ادبیات سئونلر

پرتره ی غلامحسین ساعدی اثری از هانیبال الخاص در زندان اوین پاسبانی بود آذربایجانی که نصف وقت کار می‌کرد. روزی که غلامحسین را شلاق زده بودند، برای اینکه پاهایش ورم نکند، این پاسبان آنها را ماساژ می‌داد. ولی غلامحسین را نمی‌شناخت و فقط می‌دانست که دکتر است. از او می‌پرسد: تو چکار کرده‌ای که اینطور زده‌اند؟ صمد بهرنگی یا ساعدی را خوانده‌ای؟ هما(هنر-موسیقی- ادبیات ) https://t.me/+8ZQllhi7iwZkZjZk

"رویاابراهیمی" نقاب پاره کن ای رو رو در رویِ خاک ْخورده درد زبان را بچرخان در دهانِ سکوت بشکن استخوانِ لای زخم را فریادِ بی‌نقاب آخرین تاوانِ آزادی! https://t.me/Adabiyyatsevanlar ‌‌‌‌‌‌‌‌‌‌‌‌‌‌

محمود_درویش چئویرمه؟ سن درین شعرلر قادینی سان اوزگون شعرلر جان یاندیران سؤزجوک لر گؤزلرینله یاس توتماق اولار ساچلارینلا عؤمور بویو قارا پالتار گئیینمک اللرینله زهر ایچمک سن منیم کئچمیشیمین قادینی سان آجی بیر تاریخ قارا بیر تاریخ .... https://t.me/Adabiyyatsevanlar

آی اوشاقلار صمددعمی گلمه دی

دونن! بوگون! صباح؟؟؟ https://t.me/Adabiyyatsevanlar

نیگار‌رفیع‌بیلی قادین اولماسایدیم اگر قازان‌لارین قابلامالارین نیمچه‌لرین چؤمچه‌لرین اللریندن قاچاردیم.... اوره‌ییم بو مطبخ عالمینده یامان داریخیر. من، بیرآزجا دا شاعیرم آخی... https://t.me/Adabiyyatsevanlar

رحیم کاویان سندن یازاندا کاغیذ دریالنیر سندن یازاندا قلم قراله نیر سندن  یازاندا خزان وورموش سارالمیش یاسمنلر نئجه رعناله نیر سندن یازاندا دولور احساسیله شوریله شعریم غزل معناله نیر سندن یازاندا محبت سن  صداقت سن  نه سن سن کونول شیداله نیر سندن یازاندا خمار گؤزلر گلیر  هردن خیاله اورک رؤیا له نیر سندن یازاندا گزیر دیللرده شعری  کاویانین بولاق دریاله نیر سندن یازاندا https://t.me/Adabiyyatsevanlar

سراسکندی،باتمانقلینج نوستالژی بودی با، آدامی آپاریر قیرخ ایل بوندان اووله...

راحم_تبریزی گینه_گلسین یارب نظر ائت سوگیلی جانان گینه گلسین ... جانیم ، حیاتیم ، ماه درخشان گینه گلسین ، اوز شوقیمیله آتش هجرانینا یاندیم ... پیس گوندییم او شمع شبستان  گینه گلسین ، اوز عاشیقینی خار اله مز گولده ، چمنده ، رفتارینا ، کردارینا قوربان گینه گلسین ، ای باد صبا دردیمی سویله او نگاره .... کونلوم کیمی او زولف پریشان گینه گلسین ، بیر گون واریدی جان دیررک  جان اشدردیک ... لیلای زمان حسننونه قوربان گینه گلسین ، مه پاره لر ایچره او گوزل دیلبری گوردوم ، شعر اهلی اولان مرغ خوش الحان گینه گلسین ، صبر اتمک اوچون یوخدی داها تاب و قراریم ... الله دان اوتور سینه اولوب قان گینه گلسین ، کیمدور منه تای عشقیده زنجیرینه دوشسون ، اولدوردو منی  بسدی بو هجران گینه گلسین ، ایللر بویودو یالوایرام یوخدو زامانیم ... اولموش بو جانیم نازینا حیران گینه گلسین ، هجران آجی سین من چکنی چکمسین اغیار ... راحم او گوزل حسنونه قوربان گینه گلسین ، https://t.me/Adabiyyatsevanlar

