ادبیات سئونلر

ایسته ییردیم بو گون اوچون بیر طنز یازام بو نو گوردوم سیندی قول قانادیم یانیما دوشدو او مجلیس دن، ایشین -گوجون ،مملکتی بوراخییب یاپیشییب حجابدان، بودا شورادان...اشی عجب یاراشیریق بیری -بیریمیزه.

او گئجه، سونرالار منیم حایات یولداشیم ‌اولاجاق آدامین ۱۶-۱۵ یاشی وارایدی، ائولرینده یئییب ایچیب، شال آتماق اوچون بیزه گلدیینده، گؤرموشدو نه دستمالی وار، نه شالی، شال یئرینه کوتونو آچیق دریچه‌دن ایچری آتمیشدی. او چارشنبه آخشامیندان سورا هر ایل بو آغا دییردی بو قیز منیم چارشنبه‌لیییم‌دی. خلاصه او گئجه او دا گلدی بیزه قوشولدو، اونا دا پای وئردیلر. حتی گئجه‌نی بیزیم ائوده یاتدی. آنام چارشنبه گئجه‌سی اوغلانلی-قیزلی، هامینین الینین دیرناقلارینا حنا یاخاردی. سورا نایلون باغلاییب، اوستوندن جوراب تایی گئیدیرردی. اوغلانلار حنانی یا اووج ایچی یادا آیاق آلتینا یاخاردیلار. سحر تئزدن آنام ساعات ‌۵ده بیزی یوخودان اویادیب، اهر چاییندان آتلاماغا گئدردیک. بیز اهر چایینا چایلاق دییردیک، چایلاق ‌او زامان چوخ تمیز و سویودا بول ایدی، یوخودان اویانیب، سئوینجک تازا پالتارلاریمیزی گئییب، یئمیشدن ده جیبیمیزه تؤکردیک. بئله بیر مراسیملرده اوچ -دؤرد پاسیبان چایلاغین اطرافیندا جماعتین امنیتینی قورویاردیلار. او پاسیبانلاردان بیری ده منیم آغام ایدی. ‌ دئمه‌لییم اهرده مش ابراهیم آدلی بیر کیشی وارایدی؛ بیت- بیره ساتان مش ابراهیما معروف ایدی. بیر تاختا ‌جعبه‌یه رزین باغلاییب، بیت-بیره داواسی دولدوروب، بوینوندان آسلاییب، سحردن آخشاما کیمی بیت-بیره داواسی ساتاردی. مش ابراهیم بیر قیز، بیر اوغلان آتاسی ایدی، خانیمی‌سینین آدی ایسه سکینه ایدی، اؤزو ده بتر گولمجه دئین ایدی. چارشنبه آخشامی مش ابراهیم خانیمینی سالاردی قاباغینا، قاوال چالا-چالا، سکینه دای‌قیزی‌نی اوخویورکن ‌کوچهلری گزردی، جاماعات دا سورو کیمی اونون آرخاسینجا دوشوب، چپیک چالیب، شادلیق ائلردیلر. بیز ده سحر چاغی چایلاغا اوخویا اوخویا گئدردیک. او زامان اهرده ایکی گاراژ واریدی بیر سلیمانی مئیدانینداکی سلیمانی گاراژی، بیری ده چایلاقدا محمدی گاراژی. بیزیم ائویمیز سلیمانی گاراژینا یاخین ایدی. چارشنبه آخشاملارینین صاباحیسی سحر تئزدن، چایلاقدان آتلانماغا گئدنده، نئچه نفرین آت چاپدیردیغینی گؤره‌ردیک. اوردا آت یاریشی اولاردی؛ چالیب اوخویاردیلار. بیرایکی ساعات دیلخوشلوقدان سورا ساعات سکگیزده هامی داغیلیب گئدردی ائوینه؛ ‌بیز ده صبحانه‌نی یئییب، سورا تازا پالتارلاریمیزین جیب‌لرینه یئمیش دلدوروب، مدرسه‌یه گئدردیک. او زامان بیز ایکی دؤنه مدرسه‌یه گئدردیک، بیر سئری صبح ساعات سکگیز‌یاریمدان اون‌ایکی‌یه کیمی، بیر نوبه‌ده ایکیده گئدیب، دؤردده درس باشا چاتاردی. من او زامان بیرینجی صینیف، قارداشلاریمین بیریسی ده ایکینجی صینیفدا درس اوخویوردوق. او بیری قارداشیم هله مدرسه‌یه گئتمیردی. بئله‌لیکله چارشنبه‌میز تامام اولاردی. سورا بایرام آخشامی گلردی. بایرام آخشامیدا گئیینردیک یئنه دوراردیق قاپی آغزیندا، بو دفعه ده اوغلان ائوینه گئدن تاباقلارا باخاردیق. یئنه مامانیم میس قازاندا دویو دمله‌ییب، یئنه خوروشت پیشیریب، قونشولارا پای گؤندرردی. تازا ایل گوندوز تحویل اولسایدی هامی تازا