أسوِد | 𝙗𝙡𝙖𝙘𝙠

ومشيت معاك كل الخطاوي الممكنة ... غريبة فكرة إنك تستنزف كل طاقتك في حاجة واحدة وتكمل باقي حياتك وإنت فاضي. إنك تمشي في مكان بدايتو كانت مناسبة ليك بس فجأة في النص تتوه وتلقى إنو المكان دة أصلًا ما كان ليك، بس مشيت فيهو! عارف احساس الإكتفاء؟ احساس إنك فجأة هُنت وبقى ما عندك مكانة عند شخص عزيز عليك؟ احساس الفراغ وطلعة النفس اتجاه أي حاجة. احساس الخوف لمن ترجعك ذاكرتك لكم سنة ورا؟ احساس إنو علاقتك مع الشخص دة جاء عليها وقت وبقت ما عندها قيمة! لا هو قادر يديك مشاعر لا إنت قادر تعاتبو. هل هنا الواحد بحِس إنو ما كان كافي للطرف التاني؟ ولا بحِس إنو دة الحد الكان مفترض ينتهي فيهو أي شي؟ طيب فيها شنو لو كملنا؟ السؤال البراود أي زول كان راسم أحلام لعلاقة معينة، وفاجئو الواقع بعكس توقعاتو. بـس متـين بِـتمُر علينا؟ وتبقـى للـرُوح السـكينة وتنـسى إنـو الفُـرقة هـيّنة وإنـت وحـدك مـا بتـجافي بـس كـمان العُـمر بعـدك فـي ضيـاعك مـانو كـافـي ... الإنسان أحيانًا بِصيبو بُرود في المشاعر، بسبب حاجات كتيرة ما عندها تفسير واضح. بسبب استنزاف كان حاصل، وطرف أدى أكتر من الطرف التاني. اتخيل كيف حتكون النتيجة وقتها؟ - بُعد غير مبرر - مشاعر ميتة - اكتفاء - وعدم احتياج! .. وفجأة تلقى طرقاتكم اختلفت ويمكن ما تتلاقو تاني. في الوقت دة بالذات حترجع تسأل نفسك أسئلة كتيرة، لكن ما حتلقى إجابة مقنعة، لأنو ببساطة دة بعتمد على المشاعر ومشاعرك قررت بالنيابة عنك .. #مشتهى