ادبیات سئونلر

- عجب چوخ بیلیرسینیز!- کؤک آرواد سؤز آلتیندا قالمادی.- سن ساکیت اول عزیزیم، پول کیفینی قوینونا قویموشام. بونو دییه‌نده آروادین اینجیک اوزو یئنی‌دن ملایملشدی. اوزونو سو گتیرن اوغلانا توتدو، استکانی ایره‌لی اوزادیب حوکم‌له دئدی: - گئت بیرینی ده گتیر. قیوریم‌ساچ اوغلان یئنه بانکا جومدو. آرواد ایسه قیزین اوزونو شاپپیلداتدی. - آییل قشنگ قیز، اؤزونه گل. پول‌کیفین قوینوندادیر، ناراحات اولما. کوچه‌ده آداملار چوخالیردی. ایندی جاماعات سکی‌نین لاپ قیراغینا یاخینلاشمیشدی. وامچی آداملاری مهربان باخیشلارلا سوزور، اؤزونون اونلارلا یاخینلیغینی حیس ائدیردی‌. آداملاری بیربیرینه مرحمت دویغوسو، شفقت حیسسی بیرلشدیریردی. وامچی دا، اونلارلا دانیشماق، بو باره‌ده نه‌سه دئمک ایسته‌ییردی. قیوریم‌ساچ اوغلان قاییدیب سو استکانینی آروادا اوزاتدی. - هه، بو سرین سودان بیر اودوم ایچ گؤروم،- آرواد استکانی قیزین دوداقلارینا یاخینلاشدیردی. قیزین گوز قاپاغی تیتره‌ینده آداملار سئوینجله باخیشدیلار. - باخ بئله، عزیزیم ایندی یاخشی اولاجاقسان. قیز گوزلرینی آچدی، آمما جاماعاتی گؤرنده قورخوب تزه‌دن یومدو، ائله سویو دا گوزو یومولو ایچدی: بو قدر آدامین باشینا ییغیلدیغینی گؤرمک دهشت ایدی. - سن ساکیت دایان بالاسی،- کؤک آرواد  حلیم سسله دئدی. - ساکیتجه اوتور، بیرآز گوج توپلا. قیز یئنه گوزلرینی آچدی و یونگولجه گولومسونوب قالخماغا چالیشدی. - اؤزونو توپارلا بالاسی، احسن! ایندی لاپ یاخشی اولاجاقسان. پول کیفینی ده قوینونا قویموشام. هه، باخ بئله، تلسمه، آستا- آستا. کؤک آرواد و دری کوینکلی‌نین کومه‌یی ایله قیز، نهایت کی، اوتوردوغو یئردن قالخدی. سنتیرله‌یه- سنتیرله‌یه آیاق اوسته دوردو، بیر الی ایله آروادین چیینیندن توتوب تارازلیغینی دوزلتدی. سونرا باشینی سیلکه‌له‌دی، سانکی گوزونون قاباغینی توتموش دومانی قوووماق ایسته‌دی. - هه، ایندی یاخشییام،- یاواشدان دئدی. جاماعات داغیلیشماغا باشلادی. وامچی کوچه‌نی کئچیب اؤز کوهنه، سینیق- سالخاق ماشینی‌نین اوتاغینا گیردی. قیزا گوز قویا- قویا بیرآز لنگیدی، اونون کؤک آروادا تشککور ائدیب مترو دایاناجاغینا یؤنلدیینی، اوردا ایسه کرپیج دیوارا سؤیکه‌نیب قالدیغینی گؤردو. تئز ماشینی ایشه سالدی، سوروب قیزین یانیندا ساخلادی. - سیزی ائوه آپاریم؟ - زحمت اولماسا. اؤزومو یاخشی حیس ائتمیرم. وامچی قاپینی آچدی، قیز کئچیب اونون یانیندا اوتوردو. - من قیزمار گونون آلتیندا دایانمیشدیم،- دئدی،- نه ایسه حالیم خارابلاشدی، آمما اؤزومو دیوارا یئتیره بیلمه‌دیم. - بونون نتیجه‌سی همیشه بئله اولور،-کیشی دئدی. - گون آدامی غفیل وورور، آدام حیس ائله‌میر. سیز هاردا یاشاییرسینیز؟ - ولنگتون خیاوانیندا. - جانسون خیاوانی‌نین آرخاسیندا؟ - هه ولنگتون خیاوانینا چاتاندا وامچی تزه‌دن سوروشدو: - بس ایندی هارا؟ - قهوه‌ای حاصارلی ائوه. کیشی آلا قاپییا چاتیب ماشینی ساخلادی. - چوخ ساغ اولون،- قیز ماشیندان دوشدو.- سیز اولماسایدینیز هئچ بیلمیرم نئیلردیم... بئله بیر مصیبت منه لازیم ایدی می؟! هله او آداملار.‌‌ اونلار نئجه ده پیسدیلر، دهشت دیر. سیزسه خئییرخواه سینیز، مرحمتلی‌سینیز، اونلار کیمی دئییلسینیز. - فیکیر وئرمه‌یین، بوش شئی دیر. قیزین آلا قاپییا طرف نئجه گئتدیینه باخان وامچی ندنسه اوزونو بیر قدر ناراحات حیس ائتدی‌، قیز قاپییا چاتاندا دؤنوب اونا ال ائله‌دی. -قولاق آسین،- وامچی باشینی ماشینین پنجره‌سیندن چیخاریب قیزین آرخاسینجا قیشقیردی،- قولاق آسین آخی من ده اونلارین بیری‌یم، من ده او آداملارلا بیر یئرده ایدیم!... https://t.me/Adabiyyatsevanlar

