ادبیات سئونلر

دوکتور« محمدحریری اکبری»  ادبیات سئونلر گوزگوسونده  1402/7/25 چکیلیش:«دوکتور کوشاور»4 آپاریجی:«کریم قربانزاده» https://t.me/Adabiyyatsevanlar

دوکتور« محمدحریری اکبری»  ادبیات سئونلر گوزگوسونده  1402/7/25 چکیلیش:«دوکتور کوشاور»4 آپاریجی:«کریم قربانزاده» https://t.me/Adabiyyatsevanlar

دوکتور« محمدحریری اکبری»  ادبیات سئونلر گوزگوسونده  1402/7/25 چکیلیش:«دوکتور کوشاور»3 آپاریجی:«کریم قربانزاده» https://t.me/Adabiyyatsevanlar

دوکتور« محمدحریری اکبری»  ادبیات سئونلر گوزگوسونده  1402/7/25 چکیلیش:«دوکتور کوشاور»2 آپاریجی:«کریم قربانزاده» https://t.me/Adabiyyatsevanlar

دوکتور« محمدحریری اکبری» ادبیات سئونلر گوزگوسونده زمان سه شنبه: 1402/7/25 ساعات: 10 طراح:«تانیش» آپاریجی:«کریم قربانزاده» https://t.me/Adabiyyatsevanlar

یئر باغیریر… گؤی باغیریر حسن ریاضی ( ایلدیریم ) گؤیده اوچور دمیر قاناد بایقوشلار، بایقوشلاری ایزله‌مکده قورخو دولو نیفرت دولو باخیشلار. دمیر قاناد بایقوشلارین دیمیدیگیندن، جایناقیندان راکت یاغیر، بومبا یاغیر، قومپارالار فیشیلداییر، یئر باغیریر گوی باغیریر باغیر- باغیر بومبا یاغیر… یاغیر… یاغیر. بوغاناقدی آخار باخار بوغاناقدا کیریییب‌دیر گؤیرچین‌لر، قارانقوشلار؛ دوشور یئره دسته- دسته سالخیق قاناد بو باخیش‌لار؛ نه گلیرسه گؤزلرینه قاچیشدادیر، دوداق‌لاردان قیریق- قیریق گولوش اوچور نغمه اوچور هارای اوچور آخ وای اوچور؛ اوره‌کلرین بوداغیندان قیریلیبان آرزو اوچور ایستک اوچور؛ ساپاغیندان اوزولوبن سئوینج ایله کدر ایله اوره‌ک اوچور؛ یوواسیندان قوش‌لار قاچیر قان بویالی بئشیگینده کؤرپه اوچور اوشاق اوچور ناغیل اوچور بؤیوک اوچور نه‌لر اوچور، نه‌لر اوچور؟ نه اوچورسا ملر اوچور. اوچوشانلار گؤی اوزونده توخونورلار بیر بیرینه، ییغیشیرلار یاواش یاواش بولوت‌لارین بوز بئلینه؛ اوزلمکده یئر اوزوندن بوغاناغین آیاقلاری، دوزولمکده دال با دالا گؤی اوزونده بولوت‌لارین، تابوت‌لارین تالا- تالا قاییق‌لاری. قارا گئییب گوی مئشه‌لر، یاشیل داغ‌لار یئر یانیقلی، گؤی یانیقلی بوردا نه وار آل قان آغلار؛ سیزلار، سیزلار اؤلولرین بو قاطاری هارا گئدیر هارا ساری؟ اؤلولرله دولاجاقدیر گؤی اوزونون قبریستانی، گئجه گوندوز دیرلری دیده‌جکدیر یئر اوزونون چوپور جانی. قارا قیرمیز تابوت‌لاری آغیر آغیر یئل آپاریر اوره‌کلره سیغماز غمی، بو ماتمی آغلار گؤزلو ائل آپاریر https://t.me/Adabiyyatsevanlar

