ایمگه‌‌لَر️

‍ 💢💢💢 بیر طالعین اویونوندا جوتلنمیش زریک، یوز ایل قوشا آتیلساقدا قوشا دوشمه‌ریک، بیر ذرّه‌نین ایشیغینا میلیونلار شَریک، دونیا سنین، دونیا منیم، دونیا هئچ کیمین... چئوره‌سیندن چیخسا اگر سئودا فیرفیران، بیر اومیدین اتگیندن توتوب دا فیرلان، ائشیدیرسن؛ پیچیلداییر ییخیلان، دوران، دونیا سنین، دونیا منیم، دونیا هئچ کیمین... بو گئت-گَـللر بازاریندا دَوه‌ دی دونیا، بو عؤمور-گون آخیشینا هَوه دی دونیا ابدی‌یه قاه-قاه چکر ابدی دونیا، دونیا سنین، دونیا منیم، دونیا هئچ کیمین... آیاق ساخلا، دؤوره نه باخ اؤتری بئله مین ایللردیر آراز بئله، هَکری بئله، آخشاملارین، سحرلرین تَکری بئله، دونیا سنین، دونیا منیم، دونیا هئچ کیمین... گولونجلره گولونج گلن بو آدا گولدوم یویه‌نینه هر ال یئتن بو آتا گولدوم، من اؤزومله اوینادیغیم شاهماتا گولدوم، دونیا سنین، دونیا منیم، دونیا هئچ کیمین... ✍#ممد_آراز #ایمگه‌لر_کانالی ✔️✔️✔️ 👇👇👇 https://telegram.me/imgalar