پالتارلارینی گئییب، قوهوم-قونشونون گؤروشونه گئدردی. ایل تحویلیندن قاباق بوتون ائولرده قوهوم – قونشو اوشاقلارینین ساییسی‌جا سوغان یا دا نار قابیغی‌لا یومورتالاری بویایاردیلار. بایرام گوروشلرینده یومورتالاری دؤیوشدورردیک. وارلی-کارلی‌لار هردن بئش اون شاهی پول دا اوشاقلارا بایراملیق وئرردیلر. بیز بویالی یومورتا یا دا رنگلی شیرینی‌لرله دیلخوش اولاردیق. بایرامین اوچ-دؤردونه‌جن بؤیوکلرین گؤروشو باشا چاتاندان سونرا تبریزده‌کی دایی‌لاریم ایله خالالاریمین گؤروشونه گئدردیک. گؤروشلر سیزده‌ گونونه کیمی دوام ائدردی. حتی دئیردیلر توت یئره دوشنه کیمی گؤروشه گئتمک اولار. ایندی اما ائله دئییل؛ بئش گونده بایراما قالمیش، ائوه گل-گئت اولماسین دئیه، سفره گئدیرلر. ‌داها او صمیمیت، او محبت‌لی گؤروشلر یوخدور. ایل، ایلدین یاخشی گلمک یئرینه آغیر گلیر، ‌قوهوم-قونشو بیربیریندن اوزاق گزیر، فیکیر توققوشماسیندان باجی- قارداش بیربیریندن اوزاق گزیرلر. عایله ایچینده محبت دئیه بیر شئ قالمیر. آتالاریمیز دئمیشکن: محبت گؤزده اولار. قدیم زامان کاسیب‌لیق اولسا دا، محبّت واریدی، صمیمیت واریدی. مثلاً گؤرردین شامیمیزی گؤتوروب گئدردیک خالام گیله، شامیمیزی اونلارین شامینا قاتیب یییردیک، دییب، گولردیک، گول گول اویناردیق سورا چیخیب گلردیک ائومیزه، حاییف او گونلره؛ هله‌ده اوشاق زامانینین چارشنبه آخشاملاری یادیمدان چیخمیر، ایندی ایسه هئچ بیلمیرم هاچان چارشنبه آخشامی‌دی، هاچان بایرامدی. هر شئی عادّی اولوب. دویو یئمک عادی اولوب؛ ایندی اوشاقلار اوزاقدا، ار-آرواد ایکیمیز اوتوروب بیربیریمیزه باخیریق. کاش او محبتلر، او صمیمیتلر آرادان گئتمز ایدی. یاخشی گونلر اومودویلا ‌بایرامیز مبارک اولسون! ‌ ‌ قایناق:ایشیق سایتی https://t.me/Adabiyyatsevanlar

اهرده ایلین سون چارشنبه‌سی و ایل بایرامی مراسیملری عدیله طهماسبی چهارشنبه 22 اسفند 1403 سؤیله‌ین: خانم عدیله طهماسبی / یازییا آلان: تئلناز نعمتی من ایستیرم اهرین آخرین چارشنبه رسم و رسوماتین سیزه دئییم و بو چارشنبه‌لرین بیریندن یادیمدا قالان بیر خاطیره‌نی سیزه تعریف ائدیم. اوشاقلیق چاغلاریمدا، اهرده ایلده بیر ایکی دفعه اؤزل مناسیبتلرده دویو یییردیک. بو مناسبتلرین بیری آخیر چارشنبه ایدی. مامانیم سحردن دویو ایسلادیب، آخشام چاغی حیطده اوجاق قالاییب، بؤیوک میس قازاندا ‌دویونو سوزردی. دویونون عطری کوچه-باجایا یاییلاردی. او زامانلار اهرده بایرام آخشاملارینا مخصوص ماش خوروشتو پیشیرردیلر. ماش خوروشتو سبزی قورما دئییل، بودا سبزی قورمانین بیر جوره‌سیدی؛ بو دادلی خوروشت، قره گؤز لوبیا،[اهرده ماش دئییلر] ات، سبزی و ذوغال‌دان عیبارت ایدی. ایندیده ائله بو خوروشتو پیشیرنلر وار. مامانیم دویونو سؤزندن سونرا قاپاغینین اوستونه کؤزرمیش کؤمور قالاردی، دویو ایسه هم اوجاقدان، هم ده یوخاریدان دم چکردی. آنام خیاط اولدوغو اوچون چارشنبه آخشامینا گؤره بیزیم آلت پالتاریمیزدان توتدو اوست پالتاریمیزا کیمی تازالاردی. چارشنبه آخشامی یانی سه‌شنبه ساعات ایکیدن اویانا آنام بیزی گئییندیرردی، بیز ایسه گئدیب اوتوراردیق کوچه قاپیسیندا؛ بیزیم قاپیمیز خیابانا آچیلاردی، او زامان کی تقریبا۴۲-۱۳۴۱ ایللری اولوردو، تازا اهرده خیابان