🔴مردم مصر با کوله‌پشتی‌های حاوی آب و غذا به‌سمت گذرگاه رفح می‌دوند تا مواد غذایی و آب را به مردم محاصره شده ‎#غزه برسانند

  «گؤیردی»   «اوخویان تبریز» شعری ایسه یئنی دؤنه‌مین «تبریزیم»ی(س. روستم)  ساییلا بیلر.   آغلاسا آیاقدا توفنگه دؤنر بالاسی وورولان پلنگه دؤنر بیر دره آغیزلی نهنگه دؤنر دومانلار یاس قوردو داغلار باشیندا تبریز اوخویوردو داغلار باشیندا   م. آرازین رمزی-متافوریک اوسلوبدا یازدیغی «دومان عؤمرو» شعرینده وطنی اؤزگور گؤرمک ایسته‌یی عکس اولونموشدور. مؤلف بیر کبریت، باریت اؤلومو آرزولاییر. دومانا دؤنمک ایسته‌ییر. اوندان اؤترو کی، ایسته‌دییی سمته یؤنونو توتا بیلسین، سربست، آزاد اولسون   بلی، دومان اولوم، دومان  بیر چنگه منیم اؤز یاغیشیم اؤز قاریم اولسون. ایسته‌دیییم یئره یوکومو چکن حؤکموم، اختیاریم، قراریم اولسون.   «م. آراز یارادیجی‌لیغی‌نین آچار سؤزلری نه‌دیر؟ «سوالینی وئرسک، جاوابی: «قایا  وطن، داشی، یورد، ملّت، آراز، آذربایجان»  آنلاییشلاری اولاردی. آذربایجانین مستقل‌لییی، آزادلیغی، بوتؤولویو ،بؤلونمزلییی، ملّی بیرلیک ایدئیاسی و بوتؤو آذربایجان ایدئالی اونون زامانین قاسیرغالارینا داواملی شعر سارایی‌نین اساس ستون‌لاری‌دیر اوستاد شاعرین یارادجی‌لیغیندا فرقلی بیر فلسفی پوئتیک دوزن وار. اونون شعرینده «بو تورپاغین،  بو دیارین» اوغلو، قیزی، داشی، قایاسی، چمنی، چیچه‌یی تامین، بوتؤوون (اوخو: یوردون مملکتین) حیصّه‌‌لری‌ تک ترنّوم اولونور. «مادام کی، اکسلیکلر هئچ بیر زامان اؤزونون شخصی سويّه‌سینده بیرلشمیرلر، دئمک همیشه عالی نظامین داها یوکسک «اوچونجو» موسته‌ویسی طلب اولونور کی، بوتون حیصّه‌‌لر اورادا بیرلشسین (ک.ق یونق) اکسلیکلر  وضعيّتینده اولان گونئی و قوزئی آذربایجانی جغرافی-سیاسی جهتدن آیری اولسالار دا، داها یوکسک م. آراز پوئزییاسی موسته‌ویسینده ملّی-معنوی، ایدئیا-سیاسی جهتدن بیرلشیرلر  بوتؤو آذربایجان ایدئالی بو پوئتیک موستویده گئرچک‌لشیر «وارلیق»لا( اوخو: قوزئی آذربایجانی) «یوخلوق» ( اوخو: گونئی آذربایجانی) اؤز کئیفيّتلرینی ساخلادیقلاری تقدیرده یالنیز «دیالئکتیک سینتئزده» بیرلشیرلر (آ.ف. لوسئو). م. آراز پوئزییاسی قوزئی و گونئی آذربایجانیمیزین ملّی-معنوی و اخلاقی کئیفيّتلری‌نین «دیالئکتیک سینتئزی»دیر.  ‌https://t.me/Adabiyyatsevanlar

-بلکه ده، «من یوللاردا اؤله‌جه‌یم...»،  بلکه ده، «صاحبسیز قبیرلر» شعری.  «قبیریستانا گئدن گلین»، «اوستومه قاییدان یازیلاریم»، «شهریار گلمه‌دی»، «قورویون دونیانی» شعرلرینی ده دئیه بیله‌رم.   عاغیل‌لی آرتدیقجا عاغیلسیز آرتیر، قورویون دونیانی عاغیل‌لی‌لاردان   آتوم، نووه بومباسینی کشف ائدن کیملردیر؟  عاغیللی آداملار. منیم عالمیمده بئله‌دیر. بوتون بشره اوز وئرن پیس‌لیکلری، وحشی‌لیکلری ائدنلر کیملردیر؟ هامیسی عاغیللی آداملاردیر.   عاغیللی اووچولار آزدی او زامان، هوسکار اووچولار دووشان ووراردی. سونرا داغ کلینی داغلاریمیزدان عاغیللی اووچولار قیریب قورتاردی.   داغ کل‌لرینی ووران عاغیل‌لی‌لاردیر  هارداسا عاغیلسیز عاغیل‌لی‌لاردیر... شعر دئمه‌سینی خواهیش ائتدیک «یادیمدا قالماییب» - دئدی، شعرلرینی بیر-بیر یادا سالدیم «سن»، «سلامات قال»، «الوداع داغلار»، «آنا تورپاق»  «هر داشینا اوز قویوم»، «تکلیکده چایلاق داشییام» شعرلرینی لئنته آلدیم.  او واختادک شاعرین اؤز سسینده بیر شعری بئله یوخ ایدی. م. آراز «پوئزییا گونو نو کئچیردیییمیز زامان شاعرین ۸۵ ایل‌لییینده همین شعرلری اجتماعی‌لشدیردیم. رادیو و تئلئویزییالارا وئردیم. ۲۰۰۲-جی ایلده رایونا آنامین گؤروشونه گلنده شاعر قیریق مفتیل‌لرله چپرلنمیش حیه‌طین تاختا قاپی‌سینی آچیب، ایکی اوتاقلی کیچیک ائوی قریبه نظرلرله سوزموشدو. ایندییه دک او باخیشلاری اونودا بیلمیرم. «بلکه شاعرین اوشاقلیغی بئله بیر ائوده کئچیب. بیزیم ائو کندده‌کی ائولرینی، اوشاقلیغینی یادینا سالیب یوخسا؟» دئیه دوشونموشدوم. بو حاقدا اوندان نه او واخت، نه ده سونرالار سوروشدوم. اوزون ایل‌لردن بری خسته‌لیگی‌نین آجی‌سینی یاشایان شاعر چتینلیک‌له ده اولسا ائوه قالخیب،  حیات یولداشی، گول‌خانیم‌لا برابر یاشلی آناملا گؤروشموش، حیطه دوشوب قوللو-بوداقلی گیلاس آغاجی‌نین آلتیندا سوفره آرخاسیندا ایلشمیشدیلر. او زامان جنوب تئلئویزییاسی فرصتی قاچیرمادی. گلیب شاعرله صحبتیمیزدن بیر ساعتلیق وئریلیش حاضرلادی. ۲۰۰۴-جو ایلین ۱- دئکابریندا شاعر وفات ائدندن سونرا همین قیشی گیلاس آغاجی قورودو. ابتدایی مکتب تحصیلی بئله اولمایان آنام، بو گون ده شاعرین شعرلرینی دئییر، اونلاری ماهنی‌ تک اوخویور. ممد آراز یئنی‌لییه، گنج‌لییه آچیق ایدی. نئچه-نئچه جاوان شاعره «اوغورلو یول» یازمیش، ضمانت وئرمیشدی. ۱۹۹۱-جی ایلده باش رئداکتورو اولدوغو «آذربایجان طبیعتی» ژورنالی‌نین بیر نمره‌سینی، حاضرلاماغی منه تاپشیرماسینی خواهش ائده‌نده( من ژورنالدا چالیشیردیم)»،  یوخ دئمه‌دی.  