-همیشه عینی حادیثه. چوخ گؤرموشم. اونون نه دئدییینه هئچ کس فیکیر وئرمه‌دی. یالنیز چارخلی اوغلان ماراقلا دؤنوب باخدی و کیشی‌نین سوزلرینی هاوادا قاپدی، بیلیینی، دوشونجه‌سینی آرتیرسین. بانکا جومان قیوریم‌ساچ اوغلان بیر استکان سو ایله قاییدیب گلدی و اونو عینک‌لی قادینا اوزاتدی. قادین استکانی آلیب، دری کوینکلی اوغلانا برکدن دئدی: دیکلت اونون باشینی! اوغلان تاپشیریغا یئنه چئویک شکیلده عمل ائله‌دی، سانکی یاخشی باشا دوشوردو کی بئله گرگین مقاملاردا لنگیمک اولماز. او، قیزین باشینی دیکلدیب، اوزونو جاماعاتا طرف چئویردی. بو جانسیز، بو دونوق صیفت، هر جور حیسیاتدان محروم اولان کدرلی اوز سانکی هامینی اتهام ائدیردی‌. عینک‌لی قادین استکانی قیزین دوداقلارینا یاخینلاشدیردی، آنجاق قیزین دیشلری بیربیرینه سیخیلدیغیندان، سو چنه‌سینه تؤکولدو. وامچی‌نین صیفتی عیبه‌جر شکیلده قاریشدی. - ایچمیر،- عینک‌لی قادین بونو دئییب اوزونو وامچی‌یا توتدو. قادینین تجربه‌سی بوندان آرتیغینی دئمه‌یه امکان وئرمیردی و او، چکه بیلمیه‌جه‌یی مسئولیتین آغیر یوکونو سانکی باخیشلاری ایله وامچی‌یا اؤتوروردو. وامچی کیشی بیردن-بیره اؤزونو تام کؤمکسیز وضعیتده، سانکی تله‌ده حیس ائله‌دی، بیلمه‌دی نئیله‌سین و آداملار اوندان هانسی قراری گؤزله‌ییر. - سیز اونون آلنینا سو وورون،- هاردانسا اوخودوغو، یا خود کیمدنسه ائشیتدییی مصلحتی اینانمازجاسینا دیله گتیردی. - همیشه عینی حادیثه،- قلیانلی کیشی‌نین سسی ائشیدیلدی.- چوخ گؤرموشم. پییلی قارنی‌نین اوستونده بازار زنبیلی توتموش کؤک بیر آرواد آداملارین ایچیندن چیخیب شستله ایره‌لی یئریدی، زنبیلی سکی‌یه قویوب، دؤیوشه یوللانان عسگر کیمی، ایناملی گؤرکمله قیزا طرف آددیملادی. - آدامین اوره‌یی گئدنده، اونون بیله‌یینی یاش پارچایا بوکمک لازیم دیر،- کؤک آرواد آریق قادینا ایراد بیلدیردی. سونرا جاماعاتا طرف دؤنوب، سانکی اؤز مداخله‌سی‌نین سببینی ایضاح ائتمه‌یه چالیشدی. - بئله‌لری ایله چوخ اللشمه‌لی اولموشام،- دئدی. بو ایش اوچون نئچه دفعه منی کؤمه‌یه چاغیریبلار. معلوم مسئله‌دیر. آروادین حرکتلرینده پئشه‌کارلیق، قطعیت و اینام وار ایدی. او، قایغیکئش‌جه قیزین اوزرینه اَییلیب، کورت تویوق کیمی، سانکی اونو قانادلارینین آلتینا آلمیشدی. - ایندی اؤزوم اونونلا مشغول اولوب بیر انجام چکه‌رم. بو سوزلردن دری کؤینکلی اوغلانین کئفی در حال دورولدو. سانکی چیینیندن داغ گؤتورولدو و ممنون تبسسومله دئدی: - بویورون، بویورون خانیم. البته بیز کیشی‌لردن فرقلی اولاراق، سیز قادینلار بئله ایشلردن داها یاخشی باش چیخاریرسینیز. بو سیزه عایید مسئله دیر. او دا اوزونو ییغیشانلارا توتدو، بئله حساب ائتدی کی تهلوکه سوووشاندان، قورخو کئچندن سونرا ماراقلی فرعیاتلاری بیلمه‌یه هامینین حاققی وار. - بو قیز، باخ، اوردا دایانمیشدی. نسه منه بیرآز غریبه گؤرسندی. هری‌یه دئدیم:" گؤر نه غریبه قیزدیر". ائله بو واخت ییخیلدی. هله بختی گتیردی کی باشی داشا دیمه‌دی. چارخلی اوغلان معلوماتی آشکار ماراقلا دینله‌دی. تزه ائشیتدییی خبر حادیثه‌یه ایشیق سالیر، اونا مهم جاذبه‌لر علاوه ائدیردی. اعلا فرصتدی، ائشیتدیک‌لرینه بیرآزدان یئنی بویالار قاتا- قاتا، بزه‌ییب- دوزه‌ییب باشقالارینا دانیشاجاقدی. مغرور اولا بیلردی کی دانیشان اوغلانلا مناسبتی وار، ، بو ایسه زارافات-فلان دئییلدی، چون کی او اساس شاهیددیر‌ اودور کی در حال تصدیقله‌دی: - عئینن اونون دئدییی کیمی دیر. من ایکینجی چاتدیم. کؤک آرواد استکانی آریق آرواددان آلیب، گؤودک، یوغون بارماقلارینی قابین ایچینه سوخدو، سویون رنگی چیرک‌دن بولاندی. - هه، قشنگ قیز، اؤزونه گل،- دئییب الی ایله قیزین الینی، بوغازینی ایسلاتدی. آروادین یاش هؤروکلری قیزین یاناقلارینا یاپیشمیشدی. - بیر اونون باشینی دیکلت، گؤروم. دری کؤینکلی اوغلان آشاغی اییلیب، الینی قیزین بوینونون آردینا وئردی. آرواد استکاندا قالان سویو قیزین اوزونه چیله‌دی. قیزین باشینی دیک ساخلاماغا چالیشان دری کؤینکلی اوغلان اوزونو دؤندریب آلتدان یوخاری وامچی‌یا باخدی. - هه، دوستوما دئدیم:" گور نه غریبه قیزدیر". سونرا قیزا یاخینلاشیب سوروشدوم: " سیزه نه ایسه اولوب؟" سوروشماغیما بند ایدی: تاپپلتیلا یئره ییخیلدی. بیردن آرواد سکی‌یه دوشموش قیرمیزی پول کیفینی گؤردو، یاش الی ایله اونو گوتوروب قیزین قوینونا دورتدو، الینی، صیفتینی قیزین اوزونه یاپیشدیریب برکدن دئدی: - پول کیفینی قوینونا سوخدوم کی هئچ کس گوتورمه‌سین. ناراحات اولما. - بوردا اوغرو یوخدور خانیم. - قلیان چکن کیشی جیددی گؤرکمله دئدی.

