ادبیات سئونلر

«گولناز موغان» (۱). یول آیریجیندا ایکی یول وار قارشیدا گئدیم‌می، قالیم‌می؟! گئتسم سنی قالسام اؤزومو ایتیره‌جه‌یم. کسیب یوللاریمی بئینیمده جوشان سورغولار… نه گئده بیلیرم نه قالا بیلیرم. (۲). دنیز اول منه! هاوا قیزغین دنیز ساکیت؛ قوش‌لار اوچور ماویلیکده. من، ایسلانارکن دویغولاریمدا فیرتینالی اوره‌ییم سسینی دویماق، اوزونو گؤرمک و الینی توتماق اوچون داریخیر. گل گلیشینله دنیز اول منه! قایناق:«ایشیق سایتی» https://t.me/Adabiyyatsevanlar

نادره ایشیق https://ishiq.net/?p=33750 ☀@ishiqnet

نادره ایشیق https://ishiq.net/?p=33750 ☀@ishiqnet

«ج_محمدنژاد» قاییتدی یوردونا کؤچن دورنالار ائل_ اوبا داغیلدی، سن گلمدین کی دالینجا سو آتدیم گله‌سن باری گۆنلریم ساییلدی، سن گلمدین کی دئمیشدین: "قاپینی، چالارام بیر گۆن قادانی_بالانی آلارام بیر گۆن وطنین تورپاغین، یالارام بیر گۆن " گؤزوم یولدا قالدی، سن گلمدین کی سنسیز یئتیم قالدی، آرزومون گؤزو یامان درین اولدو، یارامین ایزی دومانلار بۆرودو قوجا تبریزی سئوگی ساچین یولدو، سن گلمدین کی قارالتدی بو فلک، آل اته‌ییمی داغیتدی روزگار، بال پته‌ییمی اووودا بیلمه‌دیم گؤز ببه‌ییمی یاشین اؤزگه‌سیلدی، سن گلمدین کی https://t.me/Adabiyyatsevanlar

«صیاد_زیادپور» آزار_بئزارینی سویا آخیت دردینی دنیزه! آددیملارینی دا ساحیله سیریق ائت بارینسین گؤزلرین گؤردۆک‌لریندن بورا گؤزلیک آداسی‌دیر بورا کیشدیر هاواسینا آلیشا بیلسن ایشین ایشدیر. جئت قوربانی ،جمدک جعفری جیب‌لرینده دوْلاندیرارسان گلیرین، یاتیریمین یاتاغی‌دیر  بورا دوبای(دوبی) باجیلیغینین چیلپاق قیزلاری ، توتوب پولوندان سوبایلیغینین سولطانلیغیندا  سۆزدۆررر؛ بورا خالا وطن‌دیر لاپ اۆزۆ یوْلا وطن‌دیر باخمیر آدامین آغینا قاراسینا اسیرگه‌میر بۆرکۆلۆ قوجاغینی بورا کیش‌دیر کیش اؤلچۆده بیر بئهیشت‌دیر بوردا یاشاماغا دیر... بونلار دوْستومون سوْن سؤزلریدی ویدالاشاندا؛ دوْستوم یاخما خالاسینا گۆوَندی من دوْغما آناما دوْستوم کیشده قئیدییاتا دۆشدۆ من ایشده دوْستوم پول_پارایلا اوْیناییر ایندی من  آراز قیراغیندا اکین_تؤکۆنله باغیشلایین! یادیمدان چیخمامیش دوْستوما یۆز کیلو  دۆیۆ گؤندریم گلیم. https://t.me/Adabiyyatsevanlar

«یعقوب_نامی» نه یازیرسیز، یازین تلویزیونلاریزدا نه یاییرسیز، یایین رادیولاریزدا جولان وئرین منیم گؤزلریم اوشاقلارین گؤزلرینده‌‌کی اودلو قورخودان باشقا هئچ نه گؤرمور. چاره‌سیز آتالارین‌ قوجاغیندا بومبالاریزدان چیچکلنن اورک پارچالاریندان سوای باغری‌قان آنالارین جان‌یاخیجی قارقیشیندان باشقا ائشیتمیرم ایللردیر دنیانین، دوغودان باتی‌یا قولاقلارینی کار‌ائدیب راکت‌لریز گؤزلرینی کورلاییب شرفسیزجه‌سینه مئدیانیز یورغوندور قلمیم بوینو بوکوک قالیب ایشه‌‌یاراماز بارماقلاریمین آراسیندا منسیز سنسیز انسانسیز دنیادا اوزاقلارا تیکیب گؤزلرینی طبیعتین آغیر یوخوسوندان آییلماغینی گؤزله‌ییر. یورغونام، دونوب بئینیم قولاغیم کار گؤزوم کور آیاغیم‌ شیل. خسته‌خانایا گؤتورمه‌یین اوردا راکت‌لری چکیرلر اوشاقلارین اوستونه اوردا بومبالاری اوتوردورلار آنالارین باشی اوسته قویون راحات‌یاتاغیمدا، قورتاریم دنیانی. https://t.me/Adabiyyatsevanlar

