دِل سِروهاى عزيزنادرى

شعر "لُرِسو" به مناسبت روز نکوداشت "خرم آباد" تقديم به همه هم استانی های عزیز.♥️ شاهِ مُلكيا زِمى لُرِسونَ كوه و بِركِش مرى گُلِسونَ ❁ چشمه یاش پُر دِ آو شيرينَن آسِمونِش وِ پاکییِ جونَ ❁ همه جاش با صفا وُ رَنگینَ مردُمونِش گُلَن خدا دونَ ❁ كوهِ گرینِ چی کیچه عطارُ پُر دِ عطر چوير وُ رِيحونَ ❁ وَختى دَسِ نسيمِ پُر شونِم زِلفِ بيدياشِ ميزنه شونَ ❁ كمره سى دِ دَس بادِ بهار جومه سوزِ قشنگی می سونَ ❁ گُلياش وا مُؤن دِ سيصد رنگ بُلبُلش عاشق وُ غزلخونَ ❁ گهرِش نِصم شويى چی عكاسى عكس ماه وُ ستاره ن مونَ ❁ پاچه کویا دِ خينِ گُل سُرخَن آسِمونِش ستاره بارونَ ❁ سر سراويا قشنگ وُ جوراجور تا بحايى فِت وُ فراوونَ ❁ سى نمونه يكيشو گرداوَ يكى شهوا یکی گلسونَ ❁ زَز وُ زارِم، امير وُ  چنگایی کیاو وُ گلهو وُ كيهمونَ ❁ لُرِس چی بِهشتِ دنیاءَ قلمم ناتَوون وُ بى زونَ ❁ مردِم لُر دِ اوج دستنگی سفره شُ پُر دِ نُو سى میهمونَ ❁ شاهدى سى تَمدن لُريا اَر رويى بينى غار كوگونَ ❁ لُرِسو اَر تفنگچیه ،فِرزَ هى وِ ىِ گُلَه دُشمِنِ مونَ ❁ بِرنويا لُر اگر بیان وِ صدا كوه وِ اى كوئينَم ميلرزونَ ❁ طُمِ مردى مِيَن پیایا لُر زَنِشو هَم چی شیرِ ميدونَ ❁ لُر چی بَردَ، چی آهِنَ، سِفتَ لُر گُتِ ىَ وِ زونَ آسونَ ❁ وَخت جَنگ عینِ بازِ پَر، وازَ وَختِ دوسى كموترِ بونَ ❁ جُز لُرِسو تَموم خاكِ زِمى وِ چَشِ لُر چی کُنج زِندونَ ❁ وَختى پی میزنى لَكم وا لُر چی بِرارِ تنى دِ ىِ لونَ ❁ لُر و لَك نارَ لك لُرِ،لُرِلك تفرقه هركه بونَ نايونَ ❁ دِ لُرسو گُتِم ولى هركس تا نيا بينَ واچَشش چونَ ❁ سى "عزيز" افتخاريَه كه لُرَ پا ای حَرفِش هميشه مى مونَ #عزیز_نادری @AzizNaderi

۲۰ اردیبهشت روز خرم آباد گرامی باد.🌼🍃 @AzizNaderi

تقدیم به تمامی دختران هم ایل وتبارم. بمناسبت روز "دختر"💓 مری فصل بهارَ دختر لُر ستاره ی بی سِتارَ دختر لُر ✾ رها دِقیدِ بی قیدیِ دُنیا نجیم وُ سر وِهارَ دخترِ لُر ✾ یَکونه یادگارِ ایلِ جنگه مِری شیرِ شکارَ دخترِلُر ✾ میگرده وا سَروُساوه قشنگی "عزیز"روزگارَ دخترِ لُر 🔺روزتو مارِک #عزیز_نادری @AzizNaderi

«ستین دل» خواننده: حسن شمس شاعــــر: استاد عزیز نادری آهنگساز و تنظیم کننده: ابوذر اسدالهی سلوی کمانچه: مهران ترک زبان ساخت ویدئو: وهاب شقایق ناظر ضبط: استاد علی دلفان آوای استدیو ماهور @AzizNaderi

«ستین دل» خواننده: حسن شمس شاعـــر:استاد عزیز نادری @AzizNaderi

«ستین دل» خواننده: حسن شمس آهنگساز و تنظیم کننده: ابوذر اسدالهی سلوی کمانچه: مهران ترک زبان ساخت ویدئو: وهاب شقایق ناظر ضبط: استاد علی دلفان آوای استدیو ماهور @AzizNaderi