فرخ جرایدی نه دن بیتیک اوخویانلار سئودیگیمیز ان یاخشی انسانلار دیرلار؟ ۲۰۰۶ ایله ۲۰۰۹ -اۆنجو ایللرینده پسیخولوژلارین آراشدیرمالارینا دایاناراق، ان گۆجلو کؤنول بیرلیگی دویغوسونا یییه اولان انسانلار، رمان اوخویانلار دیرلار. بیتیک اوخویانلارین یاخشی انسان اولدوقلاری  دا شاشیردیجی بیر قونو دییل. بیتیک اوخویانلار خیال گۆجو ایله باشقا یاشاملاری گؤرموش لر. بیر اولایدا ال لری اولمادان، او چرچیوه ده دنیا گؤروش لرینی گئنیشلندیرمه یی باجاریبلار. بیتیک اوخویانلار مین لرجه انسان لارین روحونا اونلارین توپلوم دۆشونجه لرینه ال تاپیبلار. اونلار بیتیک اوخومایان انسان لارین باش تاپمادیغی ایشلری گؤروب، هئچ تانیمادیقلاری انسان لارین اؤلومونو یاشاییب لار. اونلار قادینین نه اولدوغونو بیلیب، ارکک لری تانییب لار. باشقالارین آجی لارینی بیلیب لر. بیتیک اوخویانلار یاش لاریندان داها چوخ بیلگی لی دیرلر. ناغیل لاردا ارلرین گؤردوک لری ایگیت لیک، اوخویان لارین اؤز گؤرگولری اولور. ناغیل دا آغری چکن کیمسه نین آجیسی، اوخویانین داشیدیغی یۆکون آجیسی اولور، بیتیک اوخویانلار مین لر دؤنه یاشاییب هر بیر یاشامدان باشقا گؤرگولر اؤیره نیرلر. بیتیک اوخویانلار سیزلرله دانیشمازلار، اونلار سیزلرله ایلگی قورارلار. یازدیقلاری مکتوب لار، گؤندردیکلری ساولار سان کی شعر دیر. سورولارینیزدان ساووشوب، بیلدیرگه بوراخمازلار; بلکه ان درین بیلگی هابئله دۆشونجه لرله سورولارینیزی یانیتلارلار. سیزی یوخاری بیلگی، سؤز میدانین گئنیشلیگی ایله اؤزونوزدن آلارلار. ناغیل اوخوماغین انسانا بوراخدیغی ان یارارلی سونوجو، انسانین بۆتون انسان اولمادیغیندان دولایی، سیزین بئینیزی گۆجلندیرمکله باشقالاری نین دۆشونجه لرینه ال تاپماقدا دیر. بئله انسانلار کؤنول بیرلیگی دویغوسونا ال تاپارلار. اولا بیلیر سیزلرله بیر دۆشونجه ده اولمایالار، آنجاق اولایلاری سیزین گؤردوگونوز آچیدان گؤره بیلرلر. اونلار هوشلو اولماقلا بیرگه بیلگیلی انسانلار دیرلار. هوشلو اولماق همیشه خوشا گلیم اولمایا بیلر، آنجاق بیلگی لی اولماق انسانی قیجیقلاندیرار. بیزلره بیر شئی اؤیره ده بیلن انسانلارین اؤنونده دایانماق چتین بیر ایش دیر. بیر بیتیک اوخویان انسانا وورولماق بیر دانیشیغین نئجه لیگین اۆسته آپارماقلا اونون ایچرلیگین ده یوخاری یا آپارار. آراشدیرمالارا گؤره، بیتیک اوخویانلارین سؤز میدانلاری گئنیش، یادداش لاری ایسه گۆجلو اولدوغوندان اونلار اولاغان اۆستو هوشلو اولورلار. اونلارین بئینی، بیتیک اوخومایانلارلا توتوشدوردوقدا باشاقلارلا ایلگیلنمکده داها گۆجلو، دۆشونجه سویه لری داها اۆستوندور. بیر بیتیک اوخویانلا گؤروشمک، مین نفرله گؤروشمک کیمی دیر. سان کی اوخودوغو مین لر بیتیگین گؤرگوسونو سیزه پای وئریر، بیر آچوچی ( کاشف) ایله گؤروشمک کیمی دیر. بیر بیتیک اوخویانلا یولداش سانیزسا، دئمک مین لردؤنه یاشاماغی باشارا بیله جکسیز. https://t.me/Adabiyyatsevanlar

زرین رزندی(طنناز) پیتی تندیرده گوُرنده،دوشوسن یاده یئرآلما یئمیشم لاپ دا دوُیونجا،سنی دنیاده یئرآلما گوُرورم اندامیوی،هر گئجه روُیاده یئرآلما شیشلییی وارلی یئیه ر،یوخسولا قسمت دی یئرآلما کیم دئییریوخدی داماری،چوخ بِغیرت دی یئرآلما؟ چوخ تواضع له وئرردی برکت سفره یه بیزده آنالیق حقی قویاردی،اَتی یوخ قیمه یه بیزده آج قالاردی اوُ قوناق کی،یئرآلما سئومه یه بیزده قالخدی یئتمیش مینه قیمت،جیبه آفت دی یئرآلما کیم دئییریوخدو داماری،چوخ بِغیرت دی یئرآلما؟       آی آماندیرموزیله،بیرتاباق اوستونده دایاندی وارلینین مطباخینا گیرمه یه،چیرپیندی سولاندی عاقبت ویترینه گیردی،اوُزونو طالبی ساندی آج یاتان ناز بالا واردیر،سنه حسرت دی یئرآلما کیم دئییر یوخدو داماری،چوخ بِغیرت دی یئرآلما؟ اوُنجه لر تایلا گلردی،سونرا تورباده گلردی اَت،تویوق،یاغ،دویونون،ظولمونه فریاده گلردی آجلیغین قلع وقمینده،یئنه ده داده گلردی نظر ائتمیر کاسیبا،سان کی حکومت دی یئرآلما کیم دئییر یوخدو داماری،چوخ بِغیرت دی یئرآلما؟