‌دونیا ادبیاتی گون اورتا اوستو کوچه‌ده ✍یازان: آلان مارشال(‌ استرالیا) چئویرن: ماهیر.ن. قارایئو کوچورن: سحرخیاوی حاضیرلایان:ادبیات سئونلر ویکتوریا اشتاتی‌نین نورات شهرینده دوغولان آلان مارشال( 1984-1902) آلتی یاشیندا اوشاق فلجی خسته‌لیگینه توتولوب، عؤمورلوک شکست قالیب. بدیعی یارادیجیلیغا اوتوزونجو ایللرده یازدیغی رومانلارلا باشلایان و ایکینجی دونیا محاریبه‌سی ایللرینده جبهه قزئتینده مخبر ایشله‌ین یازیچی‌یا شهرت گتیرن ان مشهور اثری اوچ کیتابدان عبارت اوتوبیوگرافیک تریلوژیا دیر: " "گؤلمه‌چه‌نین اوستوندن آتلانا بیلیرم"، " هر یئرده بیتن اوت"، و " منیم اوره‌ییمده". گون اورتا اوستو کوچه‌ده وام آلان کیشی پولو جیبینه قویوب صاندیقدارا دئدی: - نه قدر گلیب- گئتمک اولار لاپ بوغازا ییغیلمیشام. - دوز دئییرسن، - صاندیقدار دئدی. اونون بوتون فیکری- ذکری سایدیغی پوللاردا، بارماقلاری آراسیندا پاریلدایان سکه‌لرده ایدی. وامچی خداحافظ‌لشدی، باش کوچه‌یه آچیلان فیرلانما قاپینی ایته‌له‌ییب باییرا چیخاندا مترو قاطاری‌نین گورولتوسو ایچری دولدو. آیاغینی تزه‌جه چؤله قویموشدو کی، سکی‌یه ائنن داش پیلله‌نین اوستونده دونوب قالدی: پیلله‌نین اته‌یینده دری کؤینکلی بیر اوغلان، قوللاریندان اؤلو کیمی ساللانمیش قیزی یئره دوشوروردو، بؤیرونده‌کی قیوریم ساچ گنج ایسه اللرینی دیزلرینه دایاقلاییب، قاباغا اَییله‌رک گؤز قیرپمادان اونلارا باخیردی. قیزی قوجاغیندان یئره دوشورن اوغلان تارازلیغینی ساخلاماق اوچون آیاقلارینی گئن قویموشدو، اؤزو ده قیزین آغیرلیغی آلتیندا دوداقلارینی برک- برک سیخیب، نفسینی قیسمیشدی. اهمالجا پیلله‌یه اوتوراندان سونرا، چییین‌لریندن یاپیشدی کی، قیز یانا آشماسین.‌ قیزین باشی سینه‌سینه اَییلمیشدی، آشاغی ساللانمیش هئی‌سیز اللری‌نین بوکولو بارماقلاری داش پیلله‌یه توخونوردو، قیرمیزی پول کیفی ایسه سکی‌یه دوشموشدو. وامچی‌نی گؤرنده، دری کؤینکلی اوغلان، سانکی یونگوللشدی و چاره‌سیز باخیشلارینی اونا زیلله‌دی. آلتدان- یوخاری باخدیغیندان آلنی قیریشمیشدی، اوزونده اینجیک، عذابکئش بیر ایفاده وار ایدی. - بو قیز، باخ، اوردا دایانمیشدی، دوردوغو یئرده‌جه غفیل ییخیلدی، گوزومون قاباغیندا گوپپولتو ایله یئره سَریلدی! گوزونده عینک بیر آریق قادین یئیین آدیملارلا اورا یاخینلاشدی. الینده کی هؤرمه زنبیلی و کاغیذ باغلامانی سکی‌یه، قیزین