ژورنالین ایکینجی سایینا او، اؤن سؤز، من سون سؤز یازدیق. ۳۰ ایل‌لیک پوبلیسیستیک فعالیّتی‌نین بهره‌سی اولان «صنعتده سون منزل اولمور»، کیتابینا اؤن سؤز یازماغی، اوشاقلار اوچون یازدیغی «شیکایت دفتری» کیتابینا رئداکتورلوغو منه اعتبار ائتدی. یازدیغی شعرلری اوخویار، دئییلن فیکریمیزی نظره آلاردی. آوتوقرافلا وئردییی کیتابلاری‌نین بیرینده یازمیشدی: «امین‌ین شاعر اوغلو، سرت تنقیدچی‌سی، اعتبارلی دوستو قارداش‌خانا». اونون «یاخشیلیق» شعرینی اوخویاندا ایلک نؤوبه‌ده اؤزو گلیب دورور گؤزومون قاباغیندا:   یاخشیلیق نئچه مین ایلمه‌لی هانا، نسیلدن-نسیله قالان واریمیز. فقط یاخشیلیغی باشا قاخانا کیشی دئمه‌ییبدیر بابالاریمیز.   بعضا اوز-اوزه گل قارلا، یاغیشلا بیرینه یاخشیلیق هوسینده‌سن اصل اینسانلارا دونیا باغیشلا، بیر چوروک قوز اومما عوضینده سن.   اولما تمنّالی یاخشیلیق آجی...   گؤزل بیر پوئتیک دئییم اونو وجده گتیریر، یئریندن اوینادیر، یاخشی اثر اوخویاندا سئوینج دولو هیجانینی بوغا بیلمیردی. ایشده اوتاغیمیز ایچ-ایچه ایدی. بیر دفعه‌ منی سسله‌ییب ررؤوشنین یئنیجه درج اولونموش «سود دیشی‌نین آغریسی» پوئماسینی گؤستره‌رک حئیرانلیقلا: «ظالیم، گؤر نئیله‌ییب ئ!..  یامان یازیب! " دئیه حئیرتینی بیلدیردی. پوئما اونو عمللی-باشلی تأثیرلندیرمیشدی. م. آراز تکجه آرازدان یازاندا بوتؤو آذربایجان آمالیندان دانیشمیر. تامام باشقا بیر مؤوضوع‌دا طبیعت، یا محبتدن، یا قلم دوستونون پوئتیک استعدادیندان یازدیغی زامان بئله اوره‌گی اونو یئنه آراز موضوع‌سونا گتیریر. «ممد آسلانا»، «گؤیردی شعرلرینده» اولدوغوتک:   بختیمه بیر یازی قورومو ديدی تاختیما ایکی ال قیریمی ديدی گؤزومه بیر آراز شیریمی ديدی یوز آراز تؤکولدو گؤزومدن منیم.   «ممد آسلانا» موسی یعقوب، گؤزو یولدا تبریزین، گؤزلری‌نین قارا یاشی گؤیردی گؤیرمه‌دی ایسته‌دییی بیرجه دن، ساوالانین قارا داشی گؤیردی