چوخ تاسفله «ایشیق» تخلصلی آذربایجان شاعری «مخمر خانیم نجفی» بهمن آیی‌نین ۱۷نجی گونو یاشادیغی کرج شهرینده حیاتلا وداعلاشدی. مخمر خانیم نجفی اوزون ایللر اؤز حیات یولداشی آذربایجانین تانینمیش عالیم شاعری و تدقیقاتچیسی اوستاد «احمد شایا(آلاو)» ایله برابر ادبیاتیمیزین انکشافیندا چالیشمیش و زحمتلره قاتلاشمیش قادین شاعرلریمیزدن ایدی. مخمر خانیم نجفی ۱۳۱۱-جی ایل خوی شهرینده دونیایا گلمیش، تحصیلاتینی همن شهرده بیتیرمیش و ۱۳۳۰-جی ایل ۲۱ آذر نهضتی‌نین اشتراکچیلاریندان اولان هم‌یئرلیسی «احمد علی‌اصغر اوغلو اوردوخانی(سونرالار: اورتانی- شایا) ایله عائله قورور. آذربایجان ادبیاتینا خصوصیله ده شعرینه اؤز حیات یولداشینین تاثیری آلتیندا اوز گتیریر و و «ایشیق» تخلصینی سئچه‌رک، شعر یازماغا باشلاییر. مخمر خانیم نجفی‌نین ۱۳۸۱-جی ایل «منیم اینجه دویغولاریم» آدیندا ۱۰۲ صحیفه‌لیک بیر شعر مجموعه‌سی یاییلیبدیر. «ایشیق» – آذربایجان ادبیات و اینجه صنعت سایتی- امکداشلاری آدیندان ادبیاتیمیزین قایغی‌کئشی شاعر «مخمر خانیم نجفی – ایشیق»ین ایتگیسینی حؤرمتلی شایا و نجفی عائله‌لرینه باش ساغلیغی وئریر، خاطیره‌سینی عزیزله‌ییریک. «ایشیق» – آذربایجان ادبیات و اینجه صنعت سایتی ۱۹ بهمن ۱۴۰۳ قایناق:ایشیق سایتی https://t.me/Adabiyyatsevanlar

سلام یالانلا دوغرونون ناغیلی سخاوت عزتی- عندلیب خلقتین ایلکینه دوغموش ایکی جان بیری دوغرو بیرین آدلاندی یالان بزه‌میش هر یئری خلّاقین الی بو زامان سئیر گلستان ائده‌لی دوغرونو گؤردو یالان قالدیریب ال، سئیر ائدک نازلی باهاری دئدی گل! یئرده قالمیر داها چیرکینلیک ایزی، گؤیو بوغموش نه گؤزل نور دنیزی. دوغرودا هر طرفه سالدی نظر، گؤردو گوللر آچیلیبدیر تزه- تَر. یالانین نطقینا آلداندی یازیق، اؤز اینامیندا اونو ساندی یازیق. ال وئریب بیر- بیرینه دوست دئدیلر، دوستلوغو جاندان عزیز سؤیله‌دیلر. وئردیلر ال- اله سئیران ائدرک دئدیلر بیز بئله دونیانی گزک، یئنی دوستلار یعنی دوغریلا یالان دونیانین سئیرینه چیخدیقلاری آن یوللاری دوشدو دورو بیر قویویا ایکی یولداش سویونوب گیردی سویا یالان آز سونرا اکیلدی قویودان دوغرونون پالتارینی چالدی سودان نه گوجو واردی توپوردو دابانا دوغورو آردینجا حزین باخدی اونا آرادان چیخدی دابان قیرما یالان دوغرودا قالدی قویوینان، سویونان. چالدیغی پالتاری گئیدی بویونا دونیا آلداندی بو ماهر اویونا دوغرو چیلپاق بدنی چیخدی چؤله تاکی اؤز پالتارینی سالسین اله دونیا گؤرجک اونا آد قویدو دلی بلی پیسلر هامی چیلپاق گؤزلی لوت گؤروب دوغرونو قورخدو یئر اوزو اوتانان دوغرودا گیزلندی اؤزو لوت گؤروب دوغرونو دونیا چکینیب دوغرو گئییمینده یالان شاهه مینیب. گزله‌دیبدیر او گئیمله ذاتینی هله‌ده چاپمادا دؤرد نال آتینی دوغرو اولسان قویودا قالمالیسان دوغرو گئیمینده یالان اولمالیسان https://t.me/Adabiyyatsevanlar