آیاقلاری‌نین بؤیرونه قویدو. - بوراخما اونو،- دئدی،- باشینی دا دیک ساخلا. دری کؤینکلی اوغلان در حال قادینین دئدییینی ائله‌دی. او، اوره‌کدن چالیشیردی، اوزوندن آیدین گؤرونوردو کی، مسئولیت یوکونو کیمین‌له سه بؤلوشدویونه سئوینیر. - سو تاپ گتیر،- قیزین اوزونه اضطرابلا باخان قادین نوبتی تاپشیریغینی وئردی. - سو!- اوغلان قیوریم‌ساچ دوستونا باخیب چیغیردی. قیوریم‌ساچ اوغلان اینامسیزلیقلا اطرافا گؤز گزدیریب میزیلداندی: - سو؟ هه، البته سو پیس اولمازدی. - قاچ بانکدان گتیر،- وامچی کاریخمیش گنجه دئدی. قیزا کؤمک امکانی تاپدیغینا گؤره او دا سئوینیردی. قیوریم‌ساچ اوغلان در حال بانکا طرف یویوردو. قیزین ایسه باشی هله ده پیلله‌نین قیراغینا سؤیکنمیشدی. دری کؤینکلی اوغلان، اونو دیققتله سوزوردو. بو ظریف و سیسقا بدن سانکی اؤلومه محکوم ایدی. قیزین گوزلری یومولو ایدی. اوزونون قانی قاچمیشدی. گوجله نفس آلیردی‌ آیاقلاری پیلله‌دن آشاغی ساللانیب، هوندور دابان آیاق‌قابیلاری سکی‌یه دَییردی. قالین، قهوه‌ای ساپلا تاریم چکیلمیش جورابی‌نین ایلمه‌سی گؤرونوردو. عینک‌لی قادین دا قیزین اوزرینه اَییلیب، اونو عاجیز باخیشلارلا سوزوردو. اوز به اوز سکی‌ده خئیلی آدام ییغیشمیشدی. هامیسی دا گوزونو قیزا زیلله‌ییب دورموشدو. کیمیسی اَییلیب او بیری‌نین قولاغینا نَسه پیچیلداییر، کیمیسی ده جینقیرینی چیخارمادان، دینمزجه تاماشا ائدیردی. بانکین قارشیسینا ییغیشانلارین سایی گئتدیکجه آرتیردی. چارخلی بیر اوشاق دا جاماعاتین توپلاشدیغینی گؤرونجه دایاندی، یئره دوشمه‌دن بیر آیاغینی سکی‌یه دیره‌دی. او، ساققیز چئینه‌یه- چئینه‌یه قیزدان گؤز چکمیر، ماراغینی گیزلتمیردی. بس نئجه؟! اونون گونده‌لیک ایشی داریخدیریجی و ماراقسیز ایدی. بوردا ایسه جانلی حیات وار ایدی. داماغیندا قلیان اولان، گؤرکمیندن فیلوسوفا اوخشایان ایری جثّه‌لی بیر کیشی ده چارخلی اوغلانین یانیندا آیاق ساخلاییب، قیزین تاماشاسینا دوردو. کبریت دنه‌سینی آلیشدیریب تلسمه‌دن قلیانینا یاخینلاشدیردی و پارلاق آلووین اوزریندن یئنه قیزا باخماغا داوام ائله‌دی. سونرا قلیانی آغزیندان چیخاریب توستونو چؤله اوفوردو. قالین توستو بورمالاری باشینین اوزرینده اریییب داغیلدی. ایندی او، بئینینده چوخدان یئتیشمیش هانسی‌سا درین فیکرین تصدیقینی تاپمیش کیمی گؤرونوردو. باشینی معنالی طرزده اسدیریب جاماعاتا مراجعت‌له دئدی:

کریم چایچی ملیک کندی دار آغاجی" دوغوم گونو منه آلینان پای آلتون دار آغاجی ایدی اونو سایقییلا زنجیره ووروب بوینومدان آسدیم  سن ایسه اونا وورولوب اوندان آسلاندین و من او زامان اؤلومون اؤلومده یاشاییشین گؤردوم. 2 "لیلک" كئندلري سو منبرلرينن نيشانلاميشديم حاجي ليلكلر بيزدن قاباق ائو تيكميشديلر كند اوشاقلاريندا ليلك يووالارينان تانيارديم بو شهري خورطوملاردان زهر مارگئلندن كوسموشم كند آدلي بير يئردن ايلانلار سيزي سانجاجاقدير من اوموشام اوشاقليقيمدان ليلكلر كوسوب مندن هر كيمسه ده كوسمه لی دی شهر آدلی بير دوستاقدان https://t.me/Adabiyyatsevanlar

محرٌم پریزاد (سولدوزلو سورگون) آنالارا جان قوربان. آنا الیمدن یاپیشیب گل-گل دئیه-نده قوربانلیق اولایدیم دیلینه آنا گولوشمه درسینی گولومسویٓنده دوزه-یدیم گوللری تئلینه آنا آنا کلمه-سینی اؤیره-دن زامان محبت شفتینی دادیزدین منه آجیلی هجراندان سؤز آچدین دولدون اینجی دامجی-لادی گوزلرین یئنه سینه تندیرینده عشقین اودونو یانار ساخلامیشدین سون گونه قٓدٓر وئردیگین ایلقاری مقدس ساندین سنی بئزدیرمه-دی بو آغری، کدر گؤز تیکدین آرازا، گؤز تیکدین یولا اینجیدین. هجرانا، آریتدین جانی یاواش-دان اوخودون اراز نغمه-سین آلٓندی گؤز یاشین کیپریگین سانی من نییه اؤلمه-دیم، سن اؤلٓن ساحات بیلیردیم کسیلیر گؤروشمک یولو سانکی یوخلامیشدین شیرین یوخودا دولموشدو اوره-گیم، گؤزلریم دولو من ده باغیشلادیم عشقیمی سنه بوراخدیم بٓره-نی، اووومدان اولدوم هله-ده «سورگونم» سئوگی چؤلونده ایتیردیم سؤزومو، سووومدان اولدوم.