چکیردیلر؛ اهرین تکجه اصلی خیابانی تبریز یولوندان باشلانیب، کلیبر یولوناجان ادامه‌سی وار ایدی. خیابانا آسفالت سالیرکن، تورپاغی هامارلاشدیریرکن بولدوزرین آغیرلیق و تیتره‌ییشی بیزیم حیط دیواریمیزی ییخمیشدی. دیوارین یییخیلمیش یئرینه بیر پرده آسمیشدیق؛ آتام گؤزله‌ییردی قیش چیخاندان سونرا فحله-بنا گتیریب دیواری تیکدیرسین. چارشنبه آخشاملاری بیزیم دیلخوشلوقلاریمیزدان بیری قاپی آغزیندا اوتوروب، نشانلی قیزلارا آپاریلان تاباقلارا تاماشا ائتمک ایدی. چارشنبه آخشامی قیز ائوینه، بایرام آخشامی ‌دا اوغلان ائوینه تاباق گؤندرردیلر. کاسیبین تاباغی بیرایکی دنه اولاردی، اما دولتلیلرین تاباغی اون دنه، اون بئش دنه، ییرمی دنه‌ده اولاردی. بو تاباقلاری خانیم-آغا بیرلیکده آپاراردیلار. تاباقلاری گؤتورن آغا- خانیملار گؤزل گؤیچک گئیینردیلر، اونلار آددیم آتدیقجا تاباغین اوزه‌ره‌رینه سالینمیش زرلی سوزنی‌لرین قوتازلاری توولاناردی. تاباق دئدیینده بؤیوک میس مجمعه‌دن عیبارت ایدی. گلین ائوینه گئدن تاباقلارین بیرینده چرشنبه آخشامی‌ اوچون شام یئمه‌یی گؤندرردیلر. شام ایسه پیشمیش دویو، خوروشدان عیبارت اولاردی. بیر آیری تاباقدا پول شیرینیسی، [گیرده-گیرده رنگلی -بزکلی شیرینیلر اولاردی] شکرپنیر، شوکولات دوزردیلر. شکرپنیر ایله پول شیرینیسینی آغیزا قویماقدا ارییردی. او زامان میوه چوخ اولمازدی، بیرینین ائوینده اوزوم، امرود، هئیوا، نار ساخلاماق یئری اولسایدی، بایرام اوچون ‌میطباخدا گؤیدن آسلاردیلار. چوخ دولتلینین تاباغیندا بو میوه‌لردن ده تاپیلاردی. تاباقلارین ایچینه دوزولن شیرینی، تؤحفه، کله‌قند و هر نه وار ایدی، گؤزل رنگلی کاغاذلارا بوکولردی. بو رنگی کاغاذلار ایندیکی کادو کاغاذی کیمین دئییلدی، نایلون کیمی بیر جینسی واریدی و خیش-خیش ائدردی. بو رنگی کاغاذلارا بوکولموش تحفه‌لر تاباغا داها آرتیق گؤزللیک وئرردی. بیز اوچ قارداش، بیرده من چارشنبه آخشاملاری اوتوراردیق قاپی آغزیندا تاباق آپارانلارا چپیک چالاردیق. بعضاً بو تاباق آپارانلارین قاباغیندا قاوال چالیب، اوینایان دا اولاردی. ساعات آلتی-یئددی‌دن سورا ائوه دؤنردیک. مامانیمین پیشیردییی دویو- خوروشتدان یئییب، سورا آغامین آلدیغی چارشنبه یئمیشی یییردیک. آنام چارشنبه یئمیشیندن هامییا پای وئرردی، اما دییردی آز یئیین معده اولارسیز چون غذادا یئییبسیز، ساخلایین صاباح سودان آتلانماغا گئدیرکن یییرسیز. آرتیرمالییام مامانیم، یانی تک مامانیم یوخ بلکه تامام قونشولار ، کاسیب، دول، قوجا و اللری آغیزلارینا چاتمایانلارا دا چرشنبه آخشامی‌ پای گؤندرردیلر. بیراز دویو-خوروشت، بیراز یئمیش، بعضاً جوراب، روسریده قویوب، بالاجا بیر تاباق دوزلدیب، اوشاقلارین الینه وئریب، قونشویا گؤندرردیلر. قونشو دا تاباغی آلاندا، اون شاهی، بیرقیران اوشاغا پای وئرردی. دیواریمیزی بولدوزر ییخان ایلین چارشنبه گئجهسی مامان هامیمیزی ییغمیشدی بیر یئره دئییب گولوردوک، یئمیشلریمیزی بؤلوشورکن، پنجره‌نین یاریم آچیق دریچه‌سیندن بیر کت ایچری آتیلدی. آنام آلتی یاشلی منی چورقالادی دریچه‌دن ایچری آتیلان کوتا، آپارییب، دیوارین ییخیق یئریندن ائشیگه قویورکن دئدی: گل، بودا سنین چارشنبه‌لیگین. ۶۲ ایل او گوندن کئچسه ده، او گون هئچ یادیمدان چیخماز.