ساخت ترانه «ستین دل » با همکاری استاد عزیز نادری و خواننده حسن شمس @AzizNaderi

مجادله "هیمه وُ تَش " عزیز نادری : 🔻 شوُیی دِ کَمِ تَش مِن وُ چَن نفر/نِشِسیم تا دم دمیاکِی سِحَر که ناله ی دِ هیمه ی وِ گوشِم رَسِس/دِ سوز جگر وا تَشِ بی خَوَر میگُت ای زِوونه کَشِ پُر حَفار/دِ تاوِت هَوار وُ دِ تاوِت هَوار نمینی پِرِ پیتِمِ بی خَوَر/بلیزی تو بُری دِ جونم قرار مِ هیمه تَرِم سُختِنِم نا حَقَ/ ای درس تَش آمُختِنِم ناحَقَ مِنِ وَنَ آیِم دِ چنگال تو/وِ ای شعله چَش دُختِنِم ناحَقَ تُرِ آهِ او هیمه تَر گم بیِم/دسِ خُم نِوی بی خَوَر گم بیِم دِ زونِش نوشت ای قلم دردِ دل/زِمونی که مِ یِ نظر گم بیِم نوشت وُ نوشت وُنوشت وُ نوشت/دِ سرما سِخوسوزِ هر شوُ نوشت دِ گرما عطش آرِ هر تاوِسو/قِلَم چی مریضی وَرِ توُ نوشت اگر هیمه وا تَش چِنو قی نکه/بَسوزه وُ بسازه ولی دی نکه بجز بیلِ سردی چی می مونه جاش/پَ بادی بِهیل عقده حالی بکه چَقِ پوقِ هیمآ وِ روزِ نَوَرد/نکو لادِراری تَش بادِ سرد گُپ پُر کَفِ هیمه تَر ها مُؤه/مَتَلیا دِ جوُر وُ دِ بیداد وُ درد اگر بغض ای آسِمو وا بُؤه/رِهِیلی بیا آو دِ تژگا بُؤه گِمونِم دیه ریشه دِ خاک سرد/چَشِ نیمه سُختَش هَنی وا بُؤه پَ ای هُموَطن دارِنِ تَر نُؤُر/رَزو پیرِ پُر بارِنِ تَر نُؤُر "عزیزَ" او هم چی تو جونِش رِفیق/ای سایه حُنِک دارِنِ تَر نُؤُر ✦کَم:کنار ✦بِلیزی:شعله وری ✦بیل:خاکستر ✦لادِراری:طرفداری کردن ✦رِهِیل:باران تند ✦تژگا:اجاق ✦نُؤُر:نَبر،امر به نبریدن ✦رَزو:درخت بلوط    @AzizNaderi

مجادله "هیمه وُ تَش " به قلم استاد عزیز نادری سیزدتون مبارک🌱🌳 @AzizNaderi

🌏خانم ها و آقایان به لرستان خوش آمدید لرستان سرزمین آبشار های بلند دره های عمیق و شگفت انگیز رودخانه های خروشان و کوه های سر به فلک کشیده... @AzizNaderi

با تشکر از #هرنگ_دل

با نشکر از #هرنگ_دل

بهارتو مارک 🔻نَشينَ توزِ دِلتنگی وِ شونِت 🔻وِ اى گرمی بَمونَ آشيونِت 🔻خُدا كارى بَكَ وا شادى وُ ذوق 🔻بَگَردَ چَرخِ رزقِ حونِمونِت 🔻خوشالی پا بنیَه وِ مالگه ت ای دوس 🔻نیا غم دور وُ گِردِ حونمونِت 🔻وِ مارک با ای عیدت عزیزم 🔻پُر آساره با هفت آسِمونت #عزیز_نادری 🔗 | عیدتو مارِک با #هرنگ_دل ✅ @herange_del ࿐჻ᭂ⸙❤️ ❤️⸙჻ᭂ࿐

بهارتو مارک 🔻نَشينَ توزِ دِلتنگی وِ شونِت 🔻وِ اى گرمی بَمونَ آشيونِت 🔻خُدا كارى بَكَ وا شادى وُ ذوق 🔻بَگَردَ چَرخِ رزقِ حونِمونِت 🔻خوشالی پا بنیَه وِ مالگه ت ای دوس 🔻نیا غم دور وُ گِردِ حونمونِت 🔻وِ مارک با ای عیدت عزیزم 🔻پُر آساره با هفت آسِمونت #عزیز_نادری 🔗 | عیدتو مارِک با #هرنگ_دل ✅ @herange_del ࿐჻ᭂ⸙❤️ ❤️⸙჻ᭂ࿐

چارشمه سیری‌ مارک با شُؤَ کِشماتِ کِشماتَ وفا کو دِ حُونَه سَردِ دِل تَشی وِ پا کو ❀ بِلیزِش کو مِثِ چارشَمَه سیری وِ ای فَن چارَ هر درد وُ بِلا کو @AzizNaderi ༻‌♥️༺‌‌‌

ستین دلم دوس نازارکم خواننده: حسن شمس الدینی شعر: عزیزنادری

‏فیلم از طرف aziznadri13374001