میرهادی مظلومی سن کوچلی گوچه میزدن سن کوچلی کوچه میزدن کوچه میزده آغئر  درین بیر هارای وار هامی ده لی هامی وورغون هامی کوچور قاطار قاطار دورنا کیمی گوچمیزدن سیزه ساری هچ اولرمی ال ورغونو هامی ده لی هامی ورغون ها وا توتقون آشيق پوزقون بیر جه اوو چی گرایلی سئن چئرپئر آشئق یاغمور کیمی داش قایانئن قولاغئ نا هچ اولرمی ال ورغونو سن کوچلی کوچه میزدن بیزیم اوین پینارئ نئن کهنه پارلاق یاخا سئندا ایکی یارا ترسه اوره ک بیتمز اولوب هچ اولرمی ال ورغونو شعریم ده کی خئردا قئزئن بی بیلوزیک یانارئ ندا یانار الی قورویاجاغ بیر جوت نایلون سئرغاسی تک قولاغئن دا سنئن ادیئن هچ اولرمی ال ورغونو یاشایئر سان ساغ الیم ده قلمیم تک یازا جاغام ال دن اله ال دن اله  اورک لرده تل دن تله چئرپاجاغام مین اشیتمز قولاغئ نا بیر گجه یازشنلی گینده سنین آدیئن هچ اولرمی ال ورغونو!

گیلگمیش داستانلاری ادبیات سئونلر کانالیندا زمان: دوشنبه 1402/8/8 ساعات: 21 ناغیلی حاضیرلاییب سویله یین:«رضوان حاجی قاسیملی» جانای

اوشاق ادبیاتی کارتون https://t.me/Adabiyyatsevanlar

اوشاق ادبیاتی ال ایشلری اوشاقلارین اللرینین قابیلیتین آرتیرار https://t.me/Adabiyyatsevanlar

اوشاق ادبیاتی حاضیرلاییب سسلندیرن: فاطمه محمودی https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی حبیب فرشباف  «منيم‌ قيزيم‌»    واختيندا ياتار،  واختيندا دورار،  گونده‌ اوچ‌ دفعه‌ ديشلرين‌ يويار،  واختيندا يئيه‌ر  صبحانه‌ سيني‌،  واختيندا يازار اوخور در سيني‌.  مخصوص‌ يئري‌ وار  كتابـــلاريـنـين‌،  يئرينه‌ ييغار او هربير زادين.‌  قوناقدان‌ آلماز  تئز قولچا قلارين،‌  ياخشي‌ ساخلايار  اويونجاقلارين‌.  او آناسينا، كومك‌ده‌ ائده‌ر،  بونونچون‌ اونو هامي‌ چوخ‌ سئوه‌ر. https://t.me/Adabiyyatsevanlar

اوشاق ادبیاتی آنا دیلینیی اوشاقلاریمیزا اویرتمه یه بئله گوزل گرافیک لی، کیفیتلی... کلیپ لر لازیمدیر. https://t.me/Adabiyyatsevanlar