نصرت عؤمرونون ان جدی حادثه‌لرینی بدیعی اثر سوژئتی کیمی قوروب، ائوله‌نمک ایسته‌ینده حیاتی‌نین یئنی ناغیلینی یارادیب. «اونا» آدلی شعرینی ماکینادا چاپ ائتمک اوچون دئکانلیقدا ایشله‌ین رهیله آدلی قیزا گؤندریر. رهیله شعری چاپ ائدیب قایتاراندا نصرت دئییر کی، قوی الیازماسی سنده قالسین. سونرا آیدین اولور کی، همین شعر رهیله‌یه حصر اولونوب. بونونلا دا عؤمرون یئنی بیر ناغیلی باشلاییر. معلمی‌نین - پروفسور نصیر ایمان‌قولی‌ئوین شهرده کیمسه‌سی اولمایان جاوان اوغلانین ائلچیلیگنه گئتمه‌سی ده بیر باشقا ناغیل ایدی. آرادان ایللر کئچندن سونرا نصرت عؤمور-گون یولداشی رهیله خانیما ان صمیمی (بلکه ده، ان آمان‌سیز) اعترافینی ائده‌‌جکدی. «اعتراف» شعری اؤز اطرافیندا یئنی ناغیل‌لارین یارانماسینا، یئنی میفلرین عمله گلمه‌سینه تکان وئره‌جکدی... پنجره دالیندان یوللارا باخیب، یوخوسوز گؤزونله واختی ساییرسان. کؤرپه بالالاری کؤکسونه سیخیب مورگولو-مورگولو گولومسییرسن. ناغیل دانیشیرسان «مین بیر گئجه»دن، ناغیلین قورخولو، سئحرلی، غمگین... من ایسه ساللانیب کندیر گئجه‌دن بیر قویو دیبینه ائنیرم هر گون. نصرت سهوینی، گناهینی اعتراف ائدیردی. آنجاق یولوندان گئری دؤنمک، رهیله خانیمین دا دئدیگی کیمی، پئشمان اولماق اونون طبیعتینه یاد ایدی. نصرت مورگولو خاطره‌لری اویاتماغا قاداغا قویدوغو کیمی پئشمانلیغا دا قاداغا قویموشدو. اونون اوچون پئشمان اولماق مغلوب اولماق دئمک ایدی. او، شاعر کیمی ده، اینسان کیمی ده بو دونیادان قالیب آیریلدی. بیزیم بورجوموز ایسه مورگولو خاطره‌لری اویاتماق‌دیر... قايناق: ادبيات قزتی https://t.me/Adabiyyatsevanlar

گؤز یاشلاریم قورومور، آغلاییر خاطره‌لر. هله قلبیمیزده خاطره ایزی، هله آیریلیغین نملیدی گؤزو. ایل کئچیر، عؤمورده خاطره قالیر، باهار گوللریمیز قؤنچه‌ده سولور... گؤزلریمیزده گؤل‌لنه‌جک خاطره یاغیشلاریمیز... نصرتین حیاتیندا اولان و سونرادان کدرلی بیر سئوگی حکایه‌سینه چئوریلن، سؤزون معین معناسین‌دا، دیله-آغیزا دوشوب فولکلورلاسان، ناغیل‌لاشان سئودا آدلی قادینا یازیلمیش شعرین ده آپاریجی موتیوی، آغری قایناغی خاطره‌دیر: دونه‌نی بوکولو خاطره‌سینه، وورغوندور بو گونو خاطره‌سینه، قیسیلیب مورگولو خاطره‌سینه بیر سئودا آغلاییر ایچیمده منیم... مکتوبلار خاطره‌لرین سندلشدیریلمیش، ماددیلشدیریلمیش عابده‌سی‌دیر. نصرتین شعرلرینین پوئتیک منطقی همین «آبیده‌نین» - خاطره‌لری اؤزونده ساخلایان مکتوبلارین یاندیریلماسینی طلب ائدیر: عؤمرونده بیرجه یول عالیجناب اول، یاندیر خاطره‌می - او مکتوبلاری... یاندیر مکتوبلاری... خاطره‌لریم یانسین، کوله دؤنسون قوی کرم کیمی... بورادا ماراقلی بیر مقامی دا خصوصی قئید ائتمگه احتیاج دویورام. نصرتین یارادیجلیغیندا (یقین کی، بوتون شاعرلرین یارادیجیلیغیندا) یادداش آنلاییشی ایکی فورمادا تظاهر ائدیر: بیر - شاعرین اؤز فردی یادداشی، صرف اؤز حیاتی، یاشادیقلاری ایله باغلی دوشونجه‌لری، یادینا دوشنلر و یا یادداشیندان قووماق ایستدیکلری؛ بیر ده اجتماعی یادداشی، منسوب اولدوغو توپلومون تاریخینی