ادبیات سئونلر

خبر «مهم یعنی چی؟» سندلی فیلمین نوماییشی و «از کرانه‌های آراز» کیتابی‌نین تقدیمات مراسیمی «ایشیق» درگیسی‌نین صاحیبی، عکاس و رئژیسسور «روشن نوروزی»نین «مهم یعنی چی؟» آدلی سندلی فیلمی «خانه هنرمندان ایران»دا کئچیریلن ۲۱-جی «تصویر سال» فئستیوالیندا عمومی نوماییشه چیخاریلدی. ۲۶ دقیقه‌لیک بو سندلی فیلم، ۱۳۴۰-جی ایللرده قاراداغ کندلرینده معلم‌لیک ائده‌ن «حبیب فرشباف» طرفیندن چکیلمیش فوتولارین کشف اولونماسی و یاییلماسی پروسئسینه دایردیر. آذربایجان تورکجه‌سینده و فارسجا اتک‌یازی ایله نوماییشه قویولان «مهم یعنی چی؟» سندلی فیلمی‌ اسفند آیی‌نین ۲۳-جی گونو ساعات ۱۶:۰۰ و ۱۸:۰۰-ده ایکی سئانس‌دا نوماییش ائتدیریلدی و تاماشا‌چی‌لار طرفیندن بؤیوک ماراقلا قارشیلاندی. فیلم، حبیب فرشباف‌ین معلم‌لیک فعالیتی اوزه‌رینده جمع‌لنه‌رک، اونونلا باغلی تصویری سندلری تقدیم ائدیر. «مهم یعنی چی؟» فیلمی‌‌نین نوماییشی ایله برابر، روشن نوروزی طرفیندن توپلانیب، حاضیرلانا‌راق آلبوم شکلینده نشر اولان حبیب فرشباف‌ین «از کرانه‌های آراز» فوتو مجموعه‌سینین ده تقدیماتی کئچیریلدی. بو کیتابین تقدیمات مراسیمینده «تصویر سال» فئستیوالینین کاتیبی سیف‌اله صمدیان، فوتوقراف و آذربایجان کندلری‌نین معلمی حبیب فرشباف، ائله‌جه ده «مهم یعنی چی؟» سندلی فیلمی‌نین رئژیسسورو روشن نوروزی چیخیش ائتدیلر. بو تدبیردن بیر نئچه فوتوشکیلی اوخوجولاریمیزا تقدیم ائدیریک. اکران مستند «مهم یعنی چی؟» و رونمایی از کتاب «از کرانه‌های آراز» در جشنواره تصویر سال فیلم مستند «مهم یعنی چی؟» ساخته‌ی روشن نوروزی، عکاس و کارگردان و صاحب امتیاز مجله «ایشیق»، در بیست و یکمین جشنواره‌ی تصویر سال در خانه‌ی هنرمندان ایران به نمایش عمومی درآمد. این مستند ۲۶ دقیقه‌ای به روند کشف و انتشار عکس‌هایی می‌پردازد که در دهه‌ی ۱۳۴۰ توسط حبیب فرشباف، معلم روستاهای قره‌داغ، ثبت شده‌اند. فیلم «مهم یعنی چی؟» به زبان ترکی آذربایجانی و با زیرنویس فارسی، در روز ۲۳ اسفند در دو نوبت، ساعت ۱۶:۰۰ و ۱۸:۰۰ اکران شد و با استقبال گسترده‌ی تماشاگران روبه‌رو گردید. این مستند، با تمرکز بر فعالیت‌های معلمی حبیب فرشباف، اسناد تصویری مربوط به او را ارائه می‌دهد. هم‌زمان با نمایش این فیلم، مجموعه عکس‌های حبیب فرشباف با عنوان «از کرانه‌های آراز» که توسط روشن نوروزی گردآوری و به‌صورت آلبوم منتشر شده، رونمایی شد. در مراسم رونمایی از این کتاب، سیف‌الله صمدیان، دبیر جشنواره‌ی تصویر سال، حبیب فرشباف، عکاس و معلم روستاهای آذربایجان، و همچنین روشن نوروزی، کارگردان مستند «مهم یعنی چی؟» سخنرانی کردند. چندین عکس از این مراسم را تقدیم خوانندگان می‌کنیم: عکس‌ها از: لیلا ابراهیمی. قایناق ایشیق سایتی https://t.me/Adabiyyatsevanlar

شیرکو_بیکس تو یک روز نیستی تمامِ سالی. تو یک شب یا یک کتاب و یک قطره نیستی تو یک نقاشی یا تابلویی بر دیوار نیستی. اگر دقیقه‌ای نباشی ساعت‌ها از کار می‌افتند خانه‌ها برهوت می‌شوند کوچه‌ها اشک می‌ریزند پرندگان، سیَه پوش وُ شعرها هم نیست می‌شوند. . تو فقط باد و باران هشتمِ ماه مارس نیستی تو ای دل‌انگیزِ شب‌های تابستانی گیسوان شب‌های پاییزی تو ای سوز بوران عشق تو نباشی چه کسی باشد؟! زن، زن، زن، زن تو زندگی هستی.. https://t.me/Adabiyyatsevanlar

جعفرجبارلی بیر من ایدیم، بیر سن ایدین، بیرده یاماجلار...  . مئشه یولو، یارپاق دولو یاشیل آغاجلار، اونداكی ، آغ اؤزوموزلار تؤكولدو  ساچلار، اسدی یارپاق، جوشدو ایرماق، گوللر اویاندی، اورگیمده كامان كیمی تئللر اویاندی .   بیر بیز ایدیك، بیر دوز ایدی، بیرده آل بویا... داغ باشیندا اوچان قوشلار ائندیلر چایا. سن دئدین كی:  " بوتون دونیا قوی دؤنسون تویا ! " چالدی قاوال ، اوزاق كندده  ائللر اویاندی، اورگیمده كامان كیمی تئللر اویاندی .    

