اولای‌ ایدی. بو اوزدن بو ائیلمی دوشونوب اویقولایانلاری تبریک ائدیرم، اومورام گله‌جک‌ده ده ادبیاتین گلیشمه‌سی اوچون بو تیپ ایشلره تئز-تئز تانیق اولاق. قایناق :ایشیق سایتی https://t.me/Adabiyyatsevanlar

اؤیونج قایناغی یئرلیمیز دیرلی دوشونور، یازار گونتای‌گنج‌آلپ (دیل و میللی کیملیک) باشلیقلی مقاله‌سینی بو جومله‌لرله باشلاییر: «دیل چوخ جیددی و گئرچک‌دن ده آغیر بیر مؤوضوع اولدوغو اوچون اونون فلسفه‌سینی آنلاماق دا اوزون زامان آلمیش، بشر ذکاسی‌نین داها دا درین ائوریم ائوره‌لری(تکامول دؤره‌سی) کئچیرمه‌سی گرکدیرمیش‌دیر… اینسان عاغلی پوزیتیو بیلیملرین جیددیتینی آنلادیقجا دیلین ده اؤنمی اورتایا چیخمیشدیر…» پوزیتیو بیلیملردن یازار اوچون ان اؤنملی‌سی ائله یازی‌نین اؤز قایدا و نورملاری، نه باشینیزی آغریدیم ائله دیلین اؤز‌به‌اؤز گراماتیکاسی، سینتاکسیس، مورفئم، فونئم، اینتوناسییا و داها بو کیمی نئچه نئچه ایلکین، اولقون و کؤکلی قایدالاری‌دیر. یازار بونلاری اؤز گؤوده‌سی‌نین جیزگی‌لری کیمی ازبر بیلمه‌لی‌دی. بئینی اورتالیقدا چوخ قوللانیلماییب آنجاق یازیب یاراتدیغی همن دیل اوچون دیرلی اولان سؤزجوکلرله دولوب داشمالی‌دی؛ اویون مئیدانینین قیراغیندا ییغمانین(تیمین) یئدک سکامیاسیندا اوتوران چوخلو لئکسیک اویونچوسو اولمالی‌دیر. بونلار ساده‌جه قارا نفس اوخوماقلا الده ائدیله بیلر. یابانچی دیلده اوخویوب یا دا یازان یازار، اؤز دیلینی دریندن بیلدییی قوشولدا اؤز دیلینده اؤیونوله‌سی پئشه‌کارجا اثرلر اورتایا قویا بیلر، یوخسا رومانچیلیغی پروفئسیونال بیلیب ده، یازاجاق اولاجاق دیلی (اؤز آنا دیلی اولسا بئله) یئترینجه اؤزومسه‌مه‌ییب اؤنمسه‌مه‌ین یازاری باشقا دیللرین شاه اثر رومانلارینی اوخوماق بئله او باتاقلیقدان قورتاراماز. بو، او زامان آلینار کی، یازار یازی دیلینی آنلاتماقدا زورلوق چکمه‌یه. بئله اولان حالدا آنا دیلده یازیب-یازماماق زوراکیلیغینی دا دارتیشماغا هئچ بیر نه‌دن قالماز. ذاتن یابانچی دیلده پئشه‌کار، دونیا فخری اولان داهی یئرل یازارلار هئچ قوشقوسوز اؤز یوردلارینین غرورلاناجاق وئریملی یوردداشی اولاراق آنیلاسی‌دیرلار؛ اؤرنه‌یین نیظامی، پروین اعتصامی، شهریار، غلامحسین ساعدی، صمد بهرنگی ایران‌دا، الیف شافاق، جیمیز جویس، جبران‌خلیل‌جبران، خالد حسینی یابان‌دا و بیر چوخ باشقا بو تیپ یازارلار کیمی. عاغلینیزا گلیب گؤزلمله‌دییینیز ایریلی-خیرالی، بیر سؤزله اؤنملی و لازیملی بیر چوخ گئنل یا