مممد آراز دیلی   آراز دیلی   یازان:«قارداش‌خان عزیزخانلی» کوچورن:«ویدا حشمتی» حاضیرلایان:«ادبیات سئونلر» ممد عمی سؤزومو یئره سالماییب اللی یاش اؤنجه‌سی ۱۹۸۳-جو ایل مارت آیی‌نین ۲۲سینده آخشام اوستو بیزه گلدی  (یئری گلمیشکن، شاعرین یوبیلئیی مای آییندا فیلارمونییادا قئید اولوندو.  اؤزو دئییردی، اصلینده  مایدا دوغولوب). باییل بیر گون قاباقدان قاتی آغ دومانا بورونموشدو.   صاباح-صاباح ممد آراز بیزه گله‌جک، فرحدی هئی دؤرد بیر یانا داشینیر دومان. بو خوشبخت ائو نه‌دن قورخور؟ گؤزه گله‌جک بوتون گونو دوز چئویریر باشینا دومان.   آنامین بایرام پیلوووندان سونرا دوستلارین اشتراکی ایله قارداشیم و منیم شاعرله شیرین صحبت‌یمیز باشلادی. -  ممد معلّیم  «آذربایجان دونیام منیم» شعری‌نین یارانماسی بارده دئیه‌ردینیز  نئجه اولدو کی، او شعر یاراندی؟ -من آذربایجانین شکلینی، جغرافی منظره‌سینی وئرمه‌یه چالیشدیم:   آذربایجان قایالاردا بیتن بیر چیچک آذربایجان چیچکلرین ایچینده قایا   -بس بوراداکی اجتماعی معنا؟ اونو نییه دئمیرسینیز؟ -نه بیلیم واللاه؟!  اجتماعی معنا وارسا... -ایندی گؤرون اوخوجولارینیز اونا نئجه قیمت وئریر؟!  بیر اوخوجو کیمی بو شعری اوخویاندان سونرا بئله بیر قناعته گلدیم کی، واخت گله‌جک همین شعر حکماً آذربایجان ملّی دولتی‌نین هیمنینه چئوریله‌جک. -آذربایجانین هیمنینی یازماق اوچون مسابقه‌ اعلان ائله‌میشدیلر. من ده اشتراک ائله‌دیم او تدبیرده. من هیمنی بو شعر اوزه‌رینده قورموشدوم. -«آذربایجان دونیام منیم» شعری‌نین؟ -بلی. مضمونو ديیشمیشدیم، امّا روح اورادان گلیردی. دوزدور  قبول اولونمادی. اوخوندو ،اوخونمادی، اونو دا دئیه بیلمه‌رم. بیر ده من او شعره عادی شعرلریمدن بیری کیمی باخیرام. -دئییرلر کی، باهاردا آدامین قانی تزه‌له‌نیر. طبیعت جانلانیر. او شعری ایلک دفعه‌ اوخویاندان سونرا... ائله هر دفعه‌ اوخویاندا  وطن‌داشلیق حیسّلریمیز تزه‌له‌نیر، جانلانیر. -شعر اوخوجو اوچون یازیلیر.  اوخوجو بیلر. -اوخوجو داها یاخشی بیلیر؟ -خیریدار اوخوجو. -سیزی کی، اوخوجولار باشا دوشورلر، خوشبخت آدامسینیز ممد معلّیم. -من بونو دفعه‌لرله دئمیشم، یازمیشام دا. آذربایجاندا شاعر اولماق چوخ چتیندیر. عنعنه‌ بؤیوکدور. قاباقدا آغ‌ساققاللار وار.  بونلارین قاباغینا چیخماق دا اوغول ایشیدیر.  بورادا نظامی، نسیمی، فضولی، صابیر وار. بو یاخینلاردا سیزین درنکدن منه خیلی سوال وئریبلر. جاوانلار دئییرلر کی، سیزجه یاخشی شاعر اولماق اوچون نه ائتمک لازیمدیر؟  دئمیشم کی، واللاه دوغرودان دا، من اؤزومو یاخشی شاعر حساب ائله‌میرم. شعریم ده کی، دئیه بیلمه‌رم گوجلودو یا عادی شعردیر. -ایندی سیز «دونیا سنین، دونیا منیم...» کیتابینی نشره حاضرلاییرسینیز. اورادا «دونیا سنین، دونیا منیم...»، « حاقین یوخدو، حاقین وار»، «ایلهامیم، من یوللاردا اؤلجه‌یم» و باشقا سامباللی، لنگرلی شعرلرینیز وار. -منه قالسا «صاحبسیز قبیرلر» شعرینی اوستون توتاردیم. نه اینکی «دونیا سنین، دونیا منیم...» -سیزجه بو یئنی کیتابینیز «آنامدان یادیگار نغمه‌لر» کیتابینیز کیمی گوجلو اولا بیلرمی؟ -« آنامدان یادیگار نغمه‌لر» کیتابیندا ائله شعرلر وار کی، ایندی اولسایدی وئرمه‌زدیم. هر کیتاب بیر پیلله‌کن کیمیدیر. کیتابدان-کیتابا قالخمالیسان «آنامدان یادیگار نغمه‌لر» کیتابیندا بعضی شعرلر پیلله‌کندی. اونلاری یازمایا دا بیله‌ردیم. -باشقا سؤزله، «صنعت یاریشیندا، سؤز یاریشیندا، یوزوموز بیر صابر دئییلیک هله»، «بیر ده آزارکش‌لر دیلی‌ ایله دئسک چوخوموز اویناییر ب. قروپوندا...» ائله‌می؟ -اصلینده ده بئله‌دیر. یئنه دئییرم، بعضی شعرلر اوره‌گیم‌جه دئییل. -سیز یازمیسینیز کی، اوره‌گیمسیز کلمه یازان دئییلم. بیز همیشه اورکله یازدیغینیزی گؤرموشوک. هله کی، اوره‌ک‌سیز یازدیغینیز شعره راست گلمه‌میشیک. اساسیمیز وار، اونا گؤره دئییریک. -بئله اولماغی یاخشیدیر (گولور). -بیر مسئله‌ ده وار. بیر وار مؤلف، بیر وار اوخوجو اؤز سويّه‌سیندن یاناشیر. بیزیم سويّه‌میزده ضعیف شعری یوخدور. ممد معلّیم ایسه گؤرور کی، وار ضعیف شعری. -ممد معلّیم  مباحثه دوغوراجاق، آنجاق بو چوخ ماراقلیدیر. مثلا، شعرین بیر مصراع‌سینی اوخویوب، مؤلفدن سوروشورسان کی، نه‌یی نظرده توتوردون؟ او دئییر مثلا، فیلان شئی، امّا اوخوجو دا همین مصراعی باشقا یئره یوزا بیلر. -چوخ طبیعی‌دیر. -او دا اولا بیلر کی، اوخوجو شاعرین نظرده توتدوغو شئیلردن یوکسه‌یی نظرده توتسون؟ -اولا بیلر. -شعرلرینیزدن هانسی قلبینیزه داها چوخ یاخیندیر؟

