ادبیات سئونلر

اوشاق ادبیاتی کارتون https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی حبیب فرشباف «مدرسه‌دن‌ گلنده‌»  قاييداركن‌ مدرسه‌دن‌  سالام‌ وئرديم‌ آتاما من‌؛  آتام‌ دئدي‌: قيزيم‌ گلدين‌؟  سؤيله‌ گؤروم‌ نه‌ اؤيرندين‌؟  دئديم‌: آتا بير قولاق‌ آس‌ ! فارسلار دئيير اوراغا، داس‌.  اؤيرنميشم‌ اَليف‌ بِ يي‌،  اوخويورام‌ من‌ هر شئيي‌،  بو بابادير، باخ‌ بودا آب‌  بوآت‌ بو ديش‌، بودا جوراب‌؛  اؤيرنميشم‌ بخش‌ ائتمه‌يي،‌  دئييرسن‌سه‌، دة‌ هر نه‌يي‌.  اللريم‌له‌ پارچالارام‌،  سسلريني‌ من‌ سايارام‌؛  سسلر ديَجَك‌ قولاغيما  گتيره‌رم‌ بارماغيما.  آتام‌ دئدي‌: «بو آلماني‌  بير پارچالا گوروم‌ هاني‌؟»  آلمالاري‌ گؤره‌ن‌ چاغي‌  گتيرديم‌ من‌ تئز پيچاغي،‌  بونو گؤرجك‌ آتام‌ گولدو ، ائله‌ گولدو، ائله‌ گولدو  گؤزلريندن‌ ياش‌ تؤكولدو؛  دئدي:‌ قيزيم‌ كلاسدا سن‌  ائله‌ بئله‌ بخش‌ ائديرسن‌؟!  اؤز يئريمده‌ دايانديم‌ من‌،  آتامدان‌ برك‌ اوتانديم‌ من‌. https://t.me/Adabiyyatsevanlar

اوشاق ادبیاتی دوکتور مرتصی مجدفر. بیر گون‌ گؤردو قاریشقا داغا اوخشار بیر فیلی. قورخوسوندان باغلاندی هم ‌دوداغی، هم دیلی! فیلین هؤندور اندامی سالدی اونو فیکیره. تئز – تئز یئدی هر نه‌یی فیل قددینه یئتیره. آرزی ائدردی هر گون بؤیوک، گوجلو فیل اولسون. آغاجلاری کؤکوندن خورطوم ایله، او یولسون. خورطومونو اویناتسین یئری – گؤیو سولاسین. حئیوانلارین پالتارین زیغا چکسین، بولاسین. آنجاق اونون ‌آناسی دئدی:« بالام ماحال‌دیر قاریشقادان‌ فیل چیخماز آرزی یوخ‌ بو، خیال‌دیر. چالیشماغین، اراده‌ن دونیانی مات ائدیب‌دیر کیتابلارا یازیلیب ائودن ائوه گئدیب‌دیر»

اوشاق ادبیاتی آی منیمله یاتمادی يازار: ائل اوجا آتالی كؤچورن: احد فرهمندی خالا حامامدا پالتار یو¬یوردو. او، دهلیزدن چیلپاق آیاق سسی ائشیدنده، سَسه قولاق وئرمکدن اؤتَری کرا¬نی¬ باغلادی. اونو باغلا¬دیغی آندان شاپپیلتی دا کسیلدی، لاکین آرخاسیندا حسّ ائتدیگی هنیرتی‌یه چئوریلیب، قاپییا دؤننده دیکسینن کیمی اولدو. --او گئتدی... – دئییب، آتانور یازیق-یازیق بورنونو چکدی. اونون یوخو گؤردویونو ظنّ ائد‌ن خالا سوروشدو: -کیم گئتدی؟ -آی منیمله یاتمادی، گئتدی... گؤزونو اوووشدور¬دوغو ساغ الینی اوزاغا توشلاییب، بونونلا دا آیین اوندان اوزاغا گئتدیگینه اشاره ائتدی. خالاسی تک یاتماغا عادت ائتمه‌میش آتانورو یئرینه سالاندا دئمیشدی: - من پالتارلاری یومالییام، یوخسا صاباح آیاغیمیزا گئیمگه جورابیمیز اولماز. -بیلیرم. اما من تکجه‌نه نئجه یاتیم؟ – قیز خالاسیندان سوروشموشدو. -تک دئییلسن، آی اوردان باخیر، سن گؤزلرینی یوم، او دا اوردا ائله‌جه سنله قالاجاق. پنجره‌ده دورموش آیی گؤستریب، بو یوللا تک اولمادیغینی اونا باشا سالمیشدی. ایندی ایسه: -گؤزومو آچدیم، گؤردوم قاچیب، - بورنونو چکه-چکه آیین شیکایتینی خالاسینا ائتدی. خالا گؤزلری یاشارمیش آتانورو قوجاغینا آلیب تزه¬دن یاتاغینا ساری آددیملادی. لاکین بو زامان قیز دارتینیب اونو پنجره‌یه دوغرو گئتمگه مجبور ائتدی. --باخ، یوخدو! آیین بایاق دوردوغو یئری گؤستردی. اونلار پنجره چرچیوه‌سی‌نین امکان وئردیگی قدر بویلانیب آی ایشیغی‌نین آرخاسینجا باخدیلار. خالاسی آیی چوخ اوزاقدا – بولودلارین آرخاسیندا تاپیب، اونا گؤستردی: - اودو ائی، اوردا دوروب. آیین آرخاسیندا گیزلندیگی ماوی-قارا بولودلار چوخ قالین ایدی. آی یاواش-یاواش سوروشوب اولدوغو یئردن قاباغا ایر‌لی¬لییر¬دی. اونا گؤره ده، قیزجیغاز آیین وارلیغینی بولود¬لاردان کنارا ساچیلان ایشیغیندان گوجله حس ائدیب یئنی‌دن خالاسینا سوال ائتدی: -نيیه بیزدن گئتدی؟ – اینجیک-اینجیک اونا باخیب، سانکی آیین حرکتلرینه جاواب‌دئهمیش کیمی اونا ایضاحات وئرمگینی طلب ائتدی. - گرک، او، گئدیب سحره قدر گونشین ائوینه چاتسین. هله قوشلار یوخودان اویانمامیش، او، گونشی اویاتمالی¬دیر. -نیيه؟ -او، گونشین ائوینه چاتاجاق، اونون پنجره‌سینی دؤیه‌جک کی، «من بوتون گئجه‌نی گؤیده دوروب یئر اوزونه ایشیق ساچدیم، یورولدوم. ایندی یوخوم گلیر، یاتمالییام. سن دور، آداملارا ایشیق وئر.» گونش ده یئریندن دوراجاق، صوبح شفقینده ال-اوزونو یویاجاق، سونرا لاپ یوخاری قالخیب یئره ایشیق گؤندره‌جک. او، یئری ایشیقلاندیراندا بیز یوخودان دوروب ائود‌ن چیخاجاغیق. اگر آی گونشی واختیندا یوخودان اویاتماسا، بیز بوتون گونو یاتاریق. -هه، اوندا قوی گئتسین. خالانین آیین قاچماسینا حاق قازاندیرماسی اونو راضی سالدی. لاکین طبیعتده‌کی یئردَییشمه‌لر پوزولمادیغی کیمی، او دا عادتینی پوزا بیلمه‌یجگینی ادعا ائتدی: - بس، من تکجه‌نه یاتاجاغام؟ --یوخ، آیینی آل یانینا، یات! خالا ال آتیب یاتاغی‌نین یاخینلیغینداکی اویونجاق قوتو¬سو¬نون ایچریسیندن بالاجا، یومشاق، قونور آیی بالاسینی اونون یانینا قویدو. بو بالا آیینی تاپیب آلماغی آتانور خالاسینا مصلحت گؤرموشدو. بیر دفعه اویونجاقلاری ایله اوینایارکن اونلاری ایکی-ایکی اوز-اوزه قویوب بیر-بیرلری ایله صحبت ائدیرلرمیش کیمی صحنه قورموشدو. بو زامان یالنیز آیییا تای تاپا بیلمه¬میشدی. اوندا خالاسی‌نین یانینا قاچیب: -آی خالا، آیی تکجه‌نه‌دی. داریخیر. -من نه ائدیم؟ – خالا علاج‌سیز-علاج‌سیز اونو سوزموشدو. -اونا بالا آل، تک قالماسین. آتانورون بو قراریندان بیر نئچه گون سونرا اونلار شهره گئدیب آنا آیییا بالا آلماقلا اونو تکلیکدن خلاص ائتمیشدیلر. خالا بیر آزدان یاخالادیغی پالتارلاری سریب، اوتاغی‌نین قاپی‌سینی آستاجا ایتَله‌دی کی، آتانور سسه آییلماسین. او، آیاغینی ایچری قویان کیمی: -خالا، گلدین؟ – دئییب، خالانین گلیشینه سئویندیگینی بوروزه وئردی. -اوی، آززز..، سن هله یاتمامی‌سان؟ نیيه یاتمیرسان؟ – خالا تعجبله اوندان سوروشدو. --آیی قاچیردی... --آتانور! – خالاسی آجیقلی حالدا سسینی بیر آز دا قالدیردی. --دوز دئییرم، آی خالا. دوشموشدو یئره، گؤتور¬دوم. یاتسایدیم، او دا گئده‌جکدی آناسی‌نین یانینا. خفیف آی ایشیغیندا، آلا-قارانلیق اوتاقدا، گوجله سئزیلن اویونجاق قوتوسونداکی بؤیوک آیینی الی ایله خالاسینا گؤستردی. آیی بالاسینی الیندن آلیب اوّلکی یئرینه قایتاران خالا، اونون یانینا اوزاندی. -او، صاباح گله‌جک؟ – یاواشدان سوروشدو. صحبتین کیمدن گئتدیگینی بیر آنلیق آنلامایان خالا اونا جاواب وئرمکده لنگیدی. -صاباح گله‌جک؟ – بارماغینی پنجره‌یه توشلادی. --هه! او، همیشه گله‌جک. -- قاچیر..، یاتیر..، قاچیر..، یاتیر... – کیمی‌سه اویاتماقدان احتیاط ائدیرمیش کیمی سسینی ایچینه سالیب آستاجا دئدی.

شعیر:اوستاد شهریار دیکلمه گرازنا موسوی 9 یاشیندا اردبیل شه یندن https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

بۇ مقامدا مۆلیف اؤزونو ساخلایا بیلمه‌ییب حادیثه‌یه مۆناسیبتینی بیلدیریر: قادؽن نسه ائتمک ایستَییرسه‌، هئچ بیر قۆوه بۇ ایسته‌یین قارشؽسینی آلا بیلمه‌ز. زاکیرین عملینه گلدیکده ایسه بئله دئییرلر: خَیانت کیشیلرین فیطرتینددیر. قادؽنی خَیانته سۆروکلَین سئوگیسیزلیکدیر، وسسالام. اوْنو زوْرلا سئومه‌دی‌یی اوْغلانا اره وئرمیشدیلر، بۇ دا نتیجه‌سی.    *** گئجه ساعات اوْن ایکینی گؤزله‌مه‌یه صبریم چاتمادؽ، ائودن چؽخیب کندین کۆچه لرینده وئییل-وئییل دوْلاشماغا باشلادؽم. چایچی یاشارین چای‌خاناسؽندا ضعیف ایشؽق کؤزریردی، کند جایؽللاری دوْمینو چؽرپیر، آرادا مۆباحیثه ائدیردیلر. هئچ منه اهمییت وئرن اوْلمادی، بیر کۆنجده اوْتوروب چای سیفاریش وئردیم. یاشارؽن خوْروزقویروغو چایؽندان ایچه-یچه تئلئویزیوْندا نۆماییش ائتدیریلن معناسؽز فیلمه باخماغا باشلادؽم. قۇمارباز توْفیق جان هؤولو اؤزونو ایچری تپنده هامؽنین دیقتی اوْنا یؤنلدی. توْفیق پؽرپیز قاشلارؽنی اوْینادا-اوینادا شالوارؽنین جیبین‌دن چؽخاردیغی یایلؽقلا اۆزونون ترینی سیلیب نفس دردی.  - آله‌، خبرۆووز وار؟ کؤینه حامامؽن یانؽندان میت تاپؽبلار.  چایچی یاشارؽن تعجۆبدن سیفتی اۇزاندی: - نه دانؽشیرسان؟ اوْردا نئچه گۆندور اۇستالار یئر قازؽردی، نسه اوْبیئکت تیکیرلر، دئیسن. - هه ده، تراکتوْر یئری قازاندا گؤروبلر کی، یئردن سۆر-سوموک چؽخیر. پوْلیسه خبر وئریبلر، پروْکورورلوقدان دا تؤکولوب گلیبلر. دامارؽمدا قانؽم دوْندو، چای بوْغازیمدا قالدؽ. چای‌خانادان نئجه چؽخدیغیم یادؽما گلمیر. اۇزاقدا پوْلیس ماشؽنلارینین سیرئناسؽنی گؤرنده آیاق ساخلادؽم. کؤهنه حامامؽن یاخؽنلیغینا هئچ که‌سی بۇراخمیردیلار. جاوان پوْلیس چاوۇشونا  یاخؽنلاشیب سوْروشدوم: - قارداش، بۇردا نه باش وئریب؟ اوْ دا لاقئید گؤرکمده منه اهمییت وئرمه‌دن دوْداقوجو دیللندی: - کیشی مئییدی تاپؽبلار.  ساعاتا باخدؽم، اوْن ایکییه بئش دقیقه قالؽردی. اوْرا-بورا وۇرنوخسام دا، تزه هئچ بیر معلۇمات آلا بیلمه‌دیم. هله‌ده اطرافا بوْیلانیب زاکیری آختارؽردیم. فیکیرلشیردیم کی، بلکه حادیثه‌دن خبری وار، منی ائله بۇنا گؤره بۇرا چاغؽریب. زاکیر گؤزه دَیمیردی. ساعات بیر اوْلدو، جماعت یاواش-یاواش داغؽلیشماغا باشلادؽ. یئیین آددؽملارلا ائوه تلسدیم.  گئجنی سحره قدر ده‌لی کیمی ائوین بۆتون کۆنج-بوجاغینی اله‌ک-ولک ائلدیم. زاکیرین مکتۇبو یاغلؽ اپپک اوْلوب گؤیه چکیلمیشدی... https://t.me/Adabiyyatsevanlar

زاکیرله اۇشاقلیقدان باشلایان دوْستلوغوموزون مۆختلیف آنلارؽنی، بیرگه یاشادؽغیمیز ماجرالارؽ بیر-بیر گؤزومون اؤنوندن کئچیردیم، بۇنلارین بعضیلرینی اثرلریمده یازمؽشام. آما یازؽلمایانلار داها چوْخدور و من نه‌یه‌سه گؤره اوْ احوالاتلارؽ هئچ جۆر یازا بیلمیرم. من آخؽ زاکیری اؤلموش بیلیردیم. فیکیرلشیردیم کی، هر شئیی چؽلپاقلیغی ایله یازسام، اوْنون رۇحونو ناراحات ائتمیش اوْلارام. سن دئمه، بۇ آوارا هارداسا اوْتوروب منیم یازدؽقلاریمی اوْخویور، منیم یازؽچی اوْلماغیما هئیف سیلنیرمیش. کؤهنه حامام بۇنون آغلؽنا هاردان گلیب؟ اوْردا چؽلپاق گؤردویو قؽز چوْخدان اره گئدیب، اوْغول-اوشاق یییه‌سیدیر. حامامؽن صاحیبی جامال کیشی ائله اوْ زامان زاکیرین قۇلاغینی بۇروب شاپالاغؽنین آلتؽنا سالمؽشدی. "بیر‌ده بۇردان آروادلارؽ گۆدسن، سنین شالوارؽنی چؽخاریب لۆت آنادان گلمه کنده گؤندرجم، ایت بالاسؽ!" - دئمیشدی.  ایشده‌ده فیکریم زاکیرین یانؽندا قالمؽشدی. مۆدیر آلتدان-آلتدان منی سۆزوب سوْروشدو: - سحردن دقت ائدیرم، یامان فیکیرلیسن. نسه بیر حادیثه باش وئرمه‌ییب کی؟ - یوْوخ، هر شئی قایداسؽندادیر، - دئدیم، - بیر آز باشؽم آغرؽییر.  ظن له خیلی اۆزومه باخؽب بیر سؤز دئمه‌دی. حیس ائلدیم کی، اینانمادؽ. قلیز بیر کیتابؽن رئداکته‌سینی تاپشؽرمیشدیلار، فیکریم داغؽنیق اوْلدوغوندان جۆمله‌لری تکرار-تکرار اوْخوسام دا، هئچ نه آنلامؽردیم. بۇ دا عصبلریمه توْخونوردو. بیر نئچه جهددن سوْنرا متنی یادداشتا وئریب کامپیوتئری سؤندوردوم. بئله وضعیت‌ده ایشله‌مک مۆمکون دئییلدی.    *** گئجه‌نین قارانلؽغی کؤهنه حامامؽ دا اۇدموشدو. دۆنیا بۆسبوتون سسسیزلییه بۆرونموشدو. بۇ سسسیزلیک قارانلؽقلا البیر اوْلوب زاکیره شرایط یارادؽردی کی، اوْ، بۇ ظۆلمتین دیبینده سریینی آغۇشونا چکیب کامؽنا چاتسؽن. بۇ، همین سرییه ایدی کی، زاکیر اوْنا گؤره ائله بۇ حامامؽن بؤیرونده یاخشؽجا دؤیولموشدو.  گئجه سریینین خَیانتینین اۆستونو اؤرت-باسدیر ائدیردی. سرییه بۇ قارانلؽق گئجه‌لرده سئومه‌دی‌یی ارینی سئودییی زاکیره دَییشیردی. گئجه‌نین‌ده ائله بیل قۇلاقلاری کار، گؤزلری کوْر اوْلموشدو. هئچ نه گؤرموردو، هئچ نه ائشیتمیردی.  - ائله آرزۇلاییردیم کی، سندن بیر اۇشاغیم اوْلسون، اؤزو‌ده قؽز ایستَییردیم. قادؽنین اۇچونان سسی زاکیرین بۆتون وارلؽغینی جۇشا گتیردی، دامارؽندا قانؽ قاینادؽ، سینسینه سؽخیلمیش دوْلو دؤشلری اوْووجلاییب آغزؽنا تپدی. هؽچقیریق، اینیلتی، زارؽلتی بۇ گئجه‌نین درینلی‌یینده باش وئرن گۆناهدان خبر وئریردی. زاکیرین اوْ آنلاردا ایشین سوْنراسینی فیکیرلشه‌سی آغلؽ قالمامؽشدی، اوْ، نفسینین اسیرینه چئوریلمیشدی. نفس اوْنا گۆناح حیسینی اۇنوتدورموشدو. بۇ وعده‌لر نفسین خؽرمانیندا دن اۆیودوردو. سریینین‌ده به‌دنی توْرپاق کیمی جانلانؽردی، دیرچلیردی. آرزۇلارینین بۇ قارانلؽقدا ایت-بات اوْلاجاغیندان قوْرخوب مؤحکم-موحکم زاکیره سارؽلمیشدی. ایچینده‌کی گۆجلو ایستک، طبیعی اینستینکتلر قوْرخو حیسینه غالیب گلمیشدی.  بۇ مقامدا مۆلیف اؤزونو ساخلایا بیلمه‌ییب حادیثه‌یه مۆناسیبتینی بیلدیریر: قادؽن نسه ائتمک ایستَییرسه‌، هئچ بیر قۆوه بۇ ایسته‌یین قارشؽسینی آلا بیلمه‌ز. زاکیرین عملینه گلدیکده ایسه بئله دئییرلر: خَیانت کیشیلرین فیطرتینددیر. قادؽنی خَیانته سۆروکلَین سئوگیسیزلیکدیر، وسسالام. اوْنو زوْرلا سئومه‌دی‌یی اوْغلانا اره وئرمیشدیلر، بۇ دا نتیجه‌سی. گئجه‌نین قارانلؽغی کؤهنه حامامؽ دا اۇدموشدو. دۆنیا بۆسبوتون سسسیزلییه بۆرونموشدو. بۇ سسسیزلیک قارانلؽقلا ال بیر اوْلوب زاکیره شرایط یارادؽردی کی، اوْ، بۇ ظۆلمتین دیبینده سریینی آغۇشونا چکیب کامؽنا چاتسؽن. بۇ، همین سریه ایدی کی، زاکیر اوْنا گؤره ائله بۇ حامامؽن بؤیرونده یاخشؽجا دؤیولموشدو.  گئجه سریینین خَیانتینین اۆستونو اؤرت-باسدیر ائدیردی. سرییه بۇ قارانلؽق گئجه‌لرده سئومه‌دی‌یی ارینی سئودییی زاکیره دَییشیردی. گئجه‌نین‌ده ائله بیل قۇلاقلاری کار، گؤزلری کوْر اوْلموشدو. هئچ نه گؤرموردو، هئچ نه ائشیتمیردی.  - ائله آرزۇلاییردیم کی، سندن بیر اۇشاغیم اوْلسون، اؤزو‌ده قؽز ایستَه ییردیم. قادؽنین اۇچونان سسی زاکیرین بۆتون وارلؽغینی جۇشا گتیردی، دامارؽندا قانی قاینادی، سینسینه سؽخیلمیش دوْلو دؤشلری اوْووجلاییب آغزؽنا تپدی. هؽچقیریق، اینیلتی، زارؽلتی بۇ گئجه‌نین درینلی‌یینده باش وئرن گۆناهدان خبر وئریردی. زاکیرین اوْ آنلاردا ایشین سوْنراسینی فیکیرلشه‌سی آغلؽ قالمامؽشدی، اوْ، نفسینین اسیرینه چئوریلمیشدی. نفس اوْنا گۆناح حیسینی اۇنوتدورموشدو. بۇ وعده‌لر نفسین خؽرمانیندا دن اۆیودوردو. سریینین‌ده به‌دنی توْرپاق کیمی جانلانؽردی، دیرچلیردی. آرزۇلارینین بۇ قارانلؽقدا ایت-بات اوْلاجاغیندان قوْرخوب مؤحکم-موحکم زاکیره سارؽلمیشدی. ایچینده‌کی گۆجلو ایستک، طبیعی ایستک لر قوْرخو حیسینه غالیب گلمیشدی. 

کؤهنه حامام  کنان حاجؽ نین حئکایه‌سی   من اوْنو اؤلموش بیلیردیم. اۇزون زامان ایدی کی، سسی-سوْراغی ائشیدیلمیردی، والدینلری‌ده الینی اۆزموشدو. دئییردیلر، ایتکین دۆشوب. آما بۇ گۆنلرده اوْندان مکتۇب آلدؽم. یازؽردی کی، "حئکایه‌لرینی اوْخویوب سندن اۆمیدیمی اۆزدوم. سن بؤیوک یازؽچی اوْلا بیلردین، آما آخؽردا جؽزماقاراچی اوْلدون. اوْنو دا یازؽردی کی، سنین حئکایه‌لرینین اولینی اوْخویان کیمی آخؽرینین نئجه قۇرتاراجاغی اوْ دقیقه بیلینیر".  سؤزون قؽساسی، منی یاش یۇیوب قۇرو سرمیشدی. دئییردی کی، طالع سنه گؤزل فۆرصتلر وئرمیشدی، یازؽ-پوزودا نه گؤردون کی، اؤزونو بۇ معناسؽز ایشه فدا ائلدین؟  دوْستومون بۇ سؤزلری ذره قدر ختریمه دَیمه‌دی. عکسینه، چوْخ سئویندیم کی، اوْ، ساغ-سلامتدؽر. بس بۇ ایللر عرضینده هارادا یاشامؽشدی، نییه والدینلریندن، دوْستلارین‌دان بیر خبر تۇتمامیشدی؟ ایلین-گۆنون بۇ واختؽ کیم-کیمه مکتۇب یازؽر؟ پوْست چویا ائحتیاج اوْلمایان بۇ دۆنیادا بۇ ظرفی کیم گتیریب منیم قاپؽمین آراسؽنا قوْیموشدو؟! ظرفین اۆزرینده عۆنوان یازؽلمامیشدی. ساده‌جه، آد یازؽلمیشدی: زاکیر.  جاوانلؽغیندا مین حوْققادان چؽخیردی، گؤرونور، کؤهنه خاصیتینی هئچ ترگیتمه‌ییب. بۇنا باخ، هله بیر منه اؤیود-نصیحت وئریر. تنقیدچی اوْلوب منیمچۆن. الیمه کئچسَیدی، اوْنا دیشیمین دیبین‌دن چؽخانی دئیردیم. آتا-آناسؽنین گؤزونو ایللردن بری یوْلدا قوْیان اوْغولا نه دئیسن؟ درد-قۆسسه یازؽقلارین بئلینی بۆکوب، واختسؽز-وعده‌سیز قوْجالیبلار. بۇ قوْچاغین دۆنیا-عالم وئجینه دئییل. گؤرسن، اوْنلارا بیر الجه مکتۇب یازؽب می؟  مکتوبون سوْنوندا یازمؽشدی کی، صاباح گئجه ساعات اوْن ایکیده سنی کؤهنه حامامؽن تینینده گؤزلَیجم. کؤهنه حامام دا کندین قۇرتاراجاغیندا، دمیریوْلو خطینین کئچدییی یئرده ایدی. اۇشاق واختؽ آتام منی بۇ حاماما آپاراردؽ، یادؽمدادیر، قاطار کئچه‌نده حامامدا آیاغیمیزؽن آلتؽندا یئر سیلکلنیردی، ائله ظن ائدردین کی، زلزله‌دیر. حامامؽن دایمی مۆشتریلری بۇ تیترشمه‌لره اؤیرنجه‌لی ایدیلر. بۇ حاماما هفته‌نین تک گۆنلری آروادلار، جۆت گۆنلری کیشیلر گلیردی. زاکیر هاردانسا بیر دئشیک تاپؽب آروادلارا، قؽزلارا باخؽردی. حتی اوْردا گؤردویو قؽزلاردان بیرینه مؤحکم وۇرولموشدو دا. اوْ دا یادؽما گلیر کی، قؽزا اوْنون آدؽندان شعر یازماق اۆچون منه ایلان دیلی چؽخاریب یالوارمؽشدی. ایندی بۇ آدام منیم یازدؽقلاریمی بَینمیردی. قؽزین ائولرینین هندورینده اوْ قدر هرلنمیشدی کی، ایدمانچؽ قارداشؽ تۇتوب اوْنو خۇرد-خشیل ائلمیشدی. اوْدو-بودو، بیر‌ده همین قؽزین آدؽنی دیلینه گتیرمه‌دی.  اوْ وعده‌لر دایؽملا بازاردا گۆل ساتؽردیق، یاخشؽجا قازانؽردیم. زاکیرین بوْرج آدؽیلا مندن آلدؽغی پۇلون سایؽنی-حئسابینی چوْخدان ایتیرمیشدیم. هئچ واخت قایتارمایاجاغؽنی بیلسم ده، همیشه جیبینه پۇل باسؽردیم. چۆنکی زاکیر دوْست اۆچون اؤلومه گئدن اوْغلان ایدی. دلدۇزلوغو، فؽریلداقچیلیغی اوْلسا دا، اۆره‌یی ته‌میز ایدی. جییرلی اوْغلان ایدی زاکیر. اوْنو هئچ نَیله سؽندیرماق، اله آلماق مۆمکون دئییلدی. اؤزوندن قات-قات گۆجلولر اوْنون جسارتی قارشؽسیندا سارسؽلیردیلار. جسارت اوْنون اۆستونلویو ایدی. قوْرخو حیسی بۇ آداما بۆسبوتون یاد ایدی. گئجه واختؽ قبیریستانلؽغین ایچین‌دن که‌سه یوْللا کنده گیرمه‌یی منه اوْ اؤیرتدی. بیر دفعه گئجه‌نین بیر عالمی هانسؽسا نامعلوم قبرین اۆستونده "دۆد" دئیینجه ایچیب آغلامؽشدیق. اوْ قبیر کیمین ایدی، بیز نییه آغلایؽردیق؟ بۇنو نه اوْ بیلیردی، نه‌ده من. قریبه ایدی کی، ایچندن سوْنرا اوْ، هئچ نه‌یی خاطؽرلامیردی. سحر گئجه کی احوالاتؽ اوْنا من دانؽشیردیم، تعجۆبله اۆزومه باخؽردی. ایچکی اوْنون یادداشتؽنی یۇیوب آپارؽردی. من ایسه ایچندن سوْنرا داها آیؽق اوْلوردوم. ائله بۇنا گؤره زاکیر منیم یانؽمدا آرخایؽنجا ایچیردی. بیلیردی کی، اوْنو آتؽب هئچ یئره گئده‌سی دئییلم.  بیر گۆن منسیز هانسؽسا قوْناقلیغا گئتدی و قایؽتمادی. دئییلنه گؤره، مؤحکم ایچیبمیش. سوْنونجو دفعه اوْنو همین مجلیسده گؤروبلر و زاکیر اوْ مجلیسدن نئجه چؽخیب، هارا گئدیب، بۇنلاری بیلن یوْخ ایدی.  ایندی‌ده بۇ مکتۇب... آی سنی، زاکیر! بیرجه بۇ اوْیون قالمؽشدی کی، باشیمیزا آچمایاسان.  فیکیر منی گؤتورموشدو. زاکیر گؤروش یئری کیمی نییه اوْ کؤهنه حامامؽن یانؽنی سئچمیشدی؟ بیر ده، نییه گئجه ساعات اوْن ایکیده‌؟ بلکه کیمینسه اوْنو گؤرجَیین‌دن ائحتیاط ائدیردی؟ آخؽ بۇ سفئح نییه قاچاقلار کیمی کنده گیزلیجه گلیر؟ بۇ معمادان هئچ جۆر باش آچا بیلمیردیم. بۆتون گئجه نی گؤزومه یۇخو گئتمه‌دی.

درس هایی از آنگلا مرکل صدر اغطم سابق آلمان. من کارمند ‌ملت هستم؛ مانکن که نیستم! 🔹بیست سال تمام طرز لباس پوشیدنش را عوض نکرد و لباس‌های برند معروف و گرانقیمت هرگز نپوشید. در یکی از کنفرانس‌های مطبوعاتی یک خبرنگار از او پرسید: خانم مرکل به چشم می خورد که شما لباس‌های متنوع نمی پوشید و آنها را به ندرت عوض می کنید؛ شما فقط یک دست لباس دارید؟ وی جواب داد من کارمند ‌و خدمتگزار ملت هستم؛ مانکن که نیستم

✍:زینب_تدین بوراخیبسان الیمی اؤزگه الین دوتما باری گؤیده، آغلیرحالیما، بئیله بوراخمازلا یاری آغلادیب گؤزلریمی قویمایولوندا نگران هاوایاغدیقجا قاتیر گؤزیاشیما «آه» ی-زارى دامجیلار گؤز یاشیمی ایسته دی گؤزدن یویالار داییم آغلار گؤزومو،«آخ»، نئجه دامجی آپاری بیر دوتولموش بولوطام گؤز چاناغندان یاغاراق اورگیم غمده یانیر، قانی گؤزومدن آخاری أوولیاندان منی زیندانه سالیب آغلادیسان نئیله ییم من، ییخا بیلمیر اوره ییم بوحصاری قالدی بیچاره «تدین»، گؤزو  یوللاردا، یئنه بنذر، او،اووچویا الدن قاچا جئیران شکاری ... https://t.me/Adabiyyatsevanlar

تبریزیم تبریزیم گوزل تبریزیم... https://t.me/Adabiyyatsevanlar

تبریزین گول اوغلونا....‌‌ خواننده:«خسرو مسروری» پیانو:«چنگیز صادق اف» شعر:«علیرضا نابدل» موسیقی: بهروز دولت آبادی«چای اوغلو» https://t.me/Adabiyyatsevanlar

گؤرکملی صنعتکار «علی کوهپایه» حیات‌لا وداعلاشدی ایشیق چوخ تاسفله، یاییلان خبرلر اساسیندا تانینمیش آذربایجانلی رسام و آکتیور اوستاد علی کوهپایه بوگون مرداد آیی‌نین بیرینجی گونو اوره‌ک اینفارکتی سببیندن یاشادیغی تبریز شهرینده حیاتلا ابدیلیک وداعلاشمیشدیر. اوستاد علی کوهپایه ۱۳۲۷نجی ایلده تبریز شهرینین دوه‌چی محله‌سینده آنادان اولموشدور. ابتدایی و اورتا مکتبی بیتیردیکدن سونرا تبریز اینجه صنعت مکتبینه داخل اولور و اوستاد عبدالله باقری‌نین… https://ishiq.net/?p=35331 ☀@ishiqnet

                       اؤلو "احمد رستم اوغلو " قبیره قویموشدولار، اوستونو اؤرتمک ایسته‌ییردیلر، بیر ایکی بئل تورپاق دا آتمیشدیلار، بیردن بیر کیشی اوجادان چیغیردی: -اؤلو ترپه‌نیر. کیشی‌لرین توکلری اورپشدی، قبرستانلیغین بؤیرونده اویناشان اوشاقلار دا قورخوشدو.  هامی باشینی قبیره ساری اوزالتدی:  - هه، دئیه‌سن ترپه‌نیر. - نییه دایانیبسیز؟ تئز چیخاردین! تلم‌تله‌سیک قبیردن چیخارتدیلار، تئز کفنین ییرتیب اوز گؤزون آچدیلار. گؤزلری قاماشیردی، بیر آز گؤزلرینین قاپاقلارینی دؤیندن سونرا دوروب اوتوردو،  هؤل هؤل اورا بورا باخیردی،  ائله‌بیل کیمی‌سه آختاریردی، بیردن بیر درین نفس آلاراق دیله گلدی: - یاخشی اولدو، اؤلدوم، جانیم دینجلدی! - اؤلمه‌ییبسن آرخایین اول! - گتیرین بونون اوزونه بیر آز سو چیله‌یین، اؤزونه گلسین. کیشی هورکک گؤزلرین یان یؤره‌یه دولاندیردی؛ "سیز کیمسیز؟ بورا جنت‌دی؟ ... یا ..." دئییب هؤنکورتویله آغلادی، "جهنمه دوشه‌جه‌ییمی بیلیردیم، اوره‌ییمه قویولموشدو." جاماعات سس‌سیز سس‌سیز دونوخوب قالدی. بیردن بیر کیشی قاققیلدایاراق گولدو، سونرا بیر کیشی هیچقیراراق آغلادی،   سونرا بیر باشقا کیشی ...  سونرا بیریسی ...  گولدولر ... آغلادیلار... گئندن باخان اوشاقلار کیریخیب قالمیشدیلار؛ جاماعات  آغلاشیر ؟... یوخسا  گولوشور؟... https://t.me/Adabiyyatsevanlar