فردین اؤزوندن خبرسیز شعور آلتیندا حفظ ائله‌‌ین، بعضا تاریخین ان ایلکین چاغلارینا گئدیب چیخان، K.Q.Yunqun ایفاده‌سی ایله دئسک، شعورون خاریجین‌ده اولان "کوللئکتیو" یادداش. ۲۰-جی عصرین سونلاریندا دونیا و آذربایجان ادبیاتیندا خصوصیله آکتواللاشمیش اجتماعی یادداشا، خالقین تاریخینه مناسبت‌ده نصرتین یارادیجی‌لیغی کفایت قدر حسّاس ایدی. ابراهیم‌خلیل خانین قیزی آغابگیم آغانین فاجعه‌لی طالعینی عکس ائتدیرن لیریک-دراماتیک پوئماسی‌نین آدی - «یاددان چیخماز قاراباغ...» بو فیکری عیانی تصدیقله‌ییر. همین پوئمادا دا فاجعه‌ویلیگی شرطلندیر‌ن باشلیجا عامللردن بیری فردی و اجتماعی یادداش آراسینداکی ضدیت‌دیر. کنددن آیریلاندان سونرا باکی‌دا نصرتین حیاتی‌نین کفایت قدر پارلاق و رنگارنگ بیر دؤورو باشلادی. آغ-قارا فیلمین ایچیندن گلن نصرتی باکی رنگلی سئوگیلرله قارشیلادی. بو شهرده نصرتین ان دوغما سیغینما یئری ده سئویلمک اولدو. او، هر شئی‌دن اؤنجه استعدادینا گؤره سئویلدی، ایلک اثرلری ایله ادبی محیطین، ان اساسی دا اوخوجولارین سئویملی‌سی اولدو. اجتماعی رأی‌ده غیری-عادی بیر سئوگی شاعری دوغولدو. بوی-بوخونو، صمیمی دانیشیغی، سؤزون حقیقی معناسیندا کیشی کاراکتری بو سئوگینی تاماملایان نصرت اؤزونه بسله‌نن سئوگییه سئوگی ایله جاواب وئردی: یارادیجیلیغی‌نین باشلیجا موضوعسو محبت اولدو. او، عؤمرو اوزونو اؤز قورورونو قورویان اینسانین سئوگی‌سینی تر‌نّم ائله‌دی. یوللارتک دؤشنیب آیاقلارینا سنه یالواریم‌می؟ - بو ممکن دئییل. قویمارام قلبیم تک ووقاریم سینا، آلچالیب یاشاماق عؤمور-گون دئییل... بو غرور، اصلینده، آغ-قارا ناغیلا چئوریلمیش خاطره‌لردن سونراکی یادداشین دیکته‌سی و حؤکمو ایدی. ماراقلی‌دیر کی، ۱۹۷۰-۸۰-جی ایللر آذربایجان (عمومیتله، سووئت) شعری اوچون سجیه‌وی اولان کند نیسگی‌لی، یورد حسرتی، شهرده اؤزونه یئر تاپا بیلمه‌مک کیمی موتیولره (بونلار اوربانیزاسییانین - شهرلشمه پروسئسی‌نین بدیعی سؤزده‌کی عکس-صداسی ایدی) نصرتین شعرلرینده، دئمک اولار کی، راست گلمیریک. نصرتین پوئزییاسینداکی دوشونجه تیپی شهر آدامی‌نین، شهرلی‌لشمیش اجتماعی پسیخولوگییانین ایفاده‌سی‌دیر. نصرتین حیاتیندا باش وئرن، اونون طالعینی دَگیشن آیری-آیری حادثه‌لر ده محض شهر رئاللیغی‌نین منطقینه و هاواسینا اویغون سوژئتلره اوخشاییردی. عؤمرون یئنی مرحله‌سی‌نین یئنی ناغیل‌لاری یارانیردی. طلبه یولداشی ائلدار اسماعیل‌وو ماراقلی بیر حادثه دانیشیر. اونیوئرسیتئتده فیلولوگییا فاکولته‌سی‌نین ژورنالیستیکا بؤلمه‌سینده اوخویاندا خالق شاعری بختیار واهاب‌زاده اونلارا کورس ایشلرینین موعضوسونو پایلاییر. کیمی‌نین موضوعسو نظامی گنجه‌وینین، کیمی‌نین‌کی فضولی‌نین، کیمی‌نین‌کی صابیرین اثرلری اولور. موضوعلاردان بیری ده «نصرت کسمنلی‌نین یارادیجی‌لیغی» ایمیش. ائلدار بختیار معلمه یانیندا اوتوران طلبه یولداشینی - نصرت ایوب‌ووو تقدیم ائلییر: «معلم، نصرت کسمنلی بو اوغلان‌دیر!». بختیار واهاب‌زاده شعرلرینی طلبه‌لرینه کورس ایشی کیمی تکلیف ائتدیگی نصرتله ایلک دفعه همین درسده تانیش اولور...