اؤزل جریانلارین، حتتا بسیط و قارماقاریشیق دوشونجه و خیاللارین بئله قاورامینی دوغوران دیل اولقوسودور. اوزده اوزوب، دوزئیده فیرلانان توپلومون وولقار یازیچیسینین نه دوشونجه‌سی نه ده ایمگه‌لری سن دئین دیرلی اولاماز. گؤزونده سارای پرده‌سی قالینلیغیندا بئزی اولان جومله‌ده «نسنه‌»نی شاهلاندیریب، اؤپوب گؤیه فیرلاداماز؛ اؤزو «یوکلمه» یوک اولار. ٣ «حئکایه ده ائله پوئزییا تک گؤزللیک یاراتماق‌دیر. من هئچواخت اؤزومو حئکایه یازان سانمامیشام، همیشه اؤزومو شاعیر بیلمیشم.» رافیق_تاغی یازی دیلی تورکجه‌دیرسه، هؤروت(متن) تورکجه اولاناقلاریندان یارارلانیب، تورکجه دیل قایدالارینا، گرامئرینه، روحونا، دوزه‌نینه و صرفینه، اؤزللیکله مورفئمینه و فونئمینه اویغون بیچیمده شکیللنمه‌لی‌دیر. چونکی هر بیر یازی ساده‌جه یازی دئییل، او یازینین بیر ده سسلندیرمه ایشلمی واردیر. بیر یازار دیلین روحونو کؤکوندن بیلمه‌دییی سوره‌ده چتین کی دیلین فونئم اویقولاماسینی راحاتجا یاپا بیلسین. بو دئدیکلریم آنلاتینین ان بسیط یانلاری‌دیر. حالبو کی، پووئست، حئکایه یا دا رومان اوچون یازی ایسته‌نیلن یازاردان مین قات داها چوخونو ایسته‌ییر. بو جور پئشه‌کار یازی ژانرلاریندا آرد-آردا گلن بسیط ایفاده طرزلری هئچ الشدیریچینین گؤیول ایسته‌دییی یازی اولماز سانیرام. دیلی خمیر کیمی او ال-بو ال ائدیب سویونو چیخارماغی باجارمالی‌دیر یازیچی. بوروشوق دوروملار یارادیب، اونلاری آنلاملی و دوشوندوروجو شکیلده اوخوجو کوتله‌سینه گؤزلجه آختارما باجاریغی اولمالی‌دی. یوخسا ساده اوچ-دؤرد جومله‌نی یازینی اوخویاجاق اولان هر بیر اوخوجو یازا بیلر. یازیچینین فرقینده‌لییی تصادوفن آچیلان هر بیر صحیفه‌ده پئشه‌کار اوزگوچو کیمی همن یئردن بوی گؤسترمه‌لی‌دیر. منجه بیز یازیچینی هر بیر دیزه‌ده حتتا آتدیغی هر بیر نؤقطه‌ده، ویرگولده گؤره بیلمه‌لیییک. یوخسا نه دئیه ساعاتلارلا دیرلی واختیمیزی یازیسینا خرجله‌یک!؟ یازارین «تورکجه یازیرسا» بونو باجارا بیلمه‌سی اوچون بئینینده تورکجه دیلینه اؤزگو دابان(بستر) اولمالی‌دیر؛ اؤیله کی دویولاری بو دیلله ایچدن ایچه اؤزدشلشسین. رومان گره‌یی هانسی‌سا بوروشوق اولایی آنلاتماق اوچون دیغا-باشینا جومله‌نین اؤنونه آرخاسینا کئچمه‌سین، جومله‌نی چیینه-توپور ائله‌مه‌سین. چتین آنلاشیلیر بیر اولایی مین کره پوزوب یئنی‌دن یازدیغی، یا دا فارسجا یازیب سونرا چئویردییی بللی اولماسین. بی کره سؤز قونوسو اولان دابان اوندا گوون یاراداجاق.