قابل توجه محصولین۱ محترم شعار سیزدن،جریلماق بیزدن. به جرات می تونم بگویم ،من تنها موجودی هستم که شعار فرزند آوری حضرات را باور کردم رفتم هفت قلو زائیدم ،بخدا تا حالا نه یک ریال وام دادند نه از آن سالی یک میلیون مسکنی که ساختند یه سر پناه به من وبچه هام دادند الان من مانده ام با هفت بچه کارتن خواب ،شعار سیزدن  جیریلماق بیزدن. 1محصولین=همان مسئولین https://t.me/Adabiyyatsevanlar

مهدی حمیدی شیرازی شنیدم که چون قوى زیبا بمیرد فریبنده زاد و فریبا بمیرد شب مرگ تنها نشیند به کنجى رود گوشه اى دور و تنها بمیرد در آن گوشه چندان غزل خواند آن شب که خود در میان غزل ها بمیرد گروهى بر آنند کاین مرغ شیدا کجا عاشقى کرد، آنجا بمیرد شب مرگ از بیم آنجا شتابد که از مرگ غافل شود تا بمیرد من این نکته گیرم که باور نکردم ندیدم که قویى به صحرا بمیرد چو روزى ز آغوش دریا برآمد شبی هم در آغوش دریا بمیرد تو دریاى من بودى آغوش وا کن که می خواهد این قوى زیبا بمیرد https://t.me/Adabiyyatsevanlar

یعقوب نیکزاد یارالی روحونو اوووتدوم دئیه، اونون گؤروشونه یئریدی گوزگو بویونا بیچیلن بئزیلمیش حالدان آجی‌آغری گؤروب، کیریدی گوزگو بوکدو گلیشینی مین گؤز داغینا گونشی ساخلادی آخشام چاغینا آپ- آیدین ایناندی داریخماغینا حئیرت‌له ایره‌لی یورودو گوزگو او چیرکین‌لیییندن اییرنمه‌دی هئچ تورشوموش آنینا سئوینمه‌دی هئچ اؤزگه‌نین دونوندا گؤرونمه‌دی هئچ لال اولوب قارشیدا قورودو گوزگو بو آدام سئوگییه جان آتمامیشدی گؤزل‌لیک پای‌ینی تانیتمامیشدی چیلخا اؤزلویونو یاریتمامیشدی، دریندن هئی اؤلوب، اریدی گوزگو آلدی‌ دوشونجه‌لر دای گؤزه گلمیر سویوق آهدان یاخا قورتارا بیلمیر بیر ده سینیقلیغی یاماماق اولمور قاریدی، قاریدی، قاریدی... گوزگو https://t.me/Adabiyyatsevanlar

مثل : ای میدماری میسمار الین الله کاربرد مثل: زمانی استفاده می شود که گره کور و مشکلی فقط به دست خداوند باز شود. قصه پژوه : فاطمه محمودی ویراستار فارسی:حسن محمدی ویراستار ترکی : حمید حسینی - مینا ابراهیم پور طراح جلد: سمیرا خانزادی زبان کتاب : ترکی با ترجمه فارسی انتشارات: نظامی گنجوی موسیقی :Uzundərə آهنگساز: شهریار صدیق کتاب مین بیرمثل، مین بیر حئکایه ، مجموعه ای کامل از مثل های ترکی، به همراه قصه های آن به صورت مینیمال در 10 جلد کار شده. و1001 داستان و مثل دارد. این مجموعه به صورت صوتی اجرا شده و در  کانال تلگرام  به اشتراک گذاشته می شود. در صورت تمایل می توانید با آسکن بارکد یا لینک وارد کانال شده و قصه های صوتی را گوش کنید https://t.me/Adabiyyatsevanlar