یاشیلیقلدان، اوزو آغدیر مراغه، اوزاقدان بسله‌میش باللار، دوشابلار، سهندین قلبینه، یاغدیر مراغه...   جیغاتی آخدی آخدی قان گتیردی، گوموش بیر مژمه‌ده مرجان گتیردی، کؤنول دونیانی آختارمیش قایییتمیش، منه بیر آینالی قالخان گتیردی.   عزیزیم، چنلی بئلده داش بورون وار، دور آتدان نسله گلمیش یوز قولون وار، منیم کؤنلوم ده، بوش بیر چنلی بئلدیر، کی اوندا، تکجه بیر آشیق جنون وار.   ایه‌ر سروین باشین یئل اڲسه سینماز، گلیندن بگ ـ دوغوردان بگ‌سه ـ سینماز. عزیزیم، شیشه چوخ نازیکدیر، آمما، اونا یوز یول، قیزیل گول دگسه سینماز.   باراندوز آبی دوندا، چوخ گؤزه‌ل‌دیر، اوزون بیر قوشمادیر، خوش بیر غزل‌دیر. نه دورماق وار، نه دؤنمک وار، یولوندا، ایگیتلیکدن، بو آیدین بیر مثلدیر.   ائل اوغلو شیمرانا، دوشموش سرابدان، قالیبدیر طاخچادا بوش بیر گولابدان، سورورلار کیم؟ ـ دئییرـ آللاها اهلم. بوتون کند کئفلنیب، بیر کوپ شرابدان.   اوزون بیر کیشنمه، یول آچدی یئلده، قیر آتې ناللاییرلار، چنلی بئلده، کؤچوبلر، اودلو کروانلار، ولاکین، قالیبلار توزلو تاریخلر بو ائلده.   بو بیر مثقال گره‌ک بیر خروار اولسون، اوره‌ک قوربانلیغی قوی پروار اولسون، آشیق سازلی، مارال بوینوزلو قالسین، هونرلر، عشقلر، گوجلر وار اولسون...                       ***    