یازیچی‌سان‌سا، یازی قایدالارینا اویمالی‌سان! شهرام گلکار «حافظ خیاوی»‌نین «آلچا گؤزوندن گلسین» رومانی حاقیندا دوشونجه‌لریم ١ «حئکایه منی تاپاندا یازیرام.» (رافیق‌تاغی) دوزو کیتابی اوخومادان اؤنجه کیتابین ایچرلییی ایله باغلی بئینیمده ایلکین دوشونجه‌لریم وار ایدی. داها ایلک صحیفه‌نی اوخویاندا آنلادیم کی دوشونجه‌لریم منی یانیلتماییب‌دیر. یازارین فارسجا دیلینده تانینمیش آنلاتیجی اولدوغو مملکت بویوتوندا داستان چمبرینده ایلین بیرینجی سئچیلمه‌سی، آلدیغی چوخ ساییلی اؤدوللر و اؤزل‌لیکله یابانچی دیللره چئوریلدییی (باخمایاراق کی گئنلده بئله تؤرن‌لرده اؤدوللرین دوغرو یئره گئتدییینه هر زامان شوبهه ایله یاناشمیشام) دیرلی هم ده گؤیوس قاباردیجی‌دیر . آدام ایشینی بیلیر. قیساجا دئییم، آدام حئکایه، رومان و داستان اؤلکه‌سینه بلد بیری‌سی‌دیر. بو اؤلکه‌یه هاردان گیریب هارالاردا گزیب نئجه چیخا بیله‌جه‌یینی ده بیلیر. یوخسا فارسجا یازان تورکجه دیللی بیری اوچون بو دیرلندیرمه نه‌دن ائدیلسین کی؟! منیم بیلمه‌دیییم بیر شئی وار، او دا بودور کی، ایشین‌ده بو قدر یاخشی‌سان‌سا، بو قدر گؤزل فارسجا یازیرسان‌سا، زورلا برباد تورکجه یازماغا نه گرک واردی! دوزدو دوکتور رضا براهنی‌نین رومانلاری ایچینده ایشلتدییی آز ساییلی گولونج دورومدا اولان تورکجه‌سی کیمی اولماسا دا، سن دئین ائله ده گؤیول اوخشایان دئییل. اوزون سؤزون قیساسی حئکایه، رومان یازماغا گیریشمه‌یه‌جک قدر یئترینجه دیل بیلگی‌سیزلییی هارداسا گئندن گؤزه چارپیر. رومانچیلغی، حئکایه‌چیلییی بو قدر ده کیچیمسه‌مک اولماز کی! قوزئی آذربایجانین دونیا اوزره تانینمیش یازاری «نرمین کامال» دونیا چاپیندا حئکایه اوزره آپاردیغی بیر آراشدیری‌دا گلیب چاتدیغی سونوج بئله اولموشدو کی، یئددی‌دن-یئتمیشه قادینلی-کیشی‌لی یئر اوزونده یاشایان هر کس اؤز حئکایه‌سینی، رومانینی یازمالی‌دیر. بو ایش آرتیق بیلدیییمیز آز ساییلی پئشه‌کار یازیچی گروپونون تک ‌الیندن چیخیب یایغینلاشمالی‌دیر. البته یاپیتلارین دیرلندیرمه، الشدیرمه سورجی ده اولاجاق؛ یاپینین ضعیف، اورتاباب یا دا گوجلو اولدوغو باشقا مسأله‌، آنجاق یازارین دیلی جیلوولایا بیلمه‌ییب، یئترسیزلییی بام‌باشقا مسأله‌دیر. گؤنئی آذربایجان‌دا یازیچیلارین یازغی‌سی بام‌باشقادیر؛ نورمال چرچیوه‌لرده اونلاری