یانار_قاراداغلی داغی  گوروب  غیبطه  ائتمه  آدوستوم داغلاریندا  اوزو  بویدا  داغی   وار گونده  دوشور  نامرد  دونیا  بیر دونا هئی  دئیشن  قاراسی  وار  آغی  وار یاخشی  کئچیر  یاشادیغین  هر دمی صبر- دوزوم  گوزل  ائیلر  گورکمی هانسی یوخوش ائنیش  اولمور  سونداکی هر یوخوشدان  سونرا  اوزآشاغی وار بعضن  گوردوم گدا  چیخدی  تاختا  من بعضن  گوردوم  قیمت  تاپدی  ساختا  من آمما " یانار "  اینانیرام    واختا  من هر گئجه نین  گوندوز دوغان چاغی  وار...

سندن منه ایشیق کی یوخ ؛ آز جانیمی   یاخ  نه  اولار! یا یادا   سال اؤزوم گولسون یا  یادیمدان چیخ نه اولار؟ ! قیش ائیله مه یاز سئوگینی اوخو   اؤیرن یاز  سئوگینی قلبینده کی آز سئوگینی بیراز  ائیله  چوخ  نه اولار! بالدی سندن گلن آجی یئتر کی سئوگیمه آجی هئچ اولماسا  بیر قیغاجی دومانیما  باخ  نه اولار! عدالت دومان

علی طالبی قایاباشی منسیز یاغلی تیکه یئمه سنده سن آغرینی آجینی دئمه سنده سن یانیندا اوتانجاق یاشاییرام من نئجه داواملی سان آزا ،بیلمیرم من سنی شئعریمه یازا بیلمیرم شئعره قیز یازارلار گلین یازارلار گیزلندیم تاپماغا گلین ، یازار لار شئعره گوزل لرین خالین یازارلار ساختا کلمه لری دوزه بیلمیرم من سنی شئعریمه یازا بیلمیرم گاه دان‌‌ ایلان کیمی چالان دیر شئعیر قالمالی دیر شئعیر قالان دیر شئعیر بلکه ده باشا باش یالان دیر شئعیر دای دوزو أیری دن سئزه بیلمیرم من سنی شئعریمه یازا بیلمیرم قارشیدان خوش گلن صاباح کیمی سن دونیاما حوکم ائدن بیر شاه کیمی سن سن منیم‌ گوزومده آللاه کیمی سن داها بوندان اوجا یوزا بیلمیرم من سنی شعریمه یازا بیلمیرم بلکه ده آغیل دان آزمیشام آنا  بلکه ده من اوزگه بازمیشام‌ آنا  سنی اوره ییمه یازمیشام آنا سیلگی سیز یازینی پوزا بیلمیرم من سنی شئعریمه یازا بیلمیرم https://t.me/Adabiyyatsevanlar

قاسم نوربخش "چاغیریر هئی: چؤرک ... چؤرک ! " سئوگین بیتیبدی دویغو باغیمدا دیلک-دیلک عطیرین آچیب سینمده قیزیل‌گول چیچک-چیچک شعرین یاشیل-یاشیل خییالیمدا مئح أسدیریر یازلیق یاماجلاریمدا یاییلمیش اورک-اورک سن‌ آیدین آرخ‌، منده هاوان یارپیز اوینادیر بولبول نواسی کؤیسومه سالمیش توتک-توتک خئیرین-وارین گلیشمه‌سی سن‌، بارلی باغلارین -یاز فصلینی تومورجوغا دولموش أتک-أتک توتقون هاوامدا‌، پارلی زومار-سونبولون قیزیل برکت دوداقلارین سوزولور بال پتک-پتک زومرود گؤزینده کهریزه بنزیر باخیشلارین جانسیز گزیر بو جننتی کؤنلوم فدک-فدک سونسوز بیر آرزی سان‌، اوره‌گیمدن قوتارمازیم! کیم ایسته‌مز قیزیل‌گوله دولسون دیلک-دیلک؟ گول یاغدیر‌ آی ببک‌-باغین‌، الدوزلو کایینات سولموش عؤمور بوداقلاریم آچسین بَزک‌-بَزک من یالقیز‌، آجلیق ایل‌لرین اؤتموش: سوموک... دَری! یاغ-بال یاناقلارین چاغیریر هئی:چؤرک...چؤرک! ساحیرگؤزین (غزللی‌)ده باغ-باغ آچیب غزل «سالخیم سؤیود‌لرین ساچی اولموش ایپک-ایپک»* قاسم نوربخش (غزللی) آخیر مصراع رحمتلیک( حبیب ساهیر)دن دیر* https://t.me/Adabiyyatsevanlar