«اویاتما مورگولو خاطره‌لری...» - نصرت کسمنلی حاقیندا – يازان: متی عثمان اوغلو كؤچورن: احد فرهمندی آذربایجان ادبیاتی‌نین و اوخوجوسونون یادیندا یارادیجی‌لیغی، شخصیتی، حیاتی و حیات طرزی ایله بنزرسیز ایزلر سالمیش نصرت کسمنلی‌نین عؤمور یولو یادداشا مناسبت باخیمیندان خصوصی ماراق دوغورور، اونون کئچدیگی یول ماراقلی و مرکب بیر بدیعی اثر ایله مقایسه ائدیله بیلر. بو اثرین بیر حصه‌سینی، بعضی سوژتلرینی طالعین گؤزگؤرونمز اللری یازمیشدی. بیر حیصه‌سی ده نصرتین اؤز «یارادیجیلیغی‌نین» محصولو ایدی. نصرت شعرلرینده حیاتی «ناغیل دیلینه» چئویرمگه چالیشیر، یاشادیقلارینی «بیری واردی، بیری یوخ» پریزماسیندان کئچیریردی. پروفسور رستم کمالین مشاهده‌سینه اساساً: «ناغیل نصرت کسمنلی‌نین پوئتیک دیلین‌ده فعال و ثابت ایشله‌نن ژانرین آدی‌دیر. نصرت کسمنلی ناغیل‌لاریندا اولوب-اولموشلاری و اولاجاقلاری دانیشیردی.»، «داها ناغیل‌لارا اینانمیرام» دئسه ده، عؤمرونو ناغیل کیمی دانیشیردی: «اوشاق یادداشیمی قاناتدی گئتدی، داها ناغیل‌لارا اینانمیرام من...». مسئله بوندادیر کی، اوشاق یادداشی‌نین فورمالاشدیغی اوزاق بیر کند ائوینده نصرت طالعین دوزوب-قوشدوغو تأثیرلی بیر ناغیل قهر‌مانی کیمی بؤیوموشدو. طالع اونونلا اوزون مدت اؤزوندن خبرسیز اویون اوینامیشدی و ۱۸ یاشینا، مکتبی قورتارانا قدر نصرتین بو اویوندان خبری اولمامیشدی. ۱۸ یاشیندا بیلمیشدی کی، گؤزونو دونیایا آچاندا باشی‌نین اوستونده گؤردویو، آنا بیلدیگی اینسان اونون ننه‌سی، آتا بیلدیگی اینسان باباسی، قارداش بیلدیگی اینسان دا آتاسی ایمیش. او واختا قدر اؤز بیولوژی آناسی باره‌ده ایسه معلوماتی اولمامیشدی: بئشییم باشیندا لایلا یاناندا بایاتی هیجرانین دیلینده قالدی. اورگیم بیر آتا-آنا یانیندا، اللریم ننه‌مین الینده قالدی... نصرتین سونراکی طالعی ده، یارادیجی‌لیغی دا اوزاق کسَمَن کندینده یارانمیش آغ-قارا ناغیلین داوامی اولدو. بلکه، ائله بونا گؤره اونون شعرلرینده ایناندیغی و اینانمادیغی ناغیل، ناغیل اوبرازلاری تئز-تئز تکرارلانان بیر لئیتموتیو تشکیل ائدیر... نصرتین شعرلرینین ان ماراقلی و اؤزونه‌مخصوص جهتی بوندادیر کی، بو شعرلرده گئرییه - «اوشاق یادداشینی قانادان» ناغیلا قاییتماق، ناغیلی یئنی‌دن یاشاماق آرزوسو یوخدور. نصرت داها چوخ ایچینده اولدوغو زامانین، دایانمادان آخیب کئچن عؤمرون ناغیلینی یاراتماغا و «جانلی» ناغیلدا یاشاماغا اوستونلوک وئریردی. او دا ماراقلی‌دیر کی، نصرتین سونراکی یارادیجیلیغین‌دا اوشاقلیق ایللری، سانکی اؤز رنگلرینی ایتیریب، شاعرین پوئتیک یادداشی او ایللری آغ-قارا فیلم کیمی جانلاندیریر. آرزولادیغی رنگلی دونیا اونون اوشاقلیق یادداشی‌نین احاطه دایره‌سیندن اوزاقدا گؤرونوب ایتیر: اوزاقدایدی من ایسته‌ین اوجاقلار، اورگیمدن گلیب-کئچدی سازاقلار. آتالییدی، آنالییدی اوشاقلار، بیزیم ائوده بیری واردی، بیری یوخ. گؤزلریمه دولدورموشام یاغیشی، بیر کؤینکده چیخارمیشام من قیشی. شالوار-پئنجک گئیینیردی تای-توشوم، من ده ایسه بیری واردی، بیری یوخ... بو یازیدا «آغ-قارا فیلم» ایفاده‌سینی گلیشی گؤزل اوبراز کیمی ایشلتمیرم. نصرت کسمنلی‌نین اوغلو رشاد قریبه بیر خاطره دانیشیر: آتاسی‌نین ان سئودیگی فیلم (و یا فیلملردن بیری) هندستان رئژیسورو راج کاپورون «آوارا» فیلمی اولوب. یاشی‌نین یئتکین چاغیندا بو فیلمه باخاندا هؤنکوروب آغلاییرمیش. اوغلو: «سن بو فیلمده نه گؤرموسن، نيیه آغلاییرسان؟» سوروشاندا دئییرمیش: «سیز باشا دوشه بیلمزسینیز، بو منیم حیاتیم‌دیر. سیز بونا فیلم کیمی باخیرسینیز، من ایسه او فیلمی گؤر‌نده، سانکی حیاتیمی یئنی‌دن یاشاییرام»... اوشاقلیغین‌دا و یئنی‌یئتملیگینده یاشادیغی حیاتی یئنی‌دن یاشاماق عؤمرونون ان خوشبخت آنلارین‌دا بئله، اونو آغلادیر، اونا کدر و گؤزیاشی گتیریردی. همین آغ-قارا فیلمین یادداشدا اویاتدیغی ناغیل‌لا نصرتین آغلی-قارالی رئال عؤمرو آراسیندا سرحد تاپماق چتیندیر. بو ائله نصرتین اؤزو اوچون ده چتین ایدی. ان چتینی ده همین سرحدده دایانیب اورادان گئری باخماق، اوشاقلیغی و یئنی‌یئتمه‌لیگی یادداشدا یئنی‌دن جانلاندیرماق ایدی. لاپ ناغیل‌لاردا اولدوغو کیمی - آذربایجان ناغیللاریندا گئرییه باخماق قاداغاندیر: گئرییه باخماق اینسانی داشا دؤندره بیلیر... نصرت کسمنلی‌نین شعرلرینده گئرییه باخماق، خاطره‌لره دؤنمک، خاطره‌لری یوخودان اویاتماق اوزرینده اینجه بیر تابو قویولدوغونو گؤروروک. اونون شعرلرین‌ده «خاطره» سؤزو، دئمک اولار کی، بوتون مقاملاردا کدر، آغری، آجی، حسرت، نیسگیل، تنهالیق ایله یاناشی ایشله‌دیلیر: سسین کاروان دایاندیرار، مین خاطره اویاندیرار، آه چکسم، سنی یاندیرار... تنها قالان یووالار خاطره‌لر آداسی... سن منده آجی بیر خاطره قویدون... اورگی دولودور خاطره‌لرین... ایندی خاطره‌نله یاناجاغام من...