دیرلندیرمک دوغرو اولماز سانیرام. آنجاق بوتون بونلارا باخمایاراق هر یازار یازیسینین آرخاسیندا اولمالی‌دیر. یازیچی‌سان‌سا، یازی قایدالارینا اویمالی‌سان. دوستلارین بیری قئید ائتمیشدی؛ «بو روماندا ائشیتمه‌دیییم چوخلو «آرقو» سؤزجوکلر و جومله‌لر واردی، اوخودوغومدا اؤزل لذت آلدیم.» «آرقو»نو اولدوغو کیمی سؤزلوکدن آنلامینی گتیریرم. [آرقوْ: یالنیز بیر محدود و پئشه‌کار گروپون و سایره‌نین ایشلتدییی و باشقالاری‌نین باشا دوشمه‌دییی شرطی ایفاده و سؤزلر.] رومانی اوخوماغا چالیشان بیری اولاراق دئمه‌یه مجبورام کی، دوستوموز یقین آرقونون آنلامینی یانلیش آنلامیش اولمالی‌دیر، چونکو بیر ادبیات اللشدیریچی‌سی اولاراق منی اینجیدن اؤزگو مسأله‌لردن ائله بیری ده روماندا آرقو سؤزجوک و سؤزلرین یوخسونلوغو ایدی. دوزدو اولایین دوزن و ایچرلییینه اویغون آرقودان یوخسون اولماغی نه‌یی‌سه دییشدیرمز. آنجاق یوخو، وار کیمی گؤزه سوخماقلا نه‌یین پئشینده اولدوغونو آنلایا بیلمه‌د‌یم. ٢ «تورکجه یازیرسان‌سا، دونیانین گوجلو تورکجه رومانلارینی، شعرلرینی و تورکجه‌یه دوزگون چئوریلن چئشیدلی اثرلری اوخومالیسان.» هر دیل بوتون گئرچک‌لری، ایمگه‌لری، دوشونجه، دیالئکت، ائیلم، بیلگی، کاپاسیته، اولایلاری، اولایلارینین تؤره‌مه شکلی، فلسفه‌سی‌ ایله بلیرلنمیش، تانینمیش بیر اؤلکه، بیر جوغرافییا تمثیلچیسی‌دیر. کئچمیشی، ایندی‌سی حتتا گله‌جه‌یی قاپسایان ماراقلی و اؤنملی بولوش و تاپینتیلاری‌یلا. بو گئدیش‌ده هئچ نه‌یی گؤز آردی ائتمک اولمور. تاریخی، دوشونجه‌سی‌، فراحلی دئوری‌سی و دئوینیمی ایله بئیین‌لرده بلله‌نیر و بو دوشونجه‌لر توپلومو حیات تجروبه‌سی اولاراق ائورن‌سل گلیشیمی بشردن بشره، نسیلدن نسیله آختاریب، دولایلی یوللارلا اویقارلیغا سبب اولموشدور. آنجاق دیل‌دن دونیا بویوتوندا مدنی‌‌لشمک اوچون تؤره‌نن وئریلر ، اولاناقلار ، قازانجلار و قالیتیملار باشقا و دیلین اؤزونو اؤیره‌نیب، منیمسه‌ییب، اسینله‌نیب اونو اینسانلارین ائوریم سوره‌جی قازانج و اؤیونج ماکینه‌سینه چئوریمه‌سی بام‌باشقادیر. یازارین هانسی‌سا بیر یئره منسوبلوغوندان صؤحبت گئتمیر؛ عئینی تورپاغین یازاری اوستونه باسدیغی تورپاغین دیلینی بیلمه‌یه بیلر، عکسی ده گئرچک اولا بیلر. اول دئیینجه اولونمور! دیلی الینده یوغورا بیلمک اوچون امک لازیم‌دیر.