ائلدار موغانلی اؤزگورلوک هر سحر گوزگوده گؤروشوروک هئچ بیر کیمسه اولمادان، هئچ بیر کیمسه دویمادان. هر سحر گوزگوده گؤروشوروک؛ دیلله‌شیریک آرزولاریمیزدان پیچیلداشیریق سئوگیمیزدن؛ بعضا، دونه‌نین ناغیل‌لاریلا بئینیمیزی شیرینله‌‌دیریک، بال دادی وئریر عؤمور- گونوموزه آتیلان آلمالار؛ گوزگو ده شیرینله‌شیر شرینله‌شیر هر نه وار. هر سحر گوزگوده گؤروشوروک؛ خیسین- خیسین پیچیلتیلاریمیز یوللارا قووشان ایللریمیزه دؤنور، له‌لک- له‌لک آرزولاریمیز گؤیرچینلرین اوچوشونا بورونور. گؤزلریمیزده قوش اوره‌یی چیرپینیر باخیشلاریمیزدا سونو گؤرونمه‌ین بیر یولون یولچولوغو گؤیه‌ریر. هر سحر گوزگوده گؤروشوروک؛ بعضا، بیر بوجاغینا سیغینیب اوخویا بیلمه‌دیییمیز کیتابلارین، دینله‌یه بیلمه‌دیییمیز نغمه‌لرین حسرتینی اوره‌ییمیزده تامسینیریق. شیرینلییی دورولان نغمه‌لره قانادلانانماق ایسته‌ین کیتابلارا قیسقانیریق. هر سحر گوزگوده گؤروشوروک؛ نه گوزگو بیزدن اینجی‌ییر نه بیز گوزگودن یورولوروق؛ گوزگولشیریک، هیچ بیر کیمسه اولمادان؛ اؤزگورلشیریک، هیچ بیر کیمسه دویمادان! بهمن 1403 تهران

✍🏻:لیلی خیاوی اووسانایا دوشوب وئردیییم کؤنول دادانیب گؤزلرین منی گؤرمه یه اودلو باخیشلارین دَیَرلی اؤدول نه وار کی اونلاردان سئوگی دَرمه یه ائه... یامان چاشمیشام، سایاقلاییرام هانسی باخیشلاردان دانیشیرام من؟! سئوگینی گؤیلرده  واراقلاییرام موُرومتول خیالا یوووشورام من آخیرسان دوم_دورو،بو دفعه سولار قورخولو یوخونو،دانیشار سنه اووجوندا بولودون گؤز یاشی قالار ساپلاییب یاغیشا، چیلرسن منه یاغیشدا، اوزومو گؤیه توتارام بولود سنی سیخار یاناقلاریما گوللرین شئهینده گیریب یاتارام هوپار اؤپوشلرین،دوداقلاریما دولاییب بئلیمه گؤی قورشاغینی یویونموش گونش دن سنی دیله رم سئچیب دامجی لارین  یوموشاغینی سن سیزلیک دردیمی اونا سؤیله رم هئی اؤلچوب بیچیرم خولیالاریمی ووصالین دار گلیر،اولمور اَینیمه آلا_کال دریرم رؤیالاریمی سن سیزلیک گئرچه یی کئچمیر بئینیمه ایلمه سی سؤکولوب ناخیشلارینین دای سئوگی توخونمور ایپک سؤزوندن یوکو یونگوله شیب باخیشلارینین اولمایا گؤزلریم دوشوب گؤزوندن؟!

واحید سولطان اوغلو قار یاغیر سوروشمور هارادی قار یاغیر مسجد دامینا دا آچیق عاراق آلدیغیم ائوین سینیق دامینا دا عشق اولسون سنه تانریم ! کئفلی دوداقلاریم‌لا آیاقلارینی اؤپوم هر نه پایلاشیلاجاق سن بول . ساغلیق همان ساغلیق ... https://t.me/Adabiyyatsevanlar

اوشاق ادبیاتی داستان پیرزن و نوروز سسلندیرن:آیسل شیدری https://t.me/Adabiyyatsevanlar

اوشاق ادبیاتی اوشاق ادبیاتی‌نین 1403-جو ایلی‌نین سون وئریلیشی گؤزل بالالار، اوشاق ادبیاتی‌نی ایز‌له‌ین کانالداشلار، بایرام عرفه‌سینه داخل اولدوغوموز اوچون، هر ایل اولدوغو کیمی بو هفته‌دن 1404-جو ایلین فرودین آی‌نین 15ینه قدر، اوشاق ادبیاتی تعطیل اولور. اوشاق ادبیاتی‌نین زرّین صحیفه‌لرینی یارادان، یورولماز امک‌داشلاریمیزدان اورک‌ائویندن تشککور ائدیریک. عشق اولسون، اوغورلار اولسون سیزه. اوشاقلاری سئون نیک‌بین قلمنیزه مرجان مناف زاده منیژه جم نژاد ویدا حشمتی سحر خیاوی لیلا کهن فاطمه محمودی الهه رادمهر آیسل شیدری کوثر موسوی م. آبدین مجید تیموری‌فر علی ابرازی آغ گونئیلی احد فرهمندی شهرام گلکار... اوشاق ادبیاتی

اوشاق ادبیاتی اوخویور :یئدی یاشیندا "سئلین ششگلانی" آموزشگاه موسیقی ستاری نین اویرنجی سی امینیک گله جک سئلین بالامیزدان گوزل بیر خواننده یئتیره جک ، 1403,9,15 https://t.me/Adabiyyatsevanlar