⬅️ آنبارا اوپوش ➡️          🔰 مرتضی مجدفر 🔰 قوجا کیشی، هامی‌نین یاتماسیندان و سس‌سمیرین سونا چاتماسیندان آرخایین اولاراق، ائله ایللر بویو یاشادیغی زئرزمیدن و اوتوردوغو یئردن، زئرزمی‌نین یوخاری حیصه‌سینده یئرلشن و گورونمه‌ین قاپی‌جیکه ساری سوزه‌لندی و کیچیک، گورونمز قاپینی آچدی. کیچیک قاپی‌نین آرخاسیندا یئرلشن بویوک آنبارین گورونمه‌سینه، هئچ بیر ایشیق لازیم دئییلدی. انبارین ایچریسینده اولان وروساییلین او قده‌ر پاریلتی‌سی وار ایدی کی همن قارانلیقدا دا گورونوردو. آنجاق هامیدان اونملی، آنبارین ایچینده اولان وسیله‌لر ایدی. بو قیویر- زیویری آنباردا ساخلاماق، او یاشدا بیر قوجایا، عجیبه بیر ایش ایدی: بالاجا حربی گمی، تانک، جوربه‌جور اندازه‌لرده راکت‌لر، بالا- بویوک سیلاحلار، قومپارا، ال بومباسی، توفک و توفک گولله‌لری و حتی مختلف اندازه‌لرده پیلوت‌سوز اوچوش آپارات‌لاری. ائله نظره گلیردی کی وسیله‌لرین هامیسی قیزیلدان‌دیرلار یا خود قیزیل سو ایله بویانیب‌لار. قوجا کیشی، هر گئجه کی عادتی اوزه‌ره، بیر داها آنبارین ایچریسینه باخدی و دوداق‌لاری قاچمادان، گولومسندی. انجاق بیر آز سونرا هنده - ورینده بیر کسین اولماماسینی دوشونه‌رک، اوجا سسله قاققیلدادی، آنبارین قاپی‌سین باغلادی و ایللر بویو یاتدیغی و میتیله دونموش یورغان-‌ ‌دوشه‌یین اورتاسینا گیره‌رک، آز بیر زاماندا یوخویا جومدو. بو وسیله‌لری آنبارا دولدورماغین سببی معلوم دئییلدی و او یاشدا بیر قوجایا بو وسیله‌لرین ساخلاماسیندان نه لذت ایسه یاراناجاقمیش دا بللی اولمامیشدیر. قوجا کیشی، او گئجه سون اولاراق آنبارین وسایلینه باخماسیندان و صاباح سحر یوخودان اویانماماسیندان خبرسیز ایدی. هم ده هفته‌ده اونا اوچ دونه یئییب - ایچمک و سورسات گتیرن قدیمکی دوستونون قصدیندن و ایللر بویو اونو ایزلمه‌سیندن هئج نه بیلمیردی. او قوجانین حیاتینی ایزله‌یه‌رک، اونون اولوم خبرینی، اولومو اردیندا اولانلارا وئرمک و آنبارداکی وساییلدن اوز پایینی گوتورمک قصدینده ایدی، حال بو کی اونا آنبارداکی وساییلردن هئچ بیر پایین چاتماماق امکانی دا وار ایدی. https://t.me/Adabiyyatsevanlar

دعوت از دوستان ادبیات سئونلر فیلم مستند «مهم یعنی چی؟» به تهیه کنندگی آزانس ارتباطات مصور و کارگردانی «روشن نوروزی» برای نخستین بار در بیست و یکمین جشنواره فیلم تصویر اکران می‌شود. این فیلم مستند 26 دقیقه‌ای که به کشف و نمایش مجموعه عکسهای «حبیب فرشباف»، معلم روستاهای آذربایجان (قره داغ) در دهه 40 شمسی می‌پردازد، روز پنجشنبه 23 اسفند 1403 در دو نوبت در «خانه هنرمندان ایران» اکران خواهد شد. ابتدا ساعت 16 (4 بعداز ظهر) در «سالن شهناز» خانه هنرمندان ایران به عنوان نمایش ویژه در «شب دو معلم عکاسی و سینمای خطه آذربایجان» روی پرده خواهد رفت و سپس ساعت 18(6 بعد از ظهر) در «سالن ناصری» خانه هنرمندان ایران در بخش «جایزه عباس کیارستمی» جشنواره فیلم تصویر اکران خواهد شد. حضور در این اکران‌ها برای عموم علاقمندان آزاد و رایگان است. لطفا به سایر دوستان نیز اطلاع‌رسانی بفرمایید. آدرس: پل کریمخان- ایرانشهر جنوبی – پارک هنرمندان- خانه هنرمندان ایران https://t.me/Adabiyyatsevanlar

✅✅✅سایین کانالداشلار چهارشنبه گونلری ادبیات سئونلر کانالیندا یالنیز نثر یازیلارین پایلاشیریق.