آشیقلی کروان / مفتون امینی - اوچونجو و سون بؤلوم      - 3 - پاییزین اورتا گونلریندن بیریدیر، هاوادا، اوزون بیر گؤی بولود وار، یئل اسیر، قوروچایین، او یانی شوخوملوق، بو یانی ساری بیر مئشه‌لیک‌دیر یولدان کئچن، ایکی قارا پالتارلی بوز بیر قاطر اوستونده، کؤمور یوکو داشیییرلار. قارقالار، کؤرپودن مئشه‌یه ـ مئشه‌دن کؤرپویه اوچماقدادیلار. سول یاندا، قیزیل داغین دؤشونده، بؤیوک بیر مزارلیق، داش صحیفه‌لرینه، اوخوجو آختاریر. آمما بو گون جمعه آخشامی دگیل، اصلا هئچ گونون آخشامی دگیل، شنبه‌سیز و هفته‌سیز بیر گوندور! بیر تک نفر اووچو، بوش ال ایله و ترسه توفنگ ایله، کنده ساری قاییدیر. او، حتا، اؤز تازی‌سینین دا، اوزونه باخا بیلمه‌ییر! یولداشلاریمیزدان بیری، قورو چایدان نئچه دانا قیرمیز داش، گؤتورموشدور، او، داشلاری بیر دؤرد ارخین سویونا، باسیب چیخاریب، دئدی: «ـ گؤرورسونوز؟ رنگی اولمایان سودا، داشلار قیرمیزراق دیلار.» و من سؤیله‌دیم: «ـ اوره‌کلر، یاغیش آلتیندا، داها آرتیق... بیز بئش یولداش، هر بئشیمیزده، سرخوش، اوجا داغی، اوشاقلیقدان، یوخودا گؤرموشوک، اونو ایسه، گنجلیغیمیزین، ایستی و اوزون بارماقلار ایله، یوخلامیشیک. و، ایندی، آیاقیمیزدا میخلی پوتین، باشیمیزدا دری بؤرک، اوره‌گیمیزده، شوشه تار، الیمیزده دمیر پئنجه، هامیمیز، بیر آیاغیلا چیخمیش، هامیمیز، بیر آغیز ایله، اوخویوروق...         اوجا داغ باشیندا   غمین قوربانی تبریز، ائللی تبریز، آلاولی، ایلدریملی، سئللی تبریز. نه قانلار قایناییب سندن، اولوب داش، بئله ایکیم، اینالی ندان بللی تبریز.   بوتون دونیالارین دردین قانار داغ، سوال ائدسن، سکوت ایلن دانار داغ، سهندین اوستو قاردیر، آلتی قاندیر، بو جوشقون درددن، بیر گون یانار داغ.   نه گلمیشدیر، شکایت روزگاران، منی اؤز سئوگیلیم، سالمیش وقاردان، ایه‌ر بیر گونسه من اولسام کور اوغلو، قیرآت دان کئچمه‌رم، کئچسم نگاردان.   نه دایم سؤیله‌ییرسن، ایش چتین دیر، سنه یاردیم وئره‌ن، قیزغین اتین دیر، بیله ایدین کاش، کی بو ظولمت سویوقدا، آلاولانماق سنین سون قیمتین دیر.   قاناد آچسام، بو گون دونیا منیم­دیر، بولاقدان دوتدوتا ... دریا منیم­دیر. آییق گؤز، ایستی ال، واز کئچمه واردان، کی سون گون، تکجه بیر رؤیا منیم­دیر.   ایچاق بو جامی اوزلر آغلیغی ایله، قیزارداق رنگی عشقین ساغلیغی ایله، سویوق، دونیانی باسمیشدیر، ولاکین، نه غم واردیر اوره‌کلر داغلیغی ایله.   