"رحیم گوزل" یوخو، کیپریکلریمدن سوزولورکن بال کیمی و گونشین شافاغینی اوتاغیمدا، یاتاغیمدا دویار - دویماز، ..‌‌. بوتون مَلَکلرین گوزلی اولان بیر ملک رویامی ایشیقلاندیردی! آنام: او، اوره یه یاتان سسی یله، یئنه، همیشه کی، سلیقه سی یله گلیب قییار - قییماز اویاتدی منی. ایچریمه هوپموشکن اونون جنّت قوخوسو؛ باخدیم کی، ساعاتیمین آغیر اولوب یوخوسو!.. 2 قالخ آیاغا! آنام دئمیشکن: - "پیس اولار، دار چاغیندا یاتماق"! ندنینی، خبر آلما اوزون ده؛ سیرر لر وار آنالارین سوزونده قوتسال آیه لر کیمی!.. 3 ساحیلده دوغولموش گوزل چیچک، دنیزین هاواسییلا قیدالانیر. و یانیر سانکی بیر مایاق. دالغالانیر دئیه سن بایراق. اوز- اوزل رنگی له بیر داها دوغما ساحیلی جیلوه لندیریر، سویا احتراملا باش اندیریر. گول آچیر سودا، بوراخیر دنیزده ماراقلی بیر ایز؛ گوللَنیر دنیز... دئمک، او چیچک، گوزللییینی دنیزدن آلیر؛ دنیزه سالیر... https://t.me/Adabiyyatsevanlar

آدی قالارقی شاعیر"ناصر مرقاتی" آذر آی نین 30دا(دکابرین 20) آلمانیادا ،برلین شهرینده توپراغا تاپیشیریلدی. تانینمیش شاعر ، یازیچی" ناصر مرقاتی" آلمانیادا، برلین شهرینده 1403ایلین آذر آیی نین 30دا عایله سی،دوستلاری و،سئونلرینین حضوریله توپراغا تاپیشیریلدی. ناصرین گوزل سیماسینی، شیرین گولوشلرین و یاددا قالان خاطره لرینی ، سون نفسی میزه قدر اونودمایاجاغیق .زنگین مدرن ادبیاتیمیزدا "ناصرین" درین احساسلی شعیرلری ، انسانی دویغولاری و آنا دیلینه یوردونا اولان سونسوز سئوگیسی ،ابدی یاشایاجاق . گرگین حیاتینین چتین سورَن اوزون ایللرینه ،سیخینتیلارینا و قوربَته کوُچمک مجبوریتینه قالان آغیر دوروملارا و اذّیتلره،باخمایاراق ، چاغداش شعریمیزده یاراتدیغی یئنی لیک لر ، سئویملی و یوکسک  دوشونجه لی فضالارین ایزی و تاثیری، بو گونده بو یولدا چالیشان و گله جک شاعرلر ایچون دیرلی بیر اوُرنَک و مکتب کیمی تانیلیب و  تانیلاجاق .                    یولو داواملی،ابدی خاطیره سینه عشق اولسون . https://t.me/Adabiyyatsevanlar

ناظم حكمت برگردان: احمدپوری آن‌ها دشمن اميدند، عشق من دشمن زلالی آب و درخت پر شكوفه. دشمن زندگی در تاب و تب. آن‌ها برچسب مرگ برخود دارند - دندان هايی پوسيده و گوشتی فاسد_ بزود میميرند و براي هميشه ميروند آری عشق من آزادی نغمه خوان در جامه نوروز بازو گشاده ميیآيد آزادی در اين كشور... https://t.me/Adabiyyatsevanlar