علی رشتبر قاییب آناسیز باهاری ایسته‌میرم من آنالی پاییزا قایتارین منی نه ایل تزه‌لنسین نه بایرام اولسون آنالی پاییزا قایتارین منی ابدی بیر قیشدیر باهار دا اونسوز نیفرتدیر قارقیشدیر باهار دا اونسوز بولودلار غم کدر یاغار دا اونسوز آنالی پاییزا قایتارین منی کؤنلومو آلانماز آناسیز وطن نه قاینار بولاقلار نه گولر چمن آناسیز بایرامی ایسته میرم من آنالی پاییزا قایتارین منی یاغیش یاغا یاغا قار یاغا یاغا یؤنلمه‌دن سولا آخمادان ساغا آنالی خزانا آنالی چاغا آنالی پاییزا قایتارین منی آرزومو چاتدیرین اؤز مورادینا شعیرده دفن ائدین آنا آدینا سیز الله باغلایین یئل قانادینا آنالی پاییزا قایتارین منی https://t.me/Adabiyyatsevanlar

مثل7 : اوخویان تویوغی مالایا وئرللر 💥کاربرد مثل: این مثل زمانی به کار می رود که صاحب منصبی به بهانه مذهبی اموال کسی را تصاحب کند قصه پژوه : فاطمه محمودی ویراستار فارسی:حسن محمدی ویراستار ترکی : حمید حسینی - مینا ابراهیم پور طراح جلد: سمیرا خانزادی زبان کتاب : ترکی با ترجمه فارسی انتشارات: نظامی گنجوی موسیقی :Uzundərə آهنگساز: شهریار صدیق کتاب مین بیرمثل، مین بیر حئکایه ، مجموعه ای کامل از مثل های ترکی، به همراه قصه های آن به صورت مینیمال در 10 جلد کار شده. و1001 داستان و مثل دارد. این مجموعه به صورت صوتی اجرا شده و در  کانال تلگرام  به اشتراک گذاشته می شود. در صورت تمایل می توانید با آسکن بارکد یا لینک وارد کانال شده و قصه های صوتی را گوش کنید

عدالت دومان بيزه نه بايرام من      اوْندا        بايراما       تله‌سرم كي سئوينج له  ،  گوٍلوٍش له   ،  بزه‌نه     بايرام اينان كي     ديلیمدن    وار    گلمير  دئيم يوْخسوللار   اوٍريين     اوٍزوٍنه    بـايرام، چوْخلارين  ائوينده  يوْخ   اونو  گؤردوٍم قاچيردي  گؤزوٍمدن   يوخونو   گؤردوٍم ايشسيز   آتالارين    چوْخونو    گؤردوٍم، دوْلدوروب     قلبينه   ،   گزه‌نه      بايرام نه واخت اوشاق اوْلدوم ؟نه واخت جاوان من؟ قاچان    سعادتدي    داييـم    قـاوان    من قيش دا   ياوان   قالديم ، ياي دا   يـاوان   من، ساري   ياغ    ايچينده     اوٍزه‌نـه    بايـرام، عدالت  حؤكم   ائده     آلا     قيصاصي اؤزگه    حاقّين    يئه‌ين   اوْلا   قوساسي آيدين  دئييم  اوزون  سؤزوٍن   قيساسي ائللر  سئوینمیرسه   بيزه   نه  بايرام ؟؟!!

ایکی آذربایجانلی صنعتکارین خاطیره آخشامی کئچیریله‌جک «تصویر سال» فئستیوالی‌نین برنامه‌لری اساسیندا، اسفند آیی‌نین ۲۳ی، جومه آخشامی ساعات ۱۶:۰۰دا آذربایجان سینماسی‌نین بانی‌لریندن اولان مرحوم رئژیسسور «حسن محمدزاده»‌نین خاطیره آخشامی و عکاس معلم «حبیب فرشباف»دان تجلیل تدبیری کئچیریله‌جک. کئچیریلن بو تدبیرده، «حبیب فرشباف»ین «آراز ساحل‌لریندن» آدلی شکیل‌لر کیتابی‌نین تقدیماتی ایله برابر «روشن نوروزی»نین چکدیگی «مهم یعنی چی؟» سندلی فیلمی و «جواد پورصمد»ین «یادگار» سندلی فیلمی ده نوماییشه قویولاجاقدیر. پنجشنبه ۲۳ اسفند – ساعت ۱۶:۰۰ – سالن استاد شهناز خانه هنرمندان ایران تهران- خیابان ایرانشهر جنوبی – پارک هنرمندان https://ishiq.net/?p=36522 https://t.me/Adabiyyatsevanlar