زامان چوخ بیر یامان قیزغین کوره‌ندیر، اونو، کیم ساخلایاندیر، کیم سوره‌ندیر. اوچور، یئللر تکین، کنددن، شه‌هردن، دئییر: «ـ کروان کئچن‌دیر، ایت هوره‌ندیر.»   بو باغدان، اییده گئدسین، پوسته قالسین، عزیزیم، سرّیمیز سربسته قالسین. بو یول باشدان خطر، دیبدن ظفردیر، کیم اوندان دؤنسه، یارب خسته قالسین.   بو کندین گؤللری، اؤرده‌کلی، قازلی، گلیر قیزلار بولاقدان، نازلی ـ نازلی. گونش‌دن سونرا، آی وار، سونرا اولدوز، ایشیقلیق، ایتمه‌ین دیر، چوخلو ـ آزلی.   سویوق قیش چک، یازیق جان ایستی یای چک، اوزون یول، چیگنین اوسته، داشلی تای چک. دلی شیطان دئییر، زنجیری قیر قاچ، گؤتور غیرت سسین، چیخ داغدا های چک!   بو گؤگده، هر ایشیقدان، اولدوز اولماز، باش اوسته قیل دیشیندن بوینوز اولماز. عزیزیم، قیش چؤنه‌ر، یاز اوسته آمما، آخیر چارشیمما هئچ واخ نوروز اولماز.   سالیبدیر، خالچاسین ایواندا عمه، بئلین ده شال، الینده، جزوه عمه، عزیزیم، بیر سؤزوم وار، یادگارلیق، آتا مینمه، اگ‌ر مینسن، دا انمه!   بو یولدا هر نه مومکون سه یاواش کئچ، ولاکین، دوشمنین گؤرسه‌ن ساواش کئچ، عزیزیم، چای تکین، دوز کئچ یولوندان، قاباغین دوتسالار، گؤل باغلا داش کئچ!   حسن خان، کندی چاپدی، بندی سویدو، او مالدان، مسجده بیر لامپا قویدو، الاهی لامپاسین، سیندیر باشیندا، ایی نه‌دن، توستوسوندن، طایفا دویدو.   شبستر، بول گونشلی آغ دووارلی، سراسر، یایدا بارلی، قیشدا بارلی، عزیزیم، سن گونئی‌دن مهربانسان، اؤله‌یدیم من‌ده گؤی داغدان وقارلی.   آرازدا چوخ اوزه‌ن وار، چوخ جومان وار، دویان بیلمز کی آجلیق دان، اومان وار. عزیزیم، خنجرین تاخ، گؤزلرین آچ، آییق گئت یولدا دوشمن وار، دومان وار.   بو سروه، بالتا ده‌ڲسه باغ گورولدار، سول الدن صیحه قالخار، ساغ گورولدار. توفنگیم واردی، اسلان بود، ایلان باش، ایه‌ر جنگلده آتسام، داغ گورولدار.   سماور، قایناییر، خارخار میز و، کیچیک قیز، قولچاغین آلمیش دیز اوسته، عزیزیم، من اؤزوم هر یئرده اولسام، خیالیم پرواز ائیله‌ر، تبریز اوسته.   باخارسان، هر طرف باغدیر مراغه،

‏فیلم از طرف Kamran

حئکایه: یوخو یازان: موباریز جعفرلی کوچورن:  سحر خیاوی چهارشنبه گونو ادبیات سئونلر کانالیندا

دوکتور« محمدحریری اکبری» ادبیات سئونلر گوزگوسونده زمان سه شنبه: 1402/7/25 ساعات: 10 طراح:«تانیش» آپاریجی:«کریم قربانزاده» https://t.me/Adabiyyatsevanlar