«بختیار وهابزاده                                                                                                                                       کور . بیر کور تانیرام، گؤزو کورسادا، اؤزو کور دئییل بعضن غم اودوندا قوورولسادا عاغلینا حیسسینه، او نانکور دئییل گئجه لی گوندوزلو یازیر اوخویور عاغیل گؤزویله او گؤرور، دویور آنجاق بیری ده وار کور دئییل سه ده گؤزو گؤرموردوستو گؤز اؤنونده اؤلدورولسه ده گؤرمه دیم دئییر یاخشییا اورتاقدیر یامانی گؤرمور او ساعاتا باخیر زامانی گؤرمور فیکرینی حیسسینی اوجادان دئمه ز بعضن گؤردویونو گؤرمه ک ایسته مه ز گؤزلری گؤرمویه ن کور دئییل هله گؤرمه ک ایسته مییه ن کوردور، دئییرم بئله موغاویله بئله جاهیله حیاتین اؤزوده قوردور دئییرم.                                                                                                                                                                                                                                                                                                                     

                                                                                                                                                                         بختیار وهابزاده                                                                                                                                                                                                           کور . بیر کور تانیرام، گؤزو کورسادا، اؤزو کور دئییل بعضن غم اودوندا قوورولسادا عاغلینا حیسسینه، او نانکور دئییل گئجه لی گوندوزلو یازیر اوخویور عاغیل گؤزویله او گؤرور، دویور آنجاق بیری ده وار کور دئییل سه ده گؤزو گؤرموردوستو گؤز اؤنونده اؤلدورولسه ده گؤرمه دیم دئییر یاخشییا اورتاقدیر یامانی گؤرمور او ساعاتا باخیر زامانی گؤرمور فیکرینی حیسسینی اوجادان دئمه ز بعضن گؤردویونو گؤرمه ک ایسته مه ز گؤزلری گؤرمویه ن کور دئییل هله گؤرمه ک ایسته مییه ن کوردور، دئییرم بئله موغاویله بئله جاهیله حیاتین اؤزوده قوردور دئییرم.                                                                            https://t.me/Adabiyyatsevanlar                                                                                                                                                                                                                                         

گؤز پایی "خوشنام" بو ایل گلیشینه چوخ اینانمیشام گؤزومده یاشی دا سنین سانمیشام گوندوزلرآلیشیب،گئجه آنمیشام سنه کؤزلریمی  پای ساخلامیشام. اؤزلم لر قوینوندا داریخما، سئوین! اوز- اوزه گلنده نه دانیش، نه دین! گؤنول بوخچاسیندا حامیدان گیزلین سنه سؤزلریمی پای ساخلامیشام. آند اولسون اوزونده ائو ییخان خالا سنسیز قویمامیشام گلسین زاوالا دریب اَللریمله، بوکوب دستمالا سنه گؤزلریمی  پای ساخلامیشام! https://t.me/Adabiyyatsevanlar

علی رشتبر قاییب ایستر کؤکله ایستر کؤکدن ائله ده، آنجاق اؤزون باس باغرینا چال منی. اورگیمین هایخیر اؤزون دردینی، سن کی گؤرمک ایسته‌ییرسن لال منی. یادیرقاییب آرزولاریم اؤزومه ، ایسینمه‌زم اوجاغیما کؤزومه... غریبه‌لیک کؤلگه سالیب اوزومه، اؤزگه‌لیکدن ساوایلیقدان آل منی. من آرتیق دان حسرتلی بیر گئجه‌یم، قلبی قیریق ، روحو اینجه اینجه‌یم. سن کی خبر توتماییرسان نئجه‌یم، نه دن بئله ائتدین اهل حال منی؟! دینله‌ین یوخ منی ده دردیمی ده، بو چالقی‌نین لالدی آرتیق سیمی ده، ائتمه‌یه‌یدین باری زهر کیمی ده ، ایندی کی سن ائیله‌مه دین بال منی. یاخشی جواب آلمیرسا دا سوالیم ، آرتیرسا دا گونو گوندن ملالیم، گیلئیم یوخ،.... نه ائتدینسه حلالیم! آنجاق اؤزون باس باغرینا چال منی!.... https://t.me/Adabiyyatsevanlar

برای ثبت نام و کسب اطلاعات تکمیلی با شماره زیر تماس حاصل فرمایید. ۰۹۰۲-۱۳۹-۵۳۷۳ #آموزش_آکادمیک #تبریز #پداگوژی #موغام #bayatı_kürd #singer #muğam #music #azerbaijan #tabriz https://www.instagram.com/reel/C-2-i23gKlp/?igsh=djF2bWFxYmh2Z2tj