اوشاق ادبیاتی تلخون۴ یازار:«صمد بهرنگی» چئویرن:«منیژه جم‌نژاد» 🎈 آیناچی لارین ماجراسینا یئتیشیرکن،  قیزلارینین بیرینین آینا ایسته مه سینی آرزولییب، آه چکدی. بو آندا قاپی دؤیولدو. تلخون پنجره دن ائشییه آتیلدی. تاجر کیشی هؤله سک پنجره یه ساری قاچدی. انتظاری اولماماسینا رغمن، تلخونو بیر اوجا بوی اوغلان لا  قاپی آغزیندا دانیشیرکن گؤردو. تئز اؤزونو قاپیا یئتیردی. باجی لار پنجره دن گو٘دور، بیر بیرلرینین او٘ستونه آخینیب گو٘لوردولر. جوان دئدی: منی آه، تلخونو آپارماق اوچون گؤندریب. تاجر ایکی ندنه گؤره اولانلاری تلخوندان گیزلتمیشدی: بیری بو کی قیزین چوخ توتولماسیندان قورخوردو، ایکینجیسی توتاق کی او دئدی، تلخونون ائشیتمه یه حال حوصله سی یوخودو، اونون نه دن دانیشدیغینی سایمازدی. آما سانکی تلخون بونو اونجه دن بیلیرمیش کیمی، حالی دییشیلمدی. آتاسی دئدی: من بو ایشی گؤرنمرم، من قیزیمی وئرمیرم. جوان سویوق قانلی لیقلا دئدی: سنین الیندن چیخیب. بو ایش اولمالی دی، گئنه ده اونونلا آهین شرطینی یادینا سالدی. تاجر کیشی بیر آز یوموشاندی، ماهانا توتار کیمی دئدی: سنجه گو٘لملی دئییل آدام قیزینی تانیمادیغی، گؤرمه‌دییی آدامین الینه وئرسین؟ جوان دئدی: تلخونون تانیماسی یئتر. تاجر کیشی تلخونون او٘زونه باخدی. ایندیه جه اونو بئله خوش، سئوینجلی گؤرمه میشدی. تلخون راضیلیق لا باشینی اگدی. سونوندا آتا سی دا راضیلاشدی. جوان تلخونو آغ آتینا میندیریب آتینی هئی له دی. تلخون الینی جوان کیشینین بئلینه سالیب، باشینی اونون کو٘ره یینه دایادی، اؤزون ده برکدن اونا یاپیشدیردی. سانکی قورخوردو اونو الیندن قاپسینلار. آتین الینه دوو دو٘شموش کیمی چاپیب اوزاقلاشدی. آیلار، ایل لر سو دنیزلریندن، اود دنیزلریندن کئچدیلر، آیلار ایل لر  ییرتیجی یابان لارلا دولو دره لری آیاقلادیلار، آیلار ایللر تر تؤکدولر، بوز دونموش، اود توتموش داغلاردان قالخیب، دونموش، اود توتموش دره لر دن ائندیلر. آیلار، ایل لر قارا قارانلیق "اؤلدوررم، ییرتارام" سسی هر یانیندان گلن مئشه لردن کئچدیلر. آیلار ایل لر سوسوزلوق چکیب، آجلیق گؤٔردولر، آیلار ایل لر مین لرجه توزاق تله یله او٘زلشیب، ساغ سالم اؤتدولر. آیلار ایل لر، یئدی باشلی، قیرخ آیاقلی اژداها، اونلاری قووالاییب، نفسیندن اود پو٘سگوروب، آغزیندان گنداب سپیردی. سونوندا جوانین آتینین نالیندان قالخان قیغیلجیم لار اونلارین گؤزلرینی کور ائله ییب، یوللارینی ایتیردیلر. مین آغاج گون دوغانا، مین آغاج گو٘ن باتانا یول دؤیدولر.  مین بیر  قوپ قورو، گویلریندن اود یاغان اوت علف سیز چوللر دن سووشدولار. حال بوکی تلخونا گؤره بیر گؤز قیرپیمیندان آز گلدی. گؤزونو آچاندا اؤزونو بیر صفالی باغدا گؤردو، میوه آغاجلاری گؤم گوی، بوی آتیب، سیرالانمیش.  ایندی دئمک اولاردی تلخون یالنیز باخمیر، گو٘لوردو ده، سئوینردی ده، آدام هر نه ائلیه بیلردی اودا ائلیردی. آیلارجا خوشلوق لا، شنلیک له کئچیندیلر. بیر گون تلخون لا جوان باغدا دولانیردی. ال اله، او٘ره‌ک بیر. گؤیدن قوش اوچسا، ایکیسی بیر آندا گؤروردو. بیر آلما آغاجینا یئتیشدیلر. یئتیشمیش آلمالار یئره تؤکولموشدو. تلخون بیرینی گؤتورمه یه اییلدی، بوندان بئله کی جوان دا او آندا اییلمیشدی بیردن دئدی: یوخ، بونلاردان یئمه‌یک. گل او تاپ تازا آلمالاردان یئیک، من آغاجا چیخیرام. اوست پالتارلارین چیخاریب تلخونا وئردی، آغاجا چیخدی . اوسته کی تازا آلمالاردان درمه یه چیخدی. تلخون آشاغی دان باخیب اوغلانین اوجا بویوندان لذت آپاریردی. بالاجا بیر یئلک اوغلانین بئلینه یاپیشمیشدی. تلخون اونو گؤتورمه یه الینی اوزالتدی، بیر آنین ایچینده اولدو. بللی اولمادی نیه بو دفعه اوغلان تلخونون دویغوسونو دویمادی. اؤنجه دن بئله اولمامیشدی. تلخون یئله یین اوجوندان یاپیشیب چکدی، چکمک هامان جوان آغاجدان باشی آشاغی گلمک هامان. تلخون اؤنجه گیجلدی، بیلمه دی نه ائتسین، نه ائتمه سین. اییلیب جوانا باخیب گؤردو اؤلوب. ایکی اللی باشینا چالدی. یئله یی یئرینه یاپیشدیرماق ایسته دی، آما هر دفعه یئلک زویوب تورپاغین، اوتلارین اوستونه  دو٘شدو. تلخونو بتر سیخینتی بورودو. او٘رکدن  بیر آه چکدی. بیردن آه قاباغیندا تاپیلدی. آه دئدی: دا منیم الیمدن بیر ایش گلمز. گل سنی آپاریم کؤله بازاریندا ساتیم. اولا کی بیر چاره تاپاسان. ائله ده ائله دیلر. وارلی بیر کیشینین قارا گئییملی آناخدارچی سی اونو گؤروب، بیندی. تلخونو بیر داملا گؤز یاشینا، بیر دامجی قان باهاسینا او کیشینین آناسی اوچون آلدی. او کیشینین آناسی چوخدانیدی یاخجی بیر باخیجی آختاریردی. اؤز قوللوقچولارینین ایچینده بوایشه لاییق بیرینی تاپا بیلمیردی. آناخدارچی هر گو٘ن کؤله بازارینا گئدیب کیمسه نی تاپا بیلمیردی. سونوندا تلخونو گؤروب بینیب خانیمیسی دا اونو بینر  دو٘شوندو. آردی وار.. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar