ادبیات سئونلر

۸ مارس روز جهانی زن خجسته باد. سحر_خیاوی اونون طالعی "هانی او آخار- باخارلی، ذیروه‌سی قارلی، یاشیل اته‌یی چشمه‌لی-چایلی اولو داغلار؟" دریندن کؤکس اؤتوروب، گؤز قاماشدیران گونَشدن، -سُوروشدو جسور قارتال. چیمچه‌شیردی قوخوموش-لئهلی باتلاقلاردان ایرگَنیردی شوبهه‌لی باخیشلاردان داریخیردی قانادلارینی باغلایان قانداللاردان آلتون شهپرینی اَسدیریب، قاققاناق چکدی قارقالارین قورولتایینا، گولدو آیاق ایزیندن، اوزونده ایینه آتماغا یئر قالمایان، مین‌لر کره فتح اولونموش، تاپتالانمیش تپه‌جیک‌لره، قاققاناق چکدی آزاجیق موردارلارا سئوینن بؤر- بؤجک‌لره، شیره قوخوسونا اوچوشان کور میلچک‌لره. ایتی باخیشلاری، آیاق دَیمه‌میش قارلی- قیروولو ذیروه‌لره دیم-دیک باخدی، ذیروه‌نین دوز باشینی توشلادی، نئجه ده خوش خوشلادی! دئمیشدی او دَلی‌قانلی فیلوسوف: " سنین طالعین میلچک قووماق دئییل"* *نیچه: سرنوشت تو مگس تاراندن نیست. https://t.me/Adabiyyatsevanlar

مارتین ۸ قادین گونو قوتلو اولسون «ذکیه ذولفقاری» بایرام حامامی بایراما ایکی هفته قالاندان، آنام دوشموشدو ائو- ائشیین جانینا. ائوده اینه‌دن - چؤپه هرزادی یوویوب سرمیشدی . حیطده شریطلر پالتار، دام- دووار ایسه پار-پالاز گتیریمیشدی. بیر قاریش بئله بوش یئر یوخودو. بوگون سحر صبح اذانیندان قاباق سور اصرافیل شیپوروینان یوخدان آیلدیم، گوزلریمی اوغا-اوغا، آنام زورلا پالتارلاریمی سوخدو اینیمه. تئز-تئز دئییردی: - تئزاولون! جماعات گلمه میش گئده ک حاماما. تئز گیره ک چیخاخ. اون دیقه دن سونرا باجیملا هره میزین الینده بیر آغ گوللو بوخچا آنامین دالینجا شامین اسیرلری کیمی حاما گئدیردیک. آلاقارانلیق دا حاماما یئتیشدیک. بیزدن قاباق قوم اشقیا حامامی فتح ائلمیشدیلر. اینه سالماغا یئر یوخودو! هئچ بیلمیردیک هاردا سویوناق . آللاه خدیجه خالانین ایشین راست گتیرسین، نم هاردان تاپیلدی، بیزی آپاردی اوزکومودوندا سویوندوردو. روستم یوخودان دورمامیش، بیز ایکینجی خانی کئچدیک.! حامامدا گوز-گوزو گورموردو. هریاندان بوغ قالخیردی .جیغان- ویغان سسی ... بویازینین آردینی ادبیات سئونلرکانالیندا اوخویون. https://t.me/Adabiyyatsevanlar

زنانی که با گرگ ها می دوند کلاریسا پینکولا استس زنان اگر مجبور شوند، روی دیوارهای زندان آسمان آبی را نقاشی خواهند کرد. اگر پارچه های زخم بندی سوزانده شود، پارچه های بیشتری خواهند بافت. اگر خرمن ها نابود شوند، بذرهای بیش تری خواهند پاشید. آنجا که دری نیست، زنان در خواهند ساخت و آن را باز خواهند کرد و از آن عبور خواهند کرد و به راه های جدید و زندگی های جدید گام خواهند نهاد. https://t.me/Adabiyyatsevanlar

خبر ادبیات سئونلر عاییله‌سی‌نین تانیمنیش بالاسی «رضوان خانیم حاجی قاسیملی»نین سئویملی قیزی «آی‌سو خانیم اصلانیان»ین انگلیسجه‌دن ایکینجی ترجومه‌سینه «فرقلی چای» عنوانیندا میانا شهرینده دوواق گؤرتورمه کئچدی. ادبیات سئونلر بو اوغورو آی‌سو خانیما، سئویملی عاییله‌سینه، میانا شهری‌نین ادبی جمعیتینه صمیم قلبدن تبریک دئییر. آی سو خانیم 1386-جی ایلده، میانادا دونیایا گلیب، خانیم اصلانیان بوندان اؤنجه آیناز خانیم کیانی ایله بیرلیکده 1400-جو ایلده «سوپری‌سی»نی انگلیسجه‌دن فارسجایا ترجمه ائله‌میشدیلر. «فرقلی چای» اسفند آیی‌نین ایلک گونلرینده تبریزده انتشارات «حکیم نظامی» طرفیندن نشر اولوبدور. ادبیات سئونلر آی‌سو بالامیزی تبریک ائدرک اونا یئنی قلم نائلیتی آرزو ائدیر. ادبیات سئونلر 1403,12,16 https://t.me/Adabiyyatsevanlar

اوشاق ادبیاتی اوز دیلیمیزده https://t.me/Adabiyyatsevanlar

اوشاق ادبیاتی یاددا قالان یوخو یازان : علی صمدلی (« ژنرالین اوشاقلیغی » کتابیندان ) کؤچورن : علی آغ گونئیلی  ـــ ابرازی آی سئل همیشه گؤزونو یوموب یاتان کیمی ، گؤزه ل یوخو گؤروردو. سحردوراندا ایستردی گؤردویو یوخونو ننه سینه دانیشسین .آنجاق دانیشا بیلمیردی .هامیسی یادیندان چیخمیش اولوردو. بیرگون نه ننه سی وارایدی ائوده ، نه ده آتاسی . آی سئل آناسی ایله تک ایدی. آی سئل درسلرینی حاضرلاییب یاتاغا اوزاندی.  آناسی آی سئله دئدی :  ـــ  قیزیم صاباح پامبیق ییغیمینین ایلک گونودور.من سحر تئزدن گئتمه لی یم تویوقلارا دن سپمه یی اونوتما . کؤرپه جوجه لر اوچون اووما قاییریب قویموشام.اونلاریدا یئمله یرسن .  آی سئل  ــ  باش اوسته ، آنا ،  ــ دئدی . یاتاغینا اوزاندی . آی سئل نه واخت یوخویا گئتدییینی ، نه قدر یاتدیغینی بیلمدی. بیرده گؤردو کی ، شیرین یوخو گؤرمکده دی. اؤزوده بو گؤردویو یوخو اووللر گؤردویو یوخولارین هئچ بیرینه بنظمیردی . ائله بیل دونیانین بوتون گؤزه ل قوشلاری آخیشیب ، آی سئل گلین حیطینه گلمیشدی. اؤزوده بو قوشلار اونون جوجه لری کیمی آی سئلی تانییرواوندان یئمک ایسته ییردیلر. آی سئل دوشلویونو تویوقلارین دنی ایله دولدوروب بوقوشلارا سپیردی. نه قوشلار دویماق بیلیردی ، نه ده آی سئلین دؤشلویوندن  ، دن قورتارماق بیلیردی.  بوقوشلار نئجه ده یاراشیقلی ، نئجه ده گؤزه ل ایدیلر. سیغیرچینلار ، بیلدیرچین لر ،توراجلارین کؤرپه جوجه لری ده وارایدی. اونلار آز قالیردیلار قیزین اوستونه چیخسینلار.بؤیوک قوشلارین آج گؤزلویوندن بوکؤرپه جه بالالار، دن تاپیب یییه بیلمیردیلر. آی سئل اونلاری لاپ اته یینین آلتیندا یئمله ییردی. کؤرپه جه قوشلار تئزجه دویدولار، آنجاق اوزاغا گئتمه دیلر. آی سئلین دیزینه باش قویوب یاتدیلار. آی سئل آیاغا قالخماغا قورخوردو کی ، اونلاری یوخودان آییلدا بیلر. بیردن گؤی اوزو قارالدی، هاوادا نهنگ و بد هیبت بیر قوش گؤروندو.بو نهنگ بیر قوزغون ایدی. قوشلارین اوستونه شیغیدی . قوشلار پرن ، پرن اولدولار. اونون قانادلارینین کوله ییندن ، آی سئلین دیزلرینده یاتان کؤرپه قوشلاراویانیب قاچدیلار. آی سئلده برک قورخدو ، آنجاق اؤزونو ایتیرمه دی یئردن بیر آغاج گؤتورب قوزغونون دالینجا آتدی. آغاج اونا ده یین کیمی قوزغونون نهنگ قانادلاری چادیر کیمی یئره سریلدی. و ائله اوساعاتجا قوزغون یاواش یاواش اریییب یوخ اولدو . اوولکی ، قوشلار، یئنیدن اوچوب آی سئلین یانینا گلدیلر. اونلارین سسیندن آز قالیردی قولاق توتولسون . هر قوش اؤز دیلینده آی سئله  «چوخ ساغ اول » دئییردی.  آی سئل بو جیویلتی سسلرینه یوخودان اویاندی. گونش چوخدان چیخمیشدی. آی سئلین قولاغی ایسه جیویلتی سسی ایله دولوایدی.  او، بوسسلری بیرــ  بیریندن آییرا بیلمیردی. بیلمیردی کی ،بوسسلر یوخودا گؤردویوقوشلارین سسی دی ،یوخسا جوجه لرینین سسی دی.  قیز آیاغا قالخیب ائشیه چیخدی. جوجه لرین سسی حیطی باشینا گؤتورموشدو. آناش تویوق اونلاری ساکیت لشدیره بیلمیردی. آخی اونلار آج ایدی .آی سئل اوومانی گؤتوروب هینه طرف قاچدی. هینین قاپیسین  آچدی : ــ  جیپه  ــ  جیپه دئیرک جوجه لری سسلدی. جوجه لر آج گؤزلوکله اوومانی دنله میه باشلادیلار. تویوق ، بئچه لر ، کؤرپه جوجه لرده یئییب ــ  دویوب ساکیت اولدولار. آنجاق آی سئلین قولاغیندان یوخودا گؤردویو قوشلارین سسی گئتمیردی. او، بوگئجه گؤردویو یوخویا چوخ سئوینیردی. سئوینیردی کی ، یوخودا یاخشی ایش گؤروب .آج قوشلاری دویدوروب ، اونلارین قنیمی اولان قوزقونو محو ائدیب . او بیرده اونا گؤره سئوینیردی کی ، یوخوسو یادیندا قالیب ، اونوآناسینا  ، ننه سینه دانیشا بیلجک. ۱۹۸۷   https://t.me/Adabiyyatsevanlar

    اوشاق ادبیاتی شهرام_گلکار شاینا_حئکایه‌سیندن_کسیت ...کند مسجیدی‌نین سس-یوکسلدیجی‌سیندن چیخان آذان سسی هر یئری بوروموشدو.   ایلییا کوچه‌ده مسجیدین خئیلاق یئکه داروازاسی‌نین آغزیندا داغینیق بینانین سکی‌سی‌نین اوزرینده اوتوروب، ایستم‌سیز اؤن جبهه‌ده اولان آتاسینی دوشونوردو. او، اؤزو ده بیلمیردی آتاسینی دوشونمک ایسته‌ینده، نییه همیشه یانیندا بومبا پارتلاییر، سونرا دا اؤلدویونو دوشونوردو. سونرا ایلییانین کیچیک و گؤزل قارا گؤزلری یاشاریردی.  بو غریبه حیس اونو راحت قویموردو. ایلییانین آتاسی ایله دوستلوغو آتا-اوغلو باغیندان داها چوخ ایدی. ایلییا اؤزونه تانیش بو خیالدان چیخمامیشدی کی، هانسی‌سا بالاجا و نارین ال آرخادان اونون گؤزلرینی باغلادی؛ سونرا ایلگینج آمما تانیش بیر قیز سسی ایسته‌ییردی دئیه کی، تاپ گؤرک من کیمم!؟ آنجاق شبنمین اللرینی ایسلادان گؤز یاشلاری بونا مانع اولدو. تئز اللرینی چکیب، دئدی: اولمایا قورخورسان آنقوتلارا بیر شئی اولا! او اولای‌دان آرتیق ایکی هفته گئچیر، هر شئی ده اؤز قایداسیندادیر. ترس گئدن بیر شئی اولسایدی خبریمیز اولاردی. بیلیرم اوره‌یین یوخدور، آنجاق اؤزونو بو قدر اینجیتمه‌مه‌لی‌سن. شبنم بو سؤزلری دئییردی کی، بیردن مش رمضان اکه‌ره یئره گئدیرمیش کیمی هر زامانکی ایشیقلی اوزو ایله کوچه‌نین باشیندا گؤروندو. او هئچ واخت دستاماز آلماق اوچون کوچه‌نین ایچینده قوللارینی یوخاری چیرمالاماز‌دی. او آنجاق مسجیدین حیطینه گیر‌ندن سونرا، اؤزو ده  ال-اوز یوما اوتاغیندا ائدیردی. مش رمضان اوشاقلارین یانینا چاتار-چاتماز، ائلوین قاچاراق آرخاسینجا جلد یئتیشیب، هم اوشاقلارین هم ده هامینین سئویملی‌سی مش رمضانی اوجادان سلاملادی. اونلار ائلوینین یوکسک سسله سلامینا جاواب وئرمک ایستییردیلر، لاکین آنقوتلارین تلاش ایچینده بیرگه قاناد چیرپما سسی بونا مانع اولدو. هامی‌سینین باخیشی هئچ خوش گؤرونمه‌ین منظره‌یه دیکیلدی. شاینا و بولت دورمادان گؤیده یئر دییشدیریردیلر. اونلار خارابا ائوین دامیندان ائلئکتیریک دیره‌یی‌نین اوستونه و ائلئکتیریک دیره‌یی‌نین تپه‌سیندن ده کندین قاپی-باجا دیوارینا اوچوردولار. داواملی اولاراق بولتون باخیشی داغلارین آرخاسیندا ایدی، یازیق شاینا ایسه چیرپینیب دوروردو؛ قازا اوخشار سسی ایله اؤزونون ده باش آچمادیغی خوشا گلمز آنجاق تانیش بیر دورومو ایسته‌ییردی یولداشینا آنلاتسین. آنلاتسین کی، او دا بولت کیمی هر شئی‌دن خبرسیزدی. نه ائد‌ه‌سن کی، ائشیده‌جک قولاق چوخدان تیخانمیشدی... https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

    اوشاق اوبیاتی واقوندا...     یازان: آنتوان چخوف    (بیگ‌خان آسما، آتلانتیس یایین ائوی، ایزمیر، ۲۰۱۵)    چئویرن: مجید تیموری فر (م.صفا)    تئرَن واقونوندا سرنشینین یانیندا اوتوران کیشی، الیند‌کی سیقارئت قوطوسونو اونا دوغرو اوزاتدی و دئدی:   - سیقارئت چکیرسن؟    تشککور ائدیرم. سیقارئتینیزین مارکاسی نه‌دیر؟ کئیفییتلی برند دیر؟    - دوزون دئسم، من ده دقیق بیلمیرم؛ آمما دئییرلر کی،کئیفییتلی دیر و شرابدان سونرا یاخشی گئدیر.    - نه گؤزل سیقارئت قوطوسو!    - بلی گؤزلدیر! اوچ‌یوز روبل وئردیم. ایندی ده، سیقارئتدن سونرا شراب ایچمک پیس اولماز! ماراقلی‌دیر، هانسی شرابی ایچمه‌لییم؟ قیرمیزی، یوخسا آغ؟ طبیعی کی، هانسی کئیفییتلی‌دیرسه!    - باغیشلایین، سیزدن بیر شئی سوروشا بیله‌رم؟ سیز زنگین توپراق صاحیبی‌سینیز، یوخسا بانک صاحیبی‌سینیز؟    - هاااا... یوخ جانیم، نه بانک صاحیبی، نه ده توپراق صاحیبی‌یم، عزیزیم! من ایستانسییادا ساده‌جه گؤمروک ایشچیسی‌یم!                                           ***    کیشی:    - حیات‌یولداشیم چوخلو ژورنال و قزئت اوخویور. منه گلینجه، سحرلر گونده‌لیک خبرلری ائحتیوا ائدن عادی بیر قزئت اوخویورام. قیزلاریما دا، همیشه نه باش‌وئردیگینی اؤیرنمک اوچون قزئت و ژورنال اوخوماغی تؤوصییه ائدیرم، چونکو قالین کیتابلار اوخوماغی سئومیرم. اطرافدا قالین بیر کیتاب گؤرسم، اونو یالنیز، واراقلا‌ییب- کئچه‌رم. هرزامان گونده‌لیک تنقیدی اوسلوبدا قیسا یازیلار اوخویورام، هم ده کومیک طرزده یازیلانلارا اوستونلوک وئریرم.    قادین:    - تانریم! بو مؤوضوعدا ژورنال و قزئته‌لره آبونه اولورسونوز، یوخسا بؤیوک کیتابخانانیز وار؟    کیشی:    - هانسی کیتابخانا، هانسی آبونه چیلیک؟ من یالنیز کیتاب و ژورنال نوماینده‌لیگینده چالیشیرام!                                           ***    کیشی:    - من یاشاییشیمدا هئچ‌واخت خسیس اولمامیشام. اصلینده پولو سئومیرم، هئچ وجیمه‌ ده، یوخدور. پولون گتیردییی خئیری گئریده قالسین. من بو گونه قد‌ه‌ر پول –دان چوخ دردسر چکمیشم! آمما و لاکین یئنه ده دئییم کی، پولون دادی باشقادیر. بئله باخاندا گؤرورسونوز کی، پولون جاذیبه‌دار حیصّه‌لری ده واردیر، میثال اوچون؛ او سیزین اووجونوزا توخوندوقدا، دامارلارینیزداکی قانی قیزدیریر.    قادین:    - ماراق ائتدیم، سیز حکیم‌سینیز؟    - نه حکیم نه دوکتور نه دانیشیرسینیر خانیم، من بانکدا صاندیقدارام!                                           ***    قادین:    - اریم هر شنبه ناظیرلری زییارت ائدیر، اونا گؤره ده، ائوده تک قالمالییام. بیر شنبه گونو یوکسک سوییه‌لی آداملاردان بیرینین خیدمتچیسی ائویمیزه گلدی. حیات یولداشیمین هارادا اولدوغونو سوروشدو، او تله‌سیک منه یاخینلاشیب دئدی:    - نه اولورسا اولسون، درحال حیات یولداشینیزی تاپین و گتیرین. من ایسه دئدیم:    - هاردان تاپا بیله‌رم، او ایندی هانسی ناظیرین ائوینده‌دیر؟ چونکو بیرینی قویوب، دیگرینه کئچه‌جک.    قوللوقچو:    - خانیم، ارینیز حکومتده هانسی ناظیردیر؟    قادین:    - هانسی ناظیر آی جانیم، نه ناظیری؟ او اینسانلارین ساچین-ساققالین کسدیرن بیر بربردیر! https://t.me/Adabiyyatsevanlar

اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

موسیقی نشئه سی مین سئوگیلی جانانه ده یر اثر نالهٔ نی عارف ایچون جانه ده یر...